ግጥም ሲጥም - Gitem Sitem

መሄድሽን ሳስብ ከህይወቴ መሄድሽ እኔን ግን አመጣኝ ከፍቅር መዝገብ ላይ ሰው ሁሉ እንዳላጣኝ መሄድሽ አልከፋም ፍቅር ላይ ካሰጣኝ ማነው ያለው ሆዴ? ከህይወቴ ስቴጂ ይጠፋል ወይ ገዴ? ያላንቺ ተሳትፎ አይደምቅም መውደዴ? ማነው ያለው ከቶ ኧረ ማነው እንዴ? መምጣትሽን ሳስብ የፀዳው ደረጃ ላንቺ ክብር ነፅቷል በያ በሱ ሂጃ ሰው አለምድም አልል የነገን እኔእንጃ መምጣትሽ ያመጣኝ መሄድሽ ያልገታኝ የመውደድ ታላቁ የፍቅር ኩረጃ ሆኜልሽ አለሁኝ መሄድሽን ሳስብ መታነበር ያልኩኝ ስትሄጂ ቀርቶ ሳቴጂም ነይና መውደዴን ላስኪደው ቀና አርጊኝ ቀና በሰማይ በምድሩ እንዳንቺ ባይኖርም በሳር በቅጠሉ ስምሽን ባትምም መሄድ አስደስቶት እግርሽም ቢያዘግም መምጣትሽ ባነቃው ይህ ቀጥቃጣ ቀልቤ መሄድሽ ሊያሰኬደኝ እጅግ ተቃርቤ ስንብት በእጄ ፍቅርን ግን በልቤ ….. መሄድሽን ሳስብ እንደህ ነው አንቺ ሴት መሄድሽ አይደል ወይ ያረጋገጠለት የኔም ልብ እንደሰው ፍቅር እንዳለበት @seifetemam #seifetemam

መምጣትሽን ሳስስብ ህይወቴ መምጣትሽ እኔኑ አምጥቶኝ መምጣትሽን ሳስብ እኔው ነኝ የመጣሁ ደረጃ ወልውዬ ኩሽናውን ኮሻኝ እዚህ እሚያመጣኝ ፈልጌ እንዳላጣሁ መምጣትሽን ሳስብ መምጣትሽ ተሰማኝ አገር እንደሰጡት አደብ እንደነሱት ከሰማያት መርጠው አንዱን እንደቸሩት ለዛውም በጥምቀት እንዳሽሞነሞኑት ́ሚያደርገኝ ፍቅርሽ ሲመጣ ተሰማኝ አቴጂበት ነገር ውጅንብር ጎዳና ካይኖችሽ ታየቶኛል ያለሽበት ቀና መጣሁ ስትይቀርቶ ሳትመጪም ነይና መምጣቴን ላምጣልሽ ቀና በዪቀና ስትመጪም ነይና ከከንፈርሽ ላውጋ ስትመጪም ነይና አይንሽን አይኔጋ ጣ́ምሽን ጣ́ሜ ጋ ጎህ እስከሚናጋ መምጣትሽን ሳስብ እንደዚህ ነው ሆዴ መምጣትሽ አይደል ወይ መምጣትሽን መውደዴ @seifetemam #seifetemam

ገራገር ገል የተሰበረ ገል ለጋ ገር ገራገር ያልቦረቀ ግልገል ካ'ለም ጋር ሲታገል 'ራሱን ያገኘው በመከራ ነበር መከራም ያጠናው አልነቃም ሲነከር ሰይፈ 2008 @seifetemam #seifetemam

ስህተቴ ያለፈውን ትቼ ከአሁን ጋር ለመኖር ከራሴ ስማከር 'አሁን' ጣዕም አለው ልብን የሚያሰክር 'አሁን' እውነታ ነው አለምን የሚያስር ብዬ ፎከርኩና ትናንትናን ትቼ ወደ ዛሬ መጣሁ ካለፈው ወጥቼ የሰበሰብኩትን ሳልይዘው በእጆቼ ግን በግዜ ቀመር ከቀደመው ሁሉ ዕልፍ እና ዐዕላፍ ጥቅሞች ነበሩ … … … ስህተት የሚባሉ @seifetemam #seifetemam

ኋላ የቀረን ኋለኞች “ፊተኞች ኋለኞች … ‘’ ልክነው አምነናል ከፊት የነበርነው ከኋላ ቀርተናል ግና ይህ ሰልፍችን ምነው ግፉ በዛ መጨረሻ ስንቆም ፊት አንሆንም ‘ሳ @seifetemam #seifetemam 2008

አወይ አንቺ አወይ እኔ አንቺ ማለት’ኮ የሌሊት ጨረቃ ሰስቼ የማይሽ እንደ ድንቡሽ ጮርቃ … አንቺ ማለትማ የቀትር ፀሃይ ደፍሬ ‘ማላይሽ ያላንቺም አላይ ..እያልኩኝ ሳወድስ እኔ ማለት ለካ ምድጃ ሟቂ ነኝ የነደደ ክሰል ባመድ በተተካ @seifetemam #seifetemam

Seife Temam: እንዋዋል ስንቱን ውሎ ስንቱን አዳር ስንቱን ፍቅር ስንቱን አሳር ስንቱን ገድለን ስንቱን አስረን ስንቱን ቀብረን ስንቱን አምነን በአንዲት ቅጠል እንጠለል ከማን አብረን እንገንጠል ከማን እንሂድ ከማን እንዋል ማን ይፈርም እንዋዋል? @seifetemam #seifetemam

✍...ብዕር ለ ግጥም እጆች ሁሉ ይፅፋሉ ዓይኖች ሁሉ ያነባሉ ጆሮዎች ሁሉ ይሰማሉ Join ያርጉ ☞ https://t.me/joinchat/C_70PQ0-ZY4kCH214gXV2Q

አንዷ መንገድ አንዲት መስመርብቻ በዓይኔ ፊት አለች ደሞም ከሷ ውጪ ችክችክ እና ድልዝ ለንባብ አይመች ይቺ ደማቅ መስመር ይቺ ደማቅ መንገድ እራሷን ዘርግታ ወደራሷ ምትወስድ እራሷን አንድዳ ነድዳ ‘ምትማገድ ይኧው ከሷ ውጪ ቅዠት ነው ድንብርብር ሰልፍ የሳተ ጉንዳን የማይቀድስ ደብር ጭስ የሌለው እጣን የሚያሳስቅ ቀብር የሚታለም እውን የሚላፋ ነብር እውነትን ፈለኳት እንኋት ደማምቃ አየኋት ሳልለፋ በመስመሯ መጥቃ በጉልህ ተጽፋ ማተርኩ ወደ ፍቅር ትታያለች ዘልጋ ክረምቱንም በጋ ሌሊቱን ቀን አርጋ መስመሯን አፍቅራ ፍቅር መስመር ፈጥራ ባ’ለም ካለው ሁሉ በጎውን ተመኘው በአንድነት አንድ ሁኖ አንዲት መስመር ላይ ነው ከዛች መስመር ውጭ ሁሉ ችክችክ ሁሉ ድልዝ ለንባብ አይመች እውን አልባ ውጥንቅጥ የ’ልም አለም አደንዛዥ ያለ መስሎ ሚያጥጥ ሰው በቁም ‘ሚያስቃዥ ያባይ ስጋ ቅጥቅጥ የበረሃ ሚራዥ 2008 @seifetemam #seifetemam

የኔ ክረምት የከረረን ጽልመት በምናቤ ሳክም በከረረ ክረምት በነጠላ ሳዘግም ጽልመቱም አልነጋ ክረምቱም አልባተ ልቤን ከገላዬ መለየት አቃተ @seifetemam #seifetemam

አበቦቹ ተናንሽ አበቦች የፍካት ጨረሮች የብራ አለም ሰዎች የንጹህ አገር ዜጎች ለሃሴት አፎቱ ለፍቅርም ቤቱ ውበት ምልክቱ . . . ትናንሽ አበቦች. . . እንደጽገሬዳ የልብ ነጋሪ እንደ አደይ አበባ ብሩህ ቀን አብሳሪ ውስጠትን ሰርሳሪ በውበት አሳሪ. . . እነዚን አበቦች ለጌጥነት ያጨ እነዚን አበቦች ለጌትነት ያጨ ምንጩን አደረቀ ነገውንም ቀጨ (ለልጆቻችን. . .) #seifetemam @seifetemam

Seife Temam: አቻ ቃላት ሳታረቁ ነገር ሳታደቁ ያላቻ ጋብቻ ይቅር ብሎ ብቻ አቻ ደሃ አጥተን ይኸው ቆመን ቀረን ሰይፈ ተማም 2007 #seifetemam @TONETOR @TONETOR @TONETOR

አቻ ቃላት ሳታረቁ ነገር ሳታደቁ ያላቻ ጋብቻ ይቅር ብሎ ብቻ አቻ ደሃ አጥተን ይኸው ቆመን ቀረን ሰይፈ ተማም 2007 #seifetemam

ለአከራዬ ልጅ መብራት የጠፋ ለት ሻማ ስታበሪ ጥላሽን አየሁት ልብስ ስትቀይሪ ልብስ የምታጥቢም ለት ጨምረሽ ከሳፋ (መብራትስ ሁሌ ይሂድ ውሃ ግን አትጥፋ) ጦረኞቹን አየሁ ሲሉ ቀና ደፋ ቀና ደፋ እያልኩኝ ስሰራ የምታይ እንዳያልፍብኝ ነው የናትሽ ቤት ኪራይ ቤት ኪራይ ፍለጋ ጊቢያችሁ ስመጣ አንቺን ብዬ ከፈልኩ ቤቱስ አያዋጣ አያዋጣም ከቶ 'ማይከለል መስኮት የማይዘጋ በር እናትሽ ሲወጡ ካልመጣሽ በስተቀር #seifetemam #አሁን @seifetemam @seifetemam

ድምጽ፣ ሽታ፣ ጣዕም ምስኪኑ ሰአሊ በወጠረው ሸራ የሳላት ጉራንጉር የሳላት መንደሯ ድምጽ የላትም ጭራሽ ምኗም አይሰማም ድምጽ ቀለም ሆኖ ከሸራው ላይ የለም እነማማ እንትና ሰውን ሲቦጭቁ እነ ጋሽ እከሌ አዳልጧቸው ሲወድቁ ወይዘሮ እከሊት ጠበል ሲጠድቁ የተሰማው ሁሉ የለም ከቀለሙ የተጠጣው አቦል ከየት አለ ጣ'ሙ ከየት አለ ሽታው የቡናው የጣኑ ድምጽ ሽታ ጣዕም በቀለም አይወጡም በብሩሽ አይሰፍሩም ወይስ አይን የለም እነዚን ለማስፈር ከሸራ አይን የለም እኒህን ለማየት ከሸራ ምስኪኑ ሰዓሊ የሳላት መንደሯ ስንቱን እንዳወጣች ስንቱን ነገር ቀብራ ወይም ድምጽ ሽታ ጣዕም ከዚህ ሰፈር የሉም አይሰሙ አይሸቱ ጨርሶም አይጥሙም እንደድሮ አይደሉም ወይም... ወይም ይጮሃሉ ወይም የገማሉ ወይም ይመርራሉ ድምጽ ሽታ ጣዕም ኑሮነን እያሉ ባለመሳል መስመር ሁሌ እየተሳሉ #seifetemam #ድምጽሽታጣዕም

ፍቅርና ደሞዝ ስራ ተቀጥሬ ከዋክብት ቆጠራ እጅግ አደከመኝ እንዴት ብዬ ልስራ ቆጥሬ ቆጥሬ እየተምታታብኝ አልሰራህም ብለው ደሞዝ ከለከሉኝ ስራዬ ፍቅር ነው ከዋክብት ውበቷ ደሞዜም እሷው ነች በጄየገባች ለታ (ለ...) ሰይፈ ተማም 1996

ውዴ ፦ እንደኔ ያለ አፍቃሪ እንደኔ ያለ ፈሪ ቃላት ካፉ ጠፍቶ ሚናገረው አጥቶ ለፍቅር እጁን ሰጥቶ ጉልበት ተቀምቶ ስርሽ ተጎልቶ ዐይን ዐይንሽን ሲያይ ቀናት በጊዜ ቦይ ዘመን ሆነው አለፉ ጨረቃና ፀሐይ በቀን ተቃቀፉ። አጠገቤ እያለሽ ከዘመናት ርቀሽ ጠፈር ሆነሽ ሰማይ ምስልሽን ስጠብቅ አንጋጥጬ ወደላይ ቀኑን አጨልመው ጉዳቸው እንዳይታይ ከንፈር ይጋራሉ ጨረቃና ፀሐይ። @TONETOR @TONETOR @TONETOR