ادبیات سئونلر

دوکتور« زومورود یاغمور» ادبیات سئونلر گوزگوسونده ایکینجی بولؤم زمان: سه شنبه1402/10/19 ساعات: 10 آپاریجی:«کریم قربانزاده» https://t.me/Adabiyyatsevanlar

تبریک لر اوغورلار ائششه گیم تاپیلدی «نادر پاشایی» نین دیرلری حئکایه توپلوسو ایشیق اوزو گوردو. یازار:« نادر پاشایی» پاشا ناشر: اختر نشریاتی ویراستار: احد فرهمندی طراح:

نادر پاشا آل آروادی آیدین ایله علی قولو "دومان بوغان" کندینین، "جین دره سینی" ائنیب، "لیل بولاغدا" اییلیب،  اوووجلارین دولدوروب، نئچه قورتوم سو ایچیب، یولا دوشدولر. دره نی غریبه بیر سس​سیزلیک بوروموشدو. علیقولو چوماغینی الینده برک-برک توتوب، اویان- بویانا، باخا-باخا، بسم​ا...؛بسم​ا... دئییردی. آیدین علیقولونون قورخوسونو دویاراق اونو دومسوکله​ییب دئدی: - قولو نه بئینیمیزی قازیسان! بسم​ا...؛ بسم​ا...؛ بسم​ا.... رحمتلیگین نوه سی جین هاردایدی سنین بسم​ا...لاریوی ائشیدیب قاچا؛ هله لاپ جین تاپیلسا دا، ووررام شیتیله دؤنر. - هه وورارسان. تئز وورارسان. جین میه آداما ماجال وئرر. - ایندیه جن کندیمیزده جین کیمی ووروب علیقولو؟ - میرآغانی! به گورموسن آغزی اَیریـدی؛ همَشه ده آغزینین سویو آخیر. - اوغلان دئییللر آخی اونو ائله ننه​سی آغزی ایری دوغوب! - اوندا دا ننه​سینه آل-آروادی توخونوب. - آلا! جینین چالاسیننان چیخمامیش دوشدوک آل-آروادینین قویوسونا. - آیدین! رحمتلیک دده​م دئیردی کی، اونون آتاسی جینلراینن گئت-گَل ائلرمیش. بی دفعه ده اونا بی تَلیس خیردا پول گَتیریللر؛ جینلر چیخیب گئدننن سورا دا، او پوللارین هامیسی ساخسییا دؤنور. -هه! هه! ... تومانچاق دَلی غافاری دئییسن، من ده ائشیتمیشم. -نه دلیسی، کتدیلر پاخیللیقدان ائله دئیرمیشلر؛ هله بی​گون رحمتلیک، سحرین آلاتورانلیغیندا، سو سووارماقدان قئییدنده، گؤرور اوچ متیر اوجالیقدا، زیرپی بیرآل-آروادی کورَیی  حیط قاپیسینا ساری، دوشلرین کؤرگینه آتیب،کیچیک دربچه​دن ائوین ایچَریسینه باخیر. یاواشدان آل-آروادینا یاخینلاشیب، تئز سانجاغی جیبیندن آچیب اونون کؤینگینه تاخیر. او آرواد بئش ایل مفته سینه غافار بابام گیلین ائولرینده، ایشله​میشدی. آل-آروادینا گرک هر سؤزو ترسینه دئیـَیمیشسن. "گئت بولاقدان بیزه ایکی قاب سو گَتیرمه" دئسَیدین، دولچالاری گؤتوروب گئدیب سیزه سو گتیره​جَیدی؛ یا دئسَیدین "گئت بیزه اون کیلو بال گَتیرمه،" تئز بویوروغووا باخاجایدی. دئییللر بی دفعه باباما یاریم باتمان قیزیل گَتیرمیش​ایمیش!. سورا غافارین کوراولموش قیز نوه سی روبابا، بیرآز ساققیز وئریر،دئییر"ایه بو سانجاغی منیم کؤینَیـیمدن آچسان سنه چوخلو ایده وئره​رم." باشی داشلی روباب دا آللانیب سانجاغی آچاندا آل آروادی بیر ایستکان سو اولور گیریر یئرین آلتینا! - علیقولو به بابان او قیزیللاری نینه​میشدی. پوهروز دایی دئییردی، "غافار اؤلنده اوغالانلاری اونون کفن پولونو دا بورج ائله​دیلر." - پؤهروز غافاری هاردا گؤرموشدو؟ پؤهروز گئتسین تومانچاق اوشاخلارینین عارین چکسین.گئدیب زیبیللیکدن قارپیز قابیغی ییغیب گَمیرمَکلرینین عارین چکسین. به او قازانی نه دئییسن؛ نَنَه​م تندیرین آغزینا قویدوغو او ارسینی مَیه گؤرمویوبسن. اولارین هامیسین ائله او آل-آروادی گتیرمیشدی دا. - اوغلان گئت عاغلیوا دعا یازدیر. نئجه کی آل-آروادی سیزه قازان گَـتیریب، ارسین گَـتیریب! بیر کیچیک سانجاغینان ال-قولو باغلانان آل-آروادی نه تَهَر او یئکه​لیکده دمیری سنین باباوا گتیریب؟ مَیه ائشیتمه​میسن آل- آروادی دمیره یاخینناشا بیلمز؟ به نییه زاهی آروادلارین باشلارینین اوسته ارسین یا بیر آیری دمیر پارچاسی قویاللار؟ - دا نه بیلیم! سَرییه ننه​م ائله دئیَردی...                                                                                                                                                          1391 تبریز https://t.me/Adabiyyatsevanlar

گیلگمیش داستان‌لاری ادبیات سئونلر کانالیندا 11اینجی بؤلوم زمان:  1402/10/18 ساعات: 21 ناغیلی حاضیرلاییب سویله‌ین: «ریضوان حاجی قاسیملی» جانای طراح:« تانیش» https://t.me/Adabiyyatsevanlar

چنگیز مهدی پور: دالغا قوروپو