រដ្ឋបាលខេត្តកំពង់ចាម

អភិបាលខេត្តកំពង់ចាម ជម្រាបជូនសម្តេចតេជោ ហ៊ុន សែន នូវសមិទ្ធផលធំៗ ចំនួន៤ ដែលខេត្តសម្រេចបាន ខណៈឆ្នាំ២០២៥ ការជំរុញកំណើនសេដ្ឋកិច្ចរបស់ខេត្ត ទទួលបានជោគជ័យ កើន ៨.៣% (កំពង់ចាម) ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅថ្ងៃទី២៥ ខែមេសា ឆ្នាំ២០២៦ ក្នុងឱកាសដែលសម្តេចតេជោ ហ៊ុន សែន ប្រមុខរដ្ឋស្តីទី អញ្ជើញជួបសំណេះសំណាលជាមួយជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តកំពង់ចាម បានជម្រាបជូនសម្តេចតេជោ និងអង្គពិធី នូវសមិទ្ធផលធំៗ ៤ របស់ខេត្ត ដែលសម្រេចបាន។ #សមិទ្ធផលធំទី១ គឺការចូលរួមថែរក្សាបាននូវសន្តិភាព ស្ថិរភាពនយោបាយ និង សន្តិសុខ សុវត្ថិភាព សណ្តាប់ធ្នាប់សាធារណៈរបស់សង្គម ដែលជាមូលដ្ឋានគ្រឹះនៃការរស់នៅរបស់ប្រជាជន និងការអភិវឌ្ឍជាតិ និងជាមរតកដ៏ថ្លៃថ្លាមិនអាចកាត់ថ្លៃបានរបស់ សម្តេចតេជោ ដែលបាន បន្សល់ទុកសម្រាប់អ្នកដឹកនាំបន្តវេន។ #សមិទ្ធផលធំទី២ គឺការផ្តល់សេវាសាធារណៈល្អ ប្រកបដោយគុណភាព និងតម្លាភាព ជូន ប្រជាពលរដ្ឋ។ ក្នុងឆ្នាំ២០២៥នេះ អង្គភាពផ្តល់សេវាចំនួន ៣ នៃខេត្តកំពង់ចាម ទទួលបានជ័យលាភី លេខ១ ជាអង្គភាពផ្តល់សេវាឆ្នើម សម្រាប់ការប្រឡងប្រណាំងថ្នាក់ជាតិ រួមមាន មន្ទីរពេទ្យខេត្ត កំពង់ចាម កម្រិត CPA3 ទទួលបានជ័យលាភីលេខ១ ទូទាំងប្រទេស, ការិយាល័យប្រជាពលរដ្ឋខេត្ត ទទួលបានជ័យលាភីលេខ១ ទូទាំងប្រទេស, និង អង្គភាពច្រកចេញចូលតែមួយខេត្ត ទទួលបាន ជ័យលាភីលេខ១ ទូទាំងប្រទេស។ ម្យ៉ាងវិញទៀត ខេត្តកំពង់ចាមបានបញ្ចប់ការវាស់វែងការចុះបញ្ជី ដីធ្លីមានលក្ខណៈជាប្រព័ន្ធនៅឆ្នាំ២០២៤ ដែលជាខេត្តទី១ បានបញ្ចប់ការអនុវត្តគោលនយោបាយ ចាស់សកម្មភាពថ្មីលើវិស័យដីធ្លី។ #សមិទ្ធផលធំទី៣ គឺការអភិវឌ្ឍមូលដ្ឋានបន្ថែម រួមមាន ផ្លូវ ស្ពាន ប្រព័ន្ធធារាសាស្ត្រ បណ្តាញ អគ្គិសនី បណ្តាញទឹកស្អាត មន្ទីរពេទ្យ សាលារៀន សំណង់ផ្សេងៗ ដែលមានការកើនឡើងទាំង បរិមាណ និងគុណភាព។ នៅឆ្នាំ២០២៥ ការងារអភិវឌ្ឍន៍ គឺមានចំនួន ២៥៨ គម្រោងទាំងថ្នាក់ ខេត្ត ក្រុង/ស្រុក និងឃុំ/សង្កាត់ ដែលមានតម្លៃគម្រោងសរុបប្រមាណ ៣២លានដុល្លារ។ ក្រៅពីនេះ ក៏មានគម្រោងរបស់ថ្នាក់ជាតិជាច្រើនទៀត ដែលត្រង់ចំណុចនេះ ខ្ញុំបាទតំណាងឲ្យប្រជាពលរដ្ឋ ទូទាំងខេត្តកំពង់ចាម ក៏សូមគោរពដឹងគុណចំពោះ សម្តេចតេជោ ដែលបានផ្តល់ជូននូវសមិទ្ធផលអភិវឌ្ឍជាច្រើនរាប់មិនអស់នៅលើទឹកដីខេត្តកំពង់ចាម នាពេលកន្លងមក។ ចុងអាណត្តិទី៦ នេះ សម្តេចតេជោ បានផ្តល់ជូននូវការអភិវឌ្ឍលើកកម្ពស់គុណភាពកំណាត់ផ្លូវជាតិលេខ៧ (ទីប្រជុំជន ស្គន់-ក្រុងកំពង់ចាម) ដែល សម្តេចតេជោ បានសម្ពោធបើកការដ្ឋានដំណើការសាងសង់កាលពី ថ្ងៃទី ៩/មករា/២០២៣ ។ មកដល់ពេលនេះ កំណាត់ផ្លូវនេះ ត្រូវបានសាងសង់ស្ទើរតែរួចរាល់ជាស្ថាពរ ហើយ និងត្រៀមលក្ខណៈអញ្ជើញ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី មកសម្ពោធដាក់ឲ្យប្រើប្រាស់ជា ផ្លូវការនៅពេលដ៏ខ្លីខាងមុខ។ #ចំពោះសមិទ្ធផលធំទី៤ គឺជោគជ័យក្នុងការជំរុញកំណើនសេដ្ឋកិច្ចរបស់ខេត្ត ដែលក្នុងឆ្នាំ២០២៥ សេដ្ឋកិច្ចរបស់ខេត្ត ទំហំ ៣,០៧៣ លានដុល្លារ (កើន ៨.៣%)។ សេដ្ឋកិច្ចរបស់ខេត្ត បានមកពីវិស័យ ៣ គឺ៖ វិស័យកសិកម្ម មានចំណែកប្រមាណ ៣៩% វិស័យឧស្សាហ៍កម្ម មានចំណែកប្រមាណ ៣៣.៤% និង វិស័យសេវាកម្ម មានចំណែកប្រមាណ ២៧.៦%។ ប្រាក់ចំណូលជាមធ្យមសម្រាប់មនុស្ស ម្នាក់ៗ បានកើនដល់ចំនួន ២,៨៣០ ដុល្លារ ធៀបនឹងឆ្នាំ២០២៤ កើន ២១០ដុល្លារ ក្នុងម្នាក់។ ឯកឧត្តម អភិបាលខេត្តកំពង់ចាម បានបញ្ជាក់ថា ជាទិសដៅភារកិច្ចចំពោះមុខ រដ្ឋបាលខេត្តកំពង់ចាម បានដាក់ចេញនូវការប្តេជ្ញាចិត្តជាយុទ្ធសាស្ត្រ អនុវត្តឲ្យបានសម្រេចនូវទិសដៅភារកិច្ច សំដៅពង្រឹង សន្តិសុខជាតិ ឯកភាពជាតិឱ្យបានរឹងមាំ ចូលរួមកសាងសេដ្ឋកិច្ចសង្គម លើកកម្ពស់ជីវភាពរស់នៅ របស់ប្រជាជនឲ្យបានល្អប្រសើរ ពង្រឹងជំនឿជឿជាក់របស់ប្រជាជន លើការដឹកនាំរបស់គណបក្ស និងរាជរដ្ឋាភិបាល លើកកម្ពស់ឧត្តមភាព និងកិត្យានុភាពរបស់ សម្តេចតេជោ ហ៊ុន សែន ប្រធានគណបក្ស និង សម្តេចធិបតី ហ៊ុន ម៉ាណែត នាយករដ្ឋមន្ត្រី ឲ្យបានជ្រួតជ្រាបដល់គ្រប់ស្រទាប់មហាជន និងយុវជន៕

សម្តេចតេជោ ហ៊ុន សែន អញ្ជើញ ជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរអង្គភាពនានាជុំវិញខេត្ត កំពង់ចាម

វីដេអូ ៖ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា អញ្ជើញសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តកំពង់ចាម នៅសាលប្រជុំសាលាខេត្តកំពង់ចាម។ ថ្ងៃសៅរ៍ ៩កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៥ ខែមេសា ឆ្នាំ២០២៦

សម្តេចតេជោ ហ៊ុន សែន ជួបសំណេះសំណាលជាមួយក្រុមប្រឹក្សា ក្រុង ស្រុក ឃុំ សង្កាត់ មន្ត្រីរាជការ និងថ្នាក់ដឹកនាំមន្ទីរ អង្គភាពក្នុងខេត្តកំពង់ចាម (កំពង់ចាម) នៅព្រឹកថ្ងៃទី២៥ ខែមេសា ឆ្នាំ២០២៦នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ខ្លូត ផន ប្រធានក្រុមប្រឹក្សាខេត្ត អញ្ជើញចូលរួមក្នុងពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ មន្រ្តីរាជការ និងថ្នាក់ដឹកនាំមន្ទីរ អង្គភាពនានាជុំវិញខេត្តកំពង់ចាម ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី នៃព្រះរាជាណាចក្រកម្ពុជា ស្ថិតនៅសាលាខេត្តកំពង់ចាម ដែលមានអ្នកចូលរួមសរុប ចំនួន ១.១៩៣នាក់។ ពិធីសំណេះសំណាលនេះ ក្នុងគោលបំណងដើម្បីផ្សារភ្ជាប់ទំនាក់ទំនងឱ្យកាន់តែជិតស្និតជាមួយអាជ្ញាធរមូលដ្ឋាន និងធ្វើការក្រើនរំលឹក និងជំរុញដល់មន្ត្រីនៅមូលដ្ឋាន ឱ្យបង្កើនការយកចិត្តទុកដាក់លើភារកិច្ចជាដែនសមត្ថកិច្ចរបស់ខ្លួន ទន្ទឹមនឹងការផ្តល់សេវាសាធារណៈជូនប្រជាពលរដ្ឋ ឱ្យបានល្អប្រសើរ និងការដោះស្រាយបញ្ហានានា ដែលជាក្តីកង្វល់របស់ប្រជាពលរដ្ឋនៅមូលដ្ឋានឱ្យមានប្រសិទ្ធភាព និងទាន់ពេលវេលា៕

នៅថ្ងៃទី២៤ ខែមេសា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញចូលរួមកិច្ចប្រជុំផែនការការពារសន្តិសុខ សណ្តាប់ធ្នាប់សាធារណៈ ក្នុងខេត្តកំពង់ចាម ក្រោមអធិបតីភាពឯកឧត្តម នាយឧត្តមសេនីយ៍សន្ដិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី នៅសាលប្រជុំធំសាលាខេត្តកំពង់ចាម។

នារសៀល ថ្ងៃទី២៤ ខែមេសា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាប្រធានប្រតិបត្តិសាខាសមាគមនារីខេត្ត បានអញ្ជើញចូលរួមកិច្ចប្រជុំបូកសរុបលទ្ធផលការងារប្រចាំត្រីមាសទី១ ឆ្នាំ២០២៦ និងទិសដៅបន្តត្រីមាសទី២ ឆ្នាំ២០២៦ របស់សាខាសមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្ត ដោយមានការអញ្ជើញចូលរួមពីលោកជំទាវ ប្រធានគ.ក.ស.ក ខេត្ត និងសមាជិកសសាខាសមាគមនារីខេត្ត នៅសាលប្រជុំមន្ទីរកិច្ចការនារីខេត្ត ។

នារសៀលថ្ងៃទី២៣ ខែមេសា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមបិទវគ្គបណ្តុះបណ្តាល ស្ដីពី៖ «ការបង្កើនភាពអង់អាចសម្រាប់ស្ត្រី នៅក្នុងការផ្ដល់សេវារដ្ឋបាល » នៅសាលប្រជុំសាលាខេត្ត ដោយមានការចូលរួមពី លោកស្រី នាយិការងរដ្ឋបាលខេត្ត , លោក លោកស្រី គ្រូឧទ្ទេស និងសិក្ខាកាមមកពីស្រុកបាធាយ , ស្រុកព្រៃឈរ , ស្រុកចំការលើ , ស្រុកកំពង់សៀម និងស្រុកកោះសូទិន។ វគ្គបណ្តុះបណ្តាលមានគោលបំណង៖ ដើម្បីជួយបង្កើនចំណេះដឹង សមត្ថភាព ទំនុកចិត្តរបស់ស្ត្រី ក្នុងការអនុវត្តតួនាទីរបស់ខ្លួនក្នុងវិស័យរដ្ឋបាល និងលើកកម្ពស់ស្មារតីការយល់ដឹងអំពីសមភាពយេនឌ័រ និងគាំទ្រផ្លូវចិត្តស្មារតីដល់ស្ត្រីផងដែរ ។

នារសៀលថ្ងៃទី២៣ ខែមេសា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមបិទវគ្គបណ្តុះបណ្តាល ស្ដីពី៖ «ការបង្កើនភាពអង់អាចសម្រាប់ស្ត្រី នៅក្នុងការផ្ដល់សេវារដ្ឋបាល » នៅសាលប្រជុំសាលាខេត្ត ដោយមានការចូលរួមពី លោកស្រី នាយិការងរដ្ឋបាលខេត្ត , លោក លោកស្រី គ្រូឧទ្ទេស និងសិក្ខាកាមមកពីស្រុកបាធាយ , ស្រុកព្រៃឈរ , ស្រុកចំការលើ , ស្រុកកំពង់សៀម និងស្រុកកោះសូទិន។ វគ្គបណ្តុះបណ្តាលមានគោលបំណង៖ ដើម្បីជួយបង្កើនចំណេះដឹង សមត្ថភាព ទំនុកចិត្តរបស់ស្ត្រី ក្នុងការអនុវត្តតួនាទីរបស់ខ្លួនក្នុងវិស័យរដ្ឋបាល និងលើកកម្ពស់ស្មារតីការយល់ដឹងអំពីសមភាពយេនឌ័រ និងគាំទ្រផ្លូវចិត្តស្មារតីដល់ស្ត្រីផងដែរ ។

នាព្រឹកថ្ងៃទី២៣ ខែមេសា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាប្រធានក្រុមការងារឆ្លើយតបជាពហុវិស័យអំពើហិង្សាទាក់ទងនឹងយេនឌ័រ តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត បានអញ្ជើញចូលរួមបើក វគ្គបណ្តុះបណ្តាលសាកល្បងស្ដីពី៖ «នីតិវិធី ប្រតិបត្តិការស្តង់ដាការគ្រប់គ្រងករណី អំពើហិង្សាទាក់ទងនឹងយេនឌ័រសម្រាប់អ្នកផ្ដល់សេវាជាពហុវិស័យ » ធ្វើនៅសាលប្រជុំសណ្ឋាគារ LBN ក្រុងកំពង់ចាម ។ វគ្គបណ្តុះបណ្តាលរៀបចំឡើងក្នុងគោលបំណង៖ ពង្រឹងការយល់ដឹងរួមអំពីការគ្រប់គ្រងករណីអំពើហិង្សាទាក់ទងនឹងយេនឌ័រ ដោយការបកស្រាយបញ្ជាក់ ពីគោលការណ៍ស្នូល តួនាទី និងការទទួលខុសត្រូវរបស់អ្នកអនុវត្តនៅកម្រិតស្រុក និងខេត្ត អំពីនីតិវិធីប្រតិបត្តិស្តង់ដា (SOP) និងគោលគំនិតនៃការគ្រប់គ្រងករណីសម្រាប់ កិច្ចការពារកុមារ និង GBV ។

ថ្នាក់ដឹកនាំខេត្តកំពង់ចាម អញ្ជើញបញ្ចុះបឋមសិលា ក្រុងពាលីតម្លើងរូបសំណាកនាគព័ន្ធថ្មី (កំពង់ចាម) នៅព្រឹកថ្ងៃទី២៣ ខែមេសា ឆ្នាំ២០២៦ នេះ ឯកឧត្ដម ខ្លូត ផន ប្រធានក្រុមប្រឹក្សាខេត្ត និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំថ្នាក់ដឹកនាំ មន្ត្រីរាជការ និងអាជ្ញាធរមូលដ្ឋាន អញ្ជើញបញ្ចុះបឋមសិលា ក្រុងពាលីតម្លើងរូបសំណាកនាគព័ន្ធថ្មី និងស្រោចស្រង់បើកព្រះនេត្រនាគ  នៅចំណុចរង្វង់មូលនាគព័ន្ធចាស់ (ទល់មុខក្លោងទ្វារចូល វត្តប្រាសាទនគរបានជ័យ) ស្ថិតនៅភូមិនគរបាជ័យ ស្រុកកំពង់សៀម ខេត្តកំពង់ចាម ។ ស្ថិតក្នុងឱកាសនោះ ឯកឧត្ដម ខ្លូត ផន ប្រធានក្រុមប្រឹក្សាខេត្ត ឯកឧត្តម អ៊ុន ចាន់ដា អភិបាលខេត្តកំពង់ចាម និងថ្នាក់ដឹកនាំ មន្ត្រីរាជការ បាននិមន្តព្រះសង្ឃជ័យន្តោ ទៅតាមកិច្ចតាមសាសនា ដើម្បី ឧទ្ទិសបួងសួងសុំដល់ម្ចាស់ ទឹកដី សូមពរសេចក្ដីសុខ សេចក្ដីចំរើន ដល់ប្រជាពលរដ្ឋ ក្នុងខេត្តកំពង់ចាម ក៏ដូចជា ប្រជាពលរដ្ឋទូទៅ ដែលធ្វើដំណើរ ឆ្លងកាត់ទឹកដីខេត្តកំពង់ចាម ផងដែរ ។ បើតាម ឯកឧត្តម អ៊ុន ចាន់ដា អភិបាលខេត្តកំពង់ចាម បានគូសបញ្ជាក់ថា រូបសំណាកនាគព័ន្ធនេះ គឺជាសំណង់ប្រវត្តិសាស្ត្រ ដែលតំណាងឲ្យអត្តសញ្ញាណរបស់ខេត្តកំពង់ចាម ។ សមិទ្ធផលនេះ បានសាងអំពីស្ពាន់សុទ្ធ មានទម្ងន់ ៨តោន កំពស់ ១០ម៉ែត្រ (បូកទាំងជើងទម្រ ៣ម៉ែត្រ) ផង ។ រូបសំណាកថ្មីនេះ បានកសាងឡើង ទៅតាមទម្រង់ចាស់ទាំងស្រុង ដោយប្តូពីស៊ីម៉ង់ត៍ មកជាស្ពាន់សុទ្ធវិញ និងមានទំហំធំជាងមុន ដោយបានកែជើងទម្របែបថ្មី មានទំហំរហូតដល់ទៅ ១៧ម៉ែត្រ×១៧ម៉ែត្រ ឯណោះ ។ សូមជម្រាបដែរថា រូបសំណាកនាគព័ន្ធថ្មីនេះ បានសាងសង់នៅលើបណ្ដោយផ្លូវជាតិលេខ ៧ ស្ថិតនៅចំណុចទល់មុខក្លោងទ្វារចូល វត្តប្រាសាទនគរបានជ័យ ក្នុងភូមិនគរបាជ័យ ស្រុកកំពង់សៀម ។ ហើយសំណង់នេះ ក៏ស្ថិតនៅជាមួយគម្រោងពង្រីក និងលើកកកម្រិតគុណភាពផ្លូវជាតិលេខ ៧ ជា ៤គន្លង ប្រវែង ៤៥,៤៨៩គីឡូម៉ែត្រ ចាប់ពីរង្វង់មូលស្គន់ ស្រុកជើងព្រៃ ដល់ចំណុចគល់ស្ពានគីស្សូណា ក្រុងកំពង់ចាម ខេត្តកំពង់ចាម កំពុងអនុវត្ត ដោយក្រុមហ៊ុន CRBC ប្រើប្រាស់ឥណទានសម្បទានពីរដ្ឋាភិបាល នៃសាធារណរដ្ឋប្រជាមានិតចិន បានដំណើរសាងសង់ នាចុងឆ្នាំ២០២៣ ហើយគ្រោងបញ្ចប់ទាំងស្រុង នាឆ្នាំ២០២៧ ខាងមុខនេះ ផងដែរ ៕

រូបសំណាកនាគព័ន្ធថ្មី ធ្វើពីស្ពាន់សុទ្ធទម្ងន់៨តោនត្រូវបានដាក់តម្កល់លើផ្លូវជាតិលេខ៧

ថ្នាក់ដឹកនាំខេត្ត អញ្ជើញបញ្ចុះបឋមសិលា ក្រុងពាលីតម្លើងរូបសំណាកនាគព័ន្ធថ្មីលើទឹកដីខេត្តកំពង់ចាម

នារសៀលថ្ងៃទី២២ ខែមេសា ឆ្នាំ២០២៦ លោកជំទាវ ប៉ាង ដានី តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត បានអញ្ជើញចូលរួមបិទវគ្គបណ្តុះបណ្តាល ស្ដីពី៖ «ការបង្កើនភាពអង់អាចសម្រាប់ស្ត្រី នៅក្នុងការផ្ដល់សេវារដ្ឋបាល » នៅសាលប្រជុំសាលាខេត្ត ដោយមានការចូលរួមពី លោកស្រី នាយិការងរដ្ឋបាលខេត្ត , លោក លោកស្រី គ្រូឧទ្ទេស និងសិក្ខាកាមនៃវគ្គបណ្ដុះបណ្ដាល។ វគ្គបណ្តុះបណ្តាលមានគោលបំណង៖ ដើម្បីជួយបង្កើនចំណេះដឹង សមត្ថភាព ទំនុកចិត្តរបស់ស្ត្រី ក្នុងការអនុវត្តតួនាទីរបស់ខ្លួនក្នុងវិស័យរដ្ឋបាល និងលើកកម្ពស់ស្មារតីការយល់ដឹងអំពីសមភាពយេនឌ័រ និងគាំទ្រផ្លូវចិត្តស្មារតីដល់ស្ត្រីផងដែរ ។

នាព្រឹកថ្ងៃទី២២ ខែមេសា ឆ្នាំ២០២៦ លោកជំទាវ ប៉ាង ដានី អភិបាលរងខេត្ត និងជាសហប្រធានគណៈកម្មការសម្របសម្រួលថ្នាក់ខេត្ត នៃកម្មវិធី ACCESS 2 តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត បានអញ្ជើញចូលរួមពិធីបើក វគ្គបណ្តុះបណ្តាលរំលឹកឡើងវិញស្ដីពី៖ «ការការពារកុមារ ការទប់ស្កាត់ការកេងប្រវ័ញ្ច ការរំលោភបំពាន ការបៀតបៀនផ្លូវភេទ ការក្លែងបន្លំ និងការទំនាក់ទំនង» ដល់បុគ្គលិកអង្គការដៃគូអនុវត្តជាយុទ្ធសាស្ត្រ និងមន្ត្រីរដ្ឋាភិបាលថ្នាក់ខេត្ត នៅសាលប្រជុំមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត ។ វគ្គបណ្តុះបណ្តាលរៀរៀបចំឡើងក្នុងគោលបំណងដើម្បី៖ យល់ដឹងកាន់តែស៊ីជម្រៅអំពីវិធានការ ការពារ នៃកម្មវិធី ACCESS2 ការក្លែងបន្លំ និងនីតិវិធី នៃការរាយការណ៍ករណី រួមទាំងកាតព្វកិច្ចពេលវេលា នៃការរាយការណ៍ និងរបៀបឆ្លើយតប។

នាព្រឹកថ្ងៃទី២២ ខែមេសា ឆ្នាំ២០២៦ ឯកឧត្តម ផេន សុផល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងឯកឧត្តម ទុយ ចំរើន រដ្ឋលេខាធិការក្រសួងផែនការ តំណាងដ៏ខ្ពង់ខ្ពស់ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ បានអញ្ជើញជាគណៈអធិបតីក្នុងសិក្ខាសាលាស្តីពី "ការជំរុញការអនុវត្តគោលនយោបាយជាតិប្រជាជន ២០១៦-២០៣០ ក្នុងក្របខ័ណ្ឌគោលដៅអភិវឌ្ឍន៍ប្រកបដោយចីរភាពកម្ពុជា"។ សិក្ខាសាលានេះ ក៏មានការអញ្ជើញចូលរួមពីថ្នាក់ដឹកនាំមន្ទីរផែនការមកពី ១១ រាជធានី-ខេត្ត ផងដែរ។

អាជ្ញាធរខេត្តកំពង់ចាម នាំយកអំណោយជូនវីរកងទ័ពជួរមុខម្នាក់ដែលកំពុងសម្រាកព្យាបាលជំងឺ