Eray | Seduction

Hissə 3 Daha sonra… Açılışı yekunlaşdırıb asta-asta növbəti mərhələyə — cəlbetməyə keçirəm. Amma cəlbetməyə birbaşa atlamaq olmaz. İlk öncə aramızda sosial ünsiyyət yaratmalıyam və bunun üçün keçid etapını tətbiq edirəm. Əksər kişilər qızla ünsiyyətə başlayanda elə açılışda ilişib qalırlar. Açılışdan sonra nə edəcəklərini anlamırlar. Sanki qapını açırlar, amma içəri girməyi unudurlar. Halbuki açılışdan sonra etməli olduğun şey yeni mövzu yaradaraq cəlbetməyə asta şəkildə keçid etməkdir. Birbaşa cəlbetmə etapına atlasan, bu, antisosial görünəcək, “dancing monkey” effekti yaranacaq və qız sağollaşıb gedəcək. Metro stansiyasının səsi ətrafımızda əks-səda verirdi. İnsanlar yanımızdan tələsik keçirdi, amma bizim söhbət artıq həmin axının içindən ayrılıb öz ritmini tapmağa başlamışdı. Yeni mövzu yaradıram və həmin mövzu içərisində qız deyir ki, ad gününə getməlidir və Atatürk Parkına çıxan çıxışı axtarır. Və buradan başlayıram cəlbetməni artırmağa. Liderlik tətikləyicisini işə salıram və qıza deyirəm: — Gəl arxamca. Liderlik edib qızı götürüb gedirəm, təsadüfi bir kişidən Atatürk Parkına çıxan yolu soruşmağa. Əslində yeri bilirəm, amma oyunu uzatmaq, zaman qazanmaq və araya cəlbetmə tətikləyicilərini salmaq üçün bunu edirəm. Kişi yolu göstərir. Mən başımla təsdiqləyirəm. Qız mənə təşəkkür edir. Daha sonra mövzunu dəyişib axıcı danışıq tətikləyicisini işə salıram. Ardıcıl 4-5 fərqli mövzudan danışıram. Araya fərqli tətikləyicilər də salıram: əlçatmazlıq, ön seçim və ən əsası, yaxınlarının qayğısına qalan kişi tətikləyicisi. Çünki qız ad gününə gedirdi və mən də bu kontekstdən istifadə edib deyirəm: — 3 gün sonra balaca bacımın ad günüdür. Onun üçün yaxşı bir restoran axtarıram. Sən nə tövsiyə edərdin? Bu cümlə ilə yaxın çevrəmin daima qayğısına qaldığım mesajını ötürürəm. Digər tətikləyicilərlə birlikdə istifadə olunanda çox yaxşı işləyir. Söhbət uzandıqca onun bədən dili dəyişməyə başlayır. Addımlarımız sinxronlaşır. Baxışları daha uzun qalır. Reaksiyaları daha isti olur. Ünsiyyətə hər tətikləyicini əlavə etdikcə qızın duyğuları daha da müsbətə dəyişirdi və onun gözündəki obrazım yüksəlirdi. Cəlbetmə fazasının məqsədlərindən biri də məhz budur. Öz obrazını daha statuslu göstərmək və bunun sayəsində qızın duyğusal reaksiyalarını artıraraq məntiqi beynini söndürmək. Burada isə ən güclü silahın ümumi özgüvənin, axıcı danışığın və bu danışığın içində istifadə etdiyin xüsusi tətikləyicilərdir. Çox kişi boş-boş danışır, heç bir duyğu oyatmır, ya həddindən artıq özünü tərifləməklə məşğul olur, ya da ümumiyyətlə donub qalır. Amma oyunçu elə deyil. Oyunçunun danışıq tərzi xüsusi sehr kimidir. O, gizli şəkildə ovsunlamalı, şüuraltına işləməlidir. Bu səbəbdən oyunun strukturu həddindən artıq vacib elementdir. Bu sənə hansı anda, hansı istiqamətdə hərəkət etməli olduğunu göstərir. Qədim mistiklərin inancına görə, gördüyümüz bütün kainat dörd müqəddəs ünsürün sirli rəqsindən doğulmuşdur. Hər şey onların birliyindən yaranır. Və sonda yenidən onlara qayıdır. Hava. Su. Torpaq. Alov. Başdan çıxarma sənəti də eynilə kainat kimi dörd gizli qüvvənin ahənginə əsaslanır. Bu proses həmin ünsürlərin bir-birinə qarışması ilə həyata keçir. Cəlbetmə. Dəyərləndirmə. Süjet xətti. Seksuallıq. Bu dörd elementdən biri zəifləyəndə, bütün sistem öz gücünü itirməyə başlayır. Həmin anda mən cəlbetmə və dəyərləndirmə üzərində işləyirdim. Artıq ilk təəssürat yaranmışdı. Artıq emosiyalar formalaşmağa başlamışdı. İndi isə məqsəd bunu növbəti görüşə daşımaq idi. Söhbətin sonunda növbəti görüşümüzü razılaşdırırıq. Kontaktlarımızı bölüşürük. Sağollaşırıq. O öz yoluna davam edir. Mən isə metrodan çıxıb evə tərəf gedirəm. Və həmin gün də içimdə tək bir fikir dolaşırdı. “Bu qızla aramızda nəsə olacaq.” Növbəti hissə tezliklə gələcək…