رواياتي 📚الوسام 2️⃣

عاينت بابل، وحسيت إنه وصل لنفس النتيجة اللي وصلت ليها انا في نفس اللحظة قلت بصوت بطيء بيني وبين نفسي: يعني لو المتهم بعرف سياف بس، وما بعرف الباقي أبداً... ليه طلبهم كلهم بالاسم؟ بابل كمل الفكرة وقال : هذا الأمر ليس مجرد "ثقة بمحامي معين"، هذا اختيار مدروس لمجموعة أشخاص بعينهم، وسياف كان نقطة الدخول التي يعرفها المتهم شخصياً، باقي الأسماء كانت مستهدفة لسبب اخر تماماً مورفي عاين لينا بقلق متزايد وقال :تعني انه كان فخاً منذ البداية؟ مع قضية حقيقية؟ مافي زول فينا جاوب، بس الصمت والهدوء في المكتب كان كافي يأكد إنه كلنا وصلنا لنفس الاستنتاج المرعب مورفي عاين لي و بنظرة تردد قال لي:هل أخبرتي أهله وأصدقاءه بما حدث؟ قلت ليه بثقة: لا، ولن أخبرهم،لن يحتاج الأمر الى إخبارهم لأن سياف سيكون بخير! عاين لحظات وكأنه بحاول يوزن كلماته قبل ما يقول لي: أعرف أن الأمر صعب، وتقبل الحقيقة أصعب، ولكن ربما حان الوقت لتجهيز نفسك لأسوأ الإحتمالات، لأن هذا ليس حادثاً عادياً و.. قاطعته وقلت ليه:لا تُكمل قبل ما اقول تانية مورفي ، فتح درج مكتبه وطلع مجلد أوراق، وختاه قدامي بحركة بطيئة ومترددة مورفي: كنت متردداً في اخبارك بهذا ولكنني سأفعل سلمني سياف هذه الأوراق قبل ايام قليلة واخبرني ان اعطيها لك حال حدث له اي مكروه قلت ليه:ما هذا؟ مورفي:قومي بفتحه مسكت المجلد وفتحته بيد راجفة، وقريت العناوين بسرعة - وثائق نقل ملكية، توكيلات، تفويضات مالية، كلها باسمي رفعت عيوني وانا مصدومة: ما هذا؟ مورفي: سياف قام بنقل كل ما يملكه الى إسمك، حسابات، استثمارات، كل شيء، وقام بإعطائك تفويض كامل وحرية تصرف تام في جميع امواله سكت لحظات وكمل : ربما كان يعلم ان...عالم من الخيال.........يحكي مالا يقال😴💜🥀 https://whatsapp.com/channel/0029VbD74pE89inm2UOfbM04 0967826815❤️🥰❤️ربيع القلووومعاذووووب ❤️🥰❤️🥰 تبادل ممكن شير ضروري ممكن تدعو سكت ما كمل كلامه وسكت المكتب كله فجأة، وأنا بعاين للأوراق قدامي رميتها من يدي بدون ما احس، بحاول أستوعب يعني سياف كان عارف او متوقع شيء زي دة ممكن يحصل؟ طيب ليه قرر يمشي برجليه؟ مورفي:لذا اقول لكِ ربما عليك إخبار اهله واصدقاءه وذويه بالأمر تحسباً لأي.. وقفت على حيلي وقاطعته بصرخة اصمت،هل يمكن ان تصمت؟توقف عن قول هذا حسناً،لا تنطق حرفاً اخر ،ما تُريد قوله لا يمكن ،لا يمكن لأن سياف سيكون بخير وسيعود الى المنزل وقفت على حيلي وبدون ما اشعر اتجهت تجاه الباب ما عارفة كيف ومتين وصلت الباركنج لو ما مسكتني ميغان ما كنت استوعبت انا وين ولا حتى راسي ما كنت حاسة بيه موجود في جسمي ميغان:انتِ ترتجفين شهد قلت ليها: اريد الذهاب الى المنزل حسناً سنأخذك للمنزل ركبنا العربية واتحركنا وصلنا البيت بقيت اتلفت اين المفتاح؟ لا اعلم اين المفتاح ،ربما ،ربما نسيته في مكان ما وضحكت ميغان قالت لي:لا إنه هنا في حقيبتك شالت الشنطة من كتفي وفتحتها طلعت المفتاح فتحت لي الباب وبابل كان واقف بعاين لي وقفت في الباب اول ما دخلت وقلت ليهم اذهبو انتم اريد البقاء وحدي ميغان قالت لي:شهد انا سأبقى معك لا اذهبي لا اريد ان يبقى احد معي،اريد البقاء وحدي ،انا بخير حسناً ؟الى اللقاء ميغان:شهد قفلت الباب في وشها ودخلت لما وعيت لقيت نفسي بكامل هدومي وشنطتي في حوض البانيو بتاع الحمام ما متذكرة كيف ومتين انا جيت هنا وقعدت كم في المكان دة كل المتذكراه صوت جرس الباب هو الوعاني وانتشلني من الأنا فيه طلعت من البانيو بملابسي المبلولة وشنطتي اللي في كتفي وبحالتي اللي انا فيها والموية جارية من كل مكان في ملابسي واتجهت على الباب وقفت ثواني بعد ما فتحته..ما قدرت استوعب الشايفاه قدامي.. بدلة رسمية ،منديل مُرتب في جيب البدلة، بوكيه ورد احمر وابيض وفي نصه علبة خاتم، وملامح وش ساخرة وخبيثة ما غريبه علي وصوت مألوف ومحفوظ في مسامعي بقول لي:طليقتي الغالية ،صاحبة الحالة الإجتماعية البتتغير 4مرات في السنة،متزوجة ،مطلقة،متزوجة،وحالياً ارملة" احسن الله عزائك... *•••••••••••••••••••••••••••••••••••••••••••••••••••••••••••* *☆يتبــــــــــــــــــــــــــــــــــــــــــــع☆☆* *♡بــــــــــــــيــــــــــــــــــــجــــــــــــــة♡*

وصلنا للطابق الفيه مكتب مورفي بعد استخدام المصعد ومشينا على مكتب سكرتيرته ،عاينت لينا بنظرات محايدة ميغان قالت ليها:مرحباً نحن هنا لمقابلة مستر مورفي، الموضوع عاجل! السكرتيرة: للأسف هو بإجتماع الان، لا استطيع مقاطعته ميغان: حسناً عندما ينتهي من الإجتماع اخبريه اننا هنا لمقابلته قاطعت ميغان وقلت ليها:اخبريه ان شهد زوجة المحامي سياف هنا تريد مقابلته لأمر ضروري السكرتيرة: حسناً سيدتي سأخبره،تفضلوا اجلسو بصالة الانتظار قعدنا في صالة الانتظار قدام مكتبه، الدقايق كانت بتمر تقيلة وكل ما مرت فترة، بحاول أمسك نفسي من القلق المتصاعد بعد قرابة الساعة، قمت وسألت السكرتيرة مرة تانية: هل خلص الاجتماع؟ السكرتيرة: لا ، للأسف الإجتماع مع مجلس الإدارة طال أكثر مما توقعنا، أرجو الإنتظار قليلاً رجعت قعدت مكاني، بس المرة دي الشك بدأ يتضخم بداخلي، في شيء في صوتها وبرودها وطريقة كلامها ما كان مطمئن مرت ساعة تانية وبرضو ردت علينا نفس الرد والحقته بجملة:ربما عليكم الذهاب والمجيء في وقت لاحق أنا اصلاً كنت حاسة إنه كل دقيقة بتمر كأنها تأكيد إضافي إن في شي ما طبيعي بعد ما قالت كلامها الأخير دة قلت ليها : لا لن نذهب،سننتظره وسأنتظره داخل مكتبه ليس هنا واتحركت خطيت خطواني تجاه باب مكتبه مسكت المقبض السكرتيرة: سيدتي ،لا ،غير مسموح لكِ بالدخول ما انتظرت جوابها، فتحت الباب ودخلت مباشرة وتماماً زي ما اتوقعت،وسط مكتبه، كان مستر مورفي قاعد خلف مكتبه بهدوء تام بملامح متوترة ، وكأنه ما كان بأي اجتماع من الأساس دخلت المكتب بخطوات حازمة، وبابل وميغان دخلوا وراي مباشرة، السكرتيرة كانت لسا بتحاول تمنعنا من الخلف بصوت متوتر: آسفة مستر مورفي، حاولت منعهم مورفي رفع راسه بسرعة من الوراق الكان قدامه، وملامحه إتغيرت فوراً من هدوء إلى ارتباك واضح، وقف من كرسيه بسرعة كأنه بحاول يرتب نفسه مورفي:سيدة شهد! قلت ليه بصوت فيه برود مقصود: يبدو أن اجتماعك انتهى أسرع مما توقعت ولكننا ننتظر منذ ساعتين في الخارج عاين لي بتردد، بعدين عاين لبابل وميغان مورفي: تفضلو بالجلوس أرجوكم، أعتذر على سوء الفهم مع السكرتيرة، كانت تعليمات عامة للجميع بعدم رغبتي لمقابلة احد دون استثناء بسبب الوضع الحالي! قعدنا وأنا ما حبيت أديه فرصة يبدأ يتكلم قلت ليه: اين ين كنت الليلة اللي انفجرت فيها الطائرة؟ سألت عنك بالفندق سكت لحظات بعدين قال لي:كنت مشغول بترتيبات طارئة بعد الخبر، حاولت ألتواصل معك فيما بعد ولكن مدير الفندق اخبرني انك ذهبت حسيت إنه جوابه ما كان مقنع كفاية، بس قررت أكمل، ميغان كانت أسرع مني في الكلام لحظتها وقالت ليه: سيدي نحن هنا لأننا نحتاج تفاصيل أدق عن قضية الدكتور، القضية التي ذهب لأجلها سياف وفريقه الى نيويورك ، نريد ان نعرف التفاصيل الحقيقية - من هو هذا الشخص؟ مورفي إتحرك بانزعاج خفيف بكرسيه وقال: الملف حساس جداً، لا استطيع مشاركته مع احد بابل إتدخل بصوت فيه حزم وقال ليه: لديك فريق كامل مختفي ، ومسار الطائرة فيه انحراف غريب جداً عن خط سيرها الطبيعي، هذا ليس وقتاً للسرية عاين مورفي لبابل بنظرة طويلة، وكأنه بوازن بين شي خايف يفصح عنه وبين الضغط القدامه، أخيراً إتنهد وقال: لأكن صريحاً معكم بصراحة،هناك تفاصيل لم استطع مشاركتها حتى مع سياف وبقية المحامين لأن القضية مُعقدة اكثر مما ظهرت عليه بابل قال ليه حسناً دعني اسئلك سؤالاً اريد جواباً واضحاً له: هل اختيار سياف وفريقه للدفاع عن هذا الطبيب، كان قرار عشوائي من الشركة حسب الدور أو التخصص لكل واحدٍ منهم ، أم كان المتهم نفسه هو الذي طلب هذا الفريق بالتحديد؟ مورفي سكت لحظات وبعدها قال:كان طلب مباشر من المتهم، هو الذي إختار اعضاء فريق الدفاع عنه بالكامل بالاسم، سياف، وباقي الأعضاء الذين كانو على متن الرحلة بابل: الفريق كامل؟ بأسمائهم؟ ليس سياف فحسب صحيح؟ مورفي: اجل بالضبط، كل عضو بالفريق، بالاسم الكامل، حتى عندما اقترحنا إضافة محامين اخرين أكثر خبرة بهذا النوع من القضايا، رفض بشكل قاطع وأصر على نفس الأسماء بالضبط سكتنا كلنا لحظات ونظراتنا لبعض كانت ملانة إستفهامات وأنا حاسه إنه في شي اتجمع في عقلي بس الصورة الكاملة ما اتضحت عندي لسة بابل: وهل كان المتهم على علاقة سابقة بكل أعضاء الفريق، أم بسياف فحسب؟ مورفي هز راسه ببطء: حسب ما اعرفه ان المتهم كان مهتماً بسياف فحسب،حتى انه سابقاً طلب بتكليف سياف بشؤونه القانوية قبل حدوث هذا الحادث ولكن سياف رفض الأمر المتهم كان يعرف سياف تحديداً، ولكن باقي أعضاء الفريق، ليس بينهم وبين المتهم أي رابط معرفة، لا شخصي ولا مهني

عاينته لين وقلت ليه بثبات: سأبقى في منزلي، لا تخف علي، لن يصيبني شيء سكت لحظات وأخيراً رد قال: حسناً، ولكن إن احتجت لشيء في أي وقت،او شعرت بأي شيء او حدث شيء في اي وقت اتصلي بي مباشرة قلت ليه: إن شاءالله بإستغراب قال لي:ماذا تعنى؟ قلت ليه:حسناً وصلني بابل للبيت نزلت من العربية وأنا بحاول أبين ثبات ما كنت حاسة بيه فعلياً بداخلي دخلت البيت وم مشيت على ولا مكان غير غرفة سياف ورقدت في سريره مرت ساعات وأنا في البيت ما عارفة الساعات دي مرت كيف لغاية ما جا الصباح ما قدرت أركز على شيء ، التلفزيون شغال طول الوقت في الأخبار، بس ما في جديد يُذكر، نفس الجمل المكررة: "التحقيق مستمر" "الفرق ما زالت تحاول الوصول للموقع" بدون أي تفصيلة حقيقية تهدي قلقي تلفوني كان أقرب شي لي طول الوقت، كل ساعة تقريباً أتصل على بابل بابل، في جديد؟ بابل:لا جديد، هايز يقول انه سيطلعني على اخر التطورات اول بأول ،دعينا نصبر قليلاً كنت بقفل الخط وأرجع أعلق عيوني في الشاشة صباح اليوم التاني سمعت صوت الباب، فتحت ملهوفة لقيته بابل، ومعاه ليز وواكيمي وميغان، وشوشهم كلها فيها قلق وجدية غريبة لا شعورياً خفت وبقيت اسألهم:هل حدث شيء؟ماذا هناك؟لم وجوهكم هكذا؟ ميغان مسكتني وقالت لي اهدأي!! لم يحدث شيء ،نحن هنا للإطمئنان عليك والتحدث معك قليلاً فحسب قلت ليهم حسناً تفضلو بالدخول!!! دخلوا، وقعدوا في الصالة، وبابل كان أول واحد يتكلم بابل: راجعنا مسار الرحلة مرة ثانية، مع واكيمي ، وهناك ما هو ليس منطقي بعض الشيء اكيمي: الطائرة كانت متجهة لنيويورك، مسارها الطبيعي يفترض ان يكون شرقي، ولكن حسب آخر إشارة رادار للطائرة تقول ان الطائرة انحرفت شمالاً، تجاه منطقة جبل شاستا، وهذا خارج أي مسار منطقي للرحلة ليز: هذا يعني إما ان هناك خلل تقني غريب، أو أن أحد وجه الطائرة عمداً لهذا الاتجاه!! سكتت لحظة وأنا بحاول أستوعب، بعدين ميغان كسرت الصمت وقالت :شهد، نحن الاثنين نعرف أن سياف وفريقه كانوا مسافرين بخصوص قضية ذلك الطبيب،هل تعرفين من هو او اي معلومات مفصله عنه؟ هزيت رأسي بالنفي ! ميغان قالت: إن كان الحادث مدبراً لسياف فحسب لن يحتاجو لبقية الفريق ولكن ربما تم اختيار اعضاء فريق المحامين بعناية للمشاركة في هذه القضية ،جميع المحامين برفقة سياف هم احد اكبر وانجح واشهر المحامين في الشركة وفي امريكا كما يقال ايضاً ،لذا يبدو الأمر واضحاً ان الإستهداف ليس لسياف فحسب وما هو اهم ان جميع هؤلاء المحامين لديهم محاولات اغتيال سابقة بطرق مختلفة بابل: ربما يكون هناك خيط يربط بين سبب توليهم القضية والانحراف المفاجئ بمسار الطائرة، لا نقدر ان نستبعد اي شيء عاينت لميغان وقلت ليها :إذاً كيف يمكننا الحصول على تفاصيل اكثر عن هذا الدكتور وهذه القضية؟ ميغان: فيما يخص الملفات الكاملة الشخص الوحيد الذي يمكننا الحصول عليها منه هو مستر مورفي، هو المدير المباشر لسياف، وهو الشخص الوحيد الذي لديه صلاحية إطلاعنا على تفاصيل القضية الحقيقية وسبب اختيار هذا الفريق بالتحديد؟! سمعت اسم مورفي وحسيت اني بجد ليه ما وصلت ليه من امس؟ قلت بصوت فيه استيعاب وانتباه خفيف: مورفي؟ بابل عاين لي بنظرة لاحظت فيها إنه هو كمان بفكر بنفس السؤال، بس ما علق!! ميغان: هو موجود بالشركة الان، ربما من الأفضل ان نذهب اليه ونتحدث معه وجهاً لوجه،ربما نستطيع الحصول على تفاصيل اكثر منه إن كنا امامه مباشرة بابل: أنا وميغان سنرافقك للشركة للقائه ، ولكن علينا ان نكون حذرين في طريقة طرحنا للأسئلة ، لا نريد ان نلفت الانتباه لشكوكنا، خصوصاً إن كان مورفي نفسه لديه ما يخفيه حسناً؟ اتفقنا نتحرك فوراً، وحسيت لأول مرة بعد مرور صح إنه إحساسي صح واكيد صح مليون في ال% وصلنا قدام مبنى الشركة، وأول شي شفناه كان حشد كبير من الصحافة، كاميرات، ميكروفونات، صحفيين متدافعين قدام المدخل الرئيسي، وصوت أسئلة متداخلة بيرتفع كل ما شافوا أي حركة من داخل المبنى رجال ألأمن واقفين صف في الباب، ومانعين أي شخص يدخل غير الموظفين، شكلها تعليمات من الإدارة بابل قال : يبدو ان الصحافة لديها إستفهامات مشابهة لتلك التي لدينا ميغان: لن نستطيع الدخول من الباب الرئيسي مع هذا الإكتظاظ هناك مدخل جانبي للموظفين نستطيع الدخول منه دخلت العربية في الباركنج ونزلنا مشينا ورا ميغان لغاية ما وصلنا المدخل الجانبي اللي قالت عليه طلعت بطاقتها للأمن في الباب ، وبعد نظرة سريعة علينا قالت ليه: انهم معي حسناً سيدتي تفضلو بالدخول دخلنا المبنى، الجو في الشركة كان مختلف تماماً عن الفوضى الحاصلة برة هدوء ثقيل، موظفين متحركين بوجوه متوترة وقلقة وصامتة

*#ليله_في_ديسمبر《98》* ♥️ *#بقلم_شهد عبدالله* *ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​ وقفت براقب المشهد السوداوي دة بعد سماع الضابط وهو بأكد موقع السقوط، الدخان البعيد، الأضواء المتقطعة، الرجال المحركين بقلق يمين وشمال، على قدر ما انا بحاول احارب شعوري بالخوف الا انه متفوق علي في اللحظة دي وقفت متجمدة مكاني غارقة في التفاصيل الحوالي وعاجزة استوعب كيف وصلنا لهنا خلال اقل من يوم؟ انا اتوقعت انوم واصحى على مكالمة منه،او مكالمة مني ليه هو يرد عليها،انا منهارة انهيار صامت،ما راضية حتى يظهر في وشي لأني متأكدة انه سياف ما هنا،بس اكيد في ابرياء ما ليهم ذنب في المكان دة حسيت بيدي في كتفي اتلفت كان بابل وهو بقول لي: تماسكي قليلاً اتنفس وانا بحاول ارجع لنفسي الثبات المحتاجة الموقف واتجاهل تماماً الحرب الدايرة جواي دي.. مرت الساعات بطيئة وثقيلة، قعدنا قريب من العربات بتاعتهم منتظرين بدون ما نقدر نسوي أي شي، كل شوية نشوف الضباط متحركين بسرعة أو بتكلمو بجهاز اللاسلكي، وكل مرة بتعلق بأمل إنه في تطور، بس ما كان شي يتغير فعلياً الشمس بدأت تميل للغروب، والبرد زاد أكتر، وبابل كان واقف أغلب الوقت يراقب الحركة من بعيد وهو ساكت، وانا مرة انزل اتمشى ومرة ارجع العربية بحاول أرتاح بس عيني ما قادرة تفارق الدخان البعيد المتصاعد من قمة الجبل جا هايز تجاهنا أخيراً، وعلى وشه تعب واضح بعد الوقفة لساعات هايز: جنرال، أعتقد لا يوجد داعي للإنتظار أكثر هنا بابل: ماذا تقصد؟ هايز:هذا الوضع لن يتغير خلالالساعات القادمة، والمنطقة محصورة فقط على الفرق المختصة والضباط المسؤولين وجودكنا هنا أكثر ليس له فائدة حقيقية، عملي لا يتوجب علي التواجد هنا ولكنني هنا من اجلك تعلم ذلك صحيح؟ ولأكون صريحاً معك كلما طال وجود أشخاص خارج الفرق الرسمية بموقع مثل هذا، كلما تعقدت الإجراءات الأمنية علينا بابل سكت لحظات وهو بعاين لي كأنه بوازن بين إصراري بإنه ما يوافق نمشي وبين منطقية كلام هايز بابل: حسناً،لنذهب هايز: وبما انك مهتماً بأمر الحادث سأتواصل معك فوراً واطلعك على كل ما هو جديد ،لنذهب لأن طريق العودة طويل للغاية عاينت لبابل بإستسلام لأني ما ينفع ابدي اي ردة فعل في اللحظة دي زي ما هو طلب مني بابل قال ليه:سأنتظر منك ان تبقيني على اطلاع بأي تفصيلة، حتى ولو كانت بسيطة هايز: أعدك ركبنا العربية بصمت تقيل، الطريق القطعناه بالنهار بكل توتر وترقب، بقى طريق عودة فارغ من أي إجابات، ومليان بأسئلة أكثر من الكانت عندنا وإحنا جايين وصلنا محطة البنزين اللي خلى فيها بابل عربيته، نزلنا من عربية مستر هايز وركبنا عربية بابل، واتجهنا راجعين على لسانفرانسيسكو الطريق كان طويل وصامت أغلبه، كل واحد فينا غارق بأفكاره الخاصة لما قربنا من المدينة، بابل كسر الصمت بابل: شهد، لا احبذ فكرة وجودك وحدك الليلة، دعيني أوصلك الى منزل ميغان أو ليز، أو حتى يمكنك الذهاب معي الى منزلي قلت ليه: لا داعي،سأذهب الى منزلي بابل: ما أقصده هو بعد كل ما حدث ليس امناً تركك بمفردك

= لا والله ما حصل وهو متواصل معاي عادي! هم شايل هم الشغل العايز يبداهو جديد دا! _ لا والله دا ما السبب، حالتو دي ما حالة زول شايل هم شغل، قلبي قابضني عليهو، حاساهو زي المكسور الخاطر!..... خليك معاهو يا الاء وحاولي تسأليهو بطريقه مباشره أو غير مباشره..... وعليك الله لما يقول ليك قولي لي عشان قلبي يبرد = تمام! بعد شويه رقيه جات داخله، لقت سميه سلمت عليها وسألتها عن أحوالها و بقوا ياخدوا و يدوا في الكلام، لحد ما سميه قالت ليها زي السمعت انك كنتِ ماشه تخطبي أسيل لولدك أحمد وتاني ما سمعنا شي !! رقيه قالت ليها ح نخطبها ليهو وما زادت حرف، الاء غيرت الموضوع وجابو سيرة العرس، سميه قالت ليهم :. ما معروف يمكن عرس مها و الاء يكونوا سوا!.... طواااالي رقيه قالت ليها بري أي زول براهو!😊 سميه قالت ليها مالو وشك اتغير!.... قالت ليها بري ما اتغير ولا شي..... قالت ليها انتي يا رقيه متناقشه مع اختك رويدا ولا شنو! شايفاك وقفتي منها، وحتى لمن جوا الخطاب ل بتها انتي قلتي ما عارفه! لأني جد جد ما عارفه اكذب عليك عادي!.... سميه قالت ليها بسم الله مالكم قال! هنا اتدخلت الاء و قالت ليها كل القصه يا خالتو سميه، انو أحمد اتقدم لمها وهي رفضت وقالت لأمي لو ولدك دا كان بقى آخر راجل ما عايزاهو، أمي زعلت والله وقالت إلا تخطب ليهو اسيل، اصلا هي من زمان عاجباها، اها بعد امي مشت وفاتحت أهل البت وحددوا يوم نمشي ليهم فيهو أحمد رفض، وهو من الاول ما وافق ولهسي زعلان! وناس خالتي أظن زعلانين لا كلمونا لا كلمناهم! الاء وهي بتتكلم امها كانت بتحمر ليها بس هي ما عاينت لأمها! سميه قالت ليهم دا كلو من عمل الشيطان، انتوا ما جارات، انتوا أخوات، والله عيب الحاصل بيناتكم دا، انا والله حسيت في شي، وجيت أسألك انتي يا رقيه، والله الكلام دا غلط! رقيه قالت ليها كان صح كان غلط حصل الحصل وبعد دا أي زول ياكل نارو براهو! بعد سميه مشت رقيه قرصت بتها الاء وقالت ليها ما تعملي لي فيها عشان بقت نسيبتك تحكي ليها أي حاجه، هسي في داعي تقولي ليها امي خطبت لأحمد وهو رفض! عويره انتي ولا ولدوك ياداب!! الاء قالت ليها ما فيها حاجه يا أمي، دي خالتو سميه! قالت ليها سم القدر الغدا ان شاء الله، اسمعي هنا يا الاء، اوعك شي يحصل في البيت دا تمشي تكلمي بيهو الناس، ما تقولي لي نسيبتك أو زفت فاهمه ولا لا!! ______ لمن كنت ح اطلع وامشي من الجامعه، جمانه قالت لي ماشين نفطر في مطعم رهيييييب حق برجوازين جد جد، قلت ليها هسي مش فطرنا! قالت لي لا لا دا ما اسمو فطور، دي تصبيره ساي، ارح و ما تخافوا انا عازماكم على حسابي! 😂.... ماريا قالت ليها لا لا انتي اليوم ما براك! جمانه قالت ليها ما تتعودوا سمحه! اترددت وقلت ليهم انا.... جمانه قاطعتني وقالت ما عايزه اسمع اعتراض من زول!.... ماريا قالت لي عيب الواحد يرفض العزومه!😂 في الآخر اضطريت امشي معاهم، طلبت لينا جمانه على ذوقها، أثناء ما نحنا قاعدين ماريا قالت ل جمانه قبيل شفت صحباتنا يبكوا ساي، لما جيت ماره بجنبهم عملوا نفسهم طبيعيات، غيتو عليهم جنس حركات، بالذات غفران! طبعاً انا من البدايه فهمت انو قصدها غفران ومنار و دي العلاقات الأنا ما بحبها ولا بطيقها، يوم صديقك و يوم عدوك دي احسن منها الواحد يمشي براهو.... جمانه عاينت لي لقتني بعاين في تلفوني وما ابديت أي ردة فعل وما سألتهم عن غفران ومنار ف قالت ل ماريا خلينا منهم.... طبعاً كنت شايفاها بطرف عيني! طبعاً كنت فاتحه الفيس ويدي مشت على الماسنجر، لمن دخلت محادثة وائل لقيتو رافع عني الحظر! ما عارفه من متين لأني ما بدخل الفيس كتير وما بحبو شديد! بعد شويه كدا سمعنا صوت جوطه!.... كان واحد من الويترز بشاكل في بت وشغال ليها المكان دا اصلا ما شبه الناس الزيك والمفروض زاتو ما تجي المطعم دا ولا تقيفي في بابو، والبت المسكينه كانت بتقول ليهو معليش ما قاصده اضرب فيك وادفق العصير و واضح انها كانت مُحرجه للناس وهو عشان بتعتذر منو نافخ ريشو و ينهر فيها زي الشافعه قدام الناس، الموقف دا غااااظني واستفزاني شديد، شلت كباية العصير حقي و طواااالي مشيت وقفت قدام الويتر وبدون أي مقدمه رشيييييتو بكباية العصير البااااارد كلووو لكن اتخلع وكل الناس اتخلعت معاهو!! هااااج وقال لي انتي حيوانه ولا شنو.....اتناولت عصير تاني من اقرب طاوله و دفقتو فيهو، قلت ليهو ماف حيوان غيرك هنا، انت منو عشان تقرر منو من حقو يجي هنا ومنو لا..... لو ما قروشنا دي انتوا ولا شي، وبعدين انت ويتر ما ولد رئيس عشان تنفخ ريشك وتشوف نفسك، قايل روحك منو انت يا متخلف .....

#شتات11 مها حولي الزاكي قلت ليهو اهلين أحمد اتفضل.... ما رد علي ف سكت لأني خفت منو، قال لي جاي اقول ليك حاجه واحده بس : انتي وحده انانيه وما بهمكم شي غير مصلحتك وانا اليوم لأول مره أصدق الكلام الإنقال عنك، انتِ وحده عديمة إحساس وضمير.... من اليوم خلقتك دي ما عايز اشوفها وان شاء الله القروش دي تخليك سعيده..... قال كدا ومشى طوالي وقلبي بقى يدق بسرعه، قربت أبكي بس مسكت نفسي لكن كلامو علق في نفسي، لمن رجعت لناس امي قالوا لي منو الكان في الباب، قلت ليهم واحد كان بسأل عن بيت ناس منو كدا ما متذكره قلت ليهو دا ما بيتهم..... طبعاً الجبنه مسخت لي زياده، دخلت جوه ونمت طوالي. تاني يوم على الجامعه، اول ما خلصت وطلعت إتلاقيت مع جمانه، قالت لي ما تمشي قالوا ح يعلقوا النتيجه بعد شويه.... طبعاً اتخلعت، ناس الجامعه دائماً بفاجئونا بالنتيجه، بدون أي سابق إنذار بنلقى النتيجه معلقه! من دون ما أحس قلت ليها وااااي انا خايفه منها، ياداب اتذكرت السواطه السوطها في الإمتحان! قالت لي يا بت ما براك انا كمان ما اشتغلت كويس، لكن ان شاء الله بنباصي! مشينا قعدنا في البينشات وبقينا منتظرين الناس تقول النتيجه طلعت، حالنا حال المنتظر ليهو مراه في غرفة العمليات! بعد شويه الجامعه دي كلها هااااجت و جاطت و بقى في أصوات كواريك و زغاريد..... جمانه قالت لي النتيجه طلعت شكلها 😭 ختيت يدي على قلبي وقلت ليها المشي غالبني، قالت لي انا كمان لكن ارح نتوكل ونمشي، وقفت على حيلي واتحركت وهي كانت ماشه معاي، متوترين وخايفين، من دون ما نحس كنا ماسكين يدين بعض وكل وحده تشكي خوفها للتانيه، لمن وصلنا البورد المعلقه فيهو النتيجه لقينا غفران ومنار وكانوا ببكوا وفي بنات وشباب من الدفع التانيه شغالين ليهم دا حال الجامعه، ما تشيلوا هم واجتهدوا للملاحق! اللحظه ديك انا جد جد خفت من نتيجتي، جمانه ضغطت على يدي شديد وقالت لي وااااي قلبي ح يقيف! بعد الناس زحوا من البورد، جيت لمكان النتيجه حقتنا، بقيت افتش على اسمي وانا مره اغمض عيوني ومره افتحها لحد ما لقيت اسمي و...... Pass!! ياخ اللحظه ديك قربت أطير من الفرح، عيوني إتملت دموع، بدون ما احس ضميت جمانه وقلت ليها الحمدلله Pass all through، قالت لي الحمدلله، ألف مبرووووك يا قلبي.... باقي انا.... جات وقفت قدام وبقت تفتش على اسمها وانا والله في سري كنت بدعي ليها و اتمنيت نتيجتها تطلع Pass بس لمن إتلفتت علي وشها ما كان ببشر بالخير، فجأه مشت طوالي وهي بتبكي، عاينت للبورد لقيتها راسبه في ماده، لمحتها من بعيد مشت قعدت في البينشات وبقت تبكي! ما عرفت اعمل شنو..... كانت قاعده براها، في الآخر مشيت ليها، قعدت جنبها وقلت ليها جمانه ما تبكي!..... طبعاً انا فاشله في المواساة وتحنيس الناس، دي اكتر حاجه بكرها لكن عااااد اسوي شنو!! قالت لي كيف ما ابكي، انا متملحقه! وااااي يا ربي 😭😭😭 قلت ليها عارفاها حاجه بتزعل بس دي ما النهايه، انتي عندك فرصه تنجحي في الماده دي وتمشي السنه البعدها، عايني للبنات ديلك.... ديل كانو جنبنا قبل شويه وشافوا نتيحتهم فيهم الشايله ملحقين والشايله 3 ملاحق، عايني ليهم مبسوطين وبتصوروا كيف!.... ليه؟ لأنو الحصل دا خلاص حصل ما بتقدر تغيروا لكن بتقدر تعالجو وتمنع نفسك من انك تقع فيهو مره تانيه، البكى ما بحل مشكله ولا برجع الزمن، الفات دا خلاص خليهو، ومن هسي أبدي اقري للملحق لو عايزه، انا معاك لو احتجتي مساعده بقدر اشرح ليك وان شاء الله ح تنجحي فيهو انا متأكده، هو ماده وااحده بس، متأكده ح تنجحي فيها والسنه الجايه ح نكون مع بعض..... ضمتني عليها وبكت كويس بعدها مسحت دموعها وقالت لي طيب، كلامك خفف عني والله، بعد شويه جات ماريا وقالت لجمانه غير البكى عشان شنو، جمانه قالت ليها ما عارفه يعني، شلت ملحق يا ماريا 😭😭 ماريا قالت ليها انا شايله اتنين ويااااهو عاديه لا ح ابكي ولا شي وهسي ماشه أفطر، تمشوا معاي؟؟ _______ _ وائل انا أمك ولا ما أمك؟ = دا سؤال شنو يا أمي؟ _ انت من متين بتدس مني، مالك يا ولدي احكي لي الله يرضى عنك ما تشيلني همك، زمنك كلو راقد و حيلك منهد = يا أمي احكي ليك شنو وهو ماف شي احكيهو! _ متناقش مع الاء ولا شنو؟ _ لا ما حصل = اها مالك؟؟ _قلت ليك ماف شي! ________ _ امك وين تعالي ما تعملي لي أي شي _دقيقه يا خالتو سميه "مشت جابت ليها عصير و جات قعدت قصادها" _كدي تعالي يا الاء اقعدي جنبي هنا عايزه اتكلم معاك = اي يا خالتو سميه _...... انتي و وائل علاقتكم كيف؟ = كويسين! _ متأكده = ايوه يا خالتو سميه.... وائل قال ليك حاجه؟ _ اريتو كان بقول، ما عارفاهو مالو يا الاء ليهو فتره حالتو ما عاجباني، لا بتكلم لا بياكل زي الناس، زمنو كل سرحان، اسألو يقول لي ماف حاجه! حيرني معاهو الولد دا! =......... _ ما حصل بيناتكم اي نقاشات أو خلافات!

كاتله حيلك وعامله نفسك ملاك وانتي وحده قضيمه وخبيثه واختصاصك اللعب بمشاعر أولاد الناس، بتغشيهم بتلحسي قروشهم وتفكيهم عكس الهواء، حتى ولد خالتك ما سِلم منك! هنا الكلام وجعني شديد، قلت ليها انا ما حصل شلت من زول قروش غير أهلي، اسألي وائل لو حصل شلت منو جنيه واحد، حتى لمن كان يصر يوصل لي قروش ما كنت برضى ولا بقبل، أنا ما محتاجه عشان اشيل من الناس، وكوني غلطانه ما معناها انك تتهمني بحاجه ما عملتها يا خالتو سميه 😭 ولو وائل قال ليك كدا كذب عليك..... برضو نهرتني وقالت لي وائل كان بتكلم ما كان وصل للحاله دي، هو ماااا كلمني براااي فتشت تلفوني وعرفت و ورسلت ليك عشان اتأكد انو دي انتي فعلاً.... وائل كان بتكلم ما كان انتي بكل قوة عين ح تجي بيتي، ضاااامنه سكوتو عشان كدا متقدله، لكن أنا ماااااا عافيه ليك حق ولدي وحق ثقتي فيك، وأهلك الليله قبل بكرا ح يعرفو ويحصل اليحصل ان شاء الله يضبحوك ما فارقه.....بقيت ببكي بس وبحاول أشرح ليها وهي مع كل جمله مني كان بزيد غضبها، مسكتني من يدي وجرتني معاها ل برا، قالت لي ارح بيتكم، خلي أهلك يعرفوا بتهم سايطه الدنيا كيف، مسكتني بكل قوتها وبقت جاراني وراها وحالفه تكلم أهلي 💔 "و يأذيك الذي تخاف عليه من الأذى، الخذلان مؤلم أكثر من الفقد، لأن الفقد قضاء… والخذلان قرار 💔" يتبع....... التأخير بسبب اني نازله دوره تدريبيه، بخلص الأسبوع الجاي ان شاء الله

صدمتي فيها كبيره! دي الكنت دايراها ليك وما شايفه أي بت غيرها مناسبه ليك حسبي الله ونعم الوكيل فيها!..... انت بيجاي ممغوص ومكسور الخاطر والجناح، لا بتاكل كويس لا بقيت زي زمان وهي عايشه حياتها بالطول والعرض!.... ياااااخ من وين جابت قوة القلب لمن كانت تجيني تتونس معاي وتمشي! في بيتي بتضحك معاي وهي عامله دا كلو في ولدي!.... ضميرها ما أنبها وهي بتخت عينها في عيني! يعني انا مستغربه في بجاحتها دي! تعمل دا كلو وتجيني في البيت عاااادي حتى في وجودك بعد عملتها دي!..... ماااا عشان عارفه ولدي طيب وبفكر في الناس قبل نفسو، عارفاك ح تتحمل المسؤوليه انت وما ح تكلم زول حتى أمك!.... استغلتك وما حست بتأنيب الضمير! يااااخ دي ما بشر دي شيطان، لكن أنا اقسم بالله ما أخليها!! _____ بعد طلعت من الجامعه و وصلت حينا، اتذكرت خالتو سميه، طولت منها، طوالي مشيت على بيتها، عربية وائل ما كانت موجوده، قلت الحمدلله معناها هو ما موجود، ضغطت الجرس، بعد مسافه جات هي وفتحت لي، ضميتها وقلت ليها مشتااااقين والله يا خالتو سميه! ما بعرف كانت مالها بس ملامح وشها كانت حاده! قالت لي اتفضلي ومشت قدامي، قلت يمكن حاصله عليها حاجه! ان شاء الله وائل يكون كويس.... قفلت الباب ومشيت وراها لحدي ما دخلنا الهول، فجأه هي إتلفتت علي وبدون أي مقدمات ضربتني كف! انا خلعتي بالكف كانت أكبر من وجع الكف! كفها كان كف زول ممكون وغضبان واصل الحد! بقيت خاته يدي على خدي وانا بعاين ليها كأني ما مصدقه انو هي ضربتني وعيوني إتملت دموع! قلت ليها بصوت باكي ليه يا خالتو سميه!.... قالت لي بنهره ما تقولي لي خالتو، لا خالتك لا بعرفك يا عديمة الإحساس والضمير!.... تعملي دا كلو في ولدي وتجي تقولي لي خالتو! وكمان بكل قوة عيني بتجيني في البيت عادي! عشان ضامنه سكوت وائل! هنا فهمت انها عرفت!... وائل حكى ليها؟ بس هو وعدني ما يكلم زول! بقيت ابكي وهي بتقول لي : ظلمتي ولدي، كررت لي الجمله دي شديد ومع كل مره بتقولها لي دموعي بتزيد، قالت لي ليه ما قلتو ليهو انتي مها؟ ليه خليتيهو يتقدم ل بت خالتك؟ ليه ما فتحتي خشمك واتكلمتي! انتي طلعتي منها زي الشعره من العجينه و وائل هو الإتشايلها! هو العقد على وحده ما دايرها! انتي ما عارفه الحصل ليهو شنو بسبب الموضوع دا! هو بيجاي يبكي ألم وانتي بهناك مسوي ليك حالة عرس!!.... ليه بتبني سعادتك على تعاسة الناس!! بقيت ابكي واقول ليها انا بعترف بغلطي، بس انا ما جبرت وائل يعقد على الاء يا خالتو سميه 😭 من زمان كان عندي مشاعر ليهو وكنت متواصله معاهو هو كان قايل اسمي الاء عشان انتي قبل كدا قلتي ليهو الاء ح ترسل ليك صورة الدواء، وانا لمن قال لي الاء ما قدرت اقول ليهو انا مها، كنت خايفه من فكرة التواصل دي من اساسها، بس كونو ما كان عارف اسمي دي كانت عندي أخف قدراً، يعني زي الزول لمن يعمل حاجه وهو لابس قناع، وهو في نفسو عارف انو هو نفس الشخصيه بدون قناع أو مع قناع بس القناع بخفي هويتك من الناس وبخليك مطمن، الوقت داك كنت بخاف من انو زول يعرفني بتكلم مع ولد، كل مره اكون عايزه ارسل ليهو فيها بخاف وبتردد بس لما اتذكر انو الاء هي الح ترسل ما مها قلبي بطمن، ايوه انا البرسل الرسائل لكن عقلي بقول لي انتي اسمك الاء بالنسبه ليهو يعني مها بريئه من التواصل دا، عارفاك ح تشوفي كلامي زي الإستهبال بس دا الحصل 😭💔 لما وعيت على نفسي اتراجعت وقطعت التواصل معاهو، دا لمن كنت داخله الجامعه، بقيت زاتو ما بدخل حسابي ولا بستعمل الفيس، ولما وائل جا قلق زاد واتوترت خاصة انو قال عايز يتقدم، لمن انتي مشيتي وكلمتي خالتي انا والله ما كنت عارفه انكم ح تتقدمو ل الاء، لو عرفت كنت قلت ليهو، بس بعد كلمتو الناس ما قدرت اتكلم، قلت في نفسي الاء عايزه وائل و وائل اصلا ما بعرفني، هو بس بعرف اسم الاء يعني لو عرسها ماف مشكله بس كنت متخوفه من انو يوم من الأيام يجيب ليها سيرة التواصل القديم ويكتشف انو عرس البت الغلط و تحصل مشاكل بسببي، بس مع ذلك ما عملت شي وبقيت واقفه بعاين وما عارفه اتصرف كيف بعد اتقدمتوا ليها و حددتوا موعد الخطوبه، قالت لي عذرك أقبح من ذنبك، يااااخ على الأقل كنتِ تجي تكلميني انا كنت ح اتصرف واقول ليهم اننا قاصدنك انتي، وقتها أهلها ح يرفضوا عشان بت خالتك و دي ماااااا مشكله على الأقل وائل ما كان ح يعقد على وحده ما عايزها 😊 انا مصدومه فيك! اتخذلت فيك، ما اتخيلتك تطلعي بالشر والأنانيه دي! وفوق دا فاتحه نفسك عايزه تعرسي كمان! بكيت وقلت ليها والله انا ما كدا يا..... قاطعتني بنهره وقالت لي انتي وحده مستهبله وقليلة أدب، وقت خايفه من أهلك منو القال ليك اتواصلي مع ولدي؟ وقت بتخافي بتعملي الغلط ليه؟ ذنبو شنو المسكين دا تعلقيهو وتعشميهو وتفكيهو عكس الهواء؟!

#شتات12 مها حولي الزاكي طبعاً بعد الحصل في المطعم نحنا طوالي طلعنا و جمانه شغاله لي بتبالغي والله، جااااده يا بت كاشحه فيهو العصير 🤯 قلت ليها يستاهل أكتر من كدا، ماريا قالت لي لكن ردة فعلك غير متوقعه، وااااي ما شفتي منتظرو كان عامل كيف 🤣 حقيقي خلعتيهو وخلعتينا كلنا! انا قلبي قرب يقيف، حسيت نفسي بحضر في مسلسل شيق! جمانه قالت لكن الشاب الوسيم جنتل، ماريا قالت ليها ياااااي يا جمانه ما عرفتيهو!! طبعاً انا هنا عاينت ليها! وقلت ليها انتي بتعرفيهو؟ قالت لي يا بت دا مشهور في الميديا! جمانه قالت ليها المشاهير ديل عندهم ميديا غير العندنا ولا شنو! لا حصل لاقاني لا حصل سمعت بيهو! قلت ليها ولا انا، مشهور ب وين؟؟ جمانه قالت لي ما بتعرفيهو يعني؟ قلت ليها ما بعرفو ك مشهور، لكن بعرف أهلو واختو دي..... ماريا قالت لي وااااي يا بت المحظوظه، دا خليل إبراهيم، من أشهر الناس على تيك توك وفيسبوك، قلت ليها يلا ديل اكتر ابليكيشنات انا ما شغاله بيها، مقضيه حياتي في الإنستغرام، جمانه قالت لي وانا كمان!..... ماريا قالت لينا يا حليلكم فايتكم كتير، يااااخ الإنسان دا ياما حصلت فتن ومشاكل بين البنات في الفيس بسببو، قلت ليها ما عندهن موضوع بس 😒 قالت لي غيره و روح شريره..... اتخيلي يا مها قبل كدا في بت نزلت صورتو وقالت عرسوهو لي و طمنوني انو لا خاطب لا متزوج جيبوا لي زيتو كلو وحتى لو متزوج ماااااا بسيبو. يلااااا تعالي شوفي طواااالي في وحده عملت اسكرين شوت للبوست حق البت دي ونزلتو في نفس القروب ونبذت فيهو البت ما خلت ليها شتيمه كعبه ما قالتها ليها! البت كانت منفعله شديد كأنها مرتو أو خطيبتو..... يلا ديك الكلام وجعها، برضو سكرنت البوست ونزلتو و نبذت البت و من هنا بدا الردحي، وطبعاً البنات عشان يغيطوا البت البدت بالنبذ كلهم نزلو صورو، واحده كاتبه أعلن انبراشي، واحده كاتبه لو متزوج زاااتو ما عندي مشكله وهكذا..... و ديك بدت تنبذ من طرف إلا قفلو القروب، لكن الإسكيرينات انتشرت برا القروب و الاولاد إتدخلوا كل واحد منزل بوست براهو قايل فيهو عن البنات ديل عديمات وليان و رخيصات و و و.... ومن هناك تباينت الآراء وأي زول بقى ينصح و يفتي، الموضوع دا اشتغل اسبوع وزياده، وفلان داك ولا على بالو، لا علق لا حتى لمح 😂 جمانه قالت ليها وااااي دا كلو حصل! كنا عايشين وين نحنا يا مها! قلت ليها غيتو انا عايشه في الواقع أكتر من الميديا! ماريا قالت ل جمانه كنت بحكي ليك عنو لكن شكلك نسيتي. يلا ماريا مسكتو موضوع و بقت تشيل و تتكلم عنو وعن القصص الحصلت بسببو و و و..... لمن رجعت البيت طواااالي جري على الفيس بديت افتش في حسابو، كتبت الإسم بالعربي لقيت حسابات كتيره بس ما حسيت واحد منهم حقو، رجعت كتبتو بالإنجليزي وطوالي لقيت الحساب عرفتو من عدد المتابعين و من صورة البروفايل..... دخلت حسابو و قلبتو فوق تحت! طلع زول عميق، نصوصو عميقه و شخصيتو ذاااتها تحسها غاااامضه كدا وعميقه! حسابو مليان صور وفيديوهات، مره لابس بدل رسميه، مره في شركه ومره في مطاعم ومره في رحلات، اكتر صوره حديثه ليهو جايبه أكبر تفاعل كان لابس فيها جلابيه وعمه! صراحة الصوره قاتله! بقيت اقول في نفسي ليه حاجه زي دي ما مرت علي قبل كدا! ليه حسابو دا ما حصل شفتو ولا لمحتو زاتو بالغلط!! لقيت رساله على الماسنجر لما شفتها لقيتها من خالتو سميه، قلت في نفسي الليله خالتو سميه دي ظهرت من وين، و لا تكون ياداب اتذكرت انو عندها حساب على الفيس 😂 طبعاً زيي ما شغاله بيهو كتير و اصلا تلفونها دا للإتصالات والرسائل، بتحب الواقع أكتر من الميديا، من ونسة جبنه ل ونسة جبنه ومن جمعيه ل جمعيه ولااااا فاضيه للميديا زاتو، بتذكر آخر مره رسلت لي بحسابها دا زمااااان شديد من أيام الثانوي، مرسله لي ملصق "👋 " قلت ليها اهلييين خالتو سميه نووورتي الفيس، ردت علي بعد شويه وقالت لي بنورك حبيبه، اعذريني لقيتك من اصدقائي لكن ما متذكره انتي منو معليييش الذاكره سمكيه.... ضحكت وقلت ليها خالتو سميه شكلها الدردشه عندك محذوفه، انا مها..... تاني ما ردت علي، قلت بتكون إنشغلت بشي. طلعت من الفيس ومشيت التيك توك بحثت عن حساب خليل ظهر لي طوااالي، يااااخ حتى حسابو دي فخم والصور والفيديوهات عالية الدقه!.... بس الشي الغريب انو بنزل صوره صامته لكن بكون عليها تفاعل كبيييير!! دخلت قريت التعليقات كلهم بنات و مباااالغه مباااالغه التعليقات!! حسيت نفسي في عالم تاني! معقوله دا كلو كان فايت علي!! سكنت في حسابو، بدون ما أحس لقيت نفسي شفت كل الصور والفيديوهات لحد ما وصلت لنهاية الحساب!.... حقيقي إنبهرت! ________ _ وااااي يا ماما ما شفتي ردة فعل الناس، يااااخ كلنا إنخلعنا، دفقت فيهو العصير ما مره مرتين كمان 🤣🤣.... كنت قايلاك براك البتتهوري وتتصرفي ساي لكن البت دي حقيقه ختتها ليك! = والله خير ما فعلت، لو كنت مكانها كان ح اعمل كدا وأكتر

إتلفت على البت وقلت ليها انتي اغبى بت اشوفها في حياتي كلها! بتعتذري ليهو لشنو وهو شغال ينهر فيك ويذل فيك! دا زاتو شبهو ما شبه اعتذار ولا يستاهل الإعتذار، دا واحد عندو عقده نقص جايه يقلل من الناس ويذلهم عشان يتمهم، النوعيه الزي دي بكون أحقر ناس وماف زول محترمهم وشايفين نفسهم أقل عشان كدا بفتشوا لزول يكون أقل منهم عشان يحسو بقيمتهم! طبعاً الولد هااااج ودفق و بقى يتشاكل معاي،و باقي الويترز وبتاع الكاشير جوا ادخلوا وحاولوا يمنعوهو مني و يفضوا الإشتباك و الولد خرج عن طورو وحسيتو زي المجنون أو بتعاطى، اتفك منهم لزاني و رفع يدو عشان يضربني بس فجأه في زول مسك يدو وجا وقف حاجز بيني و بينو! وفجأه نفس البت اللاقيتها في السوق، يلي هي جويريه بت خالتو سميره جات وقفت جنبي وقالت لي دا واحد مجنون ساي! حتى جمانه وماريا كانوا واقفين معاي! الولد لز يد الويتر وقال ليهو احترم نفسك!.... طواااالي العاملين في المطعم لموا الويتر قليل الأدب عليهم و اعتذروا من الشاب..... قال ليهم ما عايز أي اعتذار، لو عايزين تعتذروا اعتذروا للبت دي أولاً (البت الشاكلها الويتر) و البت دي..... ثانياً..... طبعاً هنا إتلفت علي وعيني جات في عينو، ياهو الشفتو مع البت دي في السوق، بقيت اقول في نفسي دا خليل؟....ولا يمكن دا حبيب جويريه ولا أخوها بس ما خليل! هي لمن جاتنا مع امها ما وضحت لي الكان معاها في السوق دا خليل ولا زول تاني!! طبعاً اعتذروا مني ومن البت بس أكتر شي اعتذارهم كان للشاب الما عرفت اسمو دا إلا لمن قالوا ليهو آسفين استاذ خليل اتفضل مكانك وغلط زي دا ما ح يتكرر تاني! قال ليهم ما عملتوا الطلبتوا منكم؟ جيبوا الحيوان داك عشان يجي يعتذر للبنات الاساء ليهم، و إذا ح تخلوهو يواصل في شغلو مااااف زول ح يجي المكان دا تاني وانا أولهم! طواااالي زي المحركنهم بجهاز كنترول، مشوا جابوا الويتر وأظن جوه كفتوهو وأدوهو حقو لأنو جا مبهدل شديد واعتذر بدون اعتراض مني ومن البت! 😂🤣 قلت في نفسي دي قوة القروش والمكاااانه، الزول العندو مكانه ومليان قروش كل الناس بتعبدو و بتسعى عشان توفر ليهو كل وسائل الراحه وتكون حريصه على انو ما يحصل أي تقصير أو اهانه أو اساءه ليهو!! الوضع هِدى والناس رجعت مكانها، إلا نحنا واقفين في نفس المكان، البت جويريه كانت مبسوطه وضحكتها للضرس، قالت لي وااااي ياريت لو صورت الحصل لأمي كانت ح تتكيف منك شديد لأنو ماما ناشطه في حقوق المرأه، هسي لو كلمناها ما ح تقصر من الجماعه ديل! 🤣🤣 ابتسم ليها وقلت للشاب خليل : شكراً قال لي على شنو؟ واحد اساء ل بنات.. طبيعي الناس تقيف ضدو! ما عارفه بس حسيت كلامو دا فيهو إحراج بطريقة ما، أو هو قاصد يقول لي الموضوع ما شخصي، أي زول مكاني كان ح يعمل كدا، أو بت كانت مكانك برضو كنت ح اعمل كدا!! قلت ليهو ماااا طبيعي ماااا أي زول بقيف مع الغريب 😊 عمل نفسو مركز مع تلفونو، قال ل جويريه نمشي؟ جويريه قالت لي بالمناسبه يا مها دا خليل اخوي... و يا خليل دي مها ال... ما تمت الكلام لكن غمزت ليهو وقالت ليهو اصلا انت عارفها عشان وصفناها ليك وقلت ليك دي البت اللقيناها في السوق و..... قال ليها انتي ليه كلامك كتير؟ اتحركي قدامي! ودعتني ومشت لحقتو لأنو طلع طوالي، استفزاااني شديد الإنسان دا وغااااظني، عامل فيها بدافع عن الناس وفي نفس الوقت بهينهم!.... قايل نفسو من دا كمان، براها امو جات لحد البيت عشان تخطبني ليهو، أظن قايلني حأكون ميته فيهو وما مصدقه انو امو عايزاني ليهو لكن ماااااا بتعرفني والله، انا جني أكبر من جنك وشوفة نفسك دي وشوووف لو ما خليتك برااااك تجيني و تكسر نظرك لما تكون قدامي ما اكون اسمي مها والأيام بيناتنا! ________ _ يا وائل كدي أديني تلفونك دا اتصل على خالتك سلمى طولت منها هسي تلفوني ما فيهو رصيد = ياهو التلفون _لو شغال بيهو خليهو خلاص =لا لا قايم استحمى واصلي وائل مشى يصلي وامو اول ما اتأكددت انو ما ح يجيها راجع هسي، بعد تردد فتحت الواتس وبقت تفتش في الرسائل، اول دردشه بدت بيها دردشتو ما الاء وما لقت شي، كانت بتمرر الرسائل بسرعه، طلعت من الواتس ومشت الماسنجر، بقت تفتح الرسائل بسرعه وتشوف آخر رساله عشان الزمن، عشان وائل ما يجي يلقاها بتفتش في تلفونو، دخلت محااادثه من المحادثات، من آخر رساله حست انو ح تلقى شي، ف بقت تقرا الرسائل و اتغيرت كل ملامح وشها! رجعت التلفون مكانو و راسها ضارب! "لَا تَخَافي لن أنسَى مَلامِحكِ أبدًا ، في كُل مَوقِفٍ أشعُرُ فِيهِ بِالخِذلَانِ سَوفَ أرَاكِ". يتبع....... الروايه م عندها زمو محدد، اول ما يتكتب البارت ح ينزل طوالي

= لا والله ما حصل وهو متواصل معاي عادي! هم شايل هم الشغل العايز يبداهو جديد دا! _ لا والله دا ما السبب، حالتو دي ما حالة زول شايل هم شغل، قلبي قابضني عليهو، حاساهو زي المكسور الخاطر!..... خليك معاهو يا الاء وحاولي تسأليهو بطريقه مباشره أو غير مباشره..... وعليك الله لما يقول ليك قولي لي عشان قلبي يبرد = تمام! بعد شويه رقيه جات داخله، لقت سميه سلمت عليها وسألتها عن أحوالها و بقوا ياخدوا و يدوا في الكلام، لحد ما سميه قالت ليها زي السمعت انك كنتِ ماشه تخطبي أسيل لولدك أحمد وتاني ما سمعنا شي !! رقيه قالت ليها ح نخطبها ليهو وما زادت حرف، الاء غيرت الموضوع وجابو سيرة العرس، سميه قالت ليهم :. ما معروف يمكن عرس مها و الاء يكونوا سوا!.... طواااالي رقيه قالت ليها بري أي زول براهو!😊 سميه قالت ليها مالو وشك اتغير!.... قالت ليها بري ما اتغير ولا شي..... قالت ليها انتي يا رقيه متناقشه مع اختك رويدا ولا شنو! شايفاك وقفتي منها، وحتى لمن جوا الخطاب ل بتها انتي قلتي ما عارفه! لأني جد جد ما عارفه اكذب عليك عادي!.... سميه قالت ليها بسم الله مالكم قال! هنا اتدخلت الاء و قالت ليها كل القصه يا خالتو سميه، انو أحمد اتقدم لمها وهي رفضت وقالت لأمي لو ولدك دا كان بقى آخر راجل ما عايزاهو، أمي زعلت والله وقالت إلا تخطب ليهو اسيل، اصلا هي من زمان عاجباها، اها بعد امي مشت وفاتحت أهل البت وحددوا يوم نمشي ليهم فيهو أحمد رفض، وهو من الاول ما وافق ولهسي زعلان! وناس خالتي أظن زعلانين لا كلمونا لا كلمناهم! الاء وهي بتتكلم امها كانت بتحمر ليها بس هي ما عاينت لأمها! سميه قالت ليهم دا كلو من عمل الشيطان، انتوا ما جارات، انتوا أخوات، والله عيب الحاصل بيناتكم دا، انا والله حسيت في شي، وجيت أسألك انتي يا رقيه، والله الكلام دا غلط! رقيه قالت ليها كان صح كان غلط حصل الحصل وبعد دا أي زول ياكل نارو براهو! بعد سميه مشت رقيه قرصت بتها الاء وقالت ليها ما تعملي لي فيها عشان بقت نسيبتك تحكي ليها أي حاجه، هسي في داعي تقولي ليها امي خطبت لأحمد وهو رفض! عويره انتي ولا ولدوك ياداب!! الاء قالت ليها ما فيها حاجه يا أمي، دي خالتو سميه! قالت ليها سم القدر الغدا ان شاء الله، اسمعي هنا يا الاء، اوعك شي يحصل في البيت دا تمشي تكلمي بيهو الناس، ما تقولي لي نسيبتك أو زفت فاهمه ولا لا!! ______ لمن كنت ح اطلع وامشي من الجامعه، جمانه قالت لي ماشين نفطر في مطعم رهيييييب حق برجوازين جد جد، قلت ليها هسي مش فطرنا! قالت لي لا لا دا ما اسمو فطور، دي تصبيره ساي، ارح و ما تخافوا انا عازماكم على حسابي! 😂.... ماريا قالت ليها لا لا انتي اليوم ما براك! جمانه قالت ليها ما تتعودوا سمحه! اترددت وقلت ليهم انا.... جمانه قاطعتني وقالت ما عايزه اسمع اعتراض من زول!.... ماريا قالت لي عيب الواحد يرفض العزومه!😂 في الآخر اضطريت امشي معاهم، طلبت لينا جمانه على ذوقها، أثناء ما نحنا قاعدين ماريا قالت ل جمانه قبيل شفت صحباتنا يبكوا ساي، لما جيت ماره بجنبهم عملوا نفسهم طبيعيات، غيتو عليهم جنس حركات، بالذات غفران! طبعاً انا من البدايه فهمت انو قصدها غفران ومنار و دي العلاقات الأنا ما بحبها ولا بطيقها، يوم صديقك و يوم عدوك دي احسن منها الواحد يمشي براهو.... جمانه عاينت لي لقتني بعاين في تلفوني وما ابديت أي ردة فعل وما سألتهم عن غفران ومنار ف قالت ل ماريا خلينا منهم.... طبعاً كنت شايفاها بطرف عيني! طبعاً كنت فاتحه الفيس ويدي مشت على الماسنجر، لمن دخلت محادثة وائل لقيتو رافع عني الحظر! ما عارفه من متين لأني ما بدخل الفيس كتير وما بحبو شديد! بعد شويه كدا سمعنا صوت جوطه!.... كان واحد من الويترز بشاكل في بت وشغال ليها المكان دا اصلا ما شبه الناس الزيك والمفروض زاتو ما تجي المطعم دا ولا تقيفي في بابو، والبت المسكينه كانت بتقول ليهو معليش ما قاصده اضرب فيك وادفق العصير و واضح انها كانت مُحرجه للناس وهو عشان بتعتذر منو نافخ ريشو و ينهر فيها زي الشافعه قدام الناس، الموقف دا غااااظني واستفزاني شديد، شلت كباية العصير حقي و طواااالي مشيت وقفت قدام الويتر وبدون أي مقدمه رشيييييتو بكباية العصير البااااارد كلووو لكن اتخلع وكل الناس اتخلعت معاهو!! هااااج وقال لي انتي حيوانه ولا شنو.....اتناولت عصير تاني من اقرب طاوله و دفقتو فيهو، قلت ليهو ماف حيوان غيرك هنا، انت منو عشان تقرر منو من حقو يجي هنا ومنو لا..... لو ما قروشنا دي انتوا ولا شي، وبعدين انت ويتر ما ولد رئيس عشان تنفخ ريشك وتشوف نفسك، قايل روحك منو انت يا متخلف .....

#شتات11 مها حولي الزاكي قلت ليهو اهلين أحمد اتفضل.... ما رد علي ف سكت لأني خفت منو، قال لي جاي اقول ليك حاجه واحده بس : انتي وحده انانيه وما بهمكم شي غير مصلحتك وانا اليوم لأول مره أصدق الكلام الإنقال عنك، انتِ وحده عديمة إحساس وضمير.... من اليوم خلقتك دي ما عايز اشوفها وان شاء الله القروش دي تخليك سعيده..... قال كدا ومشى طوالي وقلبي بقى يدق بسرعه، قربت أبكي بس مسكت نفسي لكن كلامو علق في نفسي، لمن رجعت لناس امي قالوا لي منو الكان في الباب، قلت ليهم واحد كان بسأل عن بيت ناس منو كدا ما متذكره قلت ليهو دا ما بيتهم..... طبعاً الجبنه مسخت لي زياده، دخلت جوه ونمت طوالي. تاني يوم على الجامعه، اول ما خلصت وطلعت إتلاقيت مع جمانه، قالت لي ما تمشي قالوا ح يعلقوا النتيجه بعد شويه.... طبعاً اتخلعت، ناس الجامعه دائماً بفاجئونا بالنتيجه، بدون أي سابق إنذار بنلقى النتيجه معلقه! من دون ما أحس قلت ليها وااااي انا خايفه منها، ياداب اتذكرت السواطه السوطها في الإمتحان! قالت لي يا بت ما براك انا كمان ما اشتغلت كويس، لكن ان شاء الله بنباصي! مشينا قعدنا في البينشات وبقينا منتظرين الناس تقول النتيجه طلعت، حالنا حال المنتظر ليهو مراه في غرفة العمليات! بعد شويه الجامعه دي كلها هااااجت و جاطت و بقى في أصوات كواريك و زغاريد..... جمانه قالت لي النتيجه طلعت شكلها 😭 ختيت يدي على قلبي وقلت ليها المشي غالبني، قالت لي انا كمان لكن ارح نتوكل ونمشي، وقفت على حيلي واتحركت وهي كانت ماشه معاي، متوترين وخايفين، من دون ما نحس كنا ماسكين يدين بعض وكل وحده تشكي خوفها للتانيه، لمن وصلنا البورد المعلقه فيهو النتيجه لقينا غفران ومنار وكانوا ببكوا وفي بنات وشباب من الدفع التانيه شغالين ليهم دا حال الجامعه، ما تشيلوا هم واجتهدوا للملاحق! اللحظه ديك انا جد جد خفت من نتيجتي، جمانه ضغطت على يدي شديد وقالت لي وااااي قلبي ح يقيف! بعد الناس زحوا من البورد، جيت لمكان النتيجه حقتنا، بقيت افتش على اسمي وانا مره اغمض عيوني ومره افتحها لحد ما لقيت اسمي و...... Pass!! ياخ اللحظه ديك قربت أطير من الفرح، عيوني إتملت دموع، بدون ما احس ضميت جمانه وقلت ليها الحمدلله Pass all through، قالت لي الحمدلله، ألف مبرووووك يا قلبي.... باقي انا.... جات وقفت قدام وبقت تفتش على اسمها وانا والله في سري كنت بدعي ليها و اتمنيت نتيجتها تطلع Pass بس لمن إتلفتت علي وشها ما كان ببشر بالخير، فجأه مشت طوالي وهي بتبكي، عاينت للبورد لقيتها راسبه في ماده، لمحتها من بعيد مشت قعدت في البينشات وبقت تبكي! ما عرفت اعمل شنو..... كانت قاعده براها، في الآخر مشيت ليها، قعدت جنبها وقلت ليها جمانه ما تبكي!..... طبعاً انا فاشله في المواساة وتحنيس الناس، دي اكتر حاجه بكرها لكن عااااد اسوي شنو!! قالت لي كيف ما ابكي، انا متملحقه! وااااي يا ربي 😭😭😭 قلت ليها عارفاها حاجه بتزعل بس دي ما النهايه، انتي عندك فرصه تنجحي في الماده دي وتمشي السنه البعدها، عايني للبنات ديلك.... ديل كانو جنبنا قبل شويه وشافوا نتيحتهم فيهم الشايله ملحقين والشايله 3 ملاحق، عايني ليهم مبسوطين وبتصوروا كيف!.... ليه؟ لأنو الحصل دا خلاص حصل ما بتقدر تغيروا لكن بتقدر تعالجو وتمنع نفسك من انك تقع فيهو مره تانيه، البكى ما بحل مشكله ولا برجع الزمن، الفات دا خلاص خليهو، ومن هسي أبدي اقري للملحق لو عايزه، انا معاك لو احتجتي مساعده بقدر اشرح ليك وان شاء الله ح تنجحي فيهو انا متأكده، هو ماده وااحده بس، متأكده ح تنجحي فيها والسنه الجايه ح نكون مع بعض..... ضمتني عليها وبكت كويس بعدها مسحت دموعها وقالت لي طيب، كلامك خفف عني والله، بعد شويه جات ماريا وقالت لجمانه غير البكى عشان شنو، جمانه قالت ليها ما عارفه يعني، شلت ملحق يا ماريا 😭😭 ماريا قالت ليها انا شايله اتنين ويااااهو عاديه لا ح ابكي ولا شي وهسي ماشه أفطر، تمشوا معاي؟؟ _______ _ وائل انا أمك ولا ما أمك؟ = دا سؤال شنو يا أمي؟ _ انت من متين بتدس مني، مالك يا ولدي احكي لي الله يرضى عنك ما تشيلني همك، زمنك كلو راقد و حيلك منهد = يا أمي احكي ليك شنو وهو ماف شي احكيهو! _ متناقش مع الاء ولا شنو؟ _ لا ما حصل = اها مالك؟؟ _قلت ليك ماف شي! ________ _ امك وين تعالي ما تعملي لي أي شي _دقيقه يا خالتو سميه "مشت جابت ليها عصير و جات قعدت قصادها" _كدي تعالي يا الاء اقعدي جنبي هنا عايزه اتكلم معاك = اي يا خالتو سميه _...... انتي و وائل علاقتكم كيف؟ = كويسين! _ متأكده = ايوه يا خالتو سميه.... وائل قال ليك حاجه؟ _ اريتو كان بقول، ما عارفاهو مالو يا الاء ليهو فتره حالتو ما عاجباني، لا بتكلم لا بياكل زي الناس، زمنو كل سرحان، اسألو يقول لي ماف حاجه! حيرني معاهو الولد دا! =......... _ ما حصل بيناتكم اي نقاشات أو خلافات!

كاتله حيلك وعامله نفسك ملاك وانتي وحده قضيمه وخبيثه واختصاصك اللعب بمشاعر أولاد الناس، بتغشيهم بتلحسي قروشهم وتفكيهم عكس الهواء، حتى ولد خالتك ما سِلم منك! هنا الكلام وجعني شديد، قلت ليها انا ما حصل شلت من زول قروش غير أهلي، اسألي وائل لو حصل شلت منو جنيه واحد، حتى لمن كان يصر يوصل لي قروش ما كنت برضى ولا بقبل، أنا ما محتاجه عشان اشيل من الناس، وكوني غلطانه ما معناها انك تتهمني بحاجه ما عملتها يا خالتو سميه 😭 ولو وائل قال ليك كدا كذب عليك..... برضو نهرتني وقالت لي وائل كان بتكلم ما كان وصل للحاله دي، هو ماااا كلمني براااي فتشت تلفوني وعرفت و ورسلت ليك عشان اتأكد انو دي انتي فعلاً.... وائل كان بتكلم ما كان انتي بكل قوة عين ح تجي بيتي، ضاااامنه سكوتو عشان كدا متقدله، لكن أنا ماااااا عافيه ليك حق ولدي وحق ثقتي فيك، وأهلك الليله قبل بكرا ح يعرفو ويحصل اليحصل ان شاء الله يضبحوك ما فارقه.....بقيت ببكي بس وبحاول أشرح ليها وهي مع كل جمله مني كان بزيد غضبها، مسكتني من يدي وجرتني معاها ل برا، قالت لي ارح بيتكم، خلي أهلك يعرفوا بتهم سايطه الدنيا كيف، مسكتني بكل قوتها وبقت جاراني وراها وحالفه تكلم أهلي 💔 "و يأذيك الذي تخاف عليه من الأذى، الخذلان مؤلم أكثر من الفقد، لأن الفقد قضاء… والخذلان قرار 💔" يتبع....... التأخير بسبب اني نازله دوره تدريبيه، بخلص الأسبوع الجاي ان شاء الله

صدمتي فيها كبيره! دي الكنت دايراها ليك وما شايفه أي بت غيرها مناسبه ليك حسبي الله ونعم الوكيل فيها!..... انت بيجاي ممغوص ومكسور الخاطر والجناح، لا بتاكل كويس لا بقيت زي زمان وهي عايشه حياتها بالطول والعرض!.... ياااااخ من وين جابت قوة القلب لمن كانت تجيني تتونس معاي وتمشي! في بيتي بتضحك معاي وهي عامله دا كلو في ولدي!.... ضميرها ما أنبها وهي بتخت عينها في عيني! يعني انا مستغربه في بجاحتها دي! تعمل دا كلو وتجيني في البيت عاااادي حتى في وجودك بعد عملتها دي!..... ماااا عشان عارفه ولدي طيب وبفكر في الناس قبل نفسو، عارفاك ح تتحمل المسؤوليه انت وما ح تكلم زول حتى أمك!.... استغلتك وما حست بتأنيب الضمير! يااااخ دي ما بشر دي شيطان، لكن أنا اقسم بالله ما أخليها!! _____ بعد طلعت من الجامعه و وصلت حينا، اتذكرت خالتو سميه، طولت منها، طوالي مشيت على بيتها، عربية وائل ما كانت موجوده، قلت الحمدلله معناها هو ما موجود، ضغطت الجرس، بعد مسافه جات هي وفتحت لي، ضميتها وقلت ليها مشتااااقين والله يا خالتو سميه! ما بعرف كانت مالها بس ملامح وشها كانت حاده! قالت لي اتفضلي ومشت قدامي، قلت يمكن حاصله عليها حاجه! ان شاء الله وائل يكون كويس.... قفلت الباب ومشيت وراها لحدي ما دخلنا الهول، فجأه هي إتلفتت علي وبدون أي مقدمات ضربتني كف! انا خلعتي بالكف كانت أكبر من وجع الكف! كفها كان كف زول ممكون وغضبان واصل الحد! بقيت خاته يدي على خدي وانا بعاين ليها كأني ما مصدقه انو هي ضربتني وعيوني إتملت دموع! قلت ليها بصوت باكي ليه يا خالتو سميه!.... قالت لي بنهره ما تقولي لي خالتو، لا خالتك لا بعرفك يا عديمة الإحساس والضمير!.... تعملي دا كلو في ولدي وتجي تقولي لي خالتو! وكمان بكل قوة عيني بتجيني في البيت عادي! عشان ضامنه سكوت وائل! هنا فهمت انها عرفت!... وائل حكى ليها؟ بس هو وعدني ما يكلم زول! بقيت ابكي وهي بتقول لي : ظلمتي ولدي، كررت لي الجمله دي شديد ومع كل مره بتقولها لي دموعي بتزيد، قالت لي ليه ما قلتو ليهو انتي مها؟ ليه خليتيهو يتقدم ل بت خالتك؟ ليه ما فتحتي خشمك واتكلمتي! انتي طلعتي منها زي الشعره من العجينه و وائل هو الإتشايلها! هو العقد على وحده ما دايرها! انتي ما عارفه الحصل ليهو شنو بسبب الموضوع دا! هو بيجاي يبكي ألم وانتي بهناك مسوي ليك حالة عرس!!.... ليه بتبني سعادتك على تعاسة الناس!! بقيت ابكي واقول ليها انا بعترف بغلطي، بس انا ما جبرت وائل يعقد على الاء يا خالتو سميه 😭 من زمان كان عندي مشاعر ليهو وكنت متواصله معاهو هو كان قايل اسمي الاء عشان انتي قبل كدا قلتي ليهو الاء ح ترسل ليك صورة الدواء، وانا لمن قال لي الاء ما قدرت اقول ليهو انا مها، كنت خايفه من فكرة التواصل دي من اساسها، بس كونو ما كان عارف اسمي دي كانت عندي أخف قدراً، يعني زي الزول لمن يعمل حاجه وهو لابس قناع، وهو في نفسو عارف انو هو نفس الشخصيه بدون قناع أو مع قناع بس القناع بخفي هويتك من الناس وبخليك مطمن، الوقت داك كنت بخاف من انو زول يعرفني بتكلم مع ولد، كل مره اكون عايزه ارسل ليهو فيها بخاف وبتردد بس لما اتذكر انو الاء هي الح ترسل ما مها قلبي بطمن، ايوه انا البرسل الرسائل لكن عقلي بقول لي انتي اسمك الاء بالنسبه ليهو يعني مها بريئه من التواصل دا، عارفاك ح تشوفي كلامي زي الإستهبال بس دا الحصل 😭💔 لما وعيت على نفسي اتراجعت وقطعت التواصل معاهو، دا لمن كنت داخله الجامعه، بقيت زاتو ما بدخل حسابي ولا بستعمل الفيس، ولما وائل جا قلق زاد واتوترت خاصة انو قال عايز يتقدم، لمن انتي مشيتي وكلمتي خالتي انا والله ما كنت عارفه انكم ح تتقدمو ل الاء، لو عرفت كنت قلت ليهو، بس بعد كلمتو الناس ما قدرت اتكلم، قلت في نفسي الاء عايزه وائل و وائل اصلا ما بعرفني، هو بس بعرف اسم الاء يعني لو عرسها ماف مشكله بس كنت متخوفه من انو يوم من الأيام يجيب ليها سيرة التواصل القديم ويكتشف انو عرس البت الغلط و تحصل مشاكل بسببي، بس مع ذلك ما عملت شي وبقيت واقفه بعاين وما عارفه اتصرف كيف بعد اتقدمتوا ليها و حددتوا موعد الخطوبه، قالت لي عذرك أقبح من ذنبك، يااااخ على الأقل كنتِ تجي تكلميني انا كنت ح اتصرف واقول ليهم اننا قاصدنك انتي، وقتها أهلها ح يرفضوا عشان بت خالتك و دي ماااااا مشكله على الأقل وائل ما كان ح يعقد على وحده ما عايزها 😊 انا مصدومه فيك! اتخذلت فيك، ما اتخيلتك تطلعي بالشر والأنانيه دي! وفوق دا فاتحه نفسك عايزه تعرسي كمان! بكيت وقلت ليها والله انا ما كدا يا..... قاطعتني بنهره وقالت لي انتي وحده مستهبله وقليلة أدب، وقت خايفه من أهلك منو القال ليك اتواصلي مع ولدي؟ وقت بتخافي بتعملي الغلط ليه؟ ذنبو شنو المسكين دا تعلقيهو وتعشميهو وتفكيهو عكس الهواء؟!

تاني يوم في الجامعه قلت لماريا قصة أمس القلتيها كانت في أي قروب؟.... قالت لي قصة شنو؟ قلت ليها يااااخ عن المشهور الأمس! قالت لي ااااخلييييييل قصدك.... ما متذكره والله كانت في أي قروب، لأن في كل مره بتحصل قصه في قروب مختلف، قلت ليها طيب ما متذكره اسامي البنات؟ بالذات البت الآساءت للبت النزلت صورتو! قالت لي الشي البتذكرو انو البت دي كانت داخله بمجهول الهويه، و القصه دي أظن تمت سنه! جمانه قالت لي بتسألي ليه؟ قلت ليها سااااي فضول مني 😁 بعد شويه غفران ومنار جوا مارين بجنبنا، غفران وقفت شويه عاينت لي مساااافه ومشوا، ماريا قالت لي ح تكون طقت من الغيره عشان شافتنا قاعدين سوا، قلبها حيكون ولع نااااار، عاينوا ارح نقعد في البينشات ديك عشان نغيظهم أكتر، ارح نخليها تموووت من الغيظ والغيره! عاينت ليها كدا وما اتفاعلت مع كلامها ف طوالي وجهت كلامها لجمانه وقالت ليها ارح!! جمانه قالت ليها ماف داعي، ف ماريا سكتت وحصلت لحظات صمت، بعدها جا وقت المحاضره قمنا ومشينا القاعه. ________ _ ح اسألك سؤال جاوبني بكل صراحه، انت الاء دي ما دايرها مش؟ = بتجيبي الكلام دي من وين انتي يا أمي كل يوم طالعه لي بقصه جديده! _ ضيقك دا أكبر دليل..... انت ما دايرها = طالع عندي شغل قبل ما يطلع استعجلت وقالت ليهو : مها حكت لي الحاصل كلو! إتلفت عليها وهو مستغرب!.... قالت ليهو ليه عملت كدا يا وائل؟ ليه ما جيت كلمتني!..... قال ليها ما فاهم حكت ليك شنو؟ قالت ليهو لسه بتحاول تدس مني!.... انا ما أمك يا وائل!.... ليه دائماً بتحاول تدس مني عدوتك انا؟ رجع قعد مكانو ومسح وشو ب يدينو وقال ليها هي حكت ليك شنو؟ قالت ليهو كللل حاجه، من وقت كنت مسافر! هو احتار وكان بسأل نفسو شنو الخلى مها تحكي لأمو! هي ما كانت عايزه زول يعرف! أكبر مخاوفها كانت انو زول يعرف انو كل في تواصل وعلاقه بينهم! فكيف هسي تحكي لأمو! قالت ليهو انا دايره اسمع منك انت دا عشان نلقى حل للمشكله وانا على كل حال معاك! سميه صاح انها قرت معظم رسائل الدردشه بس برضو عايزه تفهم أكتر، عايزه تعرف الحاصل والحصل شنو بالضبط، هي اتأكدت من نقطة انو مها كانت على تواصل معاهو، ومن رسائلهم فهمت انو في شي بيناتهم والشي الخلاها مستغربه أكتر الرساله القال فيها وائل لمها : الاء انتي حبيتي زول غيري ولا شنو! الرساله دي الخلتها ترسل رساله في ماسنجر مها، هي الفيس عندها كان محذوف ورسائل معظم الدردشات محذوفه، فما كانت عارفه هل الحساب دا حساب مها ولا الاء! بس لمن رسلت ومها ردت عليها اتأكدت انو دا حسابها بس شنو البخلي وائل يقول ليها الاء وليه مها ما قالت ليهو اسمي مها!! وائل بقى ساكت وهي لسه مواصله في الكلام معاهو ومُصره تخليهو يتكلم وفي كل مره بتأكد ليهو انو مها حكت ليهو عشان هو يتكلم، بعد إصرار شديد منها قال ليها : = ايوه انا كنت متواصل مع مها من زمااان وكنت قايل انو اسمها الاء، لما جيت راجع وقررت أعرس قلت اسم الاء لأني مفتكر انو اسمها الاء وعلى الأساس دا اتقدمت ل الاء! _ انت ما بتعرف مها من الاء! = ماااا بعرفهم يا أمي لو كنت عارف ما كان اتقدمت ل الاء!! _ ولمن عرفت ليه ما اتكلمت؟ ليه ما جيت كلمتني؟؟ = بعد الفاس وقع في الرأس تاني اعمل شنو! _ مها ليه ما قالت ليك انو هي اسمها مها ما الاء؟ وليه ما وقفتك من الأول؟ = السؤال دا كان توجهيهو ليها لمن حكت ليك! وبعدين شنو الخلاها تحكي ليك! ما منطقي...... هنا سكت وعاين لأمو مساااافه...... قالت ليهو اي هي ما حكت لي للأمانه، انا شفت رسائلكم..... ما تزعل مني لكن لمن شلت منك تلفونك شفت الماسنجر لأنو قلبي كان حاسي انو في شي! انزعج وقال ليها امي انتي ليه تعملي حاجه زي دي! عارفاني ماااااا بحب زول يقتحم خصوصياتي!! قالت ليهو عارفه انو العملتو دا غلط وما مقبول، لكن أنا والله ما عملت كدا إلا عشان قلبي كان قابضني وحاسه انو حاصل معاك شي مضايقك وكاسر خاطرك وياهو إحساس طلع في محلو! وائل سكت.... امو واصلت و قالت ليهو بعدين المساء نمشي للناس ديل ونفهم انو حصل سوء تفاهم، المساء كلهم بكونوا موجودين، قال ليها اوعك يا أمي! قالت ليهو ليه تعرس وحده انت ما عايزها، لااااا م يفهمو انو كان في سوء تفاهم، انا والله ما اخليك تعرسها و...... قاطعها وقال ليها يا أمي البت دي انا عقد عليها بعد ما عرفت الحقيقه!.... براي مشيت وعقدت! ذنبها شنو هي؟ _ وانت ذنبك شنو؟.... ماف زول غلطان غير مها، هي السبب في دا كل ولا هاميها، وافقت على ولد سميره وعايزه تعرسو!.... عمري ما اتخيلت انو يطلع منها تصرف زي دا، انها تبقى أنانيه للدرجه دي وعديمة إحساس وضمير!.... دي الأنا كنت طايره بيها السماء! دي الإعتبرتها بتي و أعز كسرت خاطر ولدي وشربكتو في بت ما دايرها وهي بهناك دايره تعرس واحد تاني!.....قوة القلب و الوقاحه وعدم الضمير جايباهم من وين!....

_ غاااايتو عرفتي تختاري مرت الولد البتشبهك في صفاتك قصدي الصدفه الإختارت ليك لأنو انتي ما كنتِ واقفه عليها ولو رفضت ح تختاري لخليل غيرها =بري... بعد عرفت انها بت أسر وناس قدام بنعرفهم وبنتشرف بمعرفتهم حبيت اناسبهم والله، قرايب امها و أسرهم زمااان كان أهل بالنسبه لينا، قرينا وكبرنا واتربينا سوا لحدي ما بعد داك العرس عرس والسافر سافر والمات مات و الناس اتشتت ف بقينا ما بنعرف الناس الجداد إلا الجدود الكبار المعظمهم ماتوا _والله ناسك ديل انا ما حصل شفتهم ولاااا بعرفهم ولاااا سمعت بيهم = تعرفي شنو انتي.... لمن اقعد اتكلم ليكم عن الأهل والمعارف قاعدين تسمعوني؟ _ اخخخ تاني..... اتذكرت يا أمي، خالتو سميه دي كان اتصلت لمن انتي مشيتي المبادره ونسيتي تلفونك، طبعاً كانت زعلانه قالت لي تمشوا تخطبوا ل أخوك بت جيراني العرفتكم بيها وما تكلموني!....شرحت ليها وفهمتها انو لا خطبنا ليهو لا عقدنا بس اتكلمنا مع أهلها، قالت لي برضو ما كلمتوني!.... احترت فيها = ما كان تبرري ليها، هي ما زعلانه عشان ما كلموها، هي زعلانه عشان كان عايزه البت دي ل وائل ولدها، ولهسي شكلها لسه عشمانه حتى من بعد ما ولدها خطب!! _ بالله!.... عشان كدا = دا برضو من الأسباب الخلتني اختار البت دي ل خليل.... زي ما سميه عرست بتها للراجل الكان ح يعرس اختك انا كمان بعرس ولدي للبت الهي عايزاها ل ولدها، خليها تشوفها حاره كيف _ ما قلتي لا لقهر المرأه يا ماما 😂 _____ بقيت راقده على السرير، بعاين للسقف و بتبسم براااي لأني اتخيلت خيال وردي!.... اتخيلت حاجات كتيره،وجاني إحساس قوي انو الخيالات دي والأحلام والطموحات حقتي ح تبقي حقيقه.... وما ذلك على الله بعزيز! حاسه انو ربنا ح يستجيب، والمره دي إحساس قوي شديد، ياما دعيت واتمنيت أعرس زول بالمواصفات الأنا عايزاها واعيش الحياة النفسي فيها، ماف زول يتحكم فيني، اكون صاحبة قراري، اصنع نفسي من جديد، ارمم دواخلي و افتح شبابيك وأبواب السعاده.... بقيت شامه ريحة السعاده ومن بعيد شايفه الأحلام بتقترب!.... اوعدني ياااارب 🩷 وانا في عالمي الورد فجأه اتذكرت كلام ماريا قبيل والقصه الحكتها على البنات الإتشاكلو بسببو، جا في بالي سؤال، هل البت الإنفعلت واساءت للبت النزلت صورة خليل هي نفسها البت الرسلت لي برقم غريب صوره مولده بالذكاء الصناعي لي؟.... انا ما ناسيه الموضوع دا بس عايزه لي طرف خيط، لازم اعرف هي منو، والأهم جابت صورتي من وين؟ اكيد في زول رسلها ليها، زول بعرفو وبعرفني، بس على أي أساس وهي بتعرف الزول دا من وين ومنو هو!! تساؤلات كتيره في بالي من اليوم داك، ما نسيتها بس ما لاقيه ليها رأس خيط! فجأه سمعت صوت إشعار الواتس، فتحتو طوالي وفتحت الرساله : أمي دائماً بتقول لي الصداقه أسره بتنجبها المواقف، وصديق وفي واحد خير من ألف صديق مزيف، انا آسفه، آسفه لأني ما انصفتك، لأني سمعت عنك وما سمعت منك، لأني في كل مره بطلعك غلطانه عشان أثبت ليكم اني زوله عادله وبتقيف مع الحق، لأني خذلت أولى صديقه لي في الجامعه وأقربها لقلبي، ما كان غالبني اتجاهل الموضوع دا واقول خلاص بما اني اتجاوزتني اتجاوزتها، في معارك الخساره فيها مكسب، مع انو دي ما معركه لكن التنازل ما خساره، اشتقت لأيامنا الزمان والله،نحوم في الجامعه سوا، نركب المواصلات مع بعض، نتونس ونحكي لبعض، متذكره شجرتنا المفضله ؟! ياما تحتها حكينا قصص وبكينا لمن كنا برالمه بسبب خوفنا من الإمتحانات، انا والله ما نفسي اكمل باقي سنين الجامعه بدونك، ما نفسي أخسر أول صديقه اتعرفت عليها في الجااامعه. ... مها انا جد آسفه 🥹💜 طبعاً كلامها لامس دواخلي وعيوني بقت قلوب قلوب، انا والله زعلي منها اصلا راح من بدري من يوم جاتنا مع امها خالتو ربيعه، صح قطعت علاقتي بيها بس جواي ما كان في لا ذرة حقد لا حسد ناحيتها، نيتي كانت صافيه تجاها، ما حصل اتذكرتها ونبذتها حتى لو كان في سري ما حصل، كل ما كنت اتذكرها واتذكر اني زعلانه منها بقول تاني نهاااي ما ح اشتغل بيها بس ما حصل نفسي سمحت لي اسيئ ليها.... دي جمانه، أقرب صديقه لي، مكانتها عندي كانت نفس مكانة الاء، لينا مواقف وذكريات كتيره مع بعض مع انو نحنا يادوب في السنه التانيه، بس حقيقي في اليوم الواحد كان بكون عندنا اكتر من صوره وأكتر من ذكرى! رديت ليها : بكرا تعزميني سامعه ولا لا..... ردت لي : سمح 😂 لكن هل بخلوك تطلعي وتمشي مكان تاني غير الجامعه؟ 😂🤣 قلت ليها قبيل ليه ما سألتي السؤال دا قبل ما تعزميني ياااا كلبه😂 قالت لي عازماك والله وانا جاده لكن إياك تكشحي لينا العصير في زول تاني، فاااااهمه ولا لا؟ قلت ليها والله حسب الموقف، ما بضمن ليك نفسي.... بقت ترد علي و ارد عليها لحدي ما قلبناها ونسه وما حسينا بالزمن.

#شتات12 مها حولي الزاكي طبعاً بعد الحصل في المطعم نحنا طوالي طلعنا و جمانه شغاله لي بتبالغي والله، جااااده يا بت كاشحه فيهو العصير 🤯 قلت ليها يستاهل أكتر من كدا، ماريا قالت لي لكن ردة فعلك غير متوقعه، وااااي ما شفتي منتظرو كان عامل كيف 🤣 حقيقي خلعتيهو وخلعتينا كلنا! انا قلبي قرب يقيف، حسيت نفسي بحضر في مسلسل شيق! جمانه قالت لكن الشاب الوسيم جنتل، ماريا قالت ليها ياااااي يا جمانه ما عرفتيهو!! طبعاً انا هنا عاينت ليها! وقلت ليها انتي بتعرفيهو؟ قالت لي يا بت دا مشهور في الميديا! جمانه قالت ليها المشاهير ديل عندهم ميديا غير العندنا ولا شنو! لا حصل لاقاني لا حصل سمعت بيهو! قلت ليها ولا انا، مشهور ب وين؟؟ جمانه قالت لي ما بتعرفيهو يعني؟ قلت ليها ما بعرفو ك مشهور، لكن بعرف أهلو واختو دي..... ماريا قالت لي وااااي يا بت المحظوظه، دا خليل إبراهيم، من أشهر الناس على تيك توك وفيسبوك، قلت ليها يلا ديل اكتر ابليكيشنات انا ما شغاله بيها، مقضيه حياتي في الإنستغرام، جمانه قالت لي وانا كمان!..... ماريا قالت لينا يا حليلكم فايتكم كتير، يااااخ الإنسان دا ياما حصلت فتن ومشاكل بين البنات في الفيس بسببو، قلت ليها ما عندهن موضوع بس 😒 قالت لي غيره و روح شريره..... اتخيلي يا مها قبل كدا في بت نزلت صورتو وقالت عرسوهو لي و طمنوني انو لا خاطب لا متزوج جيبوا لي زيتو كلو وحتى لو متزوج ماااااا بسيبو. يلااااا تعالي شوفي طواااالي في وحده عملت اسكرين شوت للبوست حق البت دي ونزلتو في نفس القروب ونبذت فيهو البت ما خلت ليها شتيمه كعبه ما قالتها ليها! البت كانت منفعله شديد كأنها مرتو أو خطيبتو..... يلا ديك الكلام وجعها، برضو سكرنت البوست ونزلتو و نبذت البت و من هنا بدا الردحي، وطبعاً البنات عشان يغيطوا البت البدت بالنبذ كلهم نزلو صورو، واحده كاتبه أعلن انبراشي، واحده كاتبه لو متزوج زاااتو ما عندي مشكله وهكذا..... و ديك بدت تنبذ من طرف إلا قفلو القروب، لكن الإسكيرينات انتشرت برا القروب و الاولاد إتدخلوا كل واحد منزل بوست براهو قايل فيهو عن البنات ديل عديمات وليان و رخيصات و و و.... ومن هناك تباينت الآراء وأي زول بقى ينصح و يفتي، الموضوع دا اشتغل اسبوع وزياده، وفلان داك ولا على بالو، لا علق لا حتى لمح 😂 جمانه قالت ليها وااااي دا كلو حصل! كنا عايشين وين نحنا يا مها! قلت ليها غيتو انا عايشه في الواقع أكتر من الميديا! ماريا قالت ل جمانه كنت بحكي ليك عنو لكن شكلك نسيتي. يلا ماريا مسكتو موضوع و بقت تشيل و تتكلم عنو وعن القصص الحصلت بسببو و و و..... لمن رجعت البيت طواااالي جري على الفيس بديت افتش في حسابو، كتبت الإسم بالعربي لقيت حسابات كتيره بس ما حسيت واحد منهم حقو، رجعت كتبتو بالإنجليزي وطوالي لقيت الحساب عرفتو من عدد المتابعين و من صورة البروفايل..... دخلت حسابو و قلبتو فوق تحت! طلع زول عميق، نصوصو عميقه و شخصيتو ذاااتها تحسها غاااامضه كدا وعميقه! حسابو مليان صور وفيديوهات، مره لابس بدل رسميه، مره في شركه ومره في مطاعم ومره في رحلات، اكتر صوره حديثه ليهو جايبه أكبر تفاعل كان لابس فيها جلابيه وعمه! صراحة الصوره قاتله! بقيت اقول في نفسي ليه حاجه زي دي ما مرت علي قبل كدا! ليه حسابو دا ما حصل شفتو ولا لمحتو زاتو بالغلط!! لقيت رساله على الماسنجر لما شفتها لقيتها من خالتو سميه، قلت في نفسي الليله خالتو سميه دي ظهرت من وين، و لا تكون ياداب اتذكرت انو عندها حساب على الفيس 😂 طبعاً زيي ما شغاله بيهو كتير و اصلا تلفونها دا للإتصالات والرسائل، بتحب الواقع أكتر من الميديا، من ونسة جبنه ل ونسة جبنه ومن جمعيه ل جمعيه ولااااا فاضيه للميديا زاتو، بتذكر آخر مره رسلت لي بحسابها دا زمااااان شديد من أيام الثانوي، مرسله لي ملصق "👋 " قلت ليها اهلييين خالتو سميه نووورتي الفيس، ردت علي بعد شويه وقالت لي بنورك حبيبه، اعذريني لقيتك من اصدقائي لكن ما متذكره انتي منو معليييش الذاكره سمكيه.... ضحكت وقلت ليها خالتو سميه شكلها الدردشه عندك محذوفه، انا مها..... تاني ما ردت علي، قلت بتكون إنشغلت بشي. طلعت من الفيس ومشيت التيك توك بحثت عن حساب خليل ظهر لي طوااالي، يااااخ حتى حسابو دي فخم والصور والفيديوهات عالية الدقه!.... بس الشي الغريب انو بنزل صوره صامته لكن بكون عليها تفاعل كبيييير!! دخلت قريت التعليقات كلهم بنات و مباااالغه مباااالغه التعليقات!! حسيت نفسي في عالم تاني! معقوله دا كلو كان فايت علي!! سكنت في حسابو، بدون ما أحس لقيت نفسي شفت كل الصور والفيديوهات لحد ما وصلت لنهاية الحساب!.... حقيقي إنبهرت! ________ _ وااااي يا ماما ما شفتي ردة فعل الناس، يااااخ كلنا إنخلعنا، دفقت فيهو العصير ما مره مرتين كمان 🤣🤣.... كنت قايلاك براك البتتهوري وتتصرفي ساي لكن البت دي حقيقه ختتها ليك! = والله خير ما فعلت، لو كنت مكانها كان ح اعمل كدا وأكتر

🔥🔥👍تفاعلكم وحماسكم للحلقه القادمه