រដ្ឋបាលខេត្តកំពង់ចាម

លោក ហេង វុទ្ធី អញ្ជើញដឹកនាំកិច្ចប្រជុំ ត្រួតពិនិត្យលើវឌ្ឍនភាពការងារ និងជំរុញឱ្យក្រុមការងារបង្កើនសកម្មភាព ឱ្យកាន់តែខ្លាំងខ្លា ប្រកបដោយប្រសិទ្ធភាព នៅថ្ងៃសៅរ៍ ទី២៧ ខែមិថុនា ឆ្នាំ២០២៦នេះ លោក ហេង វុទ្ធី ប្រធានក្រុមការងារចុះជួយឃុំទួលសំបួរ និងឃុំអារក្សត្នោតស្រុកស្ទឹងត្រង់ បានអញ្ជើញដឹកនាំកិច្ចប្រជុំបូកសរុបលទ្ធផលការងារគណបក្ស ឃុំទួលសំបួរ ប្រចាំខែឧសភា និងទិសដៅបន្ដ ។ ក្នុងកិច្ចប្រជុំនេះ ត្រូវបានត្រួតពិនិត្យ អំពីវឌ្ឃនាភាព នៃការកសាងសមាជិកគណបក្ស ក៏ដូចជាលទ្ធផលការងារដែលសម្រេចបាន និងការដាក់ទិសដៅបន្ដដូចខាងក្រោម: ១-លើយកបទសោធន៍ល្អៗ ហើយដាក់ចេញនូវការតម្រង់ទិស ២-លើកយកបញ្ហាប្រឈម ដែលបានដោះស្រាយ និងបន្កខិតខំដោះស្រាយ ប្រកបដោយប្រសិទ្ធភាព ៣-បន្តការចិញ្ចឹមចលនាគណបក្ស ៤-បន្ដពង្រឹងការធ្វើបច្ចុប្បន្នភាព និងការកសាងសមាជិកបក្ស ៥-បន្ដជំរុញ ការដឹកនាំ និងដោះស្រាយ រាល់សំណូមពររបស់ប្រជាពលរដ្ឋ ឱ្យបានឆាប់រហ័ស ៦-បង្កើនសកម្មភាព ក្នុងការចុះសួរសុខប្រជាពលរដ្ឋដល់តាមខ្នងផ្ទះ ដើម្បីសម្រួលដល់ការលំបាករបស់បងប្អូន ៧-បន្ដជំរុញការផ្សព្វផ្សាយដល់ប្រជាពលរដ្ឋ ឱ្យទៅចុះឈ្មោះបោះឆ្នោត និងពិនិត្យបញ្ជីឈ្មោះ ឱ្យបានគ្រប់ៗគ្នា ៨-ក្រុមការងារ ត្រូវពិនិត្យ និងធ្វើបច្ចុប្បន្នភាពលើផ្លាកគណបក្ស ដែលត្រូវបន្ថែមថ្មី និងខ្លះខូចខាត ដើម្បីផ្លាស់ប្ដូរថ្មីឡើងវិញ ៩-បន្ដការកសាងផែនការ សកម្មភាពឆ្ពោះទៅកាន់ការបោះឆ្នោត នាពេលខាងមុននេះ ។ ក្នុងឱកាសនោះដែរ លោក ហេង វុទ្ធី ក៏បានឧបត្ថម្ភថវិកាមួយចំនួន ជូនក្រុមការងារថ្នាក់មូលដ្ឋាន ចំនួន២៥នាក់ និងឧបត្ថម្ភសម្ភារៈ ព្រមទាំងឧបត្ថម្ភ ការចិញ្ចឹមចលនាគណបក្ស ផងដែរ ៕

សាររបស់សម្តេចអគ្គមហាសេនាបតីតេជោ​ ហ៊ុន​ សែន ប្រធានគណបក្សប្រជាជនកម្ពុជា​ ក្នុងទិវារំឭកខួបលេីកទី​ ៧៥​ នៃថ្ងៃបង្កេីតគណបក្សប្រជាជនកម្ពុជា(២៨​ មិថុនា​ ១៩៥១-២០២៦)។

អបអរសាទរ❗ខួបអនុស្សាវរីយ៍លើកទី៧៥ ថ្ងៃបង្កើតគណបក្សប្រជាជនកម្ពុជា ២៨ មិថុនា ១៩៥១-២៨ មិថុនា ២០២៥

អភិបាលខេត្តកំពង់ចាម និងតំណាងក្រសួងសាធារណការ និងដឹកជញ្ជូន អញ្ជើញដឹកនាំកិច្ចប្រជុំត្រៀមរៀបចំពិធីសម្ពោធកំណាត់ផ្លូវជាតិលេខ៧ (កំពង់ចាម) នៅព្រឹកថ្ងៃសៅរ៍ ទី២៦ ខែមិថុនា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងតំណាងក្រសួងសាធារណការ និងដឹកជញ្ជូន ដឹកនាំដោយឯកឧត្តម លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិនិត្យ ពិភាក្សា និងបែងចែកភារកិច្ច ដើម្បីត្រៀមរៀបចំពិធីសម្ពោធដាក់ឱ្យប្រើប្រាស់ជាផ្លូវការ នូវគម្រោងពង្រីក និងលើកកម្រិតគុណភាពកំណាត់ផ្លូវជាតិលេខ៧ (ពីវង្វង់មូលស្គន់-ដល់ក្រុងកំពង់ចាម) ដែលពិធីនឹងប្រព្រឹត្តទៅនៅថ្ងៃទី៧ ខែកក្កដា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ នាឱកាសនោះ ឯកឧត្តម អ៊ុន ចាន់ដា អភិបាលខេត្ត បានណែនាំដល់កងកម្លាំងសមត្ថកិច្ចគ្រប់ប្រភេទ ត្រូវសហការគ្នាយ៉ាងម៉ឺងម៉ាត់បំផុត ក្នុងការរៀបចំផែនការការពារសន្តិសុខ សុវត្ថិភាព ព្រមទាំងសម្រួលចរាចរណ៍វាង ដើម្បីធានាបាននូវភាពរលូន និងជៀសវាងការកកស្ទះនៅថ្ងៃប្រារព្ធពិធី។ ឯកឧត្តម ក៏បានបន្ដ ណែនាំដល់ក្រុមការងារបច្ចេកទេស និងអាជ្ញាធរមូលដ្ឋាន ត្រូវបន្តសហការគ្នាជិតស្និទ្ធ ដើម្បីពន្លឿនការងារដែលសេសសល់ និងធានាថាពិធីសម្ពោធជាផ្លូវការខាងមុខនេះ នឹងប្រព្រឹត្តទៅដោយរលូន ជោគជ័យ និងមានសុវត្ថិភាពខ្ពស់បំផុត។ ឯកឧត្តម លឹម សុីដេនីន រដ្ឋលេខាធិការ បានថ្លែងថា ពិធីសម្ពោធជាផ្លូវការនេះ នឹងត្រូវប្រារព្ធឡើងនៅថ្ងៃទី៧ ខែកក្កដា ឆ្នាំ២០២៦ ខាងមុខនេះ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ផ្អែកលើការរៀបចំទីតាំងរោងពិធី (ស្ថិតនៅភូមិព្រៃខ្ជាយ ឃុំសំរោង ស្រុកព្រៃឈរ)ដោយរំពឹងទុកថានឹងមានថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ លោកគ្រូ-អ្នកគ្រូ សិស្សានុសិស្ស និងបងប្អូនប្រជាពលរដ្ឋចូលរួម ប្រមាណ ៧.០០០នាក់៕

អភិបាលខេត្តកំពង់ចាម ចូលរួមជាមួយតំណាងក្រសួងសាធារណការ និងដឹកជញ្ជូន អញ្ជើញចុះពិនិត្យទីតាំងត្រៀមរៀបចំពិធីសម្ពោធកំណាត់ផ្លូវជាតិលេខ៧ (ស្គន់-ក្រុងកំពង់ចាម) (កំពង់ចាម) អភិបាលនៃគណៈអភិបាលខេត្តកំពង់ចាម ឯកឧត្តម អ៊ុន ចាន់ដា នៅព្រឹកថ្ងៃសៅរ៍ទី២៧ ខែមិថុនា ឆ្នាំ២០២៦ នេះ បាន ដឹកនាំក្រុមការងារខេត្ត ចូលរួមជាមួយតំណាងក្រសួងសាធារណការ និងដឹកជញ្ជូន ដឹកនាំដោយ ឯកឧត្តម លឹម ស៊ីដេនីន រដ្ឋលេខាធិការ បានអញ្ជើញចុះពិនិត្យទីតាំងផ្ទាល់ ដើម្បីត្រៀមរៀបចំពិធីសម្ពោធដាក់ឱ្យប្រើប្រាស់ជាផ្លូវការ នូវគម្រោងពង្រីក និងលើកកម្រិតគុណភាពកំណាត់ផ្លូវជាតិលេខ៧ ពីរង្វង់មូលស្គន់ ដល់ក្រុងកំពង់ចាម។ នាឱកាសនោះ ក្រុមការងារក្រសួង សាធារណការ និងដឹកជញ្ជូន រួមនិងថ្នាក់ដឹកនាំខេត្ត បានពិនិត្យពិភាក្សាលើការរៀបចំផ្នែកសោភ័ណភាព ខ្សែលំហរទីធ្លា និងការរៀបចំវេទិកា ដើម្បីធានាបាននូវភាពរៀបរយ និងស្របតាមពិធីការផ្លូវការ។ ជម្រុញការសម្អាតអនាម័យ បរិស្ថាន និងការតុបតែងលម្អតាមដងផ្លូវជាតិលេខ៧ ឱ្យបានស្អាតបាត និងមានរបៀបរៀបរយ។ ជាមួយគ្នានោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម ណែនាំដល់អាជ្ញាធរមូលដ្ឋាន និងកងកម្លាំងប្រដាប់អាវុធ ត្រូវសហការគ្នាជិតស្និទ្ធក្នុងការរៀបចំផែនការការពារសន្តិសុខ និងការសម្រួលចរាចរណ៍វាង ដើម្បីជៀសវាងការកកស្ទះនៅថ្ងៃប្រារព្ធពិធី។ បើតាម ក្រសួងសាធារណការ និងដឹកជញ្ជូន បានឲ្យដឹងថា កំណាត់ផ្លូវជាតិលេខ៧ ចាប់ពីរង្វង់មូលស្គន់ ដល់ក្រុងកំពង់ចាម គឺជាខ្សែផ្លូវសេដ្ឋកិច្ចដ៏មានសក្តានុពល ដែលការសម្ពោធដាក់ឱ្យប្រើប្រាស់ជាផ្លូវការខាងមុខនេះ នឹងក្លាយជាចំណងដៃដ៏ថ្លៃថ្លាជូនដល់ប្រជាពលរដ្ឋក្នុងការធ្វើដំណើរ និងការដឹកជញ្ជូនឱ្យកាន់តែមានភាពងាយស្រួល និងរហ័សទាន់ចិត្ត៕

អភិបាលស្រុងស្ទឹងត្រង់ ខេត្តកំពង់ចាម ដាក់ចេញវិធានការបន្ត បង្ក្រាប និងបង្ការទប់ស្កាត់ បញ្ហាក្មេងទំនើងក្នុងមូលដ្ឋាន

មន្ត្រីជំនាញខេត្តកំពង់ចាម ដុតបំផ្លាញសាច់បង្កក និងប្រហិតខូចគុណភាព

មន្ត្រីជំនាញខេត្តកំពង់ចាម ដុតបំផ្លាញសាច់បង្កក និងប្រហិតខូចគុណភាព

នៅថ្ងៃទី២៥ ខែមិថុនា ឆ្នាំ២០២៦ ខណ្ឌរដ្ឋបាលជលផលកំពង់ចាម សហការជាមួយអធិការដ្ឋានរដ្ឋបា លជលផលមេគង្គ និងអាជ្ញាធរស្រុកកងមាស ដោយមានការសម្របសម្រួលពីឯកឧត្តម ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្រ្កាបបទល្មើសជលផលបាន ០១ករណីដោយរុះរើ និងបំផ្លាញចោលនូវឧបករណ៍ខុសច្បាប់រួមមាន៖ -ឧបករណ៍លូស្បៃមុងចំនួន ១៣មាត់ -របាំងស្បៃមុងប្រវែង ១១០ម៉ែត្រ -បង្គោលចំនួន ១០៥ដើម -ចាក់លែងកូនត្រីចម្រុះទម្ងន់ ០៣គីឡូក្រាម នៅចំណុចតាមដងទន្លេមេគង្គ ស្រុកកងមាស ខេត្តកំពង់ចាម។

នៅព្រឹកថ្ងៃសុក្រ ទី២៦ ខែមិថុនា ឆ្នាំ២០២៦ លោក សំ ពិសិដ្ឋ អភិបាលនៃគណៈអភិបាលស្រុកចំការលើ និងលោក សាយ សុធន ប្រធានសាខា បបស ខេត្តកំពង់ចាម បានអញ្ជើញជាអធិបតីក្នុងពិធីបើកសិក្ខាសាលាផ្សព្វផ្សាយ ស្តីពី គោលការណ៍បទបញ្ញត្តិច្បាប់ និងអត្ថប្រយោជន៍របស់បេឡាជាតិសន្តិសុខសង្គម ។ ពិធីនេះបានប្រព្រឹត្តទៅស្ថិតនៅសាលប្រជុំការិយាល័យអប់រំ យុវជន និងកីឡា ស្រុកចំការលើ។

នៅព្រឹកថ្ងៃទី២៦ ខែមិថុនា ឆ្នាំ២០២៦ រដ្ឋបាលស្រុកស្ទឹងត្រង់ បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកស្ទឹងត្រង់ ដើម្បីត្រួតពិនិត្យ និងគាំទ្រការអនុវត្តកម្មវិធីគោលនយោបាយយុទ្ឋសាស្រ្តបញ្ចកោណដំណាក់កាលទី១ របស់រាជរដ្ឋាភិបាល ក្រោមអធិបតីភាព លោក សុិន សុខុន ប្រធានក្រុមប្រឹក្សាស្រុក និង លោក បាន ស្រេង អភិបាល នៃគណៈអភិបាលស្រុកស្ទឹងត្រង់ នៅវត្តសុវណ្ណរតនសោភណមុនី (ហៅវត្តព្រះអណ្តូង) ស្ថិតនៅភូមិព្រះអណ្តូងទី២ ឃុំព្រះអណ្តូង ស្រុកស្ទឹងត្រង់ ខេត្តកំពង់ចាម។

មកស្គាល់ គណៈអភិបាលខេត្តកំពង់ចាម

អភិបាលខេត្តកំពង់ចាម អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី២៦ ខែមិថុនា ឆ្នាំ ២០២៦ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត បានដឹកនាំអភិបាលរងខេត្ត នាយករដ្ឋបាល កងកម្លាំងទាំងបី មន្ទីរ/អង្គភាពពាក់ព័ន្ធ អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្ដេចមហាបវរអធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្ថិតនៅវិមានសន្តិភាព និងតាមរយៈប្រព័ន្ធវីដេអូ Conference។ កិច្ចប្រជុំបានពិភាក្សា និងឆ្លងលើរបៀបវារៈដូចខាងក្រោម៖ ១-របាយការណ៍វឌ្ឍនភាពនៃវិស័យទេសចរណ៍ និងការជំរុញយុទ្ធនាការទស្សនាកម្ពុជានៅរដូវកាលបៃតង។ ២-សេចក្តីព្រាងផែនការសកម្មភាពជាតិស្តីពីការទប់ស្កាត់អំពើហិង្សាលើស្ត្រី ឆ្នាំ២០២៥-២០៣០។ ៣-សេចក្តីព្រាងច្បាប់ស្តីពីការអនុម័តយល់ព្រមឱ្យព្រះរាជាណាចក្រកម្ពុជាចូលជារដ្ឋភាគីនៃអនុសញ្ញាស្តីពីប្រាតិភោគជាអន្តរជាតិ ចំពោះឧបករណ៍ចល័ត និងពិធីសារនៃអនុសញ្ញាស្តីពីប្រាតិភោគជាអន្តរជាតិចំពោះឧបករណ៍ចល័តពាក់ព័ន្ធនឹងករណីជាក់លាក់ នៃឧបករណ៍អាកាសយាន។ ៤-សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងក្របខ័ណ្ឌអាស៊ានស្តីពីកិច្ចសម្រុះសម្រួលទទួលស្គាល់ ទៅវិញទៅមក។ ៥-សេចក្តីព្រាងច្បាប់ស្តីពីការអនុម័តយល់ព្រមលើកិច្ចសម្រុះសម្រួលទទួលស្គាល់ទៅវិញទៅមកតាមផ្នែកអាស៊ានសម្រាប់ សម្ភារៈអគារនិងសំណង់។ ៦-សេចក្តីព្រាងច្បាប់ស្តីពីការអនុម័តយល់ព្រមលើកិច្ចសម្រុះសម្រួលទទួលស្គាល់ទៅវិញទៅមកតាមផ្នែកអាស៊ាន ស្តីពីប្រភេទ អនុម័តបញ្ជាក់សម្រាប់ផលិតផលយានយន្ត៕

នាព្រឹកថ្ងៃទី២៦ ឯកឧត្តម ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំកិច្ចប្រជុំក្រុមការងារបច្ចេកទេសចម្រុះវិស័យអប់រំថ្នាក់ខេត្ត នៅសាលប្រជុំមន្ទីរអប់រំ យុវជន និងកីឡាខេត្តកំពង់ចាម។ ក្នុងកិច្ចប្រជុំនេះដែរក៏មានកាអញ្ជើញចូលរួមដោយលោកស្រី នាយិការងរដ្ឋបាលសាលាខេត្ត , លោក លោកស្រី ប្រធាន និងតំណាងមន្ទីរ-អង្គភាពជុំវិញខេត្ត , មន្ត្រីការិយាល័យ នៃមន្ទីរអប់រំយុវជន និងកីឡាខេត្ត និងអង្គការដៃគូពាក់ព័ន្ធផងដែរ។

នាព្រឹកថ្ងៃទី២៦ ឯកឧត្តម ឃន ប្រុស អភិបាលរងខេត្ត តំណាងដ៏ខ្ពង់ខ្ពស់ឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំកិច្ចប្រជុំក្រុមការងារបច្ចេកទេសចម្រុះវិស័យអប់រំថ្នាក់ខេត្ត នៅសាលប្រជុំមន្ទីរអប់រំ យុវជន និងកីឡាខេត្តកំពង់ចាម។ ក្នុងកិច្ចប្រជុំនេះដែរក៏មានកាអញ្ជើញចូលរួមដោយលោកស្រី នាយិការងរដ្ឋបាលសាលាខេត្ត , លោក លោកស្រី ប្រធាន និងតំណាងមន្ទីរ-អង្គភាពជុំវិញខេត្ត , មន្ត្រីការិយាល័យ នៃមន្ទីរអប់រំយុវជន និងកីឡាខេត្ត និងអង្គការដៃគូពាក់ព័ន្ធផងដែរ។