News Of Myanmar

ရန်ကုန်- မန္တလေးအမြန်လမ်းမကြီး တွင် ယာဉ်မတော်တဆမှုဖြစ်ပွား ခုနှစ်ဦး ဒဏ်ရာရ NOM၊ဒီဇင်ဘာ၂၇၊၂၀၂၅ ပဲခူးတိုင်းဒေသကြီး၊ အုတ်တွင်းမြို့နယ်၊ ရန်ကုန်- မန္တလေးအမြန်လမ်းမကြီး မိုင်တိုင်အမှတ် (၁၃၀/၃) ဖာလုံအနီး တွင်ဒီဇင်ဘာ ၂၆ရက် ညနေ ၃နာရီခွဲခန့်က ယာဉ်မတော် တဆမှုဖြစ်ပွားခဲ့‌ကြောင်းမြန်မာနိုင်ငံမီးသတ်တပ်ဖွဲ့မှသိရသည်။ အဆိုပါဖြစ်စဉ်ကြောင့် ယာဉ်ပေါ်ပါအမျိုးသားသုံးဦး၊ အမျိုးသမီးလေးဦး စုစုပေါင်းခုနှစ်ဦးအနက်၊ အမျိုးသားတစ်ဦး ထိခိုက်ဒဏ်ရာ (စိုးရိမ်ရ)၊ အမျိုးသားနှစ်ဦး၊အမျိုးသမီးလေးဦး ထိခိုက်ဒဏ်ရာရရှိသူများကို လူမှုကူညီရေးအသင်းတို့က တောင်ငူမြို့နယ်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်းသိရသည်။

ပျောက်ဆုံနေသည့် ဘုရားဖူးဇနီးမောင်နှံအတွက် လက်ရှိအချိန်ထိ ငွေတောင်ခံမှုများမရှိသေးဟုပျောက်ဆုံးသူဇနီးမောင်နှံ၏အမဖြစ်သူ ပြော NOM၊ဒီဇင်ဘာ၂၇၊၂၀၂၅ ပုဂံ၊ ညောင်ဦး၊ပုပ္ပါးသို့အလည်အပတ် ခရီးသွားရောက်ရာတွင် လက်ရှိအချိန်ထိပျောက်ဆုံနေသည့် ဘုရားဖူးဇနီးမောင်နှံအတွက် လက်ရှိအချိန်ထိ ငွေတောင်ခံမှုများရှိ နေသည် ဆိုသည့်သတင်းများမှာ လုံးဝမဟုက်ကြောင်းပျောက်ဆုံးသူဇနီးမောင် နှံ ၏အမဖြစ်သူက ပြောကြားခဲ့သည်။ လက်ရှိလူမှုကွန်ယက်စာမျက်နှာများတွင် အမဖြစ်သူထံသူတို့ကို ပြန်ရချင်ရင် ငွေပေးဖို့ ဖုန်းဆက်တောင်းဆိုမှုများ ရှိနေကြောင်း အမဖြစ်သူကလည်း မောင်လေးကိုတော့ အသံလည်းမကြားရ vc လည်း မပြောရပဲ ငွေရှာဖို့ အချိန်လေး ဆွဲထားချင်တာတောင်မှ ဖုန်းစက်ပိတ်ထားသည့်အတွက် ထပ်လည်းမဆက်သွယ်လာလို့ ဘာမှလုပ်မရဖြစ်နေ ကြောင်း ကို မိသားစုဝင်ထဲကတစ်ဦးက ပြောသည်ဟုဆိုသည့်သတင်း များထွက်ပေါ်နေကြောင်းသိရသည်။ "ဒီလိုမျိုးငွေတောင်းတယ်ဆိုတဲ့သတင်းကိုဘယ်သူကိုမှာလည်း မပြောပါဘူး၊ ပြီးတော့လက်ရှိအချိန်ထိလည်းဘယ်သူကမှဖုန်းဆက်ပြီးငွေတောင်တာတွေမရှိဘူး အခုလိုမဟုက်တဲ့သတင်းတွေတက်လာတော့ ပျောက်နေတဲ့ကလေးတွေအတွက် စီုးရိမ်းရပါတယ် ဒါကြောင့်ကျွန်မတို့မပြောတဲ့သတင်းတွေကိုလူမှုကွန်ယက်မတင်ကြဖို့ပြောခြင်းပါတယ်"ဟုပျောက်ဆုံးသူဇနီး မောင်နှံ၏အမဖြစ်သူက ပြောကြားခဲ့သည်။ ဧရာဝတီတိုင်း၊ မအူပင်မြို့မှ လင်မယားနှစ်ဦးသည် ရန်ကုန်မြို့မှတစ်ဆင်ပုဂံ၊ ညောင်ဦး၊ပုပ္ပါးသို့အလည်အပတ်ခရီးသွား ရောက်ရာတွင်ဒီဇင်ဘာလ (၂၃)ရက် နံနက် (၉)နာရီ အချိန်ခန့်က ညောင်ဦးမြို့နယ်သီရီပစ္စယာ(၅)လမ်း ရွှေစည်းခုံစေတီအနီးရှိ Zfreeti Hotelမှ ပုပ္ပါးဘက်သို့ ဆိုင်ကယ်ဖြင့် ထွက်သွားရာမှ ‌မိသားစုဖြင့် အဆက်အသွယ်ပြတ်တောက်သွားခဲ့ပြီးလက်ရှိအချိန်ထိပျောက်ဆုံး နေကြောင်း သိရသည်။

မလေးရှားဝန်ကြီးချုပ်ဟောင်း နာဂျစ်ရာဇက်ဟာ အာဏာအလွဲသုံးစားမှုနဲ့ ငွေကြေးခဝါချမှု၊ နိုင်ငံပိုင်ငွေကြေးကို ရယူခဲ့မှုတွေအတွက် မနေ့က ထောင်ဒဏ် ၁၅ နှစ် ချမှတ်ခံလိုက်ရပါတယ်။ သူ့ရဲ့ အာဏာသက်တမ်း ၉ နှစ်တာကာလအတွင်း နာဂျစ်ဟာ 1Malaysia Development Barhad ကနေ အနည်းဆုံး ဒေါ်လာ ၄.၅ ဘီလျံအထိ အလွဲသုံးစားလုပ်၊ ရယူခဲ့တယ်လို့လည်း ဆိုပါတယ်။ NOM

အမေရိကန်နိုင်ငံ၊ Idaho ပြည်နယ်မှာ သေနတ်သမားတဦးက ရဲအရာရှိတဦးကို သေနတ်နဲ့ ပစ်ခတ်ခဲ့ပြီး အနည်းဆုံး သေနတ်သံ ၇ ချက်အထိ ကြားခဲ့ရကာ ရဲအရာရှိအပါအဝင် အခြားသူတဦး သေဆုံးခဲ့တယ်လို့ ဆိုပါတယ်။ လက်ရှိမှာ သေနတ်သမားက အစိုးရရှေ့နေရုံးခန်းအတွင်း ပိတ်မိနေပြီး ရဲတပ်ဖွဲ့က ပိတ်ဆို့ထားတယ်လို့ သိရပါတယ်။ SWAT တပ်ဖွဲ့တွေလည်း ရောက်ရှိနေကာ သေနတ်သမား ပြေးပေါက်မရှိအောင် အတားအဆီးတွေနဲ့ ပိတ်ဆို့ကာ ဝိုင်းထားတယ်လို့လည်း သိရပါတယ်။ NOM

တရုတ်ထုတ် အတွဲလိုက်ပစ်ဒုံးကျည်တွေနဲ့ ထိုင်းဘက်ခြမ်းကို ပစ်ခတ်တိုက်ခိုက်နေချိန်မှာ ပေါက်ကွဲမှုဖြစ်ပွားခဲ့ပြီး ကမ္ဘောဒီးယားစစ်သား ၈ ဦးအထိ သေဆုံးခဲ့တဲ့ ရုပ်သံဖိုင်လို့ သိရပါတယ်။ ပေါက်ကွဲချိန်မှာ မီးတောက်ကြီး ထွက်ပေါ်လာခဲ့တာကိုလည်း မြင်တွေ့ရမှာပါ။ NOM

လားရှိုးမြို့ရှိ တပ်မတော်ဆေးရုံ၌ တက်ရောက်ဆေးကုသမှုခံယူနေသူများအား ကြည့်ရှုအားပေး ဒီဇင်ဘာ ၂၆၊ ၂၀၂၅ တပ်မတော်အနေဖြင့် တိုင်းရင်းသားပြည်သူများ၏ ကျန်းမာရေးစောင့်ရှောက်မှုလုပ်ငန်းများတွင် နိုင်ငံတော်အစိုးရနှင့်အတူ တစ်ဖက်တစ်လမ်းမှ ကူညီစောင့်ရှောက်မှုများ ဆောင်ရွက်ပေးလျက်ရှိရာ တိုင်းဒေသကြီးနှင့် ပြည်နယ်အသီးသီးရှိ တပ်မတော် ဆေးရုံများ၌ အရာရှိ၊ စစ်သည်၊ မိသားစုများ၊ ပြည်သူ့စစ်မှုထမ်းများ၊ စစ်မှုထမ်းဟောင်းအဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များ၊ ပြည်သူ့စစ်(ဌာနေ)တပ်ဖွဲ့ဝင်များအပြင် သံဃာတော်များ၊ သာသနာ့နွယ်ဝင်သီလရှင်များနှင့် ဒေသခံတိုင်းရင်းသား ပြည်သူများကိုလည်း လက်ခံဆေးကုသပေးခြင်းများ ဆောင်ရွက်ပေးလျက်ရှိသည်။ အားပေးစကားပြောကြား ထိုသို့ဆောင်ရွက်ပေးလျက်ရှိရာ ယနေ့တွင် ရှမ်းပြည်နယ်(မြောက်ပိုင်း) လားရှိုးမြို့ရှိ တပ်မတော်ဆေးရုံ၌ တက်ရောက်ဆေးကုသမှုခံယူလျက်ရှိသော အရာရှိ၊ စစ်သည်၊ မိသားစုဝင်များအား အရှေ့မြောက်တိုင်းစစ်ဌာနချုပ်တိုင်းမှူး ဗိုလ်မှူးချုပ်အေးမင်းဦးနှင့် တာဝန်ရှိသူများက သွားရောက်ကြည့်ရှု၍ တစ်ဦးချင်း၏ ရောဂါဖြစ်ပွားမှု၊ ဆေးဝါးကုသပေးထား မှုနှင့် ကျန်းမာရေးတိုးတက်ကောင်းမွန်မှု အခြေအနေများကို ရင်းရင်းနှီးနှီးမေးမြန်းအားပေးစကား ပြောကြားပြီး အာဟာရဖြည့်စားသောက်ဖွယ်ရာများ ပေးအပ်ခဲ့ကြောင်း သိရသည်။

တရုတ်ကအမေရိကန်ကုမ္ပဏီနှင့်လူပုဂ္ဂိုလ်များကိုစီးပွားရေးပိတ်ဆို့အ​ရေးယူ NOM တရုတ်နိုင်ငံသည် ထိုင်ဝမ်သို့ လက်နက်ရောင်းချမှုကြောင့် Boeing ၏ လက်အောက်ခံကုမ္ပဏီတစ်ခု အပါအဝင် အမေရိကန်ကာကွယ်ရေးကုမ္ပဏီ ၂၀ နှင့် အမေရိကန်နိုင်ငံသား ၁၀ ဦးအား ပိတ်ဆို့အရေးယူမှုများ ကြေညာလိုက်ကြောင်း ရိုက်တာသတင်းဌာနက ဖော်ပြသည်။ ပိတ်ဆို့အရေးယူခံရသည့် အခြားကုမ္ပဏီများတွင် Anduril Industries၊ Northrop Grumman Systems Corporation နှင့် L3Harris Maritime Services တို့ ပါဝင်သည်။ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူတစ်ဦးက "ထိုင်ဝမ်ပြဿနာသည် တရုတ်၏ အခြေခံအကျိုးစီးပွား၏ ဗဟိုချက်ဖြစ်ပြီး တရုတ်-အမေရိကန် ဆက်ဆံရေးတွင် ကျော်လွှားမရနိုင်သော ပထမဆုံး မျဉ်းနီဖြစ်သည်" ဟု ပြောကြားခဲ့သည်။

ပဲခူးတိုင်းဒေသကြီး၊ ရေတာရှည်မြို့နယ်တွင် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် အပြစ်မဲ့အရပ်သားပြည်သူတစ်ဦးထိခိုက်ဒဏ်ရာရ NOM ဒီဇင်ဘာ ၂၆၊ ၂၀၂၅ ပဲခူးတိုင်းဒေသကြီး၊ ရေတာရှည်မြို့နယ်ပြည်သူဆေးရုံသို့ ဒီဇင်ဘာလ ၂၅ ရက်နေ့ ည ၆ နာရီခွဲအချိန်၌ မိုင်းပေါက်ကွဲစထိမှန်ဒဏ်ရာဖြင့် အမျိုးသားတစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အားစိစစ်ခဲ့ရာ ညနေ ၅ နာရီအချိန်၌ ရေတာရှည်မြို့နယ်၊ နှောပင်ကျေးရွာနေ ဦးစံရေး (၆၇) နှစ်သည် ကျေးရွာအနီးရှိ ယာခင်းအတွင်း အလုပ်လုပ်ကိုင်နေစဉ် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် ၎င်းတွင်မိုင်းပေါက်ကွဲစ ထိမှန်ဒဏ်ရာများရရှိခဲ့ ခြင်းဖြစ်ကြောင်းသိရသည်။ News Of Myanmar NOM

မန္တလေးတိုင်းဒေသကြီး၊ စဉ့်ကူးမြို့နယ်တွင် PDF အကြမ်းဖက်အဖွဲ့ထောင်ထားသည့် မိုင်းများအားနင်းမိပေါက်ကွဲခဲ့မှုကြောင့် အပြစ်မဲ့ အရပ်သားပြည်သူနှစ်ဦးထိခိုက်ဒဏ်ရာရ NOM ဒီဇင်ဘာ ၂၆၊ ၂၀၂၅ မန္တလေးတိုင်းဒေသကြီး၊ မတ္တရာမြို့နယ်ပြည်သူဆေးရုံသို့ ဒီဇင်ဘာလ ၂၅ ရက်နေ့ မွန်းလွဲ ၃ နာရီ ၂၀ မိနစ်အချိန်၌ မိုင်းပေါက်ကွဲစထိမှန်ဒဏ်ရာများဖြင့် အမျိုးသားနှစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အားစိစစ်ခဲ့ရာ နေ့လယ် ၁၂ နာရီ ၂၀ မိနစ်အချိန်၌ စဉ့်ကူးမြို့နယ်၊ ရွှေပြည် ကျေးရွာနေ မောင်အောင်မြတ်မိုး (၁၇) နှစ်သည် ကျေးရွာ၏တောင်ဘက်ရှိ ယာခင်းအတွင်းအလုပ် လုပ်ကိုင်နေစဉ် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအားလည်းကောင်း၊ မွန်းလွဲ ၂ နာရီ ၁၀ မိနစ်အချိန်၌ စဉ့်ကူးမြို့နယ်၊ ကျောက်ငနွားကျေးရွာနေ ဦးဝင်းနိုင်စိုး (၅၃) နှစ်သည် ကျေးရွာ၏အရှေ့ဘက်ရှိ တောအုပ်အတွင်း ထင်းခုတ်နေစဉ် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအားလည်းကောင်း အသီးသီး နင်းမိပေါက်ကွဲခဲ့မှုကြောင့် ၎င်းတို့နှစ်ဦးတွင် မိုင်းပေါက်ကွဲစထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။ News Of Myanmar NOM

ကရင်ပြည်နယ်၊ ဖာပွန်မြို့နယ်တွင် KNU အကြမ်းဖက်အဖွဲ့နှင့်PDF အကြမ်းဖက်သမားများ ပူးပေါင်းအဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် အပြစ်မဲ့ အရပ်သားပြည်သူတစ်ဦးထိခိုက်ဒဏ်ရာရ NOM ဒီဇင်ဘာ ၂၆၊ ၂၀၂၅ ကရင်ပြည်နယ်၊ ဖာပွန်မြို့နယ်၊ ကမမောင်းတိုက်နယ်ဆေးရုံသို့ ဒီဇင်ဘာလ ၂၅ ရက်နေ့ည ၆ နာရီ ၁၅ မိနစ်အချိန်၌ မိုင်းပေါက်ကွဲစထိမှန်ဒဏ်ရာများဖြင့် အမျိုးသားတစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက် စစ်ဆေး၍ ဖြစ်စဉ်အား စိစစ်ခဲ့ရာ မွန်းလွဲ ၁ နာရီအချိန်၌ ဖာပွန်မြို့နယ်၊ ပုဇွန်မြောင်းကျေးရွာနေ ဦးဖားဝယ် (၃၀) နှစ်သည် ကျေးရွာအနီးရှိ တောင်ယာခင်းသို့ ခြေလျင်သွားရောက်စဉ် အဆိုပါ တောင်ယာတဲအနီးအရောက် KNU အကြမ်းဖက်အဖွဲ့နှင့် PDF အကြမ်းဖက်သမားများ ပူးပေါင်းအဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် ၎င်းတွင်မိုင်းပေါက်ကွဲစ ထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။ News Of Myanmar NOM

ရုရှား၊ တရုတ်နှင့် အိန္ဒိယနိုင်ငံတို့အပါအဝင် နိုင်ငံပေါင်း (၆) ခုမှ ရွေးကောက်ပွဲစောင့်ကြည့်လေ့လာရေးအဖွဲ့များရောက်ရှိလာ NOM၊ဒီဇင်ဘာ၂၆၊၂၀၂၅ မြန်မာနိုင်ငံ၌ ဒီဇင်ဘာ ၂၈ ရက်တွင်ကျင်းပမည့် ပါတီစုံဒီမိုကရေစီအထွေထွေ ရွေး ကောက်ပွဲအတွက် နိုင်ငံပေါင်း (၆) နိုင်ငံမှ ရွေး ကောက်ပွဲစောင့်ကြည့်လေ့လာရေးအဖွဲ့များ ဒီဇင်ဘာ ၂၆ ရက်နံနက်ပိုင်းမှစတင်ကာ အသီးသီးရောက်ရှိလာခဲ့ကြကြောင်း သိရသည်။ ရုရှားနိုင်ငံ၊ တရုတ်နိုင်ငံ၊ အိန္ဒိယနိုင်ငံ၊ ကာဇက်စတန်နိုင်ငံ၊ ကမ္ဘောဒီးယားနိုင်ငံနှင့် ဗီယက်နမ်နိုင်ငံတို့မှ ရွေးကောက်ပွဲစောင့်ကြည့်လေ့လာရေးအဖွဲ့များ ရန်ကုန်အပြည်ပြည်ဆိုင်ရာလေဆိပ်သို့ရောက်ရှိလာခဲ့ကြခြင်းဖြစ်သည်။

KK Park နယ်မြေအတွင်း အွန်လိုင်းလိမ်လည်လောင်းကစားမှု ကျူးလွန်ရာတွင် အသုံးပြုသည့် တရားမဝင်အဆောက်အအုံ ၅၀၄ လုံးကို စနစ်တကျဖြိုချဖျက်ဆီးပြီးစီး၊ အွန်လိုင်းလိမ်လည်လောင်း ကစားမှုကျူးလွန်ရာတွင် အသုံးပြုခဲ့သည့် ပစ္စည်းများအား စနစ်တကျ ဆက်လက်မီးရှို့ဖျက်ဆီး နေပြည်တော်၊ ၂၀၂၅ ခုနှစ်၊ ဒီဇင်ဘာ ၂၆

ရှမ်းပြည်နယ်ဝန်ကြီးချုပ် ဦးအောင်အောင် မြန်မာအီလက်ထရောနစ် မဲပေးစက် (MEVM) ထုတ်ပေးနေမှုနှင့် မဲပေးမည့်မဲရုံများ ပြင်ဆင်ထားရှိမှုအား ကွင်းဆင်းကြည့်ရှုစစ်ဆေး

မန္တလေးတိုင်းဒေသကြီးဝန်ကြီးချုပ် ဦးမျိုးအောင် ၂၀၂၅ ခုနှစ် ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာ ကျင်းပနိုင်ရေးအတွက် ရမည်းသင်းခရိုင်၊ မိတ္ထီလာခရိုင်နှင့် ကျောက်ဆည်ခရိုင်တို့အတွင်း ရွေးကောက်ပွဲဆိုင်ရာ လုပ်ငန်းစဉ်များ ဆောင်ရွက်ထားရှိမှုတို့အား လိုက်လံကြည့်ရှုစစ်ဆေး

ရုရှားနိုင်ငံ၊ တရုတ်နိုင်ငံ၊ အိန္ဒိယနိုင်ငံ၊ ကာဇက်စတန်နိုင်ငံ၊ ကမ္ဘောဒီးယားနိုင်ငံနှင့် ဗီယက်နမ်နိုင်ငံတို့မှ ရွေးကောက်ပွဲစောင့်ကြည့်လေ့လာရေးအဖွဲ့များ ရန်ကုန်အပြည်ပြည်ဆိုင်ရာလေဆိပ်သို့ရောက်ရှိ

ကယားပြည်နယ်၊ လွိုင်ကော်မြို့နယ်၊ လင်ဖုံ (အောက်) ကျေးရွာတွင် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲမှုကြောင့် နေအိမ်ခြံဝင်းအတွင်း မြက်ရိတ်နေသည့် အပြစ်မဲ့အရပ်သားပြည်သူတစ်ဦးထိခိုက်ဒဏ်ရာရ NOM ဒီဇင်ဘာ ၂၆၊ ၂၀၂၅ ကယားပြည်နယ်၊ လွိုင်ကော်မြို့နယ်၊ လင်ဖုံ (အောက်) ကျေးရွာနေ ဦးစံဦး (၃၅) နှစ်သည် ဒီဇင်ဘာလ ၂၅ ရက်နေ့ နံနက် ၉ နာရီ ၂၀ မိနစ်အချိန်၌ တစ်ရွာတည်းနေ ဦးတူးမောင်၏နေအိမ်ခြံဝင်းအတွင်း မြက်ရိတ်စက်ဖြင့် မြက်ရှင်းနေစဉ် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် ၎င်းတွင်မိုင်းပေါက်ကွဲစထိမှန်ဒဏ်ရာများရရှိခဲ့သဖြင့် ဆေးကုသနိုင်ရေး လွိုင်ကော်မြို့၊ အမှတ် (၇) တပ်မတော်ဆေးရုံ (ခုတင်-၁၀၀) သို့ပို့ဆောင်ထားရှိကြောင်းသိရသည်။ News Of Myanmar NOM

ဒီနေ့ ဗန်းမော်ဒေသမှာ နယ်မြေရှင်းနေတဲ့ မင်းခေါင်စစ်ကြောင်းက စစ်သည်တော်များဖြစ်ပါတယ်။ - ဘာတဲ့ “ငါတို့ကို လာမစမ်းနဲ့ .. လာစမ်းရင် သေတမ်းရေးတာနဲ့ အတူတူပဲ”တဲ့။ ကြိုက်တယ်ကွာ .. ဒီအပြောလေးကို။ - အလောင်း/လက်နက်တွေ မနက်က တင်ထားပြီးပါပြီ .. နောက်ထပ် ထပ်ရတာတွေလည်း ရှိသေးတယ်။ ပြီးရင် တင်ပေးမယ်။ - ဗန်းမော်မှာတော့ အကြမ်းဖက်သူပုန်တွေ ၁၀ ယောက် ၁ ကျင်း နှုန်းနဲ့ ဩဂဲနစ်တွေ ဖြစ်ကုန်ပါပြီ။ သေတဲ့သူအများစုကတော့ ရှေ့ဆုံးကနေ တိုက်ရတဲ့ ကွန်ဒုံး PDF တွေနဲ့ AA တွေပါပဲ။ KIA သူပုန်က နောက်မှာနေကြတာ။ - အင်အားဖြည့်တက်လာတဲ့ သူပုန်တွေဟာလည်း လေကြောင်းကနေ ကြားဖြတ်အသုတ်ခံရလို့ ရောက်မလာနိုင်တော့ဘူး။ - အကြမ်းဖက်သူပုန်တွေ အသေများနေရင် ပြည်ဖျက်မီဒီညာတွေက ၁၀၀ ဖိုး ၃ ပုဒ်တွေ တင်လိမ့်မယ်ဆိုတာ သိဖို့လိုပါမယ်။ - တိုက်ပွဲသတင်းစုံ

မကွေးတိုင်းဒေသကြီး၊ ပေါက်မြို့နယ်၊ ပင်တောင်ကျေးရွာအား PDF အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ Drone ဖြင့် Drop Bomb များပစ်ချတိုက်ခိုက်ခဲ့မှုကြောင့် အပြစ်မဲ့အရပ်သားပြည်သူတစ်ဦးထိခိုက်ဒဏ်ရာရ NOM ဒီဇင်ဘာ ၂၆၊ ၂၀၂၅ မကွေးတိုင်းဒေသကြီး၊ ပေါက်မြို့နယ်၊ ပင်တောင်ကျေးရွာသို့ ဒီဇင်ဘာလ ၂၅ ရက်နေ့ နံနက် ၈ နာရီ ၁၅ မိနစ်အချိန်၌ PDF အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ Drone ဖြင့် Drop Bomb များပစ်ချတိုက်ခိုက်ခဲ့ရာ ကျေးရွာအတွင်း Drop Bomb များကျရောက်ပေါက်ကွဲခဲ့မှုကြောင့် အဆိုပါကျေးရွာနေ မဇာလီခိုင် (၂၅) နှစ်တွင် ဗုံးသီးပေါက်ကွဲစထိမှန်ဒဏ်ရာများရရှိခဲ့၍ ၎င်းကျေးရွာတွင်လိုအပ်သော ဆေးဝါးကုသမှု များဆောင်ရွက်ပေးလျက်ရှိကြောင်းသိရသည်။ News Of Myanmar NOM

ရှမ်းပြည်နယ် (တောင်ပိုင်း)၊ ရွာငံမြို့နယ်တွင် PDF အကြမ်းဖက်အဖွဲ့က ပြည်သူ့ကာကွယ်ရေးနှင့် အကြမ်းဖက်နှိမ်နင်းရေးအဖွဲ့ဝင်တစ်ဦးကိုခေါင်းဖြတ်သတ် NOM ဒီဇင်ဘာ ၂၆၊ ၂၀၂၅ ရှမ်းပြည်နယ် (တောင်ပိုင်း)၊ ရွာငံမြို့နယ်၊ ရွာမရပ်ကွက်တွင် ဒီဇင်ဘာလ ၂၅ ရက်နေ့ နံနက် ၈ နာရီခွဲအချိန်၌ လူသေဦးခေါင်းပြတ်တစ်လုံးအား တွေ့ရှိရကြောင်းသတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ သေဆုံးသူမှာ ဈေးတန်းရပ်ကွက်နေ ပြည်သူ့ကာကွယ်ရေးနှင့် အကြမ်းဖက်နှိမ်နင်းရေးအဖွဲ့ဝင် ဦးရာဇာလွင် (ခ) အီကြာကွေး (၄၀) နှစ်ဖြစ်ကြောင်းသိရှိရပြီး ၎င်းသည် ဒီဇင်ဘာလ ည ၆ နာရီ ၁၀ မိနစ်အချိန်၌ ပြည်သူ့ကာကွယ်ရေးနှင့် အကြမ်းဖက်နှိမ်နင်းရေးအဖွဲ့ဝင်များအသင့်စုဖွဲ့ထားသည့်နေရာမှ ၎င်း၏နေအိမ်သို့ ခေတ္တပြန်သွားရာမှ PDF အကြမ်းဖက်အဖွဲ့က ဖမ်းဆီးခေါ်ဆောင်၍ ခေါင်းဖြတ်သတ်သွားခဲ့ခြင်းဖြစ်ကြောင်းသိရသည်။ News Of Myanmar NOM

ဂျပန်ဓါးထိုးမှု၁၄ဦးဒဏ်ရာရ NOM ဂျပန်နိုက်ငံအလယ်ပိုင်းရှိစက်ရုံတစ်ခုတွင်ဓါးထိုးမှုဖြစ်ပွားပြီးအမျိုးအမည်မသိမှုတ်ဆေးများပက်ဖျန်းခံရမှုကြောင့်လူ၁၄ဦးဒဏ်ရာရရှိသည်။