News Of Myanmar

မြောက်ကိုးရီးယားကဒုံးပျံများတိုးထုတ်မည် NOM မြောက်ကိုးရီးယားခေါင်းဆောင်ကင်ဂျုံအမ်သည်တိုင်းပြည်ရှိကာကွယ်ရေးပစ္စည်းထုတ်လုပ်မှုစက်ရုံများကို၂၀၂၆ခုနှစ်တွင်ဒုံးပျံများတိုးမြှင့်ထုတ်လုပ်ရန်ညွှန်ကြားလိုက်သည်။

ရန်ကုန်တွင်ညမထွက်ရအမိန့်ယနေ့ညမှစတင်ရုတ်သိမ်း NOM၊ဒီဇင်ဘာ၂၆၊၂၀၂၅ ရာဇဝတ်ကျင့်ထုံးပုဒ်မ၁၄၄အရရန်ကုန်တွင်နံနက်၁နာရီမှ၃နာရီကြားညမထွက်ရအမိန့်ကိုဒီဇင်ဘာလ၂၇ရက်ယနေ့ညမှစ၍ရုတ်သိမ်းလိုက်ကြောင်းရန်ကုန်တိုင်းဒေသကြီးအစိုးရအဖွဲ့ကထုတ်ပြန်လိုက်သည်။

ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုး မဲရုံများအား ကြည့်ရှုစစ်ဆေး ဒီဇင်ဘာ ၂၆၊ ၂၀၂၅ ၂၀၂၅ ခုနှစ်၊ ဒီဇင်ဘာ ၂၈ ရက်နေ့တွင်ကျင်းပမည့် ပါတီစုံ ဒီမိုကရေစီအထွေထွေရွေးကောက်ပွဲ‌ အောင်မြင်စွာကျင်းပနိုင်ရေးအတွက် မဲရုံများပြင်ဆင်ဆောင်ရွက်နေမှုအား ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုး၊ အဖွဲ့ဝင် ဦးမျိုးလှိုင်တို့သည် ပြည်ထောင်စုနယ်မြေ၊ ရွေးကောက်ပွဲကော်မရှင်အဖွဲ့ခွဲဥက္ကဋ္ဌ ဦးအောင်လင်းဦးနှင့်အဖွဲ့ဝင်များ၊ ပျဉ်းမနားခရိုင် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးနေဦး၊ ပျဉ်းမနားခရိုင် ရွေးကောက်ပွဲကော်မရှင် အဖွဲ့ခွဲဥက္ကဋ္ဌ ဦးတိုးလွင်နှင့်အဖွဲ့ဝင်များ၊ တာဝန်ရှိသူများလိုက်ပါလျက် ယမန်နေ့နံနက်ပိုင်းက လိုက်လံကြည့်ရှုစစ်ဆေးခဲ့ကြောင်း သိရသည်။ ထိုသို့ ကြည့်ရှုစစ်‌ဆေးရာတွင် ၂၀၂၅ ပါတီစုံဒီမိုကရေစီ အထွေထွေရွေးကောက်ပွဲအား မဲဆန္ဒရှင်များ မဲပေးနိုင်ရန်နှင့် နိုင်ငံတကာရွေးကောက်ပွဲစောင့်ကြည့်လေ့လာရေးအဖွဲ့များ လာရောက်ကြည့်ရှုလေ့လာနိုင်ရန်အတွက် ဇမ္ဗူသီရိမြို့နယ်အတွင်းရှိ အမှတ်(၁၄၀) အခြေခံပညာ မူလတန်းလွန်ကျောင်းနှင့် အမှတ် (၁၄) အခြေခံပညာအထက်တန်းကျောင်းတို့တွင် မဲရုံများ ကြိုတင်ပြင်ဆင်ဆောင်ရွက်ထားမှုများကို ကြည့်ရှုစစ်ဆေးခဲ့ရာ ဇမ္ဗူသီရိမြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးဇေနော်ဝင်း၊ မြို့နယ်ရွေးကောက်ပွဲကော်မရှင်အဖွဲ့ခွဲဥက္ကဋ္ဌ ဦးကျော်လွင်၊ ဇမ္ဗူသီရိမြို့နယ်ရွေးကောက်ပွဲကော်မရှင်အဖွဲ့ခွဲ အတွင်းရေးမှူး ဒေါ်မေမဥ္ဇူ၊ မြို့နယ်ပညာရေးမှူး ဦးဝင်းနိုင်နှင့်တာဝန်ရှိသူများက ဆောင်ရွက်ထားရှိမှုများနှင့်ပတ်သက်၍ လိုက်လံရှင်းလင်းတင်ပြခဲ့ကြရာ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုးက လိုအပ်သည်များ လမ်းညွှန်မှာကြားခဲ့ကြောင်း သိရသည်။

ဒီဇင်ဘာလ၂၆ရက်နိုင်ငံတကာသတင်းတိုများ NOM ၁။မြောက်ကိုးရီးယားခေါင်းဆောင်ကင်ဂျုံအမ်သည်ဟွာဆောင်-၁၁အမျိုးအစားတိုက်ချင်းပစ်ဒုံးပျံများထုတ်လုပ်မှုကိုစစ်ဆေးသည်။(ဓါတ်ပုံ) ၂။ ယူကရိန်းသမ္မတဇလင်စကီးသည်ထရမ့်နှင့်တွေ့ဆုံဆွေးနွေးရန်ဖလော်ရီဒါရှိထရမ့်၏မာအာလာဂိုစံအိမ်သို့ယခုရက်ပိုင်းအတွင်းသွားရောက်မည်။ ၃။နိုင်ဂျီးရီးယားနိုင်ငံတွင်ခရစ်ယာန်ဘာသာဝင်များကိုသတ်ဖြတ်နေသည့်ISISအကြမ်းဖက်နေရာများကိုအမေရိကန်ဖျက်သင်္ဘောမှခရုဇ်ဒုံးပျံများဖြင့်တိုက်ခိုက်နေသည်။(ဗီဒီယို) ၄။အစ္စရေးနိုင်ငံအတွင်းသို့အနောက်ဖက်နယ်စပ်မှဝင်လာသည့်ဒရုန်းနှစ်စင်းကိုပစ်ချလိုက်ကြောင်းအစ္စရေးစစ်တပ်ကကြေညာသည်။ ၅။ကမ္ဘာ့ငွေသတ္ထုစျေးသည်ပထမဆုံးအကြိမ်အဖြစ်တစ်အောင်စလျင်၇၅ဒေါ်လာအထက်သို့မြင့်တက်သွားသည်။

နိုင်ငံတကာ “ကျွမ်းကျင်သူ” ဆိုတဲ့သူတွေ မြန်မာ့အကြောင်း ဘယ်လိုထပ်ပြီး အကဲဖြတ်လွဲနေကြပြန်ပြီလဲ ဆောင်းပါးရှင် - မောင်ဒဲ့ဒိုး

သာသနာရေးဝန်ကြီးဟောင်းဦးအောင်ကို၊ ရွေးကောက်ပွဲကော်မရှင်အဖွဲ့ဝင်ဟောင်းဦးမြင့်နိုင်၊ ဗိုလ်ချုပ် လေးဦးနှင့် စီးပွားရေးလုပ်ငန်းရှင်များဖြစ်သည့် ဦးချစ်ခိုင်၊ ဦးသိမ်းဝေ၊ ဦးခင်ရွှေ တိုကို ချီးမြှင့်ထားသည့် ဂုဏ်ထူးဆောင်ဘွဲများ၊ ဆုတံဆိပ်များကို န်ုဝင်ဘာလ၄ရက်အမိန့်စာဖြင့်ပြန်လည်ရုပ်သိမ်းလိုက်သည်။

အိန္ဒိယကဟိမဝန္တာတွင်စစ်ရေးပြင်ဆင် NOM အိန္ဒိယသည်အနာဂတ်တွင်တရုတ်နှင့်ဖြစ်ပွားနိုင်သောစစ်ပွဲအတွက်တောင်တန်းထူထပ်သည့်ဟိမဝန္တာဒေသတွင်ကားလမ်းများ၊ဥမင်များ၊လေယာဥ်ပြေးလမ်းများဖောက်လုပ်လျက်ရှိသည်။တရုတ်ဘက်ကနယ်စပ်ဒေသကိုအသေအချာပြင်ဆင်ထားသဖြင့်၂၀၂၀ခုနှစ်တရုတ်-အိန္ဒိယနယ်စပ်တွင်ဖြစ်ပွားခဲ့သောတုတ်များ၊လေ့ကျင့်ရေးအားကစားပစ္စည်းကလပ်များဖြင့်လက်လက်ချင်းတိုက်ခိုက်စဥ်တရုတ်သည်နာရီပိုင်းအတွင်းစစ်ကူပို့ပေးနိုင်သော်လည်းအိန္ဒိယသည်စစ်ကူပို့ရန်တစ်ပတ်ကြာခဲ့သည်။

လိင်ကိစ္စဖြန့်ဝေသူများထောင်ချမည် NOM တရုတ်နိုင်ငံသည် လိင်ကိစ္စ မျှဝေခြင်းကို တားမြစ်သည့် ပြဋ္ဌာန်းချက်ကို ၂၀၂၆ခုနှစ်မှစတင်၍ ဖုန်းနှင့် အွန်လိုင်းမက်ဆေ့ဂျ်ပို့သည့် အက်ပ်များမှတစ်ဆင့် ပို့လွှတ်သည့် အကြောင်းအရာများအထိ ချဲ့ထွင်မည်ဖြစ်သည်။ ပြင်ဆင်ပြဋ္ဌာန်းထားသော ဥပဒေအရ၊ "သတင်းအချက်အလက် ကွန်ရက်၊ဖုန်း သို့မဟုတ် အခြားဆက်သွယ်ရေးကိရိယာများကို အသုံးပြု၍ လိင်ပိုင်းဆိုင်ရာအချက်အလက်များကို ဖြန့်ဝေသူ" မည်သူမဆို ရက်ပေါင်း ၁၅ ရက်အထိ ထောင်ဒဏ်နှင့် ယွမ် ၅,၀၀၀ (အမေရိကန်ဒေါ်လာ ၇၁၁) အထိ ငွေဒဏ်ချမှတ်ခံရမည်ဖြစ်သည် ။အကယ်၍အကြောင်း အရာတွင် ကလေးများ ပါဝင်ပါက အပြစ်ဒဏ်များ ပိုမိုမြင့်မားမည်ဖြစ်သည်။

တရုတ်နိုင်ငံရှန်ဟဲမြို့နှင့်ရုရှားနိုင်ငံမော်စကိုမြို့တို့၏ခရစ္စမတ်မြင်ကွင်းများ

တရုတ်ဆေးရုံများတွင်စက် ရုပ်ကိုတွင်ကျယ်စွာသုံးလာ NOM တရုတ်ဆေးရုံများတွင်စက်ရုပ်နည်းပညာကိုတွင်ကျယ်စွာသုံးလာရာဆေးရွေးချယ်ခြင်း၊လူနာကိုဆေးပေးခြင်းများကိုစက်ရုပ်များကလုပ်ဆောင်ပေးလျက်ရှိသည်။

တန်ဇန်နီးယားတွင်ရဟတ်ယာဥ်ပျက်ကျငါးဦးသေ NOM တန်ဇန်နီးယားနိုင်ငံ၏   ပေပေါင်း ၁၅၀၀၀ေကျာ် မြင့်သည့်ကီလီမန်ဂျာရိုတောင်တက်စခန်းမှနာမကျန်းဖြစ်နေသည့်နိုင်ငံခြားသားတောင်တက်သမားနှစ်ဦးကိုသယ်ဆောင်လာသည့်ရဟတ်ယာဥ်ယနေ့ပျက်ကျရာ ရဟတ်ယာဥ်ပေါ်လိုက်ပါလာသောတောင်တက်သမားနိုင်ငံခြားသားနှစ်ဦး၊ဆရာဝန်၊စကားပြန်နှင့်လေယာဥ်မှူးတို့အားလုံးသေဆုံးသွားသည်။

မင်္ဂလာတောင်ညွန့်မြို့နယ်ပြည်သူ့ပါတီရုံးအနီးလက်လုပ်ဗုံးခွဲသူအမျိုးသမီးကိုဖမ်းမိNOM၊ဒီဇင်ဘာ၂၅၊၂၀၂၅

မြောက်ကိုးရီးယားခေါင်းဆောင်အနုမြူစွမ်းအင်သုံးရေငုတ်သင်္ဘောကိုစစ်ဆေး NOM မြောက်ကိုးရီးယားခေါင်းဆောင်ကင်ဂျုံအမ်သည်မြောက်ကိုးရီးယားကတည်ဆောက်နေသောအနုမြူစွမ်းအင် သုံးရေငုတ်သင်္ဘောကိုစစ်ဆေးကြည့်ရှုခဲ့သည်။အဆိုပါသ င်ေ္ဘာသည်အမေရိကန်တို့၏ တိုက်ခိုက်ရေးရေငုတ် သင်္ဘောအရွယ်အစားခန့်ရှိကြောင်းသ တင်းဌာနများကဖော်ပြသည်။

မွန်ပြည်နယ်၊ ဘီလင်းမြို့နယ်၊ အလူးကြီးကျေးရွာရှိ ဘုန်းကြီးကျောင်းဝင်းအတွင်းသို့ KNU အကြမ်းဖက်အဖွဲ့နှင့် PDF အကြမ်းဖက်သမားများပူးပေါင်းအဖွဲ့က အများပြည်သူထိခိုက်စေရန် ရည်ရွယ်၍ပစ်ခတ်လိုက်သည့် လက်နက်ကြီး ဗုံးသီးတစ်လုံးကျရောက်ပေါက်ကွဲခဲ့မှုကြောင့် အပြစ်မဲ့အရပ်သားပြည်သူတစ်ဦးထိခိုက်ဒဏ်ရာရ NOM ဒီဇင်ဘာ ၂၅၊ ၂၀၂၅ မွန်ပြည်နယ်၊ သထုံခရိုင်ပြည်သူ့ဆေးရုံကြီးသို့ ဒီဇင်ဘာလ ၂၄ ရက်နေ့ ည ၈ နာရီ ၄၅ မိနစ်အချိန်၌ ဗုံးသီးပေါက်ကွဲစထိမှန်ဒဏ်ရာဖြင့် အမျိုးသမီးတစ်ဦး ရောက်ရှိနေကြောင်း သတင်းအရလုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ နံနက် ၁၀နာရီအချိန်၌ ဘီးလင်းမြို့နယ်၊ ပိုင်ဒဝယ်ကျေးရွာနေ ဒေါ်နှင်းရီ (၅၂) နှစ်သည် အလူးကြီးကျေးရွာရှိ ဘုန်းကြီးကျောင်းတွင်ရောက်ရှိနေစဉ် ၎င်းဘုန်းကြီးကျောင်းဝင်းအတွင်းသို့ KNUအကြမ်းဖက်အဖွဲ့နှင့် PDF အကြမ်းဖက်သမားများပူးပေါင်းအဖွဲ့က အများပြည်သူထိခိုက်စေရန် ရည်ရွယ်၍ပစ်ခတ်လိုက်သည့် လက်နက်ကြီးဗုံးသီးတစ်လုံးကျရောက်ပေါက်ကွဲခဲ့မှုကြောင့် ဒေါ်နှင်းရီတွင် ဗုံးသီး ပေါက်ကွဲစထိမှန်ဒဏ်ရာရရှိခဲ့ခြင်းဖြစ်ကြောင်း သိရသည်။ News Of Myanmar NOM

🇹🇷⬛ တူရကီအာဏာပိုင်များသည် နိုင်ငံအတွင်းခရစ္စမတ်ပွဲတော်နေ့၊ နှစ်သစ်ကူးနေ့ပျော်ပွဲရွှင်ပွဲများ၊ အများပြည်သူပိုင်ဧရိယာများနှင့် အစ္စလာမ်ဘာသာဝင်မဟုတ်သည့် ပစ်မှတ်များကို အကြမ်းဖက်တိုက်ခိုက်မှုများပြုလုပ်ရန်စီစဉ်နေသည့် အိုက်ဆက်စ် (ISIS) အစ္စလာမစ်အစွန်းရောက်အကြမ်းဖက်သမား ၁၁၅ ဦးကိုဖမ်းဆီးခဲ့သည်။ News Of Myanmar NOM

ပေါင်မြို့နယ်တွင်ကျောက်တင်ကားတစ်စီးတိမ်းမှောက်နှစ်ဦး‌ေသဆုံး ဒီဇင်ဘာ၂၅၊၂၀၂၅ မွန်ပြည်နယ်၊ ပေါင်မြို့နယ်၊ ကျခတ်ငူကျေးရွာအနီးတွင် ဒီဇင်ဘာ၂၅ရက်ညနေ၄နာရီ၅၀မီနစ်ကကျောက်တင်ကားတစ်စီးတိမ်းမှောက်မှုဖြစ်ပွားခဲ့ကြောင်း ပေါင်မြို့နယ်မီးသတ်စခန်မှသိရသည်။ အဆိုပါ ယာဉ်တိမ်းမှောက်မှုကြောင့် ယာဉ်ပေါ်ပါ အမျိုးသားတစ်ဦးနှင့် အမျိူသမီးနှစ်ဦးအနက် အမျိုးသားတစ်ဦး ထိခိုက်ဒဏ်ရာ(စိုးရိမ်ရ)နှင့် အမျိုးသမီးနှစ်ဦး ‌ေသဆုံးကာအနန္တမေတ္တာလူမူ ကယ်ဆယ်ရေး မှ မုတ္တမတိုက်နယ်ဆေးရုံသို့ ပို့ဆောင်ပေးခဲ့‌ေကြာင်းသိရသည်။

မကွေးတိုင်းဒေသကြီး၊ နတ်မောက်မြို့နယ်၊ ဈေးရပ်ကွက်ရှိ မိုးမခအထည်ဆိုင်အနီးတွင် PDF အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ လက်လုပ်မိုင်းထောင်ဖောက်ခွဲမှုကြောင့် ပေါက်ကွဲမှုဖြစ်ပွါး NOM ဒီဇင်ဘာ ၂၅၊ ၂၀၂၅ မကွေးတိုင်းဒေသကြီး၊ နတ်မောက်မြို့နယ်၊ ဈေးရပ်ကွက်ရှိ မိုးမခအထည်ဆိုင်အနီးတွင် ဒီဇင်ဘာလ ၂၄ ရက်နေ့ ည ၇ နာရီ ၁၀ မိနစ်အချိန်၌ PDF အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ လက်လုပ်မိုင်းထောင်ဖောက်ခွဲသွားခဲ့သဖြင့် ပေါက်ကွဲမှုဖြစ်ပွားခဲ့ပြီး ပေါက်ကွဲမှုကြောင့် အထည်ဆိုင်ရှေ့တံခါး၊ အဖီဆွဲထားသည့် အမိုးသွပ် ၇ ချပ်ခန့်၊ အဖီဆွဲရန် စုပုံထားသည့် ပစ္စည်းများ၊ စုစုပေါင်းတန်ဖိုးငွေ ၆၀,၀၀၀ ကျပ်ခန့်ပျက်စီးဆုံးရှုံးခဲ့ပြီး လူထိခိုက်ဒဏ်ရာရရှိခဲ့ခြင်းမရှိကြောင်းသိရသည်။ News Of Myanmar NOM

မကွေးတိုင်းဒေသကြီး၊ ငဖဲမြို့နယ်တွင် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် စိုက်ခင်းသို့သွားသည့် အပြစ်မဲ့ အရပ်သားပြည်သူတစ်ဦးထိခိုက်ဒဏ်ရာရ NOM ဒီဇင်ဘာ ၂၅၊ ၂၀၂၅ မကွေးတိုင်းဒေသကြီး၊ ငဖဲမြို့နယ်၊ ပဒါန်းတိုက်နယ်ဆေးရုံသို့ ဒီဇင်ဘာလ ၂၄ ရက်နေ့ နံနက် ၉ နာရီ ၄၀ မိနစ်အချိန်၌ မိုင်းပေါက်ကွဲစထိမှန်ဒဏ်ရာများဖြင့် အမျိုးသမီးတစ်ဦးရောက်ရှိနေကြောင်းသတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ နံနက် ၆ နာရီ ၄၀ မိနစ်အချိန်၌ ငဖဲမြို့နယ်၊ ဆူးပဒေါင်းကျေးရွာနေ မဝေဝေစန်း (၂၄) နှစ်သည်ကျေးရွာ၏အနောက်ဘက် ၂ မိုင်ခန့်အကွာရှိ ပဲစင်းငုံစိုက်ခင်းသို့ သွားရောက်စဉ် စိုက်ခင်းအနီး လှည်းလမ်းဘေးအရောက် PDF အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲခဲ့မှုကြောင့် ၎င်းတွင်မိုင်းပေါက်ကွဲစထိမှန်ဒဏ်ရာများရရှိခဲ့ခြင်းဖြစ်ကြောင်းသိရသည်။ News Of Myanmar NOM

ဗင်နီဇွဲလားအပေါ် ဖိအားပေးဖို့ လုပ်ဆောင်နေရာမှာ ကာရစ်ဘီယံကို ရောက်ရှိနေတဲ့ ကန်စစ်တပ်အနေနဲ့ ရေနံတင်သင်္ဘောတွေကို ထိန်းသိမ်းဖို့ကိုသာ ဦးစားပေးဖို့ ထရမ့်အစိုးရက အမိန့်ပေးလိုက်ပါတယ်။ စစ်ရေးအရ ရွေးချယ်စရာတွေ ရှိနေပေမယ့် အဓိကအနေနဲ့ စီးပွားရေးဖိအားကို အသုံးပြုကာ လုပ်ဆောင်သွားဖို့ ရည်ရွယ်တာလည်းဖြစ်ပါတယ်။ NOM