ادبیات سئونلر

اوشاق ادبیاتی زیرک بامبولی سئرچه اوچونجو بولوم یازان:صمد بهرنگی مترجم :منیژه جم نژاد بامبولی بَـی باغیـردی: نـه؟ مـن یـالان دئییـرم؛ مـن؟ کیـم قـوردو تاپـدی، دئ گؤروم؟ من یالان دئییرم، هن؟ او تپل- مپـل قـوردو چاییـن قیراغینـدا  تورپاغین آلتیندان دیمدیییملـه چیخاردیـم. راحـات ایـش اولدوغونـو سـانما.  سـونوندا تاپیـب، یووامـا آپاریردیـم. منیم آرواد اوشـاغیم وار! یئمکلرین یئتیرمه لییَـم. چــایدان کئچمــک  ایستـه دیم. هوشـلو- باشــلی، اونــو گــؤروم "اردک بالیغینا" قســمت اولســون، چیغیردی: قیزیل قـوش گلـدی! مـن قورخومـدان باغیردیـم، قـورد آغزیمـدان سویا دوشدو. هوشلو- باشـلی اونو گؤتوردو. یـالان دئییـرم؟ آرادا هئچ قیزیل قوش یوخـودور. بو باشیما بورک قویماق اوچون اؤزوندن چیخارمیش دی.  هوشلو- باشـلی اؤزون سـووونماق اوچون، دئـدی: بابـا شـوخلوق ائله دیم.  آما قوردون دوغرودان یاخشی اولدوغونو دئمه‌لییَم.  هوشلو- باشلی‌نین دؤوره سینه چوخلو بالیق ییغیشمیش دیر: قنووبالیغی، اوخلو بالیق، نارین بالیق. سؤزلرینه قولاق آسیر، گولوردولر. هوشلو- باشلـی قدیـم یولداشـینا یاخشی کلک وورموشدو. بامبولـی، هلـه اونونلا ساواشـماق ایسته مه‌سی چوخ دوزلویـدو. اویان- بویانـدان یومولـوردو، آمـا الیندن بیرایـش گلمیـردی. چیغیـریردی:  ـ ســنی گــؤروم منیــم قــوردوم بوغازینــدا قالســین. گئدیــرم اؤزومــه آیــری قورد تاپام. منیم قوردومو حیلـه، کلک‌لـه یئییـب، او٘زومـه گولمـک چـوخ اوز ایستیر. منه بـاخ کی اونـو یووامـا چاغیریردیـم. بتردوسـت چیخـدی! بیلیـرم یاشـا  منیم له راضی‌دیر. بیز یولداشیق. هلـه هـردن بیرلیکـده یئمـک یئیه‌ریـک. او یئیر، من ده خیردالارین دنلَرم.  یاشـا دئـدی: دوسـتلار، بیـر آن دؤزون. گلیـن ایشـین اصلینـی چیخـاراق.  قویـون من یویونوم، سونرا کیمین حاقلی اولدوغونا باخیم. اینـدی بامبولی‌بی بیــرآز آرام اول!  بامبولی‌بی باغیردی: مــن کــی آرامــام! مــن بیرایــش گؤرمه‌میشــم.  بامبولی بی هوشلو-باشــلیا حوققابازلیغین نه اولدوغونو آنلادارام. بخاری سیلن یاشــا  چاییـن قیراغینـدا اوتـوردو. شـام دسـتمالینی یانینـداکی داشـین اوسـتونه قویـدو.  ال- اوزونو یویوب دئـدی: یولداشـلار یاخشـی، ایندی گـؤروم کیم حاقلی دیر. هوشـلو- باشـلی  سن بالیقســان، بامبولــی ســنده قــوش. دوزدور؟ قوشلار، بالیقلار باغیردیلار: هه، هه! ـ یاخشی، بالیق سودا یاشار، قوشدا هـاوا دا. دوزدور؟ سـونرا، قـورد دا  تورپـاق دا یاشـار. چـوخ گـؤزل، اینـدی باخیـن!  یاشـا دستمالین آچدی. ایچین ده بیرتیکـه قـارا چؤرک واریدی. یئمه‌یی ائله او ایدی. چؤره‌یـی داشـین اوسـتونه قویـوب دئـدی:  باخیـن! بونـون نـه اولدوغونـو بیلیرسـینیز؟ چـورک. مـن اونـو ایشـله‌ییب الــه گتیرمیشـم. ایندی اونـو یئیه‌جک تـک آدام منم. یئییــب ســونرا بیــرآز دا سو ایچه‌جه‌یم. بیرزاد الدن وئـرن بیـری ده یوخـدور. اینـدی بالیقلار، قوشـلار شـام  ایستیر، گئدیب اؤزلری اله گتیرمه‌لی دیر. داوانین نه فایداســی وار؟  بامبولــی تورپاقــدان قــورد چیخاریــب، دئمه‌لی اونــون قــوردو دور.  قوشلارین جمعیندن اینجه بیرسس دئدی: یاشا بیردیقه دؤز!  قوشلار چکیلدیلر، بالاجـا، اینجـه آیاقلارینیـن اوسـتونده هوپپانـان بالاجا بیر"یلوه" قوشـا یول وئردیلر. باغیـردی: بـو سـؤز دوز دئییل.  ـ نمنه دوز دئییل؟  ـ قوردو تاپان من ایدیم. اردکلردن سـوروش. اونلار گؤردو.  اونـو من  تاپدیـم، بامبولـی اوچـوب، اونـو منـدن قاپدی.  یاشا نه دئمه سیـنی بیلمیردی. پیس  بیر اولای او٘ز وئرمیشدی. باغیردی:  بامبولی‌بی، بیزیـم هامیمیـزا یـالان دئییردین؟  نئجه اولا بیلر؟ بامبولی بَی:  ـ یوخ، یلــوه یــالان دئییــر. اؤزو اردکلــره تاپشــیریب اونــون دالینــدا  دورســونلار...، ـ یاخجــی ایــش گؤردویونــو ســانمیرام، هــوم! البتــده قــورد ائلــه اونملی بیرزاد دئییـل، آماـ اوغرولـوق پیس دیر. اوغرولوغون سونو یالانچیلیغا چکر. بئلــه دئییــل؟ هــن؟... هامی چیغیردی: هه، هه! ایندی هوشلو- باشلی‌له بامبولی‌نیــن  داواسـینی چـؤزون. کیـم حاقلـی دیـر؟ بونـلار ایکیسی های-کوی سـالیب، دالاشیب، هامینی قالخیزدیلار.  ـ کیم حاقلی دیر؟ کیمسه. آهای بامبولی، هوشلو-باشـلی، ایکینیـزده  پیس ایـش گؤردونوز. سیـزین بیـر درس آلماغیـز اوچـون ایکینیـزی ده تنبیـه ائلیرم. ال وئرین، باریشین. ائشیتدینیز؟  قوشلار، بالیقلار قیشقیردیلار: هه، هه! باریشین.  آردی وار... یاشا دوام ائتدی: آما "یلوه"

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

«دکتر روشن خیاوی»   «اؤزوٌن دن کوٌسموٌس اینسان!»-Özündən küsmüş insan                               (6) در یک ترانه ی آذربایجانی این جمله را شنیدم: «اؤزوٌن‌دن کوٌسموٌس اینسان!»: «انسانی که از خود»  و یا «با خود قهر کرده است!» این جمله ساعت ها فکر مرا مشغول کرد!... در باره ی این جمله خیلی اندیشیدم... و محتوای آن را با  وضعیت فرهنگی و انسانشناختی جهان معاصر سنجیدم و در ذهن خود مورد بحث و تحلیل و تفسیر قرار دادم.... ---------------------   ۷- و شاید زیباترین پرسش همین باشد اگر انسان با «خود» قهر کرده است، چه کسی با چه کسی قهر کرده؟ اینجا فلسفه وارد زبان می‌شود. آیا: «من» با «خود» قهر کرده؟ اگر چنین است، پس درون انسان یک «دوگانگی» وجود دارد. یک «من» هست که قهر کرده، و یک «خود» هست که از او قهر شده. پس: من  جدا از :خود اما اگر «من» و «خود» یکی هستند، چگونه انسان می‌تواند با خودش قهر کند؟ این پرسش ما را مستقیماً به مسئلهی خودآگاهی می‌رساند. انسان تنها موجودی نیست که «خود» دارد، انسان می‌تواند خودِ خود را موضوعِ آگاهی قرار دهد. یعنی: من، خودم را می‌بینم. و حتی: من، از آن «منی» که هستم ناراضی می‌شوم. این شاید یکی از بنیادی‌ترین توانایی‌های انسان باشد.   ۸- بنابراین من ترجیح می‌دهم هر دو ترجمه را حفظ کنیم نه اینکه یکی را حذف کنیم. Özündən küsmüş insan می‌تواند در ترجمهی ادبی: «انسانی که با خود قهر کرده است»-باشد، و در ترجمهی تحت‌اللفظی و فلسفی: «انسانی که از خود قهر کرده است.» و اتفاقاً هم‌نشینی این دو ترجمه بسیار غنی‌تر از انتخاب یکی از آنهاست. زیرا: با خود قهر کردن = شکاف درونی و: از خود قهر کردن = فاصله گرفتن از خویشتن و هنگامی که این دو به هم می‌رسند: انسان از خویشتن بیگانه می‌شود. پس اگر بخواهیم این جمله را به زبان انسان‌شناسی معاصر بازنویسی کنیم، شاید چنین شود: «انسان معاصر، گاه چنان از خویشتن فاصله گرفته است که با خودِ خویش نیز در آشتی نیست.» و این، به نظرم، معنای بسیار عمیق‌تری از یک «قهر ساده» دارد. قهر با خود، آغازِ فاصله از خود است، و فاصله از خود، اگر ادامه یابد، می‌تواند به بیگانگی از خویشتن بینجامد- ادامه دارد...                                                         https://t.me/Adabiyyatsevanlar                                          

«قاراوللیلر و ناغیللار» ویدا حشمتی «ادبیات سئونلر» «الله-ا نذر» بیر گۆن بیر آتا ایله اوْغلو گمی ایله کۆر چایی-نین اوْ تایینا کئچمک ایسته‌یرلر. بیردن بۇرولغان باشلایار. حادثه‌دن قوْرخان آتا هیجانا دۆشر. ائله اوْ آن کۆلک ده شدّتلنر. آتا اللرینی گؤیه قالدیریب، الله-ا یالوارار؛ «آی الله! ساحله سلامت چاتساق، بئش قوْیون قربان کسه‌جگم.» کۆلک برکیدیکجه اوْ قربانلارین سایینی آرتیرار. گمی محکم لنگرله‌ینده: «الله اینگین بالاسینی دا سیّد کیشی‌یه پای وئره‌جگم.» بیر داها گمی ترپننده: «الله کؤمک ائله اینگین اؤزونو ده سنین یوْلوندا کسه‌جگم.» بۇنلاری ائشیدن اوْغلان آتاسینا دئیر: — آتا سن طویله‌ده مال قوْیمادین قالسین آخی. آتا دئیر: — سن هله دانیشما قوْی ساحله چاتاق، من الله-ی آلدادیرام اوْغلوم. آیینین یوْخسوللوقدان قوْرخماسی کئچمیش زمانلاردا؛ بیر آیی، بیر پادشاهین توْرپاغینا دادانمیشدی. اؤنونه گلنی ده دیدیب، پارچالاییردی. هئچ کس اوْنو اؤلدورمگه جسارت ائتمیردی. گۆنلرین بیر گۆنو پادشاه، بیر کاسا آلتین دۆلدوروب، جارچیلارا امر ائدر، کوچه-بازاردا جار چکیب دئسینلر، «آی جماعت! آخی سیزین آرانیزدا بیر کیشی تاپیلمیر بۇ آیینی محو ائله‌سین؟ آخی بۇ آیی آداملاری قؽریب یوْخ ائدیر. کیمده هنر وارسا، گئدیب آیینی اؤلدورسون کی، جماعتین جانینی قۇرتارسین! بیر کاسا آلتینا دا صاحب اوْلسون.» هامی قوْرخودان باشینی یئره تیکر. هئچ کسین جؽنقیری دا چؽخماز. بیر کیشی دیوارا داینمیش، بۇ احوالا باخیردی. اوْ ایره‌لی یئری‌ییب، دئیر: — پادشاه ساغ اوْلسون! منیم یئددی قؽزیم وار. ایشله‌مک‌له اوْنلارین یاوان چؤرگینی بئله یئتیره بیلمیرم. بئله یاشاماقدانسا، اؤلمک یاخشیدیر. اوْ آلتینلاری وئرین من آپاریم، اۇشاقلار خرج ائله‌ییب دوْلانسینلار، من ده آیینی اؤلدورمگه گئدیم. اگر من آیینی اؤلدوره بیلسم، جماعتین جانی قۇرتارار، یوْخ آیی منی اؤلدورسه، هئچ اوْلماسا جانیم قۇرتولار. بۇ سؤز پادشاهین قۇلاغینا چاتار. امر ائدر آلتینی بۇ یوْخسول کیشی‌یه وئرسینلر. کیشی آلتینی آلیب، سئوینج‌له ائوینه آپارار. سوْنرا گلیب دئیر، آیینین یئرینی منه گؤرسه‌دین. دئیرلر اوْ هۆندور قایانین اۆستونه چؽخ. اوْرادا بؤیوک بیر داش وار. آیی ائله اوْ داشین آلتینداکی یئرده یاتار. کیشی، ائله اوْ یئره گئدر. گؤرر، آیی باشینی اوْووجلاری آراسیندا قوْیوب، پنجه‌لرینی ائله آچیب کی، ائله بیل ایندی آدامی پارچالایاجاقدیر. کیشی بیراز فکرلشر. یاواشجا داشین اۆستونه چؽخیب، دئیر: — آی ظالم اوْغلونون آییسی! چؽخ بیر دعوا ائله‌یک. منی جرأتلندیرن یوْخسوللوقدور، اوْ، منی بۇرایا چکیب گتیریبدیر. اوْنون هنری ایله، من سنی اؤلدوره‌جگم. آیی اۇزون-اۇزون دۆشونر. چوْخ فکرلشر کی، یوْخسوللوق نئجه بیر شیءدیر؟ توْپ دگیل، قؽلینج-خنجر دگیل. یقین یئنی بیر سلاحدیر. بۇ کیشی بئله جسارت‌له دانیشماقدا، یقین بۇ سلاح‌لا منی اؤلدوره‌جکدیر. لاپ یاخشیسی بۇدور، بۇ پادشاهین توْرپاقلاریندان اۇزاقلاشیب، جانیمی قۇرتارام. آیی بۇ سؤزلری دۆشونوب گؤتورولر. باشقا بیر پادشاهین توْرپاغینا چاتانا کیمی قاچار. اوْرادا، بیراز دایانیب، دینجینی آلماق ایسترکن گؤرر، بیر دنیاگؤرموش قوْجا کیشی مال اوْتاریر. آیی فکرلشر «قوی بۇ یئنی سلاحی بۇ قوْجادان سوْروشوم. یقین اوْ بیلر.» یاخینلاشیب دئیر: — آ قوْجا! من فلان پادشاهین توْرپاغینا دادانمیشدیم. گذرانیم دا پیس کئچمیردی. بیر کیشی گلیب چاغیردی «آی ظالم اوْغلونون آییسی، چؽخ دعوا ائدک، من سنی اؤلدورمه‌لی‌یم. چون‌کی منی جرأتلی ائدن یوْخسوللوق یانیمدادیر.» من بۇ سلاحین آدینی ائشیتدیگیمده باش آلیب قاچدیم. قوْجا عمی، بۇ سلاح ندیر؟ سن بۇ سلاحی گؤرموشسن می؟ قوجا دئیر: — بلی آیی قارداش. بیر زمانلار پادشاه ایدیم. اوْ یوْخسوللوق غضبلننده تختیمی تاراج ائتدی. احوالاتیمی ائله گۆنه سالدی کی، هله ده اؤزومه گلمه‌میشم. لاپ یاخشیسی دایانما، بۇرادان دا قاچ اۇزاقلاش. آیی باش گؤتوروب، قاچار. https://t.me/Adabiyyatsevanlar

-دئیَه‌جَم، صبیرلی اولون. بیلیْرَم، یورولدوز، آمما آز قالیر. گَلین بیر چای ایچَک، حَتا بورانین یاخشی سَحَر یِئمَه‌یی دَه اولا بیلَر، سَحَر یِئمَه‌یی دَه یِئیه بیله‌ریک. کافه‌ده سوتلو، یِئمَک بیر آزدان اولار. ایندی ایشتاهیم یوخدو. -یاخشی، - دَنیز گارسونو چاغیردی. 25 آردی وار https://t.me/Adabiyyatsevanlar

ویروس کیمی یوخ، عصب‌لیک، حیرصلنمک، رحمسیزلیک شَکیلینْدَه کِئچیرَندیرلَر. بیزیم بیر-بیریمیزَه تَاثیریمیز وار، کوچَه‌دَن کئچَه‌نین بئله مَنه تَاثیری 23 وار. چونکی او گَرگین‌لییی، غضبی حیس ائدَنده مَندَه مُدافعه اولونماق احتیاجی یارانیر، بونا گؤرَه دَه داواملی شَکیلده اؤزونو قوروما مِکانیزمی قورماق اوچون ساواشیرام. ساواش مَنی یولوخدورور. مُباریزَه‌یَه یولوخدورور. مُباریزَه‌دَن یورولاندا‌سا غضبلَنیَرَم، بو غضبی بیر باشقاسینا اؤتورورَم. مَن سوسماغی اؤیرَندیکجَه آنامدان اوزاقلاشیردیم. اَئودَه‌کی هَر داوادا آتامی گوناهکار بیلدیییم کیمی، آنامی دا عینى دَرجَه‌ده گوناهکار گؤرمَیَه باشلامیشدیم. آنامین اؤز هیجانلارینی ایدارَه ائده بیلمَه‌مَسی، آغلاماسی، قیشقیریغی مَندَه آرتیق اونا قارشی دا نیفرَت یاراتمیشدی. هَر آخشام آتامین ایشدَن گَلیب قاپینی دؤیَه‌جَه‌یینی غضبله، اییرَنج بیر شئی باش وئرَه‌جَک‌میش کیمی، اورَه‌ییم بولانا-بولانا گؤزلَه‌ییردیم. بَعضَن حَتا قوسوردوم، آنام هَیَجانلانِیب مَنی حکیمَه آپاراجاغینی دئییردی. جاواب وئریردیم کی: «خَستَه دئییلم»، آردینی - «سیزَه گؤرَه‌دی» سؤزونو ایچیمده دئییردیم. بیر گون دئدییینی ائلَه‌دی، مَنی مُعایینَه‌یَه آپاردی. بیر شئی دئییم. آنام نَه قَدَر گَرگین، عصبی، هیجانلی بیرینَه چئوریلمیش اولسا دا، مَنه اولان دیقّتی‌نی آزالتمامیشدی. یئنه صینفده اَن تَمیز، سَلیقَه‌لی، ذوقلو گئیینَن مَن ایدیم، یئنه هَر گون ایستَه‌دیییم یئمَکلَری بیشیریردی، یئنه هَر گون مَنیمْلَه صؤحبَت ائتمَه‌یَه چالیشیردی. آمما مَن آرتیق سوسموشدوم. حکیم مَنه بیر خِئیلی داوا یازدی. گئری قاییداندا ماشینین گؤزگوسوندَه آناملا نَظَرلَریمیز قارشیلاشدی. -داوا‌لارى ایچمَیَه‌جَک‌سَن؟ -اوندا نییه حکیمَه گَتیرْدین؟ - اَمین اولماق ایستَه‌دیم... آنام دیقّتی‌نی یولا وئریب ائوین یولونو توتدو، سولا دؤنوب سُرَعتلَه دیکَه دوغرو سورمه‌یَه باشلادی. -بیلمَک ایستَه‌دیم کی، فیزیکی ضرریمیز ده اولوبمو؟ سَسیندَه‌کی کَدَر مَنی یومشالتدی، اونا نَسَه خُوش سؤز دئمَک ایستَه‌دیم. آمما سوسدوم. او گون هَمیشه‌کیندن فَرقلی شئیلَر اولدو. بیز گَلندَه اَئودَه بیر قادین گؤردوک. بونو دئیَه‌جَم، آنجاق بو قَدَرینی. آنامین اوزُونون نئجه اَییلدیینی، گؤزلَرینین نَجه حَدَقَه‌سینْدَن چیخدیغینی، آتامین اوزُونَه تۆپوردویونو، قادینا اَئودَن چیخماسی اوچون نئجه ساکیتجه یول وئردیینی ایزْلَه‌دیم. اوتاغیما کئچدیم. یاتاغیما توخونمادیم، اییرَندیم. بَلکه آتام او قادینلا مَنیم یاتاغیمدا یاتمیشدی؟ بونو دوشونَنده اورَه‌ییم داها چوخ بولانماغا باشلادی. آمما قوسمادیم. یازی ماساما اَیلَشیب... 24 موسیقینین سَسینی داها دا آرتیردیم. سَس‌سیز فیلمی ایزْلَمَیَه باشلادیم. آتام قادین چیخان کیمی آنامین اوستونَه جومدو، ووروب یئره ییخدی، سونرا دا یومروقلاماغا باشلادی. مَن دَهلیزَه آچیلان قاپیدان بوتون بونلاری ایزْلَدیکجَه بَعضَن گؤزلَریم یومولور، باشیم هئرلَنیر، حَرَکَت‌لَر یاواشلاییردی. سانکی گؤزَه‌گؤرونمَز اوپِراتور آغیر چَکیمَه کئچیریردی. آنامین اوزوندَن قان آخماغا باشلامیشدی. او، آتامین یومروق‌لارینْدان خلاص اولماغا چالیشیردی. بیرآندا اونون مَنی آختاران گؤزلَرینی گؤردوم. یالواریش واریدی او گؤزلَرده، یاردیم اوموردو، ایمداد دیلَه‌ییردی. اونو یومروقلایان آدامدان خِلاص ائدَه بیلَه‌جَییمی بیلیردی. چونکی مَن آرايا گیریب آتاما قیشقیراندا او دایاناردی. آمما بو دفعَه آنامین گؤزلَرینَه جاواب وئرْمَدیم. آلبینونی‌نین اَثرینْده‌کی ویولون اَن یوکسَک نوتدا اینلَه‌ییردی و مَن گؤزلَریمی یوموب آنامین گؤزلَریندن «گئتدیم». «قاییداندا» آتام آنامی دؤیمَکدَن یورولوب یئنه هئچ نَه اولمامیش کیمی کامپیوترینین قارشیسیندا اوتورموشدو. آنام اورتالیقدا گؤرونموردو، آخشاما دوغرو اوزَه چیخدی. دوداغی پارتلامیشدی، اوزو قانچیرمیشدی. او گوندَن سونرا آنام هَمیشه‌کی کیمی اولمادی. ائله مَنه موناسِبَتی دَه... او گون مَن آنامی ایتیردیم. دوزدور، یئنه یاخشی یئدیردیردی، تَرتَمیز گَئییندیریردی. ظاهرَن هئچ نَه دَییشمَه‌میشدی یَعنی. آمما مَنه توخونماسی، باخماسی اؤنَکی کیمی دئییلدی. داها مَنیمْلَه صؤحبَت دَه ائتمیردی. اونون یاردیم ایستَه‌یَن باخیشلاریندان یاییناندان سونرا ایچیمَه گوناه حیسّی دولموشدو. مَن آنامی یئنی‌دَن تاپماق ایستَه‌ییردیم. قاپیلدیغیم دویغو فیرتیناسینْدا سوورولوردوم، آز قالا هَر گون فَرقلی شئیلَر حیس ائدیب یاشاییردیم. کیم اولدوغومو، کیم اولاجاغیمی بیلمیردیم. سَحَر آچیلیرْدی. ساحیلَه یوروشَه گَلَن آداملار سَس-کویلَه کافه‌یَه گیریر، اَساسَن چای سفارش ائدیرْدیلَر. گَلَن‌لَرین ایچیندَه قادینلارین آز اولماسی دیقّتی‌می چَکدی. -آنانیزلا یئنی‌دَن باریشا بیلدیزمی؟ - مَن هَیَجانیمی گیزلَدیب سویوق سَسله سوروشدوم.

اورایا تَعجیلی یاردیم ماشینی(آمبولانس) گَلدی، سونرا طب ایشچیلَری خَرکدَه بیرینی دؤشوروب ماشینا طرَف گَتیرْدیلَر. بیز موسانی او آندا گؤردوک... آیاق‌یالین و کؤینَک‌سیز ایدی. اَینینْدَه‌کی تر کوینه‌یین آشاغی‌سی جیریلیب دیزینَه قَدَر ساللانمیشدی. سونرا اونون آغلار سَسله «آنا» دئدیینی ائشیتدیک. ائله بیل اورَه‌ییم بئینیمین ایچینْدَه دؤیونوردو، یا دا غضبدن زوغولداییرْدی، بیلمیرَم... مَن مَفتیلَه یاخینلاشیب موسانی چاغیردیم. چئوریلیب باخدی، آمما جاواب وئرْمَه‌دی. نَه اولدوغونو بیلیردیم. اَمین ایدیم کی آتاسی آنانی دا، موسانی دا دؤیوب. قادینا نَسَه خَطر یئتیرْدی دییه، خَستَه‌خانایا آپاریرلار. - نئجه بئله اَمین اولا بیلَردیز آخی، ائوده بیرینَه باشقا بیر شئی دَه اولماق اولار. خَستَه‌لَنَه بیلَر، مَثَلَن. هَر کَسین حیکایه‌سی... -یوخ، ائله حیکایه‌لَر وار کی، مَن اونلاری ایلک جوملَه‌سینْدَن تانییرام. او «بیرى واریدی، بیرى یوخ» جوملَه‌سی ناغیلا ایشارَه اولدوغو کیمی، مَن دَه بئله حیکایه‌لَرین هانسی کَلْمَه‌یلَه باشلادیغینی بیلیْرَم. بو حیکایه‌لَر هَمیشه تَنهالیق، سوسقونلوق، کَدَر، غضبلَه باشلار. اَصلینده، اونلاری هئچ کِیم دانیشماق ایستَه‌مَز، اوتانار. قادینلارین قارالان یئرلَرینَه قاپی دَیَر، اوشاقلارین آیاغی سُوروشوب قیریلار. بو حیکایه‌لَر بئله‌دیر. آمما بو حیکایه‌دَه موسانین آتاسی خَیالی دئییلدی، تَمام گَرچَکدی. ناغیللارداکی دیولَر کیمی قابا، هوندور بیر آدامدی، ایری دوداقلاری واریدی. سِئودا موعَللیمَه گؤدَکجَنی چَکیب موسانین اَینینْدَن چیخاردیغی گونون سَحَریسی اونون آتاسینی چاغیردی صینفَه. باش وئرَنلَردَه موسی گوناهکارمیش کیمی. تَکلیکدَه-فیلان دا دانیشمادی، هامیمیزین یانیندا موسانین تَربیَه‌سیز اولدوغونو، اوشاقلارلا... 22 دالاشدیغینی دئدی. مَن غضبدَن اَسیرْدیم، آمما سوسوردوم. او آندا نَظَرلَریمْلَه سِئودا موعَللیمَه‌نی دؤیدویومو ظن ائدیردیم. ائله بیلیردیم کی، ایچیمدَه‌کی غضبی گؤزلَریمْدَه حیس ائدیب یالانلارینی بیتیرَه‌جَک. آمما او داوام ائتدی. موسانین آتاسی سِئودا معَللیمَه‌یه قولاق آسا-آسا باشینی ییرغالاییردی. سونرا او دا دیللَندی. قالین سَسی، آغیر-آغیر دانیشماسی هامینی وَاهیمَه‌یه سالمیشدی. -موسایا دئمیشَم کی، ائوه دؤیولوب گَلسَه، مَن دَه دؤیَه‌جَم. کیم بیرینی وورسا، ایکیسینی دَه او وورمالی‌دیر. آمما... مَنیم دئدیییم بودو، دَرس‌لَرینی اوخومور، سَن بیر اوچ یاز، بَسدی، آمما مَنیم تَربیَه‌مَه دَه قاریشما... او، سِئودا معَللیمَه‌یه «سَن» دئیَه موراجیعت ائدیردی، اوزونده اعتیناسیز بیر ایفاده واریدی. -اوچ یازمانیز اوچون نَه قَدَر لازیمدیر؟ -سیز نَه دانیشیرسیز؟! بورا مَکتَبدیر، بازار دئییل. -بازاردی، مَنه ناغیل اوخوما. سِئودا معَللیمَه قیپ‌قیرمیزی قیزارمیش، بوزوشوب یوماغا دؤنموشدو. آمما اونا یازیغیم گَلمیردی، حَتا بو حالا دوشمَه‌سینه ایچیمدَه سِئوینیرْدیم. جَزاسینی آلمیشدی، هرچَند بو جَزانین دَه اَذییَتینی موسی چَکَه‌جَکدی. بونو دوشونَنده قانیم قارالدی. -مَن موسانی دؤیدوم. او مَنی دؤیمَه‌دی آمما، هئچ وورمادی دا، - ایلها‌م کیمینسَه گؤزلَمه‌دییی حالدا تَشَخخوصلَه دیللَندی. سوسقونلوق چؤکدو، تَکجه ایلها‌م هیریلداییردی... اوزونده ییرتیجی بیر ایفاده واریدی. مَن یئنه اورَه‌ییمین بولاندیغینی حیس ائتدیم. دیشلَریمی آغرییانا قَدَر سیخدیم کی، فیکریم یایینسین. موسانین آتاسینین اوزو اَییلدی؛ قالین، قارا دوداقلاری سَیریدی. کینایَه‌لی باخیشلاریلا اونا مئیدان اوخویان ایلها‌ما اوزون بیر نَظَر سالیب اؤنَه جومدو، بؤغازیندان یاپیشیب یوخاری قالدیرْدی، سونرا دا آردا پَرده‌لرین یانینا توللادی. ایلها‌م دیوارا دَییب دوشدو. آیاغا قالخماق ایستَه‌یَنده بَدهیبت کیشی باشینین اوستونَو کَسدیریب اونو بیر دَه یوخاری قالدیرْدی، بو دفعَه موسانین آیاغینین آلتینا آتدی. -بو کوچوْیَه جاواب وئره بیلمَه‌میسَن سَن؟ بو سَنی دؤیوب؟ - آتاسی موسانین اوزونَه شیللَه چَکدی. هَر شئی ائله آنی اولموشدو کی، هامی آجیلیق ایچینده ایدی. موسایا دَیَن شیللَه‌دن سونرا تامام سوسقونلوق اولدو. ائله بیل کادر دوردو. نَفَسیمیزی بئله چَکمَیَه قورخورموش کیمی دونموشدوق. -سیز روزهانین «پسیخی خَستَه‌خانالاریندا آغیللی اولماق باره‌سینده» مَقالَه‌سینی اوخوموسوز؟ اوردا پسیخیاتْر پسیخی خَستَه‌خانه‌لاریندا قویولان تَشخیص‌لَرَه شوبهه‌یله یاناشیر، آمما مَن عکسینی سورغولامیشدیم. ساغلام دئدیییمیز، آرامیزدا گَزَن چوخ آدام اَصلینده پسیخی(روحی- روانی) خَستَه‌دیر. بَلکه بیزیم کیمی جَمعییَت‌لَرده، «دَلی» دامغاسی وورولماقدان هَله دَه قورخدوغوموز اؤلکَه‌ده خَستَه‌لَر راحاتلیقلا آرا‌میزدا دولاشیر و اؤز خَستَه‌لیک‌لَرینی باشقالارینا دا کِئچیرَندیرلَر.

‌پیچیلتی(حکایه) یازان:زومرود یاغمور کوچورن:سحر خیاوی) باکی،۱۸ آپرئل بیلمیرَم، بَلکه دَه، نورمال یِئنی‌یئتْمَه‌لیک ائله بو صؤحبَت‌لَردیر. بَلکه، مَن نورمال دئییلدیم؟ مَنیم او واخت دا، ایندی دَه آنلامادیغیم بیر شئی وار. آدینا یِئنی‌یئتْمَه‌لیک دئدیییمیز او دؤنَم کئچیرمی، بیز بؤیویوروک می؟ بونا جاواب تاپا بیلمیرَم. آتام بونو آنلاماغیم اوچون مَنه یاردیم ائتمَه‌دی، عکسینه، قادینلارا یِئنی‌یئتْمَه‌لَر قَدَر حَریص‌لییی ایله بئینیمی داها دا قاریشدیرْدی. سونرا مَن بؤیودوم - یونیورسیتِت، ایش. آمما اَطرافیمدا هئچ نَه دَییشمَدی. او اوغلانلارین آنجاق بوی‌لاری اوزاندی، قارین‌لاری پییلَندی، وَالسّلام. بو فیکیر گئتدیکجَه ائله مُحکَم‌لَنمَیَه باشلادی کی، حَتا جِنسیمدَن بَدگومان اولماغا باشلادیم. دَنیز آستا‌جا گولوب باشینی ییرغالادی. مَنی اَن چوخ نَه دوشوندورور، دئییم سیزَه. کیشی‌لَرین هَر شئیی، هَر کَسی ایدارَه ائتمَک هیککه‌سی. اؤزلَرینی، اؤز اِشتَهالارینی ایدارَه ائده بیلمَیَه‌نلَرین هیکّکه‌سی. آتام شَهوتینی ایدارَه ائده بیلمیردی، آمما بیزی ایدارَه ائتمَه‌یَه چالیشیردی، باجارمایاندا دا دؤیوردو. اوْلا بیلسین، بونلاری سطحی دوشونجَه‌لَر ساییرسیز. بَلکه دَه حاقلیسیز... -ائله دوشونمورَم. سادَه‌جه، دوشوندوم کی، بو قَدَر خَستَه‌لییین ایچینده نئجه ساغلام قالا بیلمیسینیز؟ هاردا‌سا بیر مَقالَه اوخوموشدوم. اوردا یازیلمیشدی کی، استبدادی رِژیم‌لَر اَصلینده چوخ تئز سینیر، هئچ گؤزلَمه‌دیییز واختدا ییخیلیر، اونا قَدَر ساغ قالماق لازیمدیر. بیر وکیل دوستوم دا دئمیشدی کی، استبداد تَکجه سیاستده یوخ، هَم دَه یاشامدا اولور، ایکیسی دَه بیر-بیریندن بَسلَه‌نیر. یوخ، سیاسی صؤحبَتلَرَه گیرمَیَه‌جَم. اونو دئییرَم کی، کیشی حاکیم اولدوغو اؤلکَه‌ده ساغلام قالما‌غا چالیشدیم. آتام خیانتینی آناما کیشیلِیک کیمی سیریماق ایستَه‌یَندَه، آنام اونا تابِع اولمادیغی اوچون هَر دفعَه اونو دؤیَندَه مَنیم دویغولاریم دا او یومروقلارین آلتیندا اَزیلیب خینجیم-خینجیم اولوردو. بئله... سیز نَسَه ایستَه‌ییسینیز، سَحَر آچیلاجاق بیر آزدان، - دَنیز قَفیل سوسدو. -یوخ، ایستَه‌میرَم. بیر آز اؤنجه ایچدیییم توند چای مَنه یاخشی تَاثیر ائتمیشدی، ائله دَه چوخ یورغونلوق، یوخوسوزلوق حیس ائتمیردیم. دَنیزین دانیشدیقلارینا خُصوصی بیر ماراق یا دا حئیرَت وارمی‌دی ایچیمدَه؟ یوخ، اوندان ائشیتدیکلَریم مَنیم ایل‌لَر اؤنجه تَرک ائدیب گئتدیییم، ایندی گَزمَیَه گَلدیییم بیر اؤلکَه‌نین، بَلکه دَه هَر ائوینده یاشانان حَیاتلارین عئینیسی‌‌ایدی. بوردا انسانلار دا، عائیله‌لرده یاشادیقلاری یئرلَرین کوچَه‌لَری، تین‌لَری کیمی بیر-بیرینَه اوخشاییر‌دیلار. دینلَدیکلَریم‌ده ماراقلی، فَرقلی اولان شئی حیکایه‌نین اؤزو دَه یوخ، اونو دانیشان، تئز- تئز گؤزلَرینی قیییب چییْنیمین اوستوندَن اوزاقلارا باخان آدام دیر. او بو اؤلکَه‌نین انسانلارینا بَنزَه‌میردی. 21 -ایدمان دَرسی‌نین سونو نئجه بیتدی؟ -دانیشاجام، آمما سیز «یورولدوم» دئسَه‌نیز، قیسَا کَسَه‌جَم. آز قالیب اونسوز دا... -نَیَه آز قالیب؟ - مَن اونون اینتیحار ائدَه‌جَه‌یینی دوشونوب دیقّتله اوزُونَه باخدیم. -یوخ، او قَدَر بؤیوک دئییل، دانیشدیغیم حیکایه‌نین سونونا آز قالیب. بیر آزدان بیتَه‌جَک. یا دا باشقا بیر بویوتا کئچَه‌جَک. مَنیم بویوتومون ایندی‌کی حیصه‌سی بیتَه‌جَک. هَه، موسانی دئییرسیز، ایدمان دَرسینی. بیلیْرسیزمی، موسانین دا بویوتو او ایدمان دَرسینْدَه بیتدی، سونرا یئنیسی باشلادی. یَقین ایندی دَه هاردا‌سا باشقا بیر حیکایه‌سی باشلانیب، یا دا هَمیشه‌لیک بیتیب، حَتا بَلکه حَیاتدا دئییل، هاردا‌سا بیری اونو اؤلدوروب، باخ ائله بو دَنیزَه آتیب. موسی کیمیلَرین مئییتی تاپیلماز، چونکی آختاران اولمور. اؤلدورَن دَه تاپیلمیر. یعنی اونو دا آختاران اولمور. آختاریلمایانی کیم، نییه تاپسین آخی؟ اوزاغی بیرینَه راست گَلیر، پولیسَه خَبَر وئریر، بیر آز گؤزلَه‌ییب کیمسَه‌سیزلَر مَزارلیغیندا دَفن ائدیرلَر. بو قَدَر. بَلکه ایندی موسی دا او مَزارلیقلاردان بیرینْدَه‌دیر. چونکی هئچ کیمی یوخدو، اولانلار دا اونو جنایتکارا چئویرمَک اوچون بیرلَشْمیشدیلَر. باجاردیلار دا. چونکی ایل‌لَر سونرا بیر تِلِویزییا برنامه‌سینده اونون هانسی‌سا جنایتده ایشتراک ائتدییینی ائشیتدیم. یَقین، سِئودا معَللیمَه، ایلها‌م، پَروانه بونا سِئوینیب‌لَر، حَتا بیر-بیرلَرینه «مَن دَئمیشدیم بئله اولاجاغینی» دَه دئییبلَر. آمما بیر دفعَه دَه اولسون دوشونمَه‌ییبلَر کی، بو «آخیرین» یئتیشمَه‌سینْدَه اونلارین دا پایى وار. هَمین گون بیلدیک کی، سَن دئمه، موساگیل مَکتَبَه چوخ یاخین بینادا یاشاییرمیش. او بینانین حیاطینی بیزیم اولدوغوموز فوتبال میدانچاسینْدان نازیک مَفتیل‌لَر آیریردی.

پیچیلتی(حیکایه) یازان :زومرود یاغمور کوچورن :سحر خیاوی باکی، ۱۸ آپرئل https://t.me/Adabiyyatsevanlar

✅✅✅سایین کانالداشلار چرشنبه گونلری ادبیات سئونلر کانالیندا یالنیز نثر یازیلارین پایلاشیریق . https://t.me/Adabiyyatsevanlar

حسین عارف شعیر دئییل‌می؟ مندن تزه شعیر خبر آلان دوست! بس یازین گلمه‌سی شعیر دئییل‌می؟ گزمه‌یه چیخاندا چؤلون، چمنین، اۆزونه گولمه‌سی شعیر دئییل‌می؟ یئنه گؤزوم قالیب باغچادا، باغدا، مین-مین گول آچیلدی آراندا، داغدا. ائیوانا اَییلن چارپاز بوداقدا، بولبولون نغمه‌سی شعیر دئییل‌می؟ سئیر ائله حوسنونو گؤیده دورنانین، قایادا ککلیگین، گؤلده صونانین! آینابند اوتاقدا گلین آنامین، شیرین لایلای سسی شعیر دئییل‌می؟ دره‌ده موْروق در، دؤشده چیه‌لک! گاه یاغیش خوش گلیر، گاه سرین کولک. یاش اؤتور، دوْیماییر دونیادان اورک، یاشاماق هوسی شعیر دئییل‌می؟ کیم دئییر شعیرین مئیدانی داردیر؟ سونو گؤرونمه‌ین بیر ایلک‌باهاردیر. نئچه کی حیات وار، شعیر ده واردیر، حیاتین نفسی شعیر دئییل‌می؟ https://t.me/Adabiyyatsevanlar

رضا حیدرزاده سئرچه لر سئرچه لر فیکیر یولوموزو کسر بیردن سونرا باشلارینی یئهین چئویریب او چارلار بیزی داغیناق فیکیرلرین اور تاسینا توتار لار بیزی ناهار یوخوسوندا گودوب آرخادان گوزلریمیزی باغلار لار چوخ زامان اونلاری تانییاریق بیز بیزی گودرلر آغاجلار آلتیندا کیتاب اوخویاندا بیردن پیرر سسی قاچار سوزلریمیزین آراسینا گیئیلی سوزلر دیلیمیزی پلته یه سالار سئرچه لر بیزی حتتی قبیر اوسته ده تانییارلار با خارسانیز نئجه شئیطانجا سینا دوداق آلتی گولرلر سونرا قبیر داشلارینا قویروق سورتوب او چارلار سئرچه لر بیزیمکی کیمی حیاتین آلماسینی نئچه یئردن دومدو کله ییب کوچرلر آنجاق هردن کیچیک تئلکلری دونیا لار آراسینداکی قاپینین آراسیندا قالار. 1399 https://t.me/Adabiyyatsevanlar

حسن بابایی ( عجب‌شئرلی) " دایاناجاق " دایانمیشدیلار منده دایاندیم مئترو گلن کیمی قاچدیلار من ایسه یئریدیم . چوخلاری میندی تکجه یئرده قالان من اولدوم بیریسی مندن سوردو نیه قاچمادینمی ؟ دایانار دئدیم آخی دایانمادی اما من دایاندیم نه ربطی وار دئدی باشیمی آشاغی سالدیم یولومو توتوب گئری دؤندوم " دایانماغیم" یادیما دوشدو اؤزومو  قینایب بئینیمه دلشلاندی باجیم گیله دونوم باجیم ناهارا آش آسمیشدی نئجه‌ده شانسی‌لیسان باجیم دئدی " آش قاپیا‌جان یولداش " سنین ائله یول _ داشلاریندا منیم آشیما تای اولوبلار یازیق بالا باجیم دئدی ... https://t.me/Adabiyyatsevanlar