News Of Myanmar

ရခိုင်ပြည်နယ် ကျောက်ဖြူမြို့ရှိ မဲရုံများတွင် ပြည်သူများမဲပေးနေကြသည့် မြင်ကွင်းပုံရိပ်များ

ကယားပြည်နယ်၊ လွိင်ကော်မြို့ရှိ မဲရုံများတွင် ပြည်သူများ ဆန္ဒမဲများပေးနေကြသည့် မြင်ကွင်းပုံရိပ်များ

ညောင်ဦးမြို့နယ်မှ မဲရုံများတွင် ပြည်သူများ ဆန္ဒမဲများပေးနေကြသည့် မြင်ကွင်းပုံရိပ်များ

ချင်းပြည်နယ် ဟားခါးမြိုမှ ပြည်သူများ ဆန္ဒမဲများပေးနေကြသည့် မြင်ကွင်းပုံရိပ်များ...

မိုင်းရယ်မြို့၌ ငွေကျပ် ၁၁၂၅ သိန်းတန်ဖိုးရှိစိတ်ပြောင်းဆေးဝါးနှင့်ပစ္စတိုသေနတ် တစ်လက်ဖမ်းဆီးရမိ NOM၊ ဒီဇင်ဘာ ၂၈၊၂၀၂၅ ဒီဇင်ဘာ ၂၆ ရက် မွန်းလွဲ ၂ နာရီခွဲတွင် လုံခြုံရေးတပ်ဖွဲ့ ဝင်များ ပါဝင်သောပူးပေါင်းအဖွဲ့သည် သတင်းအရ မိုင်းရယ်မြို့ ရပ်ကွက်(၃)ပြည်ထောင်စု လမ်းပေါ်ရှိ LUCKY တည်းခိုခန်းတွင် တည်းခိုနေသည့်စိုင်းလှရွှေ(ခ)အိုက်ရွှေ (၂၉)နှစ်၊ မန်စန့်ကျေးရွာ မိုင်းရယ်မြို့နယ်နေသူနှင့်စိုင်းလောင်(ခ)အစိုင်း (၂၄)နှစ်၊ ရပ်ကွက်(၆)တန့်ယန်းမြို့နေသူတို့အားစစ်ဆေးရှာဖွေရာ ၎င်းတို့ထံမှ စိတ်ပြောင်းဆေးဝါး HAPPY WATER၂ ဒသမ ၂၅ ကီလို (တစ်ကီလိုလျှင်ငွေကျပ်သိန်း ၅၀၀ နှုန်းဖြင့် ၎င်းဒေသတန်ဖိုးငွေကျပ် ၁၁၂၅ သိန်း)၊ ပစ္စတိုသေနတ် တစ်လက်၊ ၎င်းကျည်ခြောက်တောင့်၊ ကျည်အိမ်တစ်ခုနှင့် ၎င်းတို့စီးနင်းလာသည့်HUMMA မော်တော်ယာဉ်တစ်စီး၊ မော်တော်ဆိုင်ကယ်တစ်စီးတို့နှင့်အတူ ဖမ်းဆီးရမိသဖြင့် စိုင်းလှရွှေ(ခ)အိုက်ရွှေနှင့် စိုင်းလောင်(ခ)အစိုင်းတို့အားမူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သတင်းရရှိသည်။

အသ်းစိန်မြို့နယ်၌စိတ်ကြွရူးသွပ်ဆေးပြားဖမ်းဆီးရမိ NOM၊ဒီဇင်ဘာ ၂၈၊၂၀၂၅ ဒီဇင်ဘာ ၂၆ ရက် ညနေ ၄ နာရီတွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှတပ်ဖွဲ့ဝင်များ ပါဝင်သောပူးပေါင်းအဖွဲ့သည် သတင်းအရ အင်းစိန်မြို့နယ် ဈေးကုန်း(အနောက်)ရပ်ကွက် လှိုင်မြစ်လမ်းတွင် လမ်းလျှောက် လာသူ အောင်ဖြိုးနိုင်(ခ)ကိုဖြိုး (၃၄)နှစ်၊ကျုံစုကျေးရွာကွက်သစ်၊ လှိုင်သာယာ (အနောက်ပိုင်း)မြို့နယ်နေသူအား စစ်ဆေးရှာဖွေရာ၎င်းထံမှ စိတ်ကြွရူးသွပ်ဆေးပြား ၁၀၀၀၀ ပြား (တစ်ပြားလျှင်ငွေကျပ် ၁၀၀၀ နှုန်းဖြင့်၎င်းဒေသ တန်ဖိုးငွေကျပ်သိန်း ၁၀၀) ကိုဖမ်းဆီးရမိသဖြင့် အောင်ဖြိုးနိုင်(ခ)ကိုဖြိုး အာမူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာ ဥပဒေအရ အရေးယူထား ကြောင်း သတင်းရရှိသည်။

မြဝတီတွင်ယနေ့ညမိုင်းသုံးလုံးကွဲ NOM၊ဒီဇင်ဘာ၂၇၊၂၀၂၅ ဒီဇင်ဘာလ၂၇ရက်ယနေ့ညတွင်ပြည်ဖျက်အကြမ်းဖက်KNU/KNLA/PDFအဖွဲ့များကမြဝတီမြို့၌မိုင်းများခွဲပြီးတိုက်ခိုက်ကြောင်းသိရသည်။ ည၈း၄၅နာရီတွင်ပထမမိုင်းသည်ပြည်ခိုင်ဖြိုးရုံးအနီးတွင်လည်းကောင်း၊ဒုတိယမိုင်းသည်ည၉း၂၀နာရီတွင်အမှတ်(၄)ရပ်ကွက်ဘုရင့်နောင်လမ်းမပေါ်တွင်လည်းကောင်း၊ည၁၀း၀၀နာရီတွင်တတိယမိုင်းကိုအမှတ်(၅)ရပ်ကွက်၊အခြေခံပညာအထက်တန်းကျောင်းခွဲဘေးတွင်လည်းကောင်းပစ်ချဖောက်ခွဲတိုက်ခိုက်ခဲ့ကြောင်းနှင့်လူထိခိုက်ဒဏ်ရာရမှုရှိကြောင်းသိရသည်။

၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲသို့ စောင့်ကြည့်လေ့လာကြမည့် နိုင်ငံတကာရွေးကောက်ပွဲစောင့်ကြည့်လေ့လာသူများ နေပြည်တော်သို့ ရောက်ရှိ နေပြည်တော် ဒီဇင်ဘာ ၂၇

မြဝတီတွင်အသံမိုင်းကွဲ NOM ယနေ့ဒီဇင်ဘာလ၂၇ရက်ည၈း၄၅နာရီအချိန်ကမြဝတီမြို့၊ပြည်ခိုင်ဖြိုးရုံးအနိးတွင်အသံမိုင်းတစ်လုံးပေါက်ကွဲပြီးလူအထိအခိုက်မရှိကြောင်းသိရသည်။

ထိုင်းနဲ့ ကမ္ဘောဒီးယားတို့ကြား အပစ်အခတ်ရပ်စဲဖို့ သဘောတူညီမှုရရှိခဲ့ကာ ဒီနေ့ကစ အကျုံးဝင်ခဲ့ပြီလို့ သိရပါတယ်။ NOM

မြဝတီမြို့တွင် ပြည်တွင်းရှိ မဲစာရင်းပါရှိသည့် သက်ဆိုင်ရာမြို့နယ် ပြင်ပရောက် ကြိုတင်မဲများ ဖွင့်ဖောက်ရေတွက် NOM၊ဒီဇင်ဘာ ၂၇၊၂၀၂၅ ကရင်ပြည်နယ် ၊ မြဝတီခရိုင် ၊ မြဝတီမြို့ ခရိုင်ရွေးကောက် ပွဲကော်မရှင် အဖွဲ့ခွဲရုံးတွင် ယမန်နေ့ ညနေ၄ နာရီက ၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲအတွက် ပြည်တွင်းရှိ မဲစာ ရင်းပါရှိသည့် သက်ဆိုင် ရာမြို့နယ် ပြင်ပရောက်ကြိုတင်မဲများ ဖွင့်ဖောက် ရေတွက်ခြင်းကို ပြုလုပ်ဆောင်ရွက်ခဲ့ကြသည်။ အဆိုပါကြိုတင်မဲများ ဖွင့်ဖောက်ရေတွက်ရာ၌ ရွေး ကောက်ပွဲ နည်းဥပဒေ ၉၂ (က) (၁) အရ မဲစာရင်းပါရှိသည့် သက်ဆိုင်ရာ မြို့နယ်ပြင်ပရောက် (ပြည်တွင်း) ဆန္ဒမဲပေးခွင့် ရှိသူများ ပေးပို့ထားသည့် ကြိုတင်ဆန္ဒမဲလက်မှတ်များနှင့် နည်းဥပဒေ ၉၂(ခ) (၁)အရ ပယ်မဲများကို ခရိုင်/မြို့နယ်ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများက ပါတီကိုယ်စားပြု ကိုယ်စားလှယ်များရှေ့တွင် ပွင့်လင်းမြင်သာစွာဖြင့် ပြည်သူ့ လွှတ်တော်၊ အမျိုးသားလွှတ် တော်နှင့် တိုင်းဒေသကြီးလွှတ် တော်ဆိုင်ရာ ကြိုတင်မဲများကို ရေတွက်ခဲ့ကြကြောင်း သိရှိရသည်။

အင်းစိန်တွင် Hijet နှင့် သဲကားတိုက်မိရာHijet ယာဉ်မောင်း သေဆုံး NOM၊ဒီဇင်ဘာ ၂၇၊၂၀၂၅ ရန်ကုန်တိုင်း‌ဒေသကြီး၊ အင်းစိန်မြို့နယ်၊ ရွာမအနောက်ရပ်ကွက်၊ ပုလဲလမ်းရှိ သံမဏိစက်ရုံရှေ့တွင် ဒီဇင်ဘာ ၂၆ ရက် ည ၁၀နာရီခန့်က သဲကားနှင့် Hijet ယာဉ်တို့ ယာဉ်တိုက်မှုဖြစ်ပွားခဲ့ကြောင်း သိရသည်။ အဆိုပါယာဉ်တိုက်မှုကြောင့် Hijet ယာဉ် ဦးခေါင်းပိုင်းပျက်စီးခဲ့ပြီး ယာဉ်မောင်းတွင် ဦးခေါင်းထိခိုက်ခြေထောက်ပြတ်ရှ ဒဏ်ရာများ ပြင်းထန်စွာရရှိခဲ့ပြီး ယာဉ်အတွင်းညပ်နေ၍ မီးသတ်တပ်ဖွဲ့ဝင်များ ပရဟိတသမားများ ရောက်ရှိ၍ ကယ်ဆယ်‌ေရးလုပ်ငန်းများ ဆောင်ရွက်ခဲ့သော်လည်း ယာဉ်မောင်းမှာ သေဆုံးသွား‌ကြောင်းလူမှုကူညီရေးအဖွဲ့များထံမှ သိရသည်။ သေဆုံးသူ၏ ရုပ်အလောင်းကို ကနောင်လူမှုကူညီရေးအသင်းမှ သူနာတင်ယာဉ်ဖြင့် အင်းစိန်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

ဒီဇင်ဘာလ၂၇ရက်နိုင်ငံတကာသတင်းတိုများ NOM ၁။ယူကရိန်းသမ္မတဇလင်စကီးကအကယ်၍ရုရှားကသာရက်၆၀အပစ်အခတ်ရပ်စဲပေးပါကအမေရိကန်သမ္မတထရမ့်၏ငြိမ်းချမ်းရေးအဆိုပြုချက်ကိုပြည်သူ့ဆန္ဒခံယူပွဲလုပ်ဆုံးဖြတ်ပေးမည်ဟုပြောလိုက်သည်။ ၂။တရုတ်လွတ်မြောက်ရေးတပ်မတော်ကအကွာအဝေးကီလို၈၀၀၀အထိရောက်ပြီးအမြန်နှုန်းအသံထက်၈.၆ဆမြန်သည့်ဒေါင်ဖန်း၂၇တိုက် ချင်းပစ်ဒုံးပျံကိုအောင် မြင်စွာစမ်းသပ်ခဲ့သည်။(ဗီဒီယို) ၃။ယူကရိန်းဖက်မှတိုက်ပေးနေသောရုရှားသူပုန်ခေါင်းဆောင်ဒင်းနစ်ကက်ပူစတင်သည်ယမန်နေ့ညကတိုက်ပွဲတစ်ခုအတွင်းဒရုန်းထိမှန်သေဆုံးသွားသည်။(ဓါတ်ပုံ) ၄။ထိုင်းနှင့်ကမ္ဘောဒီး ယားသည်ယနေ့စနေနေ့နေ့လည်၁၂နာရီတွင်စတင်အသက်ဝင်မည့် ဒုတိယအကြိမ်အပစ်အခတ်ရပ်စဲရေးစာချုပ်ကိုလက်မှတ်ထိုးလိုက်ကြသည်။(ဓါတ်ပုံ) ၅။ ခရစ္စမတ်နေ့ညကအမေရိကန်ခရုဇ်ဒုံးပျံများနိုင်ဂျီးရီးယားအနောက်မြောက်ဖက်ရှိအစွန်းရောက်စစ်သွေးကြွစခန်းများကိုပစ်ခတ်ချေမှုန်းခဲ့ရာအကြမ်းဖက်စခန်းတည်နေရာများကိုအမေရိကန်သို့ပေးအပ်ခဲ့ကြောင်းနိုင်ဂျီးရီးယားနိုင်ငံခြားရေးဝန်ကြီးကပြောသည်။

၂၀၂၆ ခုနှစ် (၇၈)နှစ်မြောက်လွတ်လပ်ရေးနေ့ အထိမ်းအမှတ်အကြိုအမျိုးသား ၊ အမျိုးသမီး (အလွတ်တန်း) စက်ဘီးပြိုင်ပွဲတွင်ကစားသမားတစ်‌ေထာင်ကျော်ပါဝင်ဆင်နွှဲ NOM၊ဒီဇင်ဘာ ၂၇၊၂၀၂၅ ရန်ကုန်တိုင်းဒေသကြီးအစိုးရအဖွဲ့ကကြီးမှုးကျင်းပသည့်၂၀၂၆ ခုနှစ် (၇၈)နှစ်မြောက်လွတ်လပ်ရေးနေ့ အထိမ်းအမှတ်အကြိုအမျိုးသား ၊ အမျိုးသမီး (အလွတ်တန်း) စက်ဘီးပြိုင်ပွဲကိုယနေ့နံနက် ၆နာရီတွင်ရန်ကုန်မြို့ ၊ဒဂုံမြို့နယ်၊ပြည်လမ်းရှိပြည်သူရင်ပြင်ရှေ့၌ကျင်းပရာပြိုင်ပွဲဝင်စက်ဘီးကစားသမား ၁၀၀၀ ကျော်ပါဝင်ဆင်နွှဲခဲ့ကြသည်။ ဦးစွာအမျိုသမီး(အလွတ်တန်း)စက်ဘီးပြိုင်ပွဲကိုနံနက်၆နာရီတွင်ရန်ကုန်အပြည်ပြည်ဆိုင်ရာလေဆိပ်လမ်းဆုံမှလည်းကောင်း၊အမျိုးသား(အလွတ်တန်း)စက်ဘီးပြိုင်ပွဲကို မှော်ဘီမြို့နယ်၊အဝင်တိုးဂိတ်အနီးမှလည်းကောင်းရန်ကုန်တိုင်းဒေသကြီးအားကစားနှင့်ကာယပညာကော်မတီနာယကဝန်ကြီးချုပ်ဦးစိုးးသိန်းကသေနတ်ဖောက် ၍တာလွှတ်ပေးသည်။ အဆိုပါပြိုင်ပွဲကိုရန်ကုန်ုတိုင်း​ဒေသကြီး၊ဧရာဝတီတိုင်းဒေသကြီး၊တနသ်ာရီ၊တိုင်းဒေသကြီး၊ပဲခူးတိုင်းဒေသကြီး၊ရှမ်းပြည်နယ်နှင့်ကရင်ပြည်နယ်တို့မှပြိုင်ပွဲဝင်စက်ဘီးအားကစားသမား အမျိုးသား ၉၈၆ ဦးနှင့်အမျိုးသမီးအားကစားသမား ၈၀ ဦးတို့ပါဝင်ယှဥ်ပြိုင်ခဲ့ကြကြောင်းသိရသည်။

ကြာအင်းတောင်ပေါ်မှပေ(၂၅၀)ခန့်နက်သည့်ချောက်ထဲသို့ အမျိုးသားတစ်ဦးပြုတ်ကျ အသက်ရှင်လျက်ကယ်ဆယ်နိုင် NOM၊ဒီဇင်ဘာ၂၇၊၂၀၂၅ ကရင်ပြည်နယ်၊ ဘားအံမြို၊ အမှတ်(၉)ရပ်ကွက်ရှိကြာအင်းတောင်ပေါ်မှ အမျိုးသားတစ်ဦး ယမန်နေ့ဒီဇင်ဘာ၂၆ရက်ညနေ ၄း၁၅နာရီ တွင်ပေ(၂၅၀)ခန့် နက်သည့်ချောက်ထဲသို့ ပြုတ်ခဲ့ရာ အသက်ရှင်လျက်ကယ်ဆယ်နိုင်ခဲ့ကြောင်းမီးသတ်တပ်ဖွဲ့မှသတင်းထုတ်ပြန်ထားကြောင်းသိရသည်။ ဖြစ်စဉ်မှာ ကြာအင်းတောင်ပေါ်မှပြုက်ကျခဲ့သည့်အသက်၂၅နှစ်ခန့်ရှိအမျိုးသားသည်သူ၏ သူငယ်ခြင်းဖြစ်သူနှင့်တောင်ပေါ်တက်လာရင်ပြုက်ကျမှုဖြစ်ပွားခဲ့ပြီး ရှာဖွေမှုပြု လုပ်ရာတွင်ပေ၂၅၀အနက်တွင် ခေါင်းကွဲဒဏ်ရာ၊ ခြေထောက်ကျိုးသည့်ဒဏ်ရာများဖြင့် အသက်ရှင်လျက်တွေ့ရှိခဲ့ကြောင်းသိရသည်။

ရန်ကုန်- မန္တလေးအမြန်လမ်းမကြီး တွင် ယာဉ်မတော်တဆမှုဖြစ်ပွား ခုနှစ်ဦး ဒဏ်ရာရ NOM၊ဒီဇင်ဘာ၂၇၊၂၀၂၅ ပဲခူးတိုင်းဒေသကြီး၊ အုတ်တွင်းမြို့နယ်၊ ရန်ကုန်- မန္တလေးအမြန်လမ်းမကြီး မိုင်တိုင်အမှတ် (၁၃၀/၃) ဖာလုံအနီး တွင်ဒီဇင်ဘာ ၂၆ရက် ညနေ ၃နာရီခွဲခန့်က ယာဉ်မတော် တဆမှုဖြစ်ပွားခဲ့‌ကြောင်းမြန်မာနိုင်ငံမီးသတ်တပ်ဖွဲ့မှသိရသည်။ အဆိုပါဖြစ်စဉ်ကြောင့် ယာဉ်ပေါ်ပါအမျိုးသားသုံးဦး၊ အမျိုးသမီးလေးဦး စုစုပေါင်းခုနှစ်ဦးအနက်၊ အမျိုးသားတစ်ဦး ထိခိုက်ဒဏ်ရာ (စိုးရိမ်ရ)၊ အမျိုးသားနှစ်ဦး၊အမျိုးသမီးလေးဦး ထိခိုက်ဒဏ်ရာရရှိသူများကို လူမှုကူညီရေးအသင်းတို့က တောင်ငူမြို့နယ်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်းသိရသည်။

ပျောက်ဆုံနေသည့် ဘုရားဖူးဇနီးမောင်နှံအတွက် လက်ရှိအချိန်ထိ ငွေတောင်ခံမှုများမရှိသေးဟုပျောက်ဆုံးသူဇနီးမောင်နှံ၏အမဖြစ်သူ ပြော NOM၊ဒီဇင်ဘာ၂၇၊၂၀၂၅ ပုဂံ၊ ညောင်ဦး၊ပုပ္ပါးသို့အလည်အပတ် ခရီးသွားရောက်ရာတွင် လက်ရှိအချိန်ထိပျောက်ဆုံနေသည့် ဘုရားဖူးဇနီးမောင်နှံအတွက် လက်ရှိအချိန်ထိ ငွေတောင်ခံမှုများရှိ နေသည် ဆိုသည့်သတင်းများမှာ လုံးဝမဟုက်ကြောင်းပျောက်ဆုံးသူဇနီးမောင် နှံ ၏အမဖြစ်သူက ပြောကြားခဲ့သည်။ လက်ရှိလူမှုကွန်ယက်စာမျက်နှာများတွင် အမဖြစ်သူထံသူတို့ကို ပြန်ရချင်ရင် ငွေပေးဖို့ ဖုန်းဆက်တောင်းဆိုမှုများ ရှိနေကြောင်း အမဖြစ်သူကလည်း မောင်လေးကိုတော့ အသံလည်းမကြားရ vc လည်း မပြောရပဲ ငွေရှာဖို့ အချိန်လေး ဆွဲထားချင်တာတောင်မှ ဖုန်းစက်ပိတ်ထားသည့်အတွက် ထပ်လည်းမဆက်သွယ်လာလို့ ဘာမှလုပ်မရဖြစ်နေ ကြောင်း ကို မိသားစုဝင်ထဲကတစ်ဦးက ပြောသည်ဟုဆိုသည့်သတင်း များထွက်ပေါ်နေကြောင်းသိရသည်။ "ဒီလိုမျိုးငွေတောင်းတယ်ဆိုတဲ့သတင်းကိုဘယ်သူကိုမှာလည်း မပြောပါဘူး၊ ပြီးတော့လက်ရှိအချိန်ထိလည်းဘယ်သူကမှဖုန်းဆက်ပြီးငွေတောင်တာတွေမရှိဘူး အခုလိုမဟုက်တဲ့သတင်းတွေတက်လာတော့ ပျောက်နေတဲ့ကလေးတွေအတွက် စီုးရိမ်းရပါတယ် ဒါကြောင့်ကျွန်မတို့မပြောတဲ့သတင်းတွေကိုလူမှုကွန်ယက်မတင်ကြဖို့ပြောခြင်းပါတယ်"ဟုပျောက်ဆုံးသူဇနီး မောင်နှံ၏အမဖြစ်သူက ပြောကြားခဲ့သည်။ ဧရာဝတီတိုင်း၊ မအူပင်မြို့မှ လင်မယားနှစ်ဦးသည် ရန်ကုန်မြို့မှတစ်ဆင်ပုဂံ၊ ညောင်ဦး၊ပုပ္ပါးသို့အလည်အပတ်ခရီးသွား ရောက်ရာတွင်ဒီဇင်ဘာလ (၂၃)ရက် နံနက် (၉)နာရီ အချိန်ခန့်က ညောင်ဦးမြို့နယ်သီရီပစ္စယာ(၅)လမ်း ရွှေစည်းခုံစေတီအနီးရှိ Zfreeti Hotelမှ ပုပ္ပါးဘက်သို့ ဆိုင်ကယ်ဖြင့် ထွက်သွားရာမှ ‌မိသားစုဖြင့် အဆက်အသွယ်ပြတ်တောက်သွားခဲ့ပြီးလက်ရှိအချိန်ထိပျောက်ဆုံး နေကြောင်း သိရသည်။

မလေးရှားဝန်ကြီးချုပ်ဟောင်း နာဂျစ်ရာဇက်ဟာ အာဏာအလွဲသုံးစားမှုနဲ့ ငွေကြေးခဝါချမှု၊ နိုင်ငံပိုင်ငွေကြေးကို ရယူခဲ့မှုတွေအတွက် မနေ့က ထောင်ဒဏ် ၁၅ နှစ် ချမှတ်ခံလိုက်ရပါတယ်။ သူ့ရဲ့ အာဏာသက်တမ်း ၉ နှစ်တာကာလအတွင်း နာဂျစ်ဟာ 1Malaysia Development Barhad ကနေ အနည်းဆုံး ဒေါ်လာ ၄.၅ ဘီလျံအထိ အလွဲသုံးစားလုပ်၊ ရယူခဲ့တယ်လို့လည်း ဆိုပါတယ်။ NOM

အမေရိကန်နိုင်ငံ၊ Idaho ပြည်နယ်မှာ သေနတ်သမားတဦးက ရဲအရာရှိတဦးကို သေနတ်နဲ့ ပစ်ခတ်ခဲ့ပြီး အနည်းဆုံး သေနတ်သံ ၇ ချက်အထိ ကြားခဲ့ရကာ ရဲအရာရှိအပါအဝင် အခြားသူတဦး သေဆုံးခဲ့တယ်လို့ ဆိုပါတယ်။ လက်ရှိမှာ သေနတ်သမားက အစိုးရရှေ့နေရုံးခန်းအတွင်း ပိတ်မိနေပြီး ရဲတပ်ဖွဲ့က ပိတ်ဆို့ထားတယ်လို့ သိရပါတယ်။ SWAT တပ်ဖွဲ့တွေလည်း ရောက်ရှိနေကာ သေနတ်သမား ပြေးပေါက်မရှိအောင် အတားအဆီးတွေနဲ့ ပိတ်ဆို့ကာ ဝိုင်းထားတယ်လို့လည်း သိရပါတယ်။ NOM