رواياتي 📚الوسام 2️⃣

بس م بصدق ساره! ساره اختي وحبيبتي وكانت معاي في كل التفاصيل هيي انا كلمتك المهم لو م عايزه تصدقي راحتك المهم دي مكالمتها مع سواق العربيه بعد طلعت سمعتا التسجيل فعلا ده صوت ساره ح اندمك والله تندمي ي ساره على أي حاجة عملتيها لي وبتشوفي ح اكشف سرك وافضحك _____ المهم وانا نايمه في سريري بتذكر Flash Back طالعه من المركز وماشا برجليني لحقني مؤيد كان الجو حلو ماشين وبنتونس قلتا ليهو مؤيد لو حصل وخيروك بيني انا وزول تاني ح تختار منو؟ قال لي من دون شك حبيبه قلبي انتي❤️ كنتا مطمنه وحاسه ب أمان معاهو بس في النهايه كسرني ________ شهد : ي خالتو انصاف بعد الاختين فتناهم ح يحصل شنو؟ م تخافي يقلبي ح ينشغلو ببعض وانا العب لعبتي ____ بعد شهر❤️ كنت بتكلم مع أمجد قلتا ليهو لين اختارت لي توبين ومحتاره قال لي وريني اختار ليك فتحتا الكاميرا وشافهم اختار لي توب لونو سماوي فاتح مشغول بكم لون لين عملت لي ميكب حلووو وطلعنا لين: الصاله مليانه بالمعازيم الكنتا انا من ضمنهم مع انو احمد أصر على م اجي بس انا اصريت اني اجي عشان اقطع آخر امل لقلبي ويقتنع انو كل حاجه انتهت كنتا قاعده معاي صحباتي ولنا وماما كانت مع نون في طاوله تانيه الاغاني شغاله والناس مبسوطه لانا في البيت هي وليان اتصلت عايزه ماما شلتا التلفون اديتو ليها اتكلمت معاها عايزه ارجع شفتا عوض معاهو ساره وبناتهم جنب الباب جاين عاينتا ل ماما وهي عاينت لي بس م اتكلمنا قربو اكتر لمن ساره جات وسلمت ل ماما بكل وقاحه بعدهم جو عم بشير وسهام غايتو الله يعدي العرس ده على خير بعدهم العرسان وصلو اجتمعوا الكسرو قلبي ابوي وحبيبي💔 شوفتي ليهو مع شهد بالأبيض م بكتني ولانزلت دموعي بس قلبي كان ببكي وبنزف بصمت خططنا نكون سواا بس في وحده تانيه محلي دي م انا المعاهو سهام جات وقفت جنب طاوله ناس ماما وهي سايقه البت شبه لانا وقالت ل ماما مريم بتعرفي البت دي؟! ............... _______ صلو على محمد

#ضُل_أمات_البنات24 الكاتبه موده عمر "ما كان يؤلمني رحيله، بل يؤلمني أنه هدم بيديه كل الأحلام التي بناها في قلبي، ثم مضى كأن شيئًا لم يكن." مسحتا دموعي بسرعه وبقيت اردد ربنا يجبر بخاطري اليوم انتهى رجعتا البيت ماما قالت بكره ح تنزل الشغل قاعدين في الصاله انا وماما بنتونس واسيل بتعمل لينا في قهوه وبتجوط ليان بتقرأ ولانا كالعاده ماسكه المرايا الباب ضرب لانا مشت تفتحو سمعناها صرخت كلنا طلعنا مهجومين من صرختا شفنا لنا حاضناها وببكو لنا عملتا مفاجأه وم كلمت زول فينا انبسطنا شديد بجيتها وقضينا الليل كلو ونسه ______ بيت بشير: قاعد في الصاله ومستاء وم عارف اعمل شنو صاح عقدتا على شهد وح نتم العرس بعد شهر بس مجبور ولسه قلبي مع لين💔امي قالت أسي ده شكل بيت فيهو عرس بعد شهر؟ ربا قالت ليها م ف زول مبسوط بالعرس ده غيرك ي امي قالت ليها الحاجه البتبسطني انو بتضايقكم ابوكم عرس كلكم م اعترضتو بالعكس انبسطتو شديد أسي المرا مسكتو بالحادث ده أن شاء الله تكون مكسوره كدي وم تقوم منها اشوفو بعمل شنو ريا قالت ليها امي عليك الله ابوي زاتو فتر وعرس وبعد عرس م مقصر من واجباتو امي قالت ليها اصلك زي ابوك اتلفتت على وقالت لي اها حجزتا عشان الحجر الا بدري قلتا ليها ايي جاء احمد قالت ليهو ونتا ناوي متين تعرس! قال ليها ربنا يسهل وطلع _______ بيت مريم ماما قالت ل لنويه لو م ولدتي م ف ليك سفر قالت ليها اصلا م راجعه قريب لانا قالت ليها لو جبتي ولد شيليهو م عايزنو اما لو بت ح تخليها ماما قالت ليها ليه؟ قالت ليها م شفتي ود الجيران معذب اخواتو عذاب احنا م عايزين ولد ____ عن ساره انا متأكده الحادث ده م حصل من فراغ آيات قالت ليها كيف يعني؟ قالت ليها لانو السواق كان متوتر وكان المفروض بشير يجي معانا بس حصل شنو م عارفه قعد حضر العقد لكن ح اعرف واندم السبب في الحادث ده ______ شهد مروه بكره ح تمشي معاي نحجز ونظبط باقي الحاجات العرس قرب شديد قالت لي والله ي شهد م قادره عليك قلتا ليها ولا ح تقدري ي بيبي يلا عشان عايزه اشوف مؤيد ده كمان _____ انصاف: تلفوني رن وكان المتصل... الو انصاف كيفك اهلين كويسه ونتي الحمدلله إلا عندي ليك خبر م ح يبسطك اها شنوو ساره شاكه انو في زول عمل ليهم الحادث ده ومنو القال ليك انتي؟وانا مصلحتي شنو ح اقفل دقيقه ي حلوه انا عارفه انك انتي السبب وم تخافي العايزاهو منك م كتير ومشترك بيناتنا حاليا شوفي ساره وفصلت! رجعتا راسي ل وراء واتنهدتا شلتا تلفوني اتصلتا ل شهد عايني ي شهد اعملي البقولو ليك كلو...... طيب ي خالتي _______ لين: في البحر والجو هادئ معقوله مؤيد الوثقتا فيهو وحبيتو اكتر من روحي يعمل فيني كده💔💔💔 جاني صوت احمد وهو بقول لي بس مؤيد مجبور قلتا ليهو طبيعي عشان اخوك !. قال لي لا م عشان اخوي قلتا ليهو المهم انو هو كمل حياتو قال لي ليه م بتظهري ضعفك؟ ليه م بتبكي قدام زول ليه دايما بتظهري انك قويه بس الحقيقه عكس؟ ليه دايما البت الشجاعة م رديت قال لي كلامي م عجبك لانو صاح ابكي واشكي همك انتي ي لين فقدتي مؤيد خانك عرس وخلاك ده م سبب يبكيك مؤيد كسرك بعد الكلام ده لقيت روحي بنفجر بالبكاء وم ف غير كتفو اتسند عليهو! قلتا ليهو اخوك كان اي حاجه بالنسبة لي بس كسرني كسرني من جوا اخوك دمرني اخوك دمر اي حاجه حلوه بيناتنا انت عارف ي أحمد انا اتولدتا وسط ناس بكرهو ولاده البنات انا قضيت طفولتي بتعذب لاني بت أب قاسي يضرب بناتو ويعذبهم ويشغلهم خدم عند اهلو عارف كنا لو وحده فينا عيانه يستغل الباقيات عشان يجيب العلاج للعيانه يضربنا ويعذبنا طلق ماما عشان جابت ليهو خمسه بنات اتخلى عننا وم سأل لو م ماما كنا ح نموت ماما قويه شديد هي الربتنا وكبرتنا السنين دي كلها م فكر يسأل عننا بقت عندي فوبيا من الرجال عموما اخوك عارف الحاجه وعارف تعب معاي قدر شنو لمن غير اي نظرتي خلاني أحبو اتأكدتا انو خلاني أحبو عشان يرجع يكسرني تاني 💔 انا والله م قادره كفاي فترتا من البحصل ده 😭😭😭😭 ذنبي اني وثقتا فيهو وصدقتو؟ انا حبيتو يشهد الله حبيتو بكل م أملك في النهايه يعرس شهد انتا عارف في المستشفى قال لي الوضع يروق ونعمل خطوه جاده لمن انتبهتا ل روحي قمتا سرعه من جنبو وقلتا ليهو انا ماشا اتحركتا من جنبو لحقني قال لي اركبي اوصلك قلتا ليهو لا شكرا قال لي اركبي م افتح ليك سيره حاجه م ح اتكلم اصلا لانو مستحيل اخليك ترجعي براك ركبتا وكنا ساكتين كسرتا الصمت ده وقلتا ليهو شكرا ____ سهام: معقوله ساره اختي تعمل فيني كده؟ ايوا للأسف اي زول جاري وراء مصلحتو هي م كانت عايزاك تعرسي بشير ومخصوص دبرت للحادث ده عشان انتي تحصل ليك حاجه بس م تموتي م كانت عارفه انك ح تقعدي قبل م تجي

لف وشو مني م اتكلم ولا فتح خشمو صوتي ارتفع وانا بقول ليهو مؤيد رد قال لي اي ي لين الليله عقدي واطلعي برا ضحكتا وقلتا ليهو ده اخر جزاي ي مؤيد وقعدتا في الكرسي ودموعي حلفت تقيف كنتا ببكي بحرقه على كل حاجه كانت بيناتنا ومؤيد كسرها في رمشه عين قام من الكرسي طلع بالمره من المحل م كلف روحو يواسيني واصلا يواسيني ب اي عين! لمن جاء احمد اخوهو شافو طالع بس م وقف ليهو جاني جوا قال لي في شنو؟! مالك وانا ببكي مسحتا دموعي وقلتا ليهو م ف شي غسلتا وشي ومشيت المركز لقيت انصاف مشت بس شهد وصحبتها قاعدين قلتا ليهم م جبتو ليهم حاجه ضيفتوهم مشيت بنفسي جبتا ليهم مويه وبارد وضيفتهم شهد مستغربه بس م اتكلمت قلتا ليها في حاجه معينه في بالك ولا اعمل ليك من زوقي؟ قالت لي لا من زوقك باستفزاز قالتها قلتا ليها حاااااضر من عيوني ح اعمل ليك احلى حاجة فعلا عملتا ليها حاجه حلوه شديد وبينت ملامحها صحبتها برضو طبعا مستغربه اني ليه اصلا أوافق امكيجها انا وليه اعمل ليها حلو وناعم كدا هي لسه م بتعرفني! طبعا بطاعن بالكلام قالت لي مؤيد حبيبي ح يجي عشان يسوقني قلتا ليها اتصلي ليهو لانو خلاص قمر 14م شاء الله لمن اتغاظت مني قالت لي مؤيد حقي انا وبس ليه بتتصرفي بالطريقه دي؟ قلتا ليها تتهني يارب وبتصرف ك خبيره تجميل مع زبونتها المفروض تعمل ليها احلى م عندها صحبتها همست ليها ب حاجه تاني سكتت بعد فتره قالت مؤيد جاء بحكم انهم زباين المفروض يجي يسوقها من جوا فعلا وانا بعاين بالشباك باب العربيه اتفتح نزل منو وكان حالق شعرو بطريقة حلوه شديد ومخفف لحيتو ومرتبها ولابس جلابيه لونها ابيض وشال فيهو بالبني وشايل عصايا وبتبسم ل تشغيلات اصحابو الجنبو ابشر ي عريس ابشر ي عريس الباب اتفتح دخل وكانت ريحه عطرو البحبها سابقاهو بخطوات متثاقله وانا متجمده مكاني لاقادره أمشي لا قادره اقيف عيوني اتلاقت مع عيونو💔 ساق مرتو وطلع وانا قلبي طلع معاهو💔 م سمحتا ل دموعي تنزل نهائي بالعكس كنتا قويه وانا عيني م نزلت منهم بعد العربيه اتحركت شلتا شنطتي وقلتا للبنات بعدين اقفلو الباب معاكم انا طلعتا ______ مؤيد الحبيتو اكتر من روحي في النهايه خذلني 💔 م قدرتا افكر ولا اتذكر الحصل ده نهائي وصلتا البيت دخلتا غرفتي طفيت النور ونمتا💔 _____ بعد تلاته ايام وانا بفتح في المركز الصباح جاني صوتو وهو بقول لين اعفي لي انا كسرتك ضحكتا ضحكه باهته وقلتا ليهو بالله قال لي لين اسف قلتا ليهو الحصل حصل وانتهى بس لحدي هنا كفايه انتهينا ي مؤيد قال لي لين عارف صعبه عليك وم ح تقدري تتجاوزيني ضحكتا المره دي بأعلى صوت عندي وقلتا ليهو بالله! هو انا ابوي ابوي الولدني اتجاوزتو ونسيتو وقفت عليك انت! ودخلتا خليتو واقف _____ صلو على محمد

#ضُل_أمات_البنات23 الكاتبه موده عمر شكلو حتى هو انصدم لمن شافنا وم اتوقع نكون بالطريقه دي وانو ديل بناتو الاتخلي عنهم وم سأل منهم قرب خطوه وقال بصوت م مفهوم مريم! ماما قالت ليهو عوض خليك بعيد مني ومن بناتي لو سمحتا مسح على جبهتو وقال الفاضي ليك نتي وبناتك منو؟ فاكراني مبسوط بشوفتكم! انا اتجمدتا تماما من الكلام الموجهو ل ماما معقوله الإنسان ده والدني! اتحرك مشى ولاكأنو جاء وارعبنا زي عادتو ماما بعد مشى شالت نفس طويل وقالت الحمدلله لانا قالت ليها يا ماما ده منو؟! انا بكل غضب الدنيا قلتا ليها وحش مرعب لو شفتيهو م تتكلمي معاهو وأجرى اسيل كانت بتبكي وحاضنه ليان مع انو الخوف حالف م يطلع من قلبي و رغم انو هو مشى بس لسه خايفه مع ذلك اتقاويت عشان ماما واخواتي حاولتا اغير السيره قلتا ليهم يلا كفايه ي ماما ندخل؟هزت لي رأسها بس ومشينا واي زول ساكت وجواهو الف سؤال _____ _شفتا بناتك الجدعتهم؟ منهم الدكتوره وعرست وسافرت ومنهم الفاتحه مركز تجميل ودكتوره مشهوره في مدني وسمعتها سابقاها واسيل بتقرأ بنوك ومصارف الباقيات في أحسن المدارس حتى م متذكرنك -ولا انا متذكرهم ولا عايز اتذكر --ي ولدي رجع بناتك بنفعوك -هههههه ياداب ي امي عرفتي انهم بنفعوهو ناسيه انك انتي الخربتي بيتو! ______ شهد: -انا مبسوووطه شديد ي مروه --ليه حددو عرسك ؟ -لا ماسكه انصاف من يدها البتوجعها اتخيلي انها هي سبب حادث سهام زوجه عم بشير واختها --واي احلفي معقوله انا اصلا نسيبتك دي م برتاح ليها -ي بت دي اكتر وحده فاهمه القصه صااح تاني دي ح تفيدني وتخلي ولدها يعرسني وح تشوفي أبدى اتحبسي لانو عرسي قرررب --غايتو الله يهديك ______ احمد: فتح دفترو وكتب أما زلتِ تذكرين؟ أما زال طيفكِ يزورني كلما هدأ الضجيج وسكنت المدينة؟ والله إني لا أحفظ من الدنيا إلا ملامحك، كأن قلبي نقشها نقشاً لا يمحوه زمان ولا يطويه نسيان. وإن سألوني عنكِ غداً، قلتُ: كانت فتاةً إذا ابتسمت نسيتُ أحزاني، وإذا بكت تذكرتُ ذنوبي. كانت هي... ولا أحد بعدها هي. 💔💔💔💔💔💔 قفل الدفتر وهو بردد اصحى على روحك _____ مؤيد: _مؤيد كيفك =م كان تردي _اصلا م عندك غيري يطبطب عليك حبيبتك الجديده مع امها ونتا وحيد وابوك عرس وزعلان على امك =ح اقفل -هييي كنتا بهظر معاك بس ____ خالتو انصاف ح تحددو العرس انتو ولا نحنا ي بتي انا دايراك الليله قبل بكره تكوني مرت ولدي ح اتكلم مع مؤيد وارد ليك طيب ان شاء الله تسلمي يديك العافية 🤍 فصلتا من شهد البقت عارفه الحقيقه ومضطره اسايرها اصلا هي أحسن لي من بت سراقه الرجال ديك كمااان مؤيد جاء راجع البيت اتكلمتا معاهو قلتا ليهو لو عايزني اكون راضيه عنك خلال شهر تكون عرستا شهد ولو م عرستها ح تلقاني ميته قدامك والسبب انتا جاط وم قبل بس مصيرو يوافق ______ العاشره مساء كنتا ماشا في الممر بتاع المستشفى وبفكر في الحصل قبيل وخوفنا من عوض بس عايزه اعرف ظهر من وين وليه؟ لمحتا عم بشير واقف براهو وباين عليهو انو مهموم وحزين شلتا مويه ومشيت ليهو سلمتا ليهو وقلتا ليهو أن شاء الله ح تكون كويسه قال لي ان شاء الله ي بتي جات نفس البت الكانت بتبكي وقالت ليهو عمو ماما وخالتو صحو هنا عم بشير انبسط شديد وقام مشى انا لحقتو واتفاجأتا لمن شفتا ساره معاها عوض يبقى دي مرتو وديل بناتو! قلتا ل عم بشير ربنا يديهم العافيه وطلعتا التلفون صامت لقيت مكالمتين من مؤيد رجعتا ليهو من فتح الخط قال لي شايفك خليك مكانك ظهر قدامي سلم لي في كراسي قعدنا فيهم قال لي لين من غير مقدمات بتقبلي تكملي حياتك معاي وتكوني مرتي وحلالي وأم اولادي م عرفتا ارد اقول شنو قال لي لين انا م قادر على البعد ده وانا عايز اكمل حياتي كلها معاك م لقيت الا دموعي وهي بتنزل بعد الحصل ده كلو م بنكر حقيقه انو انا لسه بحبو قال لي طيب يقلبي الوضع حاليا شويه مكركب عندنا عندكم ف ننتظر شويه عشان نكلمهم بتكون امك طلعت من المستشفى واحنا الوضع راق قلتا ليهو طيب المهم انو تاني قعدنا نتونس مبسوطين مع بعض ❤️ ______ المفروض يخرجونا الليله ف منتظرين الدكتور انا وماما ومي بنتونس الدكتور قال ليها م شاء الله تبارك الله انتي كده عال العال فعلا كتب لينا خروج بس ترتاح والأدوية في مواعيدها وعندها مقابله بعد اسبوع مشينا البيت الكان عمران بالناس ❤️ اليوم التاني عملنا الكرامه ❤️ وبعدو نزلتا شغل بعد غيااااب حسيت كل حاجه اتغيرت بعد الفطور كنا بنشرب في شاي و بنتونس جات انصاف معاها شهد ومعاهم وحده تانيه قالت لي جيت مخصوص عشان اجيب ليك خطيبه ولدي تمكيجيها لانو الليله العقد ومعزومه عقد مؤيد وشهد كلامها كان بينزل في قلبي زي طعنات السكين لالا مستحيل خليتهم وطلعتا مشيت محلهم لقيتو قاعد قلتا ليهو مؤيد صاح الكلام ده

وصفو لي مكانهم مشيت كانت غايبه عن الوعي جسمها كلو فيهو اجهزه حالتها تحنن جات الممرضه وطلعتني قعدتا برا جو سوهندا وسالي وسمر م اشتغلتا بيهم كتير قمتا عايز أولع لي سجاره __ آيات كانت بتتكلم مع اختها قالت ليها ساره يحليلها ربنا يديها العافيه ارح معاي شوفيها قالت ليها م ماشا مكان ساره الحادث الحصل ليها ده نتيجه أعمالها وانتي اعملي حسابك ي آيات الدور جاييك دي اسمها العداله الالهيه نتيجه كل العملتو في مريم المسكينه دي ربنا ح ياخد ليها حقها وحق بناتها آيات اتضايقت من كلام اختها وشالت شنطتها وطلعت بس كان صدى الكلام لسه بتردد ليها ___ ي دكتور لو سمحتا ممكن بالكرسي اطلع ماما شويه برا تشم هواء ايوا ممكن بس 5دقايق عشان الجو م معروف معاي اسيل وهو ساعدنا ماما قعدت في الكرسي وطلعناها في شجره كبيره قعدنا فيها بنتونس جات ليان ولانا كانو في السوبر ماركت ماما قالت ليهم لقيتوني غايبه واستمتعو بالشبس والاندومي بنتونس ونضحك ماما بصدمه قالت عوض! ماما: قلبي وقف نص ثانيه قبل م يرجع يدق سريع ومتلخبط،الدم نشف في عروقي ،ويديني بقو تلج،م كنت خايفه منو زي خوفي من اللحظه دي بعد 15سنه! جواي صراع عايزه ابلع ريقي وم قادره حضنتا بناتي على قبل م يلمسهم بكلمه احساس زول وقع من الطابق العاشر بس السقوط بطئ ،سامعه كل صوت شايفه كل تفصيله وعارفه انها ح تتحطم في النهايه لين: حسيت بصدمه في نص صدري، نفسي اتكتم ،عقلي بقى فاضي تماما لا أفكار لاذكريات بس فراغ تقيل مسكت يد ليان كأني بقول ليها انا معاك وهي اصلا مرعوبه اما لانا اصلا هي م بتعرفو ولاحصل شافتو ف م كانت مصدومه بس بتعاين لينا واسيل بقت تبكي وتقول ي ماما ح يقتلنا ماما ح يقتلنا😭😭😭😭 ____ صلو على محمد

#ضُل_أمات_البنات22 الكاتبه موده عمر أثناء م كل المعازيم وصلو الصاله والعقد انتهى منتظرين العروس وبشير اول المنتظرين وفي وحده من المعازيم فاتحه بث مباشر ل انصاف القاعده بيتها وخاته جنبها فشار وبتحضر في التاب الحفله مباشر ومبسوطه لانو سلفا عارفه الحيحصل جاء اتصال ل بشير انو العروس عملت حادث في تقاطع حنتوب أصوات الموسيقى والفنان الكان متحمس يغني ل رجل الأعمال بشير اختفى واتقلب ل صراخ وانصاف مستمتعه من الحصل طلعو بشير وكم نفر على وصلو جنب الشارع الرئيسي كانت عربيه الإسعاف متحركه بشير نزل وركب معاهم كانت سهام حالتها حرجه شديد واقرب مستشفى كان مدني للقلب لين: بعد م اخواتي رجعو البيت مع امي سعاد انا كنتا نايمه في السرير الجنب ماما بقيت افكر في مؤيد انو متأكده هو م طبيعي بس منتظره شنو من واحد بتعاطي! ااااااااه طلعتا اشم هواء شويه واجيب كم حاجه ناقصه من برا اشوف ناحيه الطوارئ في اسعافين وبعدها شفتا عم بشير نزل من الإسعاف وبدلتو ملطخه دم مشيت على اتجاهم بخطوات متثاقله قلبي كان بضرب بسرعه شديده م عارفه السبب شنو لمن وصلتهم كانو دخلوهم الطوارئ واقفين كميه من الناس رجال و نسوان وم صابرين م ف زول بواسي زول كلهم ببكو غير عم بشير م عرفتا زول وقفتا جنبو كانت حالتو صعبه قلتا ليهو عم بشير في شنو؟! قال لي زوجتي عملت حادث هي واختها وحالتهم خطره ف اسعفناهم هنا قلتا ليهو ياساتر مش الليله العرس؟ قال لي ايوا هم في طريقهم من الأندلس للصاله عملو الحادث جات الممرضه وقالت ليهو عايزين دم لو سمحتو هو مشى معاها انا وقفتا شويه لفتت نظري طفله في عمر 10سنوات كانت واقفه بعيد بتعاين للغرفه مشيت وقفتا جنبها قلتا ليها مالك ي حلوه طوالي بكت وقالت لي ماما ح تبقى كويسه؟ قلتا ليها أن شاء الله ماما ح تبقى كويسه عرفتا من كلامها انو امها اخت زوجه بشير قالت لي انا بحب ماما شديد قلتا ليها وماما بتحبك بس انتي م تبكي انتي ادعي ليها وح تقوم بالسلامة ان شاء الله مسكت يدي شديد بعدها جات بت أكبر منها وفيها شبه من لانا ولنا شديد وفي عمر لانا قالت ليها يلا ي سوهندا ارح حتى م عاينت لي ولا قالت لي انتي منو؟ مشيت لقيت ماما صحت قالت لي كنتي وين حكيت ليها قالت لي ربنا يديها العافيه وقالت لي معقوله ده كلو حصل في غيابي وانصاف قبلت ل بشير يعرس كيف قلتا ليها برررري المهم تاني الصباح طلعتا اجيب الشاي لاقيت عم بشير في الممر قال لي كنتا جاي اشوف امك بقت كيف قلتا ليهو كويسه ونتا زوجتك واختها أن شاء الله كويسين قال لي الحمدلله اتخطو مرحله الخطر قلتا ليهو الحمدلله هو واصل وانا مشيت __ لقيت رساله من مؤيد كاتب لي انا برا قلتا ليهو وانا م بقدر اخلي ماما براها في حاجه؟ قال لي طيب ______ احمد: مستحيل دي حبيبه اخووك وبس م ف حاجه تانيه ولا المفروض يكون في حاجه ولا مشاعر اصلا هم رجعو لبعض وهم حلوين مع بعض اطرد الأفكار دي من راسك م ف حاجه اسمها حب في حياتك كنت ناوي استقر بس شكلي ح ارجع 💔 ___ كنتا بحكي ل ماما عن تفاصيلي الحصلت معاي وهي غايبه ماما صحبتي وحبيبتي م بدس منها حاجه في أثناء م نحنا بنتكلم باب الغرفه ضرب قلتا وعليكم السلام دخل احمد طبعا اتفأجتا شديد من شوفتو داخل مبتسم قال السلام عليكم ردينا انا وماما وسلم لي في يدي كمان من عرفتو م حصل يدي اتلاقت مع يدو وسلم ل ماما وقعد في الكرسي قال ليها ده عصير تبلدي م بارد شديد وسكرو خفيف مفيد شديد وخصوصي ليك طلع الكبايه من الكيس مداهو ليها طبعا ماما مستغربه وانا اكتر منها هي م بتعرفو قال ليها انا احمد بشير ماما رحبت بيهو شديد وبقت تتونس معاهو وانا لسه مستغربه من قالب التلج القدامى ده معقوله بيعرف بتونس! لا وبضحك كمان وانا مسفوهه ساعه كامله مليت من ونستهم دي اصلا ماما قالت ليهو حقيقي غيرتا لي جو وطلعتني من جو المستشفى قلتا ليها ايوا طيب انا ماشا ي ماما ضحكت وهي بتقول لي لين أعقلي شويه قلتا ليها انا م قاعده اطلعك من جو المستشفى ودموعي نزلت م قدرتا امنعها هو ضحك وقال بصوت أقرب للهمس حركات الشفع! بعدها قال ليها طيب ي خالتو مريم انا استأذن __ انا طايره من الفرح يستاهلو عشان م يلعبو معاااي تاني ح اوريهم يعني شنو يلعبو مع انصاف في أثناء م بتكلم بالتلفون جات شهد وسمعت كلامي كلو قالت لي وهي مصدومه يعني دي انتي السبب؟ بسرعه قلتا ليها وابقى مرا ي شهد وافتحي خشمك ل زول قالت لي وهي بتمتم لو ماتو قلتا ليها م شغلتك ___ عوض: آيات كيفكم كويسين ي عوض نتا كيفك الحمد لله ساره دي لسه عرس اختها م انتهى م بترد لي قلتا جاي مدني الليله واي ي عوض سارهعملت حادث عندها يومين حاليا في المستشفى لكن حالتها مستقره شنوو؟ومبتكلموني أسي دي بجي مسافه السكه هي كويسه اي كويسه الحمد لله ركبتا أقرب عربيه وجيت مدني ونزلتا في المستشفى طوالي

في مره من المرات جاتني مكالمه من رقم غريب وكانت دي ام شهد بتبكي وتقول لي الحقنا في المستشفى قلتا حاصله ليهم حاجه ف مشيت فعلا لقيت انو الاستاذه شهد عايزه تنتحر وشاربه كميه كبيره من الصبغه لو م الجيران اسعفوها وادوها ملح وليمون كانت ح تموت دي الحاجه الأولى وبدايه القصص كلها عارف اني غلطتا شديد في حقك بس امي كانت بتستغلني بتخليني احن على شهد غصبا عني بتهديد انها ح تطلع من البيت انا كنتا عاجز تماما ي لين وفي مره جاتني ب كذب انها حامل مني وانو ده ولدك انا اعمل ليهو شنو؟ وامي واقفه معاها والحاصل كلو كان خارج عن سيطرتي ف بس اعفي لي م قدرتا اتصرف قلتا ليهو مؤيد طيب انا موقفي شنو فاكر ح تمش وترجع انا اكون منتظراك مؤيد انتا كسرتني من جوا لين والله عارف المهم أثناء نقاشنا انا في الكرسي المقاصد الباب أحمد جاء خاشي وشكلو مستعجل وقف جنب الكاشير اتفحص المكان بنظره سريعه عيونو وقعت في عيوني م ابتسم ولا سلم بس أتجاوز طلب قهوه وواقف منتظر لمن شفتا احمد وعشان اطرد الاحساس الكريه تجاهو الجواي ده ابتسمتا ل مؤيد هو مسك يدي وانا م اعترضتا عشان احمد يشوف احمد: بعد العملو معاها كلو لسه بتبتسم ليهو؟تخليهو يمسك يدها💔 بس لا ده غلط وغلط كبير دي حبيبه اخوك انتبهتا بصوت الويتر وهي بتقول لي عايز حاجه تانيه؟ قلتا ليها لا مدت لي وطلعتا لين: كنتا بعاين اتجاه الباب م قدرتا اتكلم ولا اقول حاجه ولا واحد اعترف ولا واحد قدر ينسى _____ الثامنه مساءً عرس بشير وسهام َالعقد انتهى وخلاص اتزوجو بس الحفله م بدت لانو العرسان م جو العريس بتصل بس م ف رد! تتوقعو الحصل شنو ل للعروس؟ ومنو السبب _____ صلو على محمد

#ضُل_أمات_البنات21 الكاتبه موده عمر صباح الجمعه❤️ سمحو لينا ندخل العنايه بس 5دقايق انا واخواتي دخلنا ريحه الديتول أقوى وصوت المونيتور "بيب.... بيب" كل صوت بطلع بقطع قلبي ماما كانت راقده وشها اصفر وشاحب الاكسجين مغطى نص وشها اول م عيونها وقعت علينا الاربعه ابتسمت ابتسامه تعبانه بس دافيه تعالو ي حبيبااتي ،تعالو جنبي جرينا عليها وقفنا كلنا جنبها،يدها كانت بارده بس اول م مسكتا حسيت الدنيا كلها رجعت مكانها بصوت تعبان وبراحه أقرب للهمس م تبكو ي اميراتي انا كويسه صوتها كان واهن بس فيهو طمأنينةٌ لانا قالت ليها يا ماما تاني م تعملي كدي خوفتينا 😭💔 ماما مسحت على شعرها وهي بتقول حاضر ي روح ماما عشان عيونك مابعملها تاني طلعنا التلفون واتصلنا ل لنويه لانو قلبها مقطوع اول م شافت وش ماما في الفيديو انهارت بالبكاء وقالت ليها ي ماما الف سلامه عليك كنتي ح تموتي وتخليتي؟ ماما ضحكت ضحكه باهته وقالت ليها يامجنونه انا كويسه بس كنتا عايزه اريح وادلع شويه واشتقتا ليك جات الممرضه وقالت الزياره انتهت نخلي المريضة ترتاح شويه بست يد ماما همست ليها انا ما قويه من غير وجودك ي قلبي❤️😭 قالت انا مابقدر اعيش من غيركم انتو الخمسه انو أصابعي الخمسه ونور عيوني..... انتو دواي لقيت مي ونون سألوني منها قلتا ليهم كويسه ومن بعيد شايفه عمو بشير وأحمد جاين علينا مع انو كنت شايفاهم بس قلبي كان بفتش على زول تاني بس للأسف م جاء،سلمو لينا وسألو من ماما جات الممرضة مدت لي روشته قالت لي دي دربات وحقن جيبيها قبل م اشيلها منها احمد مسكها قال ليها طيب واتحرك حتى من غير م يعاين لي مشى وجاء الممرضة شالتهم عمو بشير قال لي امكم قويه وح تبقى كويسه عشانكم قلتا ليهو أن شاء الله نون قالت ليهو مع انو اصلا هو قلبها مكسور من زمان بس م استسلمت عشان بناتها مي قالت ليهو مريم دي حرفيا مثال للأم القويه الصابره الحنينه والمرأة الصامده الشجاعه ياريت لو كل النسوان زيها احمد قال لينا بعدالكلام السمعتو عنها ده طول فتره مرضها والناس الجات تزورها وتحضر العمليه يبقى زوله م ساهله وبقى عندي فضول اني اعرفها واقعد معاها نون قالت ليهو لو قعدتا معاها ح تحبها لأنها بتخش القلب من غير استئذان🤍 في أثناء الونسه دي نزلت لي رساله من مؤيد مكتوب عليها اطلعي انا برا فتحتها وم رديت معقوله بكل برود اطلعي انا برا! قفلتا التلفون ركزتا مع نون القالت ل عم بشير سمعنا عرسك الليله قال ليها فعلا الليله العقد ومعزومه يا نون انا بعرف انو الضره حاره بس لانو دي انصاف عجبني ليها لأنها تستاهل جاء مؤيد سلم بس أتجاوز ابوهو كلنا استغربنا وقعد قال لي امك ربنا يديها العافيه قلتا ليهو اللهم امين ابوهو وأحمد استأذنو جاء قعد في الكرسي الجنبي قال لي زعلانه مني؟ قلتا ليهو ابدا ازعل ليه قال لي لين انا حاصله لي حاجات كتيره في حياتي شوفي مثلا ابوي ح يعرس الليله ابوي المفروض انو يعرس لينا احنا ح يعرس هو قلتا ليهو انا م جبرتك على وطوالي قمتا من جنبو مشيت ل ماما _____ جاهز؟ ايوا خلي الموضوع على بس تاني 😈😈😈😈😈 ____ ماليزيا❤️ ي حبيبي اتكلمتي معاها صاح وانا حجزتا الرحله بعد 3يوم أن شاء الله م ف حجز قريب طيب يقلبي ربنا يخليك لي وم يحرمني منك ❤️😭 ويخليك لي ي حبيبي 😘😘 ____ ي ماما بتك ليان دي بكايه شديد ليان قالت ليها على أساس اني بكيت كتير ي ماما كلنا بكينا بس اكتر زول بكاء لانا ماما قالت ليها حبيباتي انتو ❤️😘 قلتا ليها لنا جايه في الأسبوع ده ماما قالت لي عشان كدي م كنتا عايزه اشغل بالها وم عايزاها تعرف هي حامل ح تتعب ساي والرحله ح تكون ليها طويله ___ ابوك ح يعرس سمعتا؟ اي عارف ودي شنو بروده الدم دي؟ دي م بروده دم انتا عارف امك م ح تتحمل مؤيد انا اعمل شنو؟ امي هي الجابتو ل روحها عايزه تخرب بيوت الناس وبيتها لا؟ يعني م ح تحاول تمنع الموضوع ده ؟ لا م ح امنعو مش عايز يعرس ده برجع ليهو هو ______ جاهزه ي عروسه م شاء الله تبارك الله قمرررررر بس اصلا صحبتي حلوه وم ف منها اتنين ___ مؤيد جاني في المستشفى قال لي عايز اتكلم معاك ممكن قلتا ليهو مؤيد انا م فاضيه وده م زمنو قال لي اخر مره بس اسمعي كلامي حسيت انو في حاجه شلتا شنطتي من جنب ماما وطلعتا قفلتا الباب براحه ونزلتا الكافيه جنب المستشفى كان قاعد في ركن بعيد وتاكل راسو في الطاوله قلتا ليهو كيفك! رفع راسو ابتسم وقال لي كويس بشوفتك! قلبي دق بس في فراغ كبير جواي قعدتا قال لي عارف اني غلطان وشديد كمان وجل من لايغلط ح احكي ليك الحصل كلو ونتي احكمي تمام الحصل كالآتي يستي

انبهرتا شديد من تصرفو ده،جاء قرب مني قعد في الكرسي الجنبي ومدا لي مويه وسندوتش قال لي ح تكون كويسه اكلي عشان لمن تفتح تلقاك واقفه معاها قلتا ليهو شكرا م عايزه قال لي انا مؤيد وصاني عليك انو تاكلي م قدرتا اقول ليهو هو وين 💔 شلتا منو السندوتش م اتحرك الا أكلتا منو شويه الساعه 1ظهر... باب الغرفه اتفتح فجأه، صوتو كان أعلى من دقات قلبي، وقف كل شيء حتى انفاسي. طلع الدكتور بكمامتو لابس الاخضر،وفي جبهتو عرق كأنو شال جبل عيني طارت على شفايفو قبل م اسمع صوتو كنت بقرأ ملامحو زي طالبه بتقرأ ورقه نتيجتها خطوتين... قلبي كان ح يطلع من مكانو اتنهد وقال"الحمد على سلامتها" الجمله دي نزلت على صدري زي مطره بعد جفاف سنين ركبي خانت ،ودموعي الحبستها 6ساعات انهارت في لحظه "العمليه نجحت الحمد لله قفلتا الثقب وقلبها بقى أقوى لسه في الافاقه بس عدت مرحله الخطر" م فهمت باقي كلامو كنت ببكي وبضحك في نفس اللحظة، وبهمس يارب لك الحمد لله ،يارب لك الحمد 6ساعات موت.... وانتهت بجمله واحده رجعت روحي ______ الف حمدلله على سلامتها ربنا يصلحها فيها الله يسلمك يارب وشكرا ليك شديد 🤍 بعدها طلعتا من المستشفى طوالي ومشيت لاقيت مؤيد قلتا ليهو ياخ انتا مالك؟ قال لي في شنو قلتا ليهو ياخ م عارف انو عمليه امها الليله؟ م خلاص انتا مشيت كفيت ووفيت الا البيت كلو يمش وابوي مشى بعدين عارف انو انا ريحه المستشفيات دي م برتاح ليها بتضايقني تمام خليك كده لمن البت تضيع من يدك لا م ح تضيع هي عارفه اني بحبها هههههه واو اقنعتني نفس اعرف انتا طبيعي؟ أحمد عليك الله داير اقعد براي ____ كلامك ده غلط ي شهد مروه بس ساعديني زمنا ده م فيهو غلط وصاح احنا كلنا غلط الصاح م ح يعيش والله بقيت م بعرفك معقوله دي انتي شهد صحبتي سيبي النقه دي وتعالى أسي مؤيد ح يجي ح يصدق كيف انك حامل ي بت مؤيد ده منتهى بتعاطي وبشرب وم ف حاجه سيئه م جربها اصلا هو مدلع بسمع كلام امو وامو واقفه معاي شفتي ده راجل سميع اسمو جاري وراء امو ح تعملي بيهو شنو؟ م عندي بيهو شغله انا بحبو بس اعرسو ح اخليهو يسافر يخلي البلد دي ويكره امو يكون لي انا وبس انتي ناسيه رب العالمين ناسيه انو يُمهل ولا يَهمل؟ مروه،ساعديني كلامك بقى كتير! __ الساعه 11 مساء نزلت لي رساله من مؤيد ربنا يصلحها فيها والف حمدلله على سلامتها أجر وعافيه يارب انتي كيفك؟! ضحكتا وقفلتا تلفوني بالله كيفك ياداب أسي؟ بس اصلا اتذكرتا انو مؤيد زول همجي وم مهتم اصلا من زمان وبفضل حاجات كتيره على وأولها اصحابو Flash back 🤍 قبل 6شهور ي قلبي م ناسي عيد ميلادك انا وعازمك في نور ح اجيك بعدين خليك جاهزه طيب يقلبي الساعه 8م جاء ولا حتى اتصل جات الساعه 9 وانا قلقتا شديد وهو ولا كلف روحو يتصل جات الساعه 11جاني إشعار استوري رافع استيت وهو في كافيه مبسوط مع اصحابو كاتب الليله رايقين🔥 رسلتا ليهو وانا؟! رد بعد نص ساعة برساله فيها معليش حبيبي بس اصحابي أصروا نسهر وم انتبهتا للزمن بس ح نعوضها بكره في اللحظة دي فهمت، انا م اولويه انا خيار فاضي في جدولو رجعتا وقلتا اصلا هو كده اصلا من اليوم داك بديت اشك بس قلبي كان يبرر ليهو💔 ____ بشير: سهام ازيك اهلييييين حبي كويسه ؟ الحمدالله اها جاهزه لبكره ايي أن شاء الله ربنا يتم لينا على خير أن شاء الله ي رب طيب ح ارجع ليك اوكي __ صلو على محمد

#ضُل_أمات_البنات20 الكاتبه موده عمر أحمد: م عارف ليه مقلق شديد على البت دي وكل م اكلم مؤيد يمش ليها يكون واقف معاها برفض انا اعمل شنو م هاين لي على اشوفها كده! بقيت كل يوم اراقبها من بعيد ل بعيد أراها في كل شيء، وانكرها حتى بيني وبين نفسي💔 كنتا مبركن العربيه طرف الشارع وانا براقب فيها هي قاعده في الشجر القدام المستشفى وهموم الدنيا كلها في رأسها شايف انسانه قلقانه وخايفه على أمها وبتفكر في أخواتها م شايف البت الكنت فاكر انها دلوعه وبت مايعه وبتحب روحها 💔 في ورقه كتبتا وانا بعاين ليها،اعلمي أن الله لا يبتلي إلا من أحب، ولا يُثقِل كاهلاً إلا وهو يعلم أنه قادر على حمله. أنتِ جبل لا تهزه الرياح، وأنتِ الدعاء الذي سترفعه أمك للسماء وهي تتعافى. فاصبري صبر الكرام، وتيقني أن دموعك اليوم ستتحول غداً إلى حمدٍ وشكر. ربنا يقوي قلبك ويشفي أمك ويطمنك عليها 🤍 م عارف كنت بفكر في شنو وانا بكتب المهم اني كتبتا الكلام ده طبقتا الورقه في شافع من البشحدو ديل اديتو الورقه دي معاها ورده اقحوان 🌷 ووصفتا ليهو البت بعد اتحرك مني وشفتو انو أداها الورقه اتحركتا طوالي عشان م تشوفني مشيت الشغل بس كيف اركز وانا شايف بعيني مكانها فاضي صاح فاتح والبنات شغالات بس هي م ف برجع اطرد الأفكار والكلام ده واقول هي حبيبه اخوك💔 والكلام ده غلط! ______ _ي امي ابوي عايز يحضر عمليه مريم وبعدها يوم الجمعه العرس =يحلم سااي _امي انا ح اتكلم مع لين اليحصل يحصل =ي ولد جنيت لين شنو وكلام فارغ شنو شوف شهد منتظراك عشان تختارو الدبله ___ _انا اخوك الكبير من حقي اعرف انتا مالك؟ حاصله مشكله بينك وبين لين =م ممكن انتا ليه مهتم بالموضوع للدرجه دي! _مؤيد م تغير الموضوع لو في حاجة ح اساعدك امي عندها دخل بالموضوع ده =لا _طيب مالك بس فجأه لقيت انو شهد احسن! ولا حبك ل لين كان حب عابر بنات الناس م لعبه في يدك ي مؤيد بطل أمور المراهقه دي =طيب ح احكي ليك امي هي السبب _انا ح اتكلم معاها نتا ارجع ل لين =فاكر اني م عايز ارجع ليها انا بحبها ي أحمد لكن كلام امي 💔 _____ في بيت مريم تعالي ي لانا البسي انتي وليان مش عندكم مدرسه؟ عندنا لكن م ماشا أنا ماشا ل ماما لانا ماما زاتا قالت تمشي المدرسه وتجيها في المستشفى انتي م عايزه تبقى دكتوره؟ اي عايزه بس كمان م ح اخلي ماما براها طيب وعد انا من الساعه 12 تجي ح اجي اسوقكم من المدرسه وطوالي المستشفى ل ماما هي العمليه بكره م تمشو المدرسه وعد؟ اي وعد والله حضنوني الاتنين الترحيل جاء مشو وانا قعدتا دموعي نزلو بس مسحتهن سرعه وطلعتا سقتا عربيه ماما وانا ماشا في الشارع اتصلت لي لنويه رديت ليها وم قدرتا م اكلمها كلمتها واتكلمت مع أمجد وقلتا ليهو قالو حاليا حالتها مستقره م ف داعي لنا تقول جايه طيب قال لي تمام قفلتا منهم شايفه احمد واقف جنب عربيتو وشكلو زهجان وقفتا قلتا ليهو مالك؟ قال لي العربيه اتعطلت قلتا ليهو تعال اوصلك عاين لي قلتا ليهو كده نكون اتعادلنا وصلتني واسي ح اوصلك فعلا جاء ركب وصلتو وانا مشيت المستشفى الدكتور قال لي حالتها مستقره العمليه بكره الساعه7ان شاء الله ح تكون ناجحه _____ لين ممكن نتكلم؟ لا ي مؤيد حالياً م فاضيه لين انا اسف هههههه اسف عليك الله؟ طيب ي مؤيد اوكي لين بالجد م كنتا عايز يحصل كده بس مرات في حاجات بتحصل خارج ارادتنا طيب ي مؤيد حصل خير حاليا الفيني مكفيني لين! لو سمحتا ممكن نأجل الموضوع ده طيب وطلع مشى و ب طلعتو دي اخر امل جواي مات💔 ____ صباح الخميس🥺 صباح هادئ كان الممر طويلاً حدّ الوجع، جدرانه بيضاء لكنها لا توحي بالطمأنينة... بل ببرودة تنسحب من البلاط إلى العظم. هدوءٌ ثقيل يخنق المكان، لا يقطعه سوى صوت عجلات سريرٍ يئنّ كلما مرّ، وأنفاس محبوسة تتسلل من خلف ستائر العنابر المغلقة. رائحة الديتول تعلقت بكل شيء؛ بالهواء، بملابسي، بروحي... كأنها تحاول أن تُعقّم الخوف قبل أن يدخل. المصابيح المعلّقة فوق رأسي لم تكن تضيء، بل كانت تحاسب. كل خطوة أقترب بها من غرفة العمليات كانت تسحب من عمري سنة. على الكرسي المقابل، جلستُ أحدّق في الباب الأبيض الكبير المكتوب عليه "غرفة العمليات" بحروف حمراء كأنها دمٌ لم يجف بعد. وفي داخلي صوتٌ واحد يكرر: "يا رب لا تكسرني فيها". اتقفل الباب ببطء... *الساعة 7 دخلوها العملية.* منتظرين ومتوترين لأنها عمليه صعبه شديد الناس كلها متوتره وقاعده على أعصابها وم ف زول قادر يواسي زول لانو اي زول متوتر وقلقان اكتر ماما حقيقي كانت أم الكل🥺❤️ عقارب الساعة اتجمدت،كل دقيقة كانت كأنها طعنه مرت 3ساعات وانا لسه على نفس الكرسي ،والدعاء بقى النفس الوحيد الطالع مني، الساعه 12 ظهر..... والباب لسه مقفول في قعدتي شايفه احمد كان بوزع للناس مويه وسندوتشات

في مره من المرات جاتني مكالمه من رقم غريب وكانت دي ام شهد بتبكي وتقول لي الحقنا في المستشفى قلتا حاصله ليهم حاجه ف مشيت فعلا لقيت انو الاستاذه شهد عايزه تنتحر وشاربه كميه كبيره من الصبغه لو م الجيران اسعفوها وادوها ملح وليمون كانت ح تموت دي الحاجه الأولى وبدايه القصص كلها عارف اني غلطتا شديد في حقك بس امي كانت بتستغلني بتخليني احن على شهد غصبا عني بتهديد انها ح تطلع من البيت انا كنتا عاجز تماما ي لين وفي مره جاتني ب كذب انها حامل مني وانو ده ولدك انا اعمل ليهو شنو؟ وامي واقفه معاها والحاصل كلو كان خارج عن سيطرتي ف بس اعفي لي م قدرتا اتصرف قلتا ليهو مؤيد طيب انا موقفي شنو فاكر ح تمش وترجع انا اكون منتظراك مؤيد انتا كسرتني من جوا لين والله عارف المهم أثناء نقاشنا انا في الكرسي المقاصد الباب أحمد جاء خاشي وشكلو مستعجل وقف جنب الكاشير اتفحص المكان بنظره سريعه عيونو وقعت في عيوني م ابتسم ولا سلم بس أتجاوز طلب قهوه وواقف منتظر لمن شفتا احمد وعشان اطرد الاحساس الكريه تجاهو الجواي ده ابتسمتا ل مؤيد هو مسك يدي وانا م اعترضتا عشان احمد يشوف احمد: بعد العملو معاها كلو لسه بتبتسم ليهو؟تخليهو يمسك يدها💔 بس لا ده غلط وغلط كبير دي حبيبه اخوك انتبهتا بصوت الويتر وهي بتقول لي عايز حاجه تانيه؟ قلتا ليها لا مدت لي وطلعتا لين: كنتا بعاين اتجاه الباب م قدرتا اتكلم ولا اقول حاجه ولا واحد اعترف ولا واحد قدر ينسى _____ الثامنه مساءً عرس بشير وسهام َالعقد انتهى وخلاص اتزوجو بس الحفله م بدت لانو العرسان م جو العريس بتصل بس م ف رد! تتوقعو الحصل شنو ل للعروس؟ ومنو السبب _____ صلو على محمد

#ضُل_أمات_البنات21 الكاتبه موده عمر صباح الجمعه❤️ سمحو لينا ندخل العنايه بس 5دقايق انا واخواتي دخلنا ريحه الديتول أقوى وصوت المونيتور "بيب.... بيب" كل صوت بطلع بقطع قلبي ماما كانت راقده وشها اصفر وشاحب الاكسجين مغطى نص وشها اول م عيونها وقعت علينا الاربعه ابتسمت ابتسامه تعبانه بس دافيه تعالو ي حبيبااتي ،تعالو جنبي جرينا عليها وقفنا كلنا جنبها،يدها كانت بارده بس اول م مسكتا حسيت الدنيا كلها رجعت مكانها بصوت تعبان وبراحه أقرب للهمس م تبكو ي اميراتي انا كويسه صوتها كان واهن بس فيهو طمأنينةٌ لانا قالت ليها يا ماما تاني م تعملي كدي خوفتينا 😭💔 ماما مسحت على شعرها وهي بتقول حاضر ي روح ماما عشان عيونك مابعملها تاني طلعنا التلفون واتصلنا ل لنويه لانو قلبها مقطوع اول م شافت وش ماما في الفيديو انهارت بالبكاء وقالت ليها ي ماما الف سلامه عليك كنتي ح تموتي وتخليتي؟ ماما ضحكت ضحكه باهته وقالت ليها يامجنونه انا كويسه بس كنتا عايزه اريح وادلع شويه واشتقتا ليك جات الممرضه وقالت الزياره انتهت نخلي المريضة ترتاح شويه بست يد ماما همست ليها انا ما قويه من غير وجودك ي قلبي❤️😭 قالت انا مابقدر اعيش من غيركم انتو الخمسه انو أصابعي الخمسه ونور عيوني..... انتو دواي لقيت مي ونون سألوني منها قلتا ليهم كويسه ومن بعيد شايفه عمو بشير وأحمد جاين علينا مع انو كنت شايفاهم بس قلبي كان بفتش على زول تاني بس للأسف م جاء،سلمو لينا وسألو من ماما جات الممرضة مدت لي روشته قالت لي دي دربات وحقن جيبيها قبل م اشيلها منها احمد مسكها قال ليها طيب واتحرك حتى من غير م يعاين لي مشى وجاء الممرضة شالتهم عمو بشير قال لي امكم قويه وح تبقى كويسه عشانكم قلتا ليهو أن شاء الله نون قالت ليهو مع انو اصلا هو قلبها مكسور من زمان بس م استسلمت عشان بناتها مي قالت ليهو مريم دي حرفيا مثال للأم القويه الصابره الحنينه والمرأة الصامده الشجاعه ياريت لو كل النسوان زيها احمد قال لينا بعدالكلام السمعتو عنها ده طول فتره مرضها والناس الجات تزورها وتحضر العمليه يبقى زوله م ساهله وبقى عندي فضول اني اعرفها واقعد معاها نون قالت ليهو لو قعدتا معاها ح تحبها لأنها بتخش القلب من غير استئذان🤍 في أثناء الونسه دي نزلت لي رساله من مؤيد مكتوب عليها اطلعي انا برا فتحتها وم رديت معقوله بكل برود اطلعي انا برا! قفلتا التلفون ركزتا مع نون القالت ل عم بشير سمعنا عرسك الليله قال ليها فعلا الليله العقد ومعزومه يا نون انا بعرف انو الضره حاره بس لانو دي انصاف عجبني ليها لأنها تستاهل جاء مؤيد سلم بس أتجاوز ابوهو كلنا استغربنا وقعد قال لي امك ربنا يديها العافيه قلتا ليهو اللهم امين ابوهو وأحمد استأذنو جاء قعد في الكرسي الجنبي قال لي زعلانه مني؟ قلتا ليهو ابدا ازعل ليه قال لي لين انا حاصله لي حاجات كتيره في حياتي شوفي مثلا ابوي ح يعرس الليله ابوي المفروض انو يعرس لينا احنا ح يعرس هو قلتا ليهو انا م جبرتك على وطوالي قمتا من جنبو مشيت ل ماما _____ جاهز؟ ايوا خلي الموضوع على بس تاني 😈😈😈😈😈 ____ ماليزيا❤️ ي حبيبي اتكلمتي معاها صاح وانا حجزتا الرحله بعد 3يوم أن شاء الله م ف حجز قريب طيب يقلبي ربنا يخليك لي وم يحرمني منك ❤️😭 ويخليك لي ي حبيبي 😘😘 ____ ي ماما بتك ليان دي بكايه شديد ليان قالت ليها على أساس اني بكيت كتير ي ماما كلنا بكينا بس اكتر زول بكاء لانا ماما قالت ليها حبيباتي انتو ❤️😘 قلتا ليها لنا جايه في الأسبوع ده ماما قالت لي عشان كدي م كنتا عايزه اشغل بالها وم عايزاها تعرف هي حامل ح تتعب ساي والرحله ح تكون ليها طويله ___ ابوك ح يعرس سمعتا؟ اي عارف ودي شنو بروده الدم دي؟ دي م بروده دم انتا عارف امك م ح تتحمل مؤيد انا اعمل شنو؟ امي هي الجابتو ل روحها عايزه تخرب بيوت الناس وبيتها لا؟ يعني م ح تحاول تمنع الموضوع ده ؟ لا م ح امنعو مش عايز يعرس ده برجع ليهو هو ______ جاهزه ي عروسه م شاء الله تبارك الله قمرررررر بس اصلا صحبتي حلوه وم ف منها اتنين ___ مؤيد جاني في المستشفى قال لي عايز اتكلم معاك ممكن قلتا ليهو مؤيد انا م فاضيه وده م زمنو قال لي اخر مره بس اسمعي كلامي حسيت انو في حاجه شلتا شنطتي من جنب ماما وطلعتا قفلتا الباب براحه ونزلتا الكافيه جنب المستشفى كان قاعد في ركن بعيد وتاكل راسو في الطاوله قلتا ليهو كيفك! رفع راسو ابتسم وقال لي كويس بشوفتك! قلبي دق بس في فراغ كبير جواي قعدتا قال لي عارف اني غلطان وشديد كمان وجل من لايغلط ح احكي ليك الحصل كلو ونتي احكمي تمام الحصل كالآتي يستي

__ _ي شهد م سمعتي الشمار الجديد ؟ =لا شنو؟ _نسيبك عايز يعرس =واي الليله خالتو انصاف بتجن والله _واتخيلي منو صحبتها الاتفقت معاها هي واختها على مريم عشان كدي بقول ليك من حفر حفره لأخيه وقع فيها =م تستاهل والله انا ماشا ليها ___ المفروض نحولها ل مستشفى مدني للقلب عشان العمليه هناك بعد يومين ماما فتحت وقالت م ف زول يكلم لنا عشان ح تخاف والدكتور طمنا انو ح تكون العمليه ناجحه أن شاء الله احمد: بمش واليحصل يحصل وصلتا المستشفى لقيتا قاعده في الكرسي بتعاين للفراغ وسرحانه جيت قلتا ليها عندي صحبي هنا جيت ليهو وانا اصلا م عندي اي صاحب هنا جيت اشوف امها امك بقت كيف؟ قالت لي كويسه الحمد لله عندها عمليه بعد يومين في مستشفى القلب💔 قلتا ليها أن شاء الله ح تكون كويسه م تشيلي هم وقمتا من جنبها بعد احمد مشى استغربتا قالب التلج سألني واتفقدني مرتين ومؤيد لا💔 مع انو متأكده ح يكون عارف بس شكلو الموضوع م مهم عندو في اللحظة دي محتاجه كتف اتسند عليهو وابكي بس م ح انهار مشيت خلصتا باقي الإجراءات وفي كم حاجه مشيت جبتها من البيت ورجعتا ___ بدفع ليك مبلغ م كنتا بتحلم بيهو اتخلص لي من ساره وسهام الاتنين ب اي طريقه كانت م يموتو بس يتكسرو العمر كلو يتشلو يعمو المهم حاجه دايمه أن شاء الله م تشيلي هم اعتبري انتهى ______ ماليزيا❤️ _حبيبي مالك؟ من أمس وانتي مقلقه في حاجه ؟كويسه انتي في حاجه واجعاك نمش الدكتور =لا انا كويسه ي أمجد بس حاسه احساس م حلو مشتاقه ل ماما لي يومين م اتكلمتا معاها _ي قلبي اتكلمي معاها اتصلي ليها اسي =تلفونها عن لانا وقالت لي انها مشغوله بس حاسه في حاجه م عايزين يكلموني _اكيد لو في حاجة كانو كلموك بس بتكون مشغوله لانو عارفه المسؤليه كلها عليها =حتى كانت ماما بتتكلم معاي كتير كم مره في اليوم حتى لو مشغوله =ي قلبي انتي في وضعك ده التوتر م كويس معاك نومي ارتاحي وح تلقيها رجعت ليك _طيب ان شاء الله __ _ح تعملي شنو؟ =اصلا دي م كانت ضمن خطتنا صاح ولا انا غلطانه حب شنو ليك ؟ انتي عارفه انو انصاف كانت ح تساعدنا ندمر مريم تقومي تشلبي راجلها! =والله ي حبيبتي الشلب ده م غريب عليك انتي عوض شالباهو صااح ولا انا غلطانه وبعدين تساعدك انتي م انا ولو حاولتي انك تمنعي عرسي من عوض ح اكشف سرك لكل الناس م تنسى ماساكاك من ايدك البتوجعك سمر بتك! ولا العامله فيها بتك ومعذباها لانو السر ده غيري انا وانتي وآيات م ف زول عارفو _انتي بشر ياخي! انا اختك =هههههه ياداب اتذكرتي؟ساره انتي اخر زول المفروض يتكلم عن أي حاجه في الدنيا حارمه بت من أمها وماسكاها تخدمك ! المهم انا كلمتك تاني الموضوع يرجع ليك وانا م بعرس الا تحضري وتزغرتي لي انتي ي اختي ____ تفتكروا سر الأخوات ساره وسهام شنو وليه سهام عايزه تعرس بشير ؟وهل ح تحرق قلب انصاف ؟! ____ صلو على محمد

#ضُل_أمات_البنات19 الكاتبه موده عمر قاعده في المركز خلصتا ورجعتا بدري لقيت ماما راقده قلتا ليها ماما مالك قالت لي فتر بس ي بتي شفتا رجولا متورمات لمن سألتها قالت لي من لبس الجزمه الكتير _____ بيت بشير __اصحى على روحك تعرس ل أولادك ولا تعرس انتا ؟ =بعرس انا واولادي سوا __ده كلو عشان تغيظني تعرس مريم! اصلا م ح تعرسك =كويس انو عرفتي انها م ح توافق انا ي انصاف م داير اعرس مريم انا داير اعرس سهام صحبتك اخت ساره الاتفقتي معاها عشان تدمرو مريم ساره خانتك ودست عليك موضوع العرس بقت تتمتم م اشتغلتا بيها طلعتا ___ بعد اسبوع العشاء لقيت مكالمه من مؤيد رديت فتح الخط بس م اتكلم قلتا ليهو في حاجه؟ قال لي ممكن الاقيك 🥺 قلتا ليهو طيب لبستا عبايتي وطلعتا لقيتو قاعد في الكرسي وعامل اصابعو في وشو حركه الزول المصدع قعدتا و قلتا ليهو في شنو؟ قال لي لين انا بحبك ضحكتا وقلتا ليهو خلاص مليت من شهد! قال لي لين ده كلام شنو قلتا ليهو دي الحقيقة ي مؤيد جاهو تلفون قام يرد لمحتا احمد وكالعادة بعاين من بعيد اصلا انا كارههو وهو نفس الشي بعد مسافه م طويله جاء مؤيد وقعد قلتا ليهو انا راجعه قال لي طيب ي حبيبي مؤيد الزمان كان برجعني البيت الليله م فرق معاهو 💔 بعد مشى كنتا قايمه تلفوني رن رديت ليان قالت لي الحقي ي لين ماما وقعت انا بعد كلمه وقعت دي تاني م عرفتا أعمل شنو حسيت الدم وقف في جسمي واطرافي نملت وحتى الصراخ غلبني جاء احمد قال لي مالك اقيفي انا اصلا م جايبه خبرو هو بيقول في شنو كل العملتو اني قمتا من مكاني من غير تلفوني وشنطتي هو لحقني قال لي انتي غبيه؟ في شنو مالك م تجننيني م اشتغلتا بيهو ولا وقفتا لحقني بالعربيه قال لي اركبي ركبتا طوالي قال لي ماشا وين قلتا ليهو ماما وقعت💔 وانا تاني دموعي حلفو كان يقيفو احنا عندنا منو غير ماما لو حصلت ليها حاجه والله بمووت😭😭😭 قال لي استهدي بالله ان شاء الله م ح تحصل ليها حاجه في البيت ولا المستشفى قلتا ليهو م عارفه بس وديني ل ماما 😭😭😭😭😭 اتصل ل مؤيد بس م ردا اتصل ل ابوهو قال ليهو بشوف وبرجع ليك المهم انا تاني م عارفه الحصل شنو بس وصلنا المستشفى وانا ماشا بالغصب وصلنا مكان مرقدنها لقيت خالاتي واخواتي وامي سعاد حسيت المسافه بيني وبينهم بعيده شديد وصلتا وطوالي فتحتا الباب كان في دكتور قال لي انتظري برا! اصلا كلامو كان بعيد سامعه الناس دي بتناديني بس أصواتهم بعيده انا غير صوت ماما م كان في صوت بتردد جواي لمن شفتها راقده مركبين ليها درب ومغمضه عيونها قلتا ليها ماما! انا لين 😭 قعدتا جنبها ومسكتا يدها قلتا ليها ماما الله يخليك قومي، ماما افتحي عيونك جاء الدكتور وخلى الممرضات يطلعوني بالغصب قلتا ل اسيل ماما مالا؟ قالت فجأه م قدرت تتنفس ووقعت حاليا الدكتور عمل ليها فحوصات النتيجه ح تطلع بكره بعد فتره شفتا احمد لسه واقف مشيت قلتا ليهو شكرا ليك ماما كويسة م قصرتا تعبتك معاي قال لي ألف سلامة عليها انا ماشي، وطلع طوالي _خالاتي اصرو انو نحنا نمش وهم يبيتو بس احنا رفضنا كلنا حتى لانا في النهايه قعدنا انا الليل كلو كنتا واقفه وكل مره اجي اشوفها فتحت وبقت كيف 🥺 💔 _____ في بيت بشير _مؤيد على فكره لين امها وقعت وهم في المستشفى =ياساتر مالها! _قالو فجأه وقعت =ربنا يديها العافيه ان شاء الله _م ح تشوف لين ؟ =لا ليه؟ الزمن اتأخر وهي اصلا زعلانه مني ف م ح ترد _انت جادي؟ مؤيد البت محتاجه زول يقيف معاها م شفتا حالتها كيف =الصباح بشوفها انا نعسان ومشى! _____ الصباح النتيجه طلعت وقال عندها ثقب في القلب ومحتاجه عمليه جراحه مستعجله بقيت اسمع واشوف طشاش وقعتا في الأرض وبقيت اقول مستحيل ماما كويسه مشيت فتحتا باب الغرفه كانت لسه نايمه قعدتا في الكرسي جنبها مسكتا يدها وسندتا راسي في السرير جنب يدها وانا ببكي من غير صوت بتذكر ماما لمن تدافع لينا وكل حاجه عملتها لمن نحتاجها ونلقاها قبل حتى م نقول ماما م كانت أم بس لا كانت أم وأب وصحبه واي حاجه 😭 فتحتا عيوني بصوت الدكتور وهو بقول لي امك ح تبقى كويسه بس انتي ادعي ليها، وحاليا خليها ترتاح محتاجه راحه حضنتا يد امي على شديد وغمضتا عيوني ماما ح تكوني كويسه ان شاء الله __ بيت بشير _ده اخر جزاي ي ساره! =كل حاجه قسمه ونصيب ي انصاف _تخونيني وتقول لي قسمه ونصيب! انا م مريم عشان اسكت وقسما بالله تندمي انتي واختك وهدا حذرتك وقفلتا الخط _____ ي امي ي حبيبي لو امك ح تعمل البقولو ليك كلو امي تاااني قلتي اخلي لين وارجع ل شهد وحصل أسي امها في المستشفى م قادر امش ليها م مهم المهم ابوك ده ناوي يعرس ابوي ده من عرفتيهو ناوي يعرس الجديد شنو لالا المره دي جادي واتخيل منو سهام صحبتي اها المطلوب شنو؟ خليك معاهو واعرف لي عايز يعمل شنو طيب وانا بعرف اعمل شنو