ፍኖተ-አማራ ሚዲያ (Finote Amhara Media)
الذهاب إلى القناة على Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
إظهار المزيد4 401
المشتركون
-1724 ساعات
-527 أيام
+5630 أيام
أرشيف المشاركات
የአማራ ፋኖ ብሄራዊ ንቅናቄ(አፋብን) ወሎ ቤተ አምራ ምኒልክ ዕዝ 101ኛ ኮር ታላቅ ድል ተጎናፀፈ።
መነሻውን በሰሜን ወሎ ዞን ዴውንት እና ተረፌ ከተማ ያደረገው የአገዛዙ ጨፍጫፊ ቡድን በ101ኛ ኮር አይቀጡ ቅጣት ተቀጥቶ የመጣበትን አላማ ሳያሳካ ሙትና ቁስለኛውን አዝረክርኮ ተመልሷል።
የአገዛዙ ታጣቂ ሃይል ወደ ሳንቃ ከተማ በሌሊት ቢንቀሳቀስም በአይቀመሴዎቹ የ101ኛ ኮር ነበልባሎች ተገርፎ ወደመጣበት ተመልሷል።
የአገዛዙ የ61ኛ ክፍለ ጦርን በተለያዩ አቅጣጫዎች ማለትም ከቀይ ዋሻ በመውረድ ቀይ አንባ፣ጃርሳ፣እና ገዶ በሚባሉ ቦታዎች በማሰለፍ ያለ የሌለ አቅሙን በመጠቀም እልህ አስጨራሽ ዉጊያ ቢያደርግም ነብሮቹ ወደ መግደያ ቦታ ስቦ በማስገባት በ101ኛ ኮር አይነኬ ተዋጊዎች የበላይነት ተጠናቋል።
በዚህም ጠላት እራሱ አቅዶበት በመጣው ውጊያ የስነ ልቦና ስብራቱን ታቅፎ ሙትና ቁስለኛውን እያንጠባጠበ ሽንፈቱን ተከናንቦ ያሰበውን ቦታ ሳይዝ ተመልሷል ሲል የ101ኛ ኮር ሚዲያና ኮሙኒኬሽን መረጃዉን አድርሷል።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል!!
ህልውናችን በተባበረ ክንዳችን!
አፋብን ወሎ ቤተ አማራ ምኒልክ ዕዝ ሚዲያና ኮሙኒኬሽን መምሪያ!
ሀምሌ 19/2018 ዓ.ም
26 يوليو, 03:54
🦅 ሞት አልፎኝ... ዛሬ እዚህ ቆሜአለሁ!
(ከትናንት የእሳት እቶን ወደ ነገው የድል አክሊል) 🚨 ይህንን መልእክት ሳታነብ አልፈህ እንዳትሄድ! ብዙዎቻችን የምንኖረው በትናንትናችን ጥቁር ጥላ ስር ተቀብረን ነው። ያሳለፍነው መከራ፣ የገጠመን ውድቀት፣ ወይም የደረሰብን በደል እንደ ብረት ሰንሰለት የታሰርንበት እስር ቤት ሆኖብናል። በየቀኑ ያንን አሮጌ የታሪክ ትዝታ በልባችን እናጫውታለን... እያሰብን፣ እያለቀስን፣ እና እራሳችንን እያደማን። 😔
ነገር ግን ቆም ብለህ ስማኝ፡ ትናንት የሞተ ቀን ነው! ❌ 🕊️ እኔ የትናንት ተአምር... የዛሬ ህያው ምስክር ነኝ! የዛሬ አራት አመት በዚህች ቀን ➔ ቅዱስ ገብርኤል ከአረመኔው አብይ አህመድ ስርዓት ከመከላከያ እና ከአማራ አድማ መከላከል መረብ ያወጣኝ ቀን ነው! 🙏ሐምሌ 19/2015 ዓ.ም ➔ በደብረ ብርሃን ከተማ (ጠባሴ) ከኦሮምማው ኦነጉ ስርዓት ቃል አቀባይ አንድ ይሁዳ እና በአንድ የአዲስ አበባ የሚኖር የEEIG የኮንስትራክሽን ድርጅት ሰራተኞች እጅ ልወድቅ በተአምር የተረፍኩበት እውነተኛ የህይወት ታሪኬ ነው! 🕊️💥 ይህ ሁሉ የሚያሳየው አንድ ታላቅ እውነት ነው፡ ቁስልህ የመጨረሻህ ማብቂያ ሳይሆን... የታላቅ ድልህ መጀመሪያ ነው! 🏆 👞 አንዱ እግርህ በቁስል... ሌላው በስኬት! በምስሉ ላይ እንደሚታየው፡🦶 አንዱ እግር ➔ በአሮጌና በተቀደደ ጫማ ውስጥ ነው (የትናንት ህመምህና ስቃይህ) 👞 ሌላኛው እግር ➔ በዘመናዊና በስኬት ጫማ ውስጥ ነው (የነገው ታላቅነትህ) አንተም በውስጥህ የትናንት ከባድ ታሪክ ይዘሃል፤ ነገር ግን ያ ያለፈ ህመም ዛሬ ወደፊት የምታደርገውን ታላቅ እርምጃ እንዲያቆመው በፍጹም አትፍቀድለት! 🛑
🪞 ትናንት ማሳለፊያ እንጂ መኖሪያ አይደለም! ❌ የትናንት መከራህ ➔ ዛሬ የምትሆነውን ሰው አይወስነውም። ❌ ውድቀትህ ➔ ማብቂያህ አይደለም፤ የታላቅነትህ ትምህርት ቤት እንጂ! ❌ ያለፈው ጊዜ ➔ እንደ መስተዋት ነው፤ 🪞 ተመልክተኸው አልፈህምትሄድ እንጂ ገብተህ የምትኖርበት ቤት አይደለም! 🔥 አሮጌውን ጫማህን አውልቀህ ጣል! ዛሬ የምትወስደው አንዲት ትንሽ እርምጃ፣ ከትናንት የባሰ እንደሚጠቅምህ ሙሉ በሙሉ እመን። 💪 ትናንት የተሰበረው ልብህ፣ ዛሬ ለሚገነባው ታላቅ ስኬትህ ጠንካራ መሰረት ነው! ✨ ያለፈውን ተወው፤ የወደፊቱን በእጅህ ጨብጥ! 🤲 ለትናንት ህመም አትገዛ፣ ለነገው ብርሃን ኑር! ምክንያቱም አንተ የትናንት ታሪክህ ተጠቂ ሳትሆን... የነገው የድል አድራጊው ጀግና ነህ! 🦅🔥
✍️ Dave Amhara ነኝ ከጀግኖቹ ❤ከ7ለ70❤ መንደር (ይህ መልእክት ለአንድ እንኳ ተስፋ ለቆረጠ ሰው እንዲደርስ 🔴 SHARE እና COPY LINK ማድረጉን አትርሱ... እወዳችኋለሁ!) ❤️ ድል ለአማራ ህዝብ!!
26 يوليو, 01:26
የመከላከያ መንገድ መሪ የነበሩ የዞንና የወረዳ ካድሬዎች ተገደሉ/ ተሽከርካሪው ወደመ!
በአፋብን ወለጋ/ቢዛሞ ቀጠና አይሻ ሰይድ ዕዝ ስር የሚገኙ ክፍለ ጦሮች በምስራቅ ወለጋ እና በሆሮ ጉዱሩ ወለጋ ዞኖች ባካሄዱት ተከታታይ የተቀናጀ የፀረ-ማጥቃት እርምጃ፡ መንገድ መሪ ካድሬዎችን ጨምሮ በርካታ የጠላት ኃይልን በመደምሰስ የጦር መሣሪያዎችንና ወታደሮችን በመማረክ እንዲሁም ስትራቴጂካዊ አካባቢዎችን በመቆጣጠር አንፀባራቂ ድል ተቀዳጁ።
አርበኞቹ ትናንት ሐምሌ 17/2018 ዓ.ም ከማለዳ ጀምሮ ባካሄዱት የተቀናጀ ኦፕሬሽን፡ የቀድሞው የሃሮ ሊሙ ወረዳ አስተዳዳሪና የአሁኑ የምስራቅ ወለጋ ዞን ወጣቶችና ስፖርት ፅህፈት ቤት ኃላፊው አቶ ደቻሳ ገነቲን ጨምሮ ሌሎች የብልፅግና መከላከያ ሰራዊቱን መንገድ ሲመሩ የነበሩ ብዛት ያላቸው የዞን፣ የወረዳና የከተማ አስተዳደር ካድሬዎችን መገደላቸውን ለማረጋገጥ ችሏል።
መንገድ መሪ ካድሬዎቹ የተገደሉት ከአንገር ጉትን ከተማ በ4km ርቀት ገደማ ላይ ልዩ ስሙ ነጩ መንገድ ተብሎ በሚጠራው አከባቢ ላይ ሲሆን፡ ከከተማዋ በቅርብ ርቀት የምትገኝ ወሳኝ ወታደራዊ ስፍራም በአርበኞቹ ቁጥጥር ስር መዋሏ ታውቋል።
በአይሻ ሰይድ ዕዝ ስር የአንገር ጉትን ክፍለ ጦር አርበኞች በዚህ አከባቢ በወሰዱት እርምጃ ከተገደሉ መንገድ መሪ ካድሬዎች በተጨማሪ ተሳፍረውበት የነበረው ወታደራዊ ተሽከርካሪ ሙሉ በሙሉ መውደሙን ነው ጣቢያችን ለማረጋገጥ የቻለው።
በዕዙ ስር የአበጀ ጥበቡ ነበልባል ክፍለ ጦር አርበኞች ከጉትን ከተማ በቅርብ ርቀት መንደር 4 ቀበሌ በመግባት የጠላትን ኃይል ሙትና ቁስለኛ በማድረግ አካባቢውን ከጠላት ወታደሮች አፅድተው በቁጥጥራቸው ስር አስገብተዋል።
በተመሣሣይ፡ በአይሻ ሰይድ ዕዝ ስር የታፈረ አለሙ ሳተናው ክፍለ ጦር አርበኞች በሆሮ ጉዱሩ ወለጋ ዞን አቤ ደንጎሮ ወረዳ ባካሄዱት ልዩ ወታደራዊ ኦፕሬሽን ስትራቴጂካዊቷ ቱሉጋና ከተማን ሙሉ በሙሉ በቁጥጥራቸው ስር ማስገባታቸውን የወለጋ ቢዛሞ ቀጠና ዘጋቢ ለማረጋገጥ ችሏል።
ለቀናት በዘለቀው በዚህ የመከላከልና የመልሶ ማጥቃት አውደ ውጊያ 31 ክላሽንኮቭ መሣሪያዎች በአርበኞቹ ቁጥጥር ስር ሲውል፡አንድ በሲቪል ሲንቀሳቀስ የነበረ የደህንነት አባልን ጨምሮ 5 የገዳ ኮማንዶ አባላት ከነ ሙሉ ትጥቃቸው እጅ ከፈንጅ ተማርከዋል።
25 يوليو, 15:50
ሐምሌ 18 ቀን 2018 ዓ.ም
የአማራ ፋኖ ብሔራዊ ንቅናቄ ጎንደር ጠቅላይ ግዛት በላይ ዘለቀ ዕዝ የአመራር ምደባ አድርጓል። የቀድሞወቹ ሁለት እዝ አመራሮች በጋራ በአካል በመገናኘት ባካሄዱት ጉባኤ የተዋሃደው የጎንደር ጠቅላይ ግዛት በላይ ዕዝ አመራር በሚከተለው መልኩ የኃላፊነት ምደባ ተደርጓል።
የሰብሳቢውን ቦታ አርበኛ ዮሐንስ ንጉሱ እና አርበኛ ባዬ ቀናው ለ3 ወራት ያክል በጥምር የሚመሩት ይሆናል፡፡
1ኛ/ ከሁለቱ አርበኞች በተጨማሪ የተመደቡ የስራ አስፈፃሚ አባላት:-
ተቀ/ምክ/ሰብሳቢ…………………አርበኛ ሰለሞን አጣናው
ም/ሰብሳቢ ለፖለቲካ ጉዳዮች………አርበኛ ኪሩቤል ጎቤ
ወታደራዊ አዛዥ…………………….አርበኛ ደረጀ በላይ
ምክ/ወታደራዊ አዛዥ………………አርበኛ አሻምበል አምሳሉ ማዘንጊያ
ምክ/ወታራዊ አዛዥ ለአስተዳደር ጉዳዮች....አርበኛ ሸጋ ጌታቸው
ወታራዊ አማካሪ…………………………ኮ/ል አበራ አዛናው
ፖለቲካ መምሪያ…………………..……አርበኛ አንተነህ ድረስ
ዘመቻ መምሪያ……………………….አርበኛ ተሾመ አበባው
ጽ/ቤት ኃላፊ……………………….አርበኛ በየነ አለማው
አደረጃጀት ጉዳይ …..……………..አርበኛ አበበ መልኬ
ፋይናንስና ግዥ መምሪያ……….አርበኛ ሐብታሙ ሙላው
ሎጅስቲክ መምሪያ…………….………አርበኛ በላዬ ዘለቀ
ሕዝብ ግንኙነት መምሪያ………….…አርበኛ ጋሻው ግዛት
ሕዝብ አስተዳደር መምሪያ………….አርበኛ ንጉሴ አዱኛ
ልዩ ዘመቻ መምሪያ..……………….አርበኛ አስፋው ሰርፀ
ወታደራዊ ስልጠና መምሪያ…….……አርበኛ ጌታሰው በሬ
ወታደራዊ እቅድና ስትራቴጂ መምሪያ…..አርበኛ ተመስገን አብርሃም
ምክ/ዘመቻ መምሪያ ኃላፊ……..……አርበኛ ስጦታው ዳኛው/ባሻ
ሜካናይዝድ ጦር መምሪያ………..አርበኛ ሲሳይ አሸብር
ቴክኖሎጅና ምህንድስና መምሪያ……አርበኛ ያለው አዱኛ
ጥናትና ስትራቴጂ መምሪያ………..አርበኛ ዘመነ እረኛው
ትምህርትና ስልጠና መምሪያ……….አርበኛ ዘላለም በላይነው
ሕግና ስነ-ምግባር ጉዳይ መምሪያ……አርበኛ ማሩ ቢተው
ማሕበራዊ ጉዳዮች መምሪያ………..አርበኛ ብዙአየሁ ወንድምነው
ሴቶችና ወጣቶች መምሪያ………..አርበኝት አስምሪው መሳፍንት ተስፉ
ሰው ሃብት አስተዳር መምሪያ….……አርበኛ አዳነ ፀጋ
ሃብት አፈላላጊ መምሪያ….…………..አርበኛ ማሩ በሪሁን
ኢንዶክትሪኔሸን መምሪያ…..………አርበኛ ተመስገን ውባንተ
የውስጥ ኦዲት መምሪያ……………..አርበኛ ግዛቸው አሌ
ጤና መምሪያ……………………………አርበኛ አታለለ ሰጠኝ
እቅድ ዝግጅትና ግምገማ መምሪያ ……አርበኛ ታደሰ ወርቁ
ቁጥጥርና ኦዲት ኮሚቴ ሰብሳቢ…………አርበኛ ባንቲደር እውነቱ
ሕግና ስነ-ስርዓት ኮሚቴ ሰብሳቢ…………አርበኛ ወልደአረጋይ ሸርብ
ወታራዊ ፍርድ ቤት ሰብሳቢ……………..አርበኛ ታርቆ ከበደ
2ኛ) ምክትል የስራ አስፈጻሚ መምሪያዎች
ምክ/ፖለቲካ መምሪያ………………..…አርበኛ ዳኛው አጣናው
ምክ/ጽ/ቤት………………………..አርበኛ መ/አ ገዳም ካሳ
ምክ/አደረጃጀት ጉዳይ…………………...አርበኛ ብርሃኑ ነጋ
ምክ/ፋይናንስና ግዥ መምሪያ…………..አርበኛ ስጦታው መልኬ
ምክ/ሎጅስቲክ መምሪያ…………………አርበኛ ደፋሩ አቤ
ምክ/ ሕዝብ ግንኙነት መምሪያ…………አርበኛ ማንደፍሮ ተሰማ
ምክ/ ሕዝብ አስተዳደር መምሪያ……….አርበኛ ዋሴ ታደሰ
ምክ/ልዩ ዘመቻ መምሪያ..………………...አርበኛ ሙሉዬ ደሴ
ምክ/ወታደራዊ ስልጠና መምሪያ…………ሻምበል መሳፍንት ተስፉ
ምክ/ወታደራዊ እቅድና ስትራቴጂ………...አርበኛ እያቸው ብርሃኑ
ምክ/ሜካናይዝድ ጦር መምሪያ…….…….አርበኛ ንጋት አየለ
ምክ/ቴክኖሎጅና ምህንድስና መምሪያ…….አርበኛ አለሜ ባዬ
ምክ/ጥናትና ስትራቴጂ መምሪያ………...አርበኛ ፋሲል ሙሏለም
ምክ/ትምህርትና ስልጠና መምሪያ………..አርበኛ አብዩ ማሩ
ምክ/ሕግና ስነ-ምግባር መምሪያ………..…አርበኛ ደመቀ አለሙ
ምክ/ማሕበራዊ ጉዳዮች መምሪያ…………..አርበኛ ደምሰው ድረስ
ምክ/ሴቶችና ወጣቶች መምሪያ……………….አርበኝት ገነት ፀጋው
ምክ/ሰው ሃብት አስተዳደር መምሪያ………አርበኛ ወዳጅ አስፋው
ምክ/ሃብት አፈላላጊ መምሪያ ….…………..አርበኛ አስማማው ዋለልኝ
ምክ/ኢንዶክትሪኔሸን መምሪያ ….…………አርበኛ አዲሱ መሰለ
ምክ/የውስጥ ኦዲት መምሪያ………………..አርበኛ መ/አ ቢራራ
ምክ/ወታደራዊ መረጃና መገናኛ መምሪያ……አርበኛ ሚናስ አለማየሁ
ምክ/ጤና መምሪያ…………………………..አርበኛ ምዕራፍ ሙጨ
ምክ/እቅድ ዝግጅና ግምገማ መምሪያ……….አርበኛ መ/አ ኃይለየሱስ ታደሰ
3ኛ) ሌሎች የስራ ክፍል ኃላፊዎች፡-
የሕዝብ ሰላምና ደህንነት ከፍል…………አርበኛ መለሰ ተሾመ
ምርኮኛ አስተዳደር ከፍል …………….አርበኛ አለማየሁ ሰማ
ወታደራዊ ቃል አቀባይ………………..አርበኛ ቢኒያም አለምነህ
ቀጠናዊ ትብብር……………………...አርበኛ ዘመኑ ታደሰ
ሰማዕታት ቤተሰብ ድጋፍ ክፍል………..አርበኛ አማኑኤል ተፈራ
ስንቅ አቅርቦት ክፍል…………………..አርበኛ ክንዱ ግርማ
ሒሳብ ሹም…………………………….አርበኛ አያናው አዱኛ
መሰረተ-ልማትና ኢኮኖሚ ክፍል……..አርበኛ አበበ አመኑ
ኦርዲናንስ……………………………..አርበኛ ዳንኤል አስረስ
ፐርሶኔል …………………………….አርበኛ ዮናስ አያልቅበት
ግዥ ክፍል ………………………….አርበኝት ትዕግስት ተረፈ
ገንዘብ ያዥ……………….…………..አርበኛ መላክ ተስፋ
ሕዝብ አገልግሎት ………………….አርበኛ አለባቸው ጌጡ
ኪነ-ጥበብና መዝናኛ ክፍል…………..አርበኛ አስተውል አምሳሉ
ታሪክና ማሕደር ክፍል ……………..አርበኛ አንዷለም አሰፋ
አባት አርበኞች ማደራጃ ክፍል………አርበኛ ጌትነት ስመኝ
ማሕበራዊ ፍርድ ሸንጎ………………..አርበኛ ማናለ ገላጋይ
ፕሮጀክት ቀረፃና አስተዳደር …………አርበኛ ባንቲ ጌትነት
25 يوليو, 13:37
አፋብን ወሎ ቤተ-አምራ የጀብደኛዉ ምኒልክ ዕዝ አሃዶች በጋራ በመሆን በአገዛዙ ሰራዊት ላይ የበላይነትን በመዉሰድ ድልን ተጎናጽፈዋል !
የጀብደኛዉ ምኒልክ ዕዝ 106ኛ ኮር 22ኛ ክፍለ ጦር እና የ303ኛ አሳምነዉ ኮር 81ኛ ክፍለ ጦር ጥምረት በመፍጠር በጠላት ላይ በወሰዱት የማጥቃት እርምጃ የአገዛዙን ሰራዊት በርካታ ሙትና ቁስለኛ
ያደረጉት ሲሆን ከሞት የተረፉትን ቁስለኛ ሰራዊታቸውን ወደ ጋሸና እና ገረገራ በመኪና ጭነው እግሬ አውጭኝ በማለት ፈርጥጠዋል።
በዚህ አውደ ውጊያ ፍፁም የፋኖዎች የሀይል የበላይነት የተረጋገጠበት ሲሆን የአገዛዙ ሰራዊት ቅስም የተሰበረበት ትዕይንት ሆኗል!!
የአማራን ህዝብ እንደ ህዝብ ከምድረ ገፅ ለማጥፋት የገባው የአገዛዙ ሰራዊት የአማራ የቁርጥ ቀን ልጆች ክንድ እያከሸፉት የሚገኙት ግስላዎች የዘወትር የማንነት ሀላፊነታቸውን ተወጥተዋል። በጠላት ሰራዊት ላይ የጥምር በትራቸውን በማሳረፍና የሚታወቁት 22ኛ ክፍለጦርና 81ኛ ክፍለጦር በቀጠናቸው የአበሳውን ድርሻ ተጎናፅፈው ሲል የ106ኛ ኮር ሚዲያና ኮሚኒኬሽን መምሪያ መረጃውን አድርሷል።
መዳረሻውን ድልና ነፃነት የሆነው የአማራ ሕዝብ የሕልውና ተጋድሎ ተጠናክሮ ይቀጥላል!
ህልውናችን በተባበረ ክንዳችን!
አፋብን ወሎ ቤተ አማራ ምኒልክ ዕዝ ህዝብ ግንኙነት መምሪያ
ሀምሌ 18/2018 ዓ/ም
25 يوليو, 09:32
+3
ማህበረሰቡ ከፋኖ ጋር በመቀናጀት ሌቦች እና ዘራፊወች ላይ እርምጃ ተወስዷል!!
➳➳➳➳💧💧💧💧➳➳➳➳
አፋብን ጎ/ጠ/ግዛት በላይ ዕዝ 204ኛ አስቻለው ደሴ ኮር እትጌ ጣይቱ ክፍለ ጦር በዛሬው እለተ ማለትም በ18/11/18 ዓ.ም ከአጊሳ; ሰለማያ; ቋሊሳ እንዲሁም ከቋሊሳ; አጊሳ ;ሰለማያ ማህበረሰቡ ለገበያ እንዲሁም ለተለያዩ ግንኙነቶች እንቅስቃሴ ለማድረግ የተቸገረበት ሁኔታ ነበር።
ዛሬም ያን የተለመደ ጸረ ህዝብ ተግባራቸውን ለመፈጸም ገበያ የሚሄደውን ማህበረሰባችን ለመዝረፍ "ቅብቲያ" የተባለ ቦታ ላይ ዝርፊያ ሲፈጽሙ ማህበረሰቡ ከእትጌ ጣይቱ ክፍለ ጦር አሀድ ፋኖ ጋር በቅንጂት በዘራፊወች ላይ እርምጃ ወስዷል!!
የአካባቢው ማህበረሰብም ለፋኖ ምስጋና አቅርቧል:: እንደዚህ አይነት ተግባራት ከዚህ በኃላም ከህዝባችን ጋር በመሆን በቀጣይነት ሌባ እና ዘራፊ ላይ ተፈጻሚ እንደሚሆኑ እናሳስባለን!!
ድል ለአማራ ፋኖ
አፋብን ጎጠግበላይ ዕዝ 204ኛ አስቻለው ደሴ ኮር
25 يوليو, 08:55
ሞት አይፈሬው፣ ለአባቶቹ ቃልና ለሃገሩ ክብር ታማኝ የሆነው የአማራ ትውልድ፣ የህዝቡን የዘመናት ታሪክ፣ ማንነትና የህልውና አደጋ በጽናት ተሸክሞ ይነሳል። ይህ ትውልድ በግፍ የሚፈሰውን የንጹሐን ወገኖቹን ደም፣ የህፃናትንና የእናቶችን እንባ ተመልክቶ እጁን አጣጥፎ የሚቀመጥ አይደለም። የህዝቡን ህልውና፣ ክብርና ቀጣይነት ሙሉ በሙሉ ለማረጋገጥ ሲል በወገኑ ላይ የተደቀነውን የታጠቀና ያልታጠቀ ጠላት በዓይነ ቁራኛ ይከታተላል።
ክንዱን አጠንክሮ፣ ልቡን በታላቅ ወኔና ወንድሜነት ሞልቶ፣ ከምንም በላይ ለህዝቡ ነፃነት ሲል የሞትን አስፈሪነት አቃሎ ይመለከተዋል። ሞት ለእርሱ ፍርሃት ወይም ሽንፈት ሳይሆን፣ ለፍትሕና ለእውነት የሚከፈል የጀግንነት ዋጋ ነው። በመሆኑም ከጠላት ጋር በሚደረገው ማናቸውም ፍልሚያ ወደ ኋላ አያይስብም፤ በጀግንነትና በሙሉ ወኔ ፊት ለፊት ቆሞ፣ የተደቀነበትን እሳትና መከራ በደረቱ እየመከተ፣ ጠላትን በጽናትና በኃይል ይፋለማል።
ድል በግፍ ለሚጨፈጨፈው ለአማራ ህዝብ✊🏽
ድል ለአማራ ፋኖ✊🏽 #Dave #Amhara ከደጋ ዳሞት ሰማይ ሰር!!
25 يوليو, 08:51
የአፋብን ሽዋ ጠቅላይ ግዛት አሳምነው ዕዝ አርበኛ ፋኖ ዳዊት ቀፀላ ከፍተኛ አመራር የአፄ ዘርያዕቆብ ፩ኛ ኮር ናደው ክፍለ ጦር ለወራት ያሰለጠናቸውን አዲስ ምልምል የፋኖ ኮማንዶ ሰልጣኞችን ያስተላለፈው መልክት ። መልካም የስራ እና የድል ዘመን እንመኛለን!! ወጣቱ የሸዋ ትውልድ!!
25 يوليو, 04:36
15 የፓሊስ አባላት አገዛዙን በመክዳት ከካምፕ መሰወራቸው ታወቀ!!
ሰሞኑን የፋሽስቱ አብይ አህመድ መንግስት ከየወረዳዎች ሚሊሻና ፓሊስ መልምሎ ወደ አንድ ማዕከል እያጓጓዘ መሆኑ ይታወቃል። ከአጭር የለብለብ ስልጠና በኋላ ወደ መከላከያ ይቀላቀላሉ የተባሉት ሚሊሻና ፓሊሶች በየእለቱ በመክዳት ላይ ናቸው። ከዚሁ ጋር ተያይዞ ከመካነሰላም ተጭነው ወደ ጊምባ ማዕከል ከተወሰዱት መካከል 8 የፓሊስ አባላት ዛሬ ሌሊት ከካምፕ መጥፋታቸው ተረጋግጧል:: ስም ዝርዝራቸው እንደደረሰን የምናሳውቅ ይሆናል።
በተመሳሳይ መልኩ ከመቅደላ ወረዳ 7 ፓሊሶች የጠፉ ሲሆን በድምሩ 15 የፓሊስ አባላት አገዛዙን ከድተዋል።
ከመቅደላ ወረዳ ፓሊሶች መካከል:-
ምክትል ሳጅን ሙላት ባይጨክን
ምክትል ሳጅን ሞገስ
ዋና ሳጅን አቡሽ ሰይድ
ምክትል ሳጅን ጀማል
ምክትል ሳጅን ፀጋዬ
ሳጅን ኮስትር ዘመነ
እና አንድ ስሙ ለጊዜው ያልታወቀ ፓሊስ ከካምፕ ሲጠፉ ሳጅን እንድሪስን ጨምሮ 3 ፓሊሶች ደግሞ ሊከዱ ነው በሚል ጥርጣሬ ታስረው ይገኛሉ::
አማራን በአማራ አጠፋለሁ ብሎ ጦርነት ያወጀው የፋሽስቱ አብይ አህመድ መንግስት በመንገድ መሪነት እና በጥይት ማብረጃነት እየተጠቀመባቸው ያሉት የክልሉ ሚሊሻ እና ፓሊስ አባላት በጦርነቱ ግንባር ቀደም ተጎጅዎች መሆናቸው ይታወቃል። የመከላከያ ሰራዊት አባላት የማድረግ አቅም ሲቀንስ እና የሰራዊቱ ቁጥርም በብርሀን ፍጥነት ሲመነምን አሁን ላይ ሚሊሻ እና ፓሊስን እንደ አማራጭ ተጠቅሞ ወደ መከላከያ ሰራዊት ለመቀላቀል ቢያስብም ሁኔታው እንደተጠበቀው ሳይሆን ቀርቶ በየቀኑ እየከዱት የወገን ኃይልን እየተቀላቀሉ ነው።
ይህን ተከትሎ የአፋብን ወሎ ቤተ አማራ ምኒልክ ዕዝ 105ኛ ኮር በበኩሉ ከአገዛዙ ከድተው ለሚመጡ ሁሉ በልዩ ሁኔታ ወገናዊ አቀባበል እና እንክብካቤ እንደሚያደርግ በዚሁ አጋጣሚ እናሳውቃለን ሲል የኮሩ ህዝብ ግንኙነት መምሪያ መረጃዉን አድርሷል።
መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል!!
ህልውናችን በተባበረ ክንዳችን!
አፋብን ወሎ ቤተ አማራ ምኒልክ ዕዝ ሚዲያና ኮሙኒኬሽን መምሪያ!
ሀምሌ 18 ቀን 2018 ዓ.ም
25 يوليو, 02:51
+5
ሰበር መረጃ!
በአፋብን ወለጋ/ቢዛሞ ቀጠና የተመዘገበ አንጸባራቂ ድል!*
በአንሻ ሰይድ እዝ ስር የሚገኙት ጀግኖቹ ➨አበጀ ጥበቡ ነበልባል ክፍለጦር፣
➨አንገር ጉትን ክፍለጦር እና
➨ጌጤ ግርማ ክፍለጦር ባደረጉት የተቀናጀ እና መብረቃዊ የጥምረት ዘመቻ አስደናቂ ወታደራዊ ድል ተቀዳጅተዋል!
በዚህ የተሳካ ኦፕሬሽን የተመዘገቡ ዋና ዋና ውጤቶች
- ስትራቴጂካዊ መስመሮች በቁጥጥር ስር ውለዋል
- ከፍተኛ ጠቀሜታ ያለው ትልቁ የጉትን
ነቀምት መስመር፤ እንዲሁም ከቱሉ ጋና ወደ ጉትን የሚያስኬደው ቁልፍ መንገድ ሙሉ በሙሉ በጀግኖቹ ቁጥጥር ስር ውለዋል።
በተደረገው የተቀናጀ ማጥቃት የጠላት አከርካሪ የተሰበረ ሲሆን፣ ከፍተኛ ቁጥር ያለው ኃይልም ተደምስሷል።
በዘመቻው በርካታ የጦር መሳሪያዎች እና ተተኳሾች በምርኮ የተገኙ ሲሆን፤ እጅ መስጠት የመረጡ የጠላት ኃይሎችም በህይወት በቁጥጥር ስር መዋላቸው ታውቋል።
የጀግኖቹ ጥምረት፣ ቆራጥነት እና ጽናት ይህንን ደማቅ ታሪክ ጽፏል!
25 يوليو, 02:49
ሐምሌ 18 ቀን 2018 ዓ.ም
በብሔራዊ የምክክር ኮሚሽን ስም ዘረ ፈጁ አገዛዝ ያዘጋጀውን የብልጽግና እና ጀሌዎቹ ጉባኤ አስመልክቶ ከአማራ ፋኖ ብሔራዊ ንቅናቄ የተሰጠ መግለጫ
ለልዩነት እና ለጦርነት ምክንያት በሆኑ አጀንዳወች ላይ አካታች ብሔራዊ ውይይት እና ምክክር ማድረግን በተመለከተ የኢትዮጵያ ህዝብ ለዘመናት ሲያቀርበው የቆዬ ጥያቄ መሆኑ ይታወቃል።
ሀቀኛ ብሔራዊ ምክክር ማድረግ ለሀገር ዘላቂ ሰላም አስፈላጊ የመሆኑን ያህል የብሔራዊ ምክክር ሂደት በተለይም የምክክር ሂደቱ አካታችነት፣ የሚካሄድበት ነባራዊ ሁኔታ፣ ሂደቱን የሚመራው ተቋም አወቃቅር እና ተቋማዊ ገለልተኝነት፣ አሳታፊነት እና ሌሎችም ሁኔታወች በአግባቡ ካልታዩ ነባር ችግሮችን እና ቅራኔወችን ከማስፋት እና ከማወሳሰብ ያለፈ ፋይዳ አይኖረውም።
በብልፅግና አገዛዝ ጦረኝነት እና ዘረ-ፈጅ የቀውስ አገዛዝ ምክንያት ዓመታትን የተሻገረ እና የሚሊዮኖችን ሕይወት ያመሰቃቀለ ደም አፋሳሽ ጦርነት ውስጥ ያለችው ሀገራችን፣ ይህን በህዝብ ላይ የተከፈተዉን ጦርነት ያወጀው አገዛዝ ጦርነትን ለማቆም ምንም አይነት ፍላጎት ባላሳየበት ሁኔታ ውስጥ የሚደረግ የምክክር ድግስ በጀት ከማባከን እና ለአገዛዙ የገጽታ ግምባታ ከመስራት ያለፈ ፋይዳ አይኖረውም።
ባለፉት አመታት በዳበሳ ከሚታወቁ የሀገሪቱ እውነቶች መካክል ጦርነት ፣ ስደት፣ መፈናቀል ጅምላ ጭፍጨፋና ማንንነት መሰረት ያደረጉ ግልፅ ጥቃቶች በአገዛዝ ስፖንሰርነት እየተፈፀሙ ነው:: በብልፅግና የቀውስ አገዛዙ ምክንያት ሚሊዮኖች ተሰደዋል፣ በርካቶች በአገዛዙ የፀጥታ መዋቅር ንብረታቸዉን ተዘርፈዋል::
አማራ ክልልን ጨምሮ ከፊሉ የሀገሪቱ ክፍል በወታደራዊ አገዛዝ ስር ከወደቀ ሶስት አመታትን አስቆጥሯል። አገዛዙ በቀጥታ የእርስ በእርስ ግጭቶችን እና ጦርነቶችን በማዋለድ እና አለመተማመን እንዲነግስ በማድረጉ አብዛኛው የሀገሪቱ ክፍል ቀውስ ውስጥ ይገኛል። ይኸው ወታደራዊ አገዛዝ ምርጫ ለማድረግ የሚያበቃ የሰላም ሁኔታ ሳይኖር ራሱ ተመራጭ፣ ራሱ ታዛቢ፣ ራሱ መራጭ እና አስመራጭ በመሆን ትልቅ የፖለቲካ እና የዲሞክራሲ ክንዉን በሆነው የምርጫ ሂደት ላይ መቀለዱን ዓለም አቀፍ ማህበረሰቡም የመሰከረው እና የታዘበው ሐቅ ነው። ይህንንም ተከትሎ የ2018 ምርጫ ክንዉን አለመካሄዱን እና ብልፅግናም በምርጫ ያገኘው ቅቡልነት እንደሌለ ተረጋግጧል።
አገዛዙ ይህንን በምርጫ ድግስ ያጣውን ቅቡልነት በምክክር ለማግፕት ጥረት እያደረገ ቢሆንም የብሔራዊ ምክክር ሂደቱን ለማሰናዳትም ሆነ በባለቤትነት ለማስኬድ የሚያበቃ የህግ መሰረት ግን የለዉም።
ሀቀኛ ብሔራዊ ምክክርን መምራት የሚችል ኮሚሽን በኢትዮጵያ ውስጥ ባሉ ተፋላሚ ኃይሎች ይሁንታ የተሰጠው፤ ስቪክ ማህበራትን ጨምሮ በሁሉም ኃይሎች ተሳትፎ የተቋቋመ እና ገለልተኛነቱም የተረጋገጠ መሆን ይገባዋል። የወቅቱን የብሔራዊ ምክክር ጉዳይ እመራለሁ የሚለው ኮሚሽን ከአገዛዙ በስተቀር በየትኛውም የፖለቲካ ኃይል እውቅና እና ይሁንታ ያልተሰጠው ከመሆኑ ባሻገር የብልፅግናን በተለይም የጠቅላይ ሚኒስትሩን የግል ፍላጎት የብሔራዊ ምክክር ውጤት አድርጎ ይዞ ለመቅረብ የተዘጋጀ፣ ሂደቱ የሚመራበትን አሰራር የሚወስን ህግ እንኳን እንዲወጣ ያላደረገ የጏዳ ወዳጆችና የፖለቲካ ደላሎች ስብስብ ነው። ገለልተኛ ባልሆነ ተቋም የሚመራ ምክክር ደግሞ የብልፅግና ካድሬወች ውይይት እንጅ ብሔራዊ ምክክር አይሆንም። ለሀገሪቱ ችግርም ዘላቂ ሰላምም አያመጣም።
ላለፉት በርካታ ዓመታት ሀቀኛ ወኪል ሳይኖረው በመቅረቱ እጣ ፋንታውን ሌሎች የፖለቲካ ኃይሎች ሲወስኑለት የቆዬው የአማራ ህዝብ በዚህ የምክክር ጉባኤም ተመሳሳይ ሂደት ውስጥ ይገኛል። በአብን እና በአማራ ብልፅግና ስም ከየጎሬው ተለቃቅመው በጉባኤው አማራን ወክለን እንሳተፋለን የሚሉትም በአማራው ላይ ይፋዊ ጦርነት ያወጀውን ዘረ ፈጅ አገዛዝ የተቀበሉ የብልፅግና ወኪሎች እንጅ ለአማራ ህዝብ መብት እና ጥቅም ቅንጣት ታክል አስተዋፅኦ ማድረግ የማይችሉ በመሆናቸው ይህ የምክክር ጉባኤ የአማራ ህዝብ ያልተወከለበት እና የማይሳተፍበት መሆኑ በታሪክ ፊት ተመዝግቧል።
የአማራን ህዝብ ብቻ ሳይሆን ከብልፅግና አገዛዝ ጋር ይፋዊ ጦርነት ውስጥ ያሉ የፖለቲካ ኃይሎችን ያገለለ የምክክር ጉባኤ በመሆኑም ከአማራ ህዝብ ብቻ ሳይሆን ሌላው ኢትዮጵያዊም ቢሆን በዚህ ጉባኤ በትክክለኛ ወኪሎቹ አማካኝነት እየተሳተፈ ነው ብለን አናምንም።
በመሆኑም ድርጅታችን አፋብን ለአማራ ሕዝብ፣ ለኢትዮጵያ ሕዝቦች እና ለዓለም አቀፉ ማህበረሰብ የሚከተለውን ጥሪ ያቀርባል:-
1. ለአማራ ሕዝብ -
ይህ ምክክር ተብሎ በአገዛዙ የሚደረገው እንቅስቃስ የአማራ ህዝብ ያልተወከለበት እና ትክክለኛ ወኪሎቹ የህልውና ትግል ላይ በመሆናቸው፣ ትግሉን ጫፍ በማድረስ ስር ነቀል ለውጥ በማምጣት ህልውናውን አረጋግጦ ለወደፉቱ ከሌሎች ህዝቦች ወኪሎች ጋር በግልፅ ተነጋግሮ ሀገራዊ እውነተኛ እርቅና ምክክር ለማምጣት እንዲቻል አሁን ላይ ሁሉንም አቅሞች አሰባስቦ በበለጠ ቁርጠኝነት እንዲታገል ጥሪ እናቀርባለን፤
2. ለኢትዮጵያ ሕዝብ:-
ይህ የምክክር የተባለው ክሹፉና አስመሳይ ሂደት የአማራን ሕዝብ ጨምሮ ሌሎች ጥያቄ ያላቸው የፖለቲካ ኃይሎችም የተሳተፉበት አለመሆኑን፣ የሀገሪቱን አንድነት የበለጠ አደጋ ላይ የሚጥል መሆኑን፣ የእርስ በርስ ጦርነቱን የማያስቆምና የሚያባብስ መሆኑን፣ የአንድ ግለሰብ እና የገዢ ቡድን ፍላጎት ለማሳካት እየተደረገ ያለ መሆኑን በማመን ከአማራ ሕዝብ ጎን ቆሞ ስርዓቱን መታገል ይገባል:: በቀጣይ በጋራ የሽግግር መንግስት መስርተን ሀገራችንን ማፅናት እንችል ዘንድ ብሎ እውንተኛ ምክክርና እርቅ እንፈፅም ዘንድ በተባባረ መልኩ ፀረ አገዛዝ ትግል እንዲደረግ ጥሪ እናቀርባለን፤
3. ለዓለም አቀፉ ማህበረሰብ:-
እንደሚታወቀው በትክክለኛው መንገድ የማይካሄድ ብሄራዊ እርቅና ምክክርን ሂደቱ ካለ መኖሩ የከፋ ሀገራዊ ችግርን ያስከትላል። ብሄራዊ ምክክር ከከሸፈ አንድ ሀገር የምትገባበት ቀውስ እጅግ ከባድና በአዙሪት የተሞላና የማይገመት ይሆናል:: የብዙ ሀገራት ብሄራዊ እርቅና ምክክር የተኮላሸው ገለልተኛነትና አሳታፊነት የሌለውን ሂደት በመከተላቸው እንደሆነ ብዙ ምሳሌና ተሞክሮዎች አሉ:: የአሁኑ የአገዛዙ ብሔራዊ ምክክር የተባለው ሂደትም የህዝብ ቅቡልነት የሌለው፣ እውነተኛ ችግር ፈች ምክክር ሳይሆን ብልጽግና እና ደጋፊዎቹ የአገዛዙ ስልጣን ማጽኛ እንደሆነ እና ሀገሪቱን እንዲሁም የቀጣናውን ሰላም ከድጡ ወደማጡ የሚያስገባ መሆኑን ተገንዝባችሁ ለሀቀኛ ሽግግር እና ዘላቂ ሰላም እንድትሰሩ ጥሪ እናቀርባለን።
4. የአማራ ህዝብ ወኪል ነን ለምትሉ የሂደቱ ተሳታፊወች:-
ከዚህ ቀደም እንደሆነው ሁሉ የአገዛዙ ተላላኪ በመሆን እና ተገቢው የአማራ ህዝብ ውክልና ሳይኖራችሁ በሂደቱ የምትሳተፉ ግለሰቦች እና ቡድኖች በብሔራዊ ምክክር ስም በሚካሄድ የብልፅግና ጉባኤ በመሳተፍ ታሪካዊ ስህተት ከመፈፀም እንድትታቀቡ እያሳሰብን ይህን ማሳሰቢያ ችላ በማለት የምታደርጉት ሂደት የአማራን ህዝብ ጥያቄወች ለሌላ ምዕራፍ ለማዳፈን ለምታደርጉት ያልተገባ ተግባር ኃላፊነት የምትወስዱ መሆኑንም በህዝብ እና በታሪክ ፊት እናሳውቃለን።
የአማራ ፋኖ ብሔራዊ ንቅናቄ
25 يوليو, 02:26
የአፄ ዘርያዕቆብ ፩ኛ ኮር ናደው ክፍለ ጦር ለወራት ያሰለጠናቸውን አዲስ ምልምል የፋኖ ኮማንዶ ሰልጣኞችን በደማቅ ሁኔታ አስመረቀ።
ሀምሌ 18/2018 ዓ.ም
የአፋብን ሸዋ ጠቅላይ ግዛት አሳምነው ዕዝ ስር የሚገኘው የአፄ ዘርያዕቆብ ፩ኛ ኮር ናደው ክፍለ ጦር ለወራት ያህል ሲሰጥ የቆየውን ጠንካራ የንድፈ-ሀሳብ እና የተግባር ስልጠና ሲከታተሉ የቆዩ አዲስ ምልምል የኮማንዶ ሰልጣኞቹን ሐምሌ 16 ቀን 2018ዓ.ም በደማቅ ሁኔታ አስመርቋል።
በዚሁ የምረቃ ስነ-ስርዓት ላይ የዕዝ እና የኮር ከፍተኛ አመራሮች፣ ጥሪ የተደረገላቸው የክብር እንግዶች እንዲሁም የአካባቢው የቀበሌ እና የክላስተር አመራሮች ተገኝተዋል።
የዕለቱ መርሃ-ግብር የተጀመረው በተመራቂ ሰራዊት አባላት የክብር ሰላምታ እና ወታደራዊ ሰልፍ ማሳያ ነው። ተመራቂዎቹ በስልጠና ወቅት ያገኟቸውን የአካል ብቃት፣ የትእዛዝ አቀባበል፣ የአሰራር ዲሲፕሊን እንዲሁም ልዩ ልዩ ታክቲክና ክህሎቶችን የሚያሳዩ ትርኢቶችን ለታዳሚው አቅርበዋል።
በዕለቱ የዕዙ ከፍተኛ አመራር አርበኛ ዳዊት ቀፀላ ባደረጉት ንግግር፤ የምረቃ ፕሮግራሙ የፅናት፣ የዲሲፕሊንና የመስዋዕትነት ውጤት መሆኑን ገልጸው፣ ተመራቂዎች በስልጠናው ወቅት ያሳዩት ወታደራዊ ክህሎት የተጣለባቸውን ታሪካዊ አደራ ለመሸከም ዝግጁ መሆናቸውን ያረጋገጡበት ነው ብለዋል። አክለውም ሰራዊቱ ህዝቡን እንደ አይኑ ብሌን እንዲጠብቅና የተሰው ጀግኖችን አደራ እንዲያስቀጥል ጥሪ አቅርበዋል።
በሰራዊት ምርቃት መርሀ-ግብሩ ላይ የተገኙት የሸዋ ጠቅላይ ግዛት አሳምነው ዕዝ ስልጠና መምሪያ ኃላፊ አርበኛ ፶ አለቃ እሸቱ ኃ/ሚካኤል በበኩላቸው፤ ዲሲፕሊን፣ ታማኝነት እና ለህዝብና ለአላማ በፅናት መቆም የሰራዊታችን ዋና መሰረት ናቸው ሲሉ የተናገሩ ሲሆን፤
የኮሩ ዋና መሪ አርበኛ እዮብ ለማ በበኩላቸው የሰራዊቱ ጥንካሬ በህዝብ ደጋፊነት እና በህብረት ላይ የተመሰረተ መሆኑን በማስገንዘብ፣ ተመራቂዎች እስከ መጨረሻው የድል ግብ ድረስ ትግሉን አጠናክረው እንዲቀጥሉ ለተመራቂ ሰራዊት መልእክት አስተላልፈዋል።
በስልጠናው ወቅት በዲሲፕሊን፣ በስልጠና ውጤት፣ በአካል ብቃት እና በትእዛዝ አፈጻጸም ከፍተኛ ውጤት ላስመዘገቡ ተመራቂ ሰልጣኞች እና አሰልጣኞች ታላቅ የምስጋና እና የክብር እውቅና ተሰጥቷቸዋል።
ከተመራቂዎች መካከል አስተያየታቸውን የሰጡ አባላት በስልጠናው ወቅት ያገኙት ልምድ ለቀጣይ ስራቸው ትልቅ አቅም እንደሚሆናቸው በመግለጽ፣ የተጣለባቸውን ህዝባዊ እና ድርጅታዊ ሀላፊነት በብቃት ለመወጣት ዝግጁ መሆናቸውን አረጋግጠው፤የምረቃ ስነ-ስርዓቱ በተመራቂዎች የቃለ-መሀላ ስነ-ስርዓት ከተካሄደ በኋላ በደማቅ ሁኔታ ተጠናቋል።
ክብር ለትግሉ ሰማዕታት !
ህልውናችን በተባበረ ክንዳችን !
የአፋብን ሸዋ ጠቅላይ ግዛት አሳምነው ዕዝ ህዝብ ግንኙነት መምሪያ
25 يوليو, 01:12
