FVMMTB - Rasmiy kanali

#Vazir_kubogi 💎Final ishtirokchilari Namanganda! 🌐Maktabgacha va maktab ta’limi vazirligi tashabbusi bilan pedagog ayol-qizlar hamda maktabgacha ta’lim xodimlari o‘rtasida voleybol bo‘yicha o‘tkazilayotgan “Maktabgacha va maktab ta’limi vaziri kubogi” Respublika bosqichi bahslariga start berilmoqda. 🟢Bugun Farg‘ona viloyati sharafini himoya qiluvchi voleybolchi ayol-qizlar jamoasi Namangan shahriga yetib bordi. Jamoamizning kayfiyati ko‘tarinki, g‘alabaga ishonchi baland. 🌐Farg‘onalik sportchi-pedagoglarimizga omad, muvaffaqiyat va yorqin g‘alabalar tilaymiz! Farg‘ona viloyati Maktabgacha va maktab ta’limi boshqarmasi Axborot xizmati

#Jasorat_maktabi Kirish imtihonlari qizgʻin pallada! ​💎Xabar berganimizdek, bugun respublikamiz bo‘ylab “Jasorat maktablari”ga kirish imtihonlarining birinchi bosqich test sinovlari bo‘lib o‘tmoqda. ⏸Kelajakda yurtimiz posbonlari bo‘lishni maqsad qilgan nomzodlar ona tili va matematika fanlaridan o‘z bilimlarini sinovdan o‘tkazyaptilar. ​ Fargʻona viloyatida test jarayonlari Bilim va malakalarni baholash agentligi viloyat hududiy bo‘limi binosida hamda Farg‘ona Olimpiya va paralimpiya sport turlariga tayyorlash markazida yuqori saviyada tashkil etildi. Ushbu nufuzli tanlovda viloyatimiz bo‘yicha jami 2553 nafar o‘quvchisi ishtirok etish uchun hujjatlar topshirgan. ​ 📍Imtihonlarning adolatli, shaffof va belgilangan tartib-qoidalarga muvofiq o‘tkazilishini Fargʻona viloyati harbiy prokurori, adliya polkovnigi Ilhom Salomov shaxsan kuzatib bordi va jarayonlar bilan yaqindan tanishdi. ​ 🪙 Viloyat harbiy prokurori barcha intiluvchan ishtirokchilarga zafarlar va yuksak natijalar tiladi.

Bilim deb, narsalarni idrok qilishga aytiladi. Bu shundayki, inson aqli uni xato va yo‘ldan toymasdan turib unga erishishi kerak bo‘ladigan narsadir. Bordiyu bu dalillar ochiq-oydin bo‘lsayu, isbotlar chinakamiga bo‘lsa, u holda bunga hikmat — donishmandlik deyiladi. — Ibn Sino

💎Yozgi sog‘lomlashtirish oyligi — quvonchli lahzalarga boy! 📊Oltiariq tumanidagi 38-umumta’lim maktabida tashkil etilgan yozgi sog‘lomlashtirish maydonchasida o‘quvchilar uchun sport musobaqalari, qiziqarli o‘yinlar, ijodiy mashg‘ulotlar hamda ma’naviy-ma’rifiy tadbirlar tashkil etildi. 🟢Mazmunli va maroqli o‘tgan tadbirlar bolalarning bo‘sh vaqtini samarali tashkil etish, sog‘lom turmush tarzini targ‘ib qilish hamda ularga unutilmas taassurotlar ulashishga xizmat qilmoqda.

‼️‼️‼️ #Диққат_эълон 2026–2027-o‘quv yili uchun texnikumlarga hujjatlar qabuli boshlanmoqda!   ⏰ 2026-yil 1-IYULdan boshlab texnikumlarga ONLAYN qabul jarayonlari boshlanadi.  

9-sinf bitiruvchilari uchun:

📊 570 ta texnikumga hujjat topshirish imkoniyati mavjud bo’lib, mazkur muassasalarda 166 ta kasb-hunar turlari o’rgatiladi. Umumiy kvotalar soni — 202 657 ta. 🔴 Arizalar 1-20-iyul kunlari qabul qilinadi.  

11-sinf bitiruvchilari uchun:

📊 641 ta texnikumga hujjat topshirish mumkin, bu yerda 276 ta kasb va mutaxassislik yo’nalishlari mavjud. 🔹Umumiy kvota — 134 570 ta 🔹Shundan 61 298 tasi davlat granti 🔴 Arizalar 10-avgustdan 10-sentabrgacha qabul qilinadi.   🌐 Shuningdek, 14 ta Ilg‘or kasbiy mahorat texnikumlarida 27 ta kasb va mutaxassislik o‘rgatiladi. 🔹Umumiy kvota — 1 760 ta qabul o‘rni 🔹Shundan 1 640 tasi davlat granti   🌐 Arizalarni my.edu.uz platformasi orqali onlayn yuborishingiz mumkin. 📊 Ma’lumot o‘rnida: joriy yilda 34 foiz 9-sinf bitiruvchilarini texnikumlarga jalb etish rejalashtirilgan.   📢 Kelajagingiz sari ilk qadamni bugundan tashlang! O‘zingizga mos kasbni tanlang va imkoniyatni qo‘ldan boy bermang! #Texnikumlar 🌍🌍🌍🌍🌍🌍 ❤ Telegram          🌐 Facebook 🌐 Youtube           🌐 Instagram 🔎 Veb-sayt          😄 Linkedin

#Imtihon2026 Farg‘onada “Jasorat maktablari”ga kirish imtihonlari boshlandi Bugun mamlakatimiz bo‘ylab “Jasorat maktablari”ning 2026/2027-o‘quv yili uchun kirish imtihonlariga start berildi. Mazkur imtihonlar belgilangan tartib va talablar asosida, ochiqlik, shaffoflik hamda adolat tamoyillariga qat'iy rioya etilgan holda tashkil etilmoqda. Farg‘ona viloyati Maktabgacha va maktab taʼlimi boshqarmasi boshligʻi Sherzod Dolimov jarayonlar bilan qiziqib, soha masʼullari hamda o‘quvchilar bilan suhbatlashdi. U imtihon jarayonlarining borishini ko‘zdan kechirib, barcha ishtirokchilarga omad tiladi. Farg‘ona viloyatida “Jasorat maktablari”da tahsil olish istagini bildirgan 2 553 nafar nomzod hujjat topshirgan. Imtihon jarayonlarini yuqori saviyada o‘tkazish maqsadida barcha hududlarda zarur tashkiliy choralar ko‘rildi. Imtihon o‘tkazilayotgan maskanlarda nomzodlar va ularning ota-onalari uchun qulay shart-sharoitlar yaratildi. Tibbiy xizmat, xavfsizlik, tartibni saqlash hamda abituriyentlarning belgilangan vaqtda imtihonga kirishini ta'minlash bo‘yicha barcha mas'ul tashkilotlar hamkorlikda faoliyat olib bormoqda. Kirish sinovlari shaffoflik va xolislikni ta'minlash maqsadida amaldagi nizom talablari asosida o‘tkazilmoqda. “Jasorat maktablari”ga qabul test hamda jismoniy sinov bosqichlari orqali amalga oshiriladi. Barcha ishtirokchilarga omad tilaymiz. Kelgusida Vatanga sadoqatli, bilimli va jasoratli yoshlar safi yanada kengayishiga ishonamiz.

#OAVda biz 🔴Farg'ona 24 30.06.2026 Fargʻona viloyatida ixtisoslashtirilgan maktablarning 5-sinfiga kirish imtihonlari oʻtkazilmoqda.

Bir hikmat Yaxshilik hammaga bevosita sevimli. Agar shunday bo‘lmaganda edi, har kim o‘z istagan yoki orzu qilgan va yoki o‘zicha yaxshilik deb tasavvur qilgan biror narsani o‘z oldiga maqsad qilib qo‘ymagan bo‘lardi. — Ibn Sino

#Diqqat_eʼlon #kasbiy_sertifikatlash   🔴 Joriy yilning 1-iyulidan kasbiy sertifikatlash nazorat sinovlarida qatnashish uchun murojaatlarni yuborish boshlanadi   ✅ Xabaringiz bor, Vazirlar Mahkamasining 2024-yil 12-fevraldagi 87-son qarori bilan umumiy oʻrta taʼlim tashkilotlarida pedagog kasbiga birinchi marta ishga qabul qilingan stajor-oʻqituvchilar hamda tegishli toifaga ega boʻlmagan pedagog kadrlar kasbiy sertifikatlash sinovlariga jalb etiladi.   ➖ 2026-yil 1-iyuldan boshlab Yagona interaktiv davlat xizmatlari portali hamda davlat xizmatlari markazlari orqali kasbiy sertifikatlash nazorat sinovlarida qatnashish uchun murojaatlar qabul qilinishini maʼlum qilamiz.   ⏰ Murojaatlarni yuborish 2026-yil 31-iyul (shu kuni ham)ga qadar davom etadi.   🌐 Eslatib oʻtamiz: Kasbiy sertifikatlash sinovlarida joriy yilning mart-iyun oylarida oʻtkazilgan kasbiy sertifikatlash sinovlarida yetarli ball toʻplay olmagan (56 dan kam) hamda ishtirok etmagan stajor-oʻqituvchilar ham hujjat topshirishlari mumkin.

Bizni kuzating:

❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

✅✅✅✅ #Qabul_2026 🔴 Xabar berganimizdek, ayni vaqtda 2026–2027-o‘quv yili uchun umumta’lim maktablarining 1-sinfiga qabul jarayonlari belgilangan tartibda davom etmoqda.

✅ Fuqarolarga tezkor va sifatli xizmat ko‘rsatish maqsadida  Call-markazi faoliyati yo‘lga qo‘yilgan bo‘lib, ota-onalar tomonidan:

🔹onlayn qabul uchun my.maktab.uz platformasi orqali ro‘yxatdan o‘tish, 🔹mikrohududlarni aniqlash, 🔹kadastr ma‘lumotlari integratsiyasi, 🔹mikrohududdan tashqari qabul, 🔹chet el fuqarolari va fuqaroligi bo‘lmagan shaxslarning farzandlarini 1-sinfga ariza topshirish tartibi kabi yo‘nalishlarda savollar kelib tushmoqda. 🌐 Mazkur Call-markaz faoliyati — INFOGRAFIKAda. ⏰ Eslatib o‘tamiz, mikrohudud doirasidagi qabul jarayonlari 31-iyulga qadar davom etadi. 🌍🌍🌍🌍🌍🌍

Bizni kuzating

❤ Telegram          🌐 Facebook 🌐 Youtube           🌐 Instagram 🔎 Veb-sayt          😄 Linkedin

“Bilinglar, endi davlatlar hududi bilan emas, bilimi bilan, aholi soni bilan emas, texnologiyasi bilan, tabiiy boyliklari bilan emas, inson kapitali bilan raqobatga kirishmoqda. Bilim, ilm-fan va tafakkur mahsuli bo‘lgan yangi “Bilimlar iqtisodiyoti” hal qiluvchi kuchga aylanib bormoqda. Men bilaman, o‘g‘il-qizlarimizning har birida katta salohiyat bor, iste’dod bor, iqtidor bor. Sizlar o‘z davrida buyuk kashfiyotlari bilan dunyo sivilizatsiyasiga ulkan hissa qo‘shgan, Birinchi va Ikkinchi Renessansning “aql chirog‘i” bo‘lgan buyuk ajdodlarimizning munosib vorislarisiz. Albatta, vorislik faqat faxrlanish emas, vorislik bu ulkan mas’uliyat hamdir! Ajdodlarimiz insoniyat taraqqiyoti uchun qanday buyuk ishlar qilgan bo‘lsa, sizlar Yangi O‘zbekistonda yangi uyg‘onish davri – Uchinchi Renessans poydevorini yaratadigan kuch bo‘lishingiz kerak!”,

– dedi Prezidentimiz. Facebook|Instagram|X

Prezidentimiz amalga oshirilgan sa’y-harakatlar hisobiga yurtimizda yoshlar bilan ishlash muhiti tubdan o‘zgarganini ta’kidladi. Xususan, bilim olish, kasb-hunar egallash, til o‘rganish, ish topish va biznes boshlashda qiyinchilikka uchragan 1,5 million yoshlarning muammosi “Yoshlar daftari” orqali hal qilindi. Alohida dasturlar asosida jozibador biznes muhiti va imtiyozli resurslar natijasida yosh tadbirkorlar soni 5 karra ko‘payib, 287 mingdan oshdi. O‘quv markazlarini ko‘paytirishga qulay sharoit yaratilgani uchun xorijiy tillarni intensiv o‘rganayotgan yigit-qizlarimiz 3,5 millionga yetdi. Iqtidorli o‘quvchi va talabalarimiz nufuzli fan olimpiadalarida 434 ta, yosh sportchilarimiz xalqaro musobaqalarda 2 ming 245 ta medalni qo‘lga kiritdi. Tarbiyasi og‘ir yoshlarga huquq-tartibot idoralari va hokimlar biriktirilgani uchun ikki yilda yoshlar jinoyatchiligi 2,5 karra kamaydi.

“Lekin bu – yoshlar bilan bog‘liq barcha masalalar hal bo‘ldi, degani emas”,

– dedi davlatimiz rahbari. Yoshlar masalalari uchun mas’ul idoralar, vazirlar, hokimlar, rektorlar, texnikum va maktab direktorlari yoshlar muammosi, ehtiyoj va qiziqishlari bo‘yicha tinimsiz ishlashi kerakligi ko‘rsatib o‘tildi. Facebook|Instagram|X

Prezident Shavkat Mirziyoyev yoshlar bilan uchrashuv o‘tkazmoqda. Davlatimiz rahbari yurtimizdagi barcha yoshlarni bayram bilan samimiy tabrikladi.

“Biz islohotlarimizning ilk kunlaridan yoshlarni qo‘llab-quvvatlash, ularning orzu va intilishlarini ro‘yobga chiqarishni davlat siyosatining eng ustuvor yo‘nalishlaridan biri sifatida belgilab olganmiz”,

– dedi Prezidentimiz. Yurtimizning har bir mahallasida o‘g‘il-qizlarning tashabbuslarini qo‘llab-quvvatlab, ularga ko‘makchi bo‘ladigan yoshlar yetakchilari korpusi shakllantirildi. Yosh avlodni milliy qadriyatlarga sadoqat, Vatanga muhabbat, kattalarga hurmat va ezgu insoniy fazilatlar ruhida tarbiyalash maqsadida nuroniy otaxon va onaxonlarimizning boy hayotiy tajribasidan foydalanish keng yo‘lga qo‘yildi. Mamlakatimizda har haftaning payshanba kuni “Yoshlar kuni” deb e’lon qilinib, barcha vazirlik va idoralar yoshlar muammolarini o‘rganish va yechim topish masalasiga to‘liq safarbar qilindi. Facebook|Instagram|X

Prezidentimiz tashabbuskor yoshlarning loyihalari bilan tanishdi. — Президент нашей страны ознакомился с проектами инициативной молодежи. Prezident.uz|Facebook|Instagram|YouTube|X

Prezident Shavkat Mirziyoyev Olimpiya shaharchasida Yoshlar kuni munosabati bilan tashkil etilgan maxsus koʻrgazmada mamlakatimizning faol va izlanuvchan yoshlari bilan uchrashdi. — Президент Шавкат Мирзиёев встретился с активной и инициативной молодежью страны на специальной выставке, организованной по случаю Дня молодежи в Олимпийском городке. #Mirziyoyev #tanishuv #yoshlar #kurgazma Prezident.uz|Facebook|Instagram|YouTube|X

💎Furqat tumanida oltin va kumush medal sohiblari taqdirlandi! 💎Tumanidagi umumta'lim maktablarini a'lo baholarga tamomlab, oltin va kumush medallarga sazovor bo‘lgan bitiruvchilar tantanali ravishda taqdirlandi. 📊Marosimda tuman rahbariyati tomonidan medal va esdalik sovg‘alari topshirilib, yoshlarning erishgan yutuqlari e'tirof etildi. 🔰Bitiruvchilarimizni, ularning ota-onalari va ustozlarini ushbu yuksak muvaffaqiyat bilan samimiy tabriklaymiz!

💎Maroqli xordiq va salomatlik maskani ​O‘zbekiston kasaba uyushmalari Federatsiyasi Farg‘ona viloyat kengashi tomonidan ta’lim sohasining 45 nafar jonkuyar vakillari Xushhavo bag‘ridagi "Zilol" sihatgohida dam olmoqdalar. ​Toza havo, shifobaxsh muolajalar va yuksak darajadagi sharoitlar ustozlarimizning sog‘liklarini tiklab, oilalari bag‘riga yangi kuch-g'ayrat bilan qaytishlariga xizmat qiladi. ​Kasaba uyushmalari — doimo e'tibor va g'amxo'rlik markazida!