O'zLiDeP Xorazm viloyat Kengashi

#БПТ_фаолиятидан #Қўшкўпир_тумани Аҳолининг фаол қатлами бўлган ёшлар учун иш ўринларини яратиш, келгусида юртимизни минтақавий ИТ ҳабга айланишида ўз ҳиссасини қўша оладиган юқори даражадаги ИТ мутахассисларини етиштириш мақсадида жойларда ИТ марказлари ташкил этилмоқда. Ана шундай марказлардан бири Қўшкўпир туманида IT Park маркази ўз фаолиятини бошлади. Янги марказ туман ёшлари учун замонавий имкониятларни туҳфа этиши баробарида ИТ соҳасини янада ривожлантиришга хизмат қилади. ИТ Парк ишга туширилиши туманда рақамли иқтисодиётни кенг ривожлантириш, дастурий маҳсулотлар ишлаб чиқарувчиларни қўллаб-қувватлаш ва уларга шарт-шароитлар яратиб бериш, аҳолининг, айниқса ёшларнинг рақамли технологиялар соҳасида билимларини оширишда жуда муҳим аҳамиятга эга. Шунингдек, тадбирда мазкур жамоа фаолларининг партияга аъзо бўлиш учун берган аризалари эътиборга олиниб, мазкур марказда 12 нафар аъзони бирлаштирган БПТ ташкил этилди. БПТ раиси У.Рўзметовга аъзолик гувоҳномаси топширилди.

#Ишбилармон_аёл_2024" #Аёллар_қаноти_фаолиятидан #Қўшкўпир_тумани “Ишбилармон аёл” кўрик танловининг маҳаллалардаги саралаш босқичи вилоятнинг барча туман шаҳарларида давом этмоқда. Навбатдаги кўрик-танлов Қўшкўпир туманидаги “Иқбол” маҳалласида бўлиб ўтди. Унда “Янгилик”, “Ёвсар”, “Месит”, “Айрокул”, “Хайробод”, “Кўназей”, “Хосиён”, “Тагалак”, “Гулзор”, “Иқбол”, “Бахористон”, “Тараққиёт” маҳаллаларидан тадбиркор ва ҳунарманд хотин-қизлар ўзларининг маҳсулотлари билан иштирок этишди. Тадбирда оилавий тадбиркорлик, кичик бизнес ва хусусий тадбиркорлик, фермерлик фаолиятида салмоқли ютуқларга эришиб, аҳоли бандлигига кўмаклашишда фаоллик кўрсатиб келаётган бир гуруҳ фаол тадбиркор аёллар партиянинг ташаккурномаси билан тақдирландилар.

#БПТ_фаолиятидан #Гурлан_тумани Гурлан туман фермер, деҳқон хўжаликлари ва томорқа ер эгалари Кенгаши хузуридаги Фермер хўжаликларида бухгалтерия хисоби ва хисоботини юритиш марказида Бошланғич партия ташкилоти ташкил қилинди. Бугунги кунда партия дастурий мақсадларини амалга ошириш, электорат манфаатини ҳимоя қилишда БПТнинг иштироки тобора ошиб бормоқда. Бу эса, нафақат партия ташкилотлари ишини кучайтириш, балки, партия аъзоларининг ижтимоий-сиёсий ва иқтисодий фаоллигини оширишга муҳим омил бўлиб хизмат қилади. Хулоса ўрнида айтиш жоизки, ижтимоий – сиёсий ҳаётда партия ролини ошириш учун қуйи тузилмаларда ишга ёндашувни янгилаш асосий вазифа саналишини амалиётнинг ўзи кўрсатиб турибди. Зеро, айнан бошланғич партия ташкилотларигина партия электорати билан бевосита иш фаолиятида жойлардаги ижтимоий – иқтисодий муаммолардан хабардор ва энг муҳими, уларни самарали ҳал этишда муҳим бўғин саналади. Бошланғич партия ташкилотига ушбу марказ директори Ғ.Шомуратов раис қилиб сайланди ва 25 нафар аъзо қабул қилинди.

#Қўшкўпир_туман #Ёшлар_ва_бизнес_тузилмалар #Депутатлар_фаолиятидан Депутат ва ёшлар учрашуви Мамлакатимизда ёшларнинг ҳуқуқий саводхонлигини оширишга қаратилган қатор ислоҳотлар изчиллик билан амалга оширилмоқда. Бу каби кенг кўламли ислоҳотлар замирида аввало ёш авлодни жамият ҳаётида фаол, ўз фикрини эркин ифода эта оладиган, билимли ёшларни шакллантиришдан иборат. Тадбиркорлар ва ишбилармонлар ҳаракати – Ўзбекистон Либерал-демократик партияси Қўшкўпир туман Кенгаши томонидан “Депутат ва ёшлар” учрашуви ташкил этилди. Унда туман Кенгаши депутати Ҳамидбек Машарипов, O’zLiDeP Хоразм вилоят Кенгаши “Ёшлар ва бизнес тузилмалар билан ишлаш” бўлим мудири И.Тўраева, ёшлар, партия фаоллари иштирок этди. Учрашувда бугунги кунда мамлакатимизда ёшларга қаратилаётган кенг эътибор, барча соҳаларда ёшларнинг ўрни, айниқса, Давлатимиз раҳбари томонидан ёшларни қўллаб-қувватланаётгани хусусида алоҳида тўхталиб ўтилди. Айниқса, ёшлар фаолиятига доир кўплаб Қарор ва Фармонлар, қонунлар қабул қилинаётганлиги, ёшлар шу эътиборга муносиб бўлишлари, ҳар бир дақиқасидан унумли фойдаланиб, Ватан равнақи, юрт келажаги учун муносиб фарзандлар бўлиши алоҳида таъкидлаб ўтилди. Очиқ мулоқот тарзида ташкил этилган ушбу учрашувда ёшлар ўзларини қизиқтирган саволлар билан депутатга мурожаат қилишди. Учрашув давомида ёшлар ўзларини қизиқтирган барча саволларга жавоб олдилар.

#Қўшкўпир_туман #Депутатлар_фаолиятидан #Эшитув Халқ депутатлари Қўшкўпир туман Кенгашидаги O’zLiDeP депутатлик гуруҳининг навбатдаги йиғилиши бўлиб ўтди. Йиғилиш кун тартибида Қўшкўпир туман маҳаллий бюджетининг жорий йилнинг биринчи чорак даромадлар режасини ошириб бажарилган қисми ҳамда бюджет ташкилотлари ва бюджетдан маблағ олувчиларга маблағ ажратиш тўғрисида мансабдор шахснинг ҳисоботи тингланди. Йиғилишда Хоразм вилояти Қўшкўпир туман ҳокимлиги молия бўлими мудирининг биринчи ўринбосари Ҳ.Машарипов таъкидлаганидек, жорий йил давомида туман маҳаллий бюджетнинг аниқланган даромадлари режаси 43 млрд. 821 млн. сўм белгиланган бўлиб, ушбу кўрсаткич 46 млрд. 106 млн сўмга бажарилди. Ўтказиб бериладиган даромадларнинг аниқланган режаси 47 млрд. 042 млн. сўм белгиланган бўлиб ушбу кўрсаткич 36 млрд. 634 млн сўмга бажарилди. Ҳаражатларни соҳалар кесимида кўриб чиқадиган бўлсак, мактабгача ва мактаб таълими, соғлиқни сақлаш, маданият бўлими соҳаси, спорт ва бошқа соҳаларга тўғри келади. Йиғилиш давомида мутасаддининг ҳисоботини қониқарли, деб топган депутатлар, тизимдаги мавжуд муаммоларни бартараф этиш юзасидан ўз фикр-мулоҳазаларини, таклифларини билдириб ўтдилар. Мазкур муаммолар депутатлик назоратига олиниб, партиявий воситалар билан бартараф этиш чора-тадбирлари ҳам белгилаб олинди.