ar
Feedback

لا تقع ضحية للمخادعين! تيليمتريو يكتشف ويُميّز هذه القنوات 👉 إذا كنت تريد رؤية العلامة، اشترك

ፍኖተ-አማራ ሚዲያ (Finote Amhara Media)

ፍኖተ-አማራ ሚዲያ (Finote Amhara Media)

الذهاب إلى القناة على Telegram

የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)

إظهار المزيد
4 401
المشتركون
-1724 ساعات
-527 أيام
+5630 أيام
أرشيف المشاركات
በታሪካዊው ካራምሽግ ስም "ካራ ምሽግ ብርጌድ " የአርበኞች ጦር ተመሰረተ!! ሐምሌ 27/2018 ዓ.ም በአፋብን ሸዋ ጠቅላይ ግዛት አሳምነው ዕዝ፣ በአፄ ዓምደ ጽዮን ኮር የአፄ ዳዊት ክፍለ ጦር በሚ
+4
በታሪካዊው ካራምሽግ ስም  "ካራ ምሽግ ብርጌድ "  የአርበኞች ጦር ተመሰረተ!!               ሐምሌ 27/2018 ዓ.ም በአፋብን ሸዋ ጠቅላይ ግዛት አሳምነው ዕዝ፣ በአፄ ዓምደ ጽዮን ኮር የአፄ ዳዊት ክፍለ ጦር በሚንቀሳቀስበት ቀጠና  «ካራ ምሽግ ብርጌድ»  የአርበኞች ጦር ሰራዊት ሐምሌ 25/2018 ዓ.ም በይፋ መመስረቱን የአፄ ዓምደ ጽዮን ኮር ሚዲያና ኮሙኒኬሽን ክፍል በምስል በተደገፈ የግንባር መረጃው አስታውቋል። በሸዋ ጠቅላይ ግዛት መርሀቤቴ አውራጃ ሬማ ክላስተር በተካሄደው በዚህ የምስረታ ስነ-ስርዓት ላይ፦ የአፋብን ሸዋ ጠቅላይ ግዛት አሳምነው ዕዝ ከፍተኛ አመራሮች፣ የአፄ ዳዊት ክፍለ ጦር አመራሮች፣ የክላስተርና የቀበሌ አመራሮች፣ እንዲሁም ጥሪ የተደረገላቸው ልዩ ልዩ ተጋባዥ እንግዶች በተገኙበት ብርጌዱ ተመስርቷል። በዚሁ የምስረታ መድረክ ላይ የሰራዊቱን የውስጥ አደረጃጀት፣ ወቅታዊ ቀጠናዊና ጂኦፖለቲካዊ ሁኔታዎችን፣ የሰራዊቱን የስነ-ልቦና ዝግጅት እንዲሁም የወደፊት የትግል አቅጣጫዎችን አስመልክቶ በየደረጃው ከሚገኙ አመራሮች ሰፊ ምክረ-ሐሳቦች ተነስተው የጋራ ውይይት ተደርጎባቸዋል። ውይይቱን ተከተሎ አዲስ የተመሰረተው የካራ ምሽግ ብርጌድ በተሟላ አደረጃጀት ወደ ስምሪት መግባቱን የኮሩ መረጃ ያመላክታል። ለብርጌዱ የኮማንድ አመራሮችም ተመርጦ መርሀ ግብሩ በነባር ቱባ ባሕል ኪነትና ልዩ ልዩ አዝናኝ ፅሑፎች ሊጠናቀቅ ችሏል። በመጨረሻም የተሠየሙት አመራሮች ህዝቡንና አካባቢያቸውን በቅንነት፣ በታማኝነት፣ በፍትሃዊነትና በጽናት ለማገልገል በህዝቡ ፊት ቃለ መሃላ ፈጽመዋል።       " ክብር ለትግሉ ሰማዕታት!     " ህልውናችን በተባበረ ክንዳችን! የአፋብን ሸዋ ጠቅላይ ግዛት አሳምነው ዕዝ ህዝብ ግንኙነት መምሪያ
03 أغسطس, 01:39

በደላንታ ወረዳ የወገልጤና ከተማ ነዋሪዎች የፀረ-አማራውን ብልፅግና አገዛዝ የመጨረሻ ቀብር ለመፈፀም ሙሉ ቁርጠኝነታቸውን ገለፁ! በአማራ ፋኖ ብሔራዊ ንቅናቄ ምኒልክ ዕዝ ሙሉ በሙሉ በተቆጣጠረውና እጅግ ስትራቴጂካዊ የጦር ቀጠና በሆነው ደላንታ ወረዳ ዛሬ ሐምሌ 26/2018 ዓ/ም የነዋሪውን ሕዝባዊ ወገንተኝነትና የትግል ቁርጠኝነት የበለጠ ያጠናከረ ታላቅ ሕዝባዊ መድረክ አካሂዷል። ይህ ታሪካዊ የውይይት መድረክ የተካሄደው የደላንታ ወረዳ መቀመጫ በሆነችው በወገል ጤና ከተማ ሲሆን በመድረኩ የምኒልክ ዕዝ ከፍተኛ አመራሮች፣ የኮርና የክፍለጦር አመራሮች እንዲሁም ማዕረግተኛ ወታደራዊ አዛዦች ተገኝተው መድረኩን በብቃት መርተዋል። በውይይቱ ወቅት ለበርካታ አሥርት ዓመታት በአማራ ሕዝብ ላይ ሲፈፀም ስለነበረው ስልታዊና ቀጥተኛ የዘር ማፅዳት እንዲሁም በአሁኑ ወቅት ተባብሶ መንግሥት-መር በሆነ መልኩ ስለቀጠለው ዘር ጭፍጨፋ በዕዙ ትምህርትና ስልጠና መምሪያ ኃላፊ በአርበኛ ፍቅሩ ፈንታው ሰፊና አጠቃላይ ገለጻ ተደርጓል። የሕልውና ትግሉን መነሻና መድረሻ በሚመለከት ደግሞ ሰፊ ማብራሪያ ያቀረበው የዕዙ ፖለቲካ መምሪያ ምክትል ኃላፊ አርበኛ ስንታየሁ ተስፉ ትግሉ ሕዝብን ከእልቂት የማዳንና ፍትሕ ርትዕ የማስፈን ራስ በቅ ትግል መሆኑን አፅንዖት ሰጥቶ አብራርቷል። አርበኛ ስንታየሁ አክሎም ፋኖ ከሌሎች አጋር ኃይሎች ጋር የሚያደርገው ትብብርና ወታደራዊ አጋርነት እስከ ምን ድረስ ሊሆን እንደሚችልና የጋራ ግቡን በሚመለከት ግልፅና ተጨባጭ ማብራሪያ ሰጥቷል። ሌሎች የዕዙና የኮር ከፍተኛ አመራሮችም በተለያዩ ርዕሰ ጉዳዮች ዙሪያ ማብራሪያና ገለፃ ባደረጉበት በዚህ መድረክ የወረዳው ነዋሪዎች ከመድረኩ አመራሮች ለቀረቡት ማብራሪያዎች ያላቸውን አክብሮትና ሙሉ ድጋፍ በታላቅ ወኔና ቁርጠኝነት ገልፀዋል። ሕዝቡ ለሕልውና ትግሉ ያለውን የፀና አቋም ሲያረጋግጥ የብልፅግና አገዛዝም ተገርስሶና የፋኖ ፍትሐዊ ትግል መቋጫ አግኝቶ በምድሪቱ ላይ ፍትሕና ርትዕ እስኪሰፍን ድረስ ከፋኖ ጎን ቆሞ እንደሚዋጋና እንደሚያዋጋ በይፋ ገልጿል። በተጨማሪም ነዋሪው ለትግሉ ያለውን ጥልቅ አጋርነት ገልፆ በሕልውና ትግሉ ዙሪያ ወደፊት በሚደረጉ የውጊያና የፖለቲካ እንቅስቃሴዎች ላይ መሻሻል አለባቸው ያላቸውን ወሳኝ ጉዳዮች ነቅሶ በማውጣት ገንቢ አስተያየቶችን ሰጥቷል። በትግሉ ውስጥ የበለጠ ሊጠናከሩና ሊበረታቱ የሚገባቸውን የሕዝብና የፋኖ አንድነት፣ የደጀንነት ሚና እና የደህንነት ጥቃቅን ጉዳዮች ላይ ያተኮሩ አዎንታዊ ሃሳቦችን ሰጥቷል። ይህ በደላንታ ወረዳ የተካሄደው ታላቅ ሕዝባዊ መድረክ የአማራ ሕዝብ ለነፃነቱና ለሕልውናው ያወጀውን መራራ ትግል ወደ ተሟላ ድል ለማሸጋገር ያለው ዝግጁነት ከምንጊዜውም በላይ በከፍተኛ ደረጃ ላይ እንደሚገኝ በግልፅ ያሳየ ሆኗል። መዳረሻውን ድልና ነፃነት የሆነው የአማራ ሕዝብ የሕልውና ተጋድሎ ይቀጥላል ሲል። ህልውናችን በተባበረ ክንዳችን! አፋብን ወሎ ቤተ-አማራ ምኒልክ ዕዝ ሕዝብ ግንኙነት መምሪያ ሀምሌ 26/2018 ዓ/ም
02 أغسطس, 16:05

photo content
+6
02 أغسطس, 16:05

የአማራ ልጅ ፋኖ ማለት እኮ፦ ​የአማራ ልጅ ፋኖ ማለት እኮ፤ለእውነት የቆመ፣ ለፍትሕ የዘመረ፣በሀገሩ ፍቅር የታነፀ፣ ለክብሩ ያደረ። ይሉኝታን አውልቆ፣ መከራን ተጋፍጦ፣የወገኑን እንባ፣ በጽናት አብሶ፤ የታሪክ ባለቤት፣ የጽናት አርበኛ፣ ለነፃነት የቆመ፣ የፍትሕ ዘበኛ። ​ ወገን ሲበደል፣ አርፎ የማይቀመጥ፣ ለቃሉ ፀንቶ፣ ፍጹም የማይለወጥ፤ የአባቶቹን አደራ፣ በልቡ አዝሎ፣ በነፃነት መንገድ፣ ወደፊት የሚጓዝ በሞራል ተሞልቶ። ​ የአማራ ልጅ ፋኖ ማለት እኮ፤ የጀግንነት ምሳሌ፣ የሀገር አለኝታ፣ ለበደል የማይበረከክ፣ የጽናት አለታ! Dave Amhara
02 أغسطس, 13:12

እኛን የሚገልፀን አንድ ታላቅና የማይናወጥ እውነት አለ... ​እኛ የዚች ታሪካዊት ምድር ኩሩ የአማራ ልጆች ነን! በራሳችን ሰማይ ስር በፍቅር፣ በክብርና በሰላም መኖርን እንጂ፣ የሰውን ክፉ መመኘትም ሆነ የሌላውን ድንበር መድፈር በተፈጥሯችን የለም። ተፈጥሮ በውበት፣ በንጽሕናና በጽናት የሰራችን የእውነት ሕያው እንቁዎች ነን! ​​ክብራችንን የሚነካ፣ ማንነታችንን የሚደፍርና ሰላማችንን የሚያደፈርስ ማንኛውም እጅ ሲመጣ በጭራሽ አንታገስም! የፍቅራችንን ያህል ቁጣችን ታላቅ፣ የትዕግስታችንን ያህል እሳታችን የበረታ ነው! በታሪካችን ታይቶ በሚታወቅ ዳግማዊ ድልና የበላይነት እንጂ፣ በሽንፈት የሚባል ጥቁር ጥላ ማንነታችን ላይ እንዲያርፍ አንፈቅድም። ​ማንነታችን ንጹሕና የወርቅ ያህል የጠራ ነው፤ ጽናታችን ደግሞ ተራራ የሚያናውጥ፣ ከድንጋይ የጠነከረ ነው! የአፋብን ወታደራዊ ቃል አቀባይ አርበኛ አበበ ሙላት #Dave #Amhara
02 أغسطس, 12:48

ጀብደኛው 206ኛ ኮር 34ኛ ክ/ጦር ለተከታታይ 6ወራት ያሰለጠናቸውን የኮማንዶ ሰራዊት አስመርቋል። በምርቃ ስነ-ስርዓቱ የአፋብን ሊቀመንበር አርበኛ ዘመነ ካሴ መልዕክት አስተላልፏል!! ሐምሌ26/2018 ዓ.ም =================================== √ጤና ይስጥልኝ እንዴት ሰነበታችሁ? በአማራ ፋኖ ብሄራዊ ንቅናቄ፥ ቴዎድሮስ እዝ፥ 206ኛ ኮር፥ 34ኛ ክፍለጦር የመጀመሪያ ዙር ኮማንዶ ተመራቂዎች ከስድስት ወራት ጠንካራ ወታደራዊ ስልጠና በኋላ ለምርቃት በመብቃታችሁ  እንኳን ለዚህ ቀን አበቃችሁ፥እንኳን ደስ አላችሁ እላለሁ። እናንተ የምትመረቁበት ዛሬ ሃምሌ 26 ቀን በአማራ የህልውና ትግል ውስጥ እጅግ ታሪካዊ ከሚባሉ ቀኖች አንዱ ነው። ሃምሌ 26-2015 አም የባሶ ሊበን፥ የደብረ ኤልያስ፥ የአዋበል፥  የአነደድ፥ የጎዛመንና የደብረማርቆስ ጀግኖች በተቀናጄ አኳኋን ተወርውረው ደብረማርቆስ ከተማን በቁጥጥር ስር በማድረግ የጠላትን መዋቅር ፍርስርሱን ያወጡበት ቀን ነው። የፋኖው የተደራጄ የህልውና ትግል ድፍን ሶስት አመት ሆኖታል።በነዚህ ሶስት አመታት ውስጥ ለቁጥር የሚታክቱ አውደ ውጊያዎች ተከናውነዋል፥ ቃላት የማይገልፃቸው ጀግንነቶች ታይተዋል፥ ብዙ ግዙፍ ድሎች ተመዝግበዋል። ፋኖ በመላው አማራ ከሌሎች የጠላት ታጣቂዎች ውጭ የጠላትን 10 ሙሉ እዝ መክቶ ለወረራ በመጣበት ጉልበቱ እያንበረከከው ይገኛል።ይህ የታሪክ ገፆች የማያውቁት አዲስ ገድል ነው። በአማራ ልጆች ለአለም የታዬ አዲስ ክስተት ነው። በነዚህ አመታት አንድም ቀን ሳንዋጋ አንድም ቀን ሳናሰለጥን፥ አንድም ቀን ሳናደራጅ፥ አንድም ቀን ሳናስታጥቅ ውለን አናውቅም። ይህ እስከ ድላችን የሚቀጥል የቀን ተቀን ስራች ይሆናል። ጓዶች ሆይ፦በአማራ ህዝብ ማህበረሰባዊ ታሪክ፥ በኢትዮጲያ ዘመናዊ የፖለቲካ ታሪክ፥ በአፍሪካ ቀንድ ቀጠናዊ ታሪክ ታይቶ የማይታወቅ እጅግ ወሳኝ የታሪክ ምእራፍ ላይ እንገኛለን። በዚህ ምእራፍ መቀመጥ አይቻልም። በዚህ ምእራፍ አይንን ለአንድ ደቂቃ እንኳን መክደን አይቻልም። በዚህ ምእራፍ መሳሳት አይቻልም። መቀመጥም፥ መተኛትም መሳሳትም ዳግሞ እድልና ይግባኝ የሌላቸው መጥፊያዎች ሆነዋልና።ስለዚህ ለወርቃማው አላማችን ሌት ተቀን እንሰራለን፥ በስሌት እንጓዛለን።እናሸንፋለን።ቢስማርክ እንዳለው "እውነት በያዝነው መሳሪያ የተኩስ ርቀት ውስጥ ትኖራለች"ና  በፍጥነት ማሸነፍ ስላለብን እንበርታ።በድል እንገናኝ። ድል ለአማራ ህዝብ! ድል ለኢትዮጲያ ህዝብ! አዲስ ትውልድ አዲስ አስተሳሰብ አዲስ ተስፋ! ህልውናችን በተባበረ ክንዳችን! ሃምሌ 26-2018 አም አርበኛ ዘመነ ካሴ
02 أغسطس, 11:46

photo content
+2
02 أغسطس, 11:46

photo content
+9
02 أغسطس, 11:46

ሐምሌ 26/2018ዓ.ም በደምና በአጥነት የተመሰረተው የፋኖ አንድነት የሁሉም ቤት ነው። አፋብን ጎንደር ጠቅላይ ግዛት በላይ ዕዝ ሐምሌ 05/2018 ዓ.ም የአንድነት መግለጫ  ሐምሌ 18/2018 ዓ.ም ደግሞ የአመራር መዋቅሩን ይፋ ማድረጉ ይታወቃል። አንድነት ለምርጫ የማይቀርብ ጉዳይ መሆኑን የተረዳው መላ ሰራዊታችንና አመራራችን ከአንድ ወር በላይ በፈጀ ምክክር እና ውይይት ለደጋፊዎቹና ለህዝባችን ይፋ  አድርጓል። ነገር ግን አንዳንድ ፀረ አንድነት ግለሰቦች በሚፈጥሩት ኃላፊነት የጎደለው አካሄድ ዕልፍ ዋጋ የከፈለውን ታጋይ ግራ በማጋባት ተጠምደው ሰንብተዋል። ይህን ፀረ አንድነት አካሄድ በውል የተረዳው ሰራዊታችንና አመራራችን ወደ ትልቁ አንድነት ቤታቸው ተመልሰዋል።በመሆኑም ዳግማዊ ቴዎድሮስ 5ኛ ኮር አፄ ኢያሱ ክፍለ ጦር አመራሮች ሙሉ አሀዳቸውን በመያዝ አንድነቱን ተቀላቅለዋል። በዚህ መሰረት መላ ሰራዊታቸውን ወክለው መግለጫ የሰጡ አመራሮች :- 1ኛ.አርበኛ  ጌትነት አለባቸው== ዳግማዊ ቴዎድሮስ 5ኛ ኮር አፄ ኢያሱ ክፍለ ጦር ሰብሳቢ 2ኛ.አርበኛ ጌታቸው መኩሪያ == ዳግማዊ ቴዎድሮስ 5ኛ ኮር  የአፄ ኢያሱ ክፍለ ጦር ምክትል ሰብሳቢ 3ኛ.አርበኛ ጌታዬ እሱባለው==ዳግማዊ ቴዎድሮስ 5ኛ ኮር  ሁለተኛ  ሬጂመንት ሰብሳቢ 4ኛ.አርበኛ በላያ ጌቴ==ዳግማዊ ቴዎድሮስ 5ኛ ኮር ሁለተኛ ሬጂመንት ምክትል ሰብሳቢ ህልውናችን በተባበረ ክንዳችን! አፋብን ጎንደር ጠቅላይ ግዛት በላይ ዕዝ ህዝብ ግንኙነት መምሪያ !
02 أغسطس, 11:21

በማጀቴ ቀጠና በተካሄደ ህዝባዊ ውይይት የቀበሌዎች መዋቅራዊ ማሻሻያ ተደረገ!! ሐምሌ 26/2018 ዓ.ም በሸዋ ጠቅላይ ግዛት አሳምነው ዕዝ በይፋትና ጥሙጋ አውራጃ ማጀቴ ቀጠና የስራ ስምሪት የተሰጣቸው ከፍተኛ አመራሮች፣ ከአጼ ዘርያዕቆብ ፩ኛ ኮር እና ከአጼ ይኩኖ አምላክ ክፍለ ጦር አመራሮች ጋር በመቀናጀት በማጀቴ ቀጠና በሚገኙ ሶስት ቀበሌዎች ላይ ሰፊ ህዝባዊ ውይይት በማድረግ የቀበሌዎች መዋቅራዊ ማሻሻያ ማድረጉን የኮሩ ሕዝብ ግንኙነት ገለፀ። እንደ ኮሩ ሕዝብ ግንኙነት ገለፃ፤ ይህ የመዋቅር ማሻሻያና የህዝብ ውይይት መድረክ የተካሄደው በአግላ ማጀቴ፣ በአንቃር ኮበኮብ እና በማጀቴ 01 ቀበሌዎች ውስጥ ሲሆን፤ የህዝቡን ተሳትፎና ውሳኔ ማዕከል ባደረገ መልኩ በስኬት መጠናቀቁን አክሎ ገልጿል። በመድረኩ ላይ በሸዋ ጠቅላይ ግዛት አሳምነው ዕዝ ከፍተኛ አመራሮች አማካይነት ስለ ትግሉ ወቅታዊ ቁመና ሰፊና ዝርዝር ማብራሪያ የተሰጠ ሲሆን፣ ህዝቡም ጥያቄዎቹንና ሀሳቦቹን በነጻነት አፀባርቋል። ይሕ የተደረገው አዲስ የድርጅታዊ መዋቅር ማሻሻያ በአካባቢው አስተዳደራዊ አገልግሎቶችን የበለጠ ለማፋጠን፣ የአካባቢውን ሰላምና ደህንነት ለማጠናከር እንዲሁም ከህዝቡ ጋር ያለውን ቀጥተኛ ግንኙነት ወደተሻለ ደረጃ ለማሸጋገር ያለመ መሆኑ ተብራርቷል። የየቀበሌው ነዋሪዎች በበኩላቸው በተካሄደው ውይይትና በተደረገው የአመራር ምርጫ ላይ ያላቸውን ደስታ ገልጸው፤ ከአዲሶቹ የቀበሌ አመራሮች ጋር በመተባበር ለአካባቢው ልማትና ሰላም እንዲሁም ትግሉን ለማፋጠን በትጋት እንደሚሰሩ አረጋግጠዋል። በሶስቱም ቀበሌዎች በህዝቡ ሙሉ ፍላጎትና ነጻ መራጭነት አዳዲስ የቀበሌ መዋቅር አመራሮች ተመርጠዋል። አዲስ የተመደቡት አመራሮችም ህዝቡንና አካባቢያቸውን በቅንነት፣ በታማኝነት፣ በፍትሃዊነትና በጽናት ለማገልገል በህዝቡ ፊት ቃለ መሃላ ፈጽመዋል። " ክብር ለትግሉ ሰማዕታት! " ህልውናችን በተባበረ ክንዳችን! የሸዋ ጠቅላይ ግዛት አሳምነው ዕዝ ህዝብ ግንኙነት መምሪያ
02 أغسطس, 10:14

photo content
+5
02 أغسطس, 10:14

photo content
+5
02 أغسطس, 10:11
02 أغسطس, ~10:11

የደጋው ንስር፦ የወታደራዊ ሳይንስና የስልት አርክቴክት ኮማንዶ ያለው አዱኛ! ​በእድሜ ለጋ በምድር ላይ እሳት፤ በስልት የበሰለ የቁርጥ ቀን አንበሳና የፅናት አርማ! የውጊያ ጥበብና የወታደራዊ ሳይንስ ሊቅነት ​ኮማንዶ ያለው አዱኛ በዘመናዊ የውጊያ ሜዳ ላይ የሚታየው በስሜት ወይም በዘልማድ ሳይሆን፣ በጠለቀ ወታደራዊ ሳይንስ (Military Science) በተቃኘ አመራር ነው የ9 ዓመታት የብረት እድሜ፦ በለጋ እድሜው በቀድሞው መከላከያ ሰራዊት ውስጥ ያሳለፋቸው ረጅም ዓመታት፣ የወታደራዊ ዲስፕሊንና የፅናት አጥር አድርገውታል። በሀገር ውስጥና በውጭ ሀገራት የተማራቸው ከፍተኛ ስልጠናዎች፣ ጦርን በጥበብ የመምራትና የማሸነፍ ምስጢርን አስጨብጠውታል።​የስልትና የቴክኖሎጂ ቅንጅት የወሰዳቸው አጫጭር የቴክኖሎጂ እና የወታደራዊ ኮርሶች የመረጃ፣ የፍጥነት እና የቴክኖሎጂ የበላይነትን በውጊያ ላይ በጥበብ እንዲተገብር አስችለውታል። ጠላትን በስልት በማስጨነቅና የውጊያ ሀይልን በትንሽ መስዋዕትነት ታላቅ ውጤት በማስመዝገብ ረገድ የዘመናዊ አዋጊነት ጥበብ መግለጫ ነው። በአፋብን ጎንደር ጠቅላይ ግዛት በላይ ዘለቀ ዕዝ በመሪነት ሚና ​በብቃቱ፣በስልታዊ እቅድ አውጪነቱ እና በተግባር በተረጋገጠ ወኔነት ይበል የሚያስብል ነው! ​የዘመቻ አርክቴክት (Operational Architect)፦ ውጊያን ከጅምሩ እስከ ፍፃሜው በፅኑ እቅድ የሚያንጽ፣ የጠላትን ሰንሰለት አስቀድሞ በማንበብ አቅጣጫ የሚያስቀይር፣ እና በሚመራው ሰራዊት ውስጥ የሞራልና የፅናት እሳት የሚይዝ መሪ ነው። የተዋጊና የአዋጊ ቅንጅት፦ ጦርን ከኋላ ሆኖ ብቻ የሚያዝ ሳይሆን፣ የውጊያው ሁኔታ ሲጠይቅ ከፊት መስመር የሚሰለፍ፣ መሪነቱና ተዋጊነቱ የተጣመሩበት የቁርጥ ቀን ጋሻ ነው። ታማኝነት፣ የጽናት ታሪክ እና የከፈለው ዋጋ ​ጀግንነት የሚለካው በውጊያ ሜዳ ብቻ ሳይሆን፣ ለቆሙለት አላማ በሚሰጡት ታማኝነት እና በሚከፍሉት መስዋዕትነት ጭምር እንጅ! ​ከጀግናው የአማራ ልጅ ፋኖ አርማ ከሆነው ከአሳምነው ጎን የወጣትነት እድሜውን ታማኝ አጃቢና የፅናት ምልክት ሆኖ ያሳለፈ፣ የእምነትና የጽናት ትርጉም ምን እንደሆነ በተግባር ያሳየ ወጣት ጦረኛ ነው። በመከራ የታሸ የፅናት ውጤት፦ ገና በወጣትነት እድሜው የተቀበለው እንግልትና ያሳለፈው መከራ አልበገረውም፤ ይልቁንም እንደ ብረት አጋለው ለወገኑ ህልውናና ነፃነት በፅናት የሚቆም ብረት የመሰለ ክንድ አደረገው። የነፃነትና የተስፋ አርማ ወጣት ኮማንዶ ያለው አዱኛ ለወገኑ መከታ፣ ለጠላቶቹ ደግሞ እንቅልፍ የሚነሳ የትግል አንበሳ ነው። በለጋ እድሜው የጀመረው ተጋድሎ ለቆመለት ህዝብና አላማ ሙሉ ነፃነትና ፍትህ እስኪረጋገጥ ድረስ የሚቀጥል የፅናት ጉዞ ነው! በእውቀት የታጠቀ አዋጊ—በወኔ የተሞላ ተዋጊ፣ ለሀገሩና ለወገኑ የቆመ የቁርጥ ቀን የቴዎድሮስ አንበሳ የበላይ ጀግንነት የተላበሰው አንበሳ! እድሜና ጤና ይስጥህ፤ የቆምክለት ዓላማ ለድል ያብቃህ! ሻሎም ለሃገሩ ዘማች! #Dave #Amhara
02 أغسطس, 09:45

02 أغسطس, 09:45

በቅርቡ አማራነት ውብት ብቻ ሳይሆን ጀግንነት ጭምር ነው በሚለው የሚገራርሙ ስራዎችን ይዘን እንመጣለን ይወዳጁን!! https://www.facebook.com/share/185EWPxuje/ https://t.me/httpsuYkZrGfSZrNjNjFk
02 أغسطس, 08:12

እረፍት የለሹ ክፍለ ጦር ዛሬም በድልና በልዩ ዝግጅት ተገልጿል።         ሀምሌ 25/2018 ዓ.ም አፋብን ቴዎድሮስ ዕዝ 105ኛ ኮር 44ኛ ክፍለ ጦር: የአማራ ፋኖ ህዝባዊ ሃይል ተመስርቶ በመላዉ የአማራ ክልል ጦርነት በታወጀበት 3ኛ አመት የድል ቀን፣ የብልፅግና ስርዓት ለመጨረሻ ተወግዶ የአማራ ህዝብ ህልዉና የሚረጋገጥበት፣ ለመላዉ ኢትዮጵያዉያን ሰላም፣ ፍትህና ነፃነት የሚያሰፍን ስርዓተ መንግስት ለመመስረት የመጨረሻዋ ፉሽካ በሁለት ሰሜናዊ ግንባር በተነፋበት ዛሬ ሀምሌ 25/2018 ዓ.ም አፋብን ቴዎድሮስ ዕዝ 105ኛ ኮር 44ኛ ክፍለ ጦር ከሻለቃ ሶስት ጋር ልዩ የተሃድሶ ዝግጅት አድርጓል። ጀብደኛዉ 44ኛ ክፍለ ጦር ወታደራዊ ዝግጅቱን በጎን እያካሔደ በሌላ በኩል ደግሞ ፋኖን ለመምታት ደፈጣ የያዙ ሁለት የጠላት ሀይልን ቲሊሊ ከተማ አቅራቢያ በመማረክ ድል ተጎናፅፏል። አይነኬ መሆኑን እያስመሰከረ የቀጠለዉ የቀጠናዉ ልዕለ ሀያል ክፍለ ጦር ቀጣይ ለየት ያሉ ጀብዱዎችን ለመስራት በብልፅግና ትኩስ መቃብር ላይ ቁሞ በልዩ ድምቀት የሻለቃ ሶስት ተሃድሶ ፕሮግራምን አካሂዷል። ድርጅታችን አፋብን ያለሰለሰ አለማቀፋዊና ቀጠናዊ ግንኙነቶች በትኩረት እያካሄደ፤ ስነ መንግስትንነት በክብር ለመረከብ ሌት ቀን እየሰራ ወደ ቀጣይ ምዕራፍ እየተሸጋገረ ባለበት በዚህ ልዩ ሰሃት ነበልባሉ ክፍለ ጦርም በልዩ የስነልቦና እና ወታደራዊ ዝግጁነት ማረጋገጡን ቀጥሏል። አፋብን ቴዎድሮስ ዕዝ 105ኛ ኮር 44ኛ ክፍለ ጦር ህዝብ ግንኙነት፡
02 أغسطس, 07:11

photo content
+4
02 أغسطس, 07:11

በላስታ ወረዳ ከገለሶት(07) ቀበሌ እና ከእርፋ (08) ቀበሌ ማህበረሰብ ጋር የአማራን የህልውና ትግል አጠናክሮ ለማስቀጠል ያለመ ህዝባዊ ውይይት ተካሄደ! ​በአማራ ክልል እየተካሄደ ያለውን የህልውና ትግል ይበልጥ ለማጠናከር እና የትግሉን ህዝባዊ መሰረት ይበልጥ ለማስፋት ያለመ ሰፊ ህዝባዊ ውይይት በላስታ ወረዳ ከገለሶት(07)ቀበሌ  ማህበረሰብ ጋር ተካሂዷል። ​በዚህ ወሳኝ የንቅናቄና የውይይት መድረክ ላይ የትግሉ ከፍተኛ ወታደራዊ እና የሲቪል አመራሮች የተገኙ ሲሆን፤ ​በዚህም አርበኛ አሰፋ መለሰ — የምኒልክ ዕዝ አደረጃጀት መምሪያ ኃላፊ ፣አርበኛ ኢንጅነር አራጋዉ ያለዉ — የምኒልክ ዕዝ እቅድ ዝግጅትና ግምገማ መምሪያ ኃላፊ ፣የ303ኛ አሳምነዉ ኮር ከፍተኛ አመራሮች ፣የ19ኛ (እሽት) ክፍለ ጦር አመራሮች፣ እንዲሁም የላስታ ወረዳ ጊዚያዊ አስተዳደር ሲቪል መዋቅር አመራሮች ተሳትፈዋል። ​በመድረኩ ላይ በተደረገው ውይይት፤ የአማራን ህዝብ ህልውናና ክብር ለማስጠበቅ በሚደረገው ትግል ውስጥ ማህበረሰቡ ለሰራዊቱ እያደረገ ያለውን ደጀንነትና ያልተቋረጠ ድጋፍ ይበልጥ አጠናክሮ ሊቀጥል እንደሚገባ በሰፊው ተመክሮበታል። ወታደራዊና የሲቪል አመራሮቹ በበኩላቸው፤ ሰራዊቱ ከህዝቡ ጋር ያለውን የማይበጠስ ትስስር በማጠናከር የትግሉን የመጨረሻ ግብ ለማሳካት በከፍተኛ ሞራል ቆርጦ መነሳቱን አብራርተዋል። ​በውይይቱ የተሳተፉት የገለሶት ማህበረሰብ አባላት በበኩላቸው፤ "ትግሉ የሁላችንም የህልውና ትግል ነው" በማለት፣ ከሰራዊቱ ጎን በፅናት በመቆም ስንቅ ከማቅረብና ሎጂስቲክስ ከመደገፍ ጀምሮ ለትግሉ  የሚያደርጉትን ሁለንተናዊ አስተዋፅኦ አጠናክረው እንደሚቀጥሉ ቁርጠኝነታቸውን አረጋግጠዋል። ​ይህ አይነቱ ህዝባዊ መድረክ በትጥቅ ትግሉ፣ በጊዜያዊ አስተዳደሩ እና በማህበረሰቡ መካከል ያለውን መግባባት ከማሳደጉም ባሻገር፤ የህዝቡን አንድነት በማፅናት ለትግሉ ስኬት ትልቅ አቅም እንደሚፈጥር ተጠቁሟል። መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል!!     ህልውናችን በተባበረ ክንዳችን! አፋብን ወሎ ቤተ አማራ ምኒልክ ዕዝ ሚዲያና ኮሙኒኬሽን መምሪያ!!          ሐምሌ:- 26/ 2018 ዓ/ም
02 أغسطس, 07:10

photo content
+2
02 أغسطس, 07:09

#አሳዛኝ_ዜና ❗❗ በንፁሃን ዜጎች እና በዕድሜ ጠገብ አባት እናቶች ላይ የሚደርስ ማንኛውም ዓይነት እንግልት መከራ ስቃይ እና የህይወት ህልፈት እጅግ የሚያዝን ልብ የሚሰብር ነው። ሰላማዊ ሁነው በዕ
#አሳዛኝ_ዜና ❗❗ በንፁሃን ዜጎች እና በዕድሜ ጠገብ አባት እናቶች ላይ የሚደርስ ማንኛውም ዓይነት እንግልት መከራ ስቃይ እና የህይወት ህልፈት እጅግ የሚያዝን ልብ የሚሰብር ነው። ሰላማዊ ሁነው በዕድሜ የገፉ ታላላቅ ሰዎች ላይ የሚፈፀም ጥቃትና ግፍ በማንኛውም አካል ቢፈፀም ሰብዓዊነትን የሚፃረርና ተቀባይነት የሌለው ነው። ​እንደነዚህ ያሉ አሳዛኝ ዜናዎችን መስማት እና ምስሎችን ማየት ምን ያህል ልብ እንደሚነካ እንደሚያሳዝን ይታወቃል ።ተወልደው ባደጉበት ሀገር በራሳቸው ቅየ ተደብድበው የሚገደሉ ወጣቶች ብዙ ናቸው ከቀን ወደ ቀን እየባሰ የመጣው ይህ ስርዓት ወጣቱን እና እድሚያቸው የገፉትን ከማንምና ከምንም ነገር ነፃ ሁነው በሰላም የሚኖሩትን አማሮች በግፍ እየደበደበና እየረሸነ መጣሉን ቀጥሎበታል። በጎንቻ ሲሶ እነሴ ጠጅ ባህር ቀበሌ ውስጥ የሚኖሩ እኒህ የ65 ዓመት እድሜ የሆኑት አባት በአማራነታቸው ብቻ በአገዛዙ ቅጥረኛ በጭካኔ በጥይት ተደብድበው ህይዎታቸው አልፏል። ነፍስ ይማር 😢
02 أغسطس, 07:09