AAU - Muslim Students Union

🌟 የብርሃን ዱካዎች ክፍል 7 የየዚድ ሞት የሥልጣን ጥያቄዎችን ወዲያውኑ አልፈታም። የኡመዊያ አገዛዝም በአዲስ ፈተና ውስጥ ገባ። ከዚያም አዲስ መሪዎች፣ አዳዲስ ውሳኔዎችና የታሪክ አቅጣጫን የቀየሩ ክስተቶች ተከታተሉ። ከየዚድ በኋላ.....አጭር የኸሊፋነት ዘመን በ64 ሂጅሪያ የየዚድ ሞት ተከትሎ ልጁ ሙዓዊያ ኢብን የዚድ አመራር ተቀበለ። ሆኖም የእርሱ የኸሊፋነት ዘመን በጣም አጭር ነበር።በዚያ ወቅት የኡመዊያ አገዛዝ በሁሉም አካባቢዎች ላይ ያለው ቁጥጥር ተዳክሞ ነበር። በመካ ዐብደላህ ኢብን አዝ-ዙበይር የአመራር ጥያቄያቸውን ቀጥለው ነበር፤ በሌሎች አካባቢዎችም የፖለቲካ ሁኔታው ውስብስብ ነበር። የሙዓዊያ ኢብን የዚድ ዘመን ሲያበቃ፣ የኡመዊያ አገዛዝ በመርዋን ኢብን አል-ሐከም ቀጠለ። የእርሱ ዘመን ረጅም ባይሆንም፣ ለኡመዊያ አገዛዝ መቀጠል ወሳኝ ነበር። የአመራር ተቃውሞዎችና በሶሪያ ውስጥ የነበሩ የጎሳ አለመግባባቶች ትልቅ ፈተና ሆነው ነበር። መርዋን የኡመዊያን አገዛዝ ለማጠናከር ሠራ። በ65 ሂጅሪያ ከሞተ በኋላም ልጁ ዐብዱልመሊክ ኢብን መርዋን አመራሩን ተረከበ። አንዳንድ ጊዜ የታሪክ አቅጣጫ በአንድ ውሳኔ ብቻ አይቀየርም። በተከታታይ ውሳኔዎችና በሚቀጥሉ ክስተቶች ይቀረጻል። ይህ ወቅትም ለዚያ ምሳሌ ነው። ዐብዱልመሊክ ኢብን መርዋን ከ65 እስከ 86 ሂጅሪያ ድረስ ኸሊፋ ሆኖ አገዛዙን ለማጠናከር ሰፊ ጥረት አደረገ። በዚያ ዘመን ከተከሰቱት ወሳኝ ክስተቶች አንዱ የዐብደላህ ኢብን አዝ-ዙበይር እንቅስቃሴ መጨረሻ ነው። በ73 ሂጅሪያ ዐብደላህ ኢብን አዝ-ዙበይር በመካ ተገደሉ፤ የኡመዊያ አገዛዝም በብዙ የሙስሊም ግዛቶች ላይ ያለውን ቁጥጥር እንደገና አጠናከረ። ይህ ዘመን በኡመዊያ ታሪክ ውስጥ ትልቅ የለውጥ ምዕራፍ ነበር። ከዚያ በኋላ የመጡት ኸሊፋዎች የተጠናከረ አገዛዝ ወረሱ፣ከእሱ ጋር የመሪነት ኃላፊነትንም ተሸከሙ። ከመስፋፋት ወደ አዲስ ምዕራፍ ከዐብዱልመሊክ በኋላ ልጁ አል-ወሊድ ኢብን ዐብዱልመሊክ ኸሊፋ ሆነ። በእርሱ ዘመን የኡመዊያ ግዛት በብዙ አቅጣጫዎች ተስፋፋ፤ በግንባታና በሕዝብ አገልግሎትም የሚታወሱ ሥራዎች ተከናወኑ። በ96 ሂጅሪያ አል-ወሊድ ከሞተ በኋላ ሱለይማን ኢብን ዐብዱልመሊክ አመራሩን ተረከበ። የሱለይማን ዘመንም እስከ 99 ሂጅሪያ ድረስ ቀጠለ። እንግዲህ ተመልከቱ፤ ከየዚድ ሞት በኋላ በአገዛዙ ውስጥ ብዙ ለውጦች ተከስተዋል። አገዛዙ ተዳክሟል ከዚያም እንደገና አንሰራርቷል፣ ግዛቱም ተስፋፍቷል። አሁን አንድ የምንጠይቀው ሌላ ጥያቄ አለ፦ አገዛዝ ሲጠናከር የሕዝብ መብትና ፍትሕ እንዴት ይጠበቃሉ? ከሱለይማን በኋላ ማን.....?? ⚖️⚖️ደሃ ጠፍቶ ዘካ የሚቀበል ሰው እስኪታጣ ድረስ ፍትሕን አስፍኗል 👑 ሥልጣንን እንደ አደራ መቀበል፣ ፍትሕና ትሕትና መለያው ነበር! 🌟 ዑመር ኢብኑ ዐብዱልዐዚዝ رحمه الله ይቀጥላል ..... @aaumsu

ዘላቂ መፍትሔ ያስፈልጋል ! በድሬዳዋ ማርያም ሰፈር ት/ቤት ለነበረው የኒቃብ ክልከላ እስካሁን ባለው ዘላቂ እና አስተማማኝ መፍትሔ አልመጣም። በአዲስ አበባ ከተማ ት/ቤቶች ያለው ክልከላም ተባብሶ የቀጠለ ሲሆን ለዘላቂው መፍትሔ መንገዱ እስካሁን አልተጀመረም። እንደ አዲስ አበባ ዩኒቨርስቲ ሙስሊም ተማሪዎች ሕብረት እየተፈጠሩ ያሉ የመብት ጥሰቶች እየተከታተልን ሲሆን የመብት ጥሰቶቹ ቆመው፤ ተማሪዎቹ ተገቢው የሞራል ካሳ ተሰጥቷቸው፤ አጥፍዎቹም በሕግ አግባብ ተቀጥተው ፍትሕ ይሰፍን ዘንድ እንጠይቃለን። ከአመት አመት ቦታ እና መልክ እየቀያየረ ሙስሊም ተማሪዎችን ከትምህርት የሚያስተጓጉለው የሙስሊም ጠልነት መገለጫ ፍፁም ተቀባይነት የለውም። መሠል ተግባራት የትምህርት ስርዓቱን ከማቀጨጫቸውም በላይ ሙስሊሙ ማህበረሰብ ከትምህርት ጀምሮ ባሉ ሀገራዊ ተሳትፎዎች ላይ ያለውን ሚና ይቀንሳሉ። ስለሆነም የሚመለከታቸው የመንግስት አካላት፤ የሕዝበ ሙስሊሙ ወኪል ተቋም የሆነው መጅሊስ የሙስሊም ተማሪዎች የመብት ጥያቄ ለአንዴ እና ለመጨረሻ ጊዜ መፍትሔ ያገኝ ዘንድ ይሰሩ ዘንድ ጥያቄያችን ነው። ጥያቄ አለን፤ ስለሙስሊም ተማሪዎች የመብት ጉዳይ! ስለ አዲስ አበባ ሙስሊም ተማሪዎች የመብት ጉዳይ! ስለድሬዳዋ ሙስሊም ተማሪዎች! በሁሉም ቦታ መብታቸው እየተገፈፉ ስላሉ ሙስሊም ተማሪዎች! ጥያቄ አለን፤ ፍትሐዊ መልስ እስኪመጣ!

ከአዲስ አበባ እስከ ድሬዳዋ፤ አዲሱ የትምህርት ዘመን መከፈቱን ተከትሎ እየተስፋፋ ያለው ሒጃብ ጠልነት !    ሒጃብ መልበስ ሐይማኖታዊ ትዕዛዝ ነው። ሒጃብ የሴት ልጅ እምነቷ፤ ክብሯ፤ ነፃነቷ፤ መብቷ እና ውበቷ ነው። ትምህርት መማር ሕገ- መንግስታዊ መብት ከመሆኑ ባሻገር ሀገር ሀገር ሆና የምትሰራበት እና የምትፀናበት ስርዓት ነው። ሙስሊም ጠል የሆኑ አካላት ሙስሊሞች ወይ ከእምነታቸው የራቁ ተማሪዎች ወይ ደግሞ ከትምህርት የራቁ አማኞች እንዲሆኑ ለማድረግ ተደጋጋሚ ስራዎችን ሲሰሩ ተስተውሏል። ከኢለመንታሪ እስከ ዩኒቨርስቲ ሕገ- መንግስቱ ያፀናቸውን መሠረታዊ የነፃነት መብቶችን በመጣስ፤ እንደ ሙስሊም በትምህርት ስርዓቱ ውስጥ የሚያስፈልጉትን አገልግሎቶች በመከልከል፤ ሙስሊም ተማሪዎችን ለተደጋጋሚ ዘለፋ እና እንግልት ተጋላጭ በማድረግ ሙስሊሙን ተማሪ ከትምህርት ስርዓቱ ለማግለል ተሰርቷል፤ እየተሰራም ይገኛል።    ይህ የመብት ጥሰት መሠረታዊ የሙስሊም ተማሪዎች መብቶች በሀገራዊ ምክክሩ ቀርበው ውይይት ከተደረገባቸው እና ከስምምነት ከተደረሰ ማግስት እንኳን አልቆመም። በአዲስ አበባ ቀራኒዮ እና ዋቆ ጉቱ ትምህርት ቤት፤ በወሊሶ ኢፈ ቦሩ ት/ቤት፤ በድሬዳዋ የማርያም ሰፈር ት/ቤት የተስተዋለውም ይኼው ነው። ሙስሊም ሴት ተማሪዎች ሒጃባቸውን ካላወለቁ መማር እንደማይችሉ ተገልፆላቸው ለተደጋጋሚ እንግልት፤ ዘለፋ እና ስቃይ ተጋላጭ ሆነዋል። በአንዳንዶቹ ውስጥ ደግሞ የተማሪዎቹን ሒጃብ በግዳጅ እየገፈፉ ለተጨማሪ የመብት ጥሰት እንዲዳረጉ ሆኗል።   መሠል ተግባራት ግልፅ የሆኑ የሕገ- መንግስታዊ መብት ጥሰቶች ሲሆኑ መነሻቸው ሙስሊም ጠልነት ነው። ይህንን ያደረጉ እና እያደረጉ ያሉ አካላት በሕግ አግባብ ሊጠየቁ ይገባል። የሚመለከታቸው የመንግስት እና የመጅሊስ አካላት የተፈጠረውን ክስተት በመመርመር ለተማሪዎቹ ተገቢው ካሳ እንዲሰጣቸው እና አጥፊዎቹን ከሕግ ፊት እንዲያቆሙ እንጠይቃለን። @aaumsu

إِنَّا لِلَّٰهِ وَإِنَّا إِلَيْهِ رَاجِعُونَ አዘርባጃን ወደ 96% የሚጠጋው ህዝቧ ሙስሊም እንደሆነ ይነገራል። ነገር ግን በዚያች ሀገር ያሉ እህቶቻችን ሂጃብ በመልበሳቸው ብቻ ከትምህርት ገበታቸው ሲገፉ መስማት ልብን የሚሰብሩ እና በጥልቅ የሚያስቡ ጥያቄዎችን ያነሳል፦ አንድ ማህበረሰብ በእምነቱ ላይ ፀንቶ ከመቆም ይልቅ የሰዎችን ይሁንታ ለማግኘት ሲጨነቅ፣ ፈፅሞ የማያገኘውን አድናቆት ለመሸመት ሲል የራሱን እሴቶች አሳልፎ የመስጠት አደጋ ውስጥ ይወድቃል። አላህ ﷻ በቁርዓኑ እንዲህ ሲል ያስጠነቅቀናል፦

“ትፈሯቸዋላችሁን? አማኞች እንደሆናችሁ ልትፈሩት ይበልጥ የተገባችሁ አላህ ነው!” (ሱረቱ ተውባህ 13)

በአዘርባጃን ያሉ እህቶቻችን ከትምህርት እንልቀቅ አላሉም። መማር፣ ብሩህ ተስፋቸውን መገንባት እና ለሀገራቸው ማበርከት ይፈልጋሉ። ነገር ግን በትምህርታቸው እና ለአላህ ﷻ ባላቸው ታዛዥነት መካከል እንዲመርጡ እየተደረጉ ይገኛል። ሂጃብ ወንጀል አይደለም! እስልምና የምንሸሽገው የሚያሳፍር ማንነት አይደለም፤ የአላህ ትእዛዛትም አለም ባመቸው ቁጥር የምንተዋቸው ነገሮች አይደሉም። ከአዘባጃን ሁኔታ የምንማረው ትልቁ ትምህርት የቁጥር ሳይሆን የእምነት ጥንካሬ ጉዳይን ነው! አንድ ማህበረሰብ ሙስሊም የበዛበት ስለሆነ ብቻ የእምነቱን እሴቶች ይጠብቃል ማለት አይደለም። ኢስላማዊ ማንነት ከቁጥር በላይ መሆን አለበት፤ በፍትህ፣ በሃይማኖት ነፃነት እና ወንድምና እህቶቻችንን በመጠበቅ ሊንጸባረቅ ይገባል። ሆኖም ግን... ወደ አዘርባጃን ከመጠቆማችን በፊት ወደ እራሳችን እንመልከት! እንደ አዲስ አበባ ዩኒቨርሲቲ ባሉ የራሳችን ትምህርት ተቋማትስ ሙስሊም ተማሪዎች የእምነት መብቶቻቸውን ለማስከበር የሚያደርጉት ትግል የተለየ ነውን? በኢትዮጵያ ዩኒቨርሲቲዎች ውስጥ የሙስሊም ተማሪዎች ሃይማኖታዊ መብቶች እና የሂጃብ ጉዳይ ለእኛ የሩቅ ወሬ ሳይሆኑ፣ በቅርብ የምንኖረው የትግላችን አካል ናቸው። በአዘርባጃን የሚፈፀመውን ማግለል ስንኮንን፤ እዚሁ ሀገራችን ውስጥ የሚገጥሙንን ተግዳሮቶች ለመናገር ድፍረቱ ሊኖረን ይገባል። ፍትህ በሩቅ የምንጠይቀው፣ በቤታችን ግን የምንተወው ነገር ሊሆን አይገባም። በአዘርባጃን ለሚገኙ እህቶቻችን አላህ ጥንካሬን፤ ሰብርን እና ድልን ያጎናጽፋቸው ዘንድ ዱዓችን ነው። በአዲስ አበባ ዩኒቨርሲቲ እና በጠቅላላው ኢትዮጵያ የሚገኙ ሙስሊም ተማሪዎችን እንግልት ያቃልል፤ በስልጣን ላይ ያሉትን ወደ ፍትህ ይምራ፤ እውነትንም በፅናት እንድንናገር ድፍረቱን ይስጠን። አሚን! @aaumsu

እሁድ በነበረው ታሪካዊ ፕሮግራም ላይ ነጃሺ ቲቪ እና ሀሩን ሚዲያ የሚዲያ አጋሮቻችን ነበሩ። እናመሰግናለን !

የብዕር ቃል ! የኢትዮጵያ ሙስሊም ተማሪዎችን ትግል ከትላንት ጀምሮ እስከ ጥያቄ አለን ትውልድ ድረስ ያለውን የሚያስቃኝ ልዩ ዶክመንተሪ! አዘጋጅ፦ የአዲስ አበባ ዩኒቨርስቲ ሙስሊም ተማሪዎች ሕብረት ! በሕብረት የYoutube ቻናል https://youtu.be/sgk9A6ne17g?si=mBifu22HvHROT5N8 በመግባት ይመልከቱ። ለሌሎችም Share ያድርጉ።

የብርሀን ዱካዎች🌟 ክፍል 6 የታሪክ ቁስሎችና የዛሬው ትውልድ ኃላፊነት ሁሉም የታሪክ ገጾች የድልና የደስታ ታሪኮች ላይሆኑ ይችላሉ ። አንዳንዶቹ ጥልቅ ሐዘንን ይዘው ይመጣሉ፤ የሰውን ሕይወት ዋጋና የደም ክብር እንድናስብ ያደርጉናል። ከእነዚህ አሳዛኝ ክስተቶች አንዱ በሙሐረም 10 ቀን በከርበላ የተፈጸመው የሑሰይን ኢብኑ ዓሊይ ረዲየላሁ ዐንሁማ መገደል ነው። እስቲ ታሪኩን በጥንቃቄ እንመልከት ከኩፋ ወደ ከርበላ.... በቀደመው ክፍል እንደተማርነው፣ ከኩፋ የመጡ ደብዳቤዎች ሑሰይን ረዲየላሁ ዐንሁማ ወደ ኢራቅ እንዲመጡ ጠይቀው ነበር።ነገር ግን ሙስሊም ኢብኑ ዐቂል ተገደሉ፣ የኩፋም ሁኔታ ተቀየረ። ሑሰይን ከቤተሰባቸውና ከባልደረቦቻቸው ጋር ጉዟቸውን ቀጠሉ። በመንገድ ላይም ከኢራቅ የመጣው የፖለቲካ ሁኔታ ከቀድሞው እንደተለወጠ ተገነዘቡ።የአሏህ ውሳኔ ነውና በመጨረሻ ከርበላ ደረሱ። ሑሰይን የነቢዩ ሙሐመድ ﷺ የልጅ ልጅ፣ የፋጢማ እና የዓሊይ ረዲየላሁ ዐንሁማ ልጅ ከእርሳቸው ጋርም ቤተሰባቦቻቸቸውና ባልደረቦቻቸው ነበሩ። ይህ ክስተት በሙስሊሞች ታሪክ ውስጥ ከባድ ሐዘን የፈጠረ ክስተት ነበር። ምክንያቱም ምድር ላይ ብቸኛው የነብዩ ﷺ የልጅ ልጅ ሑሰይን ብኑ ዐሊይ ነበር የተገደለው።። ይህንን ታሪክ ስናነብ የሰውን ሕይወት ዋጋ፣ የደም ክብርና የግጭትን አደገኛ ውጤት ማሰብ አለብን። ከከርበላ በኋላ... የሑሰይን መገደል የየዚድ ዘመን የመጨረሻ ክስተት አልነበረም። በመዲና ከተማ ውስጥ በነዋሪዎቹና በኡመዊያ ሥልጣን መካከል የነበረው ውጥረት ወደ ወታደራዊ ግጭት ተሸጋገረ። ይህም የሐራህ ጦርነት ተብሎ ይታወቃል። ጦርነቱ የመዲና ነዋሪዎች በመሸነፋቸው ተጠናቀቀ፣ ከዚያም በኋላ ግድያዎችና ሌሎች ከባድ ችግሮች ተፈጠሩ። ከዚያም የሶርያ ጦር ወደ መካ አመራ። በዚያም ዐብዱላህ ኢብኑ ዙበይር ረዲየላሁ ዐንሁማ ነበሩ። በ64 ሂጅሪያ የዚድ ሞተ። ነገር ግን የእርሱ ሞት የፖለቲካ ችግሮቹን ወዲያውኑ እንዲበቃ አላደረገም፤ የሥልጣን ግጭቶችም ቀጥለው ነበር። ውድ የሚሽካት ቤተሰቦች.... ታሪክን በጥሞና ማንበብ ማለት እውነቱን በመፈለግ ላይ ሆነን ፍትሕን መጠበቅ ማለት ነው። የአህሉል በይት ፍቅር የሌሎችን ሙስሊሞች መጉዳት አይጠይቅም። ሑሰይን ረዲየላሁ ዐንሁማን ማክበርና ስለ ከርበላ በሐዘን ማሰብ የሌሎችን ሰዎች ማዋረድ ወይም መጥላት አያስፈልገውም። ዓላማችን የቀድሞውን ሐዘን ማውረስ ሳይሆን፣ እሱን በመረዳት የዛሬውን ሕይወት ማሻሻል ነው። ዓላማችን ጥላቻን ማዳበር ሳይሆን፣ ወንድማማችነትን መጠበቅ ነው። አሏህ ጠቃሚ ዕውቀትን፣በንግግራችን ፍትሕን፣ በልባችንም ሰላምን ይስጠን። ሚሽካት ይቀጥላል ... @aaumsu

በአባጅፋሯ ጅማ ዩኒቨርስቲ ኒቃብ ተከልክሎ ለረጅም አመት ሲዘልቅ ብዙ እምባ ፈሶ ከመፍሰሱም ባሻገር መታወቂያዋ ፍትሐዊው ንጉስ አባጅፋር የሆነችዋን ከተማ ስም አጉድፎ ነበር። ይህ ታሪክ ተቀይሮ ዳግም ፍትሕ ይፀና ዘንድ 2017 ዓ.ል ደረሰ። የጅማ ዩኒቨርስቲ ሙስሊም ተማሪዎች ባደረጉት ጥበብ የተሞላበት ትግል እና እንቅስቃሴ ክልከላው ተወግዶ ፍትሕ ፀና። ሒደቱ እንደ ለሁሉም ሙስሊም ትምህርት የሚሆን የነበረ በመሆኑ የአዲስ አበባ ዩኒቨርስቲ ሙስሊም ተማሪዎች ሕብረት በዛሬው እለት እውቅና ሰጥቷል። በትግሉ ወቅት የጀመዓው አሚር የነበሩት፤ በአንድኛው የትግል ምሽት ታስረው የነበሩት አብዲ ኮርም እውቅናውን የተቀበሉ ሲሆን እንደ ሙስሊም በትብብር እና ቅንጅት ለአንድ አላማ በአንድነት ከተሰለፍን ብዙ ለውጥ ማምጣት እንደምንችል ጠቅሰዋል። የጥያቄ አለን ትውልድ የሚዘነጋው ትግል የለም። ያለፈውን በማስታወስ፤ ካለፈውም በመማር በሁሉም ቦታ ታሪክ መስራቱን ይቀጥላል።

የጥያቄ አለን ትውልድ የሚዘነጋው ትግል የለም ! በ2017 ዓ.ል በዲላ ዩኒቨርስቲ የኒቃብ ክልከላ በነበረበረበት ወቅት የዩኒቨርስቲው ጀመዓ አርዓያነት በተሞላበት መልኩ ስትራቴጅካሊ ታግለው ነበር። በዚያ ውስጥ ለሁሉም ጀመዓ እንደ ልምድ የሚሆንን ድል ሰርተው አልፈዋል። እንደ አዲስ አበባ ዩኒቨርስቲ ሙስሊም ተማሪዎች ሕብረት ከፅናታቸው፤ ከትግላቸው እና ድላቸው የተማርነው ብዙ ስለነበር በዛሬው መድረካችን እውቅና ሰጥተናል። በሰዓቱ የትግሉ መሪ እና የጀመዓው አሚር የነበሩት ኡስታዝ ኑረዲን አብደላህ ተገኝተው እውቅናውን የተቀበሉ ሲሆን በትግል ውስጥ ፅናት፣ ትብብር እና ጥበብ አስፈላጊ መሆናቸውን ያነሱ ሲሆን ሁሉም አካላት ለመፍትሔው ይረባረብ ዘንድ መልዕክት አስተላልፈዋል። በአላህ ፈቃድ አዲስ አበባ ዩኒቨርስቲ ያወጣው ጨቋኝ መመሪያ ተሻሽሎ ነፃነታችን ሲፀና የነበረው እና የሚኖረው ትግል ታሪክ ሆኖ ይፃፋል።

Ilmiin ibaadaadhaa baraa. Gosa beekumsaa kamiyyuu kan ilma namaa fayyadu ta’e hanga itti fayyadamnuutti barachuun dirqama keenya. Milkaa’inni keenya kan addunyaa fi Aakhiraa, damee jireenyaa kamiyyuu keessatti yeroo hirmaannu, bakka diin keenya ittiin kabajamu, Uumaan keenya ittiin gammaduu fi jireenya namootaa ittiin fayyadu ga’uu keenya irratti hundaa’a. …” — Dr. Sheek Muhammad Hamiidiin

"ኢልም እኮ ኢባዳ ነው። የትኛውን የእውቀት ክፍል የሰው ልጅ እስከጠቀመው ድረስ መቅሰም ግዴታችን ነው።

የዱንያም ሆነ የአኺራ ስኬታችን የሚለካው በየትኛውም የሕይወት መስመር ላይ ስንሰማራ ዲናችንን የሚያስመስገን፣ ፈጣሪያችንን የሚያስደስት እና የሰውን ሕይወት የሚጠቅም ቦታ ላይ መድረስ ስንችል ነው። ..." — ዶ/ር ሼህ ሙሐመድ ሃሚዲን

ሸይኽ ሙሐመድ ሓሚዲን ዳዕዋቸውን እያቀረቡ ነው። @aaumsu

ሸይኽ ሙሐመድ ሓሚዲን ዳዕዋቸውን እያቀረቡ ነው።

Yeroo Keessan Sirnaan Itti Fayyadamaa! Isin dargaggoota abdii biyya kanaa fi ummata Islaamaa (Ummaa) taataniidha. Yeroo yunivarsiitii keessan keessatti waggoota gabaabaa 4 ykn 5 kana ogummaadhaan yoo itti fayyadamtan, sadarkaa olaanaa irra ga'uu fi seenaa haaraa hojjechuu dandeessu. Yookaan immoo homaa osoo hin hojjetin dabarsuu dandeessu. Filannoon kan keessani! Yeroo keessan ogummaadhaan itti fayyadamaa! — Sheek Sa'iid Ahmad irraa

የሙስሊም ተማሪዎችን ትግል ከትላንት እስከ ዛሬ የሚያስቃኝ ዶክመንተሪ በመተላለፍ ላይ ይገኛል።

"ጊዜን በአግባቡ መጠቀም! እናንተ የዚህች ሀገር እና የኡማው ተስፋ የሆናችሁ ወጣቶች ናችሁ። በዩኒቨርሲቲ ቆይታችሁ እነዚህን አጭር 4 ወይም 5 ዓመታት በጥበብ ከተጠቀማችኋቸው ትልቅ ከፍታ ላይ መድረስ እና አዲስ ታሪክ መሥራት ትችላላችሁ፤ አልያም ደግሞ ምንም ሳይሠሩ ማሳለፍ ይቻላል። ምርጫው የእናንተ ነው። ጊዜያችሁን በብልህነት ተጠቀሙበት!"

— ከሸይኽ ሰኢድ አህመድ @aaumsu

"በነዚህ ያለፉ ዓመታት አሁን እስካልንበት ጊዜ ድረስ ጀማው የተለያየ ውጣ ውረድን በማለፍ ለብዙ ስኬት መብቃት ችሏል፤ ለዚህም ደግሞ ያፈራቸው ተማሪዎች ሕያው ምስክር ናቸው።" — የአዲስ አበባ ዩኒቨርስቲ ሙስሊም ተማሪዎች ሕብረት ፕሬዚዳንት ሙሐመድ ኢድሪስ። @aaumsu

"እዚህ ግቢ የሚማሩ ሙስሊም ተማሪዎች አንድነታቸውን በህብረት የሚገልፁበት፣ የዲን እና የዱንያ ጉዳዮቻቸውን የሚመካከሩበት እና የሚመሩበት የሆነው የአአዩምሱ (AAUMSU) ብለው በመመሥረት እንቅስቃሴዎቻቸው ከጀመሩ ዓመታት ተቆጥረዋል።" — የአዲስ አበባ ዩኒቨርስቲ ሙስሊም ተማሪዎች ሕብረት ፕሬዚዳንት ሙሐመድ ኢድሪስ። @aaumsu

የአዲስ አበባ ዩኒቨርስቲ ሙስሊም ተማሪዎች ሕብረት ፕሬዚዳንት ሙሐመድ ኢድሪስ የእንኳን ደህና መጣችሁ መልዕክት አስተላልፈዋል።