ETHIO MEDICAL CPD CENTER

#MCC_ስልጠና_አይደለም፤ #የጤና_ሙያተኛ_ማንነት_እንጂ!! EMTC ባለፋት አመታት ብዛት ላላቸው ባለሙያዎችና ተቋማት ይህንን ስልጠና በሰፊው አዳርሷል። ይሁን እንጅ አሁንም ብዙዎች የዚህን ስልጠናና ኮርስ አላማ የተረዱት አይመስልም። የጤና ባለሙያ ስራውን በእውቀት ይጀምራል፤ በሰውነት ግን ይፈተናል። ታካሚው ወደ ጤና ተቋም ሲመጣ የሚያገኘው የሕክምና እውቀት ብቻ አይደለም። ከእርሱ ጋር የሚያገናኘውን የጤና ባለሙያ አመለካከት፣ ተነሳሽነት፣ ርህራሄ፣ ብቃትና የሰው ክብርን የማስጠበቅ ችሎታውን ነው። MCC — Motivated, Compassionate and Competent — ማለት ይህንን ማንነት በየቀኑ በሥራ ማሳየት ነው። ታካሚውን ስትመለከት የምታየው በሽታውን ብቻ ነው? ወይስ ከበሽታው በስተጀርባ ያለውን ሰውም ታያለህ? ስራህን የምትሰራው ስለሚገደድህ ነው? ወይስ የምትሰራው ሥራ በሰው ሕይወት ላይ ያለውን ዋጋ ስለምታውቅ ነው? ብቃትህን የምታሳየው በማዕረግህ ነው? ወይስ በውሳኔህ፣ በተግባርህና በውጤትህ? MCC ማለት ሰርተፊኬት ላይ የሚጻፍ ስም ከሆነ፣ ስልጠናው በዚያው ያበቃል። MCC እንደ ሙያዊ እሴት ከተወሰደ ግን፣ ስልጠናው የሚጀምረው ከዚያ ነው። የጤና ሙያው በራሱ የሚፈለገው የሚያውቅ፣ የሚያስብ፣ የሚራራ፣ የሚያገለግል እና በሥራው የሚታመን ባለሙያ ባለሙያን ይመስለኛል። ስለዚህ እንደ ጤና ባለሙያ ራሳችንን አንድ ጥያቄ እንጠይቅ፦ “MCC ስልጠና ወስጃለሁ?” ብቻ ሳይሆን፣ “ታካሚዎቼ MCC እንደሆንኩ በተግባር ያያሉ?” የጤና ሙያ በእውቀት ይከበራል፤ በሰውነት ግን ይወደዳል። MCC የሚፈለገው ለሰርተፊኬት ሳይሆን፣ ለታካሚው ነው። ይችን መረጃ የጤና ባለሙያ ለሆነ ባልደረባ ወይም ጓደኛ ሸር ያድርጉ!!! EMTC https://t.me/jossiale2022