ادبیات سئونلر

اوشاق ادبیاتی عابباس_باریز یایین سون گونودو پاییز آخشامی مکتب اوشاقلاری شن‌لیک ائدیرلر صاباح مدرسه‌لر آچیلار دئیین سرود اوخویورلار هالای گئدیرلر اوشاقلار قایناشیر دوکان بازاردا کیتاب آختاران کیم دفتر آلان کیم -هانسی مدرسه‌ده آد یازدیریب‌سان؟- بیربیریندن سوْروب خبر آلان کیم... https://t.me/Adabiyyatsevanlar

اونلار هامیسی آیاغا دوروب ننه نی قوجاقلاییب اؤپدولر . اونون آغیلی کلاملارینا آلقیش دئدیلر .  کریم دئدی :  ــ  دوستلار ، ننه دوز دئییر . اصل یول ، زحمتین یولودور ، گلجه یین یولودور . من تردود ائتمه دن ننه دئین یولو سئچیرم .  ــ بیز ده زحمت یولونو چئچیریک ، ـ  دئیه او بیریلر ده خورلا جاواب وئردیلر .  ــ قوی طیلسیم لر ، قانلار ، قادالار ، ظولم و نیفاق ابدیلیک محو اولسون  ـ دئیه احمد بارماغینداکی سئحیرلی اوزویوچیخاریب حیطده کی قویویا آتدی . ائله بو آن گؤی گورولدادی ، ایلدیریم چاخدی ، قارا اجینه اؤزوندن گئتدی . دوستلار قارا اجینه نی ده سورویوب قویویا آتدیلار . سونرا قویونو داشلا دولدوردولار . هامیسی سس ـ سسه وئره رک بیر آغیزدان دئدی :  ــ  گلجک بیزیمله دیر!  ــ  زحمت بیزیمله دیر!  ــ  سعادت بیزیمله دیر!  ننه ایسه اؤز ایشینده ایدی . او ، تلسه ـ تلسه  خالچانین سون ناخیشلارینی ووروردو. اللری گؤرونموردو . سون ناخیش وورولان کیمی خالچا یئریندن ترپنمدی . ننه سئوینجله سسلدی:  ــ بالالاریم ، یاخین گلین ، خالچامیز سئحیرلی دیر. بویورون ، سیزی اوغورلو سفر گؤزله ییر .  اونلاردؤردوده سئوینجک خالچانین اوستونه چیخدیلار . احمد اوزونو ننه سینه توتاراق :  ــ  ننه جان ، اوچوشوموز گونشه دوغرودور! ـ  دئدی . ـ بیز گونشدن اود آلیب قاییداجاغیق . ائله بیر اود کی ، بوتون یئر اوزونده یاشایان ، اولدوزلو ، آیلی گؤیلرین آلتیندا باش ـ باشا  وئرن دوستلاریمیزی اؤز نورونا قرق ائدجک . او نور حاقسیزلیغین ، ظولمون کؤکونو کسَجَک . انسانلاری بیر ـ بیری ایله دوست و قارداش ائدجک . ظولمکار شاهلارین ، خانلارین ، طیلسیملی جادوگرلرین تیفاغینی یاندیریب ـ یاخاجاق !  احمد سؤزلرینی بیتیرن کیمی خالچا اونلاری یاواش ـ یاواش بولودلاردان یوخاری قالدیردی . ننه اونلارین آردینجا سو آتیب اوغور دیله دی . سئوینجدن گؤزلری یاشاردی .  دوستلارین ماهنیسی اطرافا یاییلمیشدی .  زحمتله اوجالمیشیق ،  تورپاقدان گوج آلمیشیق ،   اوغورلودور یولوموز ، قووتلی دیر قولوموز !  سون  https://t.me/Adabiyyatsevanlar

اوشاق ادبیاتی ۱۰  سئحیرلی اوزوک  اونونجو ناغیل : « هر شئی زحمت ده دیر » یازان : علی صمدلی کؤچورن : علی آغ گونئيلی  ــ  ابرازی کتاب :‌ ژنرالین اوشاقلیغی ) پووئست لر بؤلومو ) احمدین اومیدی هر یئردن کسیلمیشدی . ایندی او ، دوشونوردو کی ، کاش طیلسیمدن آیاغا دورا بیلیدیم . اوول کی کیمی مئشه دن اودون گتیریب ساتایدیم . کاسیب داخمامیزدا ننه م ایله باش ـ باشا وئریب یاشایایدیق . هردن ده اونا گوج گلیر ، اؤز ـ اؤزونه دردلی ـ دردلی زوم ـ زومه ائدیردی .  قریبم یوخدور آرخام ،  قانادیم یوخدو قالخام . چیخام قلبی داغلارا ،  بیر سنه ساری باخام .  ننه گتیریب نوسی نین قارشی سینا سوفره سالدی ، چؤره ک قویدو .  احمد قملی ـ قملی دئدی :  ــ ننه جان ، ایشتاهام یوخدور ، هئچ نه ایستمیرم .  ــ  ننه قوربان ، یئمه سن اوزولرسن . فیکیر ائلمه ، چؤره یینی یئ .  ــ  ننه جان ایندی منیم نه شاهانم ، نه سئحیرلی خالچام ، نده سئحیرلی اوزویوم وار . بودور دوستلاریم سلیم و کریم دن ده  بیر خبر چیخمادی . یقین  جیم ـ سیم شاه اونلاری توتوب زیندانا سالدیردی . منیم ده آیاقلاریم بئله . ننه جان بس بیز نئجه دولاناجاییق ؟  ــ  اؤز حلال زحمتینله ، منیم بالام ، ـ  دئیه ننه احمده تسکینلیک وئردی . سن هئچ فیکیر ائلمه ، تئزلیکله دوستلارین قاییدیب گلجکلر .  ائله بو واخت حیطین آیاغیندا گولوش سسلری ائشیدیلدی . کریم ، سلیم و شاهانه سئحیرلی خالچانین اوستونده اوچوب گلدیلر . احمد یئریندن بویلاناراق ننه سینی چاغیردی :  ــ  ننه جان ، حیطدن سس گلیر ، بیر گؤر نه سسدیر .  ننه تلسیک حیطه چیخدی . احمد ین دوستلاری و شاهانه نی گؤروب سئوینجله احمدین اوستونه یویوردو .  ــ  احمد ، گؤزون آیدین اولسون ، دوستلارین دا شاهانه ده گلیب چیخدی .  احمد سئویجیندن اوشاق کیمی یئرینده آتیلیب ـ دوشدو.آنجاق قالخا بیلمدی . سلیم ، کریم و شاهانه اونون اوستونه آتیلیب گؤروشدولر . سلیم اوزویو احمدین بارغینا تاخیب دئدی : ــ  بودا سنین سئحیرلی اوزویون !  کریم خالچانی یئره سریب دئدی :  ــ  بودا سنین سئحیرلی خالچان !  سونرا هر ایکیسی شاهانه نین قولوندان توتاراق خورلا دئدیلر :  ــ  بودا سنین شاهانن !  سئحیرلی اوزوک احمدین بارماغینا تاخیلان کیمی او ،  طیلسیمدن قورتاریب آیاغا قالخدی . دوستلارینی قوجاقلاییب اؤپدو:  ــ  احسن سیزه وفالی دوستلاریم بو گون شادلیق گونو، بایرام گونودور. گلین اوینایاق ، گولک یاللی گئدک !  دؤردوده شنلندیلر ، یاللی گئتدیلر . اونلارین بئله شادلیلیغینی گؤرن ننه کناردان باخیب سئوینیردی .  سلیم اونو دارتا ـ دارتا گتیریب اؤز دسته لرینه قاتدی . ننه نی ده اؤزلری ایله اویناتدیلار. لاپ یورولوب الدن دوشنده احمد دئدی :  ــ  دوستلار ، سوفره آرخاسینا حاضیرلاشین ، بو گون شادلیق گونودور!  او ،  اوزویون توزونو سیلیب قارا اجیننه یه امر ائتدی :  ــ  بو ساعات بورادا گؤزل بیر سوفره آچیلسین ! گؤی گورولداییب ، ایلدیریم چاخدی ، بیر گؤز قیرپیمیندا  اوستو دادلی ، لذتلی یئمکلر دولو سوفره حاضیر اولدو . احمد دوستلارینی و شاهانه نی سوفره یه دعوت ائتدی. هامی ایلشیب ننه نین گلمه سینی گؤرله ییردی .ننه ایسه گلمک بیلمیردی. احمد اونو سسلدی  ــ  ننه جان ، سنی گؤزله ییریک ، تئز گل . ننه دن ایسه سس چیخمیردی آخیردا احمد آیاغا دوروب اونون دالینجا گئتدی . ننه اونلارا یاخینلاشیب دئدی :  ــ  بالالاریم ، من او سوفره دن چؤره ک کسمرم . بیلیرسینیزمی اجینه لر او یئمکلری هارادان گتیریبلر ؟  هامیسی چینین چاتیب بیر آغیزدان دئدی :  ــ یوخ ، بیلمیریک .  ننه سؤزونه داوام ائدرک دئدی :  ــ ائشیدین و آگاه اولون کی ، بو سوفره دکی بوتون نعمت لرین هامیسینی اجینه لر اوردان ـ بوردان اوغورلاییب گتیریرلر . بونلار هامیسی اؤزگه امه یینین بهره سی دیر . اینسان اولان کس ایسه ، اؤز حلال زحمتی ایله یاشامالی دیر . اوغلانلاریم ، سیز آغ دیوی محو ائتدینیییز کیمی بوتون اونون طیلسیملرینی ده همیشه لیک محو ائدین . من بو گونلرده داغلاردان یئنی چیچکلر ییغمیشام . یوز بیرینجی رنگی تاپمیشام . بو گون خالچامیزین سون ایلمه لرینی ووراجاغام . منه ائله گلیر کی ، لقمانین دئدییی کیمی خالچا سئحیرلی اولاجاق . ایستدییینیز یئره اوچا بیلجکسینیز . ننه اوزونو احمده توتاراق هیجانلا سؤزونه داوام ائتدی :  ــ  اوغلوم ، احمد ، اگر دوغرودان دا ، خالچا سئحیرلی اولارسا ، او زامان وفالی دوستلارینلا ، گؤزه ل شاهانن ایله آزاد دیلکلر اؤلکه سینه اوچ . اوزاق ـ اوزاق ائللره ، اوبالارا ، سیزه ال ائله ین گؤزدن اوزاق یئنی یئنی اولدوزلارا یول آچین . هر یئرده انسانلارا حاققین ، عدالتین ، حلال زحمتین یولونو گؤسترین . 

اوشاق ادبیاتی رضا حیدرزاده.  خانیم معلیم باجارا قلی خانیم دیر منیم خانیم معللیمیم عاغیل دان اوزو پارلاق منیم خانیم معللیمیم * منه يازماق او یره دیر رسيم جيزماق اویره دیر اوزمه، ایدمان اویره دیر منیم خانیم معللیمیم حئساب كيتاب بيلديرير كیتابی دیلندیریر جهالتی سيلديرير منیم خانیم معلیمیم ييخيلسام منى قاوزار اوزولسم منى نازلار بو خانیم دان چوخ آز وار منم خانیم معللیمیم اورمو 1391 https://t.me/Adabiyyatsevanlar

اوشاق ادبیاتی بیر تیکه پارچا، بیر تیکه کاغاذ یازان: نورالدین_مقدم (آیدین دومان) آيتک‌له بابک‌‌ين اوْتاغێ‌نين بير بوجاغێـندا بير تيكه كاغاذ، بير تيكه پارچا بوراخێليب قالمێشديلار. اوْتاقدا هله‌ليک كيمسه يوْخ ايدی. آچێـق قالمێش پنجره‌دن اسن يئل، كاغاذێ يئريندن قوْپارێب، پارچانێـن يانێـنا آپاردێ. اوْنلار بير بيرلري‌نين يانێـندا اوْلماقلارێنا سئوينيب، بير بيرلری ايله يوْلداش اوْلوب، چوْخلو دانێشاندان سوْنرا آرزێـلارينی بير  بيرلرينه دئديلر: - من ايسترديم اؤزۆمه بير همشه‌ليک يوْلداش تاپام؛ اوْ منی سئوه، منی گؤرمه‌ينده دارێـخا، گؤره‌نده سئوينه – سئوينه باغرێـنا باسا، منيمله اوْينايا، دانێـشا، منه ناغێل سؤيله‌يه، منی ياتێردا، منه لای‌لای چالا. - من ده ايسترديم بير يوْلداش تاپام؛  اوْنون باشێـنی قاتام، سوْنرا... گؤڲـلره اوچام، بولودلارا ياخێـنلاشام. گؤڲـدن يئره باخاندا، منه باخان سئوينجک اوشاقلارێ گؤرم. ... اوْنلار آرزێـلارينی اوْ قدر اۆرک‌لری دوْلو سؤيله‌ديلر كی، تانرێ اوْنلارێ ائشيديب، قبول ائتدی. آيتک‌له بابك ائوه گلديلر. گؤزلری اوْ ايكی تيكه كاغذلا پارچايا دَڲدی. آيتک پارچانێ گؤتۆروب، گلينجيڲينه* دوْن تيكدی... بابك كاغاذێ گؤتۆروب، اۆستونه بؤيۆک خطله آدێـنی يازێب، برديوانێـنا* ياپێشديردی... 🔷 آچێقلامالار؛ گلینجیک: عروسک بردیوان: بادبادک https://t.me/Adabiyyatsevanlar

اوشاق ادبیاتی دوه و تویوق مرتضی مجدفر ایکی تورکجه_ فارسجا اتالار سوزو سرایش شعر کودک به‌ویژه به زبان ترکی، یکی از دل‌مشغولی‌های من است. مدتی بود که این کار را رها کرده بودم. امروز عصر، یک ضرب‌المثل افتاده بود سر زبانم. شعری ساختم که ضرب‌المثل "شتر در خواب بیند پنبه‌دانه..." را بازسازی کرده است، البته با مابه‌ازای ترکی‌اش. البته متن شعر ترکی و مناسب کودکان ۸ تا ۱۲ ساله است. شعر ۵ هجایی است، یعنی هر مصراع ۵ و هر بیت ۱۰ هجا دارد. این از سخت‌ترین وزن‌های شعر ترکی است. زیریلداییردی   دوه بالاسی زارا گلمیشدی  اونون آتاسی. ایسته‌ییردی او      دادلی بیر یئمک بیر زاد یوخدورسا  داها نئیلمک. طوله‌ده اولان   تک قورو یونجا شام اولدو اونا  دویدو او، بونجا. یئدی علفی      یوخویا گئتدی ناغیلین سونو   بو یوللا بیتدی. بالاجا دوه    یوخودا گولدو آتا باخاراق   بیر سیرری بیلدی: "یوخودا گورر    آج تویوق گئجه بیر بوللو داری   یئسین او نئجه؟! دوه آتاسی             گلیشدی دیله فارسلار دئمیشکن   سؤیله‌دی بئله: پنبه‌دانه را          یک شتر در خواب هم لپ‌لپ خورد  هم با آب و تاب. https://t.me/Adabiyyatsevanlar

اوشاق ادبیاتی حیدر بابایی گوله گوله گون چیخدی باخان گوزلر قاماشدی بیر لپه نین اوستونده ایکی خروز ساواشدی .... بیری دیمدیگین آتدی دوستونو آلدی یاتدی دیمدیگی قانا باتدی ایش قاریشیب پیتلاشدی ... قارقا اوستدن گوروردو آتدان آتدان گولوردو قاناد چالیب یوگوردو لپه نی گوتدو قاشدی https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

سایین کانالداشلار مبتذل بیر اکانت هردن پست لارین آلتیندا مزخرف پورن شکیلی آتیر دفه لر ایله بو اکانتین مختلیف فورمالارینی مسدود ائله میشیک حتتا ناچار واکنش لری باغلامیشیق ...هرحالدا بو ایشلرین ادبیات سئونلر کانالینا ربطی یوخدو . ادبیات سئونلر

یئنه بیزه پاییز گلیر!… ع. ن. چاپار یئنه بیزه پاییز گلیر؛ نغمه‌سینی دینله‌ییرم – بیر سیزغینین. ائله گلیر منه گویا هر بیر نسنه سیزیلداییر؛ – سانکی نه‌یه یاس توتاجاق بیر کیمسه تک!… گؤزه چارپیر کوچه‌لرده کوچه‌لرین سوکوت–سوکوت استقبالی.. بودور بیزیم کوچه‌لرین – ساری طالع، بوز اقبالی!… یئنه بیزه پاییر گلیر؛ سحر سالیب چؤهره‌سینه دومان – دومان اؤرپه‌یینی. اوره‌ییمله ائشیدیرم – هر بیر گولون اوره‌یینی. دینله‌ییرم آغاجلارین ساریلیقدا ایتیب – باتان یاشیل – یاشیل دیله‌یینی!… بولاقلارین زینه – زینه آخار سویو بیزیم بوگون اوجا – اوجا متانتله سوسوب باخان داش داغلارین ایلیق – ایلیق گؤزیاشی تک اوره‌یینی یای چؤللره، یای مئشه‌یه! قوی دونماسین اوره‌یینده یاشیل – یاشیل آرزیلاری آغاجلارین؛ چؤل گوللری – نفس آلسین بو داغلارین نفسیندن؛ هاوا دویسون یارپاقلارین یاز قوخولو نغمه‌سیندن!… یئنه بیزه پاییز گلیر؛ اؤزلویونو اؤز الی‌له شاختالارا بئیعه وئره‌ن ساری اوره‌ک، ساری ساچلی بیر قیز گلیر؛ پاییز گلیر پاییز گلیر!… https://t.me/Adabiyyatsevanlar

یئنه بیزه پاییز گلیر!… ع. ن. چاپار یئنه بیزه پاییز گلیر؛ نغمه‌سینی دینله‌ییرم – بیر سیزغینین. ائله گلیر منه گویا هر بیر نسنه سیزیلداییر؛ – سانکی نه‌یه یاس توتاجاق بیر کیمسه تک!… گؤزه چارپیر کوچه‌لرده کوچه‌لرین سوکوت–سوکوت استقبالی.. بودور بیزیم کوچه‌لرین – ساری طالع، بوز اقبالی!… یئنه بیزه پاییر گلیر؛ سحر سالیب چؤهره‌سینه دومان – دومان اؤرپه‌یینی. اوره‌ییمله ائشیدیرم – هر بیر گولون اوره‌یینی. دینله‌ییرم آغاجلارین ساریلیقدا ایتیب – باتان یاشیل – یاشیل دیله‌یینی!… بولاقلارین زینه – زینه آخار سویو بیزیم بوگون اوجا – اوجا متانتله سوسوب باخان داش داغلارین ایلیق – ایلیق گؤزیاشی تک اوره‌یینی یای چؤللره، یای مئشه‌یه! قوی دونماسین اوره‌یینده یاشیل – یاشیل آرزیلاری آغاجلارین؛ چؤل گوللری – نفس آلسین بو داغلارین نفسیندن؛ هاوا دویسون یارپاقلارین یاز قوخولو نغمه‌سیندن!… یئنه بیزه پاییز گلیر؛ اؤزلویونو اؤز الی‌له شاختالارا بئیعه وئره‌ن ساری اوره‌ک، ساری ساچلی بیر قیز گلیر؛ پاییز گلیر پاییز گلیر!… https://t.me/Adabiyyatsevanlar