ទីភ្នាក់ងារសារព័ត៌មានកម្ពុជា ខេត្តត្បូងឃ្មុំ - AKP TboungKhmum

កម្ពុជា បើកទ្វារសហការជាមួយអន្តរជាតិដើម្បីលុបបំបាត់បទល្មើស Online Scams ខណៈកម្ពុជានឹងធ្វើជាម្ចាស់ផ្ទះរៀបចំសន្និសីទអន្តរជាតិ Online Scams រយៈពេល២ថ្ងៃ មានប្រទេសជាង២០ និងអង្គការអន្តរជាតិធំៗ៣ចូលរួម https://fna.asia/d115488 Join Channel & Reel CoolApp

ឯកឧត្តម នេត្រ ភក្ត្រា អញ្ជើញធ្វើបទឧទ្ទេសនាម និងបាឋកថា ស្តីពីរចនាសម្ព័ន្ធចាត់តាំងតួនាទីភារកិច្ចក្រសួងព័ត៌មាន ជូនដល់សិក្ខាកាមវិទ្យាស្ថានបញ្ជាការ-សេនាធិការ 📖 អានអត្ថបទពេញ 👉JOIN US

ឯកឧត្តមអភិសន្តិបណ្ឌិត ស សុខា លើកបង្ហាញយុទ្ធសាស្ត្រគន្លឹះ ឆ្ពោះទៅធ្វើម្ចាស់ផ្ទះ កីឡាយុវជនអាស៊ី ឆ្នាំ២០៣១ 📖 អានអត្ថបទពេញ 👉JOIN US

ឯកឧត្តម នេត្រ ភក្រ្តា៖ ព័ត៌មានក្លែងក្លាយមិនទាន់មាននិន្នាការថយចុះនៅឡើយទេ តែប្រជាពលរដ្ឋ កាន់តែយល់ដឹងច្រើន ហើយខ្លះថែមទាំងចូលរួមទប់ស្កាត់ថែមទៀត 📖 អានអត្ថបទពេញ 👉JOIN US

បទវិចារណកថា៖ សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នឹងបង្ហាញអន្តរជាតិកាន់តែច្បាស់ពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា 📖 អានអត្ថបទពេញ 👉JOIN US

ក្រុមហ៊ុន AMON ជ្រើសរើសកម្ពុជា ជាមូលដ្ឋានសម្រាប់បង្កើតរោងចក្រផលិតខ្សែភ្លើងគុណភាពខ្ពស់ 📖 អានអត្ថបទពេញ 👉JOIN US

ខេត្តត្បូងឃ្មុំ ជំរុញការលើកកម្ពស់សមភាពយេនឌ័រ និងសុខភាពភ្នែក .................. ត្បូងឃ្មុំ៖ នាព្រឹកថ្ងៃទី១៧ ខែកញ្ញា ឆ្នាំ២០២៦ ឯកឧត្តម គន់ រ័ត្នមុនី អភិបាលរងខេត្តត្បូងឃ្មុំ បានអញ្ជើញជាអធិបតីបើកវគ្គបណ្តុះបណ្តាល ស្តីពី «យេនឌ័រ និងសុខភាពភ្នែក» ដល់មន្ត្រីការិយាល័យសង្គមកិច្ច និងសុខមាលភាពសង្គម និងអ្នកទទួលបន្ទុកកិច្ចការនារី និងកុមារ នៅតាមសង្កាត់/ឃុំ នៃរដ្ឋបាលខេត្តត្បូងឃ្មុំ។   ពិធីនេះមានការចូលរួមពីលោកស្រី ថន គឹមស្រ៊ន់ ប្រធានមន្ទីរកិច្ចការនារីខេត្តត្បូងឃ្មុំ តំណាងអង្គការដៃគូ មន្ត្រីជំនាញ និងអ្នកពាក់ព័ន្ធ ហើយប្រព្រឹត្តទៅនៅសាលប្រជុំរំដួល មន្ទីរធម្មការ និងសាសនា ខេត្តត្បូងឃ្មុំ។   វគ្គបណ្តុះបណ្តាលនេះ រៀបចំឡើងក្នុងគោលបំណងបង្កើនចំណេះដឹង និងសមត្ថភាពដល់មន្ត្រីមូលដ្ឋាន ពាក់ព័ន្ធនឹងយេនឌ័រ និងសុខភាពភ្នែក ដើម្បីអាចផ្សព្វផ្សាយចំណេះដឹង និងព័ត៌មានសំខាន់ៗទៅដល់ប្រជាពលរដ្ឋ ជាពិសេសស្ត្រី កុមារ ជនមានពិការភាព និងក្រុមងាយរងគ្រោះ ឱ្យទទួលបានការយកចិត្តទុកដាក់ និងសេវាសុខភាពភ្នែកប្រកបដោយសមធម៌។   លោកស្រី ថន គឹមស្រ៊ន់ ប្រធានមន្ទីរកិច្ចការនារីខេត្ត បានលើកឡើងថា ការបញ្ចូលទស្សនៈយេនឌ័រទៅក្នុងការងារសុខភាពភ្នែក មានសារៈសំខាន់ក្នុងការធានាឱ្យស្ត្រី បុរស កុមារ និងក្រុមងាយរងគ្រោះ ទទួលបានព័ត៌មាន និងសេវាថែទាំសុខភាពភ្នែកដោយស្មើភាព និងមិនមានការរើសអើង។   លោកស្រីប្រធានមន្ទីរ ក៏បានស្នើឱ្យមានការបន្តពង្រឹងកិច្ចសហការរវាងមន្ទីរ អង្គភាព អាជ្ញាធរមូលដ្ឋាន អង្គការដៃគូ និងអ្នកពាក់ព័ន្ធ ដើម្បីជំរុញការផ្តល់ព័ត៌មាន និងសេវាសុខភាពភ្នែកឱ្យកាន់តែទូលំទូលាយ ព្រមទាំងយកចិត្តទុកដាក់ចំពោះក្រុមប្រជាពលរដ្ឋដែលមានការលំបាកក្នុងការទទួលបានសេវាសុខភាព។   មានប្រសាសន៍នាឱកាសនោះ ឯកឧត្តម គន់ រ័ត្នមុនី បានលើកឡើងថា ការលើកកម្ពស់សមភាពយេនឌ័រ និងការថែទាំសុខភាពភ្នែក គឺជាផ្នែកមួយដ៏សំខាន់ក្នុងការលើកកម្ពស់សុខុមាលភាព និងគុណភាពជីវិតរបស់ប្រជាពលរដ្ឋ។ ដូច្នេះ មន្ត្រីពាក់ព័ន្ធត្រូវយកចិត្តទុកដាក់បង្កើនចំណេះដឹង និងសមត្ថភាពរបស់ខ្លួន ដើម្បីអាចបំពេញការងារ និងផ្តល់ព័ត៌មានជូនប្រជាពលរដ្ឋបានកាន់តែមានប្រសិទ្ធភាព។   ឯកឧត្តមបានសង្កត់ធ្ងន់លើការពង្រឹងកិច្ចសហការរវាងអាជ្ញាធរមូលដ្ឋាន មន្ទីរជំនាញ អង្គការដៃគូ និងភាគីពាក់ព័ន្ធ ដើម្បីធានាឱ្យស្ត្រី កុមារ ជនមានពិការភាព និងប្រជាពលរដ្ឋគ្រប់រូប អាចទទួលបានព័ត៌មាន និងសេវាសុខភាពភ្នែកប្រកបដោយគុណភាព សមធម៌ និងទាន់ពេលវេលា។ ជាមួយគ្នានេះ សិក្ខាកាមដែលបានចូលរួមសិក្សា ពិភាក្សា គឺអាចចែករំលែកបទពិសោធន៍ឱ្យបានសកម្ម ដើម្បីពង្រឹងសមត្ថភាព និងយកចំណេះដឹងទៅផ្សព្វផ្សាយបន្តនៅតាមឃុំ/សង្កាត់ និងសហគមន៍។   គួរបញ្ជាក់ថា៖ វគ្គបណ្តុះបណ្តាលនេះ ផ្តោតលើការពង្រឹងចំណេះដឹងពាក់ព័ន្ធនឹងយេនឌ័រ និងសុខភាពភ្នែក ដោយមានគោលដៅជំរុញការចូលរួមរបស់មន្ត្រីមូលដ្ឋាន និងភាគីពាក់ព័ន្ធ ក្នុងការផ្សព្វផ្សាយការយល់ដឹង និងលើកកម្ពស់ការទទួលបានសេវាសុខភាពភ្នែករបស់ប្រជាពលរដ្ឋនៅក្នុងខេត្តត្បូងឃ្មុំ។

រដ្ឋបាលខេត្តត្បូងឃ្មុំ បិទផ្សាយទិន្នន័យជាសាធារណៈ នូវឯកសារនៃការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធ នៅតំបន់វិនិច្ឆ័យភូមិនិគមលើ ឃុំស្រឡប់ ស្រុកត្បូងឃ្មុំ (ខេត្តត្បូងឃ្មុំ)៖ នៅព្រឹកថ្ងៃសុក្រ ៧កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែកញ្ញា ឆ្នាំ២០២៦ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តត្បូងឃ្មុំ សហការជាមួយរដ្ឋបាលស្រុកត្បូងឃ្មុំ បានរៀបចំពិធីបិទផ្សាយទិន្នន័យជាសាធារណៈ នូវឯកសារនៃការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធ នៅតំបន់វិនិច្ឆ័យភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ស្ថិតនៅបរិវេណផ្សារចំការថ្ម ក្រោមអធិបតីភាពលោក នៅ សំអឿន អភិបាលរង នៃគណៈអភិបាលស្រុកត្បូងឃ្មុំ និងលោក ហ៊ីង ស៊ីថា អនុប្រធានមន្ទីរ ដោយមានការចូលរួមពីអាជ្ញាធរមូលដ្ឋាន មន្ត្រីជំនាញ និងប្រជាពលរដ្ឋក្នុងតំបន់វិនិច្ឆ័យ។ មានប្រសាសន៍ក្នុងឱកាសនោះ លោក ហ៊ីង ស៊ីថា បានបញ្ជាក់ថា ការបិទផ្សាយទិន្នន័យជាសាធារណៈនូវឯកសារនៃការវិនិច្ឆ័យចុះបញ្ជីដីធ្លី គឺជាដំណាក់កាលសំខាន់មួយនៃដំណើរការចុះបញ្ជីដីធ្លីមានលក្ខណៈជាប្រព័ន្ធ ដើម្បីផ្តល់ឱកាសឱ្យម្ចាស់ដី និងអ្នកកាន់កាប់ដីធ្លី ពិនិត្យ ផ្ទៀងផ្ទាត់ និងបញ្ជាក់ភាពត្រឹមត្រូវនៃព័ត៌មានពាក់ព័ន្ធនឹងក្បាលដីរបស់ខ្លួន មុនឈានទៅដំណាក់កាលបន្តនៃការចុះបញ្ជី និងចេញវិញ្ញាបនបត្រសម្គាល់អចលនវត្ថុ។ ក្នុងងអំឡុងពេលបិទផ្សាយ ប្រជាពលរដ្ឋអាចពិនិត្យព័ត៌មានពាក់ព័ន្ធនឹងឈ្មោះ ថ្ងៃខែឆ្នាំកំណើត ភេទ ទំហំ រូបរាង ទីតាំងក្បាលដី ប្រភេទទ្រព្យ និងព័ត៌មានផ្សេងៗទៀត។ ប្រសិនបើរកឃើញមានកំហុសឆ្គង ឬព័ត៌មានមិនត្រឹមត្រូវ សាមីខ្លួនអាចដាក់សំណើសុំកែតម្រូវតាមនីតិវិធីដែលបានកំណត់។ លោកបានបន្ថែមថា បន្ទាប់ពីបញ្ចប់រយៈពេលបិទផ្សាយ ក្រុមការងារជំនាញនឹងបូកសរុបលទ្ធផល និងរៀបចំរបាយការណ៍បញ្ជូនទៅប្រធានគណៈកម្មាធិការរដ្ឋបាល ដើម្បីបន្តនីតិវិធីស្នើសុំចេញវិញ្ញាបនបត្រសម្គាល់អចលនវត្ថុ (ប័ណ្ណកម្មសិទ្ធិ) ជូនប្រជាពលរដ្ឋដែលបានបំពេញគ្រប់លក្ខខណ្ឌតាមច្បាប់ និងនីតិវិធីជាធរមាន។ លោក ហ៊ីង ស៊ីថា បានថ្លែងអំណរគុណដល់អាជ្ញាធរមូលដ្ឋាន និងអ្នកពាក់ព័ន្ធទាំងអស់ ដែលបានសហការយ៉ាងជិតស្និទ្ធជាមួយក្រុមការងារចុះវាស់វែង (ក្រុមទី៣) ប្រចាំស្រុកត្បូងឃ្មុំ ក្នុងការជំរុញការងាររៀបចំដែនដី និងការចុះបញ្ជីដីធ្លី ឱ្យប្រព្រឹត្តទៅប្រកបដោយប្រសិទ្ធភាព តម្លាភាព និងស្របតាមច្បាប់ ដើម្បីផ្តល់ភាពច្បាស់លាស់ និងសុវត្ថិភាពក្នុងការកាន់កាប់ និងប្រើប្រាស់ដីធ្លីជូនប្រជាពលរដ្ឋ។ ជាមួយគ្នានេះ លោក នៅ សំអឿន បានលើកឡើងថា ការចុះបញ្ជីដីធ្លីមានលក្ខណៈជាប្រព័ន្ធ មានសារៈសំខាន់ក្នុងការពង្រឹងសុវត្ថិភាពនៃការកាន់កាប់ និងប្រើប្រាស់ដីធ្លី កាត់បន្ថយទំនាស់ដីធ្លី ទប់ស្កាត់ការកាន់កាប់ និងប្រើប្រាស់ដីរដ្ឋដោយខុសច្បាប់ ព្រមទាំងរួមចំណែកក្នុងការអនុវត្តគោលនយោបាយ និងការកែទម្រង់រដ្ឋបាលដីធ្លី របស់រាជរដ្ឋាភិបាល។ លោកបានអំពាវនាវដល់ប្រជាពលរដ្ឋដែលមានដីធ្លីនៅក្នុងតំបន់វិនិច្ឆ័យភូមិនិគមលើ ចូលរួមពិនិត្យ និងផ្ទៀងផ្ទាត់ទិន្នន័យរបស់ខ្លួន ឱ្យបានម៉ត់ចត់ក្នុងអំឡុងពេលបិទផ្សាយ ដើម្បីធានាថា ទិន្នន័យដែលបានចុះបញ្ជីមានភាពត្រឹមត្រូវ ស្របតាមស្ថានភាពជាក់ស្តែង និងអាចឈានទៅរកការផ្តល់សុវត្ថិភាពផ្នែកកម្មសិទ្ធិដីធ្លីជូនប្រជាពលរដ្ឋ។ ឆ្លៀតក្នុងឱកាសនេះដែរ លោក នៅ សំអឿន ក៏បានអំពាវនាវដល់ប្រជាពលរដ្ឋបន្តចូលរួមថែរក្សាសន្តិភាព សាមគ្គីភាព និងសណ្តាប់ធ្នាប់សង្គម ដោះស្រាយបញ្ហានានាដោយសន្តិវិធី និងគោរពច្បាប់។ ពាក់ព័ន្ធនឹងបញ្ហាព្រំដែនកម្ពុជា-ថៃ លោកបានអំពាវនាវឱ្យប្រជាពលរដ្ឋរក្សាភាពស្ងប់ស្ងាត់ សណ្តាប់ធ្នាប់ និងទុកចិត្តលើការដោះស្រាយរបស់រាជរដ្ឋាភិបាល តាមផ្លូវសន្តិវិធី និងច្បាប់អន្តរជាតិ។ គួរបញ្ជាក់ថា ឯកសារនៃការវិនិច្ឆ័យនេះ ត្រូវបានបិទផ្សាយនៅបរិវេណផ្សារចំការថ្ម ក្នុងថ្ងៃប្រកាសបិទផ្សាយ និងបន្តដាក់បិទផ្សាយរយៈពេល១៥ថ្ងៃ គិតចាប់ពីថ្ងៃទី១៨ ខែកញ្ញា ដល់ថ្ងៃទី០២ ខែតុលា ឆ្នាំ២០២៦ នៅផ្ទះមេភូមិនិគមលើ ស្ថិតនៅភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។ ក្នុងអំឡុងរយៈពេលនេះ មន្ត្រីជំនាញ និងអាជ្ញាធរពាក់ព័ន្ធ នឹងរង់ចាំទទួលព័ត៌មាន និងសំណើកែតម្រូវពីប្រជាពលរដ្ឋ ដើម្បីធានាភាពត្រឹមត្រូវ និងតម្លាភាពនៃទិន្នន័យចុះបញ្ជីដីធ្លី មុនឈានទៅដំណាក់កាលបន្តតាមនីតិវិធី។ តំបន់វិនិច្ឆ័យភូមិនិគមលើ ឃុំស្រឡប់ ស្រុកត្បូងឃ្មុំ មានក្បាលដីសរុបចំនួន ៨,២១០ក្បាលដី មានផ្ទៃដីសរុប ១៤០ហិកតា ស្មើនឹង ៣៣០គ្រួសារ៕ រូបភាព និងអត្ថបទ ដោយ ៖ អារុណ្ណាទី វីដេអូ ផ្សព្វផ្សាយ ដោយ ៖ អារុណ្ណាទី