Ardaa Seeraa

Abbaan qabiyyee lafa baadiyaa lafti isaa adeemsa seeraa malee jalaa fudhatame magaalaa jalatti galuun nama biroof kenname iyyannoo ykn himannaa isaa eessatti dhiyeeffachuu danda’a? Qaama bulchiinsaa(koree beenyaa) moo Mana Murtii Idileetti? Mana Murtii Idilee yoo ta’e Mana Murtii kamitti? ================================================================== Dhaddachi Ijibbaataa MMWF galmee lkk 217195 ta’ee fi Jiildii 28ffaa keessatti maxxanfamee jiru irratti kan armaan gadii murteessee jira. ================================================================== Abbootiin qabiyyee lafti isaanii daangaa Bulchiinsa magaalaa jalatti jalaa hammatame mirga abbaa qabiyyummaa fi ittifayyadama qabiyyee lafa baadiyaa irratti qaban ilaalchisee akkaataa Seera rogummaa qabuun isaanii fi ijoollee isaaniif lafti mana jireenyaa otuu hinkennaminii fi lafti hafu yoo jiraate beenyaan otuu itti hinkanfalaminiif qabiyyeen isaanii namoota dhuunfaa biroof jalaa kenname iyyannoo ykn himannaa dhiyeeffatan fuudhee ilaaluuf Manni Murtii Aanaa aangoo hundee dubbii qaba. Kana jechuun iyyannoo ykn himannaa qotee bulaan lafti isaa adeemsa Seera beenyaa malee jalaa fudhatame (lafti bakka bu’iinsaa/mana jireenyaa fi beenyaan otuu hinkennaminiif) Manneen Murtii idilee kallattiin fuudhanii ilaaluu kan danda’anii fi kanas kallattiin fuudhee ilaaluuf aangoo hundee dubbii kan qabu Mana Murtii Aanaa akka ta’e hiikkoo Murtii Dhaddacha Ijibbaataa kun ni agarsiisa. via Jemal Kumbi https://t.me/Ardaaseeraa

Qaamni Lafa Bulchu nama Lafa Magaalaa  weeraree qabate (seeraan ala qabate) gadi lakkisiisuu keessatti , bu’uura labsii liizii lakk.721/2004 keewwata 26(4) tiin  ulaagaa akeekkachiisa  barreeffamaa guyyaa torbaa guutuu dhabuun,nama qabiyyee seeraan ala qabate kana itti gaafatamummaa yakkaa jalaa bilisa ni taasisaa?============================================================================= Manni Murtii waliigala Federaalaa Dhaddachi Ijibbaataa  murtii galmee lakk. 150803 ta’e irratti dhaddacha gaafa 25/11/2010 ooleen kennee –Maxxansa Addaa Dhimmoota Yakkaa irratti maxxanfamee baheen kan kanaan gadii jedhee jira. ================================================================================ "labsii lakk.721/2004 keewwata 26(4)  jalatti  - qaamni dhimmi isaa ilaalu  qabiyyee lafa magaalaa seeraan ala qabame, akkaataa labsicha keewwata 27 tiin akeekkachiisa  qabiyyee  gadi lakkisiisuu kennuufi beenyaa kafaluu osoo hin barbaachisne , akeekkachiisa barreeffamaa guyyaa torbaa  qaamaan nama lafa sana qabateef  kennuudhaan  yookaan qabeenya lafa sana irra jiru irratti maxxansuudhaan  aangoo qabiyyee gadi lakkisiisuu ni qabaata jedhamee kan tumame-bu’uura labsichaa keewwata 27 tiin qabiyyeewwan Seera qabeessaan qabaman gadi lakkisiisuuf ,ulaagaa akeekkachiisa kennuufi beenyaa kafaluu  taa’ee jiru guutuu osoo hin barbaachisiin , qabiyyee seeraan ala qabaman gadi lakkisiisuu haala itti danda’amu tumuuf taa’e malee , nama lafa magaalaa weeraraan yookaan seeraan ala qabate itti gaafatamummaa yakkaa jalaa baasuuf mitii."

Himatamtoonni Ogeessa fayyaa irratti Yakka Wanbadummaa raawwatan hidhaa cimaan Adabaman. Oolmaa Dhaddacha mana murtii Ol'aanaa Magaalaa Roobee Kan Gaafa Guyyaa 30/10/2018 Himataan A/ Alaangaa Godina Baalee fi Himatamtoonii 1ffaa Sulxaan Huseen Jaldoo, 2ffaa Ibraahim Huseen Muhammad fi 3ffaa Boonsaa Awwal Kaadiir Kaan jedhaman Gaafa Guyyaa 02/08/2018 Ganama Keessa Sa'aatii 1:30 Yoo ta'u Bulchiinsa Magaalaa Roobee Kutaa Magaalaa Addooshee Walashee Gandaa Caffee Donsaa Iddoo Addaa Buufta konkolaataa Duraanii Keessatii Miidhamaa Dhuunfaa Waaqqoo Kaadiir Tuggee Jedhamu irratti Yakka Wanbadummaa Cimaa Gareen irratti raawwatan Ilaachiisee Manni murtii olaanaa magaalaa roobee Dhaddacha gaafa guyyaa 30/10/2018 ooleen Isaanii fi fakkaatoota isaanii ni barsiisaa jedhee kan itti amane Himatama1ffaa Adabii dhidhaa Waggaa Lamaa( 2), Himatamtoota 2ffaa fi 3ffaan immoo Adabii hidhaa Waggaa Lamaa (2) fi Baatii saadiin (3) akka adabaman jechuun adabbii irratti dabarseera. Haqni hin badin! join our tg 👉 https://t.me/Ardaaseeraa