ፍኖተ-አማራ ሚዲያ (Finote Amhara Media)
الذهاب إلى القناة على Telegram
የተመሠረተው የአማራን ሕዝብ ለማንቃት፣ ለማደራጀት እና ለማስተባበር ነው። የአስተያየት መቀበያ @strive121234 የአማራ ሕዝብን ✅ ፖለቲካዊ ✅ ማህበራዊ ✅ ኢኮኖሚያዊ ታሪካዊ ጥያቄዎችን ለማሰማት እና የአማራን ሕዝብ በማንቃት ሰፊውን ሕዝብ ተጠቃሚነት ለማረጋገጥ ይሰራል። ወደዱም ጠሉም የኃላ ታሪካችን በእኛ እጅ ይፃፋል። አማራ ፋኖ ብሔራዊ ንቅናቄ ( አፋብን)
إظهار المزيد4 408
المشتركون
-1724 ساعات
-527 أيام
+5630 أيام
أرشيف المشاركات
ከአማራ ፋኖ ብሔራዊ ንቅናቄ (አፋብን) ምኒልክ ዕዝ 16ኛ ኮር(የቀድሞው የደጋው መብረቅ ኮር)
ሰብሳቢ ሀብቴ አባቡ የተሰጠ የ2019 ዓ.ም የአዲስ ዓመት የመልካም ምኞት መግለጫ!
* የተከበራችሁ የኢትዮጵያ ህዝቦች
* የተከበራችሁ የአማራ ፋኖ ብሄራዊ ንቅናቄ (አፋብን) በአራቱም ማዕዘን የምትገኙ አመራሮች
* የተከበራችሁ የአማራ ፋኖ ብሄራዊ ንቅናቄ (አፋብን) በአራቱም አቅጣጫ ለምትገኙ አርበኞች
እንኳን ከ2018 አ ም ወደ 2019 አ ም አድስ አመት በሰላም አሸጋገራችሁ! አድሱ አመት የሰላም የጤናና የድል አመት እንድሆንልን እንመኛለን።
እንደሚታወቀው አገዛዙ በተለየ ሁኔታ በአማራ ህዝብ ላይ የከፈተውን ዘር የማጥፋት ዘመቻ አውጆ የበርካታ ወገኖቻችንን ህይወት የቀጠፈና አዛውንትን ያለጧሪ ህፃናትን ያለ አሳዳጊ አስቀርቷል።
በመሆኑም የአማራ ፋኖ ብሄራዊ ንቅናቄ(አፋብን) ይህንን አሰቃቂ ግፍና መከራ በመቃወም ትግል ከጀመረበት ጊዜ ጀምሮ በርካታ ውጣ ወረዶችን በማሳለፍ በፅናትና በቁርጠኝነት የህዝባችንን የህልውና አደጋ በመቀልበስ ህዝባችን የሰላም አየር እንድተነፍስ አሁን ከደረስንበት ደረጃ ላይ ደርሰናል።
ነውር ጌጡ፣የሰው ደም መጣጩና የሰው ህይወት ግብሩ የሆነው የብልፅግና አገዛዝ አሁንም የምስኪኑን ማህበረሰብ ልጅ በግዳጅ በመመልመል ወደ ጦር ሜዳ እየማገደው ይገኛል።
በእግረኛ አልሳካለት ሲል በታንክና በመድፍ እንድሁም በጀትና በድሮን በአማራ ህዝብ ላይ ያላደረሰው ግፍና መከራ የለም።ይሁን እንጅ ይህንን ግፍና መከራ ከመመከት አልፎ በጦር ሜዳ አገዛዙን አንገት ማስደፋት ተችሏል።
የአማራ ፋኖ ብሄራዊ ንቅናቄ ባካሄዳቸው አውደ ውጊያዎች ጥበብ በተሞላበት የጥላትን ቅስም በመስበር በርካታ ድሎችን አግኝተናል። በቅርቡ እንኳን በዋድላ ደላንታ ዳውንት ቀጠና በተካሄደው አውደ ውጊያ የአገዛዙን 71ኛ ክ/ጦር ሰራዊት ሙሉ በሙሉ በመደምሰስ በተሰራው አኩሪ ጀብድ የተሰማን ደስታ ጥልቅ ነው ።
ይህንን አኩሪ ድል በመናበብ ያገኘነው በመሆኑ የነፍሰ በላው ስርዓት የሚወገድበት በአንድነትና በመተባበር በመሆኑ በመከባበርና መናበብ በአንድነት ልንሰራ የሚገባ መሆኑን መረዳት ያስፈልጋል።
የተከበራችሁ የሀገሬ ህዝቦች ይህንን ገዳይና አስገዳይ ሴረኛ ስርዓት በመገርሰስ የህዝባችንን ሰላም በማረጋገጥ የአምባ ገነኑ ስርአት የሚያበቃበት ወሳኝ ምእራፍ ላይ እንገኛለን።ስለሆነም ሁሉም ነፃነትን የሚሻ ህዝብ ሁሉ በአገዛዙ ላይ የሚቻለውን ጠጠር ይወረውር ዘንድ መልክታችንን እናስተላልፋለን።
አድሱ አመት ለሀገራችን የሰላምና የነፃነት ዘመን እንድሆንላችሁ ልባዊ ምኞቴን መግለፅ እፈልጋለሁ!
#ድል ለአማራ ህዝብ!
#ድል ለሰፊው ህዝብ
#ክብርና ሞገስ ለተሰው ሰማእታት
አፋብን 1ኛ ምኒልክ ዕዝ የ16ኛ ኮር ሰብሳቢ ሀብቴ አባቡ!!
መስከረም 1/1/2019 አ ም
እውነተኛ ወንድምህን የምታገኘው ከግንባር ላይ ብቻ ነው የሚመስለኝ!!
እውነት ለመናገር በዚህ የአማራ ትግል ውስጥ ካሳለፍኳቸው እልህ አስጨራሽ የትግል እንቅስቃሴዎች ማወቅ የቻልኩት አንድ ታላቅ እውነት አለ፤ እውነተኛ ወንድምህን፣ ታማኝ ወዳጅህንና አብሮህ የሚሰዋውን አጋርህን የምታገኘው ከግንባር ላይ ብቻ ነው። እዚያ በመከራና በጭስ መካከል፣ በህይወትና በሞት የጫፍ ወሰን ላይ አብሮህ የሚቆመው ወንድምህ በደምና በዓላማ የተሳሰረ እውነተኛ ወንድምህ ነው።
ሆኖም በዚህ የአማራ ነፃነት ትግሌ ውስጥ ብዙ ሆዳም አማራዎች እና አረመኔያዊው የብልፅግና ስርዓት እጅጉን ፈትነውኛል።
በአንድ በኩል የወገን ጠላት የሆነው ስርዓት አረመኔያዊ ግፉንና ጥቃቱን ሲያፋጥንብን፣ በሌላ በኩል ደግሞ ለጥቅምና ለሆዳቸው ያደሩ የገዛ ወገኖቻችን ከጀርባችን ይሰኩናል፤ ፍግም አድርገው ለጠላት አሳልፈው ይሰጡናል። የትግሉ ተፈታታኝነት ያለው እዚያው ውጊያው ላይ ብቻ ሳይሆን፣ ከውስጥ በሚወጉህ ከሃዲዎች ጭምር በመሆኑ መከራውን በእጥፍ ያከብደዋል።
እሱ ብቻ አይደለም፤ የእኔ ህይወት በዚህ የአማራ ህዝብ የነፃነት ትግል ውስጥ ከግብፅ እስከ አሜሪካ፣ ከአሜሪካ እስከ ሳውዲ አረቢያ ድረስ በውሸት ሰንሰለት እኔን በማላውቃቸው ሰዎች ለማስገደድ ገንዘብ ከፍለውብኝ አልፈዋል። የትግሉ ውጫዊና ውስጣዊ ሴራ ሀገር ውስጥ ብቻ አልተወሰነም። ድንበር ተሻግሮ፣ እስከ ተለያዩ የዓለም ሀገራት የተዘረጋው የሴራና የውሸት መረብ፣ እኔን ለማስገደድና አቅጣጫ ለማስሳት ከፍተኛ ገንዘብ የወጣበት ትልቅ ደብቅ ደብዳቤ ነበረ።
በተለይም እነዚህ ሰዎች ህዝቡንና የትግሉን አቅጣጫ ለማስሳት የአማራ ፋኖ ጀግኖችን በመሳደብ እና የሐሰት አጀንዳዎችን በመስጠት ብቻ የተጠመዱ ናቸው። ከስተጀርባ ሆነው ሴራቸውን ከማንደዳቸውም በላይ፣ እውነተኛ ማንነታቸውንና ማን እንደሆኑ ለማወቅ እጅጉን ያስቸግራል። በተሸሸገ ጭንብል ስር ሆነው የጀግኖችን ስም ማደፍረስና ትግሉን ማስተጓጎል ዋና ስራቸው አድርገውታል።
ብቻ ሁሉም ነገሮች እንደ ክረምት ዝናብ ተፈራርቀውብኛል። ያ ሁሉ ግፍ፣ ሴራና ውሸት የወረደብኝ ባለፈው ዓመት ነበር፤ እያንዳንዱን የጠላትና የከሃዲዎች በደል እንደ ጽናት መገንቢያ ተቀብዬ አሳልፌዋለሁ። አሁን ግን አዲስ ዓመት ነው፤ የመከራውና የትዕግስቱ ጊዜ አብቅቷል። ባለፈው ዓመት የእነሱ ተራ የነበረውን ያህል፣ አሁን በዚህ አዲሱ ዓመት ግን ተራው የእኔ ነው። የደረሰብኝን መከራ ወደ ጥንካሬ፣ የተቀናጀብኝን ሴራ ደግሞ ወደ ማሸነፊያ ስልት ቀይሬ የምነሳበት፣ አጥቂዎቼን፣ ከሃዲዎችንና በውሸት አጀንዳ አታላዮችን በእውነቱና በትግሉ ኃይል የየምመጣበት አዲስ ምዕራፍ አዲስ አመት ይሆናል ።
አፋብን በላይ ዘለቀ 3ኛ ዕዝ 202ኛ ኮር በጌምድር ክፍለ ጦር ለወራት የወሰዱትን ስልጠና ያጠናቀቁ ልዩ ኮማንዶዎችን አስመረቀ!
መስከረም 01/2019 ዓ.ም
የአፋብን በላይ ዘለቀ 3ኛ ዕዝ 202ኛ ኮር በጌምድር ክፍለ ጦር በታላቅ ጽናት፣ ውጣ ውረድ እና የማይናወጥ ወታደራዊ ወኔ የተሞላውን የወራት ስልጠና ፍጻሜ ያጠናቀቁ ዕንቁ ልዩ ኮማንዶዎችን በአዲስ ዓመት መግቢያ ዕለት ጳጉሜ 05/2018 ዓ.ም በደማቅ ሥነ ሥርዓት አስመርቋል።
ምሩቅ የልዩ ኮማንዶ አባላቱ የአማራን ህዝብ ህልውና ለማስቀጠል በሚደረገው እንቅስቃሴ ውስጥ በሚቃጠለው የፀሐይ ሐሩር፣በሚጋረፈው ብርዳማ ነፋስ፣ ዝናብ እና አሸዋማው ወዠብ ውስጥ አልፈው አካላቸውን እንደ ብረት በማጠንከርና መንፈሳቸውን በማሸነፍ ስልጠናቸውን በላቀ ብቃት አጠናቀዋል።
ጠንካራ ብረት በእሳት ውስጥ እንደሚወጣ ሁሉ ውጣ ውረዱና ፈተናው የበለጠ የተሳለ ወታደራዊ ዝግጅት እንዲኖራቸው ያደረገ ሲሆን ፣ ማንኛውንም አይነት የተፈጥሮ እና የሜዳ ላይ ፈተናዎችን ተቋቁመው የተሰጣቸውን ግዴታ በከፍተኛ ብቃትና ታማኝነት ለመወጣት ሙሉ በሙሉ ዝግጁ መሆናቸው አረጋግጠዋል።
በአስቸጋሪ የአየር ንብረት ፀባይ ውስጥ ሆነውና በየዕለቱ ከጠላት ጋር ትንቅንቅ ውስጥ በመግባት አስፈላጊውን መሰረታዊ ወታደራዊና ፖለቲካዊ ትምህርቶች የተከታተሉት እኒህ አባላት፣ አፋብን በላይ ዘለቀ 3ኛ ዕዝ 202ኛ ኮር በጌምድር ክፍለ ጦር በአዲሱ ዓመት ዋዜማ ለአማራ ህዝብ የህልውና ትግል በስጦታነት አበርክቷል።
በሥነ ሥርዓቱ ላይ የአፋብን አባት አርበኞች ምክር ቤት አባል አርበኛ ሸርብ አቸነፍ ፣ የአፋብን ሎጅስቲክስ መምሪያ ኃላፊ አርበኛ ኤርሚያስ፣ አፋብን በላይ ዘለቀ 3ኛ ዕዝ ዋና ወታደራዊ አዛዥ አርበኛ ደረጀ በላይ፣አፋብን በላይ ዘለቀ 3ኛ ዕዝ ወታደራዊ አማካሪ ኮሎኔል አበራ አዛናው ፣ አፋብን በላይ ዘለቀ 3ኛ ዕዝ ምክትል ሰብሳቢ ለፖለቲካ ጉዳዮች ኃላፊ አርበኛ ኪሩቤል ጎቤ ፣ አፋብን በላይ ዘለቀ 3ኛ ዕዝ ማህበራዊ ጉዳይ መምሪያ ኃላፊ አርበኛ ብዙአየሁ ወንድምነው እና ሌሎች የኮርና የክፍለ ጦር አመራሮች ተገኝተዋል።
መሰልጠንና መታጠቅ የውትድርና መሰረታዊ አቅም ቢሆንም፣ ይህንን ልዩ ኮማንዶ ኃይል ልዩ የሚያደርገው የሕዝብ ወገንተኝነትና የአንድነት ማጽኛ መርሆዎችን አጥብቆ መያዙ እንደሆነ በስነ-ስርዓቱ ላይ ተብራርቷል።
በመጨረሻም አመራሮቹ አዲሱ የ2019 ዓ.ም የድል፣ የጽናትና የአሸናፊነት ዘመን እንዲሆን በመመኘት ሲሉ መልክታቸውን አስተላልፈዋል።
ህልውናችን በተባበረ ክንዳችን!
መልካም አዲስ ዓመት !
አፋብን በላይ ዘለቀ 3ኛ ዕዝ ህዝብ ግንኙነት መምሪያ
እንኳን ለ2019 ዓ/ም አዲስ ዓመት (እንቁጣጣሽ) በሰላም አደረሳችሁ!
ለአፋብን ከፍተኛ አመራሮች፣ በየደረጃው ላላችሁ የዕዝ፣ የኮር፣ የክፍለ ጦር፣ የሻለቃ አመራሮች እና ለመላው የፋኖ ሰራዊት፤ ለትግላችን ደጋፊዎች፣ ኢትዮጵያውያንና ትውልደ-ኢትዮጵያውያን፣ እንዲሁም በአረመኔው የአብይ አህመድ አገዛዝ የግፍ የድሮን ጭፍጨፋ፣ የጅምላ ግድያና መከራ ውስጥ ለምትገኘው የአማራ ሕዝብ በሙሉ፤ እንኳን ለ2019 ዓ.ም አዲስ ዓመት በሰላም አደረሳችሁ።
አዲስ ዓመት የባርነትና የጭቆና ዘመን አልፎ የነፃነት፣ የአዲስ ተስፋና የድል ብርሃን የሚበስርበት ታላቅ ወቅት ነው። ዛሬም እኛ የአማራ ፋኖዎች፤ ሕዝባችንን በገዛ ምድሩ ከተጫነበት የባርነት ቀንበርና የጭቆና ሰንሰለት ነፃ ለማውጣት፣ የተጨቆነውን ሕዝባችንን አዲስ ብሩህ ዘመን ለማሳየት "ዱር ቤቴ" ብለናል።
ይህ በዓል ለእኛ ለፋኖዎች ተራ በዓል ብቻ ሳይሆን፤ በመከራ ውስጥ ለሚገኘው ሕዝባችን የነፃነት አዲስ ዘመን ቅርብ መሆኑን የምናረጋግጥበት የጽናታችን ምንጭ ነው።
ሆኖም ይህን አዲስ ዓመት ስናከብር፤ ለአማራ ሕዝብ ሲሉ ውድ ሕይወታቸውን መስዋዕት ላደረጉ የአማራ የቁርጥ ቀን ጀግኖቻችን፣ እንዲሁም በማንነታቸውና አማራ በመሆናቸው ብቻ በአረመኔው መንግሥት የመከራ እስር ቤት ውስጥ የሚገኙ ወገኖቻችንን በታላቅ አክብሮት እያሰብን ነው። በመከራ እሳት ውስጥ አልፎ የሕዝቡን ክብርና ማንነት እያደሰ የሚገኘው የፋኖ ትግል፤ አማራነት በጠላቶቹ እጅ እንዳይረክስ በቆራጥነት የሚጠብቅ የሕዝባችን የጋራ ጽናት መገለጫ ነው።
በአሁኑ ወቅት በአማራ ሕዝብ ላይ በአረመኔው የአብይ አህመድ አገዛዝ የሚፈጸመው አሰቃቂ የድሮን ድብደባ፣ ግልጽ ሴራ፣ ግፍና መከራ፤ በተጀመረው የህልውና ትግል ልክ እንደ ባለፈው ዘመን ጨለማ አልፎ በአዲሱ ዘመን ብርሃን ለአንዴና ለመጨረሻ ጊዜ እንደሚወገድ በሙሉ ተስፋና ጽናት እገልጻለሁ።
ወርቅ በእሳት ተፈትኖ እንደሚጠራ ሁሉ፤ የትግላችን ጉዞ የጠላትን መሰናክልና ተንኮል ሁሉ በቆራጥነት እያለፈ የሚገኝ የድል ጎዳና በመሆኑ፣ እውነትን ይዞ የተነሳው የፋኖ አንድነት ፍጻሜው በቆራጥነትና በድል እንደሚደመደም በተግባር እናረጋግጣለን።
እንደነ አብይ አህመድ እና አረጋ ከበደ ያሉ "ሕዝቤን ጨርሱልኝ" የሚል ሰይጣናዊ ፊርማ በአማራ ሕዝብ ላይ ያኖሩ አካላትን የባርነት ቀንበር ሰባብረን፣ የነፃነት አክሊልን የምንጨብጥበት የመጨረሻ ምዕራፍ ላይ ደርሰናል። እኔና የትግል ጓዶቼ በአዲሱ ዓመት የምትወጣዋን ታላቅ የነፃነት ፀሐይና የሕዝባችንን እፎይታ ግምት ውስጥ በማስገባት፤ ቤታችንን ትተን "ዱር ቤቴ" በማለት ጠላትን በየግንባሩ አይቀጡ ቅጣት እየቀጣን እንገኛለን።
በመሆኑም፤ ይህ አዲስ ዓመት የድል፣ የሰላምና የፍቅር እንዲሆንላችሁ ከልብ እየተመኘሁ፤ በተመሳሳይ ሁኔታ በአማራ ፋኖ የትግል መስመር ውስጥ ለምትገኙ በሙሉ፣ አረመኔው የአብይ ዙፋን አስጠባቂ ሰራዊት የተለመደ የዘረፋ፣ የጥፋት ግድያ፣ የስርቆት፣ የውዥንብርና የእገታ ተግባር ሊፈጽም ስለሚችል፤ በዓሉን ስናከብር በፍጹም ሳንዘናጋ ሕዝባችንን ከነፍሰ-በላው ቡድን የመጠበቅ ተግባራችንን በንቃት እንድንወጣ በአጽንኦት አሳስባለሁ።
በድጋሚ
በድጋሜ መልካም አዲስ ዓመት!ፋኖ በቃሉ ካሴ
የአፋብን ቴዎድሮስ 2ኛ ዕዝ 206ኛ ኮር ህግና ስነ-ስርዓት
መስከረም 01/01/2019 ዓም
እንኳን ለ2019 ዓ.ም. በጽናት አደረሳችሁ፣ አደረሰን!
የአማራ ሕዝብ መዋቅራዊ ጭቆና በርትቶበት፣ ሁለገብ የዘር ፍጅት ታውጆበትና ይህን ሰቆቃ የሚከስበት የፍትሕ ተቋም ተነፍጎት፤ ለሀገር አንድነትና ለአብሮነት ሲል ብቻ መከራውን ለዘመናት በዝምታ ተሸክሞ ቆይቷል።
በየአደባባዩም «አትግደሉን፤ እንደ ሰው እንኑር!» እያለ የሰላም ጥሪ ሲያሰማ ኖሯል። ነገር ግን የሕዝባችንን ታሪክና ትርክት በማዛባት በአማራ ሞት ላይ የፖለቲካ ቁማር የቆመሩ፣ ሀገር የማስተዳደር አደራ ተሰጥቷቸው ሀገርን በማፍረስ የመንደር ምስለኔ መሆንን የመረጡ የጎጥ አለቆች ያደረሱብንን ግፍ መሸከም አብቅቷል።
የሕዝባችንን ክብር ለመመለስ፣ የትውልዳችንን የመከራ ዶሴ ለመቀደድ እንዲሁም ከሕዝባችን ጋር በመቆም ስቃዩን ለመካፈል የመከራውን ቀንበር ተሸክማችሁ በዱር በገደሉ የምትገኙ ውድ የትግል ጓዶቼ፣ የዳግማዊ አድዋ አርበኞችና የአባቶቻችንን ጀግንነት የወረሳችሁ የትውልዳችን ፋኖዎች፤ እንኳን ለ2019 ዓ.ም አዲስ ዓመት በድል እና በጽናት አደረሳችሁ!
የዘንድሮውን አዲስ ዓመት ለየት የሚያደርገው፣ የህልውና ትግላችን ወደላቀ ምዕራፍ የተሸጋገረበት፣ ተቋማዊ አንድነታችን የጸናበትና ወታደራዊ እንዲሁም ፖለቲካዊ መዋቅራችን ይበልጥ የጠነከረበት ሆኖ መምጣቱ ነው። ከዚህም ባለፈ ለሕዝባችን የተስፋ ብርሃን የሆኑ አማራዊ መሪዎች የተፈጠሩበትና ወታደራዊ አቅማችን በገቢር የታየበት ታሪካዊ ዘመን ላይ እንገኛለን። ከቅርብ ጊዜ አጋጣሚዎች ብንነሳ እንኳ፣ በ'ዘመቻ አባ ናደው' የተጎናጸፍናቸው ወታደራዊና ፖለቲካዊ ድሎች የጠላትን ቅስም የሰበሩ፣ የሕዝባችንን ልብ ያሞቁና ጠላትን የሚያንበረክክ ጀግና ሠራዊት መገንባቱን በተግባር ያረጋገጡ ናቸው።
በተለይም ጳጉሜን 3 ቀን 2018 ዓ.ም. በደላንታ ግንባር በተደረገው አውደ ውጊያ የተገኘው አንጸባራቂ ድል፣ ትግላችን የቀጠናው የኃይል ስበት ማዕከል መሆኑን ከማረጋገጡም ባሻገር፤ በምሥራቅ አፍሪካ ተገዳዳሪ የሆነ ፖለቲካዊና ማርሽ ቀያሪ ወታደራዊ ኃይል መገንባታችንን በግልጽ ያስመሰከረ ነው።
በዚህ ወሳኝ ምዕራፍ፣ ድርጅታችን አፋብን እና ዕዛችን (ሚኒልክ 1ኛ ዕዝ) የትግላችን የጀርባ አጥንት በመሆናቸው ከፊታችን ሰፋፊና ታሪካዊ ግዳጆች ይጠብቁናል። ይህንን በአጭር ጊዜ ለማሳካት እያንዳንዱ አመራር በዕቅድ የተለካ ተልዕኮ በመያዝ፤ ጠንካራ መሪ፣ ራሱን ለትግሉ የሰጠ አታጋይ እና ለሕዝቡ ቤዛ የሚሆን የነጻነት ችቦ ለኳሽ ፋኖን ማፍራት ይኖርበታል። ግባችን አማራዊ ክብርን የተላበሰና ድል አድራጊ ሠራዊት መገንባት፣ የዕዙን የትእዛዝ ሰንሰለት አጥብቆ መጠበቅ፣ ሕዝብን ማስቀደም እንዲሁም ፍትሕና ዴሞክራሲን የሚያሰፍን ፖለቲካዊና አስተዳደራዊ መዋቅር ዘርግቶ የሕዝባችንን ህልውና የሚያስጠብቅ ጠንካራ ተቋም መፍጠር ነው።
በአዲሱ ዓመት በአይነቱ የተለየ የትግል ሜዳ የምንከፍትበትና ተከታታይነት ያላቸውን ወታደራዊ ግዳጆች በድል የምንወጣበት ይሆናል። በዚህም ሂደት ለአማራውም ሆነ ለሀገራችን ብቁ የሆኑ፣ ለአላማቸው እስከመጨረሻው የጸኑና እንደ ወርቅ በእሳት የተፈተኑ ድል አብሳሪ ወታደራዊ መኮንኖችን እናበቃለን። ከዚህም ጋር ተያይዞ በአዲሱ ዓመት በአባቶቻችን ጥንታዊ የአርበኝነት አጠራርና በዘመናዊ ወታደራዊ የማዕረግ ስያሜዎች ደምቀው የሚወጡ በርካታ መሪዎችን እንደምናፈራ ሙሉ እምነት አለኝ።
ይህን ታሪካዊ የሕይወታችን ዑደትና የትግል ምዕራፍ እውን ለማድረግ፣ እኔን ጨምሮ ሁላችንም የማይተካ ታሪካዊ ሚናችንን በከፍተኛ ኃላፊነት እንድንወጣ አደራ እያልኩ፤ ትግላዊ ጥሪዬን አስተላልፋለሁ!
አርበኛ ወንድሙ ማሩ
የአፋብን ሚኒልክ 1ኛ ዕዝ ወታደራዊ አዛዥ
የአፄ ዳዊት ክፍለ ጦር ቃኝዎች በሬማ ከተማ በወሰዱት የሌሊት ኦፕሬሽን፣ ድል ማስመዝገባቸው ተገለፀ!!
መስከረም 01/2019ዓ.ም
መስከረም 01 ቀን 2019 ዓ.ም የአፋብን ሸዋ ጠቅላይ ግዛት አሳምነው 5ኛ ዕዝ አፄ ዓምደ ጽዮን ኮር አፄ ዳዊት ክፍለ ጦር "የክፍለ ጦሩ ቃኝዎች" በመርሀቤቴ አውራጃ ሬማ ከተማ የተሳካ ሰርጂካል ኦፕሬሽን አከናውነው ድል ማስመዝገባቸውን የኮሩ ሚዲያና ኮሙኒኬሽን አስታወቀ።
ቃኝዎቹ ከሌሊቱ 10:00 ሰዓት ላይ በወሰዱት እርምጃ አቶ ዲቡ አያሌው የተባለ ቀንደኛ የሚሊሻ አመራር ሲገደል፣ ስማቸው በውል ያልታወቁ ተጨማሪ ሁለት የሚሊሻ አባላትም መገደላቸውን የኮሩ ሚዲያና ኮሙኒኬሽን ክፍል ገልጿል።
በአዲሱ ዓመት መባቻ ላይ ስኬታማ ኦፕሬሽን ፈፅመው በድል የተመለሱት የክፍለ ጦሩ ቃኝዎች፡ ሁለት(2) የነፍስ ወከፍ መሳሪያዎችንና ሁለት(2) ቦንቦችን በመማረክ ያለምንም ኪሳራ ወደ አሃዳቸው በሠላም መመለሳቸውን አክሏል።
በኦፕሬሽኑ ከፍተኛ ጉዳት ያስተናገደው የጠላት ኃይል፣ ብዙ የተጎዱ የሚሊሻ አባላት እዳሉትና የተጎዱት በሙሉ ሬማ ከተማ ጤና ጣቢያ ድንገተኛ ክፍል ውስጥ እየታከሙ እንደሚገኙ ሲገልፅ ሊድኑ የማይችሉ ከባድ ቁስለኞች እዳሉ በውስጥ መረጃዬ አረጋግጫለሁ ሲል አጠቃሎ አሳውቋል።
" ክብር ለትግሉ ሠማዕታት!
" ህልውናችን በተባበረ ክንዳችን!
የአፋብን ሸዋ ጠቅላይ ግዛት አሳምነው (5ኛ) ዕዝ ሕዝብ ግንኙነት መምሪያ
+8
ጠላት ይተማመንባት የነበረችውን በ12ኛ ዕዝ 71ኛ ክፍለጦር በዚህ መልኩ ድርምስምሷ ወጥቷል።
ይህ የምትመለከቱት በለስ ቀንቶት ከተማረከው የጠላት ሠራዊት መካከል ጥቂቱ ነው።
ለነፃነቱ በቆራጥነት እየታገለ ላለው ኩሩው የአማራ ህዝብ እና ለመላው የትግል አጋሮች፤እንኳን ለአዲሱ አመት በሰላም አደረሳችሁ!!
አሁንም ከገሃነም እሳት፣ ከደም ማዕበልና ከጠላት ከበባ ሳንንበረከክ በጽናት እየታገልን እንኳን ለ2019 አዲስ ዓመት በሙሉ ብርታት በሰላምና በጤና በደህና አደረሳችሁ!
ያለፈው ስምንት ዓመታት በአብይ አህመድ የሚመራው የብልፅግና ስርዓትና ለስርዓቱ ወንበር አስጠባቂ ሆኖ የሚያገለግለው ባንዳው ብአዴን በህዝባችን ላይ የደገሱትን የዘር ማጥፋት፣ የጭካኔና የግፍ ደመና እያሸነፍን የተሻገርንበት የትግል ዘመን እጅጉን ይደንቃል። ዛሬም በዚያ ሁሉ መከራ ውስጥ አልፈን በትግል ላይ እንገኛለን፤ የአማራ ህዝብ አሁንም አንገቱን አልደፋም፣ ጉልበቱም አልተንበረከከም! በየበረሃውና በየተራራው እያካሄድነው ያለነው የፋኖዎቻችን የብረት እምቢተኝነትና የሞት ሽረት ተጋድሎ፣ ነፃነትን በፍቅርና በደም እንጂ በጉልበት ማንበርከክ እንደማይቻል ለመላው ዓለም በወርቃማ ቀለም እያስመሰከረ ይገኛል።
ውድ የአማራ ፋኖ ብሔራዊ ንቅናቄ የትግል አጋሮቼ እና መላው የአማራ ህዘብ ይህ አዲሱ 2019 ዓመት ትግላችንን አፋጥነን የክብራችንን ትንሳኤ የምናረጋግጥበት፦ የብልፅግናው አረመኔያዊ ስርዓትና የጥፋት አገልጋዩ ብአዴን በህዝባችን ላይ የጫኑትን የወረራ፣ የግፍና የጭቆና ሰንሰለት በቆራጥ ተጋድሎ በጣጥሰን፣ የተደፈረውን ክብራችንንና ህልውናችንን በሙሉ ግርማ የምንመልስበት፤ የተጋድሏችንን መቋጫ ድል የምንጨብጥበት በየቀኑ በበረሃና በሸንተረሩ የጀግኖቻችን መስዋዕትነት አብቦና ፍሬ አፍርቶ፣ የህዝብን ደም የሚነግዱትን ገዢዎች እስከወዲያኛው በመሸኘት የህዝባችንን ፍፁም ነፃነትና ድል የምናበስርበት፤ፍትህና እፎይታን የምናጎናፅፍበት በብልፅግናና በብአዴን ሴራ ከቀያቸው የተፈናቀሉ ወገኖቻችንን በክብርና በደስታ ወደ አባቶቻቸው ርስት የምንመልስበት፣ በግፍ የታሰሩ ንጹሃን ወገኖቻችንን ሰብረን በማስፈታት የነፃነት አየር እንዲተነፍሱ የምናደርግበት የእውነትና የብርሃን ዘመንን የምንገነባበት ወርቃማው አመት እንደሚሆን አልጠራጠርም።
የአማራ ፋኖ ብሔራዊ ንቅናቄ (አፋብን) በሜዳው እያካሄደ ባለው ውጊያና የፖለቲካ ትግል የፋሺስታዊውን ስርዓትና ወንበር አስጠባቂዎቹን ጭካኔ ለዓለም በማጋለጥ፣ የህዝባችንን እውነተኛ ድምፅ እያስተጋባ የድሉን ታሪክ በኩራት የሚፅፍበት እንዲሆንልን አሁንም በግንባር ላይ ከሚፋለመው የአማራ ፋኖ ብሔራዊ ንቅናቄ (አፋብን) ከታችኛው ሰራዊት እስከ ላኛው አመራሮቻችንን ከልብ የመነጨ የትግል ጥሪያችንንና መልካም ምኞታችንን እናስተላልፋለን!
በመጨረሻም ትግላችን እስከ ነፃነታችን ይቀጥላል!ለህዝባቸው ህልውናና ክብር ሲሉ ህይወታቸውን የገበሩ የትግላችን ሰማዕታት ክብርና ሞገስ አግኝተው ለዘላለም በልባችን ይኖራሉ!ጨለማው ተገፎ ብርሃኑ ይወጣል! የጭቆናውና የባንዳዎች ዘመን ያብቃል እየታገለ ያለው ህዝባችን በነፃነት ያሸንፋል!
የአፋብን ሽዋ ጠቅላይ ግዛት አሳምነው 5ኛ ዕዝ የህዝብ አስተዳደር መምሪ አርበኛ ኤፍሬም ባዬ
በዚህ አዲስ ዓመት መባቻ ላይ፣ በትግላችን ማዕከል የምናስባቸው እና የደማቸው ጥሪ የሚያስቆጣን ወገኖቻችን መኖራቸውን አንዘነጋም።
በሃይማኖታቸው ምክንያት መከራና ሰቆቃ እየደረሰባቸው ያሉ የክርስትና እና የእስልምና እምነት ተከታዮች፣ ቤተ-እምነቶቻቸው ሲደፈሩ እና ሲቃጠሉ የታገሱት የመከራ ፅዋ ሞልቶ እየፈሰሰ ነዉ።
በየማጎሪያው ያለ ፍርድ በበቀል እና በተረኝነት ስሜት የታጎሩ የፖለቲካ እና የማንነት እስረኞች፣ በማሰቃያ ክፍሎች ውስጥ አካላቸው የጎደለ እና ህይወታቸው ያለፈ ወገኖቻችን ፍትህ የማግኘት መብታቸውን ማስከበር የትግላችን አንዱ ግብ ነው።
በልማት ስም ከቀያቸው የተፈናቀሉ፣ ንብረታቸው የወደመባቸው፣ የአገዛዙን ጥቃት በመሸሽ ስደት ሀገር የሚሰቃዩ ወገኖቻችን ወደ ቀደመ ቀያቸው ተመልሰው በክብር እና በነፃነት የሚኖሩበት ሁኔታ እንዲፈጠር እንታገላለን።
በመጨረሻም
ትግላችን የህልውናችንን ዋስትና በብረት ማረጋገጥ ብቻ ሳይሆን፣ የሁሉም ብሔሮችና ብሔረሰቦች እኩልነት፣ ህግ የበላይነት እና ፍትህ የሰፈነባትን፣ የትኛውም ዜጋ በቋንቋው እና በማንነቱ የማይገፋባትን ከነባር ስልጣኔዋ፣ ታሪካ እና ባህሏ ያልተቃረነች ፍትሃዊ ኢትዮጵያን የመገንባት ስልታዊ ግብ አለው።
ያለፈው አመት ለአማራም ሆነ ለመላው የኢትዮጵያ ህዝቦች ወሳኝ የሆነ ዕድል ተፈጥሯል፤ የያዝነው አመት ደግሞ ይህን የትብብር ዕድል ተጠቅመን ህልውናችንን የምናረጋግጥበት፣ የጠላት የማጥፊያ አቅሞቹን ሰብረን በአሸናፊነት በአዲስ ፖለቲካዊ መድረክ ሀገርን ወደ ተሟላ እና ዘላቂ ሰላም ለማሸጋገር የምንሰራበት ይሆናል።
በድጋሚ መልካም አዲስ ዓመት
የአማራ ፋኖ ብሔራዊ ንቅናቄ
በሀገራችን በከፍተኛ የእርስ በእርስ መጠራጠር ብሎም መገፋፋት ውስጥ እንዲኖሩ ከፍተኛ ሴራ የተሰራባቸው ህዝቦች የጠላትን እንዲሁም የውጭ ሀይሎችን ጸረ ትብብር ጫና ተቋቁመው በአብሮነት ለመቆም መነሳት የአመቱ ብሎም የክፍለ ዘመኑ ትልቅ ድል ነው። በዚህም የህዝቦችን የተሳሰረ ዕጣ ፈንታ ከጋራ የህልውና ስጋት ባሻገር ለሀገር ግንባታ በጋራ መስራት የሚቻልበትን ፖለቲካዊ መደላድል ለመፍጠር ከፍተኛ ርብርብ እየተደረገ ይገኛል።
በመሆኑም እንደ አማራ ሕዝብ ሁሉ ለሕልውናቸው፣ ለባህላቸው፣ ለማንነታቸውና ለፍትሕ የሚታገሉ ሌሎች የኢትዮጵያ ወንድምና እህት ሕዝቦች በጋራ መቆማቸውንና መተሳሰራቸውን የሚያውጁበት ታሪካዊ ወቅት ላይ እንገኛለን።
፬. በህዝባችን እና በሰራዊታችን ተጋድሎ የከሸፉት የአገዛዙ የስልጣን ማራዘሚያ ፕሮጀክቶች
ያለፈው 2018 ዓ. ም ፖለቲካዊ መዋቅሩን በወታደራዊ አገዛዝ እየለወጠ ያለዉ ዘረ-ፈጁ አገዛዝ በምርጫ ስም ህጋዊ የጭፍጨፋ እውቅና እና ካርድ ለማግኘት እንዲሁም በብሔራዊ ምክክር ስም ግለሰባዊ ቅዠቶችን የብሔራዊ ምክክር ውጤት ለማድረግ በቢሊዬኖች የሚቆጠር ገንዘብን በማባከን በሰፊው የደከመበት ዓመት ነበር።
ይሁን እንጅ የአማራ ህዝብን ጨምሮ መላው ኢትዮጵያዊ ባደረገው ተጋድሎ እና የነቃ እንቅስቃሴ ምክንያት አገዛዙ በምርጫ ስም ዓለምን ማታለል የማይችልበትን ይልቁንም ምርጫን ስልጣን ላይ ለመቆዬት የሚጠቀምበት የማጭበርበሪያ ስልት መሆኑን ማሳዬት ተችሏል። በምርጫም ሆነ በምክክር ስም የህልውና አደጋ የተደቀነበትን ህዝብ የህልዉና ጥያቄ ማዳፈን እንደማይቻል ተረጋግጧል። በመሆኑም ያለፈው ዓመት አገዛዙ ብሔራዊ አጀንዳወችን ለይስሙላ በማጉላት፣ ያልተደረገ ምርጫን እንደተደረገ በማስመሰል እንዲሁም በተጧጧፈ ጦርነት ውስጥ ሆኖ ብሔራዊ ምክክር በሚል ስም ስልጣንን ህጋዊ ቅቡልነት ያለው ለማድረግ ያደረጋቸው ሙከራወች ሙሉ በሙሉ የከሸፉበት መሆኑ በታሪክ የሚታወስ ነው።
ይህ አዲስ ዓመት ተራ የዘመን መለወጫ ብቻ ሳይሆን የአማራን ህዝብ ከምድር ገጽ ለማጥፋት፣ ታሪኩን ለመደምሰስ፣ ሀብቱን ለመዝረፍ እና ስነ-ህዝባዊ አወቃቀሩን ለመቀየር በአገዛዙ የታወጀውን የዘር ማጥፋት ጦርነት በመመከት፣ የህዝባችንን ፍጹም አሸናፊነት የምናበስርበት ታሪካዊ ምዕራፍ እንዲሆን እየተመኘን ተከታዮችን ጥሪወች እናቀርባለን!
፩) ለመላው የአማራ ህዝብ:-
አረመኔያዊውን ግፍና መከራ በትዕግስትና በጀግንነት እያሸነፍክ ላለኸው ኩሩ ሕዝባችን፣ አዲሱ ዓመት የሰላም፣ የፍትሕ፣ የዕረፍትና የታሪካዊ ክብርህ መመለሻ ዓመት እንዲሆንልህ ንቅናቄያችን ከትላንት በተሻለ መልኩ ደምና አጥንቱን ከስክሶ ህልውና እና ነጻነትን ለማስከበር ከምንጊዜውም በላይ ለመሥራት ቁርጠኛ መሆኑን ዛሬም እንደ ትላንቱ ያረጋግጣል። ስለሆነም የምታደርገውን ሁሉን አቀፍ ድጋፍና ደጀንነት ከምንግዜውም በላይ አጠናክረህ እንድትቀጥል ታሪካዊ ጥሪያችንን እናቀርባለን።
የትኛውም ስትራቴጂም ሆነ ታክቲክ አንድነትን አያክለውም፤ አንድነትን የሚያሳጣ አማራጭ በምንም መመዘኛ ተገቢ፣ አስፈላጊ አለያም ጠቃሚ ሊሆን አይችልም። ህዝባዊ አንድነት፣ መዋቅራዊ አንድነት እና የአመራር አንድነት የትግላችን አይተኬ ስትራቴጂካዊ አቅሞቻችን ናቸው።
በየትኛውም ጊዜ በተለይ ደግሞ በዚህ ወቅት አንድነትን የትግሉ ስትራቴጂካዊ አቅም መሆኑን ተረድተን አቅማችንን እንጠብቅ። ከዚህ በተቃራኒ የሆነ አካሄድ እና አሰላለፍ በጋራ እንታገል። አማራን በንዑስ ማንነት እና የጥቅም ትስስር በትኖ፣ የጀመረውን ዘር ማጥፋት በስኬት ለማጠናቀቅ ጠላት ከፋፍሎ ሊያጠፋን እየሰራ እንደሆነ ተረድተን አማራ ከብዙ አመታት በኋላ ያገኘውን ብሔራዊ አንድነት በጥንቃቄ ልንጠብቅ እና ከአቆርቋዥ ከፋፋዮች በጽናት ልንከላከለው ይገባል።
በተጨማሪም አማራው የህዝብ እና የድርጅት አንድነት ባሳካበት አመት ህዝቡን ከከበባ እና ንጥልነት አውጥቶ በሀገር ውስጥ ካሉ ብሔራዊ ሀይሎች ጋር መተባበር መቻሉ ለአማራም፣ ለሌላውም ብሎም ለሀገር ትልቅ ዕድልን አስገኝቷል። ይህን መልካም ዕድል እና ተስፋ መንከባከብ ይገባል።
፪) ለአማራ ፋኖ ብሔራዊ ንቅናቄ አመራርና አባላት፦
አማራ ተገፍቶ እና ተበድሎ የሚጠፋ ህዝብ ሳይሆን፣ በመከራ ውስጥ ታድሶ፣ የብረት ምሽግ ሆኖ የሚነሳ የጽናት አምድ ነው! የታጠቁ ድሮኖች፣ የተደረደሩ ታንክና መድፎች የተበላሹ የፕሮፓጋንዳ ማሽኖች የጊዜያዊ ጉልበት ምልክቶች እንጂ የህዝብን የእውነት እና የፍትህ ፍላጎት አይሰብሩም። የጠላቶቻችን ውድቀት ተቃርቧል፤
የብልፅግናን አገዛዝ አረመኔያዊ ጥቃት መክታችሁ፣ የሕዝባችሁን ሕልውና ለማስከበር በዱር በገደሉ የምታሳዩት የጀግንነት ታሪክ በአሁኑ ትውልድ ብቻ ሳይሆን፣ በመጪውም ትውልድ ዘንድ ታሪክ በወርቅ ቀለም የሚከትበው አኩሪ ገድል መሆኑን ለማሳሰብ እንወዳለን።
አዲሱ 2019 ዓ.ም የሕዝባችንን ከሕልውና አደጋ አውጥተን፣ ነፃነት እና እኩልነትን የምናረጋግጥበት እንዲሁም ወንጀለኞችን ለፍርድ አደባባይ የምናቀርብበት የድል ዓመት እንዲሆን፣ ከምንጊዜውም በላይ ከፍተኛ አደራና ቃል-ኪዳናችንን የምናድስበት ዘመን እንዲሆን እንመኛለን።
፫) ለጸረ አገዛዝ ብሔራዊ ሀይሎች
ካለፉት ስምንት አመታት የተማርነው ወሳኝ እውነት በተራ ለመበላት ወረፋ የምንጠብቅበት ጊዜ እና ሁኔታ ላይ አለመሆናችን ነው።
እናም ሁሉም ህዝባዊ ሀይል ለህልውናው በአንድ የጋራ ጠላት ላይ በሁሉም ግምባር የቆመበት ምዕራፍ ለዚህ ለትውልዶች ለተደገሰው ጦርነት የመጨረሻው ምዕራፍ ነው፤ ለህዝቦች የአሸናፊነት ምዕራፍ።
እናም ቀጣዩ አመት በትብብር አቅም የህልውና አደጋን በመመከት ጠላትን ጨርሶ በማስወገድ እልህ አስጨራሽ ተጋድሎ የምናደርግበት አመት ነው። ለዚህም የተጀመሩ መልካም የትብብር ተግባራትን በማስቀጠል፣ የጠላትን የፕሮፓጋንዳ ጥቃት ለመመከት በህዝባዊነት እንድንሰራ መልዕክታችንን ለማስተላለፍ እንወዳለን። የህዝቦችን እና የብሔራዊ ሀይሎች መልካም ግንኙነት ለጠላት ትልቅ አደጋ በመሆኑ ይህን ለማፍረስ የሚሰራቸውን ተግባራት ለመቀልበስ የህዝብን አቅም በጋራ መጠቀም ይገባል። ለዚህም የትብብሩን ተስፋዎች መንከባከብ የህልውና ጉዳይ በመሆኑ ህዝቡ እና ሁሉም ብሔራዊ ሀይሎች በሁሉም ረገድ የጠላትን መግቢያ በሮች ለመድፈን የጋራ ርብርብ ልናደርግ ይገባል።
፬) ለአፍሪካውያንና ለመላው የዓለም ሕዝብ፦
በኢትዮጵያ ምድር እየተፈጸመ ያለውን አረመኔያዊ የሰብአዊ መብት ረገጣና የዘር ማጥፋት ወንጀል ዓለም በዝምታ ሊመለከተው አይገባም። የጭቁን ሕዝቦችን የነፃነት ድምፅና ትግል በሁሉም መስክ ሊደገፍ የሚገባዉ ነው።
የአማራ ህዝብ የህልውና እና የፍትህ ጥያቄ ከዓለም አቀፍ ህጎች (IHL) እና ከህግ የበላይነት ጋር የተጣጣመ ነው። በምስራቅ አፍሪካ፣ በአፍሪካ ቀንድ እና በቀይ ባህር ቀጠና ዘላቂ መረጋጋት እና የንግድ መስመር ሰላም ሊመጣ የሚችለው የህዝባችን ሰብአዊ፣ ታሪካዊ እና ፖለቲካዊ መብቶች ሲከበሩ ብቻ ነው። ያልተረጋጋች ኢትዮጵያ ለቀጠናው ስጋት ናት፤ የህዝባችንን ትግል መደገፍ ደግሞ በቀጠናው ህጋዊነትን፣ ፍትህን እና ዘላቂ ሰላምን የመትከል ብቸኛው መንገድ ነው።
በመሆኑም የምስራቅ አፍሪካ ቀጣና ሰላም እና መረጋጋትን የሚያውከውን የብልፅግና አገዛዝን ማስወገድ ለሰላማዊ የንግድ እና ፖለቲካ እንቅስቃሴ ወሳኝ ጉዳይ መሆኑን በማመን አገዛዙን ባለመደገፍ እና ለተጋድሏችን ዲፕሎማሲያዊ ድጋፍ በመስጠት የበኩላችሁን ድርሻ እንድትወጡ እንጠይቃለን።
፭) ለአገዛዙ የሰቆቃ ሰላባወች:-
አዲስ ዓመትን አስመልክቶ ከአማራ ፋኖ ብሔራዊ ንቅናቄ የተሰጠ መግለጫ
መስከረም 01/ቀን 2019 ዓ.ም
መላው የአማራ ህዝብ እና ኢትዮጵያዊያን፣ የአማራ ፋኖ ብሔራዊ ንቅናቄ አመራርና አባላት፣ የብልፅግናን አገዛዝ በየግንባሩ የምትታገሉ ፀረ ብልፅግና ኃይሎች፣ አፍሪካውያን ወንድሞቻችንና ለመላው የዓለም ሕዝብ፤ ድርጅታችን የአማራ ፋኖ ብሔራዊ ንቅናቄ (አፋብን) እንኳን ለ2019 ዓ.ም አደረሳችሁ፣ አደረሰን ይላል!
ሀገራችን ኢትዮጵያ አዲሱን ዓመት እየተቀበለች ያለችው የቀውስ አገዛዙ በነደፈው የጥፋት ፕሮጀክት ምክንያት ኢኮኖሚያዊ፣ ማህበራዊ እና ፖለቲካዊ ምስቅልቅል ውስጥ ሆና ነው። የህዝባቸውን ህልውና ባስቀደሙ ብሔራዊ ኃይሎች እና በኢትዮጵያዊነት ላይ ሁለንተናዊ አደጋ በደቀነው የአገዛዙ ኃይል መካከል በሚደረግ ጦርነት ምክንያት በታሪክ ታይቶ የማይታወቅ የእልቂት እና የቀውስ ምዕራፍ ውስጥ እንገኛለን። ከሀገራዊ ቀውሱ ባሻገር ብልፅግና በጎረቤት ሀገራት የውስጥ ሰላም ላይ ጭምር በደቀነው አደጋ ምክንያት የቀይ ባህር ከባቢን ጨምሮ የቀጣናው መልክዓ ፖለቲካ በዘላቂ አለመረጋጋት ውስጥ እንዲገባ ሆኗል።
እንደ ሀገር ሙሉ ሉዓላዊነታችንን ለታዳጊ ኢምፔሪያሊስቶች በማከራዬት ኢትዮጵያን ተላላኪ መንግስት ያደረገው አረመኔያዊ አገዛዝ የሥልጣን ዕድሜውን ለማራዘም ብቻ የውስጥ ጦርነቶችን ከማፋፋም አልፎ፣ አደገኛ ቀጣናዊ ቀውሶችን እያወለደ አገሪቱን ወደማያባራ ቀጠናዊ ጦርነት በመምራት ወደ ጥልቁ ገደል ለመክተት እየተንደረደረ ይገኛል። ዘመኑ ባፈራቸው የቴክኖሎጂ መሣሪያዎች ሁሉ ንጹኃንን በድሮን መደብደብ፣ በታሪካዊ ከተሞችና በሃይማኖት ቦታዎች ላይ ከባድ መሣሪያ በመተኮስ፣ ኢትዮጵያዊያንን በማንነታቸው ማሳደድ፣ ማሰርና ማፈናቀል የአገዛዙ መገለጫዎች ከሆኑ ውለው አድረዋል።
አገዛዙ የኢትዮጵያንን ማንነት እና ወጥ ስልጣኔ ምልክት የሆነውን ዘመን መለወጫን ጊዜን ለመለወጥ በምክክር ኮሚሽን ስም አጀንዳ በማድረግ ከኢትዮጵያዊ ማንነታችን እና ከታሪካችን ጋር የተጋጨ መሆኑንም አሳይቶናል።
በተለይም በአማራ ህዝብ ላይ የተደቀነው ሁለንተናዊ የህልውና አደጋ ስሁት ትርክትን እና አጥፊ ፖሊሲዎችን እና ስልቶችን መነሻ ያደረገም ጭምር መሆኑ ይታወቃል።
የአማራ ህዝብ ከሌሎች ኢትዮጵያውያን ጋር ያደረገውን ሰላማዊ ትግል እና የለውጥ ተስፋ እንደ መልካም አጋጣሚ በመጠቀም ስልጣን ላይ የወጣው አገዛዝ የአማራን ሕዝብ ከምድረ-ገጽ ለማጥፋት ሁሉን አቀፍ ጦርነት እያደረገ ይገኛል። ለጨቋኞች ተንበርክኮ የማያውቀው የአማራ ሕዝብም የአገዛዙን የህልውና አደጋ ቀንበር ለመስበር በጽናት መራር ትግል እያደረገ ባለበት በዚህ ወቅት ዘርፈ ብዙ ድሎችንም ማስመዝገብ ችሏል።
የጠላትን ወረራ በመመከት የተደረጉት ወታደራዊ ተጋድሎዎች በጦረኝነት ለወረራ የመጣውን ሰራዊት የውጊያ አቅም እና ሞራል በተደጋጋሚ መስበር ችለዋል።
በዚህም የአማራ ህዝብ በመሪ ድርጅቱ አማካኝነት የገጠመውን የዘር ማጥፈት ጦርነት እየመከተ ይገኛል። ባለፈው አመት በተለያየ ቦታ የተገኘቱት የውጊያ ድሎች ባሻገር በተለይ በስልጠና ዘርፍ የታየው ሽህ ክንዶችን በአንዴ አሰልጥኖ ማስመረቅ የተቻለበት በመሆኑ በትግሉ ወቅት ትልቅ አቅም መጨመር ችሏል።
ከእነዚህ እና መሠል ድሎች ባሻገር 2018 አመት ምህረት በአማራ ህዝብ ትግል ወሳኝ ስትራቴጂካዊ ድሎችም ተመዝግበዋል።
፩. የአፋብን ውልደት
ትግሉ ባልተማከሉ አደረጃጀቶች ውስጥ መቆዬቱ የራሱ ታክቲካዊ ፋይዳ የነበረዉ ቢሆንም አቅምን የሚከፋፍል በመሆኑ የአደረጃጀት አንድነትን ማረጋገጥ ግዴታ ነበር።
የአማራ ህዝብም በታሪኩ እና በትግል ሂደቱ መራር በሆነ መንገድ የተረዳው ተጨባጭ እውነት ቢኖር አንድነት መተኪያ የለሽ ስትራቴጂካዊ አቅም መሆኑን ነው።
በአማራነት የመደራጀትና የመታገል ጉዳይ ግለሰባዊ እና ጠባብ ቡድናዊ ፍላጎትን፤ ትናንሽና መለስተኛ ቅራኔና ፀብን፥ ኩርፊያና ልዩነትን መተውና ለወል ፍላጎታችን መሰለፍን ይጠይቃል። ከትናንትም ሆነ ከዛሬ ነገሮቻችን መካከል መርጦ መዘንጋት እና ለይቶ ማንሳትን፣ ስለጋራ አማራዊ ፍላጎታችን በአንድ መስመር መሰለፍን ይጠይቃል።
ይህንን የማይታበል ሀቅ በመቀበል የአማራ ፋኖ ብሔራዊ ንቅናቄ ምስረታን ማሳካታችን የአመቱ ዋነኛ ፖለቲካዊ ስኬት ነበር። በዚህ ውስጥ የትግሉ ስትራቴጂካዊ አቅሞችን በማሰባሰብ እና በአንድ ድርጅታዊ ማዕቀፍ ስር ህልውናን ለማረጋገጥ በሚደረገው ትግል ውስጥ ሁሉም አቅሞች እንዲውሉ ለማድረግ መድላድሉን መፍጠር ተችሏል። ይህም የአመቱ ስኬት ብቻም ሳይሆን በቀጣይ ጊዜያት ለሚያደርጋቸው ትግሎች ወሳኝ ስትራቴጂካዊ አቅም ሆኖ የሚቀጥል ነው።
፪. የዓለምን ትኩረት የሳበው ተጋድሏችን
አፋብን ከምስረታው ማግስት በሁሉም ዕዞቹ ውስጥ ከትግሉ መነሻ ጀምሮ የነበረውን ህዝባዊ ድጋፍ የትግል ግለቱን ለማስቀጠል እንዲያስችል በሁሉም አካባቢዎች የተደረጉት ህዝባዊ መድረኮች ወሳኝ ህዝባዊ ንቅናቄ ፈጥረዋል። በነዚህ መድረኮች ህዝቡ በአጀንዳዎቹ ላይ የበለጠ ግልጸኝነት በመፍጠር፣ የትግሉን አላማ ለማሳካት ያለውን ቁርጠኝነት እና መነሳሳት ያሳየበት ነበር። በዚህም የአደረጃጀት አንድነቱን፣ ህዝባዊ ደጀኑን በአላማ በማስተሳሰር መሬት ላይ ይበልጥ መትከልና ማጽናት ተችሏል።
ከዚህ በተጨማሪ የአማራ ህዝብ የትግልን አላማዎች በሀገር ውስጥ ብሎም በአለምአቀፍ ማህበረሰብ ዘንድ፣ በተመሳሳይ በአንድ ድምጽ በስፋት ማሰማት ተችሏል። ለአማራ ህዝብ ጥሪ ለወትሮው ጆሮ ባለመስጠት የምስክርነት እና የትርጓሜ ግፍ ሲፈጸምበት ቢኖርም ዛሬ ግን በተለያዩ ሀገራት፣ በተለያዩ ቋንቋዎች አማራ ለራሱ እውነት መመስከር ብሎም ማስረዳት ችሏል።
በዚህም በአማራ ህዝብ ትግል ዙሪያ በተዛባ መልክ ተስፋፍተው የኖሩ ትርክቶችን ለማረም ጥቂት ዕድል ተገኝቷል። የአማራ ህዝብ መደመጥ በመቻሉም ህዝቡን ነጥሎ ለማጥቃት እና ለማስጠቃት ከዳግመ ጣሊያን ወረራ ጀምሮ የተተከሉ የጥላቻ ግምብ ለማፍረስ እና ጥርጣሬን አስወግዶ በህዝቦች መካከል መልካም ግንኙነት ለመፍጠር የሚያስችል ድልድይ እየተፈጠረም ይገኛል።
፫) የፖለቲካ ርዕደ መሬት የፈጠረው የትብብር ማዕቀፍ
ዘረ ፈጁን አገዛዝ በማስወገድ በፋሽስታዊ ዕሳቤ ተተክሎ የኖረውን የትውልዶች ጦርነት በህዝባዊ ትግላችን መቀልበስ እና ህልውናን በዘላቂነት ማረጋገጥ አንደኛው ተልዕኳችን ነው። አማራን ለማጥፋት የተነሳው ዘረ ፈጅ አገዛዝ ሌሎች ህዝቦችንም በጉልበት ጨፍልቆ ከመግዛት አልያም ከመጥፋት ውጭ ሌላ አማራጭ አላስቀመጠም። ለዚህም እንዲመቸው የህዝቦች የጎንዮሽ መልካም ግንኙነት እንዲበላሽ እና ቅራኔወች እንዲሰፉ በሙሉ አቅሙ እየሰራ ይገኛል።
ይሁንና እርስ በዕርስ እንዲተላለቁ የተደገሰላቸው ህዝቦች እና ብሔራዊ ሀይሎች የጥፋት ትርክት እና ሴራን አክሽፈው፣ ለህልውናቸው ሲሉ የጋራ ጠላትን በጋራ ለመታግል መግባባታቸዉን የሚያውጁበት የመጨረሻው ምዕራፍ ላይ ደርሰዋል።
በየትኛውም የዓለም ማዕዘን ተከስተው የነበሩ ፀረ-ህዝብ አገዞች የተገረሰሱት የጋራ እጣ ፋንታን በሚጋሩ ፀረ ጭቆና የትግል ኃይሎች ነው። ይህ መሠረታዊ እውነት ህዝባዊ አላማን አንግበው በሚታገሉ ብሔራዊ ሕዝባዊ ኃይሎች መካከል ያሉትን ልዩነቶች ተቀራርበው እንዲሰሩ አስችሏል። በእርግጥም እንኳንስ የሁሉም ህዝቦች ብሎም ሀገር የህልውና አደጋ ውስጥ ወድቀው አይደለም፤ የአንድ ማህበረሰብ የህልውና አደጋ ብቻዉን ህዝባዊ ኃይሎች እንዲተባበሩ የሚያስገድድ በቂ ምክንያት ነው።
