Bureau of Labor and Skills-Dire Dawa

የኢትዮ-ጣሊያን ፖሊቴክኒክ ኮሌጅ ከEDI ጋር በመተባበር ዘንድሮ ስልጠናቸውን ለሚያጠናቅቁ የኮሌጁ ሰልጣኝ ተማሪዎች ስራ ፈጣሪነት ላይ ያተኮረ የኢንተፕርነርሺፕ ስልጠና ሰጠ:: የኢንተርፕርነርሺፕ ስልጠናው ላለፉት 4 ቀናት በተቋሙ ሲሰጥ የቆየ ሲሆን ወጣቶች በኮሌጁ የሚኖራቸውን ቆይታ አጠናቀው ሲወጡ ኢንዱስትሪውን ከማንቀሳቀስ ባሻገር በሰለጠኑበት የሙያ ዘርፍ የቢዝነስ ሀሳቦችን በማፍለቅ እንዴት የራሳቸውን ስራ መፍጠርና ኢኮኖሚውን መምራት እንደሚችሉ ሰፊ ግንዛቤ ያገኙበትን ስልጠና ለወጣቶቹ መስጠት ተችሏል:: በስልጠናው ማጠናቀቂያ ላይ ለሰልጣኞች መልዕክት ያስተላለፉት የኮሌጁ ዲን አቶ ታደለ አሰፋ በንግግራቸው ስልጠና አጠናቃቂ ወጣቶች የቀጣይ ህይወታችሁን ምዕራፍ የምትወስኑበት ወሳኝ ጊዜ ላይ እንደመሆናችሁ መጠን ከወዲሁ ስራ ፈጣሪነትን እንድትላበሱ ታስቦ የተዘጋጀ ስልጠና መሆኑን ገልፀው በተለይ እንደ ቴክኒክና ሙያ ሰልጣኝ ሀገር መቀየር የሚችሉና በየዘርፉ ለሚስተዋሉ ክፍተቶች መፍትሄ የሚሆኑ የቢዝነስ ሀሳቦችን በማመንጨት ስራ ፈጣሪ ዜጋ መሆን ይጠበቅባችኃልም ብለወዋል:: ሰልጣኞች ወደ ስራ አለም ከመግባታችሁ አስቀድሞ ይህን የስራ ፈጣሪነት ስልጠናን በማግኘታችሁ እድለኛ ያደርጋችኃል ያሉት ደግሞ የኮሌጁ የቴ/ሽ/ኢ/ኤ/አ ዋና ስራ ሂደት ሀላፊና ም/ል ዲን አቶ ተሾመ ሸዋዬ ሲሆኑ አያይዘውም የተሻለ የቢዝነስ ሀሳብ ይዘው ለሚመጡ ወጣቶች በኮሌጁ የኢንኩቤሽን ሴንተር በኩል አስፈላጊውን ትብብርና ድጋፍ ለማድረግ ኮሌጁ ከመቼውም ጊዜ በላይ ዝግጁ መሆኑንም ገልፀዋል:: ላለፉት 4 ቀናት ለስልጠና አጠናቃቂ ወጣቶች የተሰጠውን የኢንተፕርነሺፕ ስልጠና ኮሌጁ ከEDI(Ethiopian Development Inistitut) ጋር በመተባበር ያዘጋጀ ሲሆን የስራ ፈጣሪነት ስልጠናውም ከEDI በመጡ ባለሙያዎች መስጠት ተችሏል:: የኢትዮ-ጣሊያን ፖሊቴክኒክ ኮሌጅ ህዳር 20/2018 ዓ.ም ድሬዳዋ

“በጋራ እንገንባ/ Together We Build!” ዓለም አቀፍ የኢንተርፕረነርሺፕ ሳምንት የድሬዳዋ አስተዳደር ሥራና ክህሎት ዓለም አቀፍ የኢንተርፕርነርሺፕ ሳምንት በማስመልከት በዛሬው ዕለት ከሚመለከታቸው ባለድርሻ አካላት ጋር ውይይት ተካሄደ። ‘‘በጋራ እንገንባ’’ በሚል መሪ ቃል ሁለት መቶ በሚሆኑ የአለም ሀገራት በተለያዩ ሁነቶች ሲከበር የነበረው የአለም ኢንተርፕረነርሺፕ ሳምንት በድሬዳዋ አስተዳደር ደረጃ  ዘርፍ መስሪያ ቤት ተወካዮች በተገኙበት ሰነድ ቀርቦ የፓናል ውይይት ማድረግ ተችሏል፡፡ በመድረኩ መንግስት፣ የግሉ ዘርፍና ስራ ፈጣሪዎች ተቀናጅተው እንዲሰሩ እየተከናወኑ ያሉ ተግባራትን በተመለከተ ውይይት የተደረገ ሲሆን በዋናነትም የወጣቱን በስራ ዕድል ተጠቃሚነት መረጋገጥ ረገድ ያሉ ማነቆዎች ላይ ትኩረት ተሰጥቶታል። የቢሮው ም/ኃላፊ እና የቴክኒክና ሙያ ስልጠና ኤጀንሲ ኃላፊ ወ/ሮ ፈጡም ሙስጠፋ በመድረኩ ተገኝተው እንደተናገሩት ስራ ፈጣሪዎች ከተለምዷዊ አሰራር ተላቀው ንቁ፣ ችግር ፈቺና የስራ ዕድል ፈጣሪ እንዲሆኑ በቅንጅት መስራት ይገባል ብለዋል። አያይዘውም በቢሮው የሥራ ዕድል ፈጠራና አንድ ማዕከል ማስተባባሪያ ዳይሬክቶሬት ዳይሬክተር አቶ ሰኢድ አሊ እንደገለጹት በአስተዳደሩ የተለያየ ክህሎት ያላቸው ዜጎች እውቀታቸውን ወደ ተግባር የሚቀይሩበት ምህዳር በማዘጋጀትና ከፋይናንስ ተቋማት በማገናኘት ድጋፍ እንዲያገኙ ስራዎች እየተሰሩ እንደሚገኝ ተናግረዋል። የሥራና ክህሎት ቢሮ ህዝብ ግንኙነት ህዳር 19/2018 ዓ.ም ድሬዳዋ

የድሬዳዋ ፖሊ ቴክኒክ ኮሌጅ ለሀገር የሚጠቅሙ ዜጎችን ለማፍራት ስራችን ዘመናዊ በሆነ መልኩና ሰልጣኞችን በስነ ምግባር የታነጹ ዜጎች እንዲሆኑ እየሰራ እንዳለ ተገለጸ፡፡ 22ተኛው የአለም አቀፍ የፀረ ሙስና ቀን በድሬዳዋ ፖሊ ቴክኒክ ኮሌጅ ትውልድን በስነ-ምግባር ተቋምን በአሰራር በሚል መሪ ቃል በፓናል ውይይት ተከበረ፡፡ በውይይት መድረኩ ላይ በመገኘት መድረኩን በንግግር የከፈቱትና በተሳታፊዎች ለተነሱ ጥያቄና አስተያየቶች ምላሽ የሰጡት የኮሌጁ ኢ/ኤ/ቴ/ሽግግር ም/ዲን የሆኑት ወ/ሮ ትግስት በዙ ሲሆኑ በንግግራቸውም ኮሌጃችን የትምህርትና ስልጠና ተቋም እንደ መሆኑ መጠን አሰራራችንን በማዘመን ሰልጣኞቻችንን አገር ወዳድ ሆነው እንዲወጡ በስነ ምግባር እንዲታነጹ አብረን በጋራ መስራት አለብን ያሉ ሲሆን፣ ወ/ሮ ትግስት አያይዘውም የዘመነ አሰራር ተከትለን ስራዎቻችንን መስራት እንዳለብን ሁሉ የተቋሙን እሴትና የስነ ምግባር መርህ ተከትለን ህዝብን በቅንነትና በታማኝነት ልናገለግል ይገባንል ብለዋል፡፡ በዛሬው እለት በኮሌጁ የተከበረው 22ተኛው የአለም አቀፍ የፀረ-ሙስና ቀን ምክንያት በማድረግ የተዘጋጀ ሰነድ ቀርቦ ውይይት ተደርጎበታል፡፡ የኮሌጁ ኮምኒኬሽን ህዳር 19/2018 ዓ.ም ድሬዳዋ

#ዜና /የኢትዮ-ጣሊያን ፖሊ ቴክኒክ ኮሌጅ ADRA Ethiopia ፕሮጀክት በSolar PV Installation & maintenance ሰልጥነው በማህበር ለተደራጁ ወጣቶች በጸሐይ ብርሃን የሚሰራ የእህል ወፍጮ በመስጠት ለወጡበት የገጠር ማህበረሰብ አገልግሎት እየሰጡ ተጠቃሚ የሚሆኑበትን እድል አመቻችቷል:: #DGC ህዳር 16/2018 ነዋሪነታቸው በድሬዳዋ አስተዳደር ቃልቻ የገጠር ቀበሌ የሆኑት እና በSolar PV Installation & maintenance (በጸሐይ ብርሃን የኃይል ምንጭ መሳሪያዎች ገጠማና ጥገና) በኢትዮ-ጣሊያን ፖሊ ቴክኒክ ኮሌጅ ADRA Ethiopia ፕሮጀክት ሰልጥነው በማህበር ለተደራጁ አስራ ስምንት ወጣቶች በጸሐይ ብርሃን ኃይል የሚሰራ የእህል ወፍጮ የጀርመን የተራድኦ ድርጅት ADRA Germany ዋና ሀላፊ በተገኙበት የተበረከተላቸው ሲሆን ወጣቶች ለአካባቢያቸው ማህበረሰብ አገልግሎት እየሰጡ ተጠቃሚ እንዲሆኑ ለማገዝ ድጋፉን ማበርከታቸውን የተርአድዎ ድርጅቱ የምስራቅ አፍሪካ አስተባባሪ አቶ ዳዊት መሃሪ ገልጸዋል፡፡ የኢትዮ ጣሊያን ፖሊቴክኒክ ኮሌጅ ዲን አቶ ታደለ አሰፋ በበኩላቸው የADRA Ethiopia ከኮሌጁ ጋር በመተባበር በSolar PV Installation & maintenance ስልጠና ወጣቶችን በማብቃት ራሳቸውን ማህበረሰባቸውን እንዲጠቅሙ በማድረግ በኩል ትልቅ አስተዋጾ እያበረከተ መሁኑን ገልጸው ፤ ወጣቶቹ ባገኙት በዚህ እድል ወደ ተሻለ ምእራፍ በመሸጋገር አርአያ ለመሆን ጠንክረው ሊሰሩ እንደሚገባ አሳስበዋል ፡፡ የኢትዮ ጣሊያን ፖሊ ቴክኒክ ኮሌጅ ADRA ፕሮጀክት በSolar PV Installation & maintenance (በጸሐይ ብርሃን የኃይል ምንጭ መሳሪያዎች ገጠማና ጥገና) ሙያ እስካሁን ከ120 በላይ ተማሪዎችን ተቀብሎ በማሰልጠን ማስመረቁ ይታወቃል ፡፡ #DGC

የድሬዳዋ አስተዳደር ሥራና ክህሎት ቢሮ የኢንተርፕራይዞች ልማት ዳይሬክቶሬት  የእድገት ደረጃ እና ከፍተኛ የማደግ አቅም ያላቸውን ኢንተርፕራይዞች መረጃ ለመሰብሰብ የተዘጋጁ ቅጾች ላይ ከገጠር ወረዳ አንድ ማዕከላት ከተወጣጡ አስተባበሪዎችና ባለሞያዎች የግንዛቤ ማስጨበጫ ውይይት አካሄደ፡፡ በዚህም  ኢንተርፕራይዞች ሲመዘገቡ ሊያሟሏቸው ስለሚገቡ ዝርዝር ጉዳዮች እንዲሁም የተሰማሩበትን ዘርፍና ያለባቸውን ክፍተት በሚለይ መልኩ ቅጾቹን መሰረት በማድረግ ገለጻ የተደረገ ሲሆን በቀጣይም በአጭር ጊዜ ውስጥ በተጨባጭ ስራ ላይ የሚገኙ ለመለየት  የሚያስችል መረጃዎች የሚሰበሰቡ ይሆናል፡፡ በተያያዘ በአስተዳደሩ ገጠር የሚገኙ ኢንተርፕራይዞችን ከመለየትና ከማደራጀት በዘለለ አቅማቸውን በማጎልበት የአንቀሳቃሾች አመለካከታቸውን ሊቀይር የሚችል ስልጠና መስጠት፣ የብድር አቅርቦትና አመላለስ ላይ ትኩረት ማድረግ፣ ከባለድርሻ አካላት ጋር በመቀናጀት ለኢንተርፕራይዞች የገበያ ትስስር በመፍጠር የድጋፍ ተጠቃሚነታቸውን የሚያረጋግጡ ስራዎች ተጠናክረው እንደሚቀጥሉ የዳይሬክቶሬቱ ተወካይ ወ/ሮ መቅደስ ከፈለኝ ገልጸዋል። የሥራና ክህሎት ቢሮ ህዝብ ግንኙነት ህዳር 16/2018 ዓ.ም ድሬዳዋ

"ትውልድን በሥነ ምግባር፤ ተቋምን በአሠራር!" የድሬዳዋ አስተዳደር ሥራና ክህሎት ቢሮ "ትውልድን በሥነ ምግባር፤ ተቋምን በአሠራር!" በሚል በአለምና በአገር አቀፍ ደረጃ የሚከበረውን የፀረ-ሙስና ቀን ምክንያት በማድረግ ከቢሮው ማህበረሰብ ጋር ተወያይቷል። የድሬዳዋ አስተዳደር ሥራና ክህሎት ቢሮ የሙያ ብቃት ምዘናና ማረጋገጫ ማዕከል ኤጀንሲ ኃላፊ አቶ አሚን አብዱላሂ በውይይቱ ላይ እንደተናገሩት የሙስና ምክንያት የሆነውን የስነ-ምግባር ዝቅጠትንና ስግብግብነትን ለማረም እና አይቶ እንዳላየ ማለፍን ለማስቆም የቢሮው ሰራተኞችና አመራሮች ሚና ላቅ ያለ መሆኑን አስረድተዋል። የፀረ-ሙስና ትግሉ በቢሮው የአገልግሎት አሰጣጥ ዘንድ እንዲቀጣጠልና በዋናነት የስነ ምግባር ግንባታው የድርሻውን ተወጥቶ የሚታመንና የሚተማመን ሰራተኛና አመራር መፍጠር እንደሚገባ በመድረኩ ውይይት ተመላክቷል። የሥራና ክህሎት ቢሮ ህዝብ ግንኙነት ህዳር 16/2018 ዓ.ም ድሬዳዋ

ከቴክኖሎጂ ፈጣሪነት እስከ አለም አቀፍ ተወዳዳሪነት......... የድሬዳዋ ፖሊ ቴክኒክ ኮሌጅ አሰልጣኝ መምህራን በተሳተፉበት አለም አቀፍ ውድድር አሸናፊ ሆነዋል:: "የክህሎት ኢትዮጵያ" ፕሮግራም ተሳታፊ የሆኑት የድሬዳዋ ፖሊ ቴክኒክ ኮሌጅ አሰልጣኝ መምህራን በብሪክስ ቤልት ኤንድ ሮድ የቴክኖሎጂ እና ፈጠራ ውድድር አገራችንን በመወከል አሸንፈዋል። በውድድሩ በአጠቃላይ በ15 ዘርፎች በተካሄደው ውድድር ኢትዮጵያ 4 የብር ሜዳልያ እና 3 የነሀስ ሜዳልያ በማምጣት ቀዳሚ ሆናለች። ከዚህም በተጨማሪ 10 የፈጠራ ሥራዎች የምርጥ ፈጠራ እውቅና ተሰጥቷቸዋል። የድሬዳዋ ፖሊ ቴክኒክ ኮሌጅ አሰልጣኝ መምህራን በተሳተፉበት የፈጠራ ስራ Advanced Manufacturing Designing Semi-Automatic Animal feed production Machine ዘርፍም ከፍተኛ ውጤት በማምጣት የነሀስ ሜዳልያ በማምጣት ማሸነፍ ችለዋል:: በዚህ ከፍተኛ ውጤት የኮሌጁ ማህበረሰብ እንኳን ደስ አላችሁ! እንኳን ደስ አለን! የኮሌጁ አመራሮች መምህራኖቻችን የፈጠራ ሃሳባቸውን ወደ መሬት ለማውረድ የሚያደርጉትን ጥረት በተሻለ መልኩ ድጋፍ የምናደርግ ይሆናል። የኮሌጁ ዲን አቶ ሰለሀዲን አብዱልሀሚድ