ИБРАТЛЫ СӨЗЛЕР...

Тәжирийбесиз келиншекке,тис қаққан,тепериш келиншек мәсләҳәт берипти.     Атаң менен енеңе.     Не оншама ийилип.     Тап солардың ақшасына.      Жүргендейақ кийинип.      Бирер күн сәлемиңди .      Бермей көр еринип.      Өзлериақ сәлем алмай.      Кетедиғо үйренип.     Арасында шалалаў.ақ     Қайнатып бер шайында.     Қыялап қаттылаў бақ.     Билмейқалсын байыңда. Иий жетпей атыр үйге деп. Пенсиясын қағып ал. Анда мында шабаберип. Оларды шақыратын ким бар.? Шай берип,қабағыңды үйип ал. Арасында сөз бенен үзиип ал.. Бир бирине жалтаңлап қараса. Не Қарайсаң!!деп және сорап қал. Қартайдыма отырсындә жөнине. Сериалды көргенде,тиймесиндә жиниңе. Арасында -мен кеттим -депкетип қал. Қоңысыңа,я төркинлеп  үйиңе. Әне сонда болар асығың алшы. Жайыңның есигин  тас қылып жапшы Телефон ойнайсаң,сөздиң басы. Жеңесең енеңди тилимди алшы. -Десе  ақыллы келин депти.-      - Бай бу шеше олар мениң каабам ғой.   Султандай жигити берген панам ғой. Өмир деген зырлап өтип баратыр. Ертеңиме жол көрсетер данам ғой. Қайтар  дүнья ,хызмет етсем жуўырып. Етегин толтырсам ақлығы туўылып Иййй шеше ақылыңды алмайын. Алғысларын алайын турғанда буйырып. Өйппей шеше жаман айттың сөзлерди. Үлги болар деп едимаў  сизлерди. Келин алсаң алдыңа келмейме. Қыйсық жолға басламаңдә бизлерди. Ўәй шеше ойнама,енем мениң золотой. Қолыңнан келеме тап енемдей болағой. Былапытлап не айттың шешежан. Мына сөзиң есалаңға айтағой. әдира қалдық, Қой нанымды жаўып алайын деп  турып кеткен екен.     Гүлистан Реймова Қарақалпақстан  телеканалы ,"Келинлер мектеби" көрсетиўиниң турақлы эксперти. https://t.me/ibratli_sozler

АЎЫЛЛАС ҚЫЗҒА Мине, намазылгер бүркенип талды, Күндегидей айна алдында турсаӊ, (Қосыўыс семечка таўсылып қалды), ҳәм «қашып кетесеӊ» жақынлап барсам. Сен сол жерде турып мыйық тартқанда, Ѳлгенлер тирилип кетердей маған, Билдим: Сенсиз жасаў-шынын айтқанда – , Ол ҳәтте ѳлимнен бетердей маған. Бирақта, сенде жоқ меҳир-шәпәәт, Саған бир пул-мениӊ күйип-жанғаным, Ал, мен азабыӊа-ақ етип қәнәәт, Сениӊ ышқыӊ менен жасайман жаным! Бәлким, буннан түсер пайда шамалы, Жалған жубаныўлар жанды алдайды, Айтшы, жаным! недур буныӊ «ҳамалы», Саған илла деўге тилим бармайды. Бул жасқаныў емес. Айып болмаса, Десем: Шексиз сенлик иззет-ҳүрметим, Ал, сен инанбасаӊ, қулақ салмасаӊ, Ата-енеси бар мен ҳәм бир жетим. Әскербай ӘЖИНИЯЗОВ https://t.me/ibratli_sozler

Náwbáhár Gózzal pasılımnıń esken samalı, Báhár nápesinde jurtım jamalı, Tábiyatqa jan berer máwsim aǵlası, Jerdi kókke bólep, náwbáhár keldi. Shadlı nama shalıp, báhárim keldi, Terekler búrtik jarıp, jan ener endi, Awıl hám qalama sán bergen jerdi, Gúllerge oranǵan náwbáhár keldi. Suwlar sıldırlısı jaǵar janıńa, Quslar qanat qaǵıp ushar aspanda, Báhárden dárek berip yoshlı sayraydı, Ǵárezsiz, ájayıp, nurlı bostanda. Márt diyqanım jedel iske kirisip, Jaqsı niyet penen dánin sebedi, Altın gúzde alıw ushın mol jemis, Baǵman ata, miynet terin tógedi. Náwbáhárim, máwsimlerdiń aǵlası, Kewilge yosh berer shadlıq naması, Bárs‌he gózzallıqtıń óziń tımsalı, El-xalqıma múbárek, báhárim keldi. Guljahan Ismaylova Moynaq rayonı, 2-sanlı mekteptiń baslawısh klass muǵallimi. https://t.me/ibratli_sozler

ТӘЖЖАЛ Ысрапыл самалы есер шаңғытып, Қанатлар қағысын еситкендеймен. Көктен отлы топты маған зыңғытып, Қыяметке шекем кешиккендеймен. Ысрапыл сырнайын шертежақ әне, Бәрше сораўларға жуўабың қәне. Қайта тирилмекши жақсы ҳәм жаман, Жерлер жарылажақ, бәрше туражақ, Аллам дәргайына басын уражақ. Отлы азаплардан қалмайжақ аман. Көкте периштелер тынбай айланар, Қуяш батыс жақтан шығысқа кетер. Тирилмек азабы бәрше қыйланар, Қыямет отлары ол сени күтер. Тәңириге жақпас ислериң бар ма?! Буннан қутылғандай күшлериң бар ма?! Ирип-ширигенлер бәри тик турып, Алла дәргайында тынбай жылайды, Қырқ күнлик азаптан пана сорайды. Табалдырықларға басларын урып. Қара таўдың қара тасын қақ бөлип, Жер ҳәм көкти гүңирентип киятыр. Өликлер де гә тирилип, гә өлип, Ол бәршени зирилдетип киятыр. Маңлайында "кәфир"деген жазыў бар, Тәғдийриңде айтқыл қандай сызыў бар. Қырқ күншилик жәҳеннемди әкелер, Гүнакарды отқа салып силтеген, Тәжжал  шығар бул әлемди өртеген. Ҳәр бир күни бир жылыңа тең келер. Арсызлық, жалатайлық қаймақлары, Жердиң бетин саў қалдырмай қаплайды. Инанғысыз тәжжалдың ойқанлары, Бенделер тынбай бир-бирин баплайды. Тәжжалдың теңлеси жоқ  өз күшинде, Әлем ғыжлаған "Қырқ күн" от ишинде. Мағрып ҳәм машрыбың аласапыран, Жаманлық, жақсылық жиптей өрилер, Тирилей гөшиңди қайзар бөрилер. Лашыңды сүйрейди арман гә берман. Зарлы тәўбелериң қабыл болмайды, Қуяш батыс беттен шыққаннан кейин. Тәжжал суў дегени от боп жалмайды, Қыямет қайымды уққаннан кейин. Арсыз, зинәкер, қыянеткерлердиң, Жаманлық ислеген гүнакерлердиң. Күйреген териси, пискен гөшлери, Тәўбеге күши жоқ, қалмаған димар, Тәжжал ҳәм сондайдың жанына қумар. Енди бийпайдадур өкинишлери. Адамлығын жойтқан адамсыпатлар, Парахор, нәпсиқаў, пасық махлуқлар. Солар кесиринен келер апатлар, Барлықты жоқ еткен отлы жоқлықлар. Тәжжалды әлемге ерте шарлаған, Жаманлық, жақсыны езип хорлаған. Ипласлықтан питер тәжжалдың жолы, Қайта тикленеди бахытлы әлем, Пазыйлетке толар сол сорлы денең. Қуддысда  күтеди Марьямның улы... 2023-жыл. 1-2-февраль. Абат Крамов. Каналымыз: @Kramov_Abatbay_poeziya

#Аязый_дөретпелеринен Тахтакөпир районы Мәденият бөлими. КАНАЛҒА АҒЗА БОЛЫЎ: 📱Telegram           📱Facebook 📱Instagram          📱Youtube

<<ИТИБАР>> Итибар. Адамға үлкен жуўапкершиликти жүклейди. Әтираптағы ҳәр бир нәрсеге итибар керек, ҳәттеки жансыз деп есаплайтуғын нәрселерге де. Түбектеги гүл итибарсызлық себеп солып қалыўы, атыздағы егинлер итибарсызлықтан жемиси азайып кетиўи, итибарсызлықтан қолымыздағы буйымлардың бузылыўы, итибар бермесек устимиздеги кийимлеримиз тез тозыўы мүмкин. Итибардың болмауы жақын адамларымыздың бизден қапа болыўына, кеўли қалыўына алып келери сезсиз. Итибар- бул адамларға берилген қәсийетлердиң ең уллысы, деп есаплайман. Бирақ көпшилик адамлар оны көрсете билмейди ямаса буннан уялады. Психологлардың айтыўынша, дыққатын жәмлеп билетуғынлар ҳәм билмейтуғынлар да ушырасады екен. Итибарлы адамлар озлериниң ойын, пикирин бир жерге жәмлей алады. Итибарлы болыў - бул адамлардың бир-бириниң ислерине бийпаруа болмауы, соның менен бирге, ислейтуғын исинди басламай турып пикирин, дыққатын бир жерге жәмлеўи. Әтирапымыздағы жақынларымызға инәм ететуғын итибарымыз оларға болған меҳир- мухаббаттын белгиси. Ата-анамызға, туўысқанларымызға қоңыраў етип хал-аухалын сораў, туўылған күнлери менен қутлыклап қойыў, әпиуайы ғана жағдай, устиндеги кийимин жарасықлы екенлигин айтып мақтаудың өзи итибардың бир көриниси емес пе? Жоқарыдағы атап етилген әпиуайы ғана жағдайлар бир адамның кеўли кетерилиўине, өзиниң керекли екенлигин сезиниўине, өмирде белгили орны бар екенлигин сезинип, қуўанышқа бөлениўине түртки болары анық. Ҳәр бир адамға өз итибарыңызды аямай, олардың ислерине бийпаруа болмастан қоллап-қуўатлап турсаңыз, ойлап қарасақ, хәммемиздиң қолымыздан келеди. Тилекке қарсы, соны кебинесе коллана бермеймиз...Периштедей пәк болған балаларға итибарлы болыў бул ҳәр бир инсаннын ўазыйпасы деп ойлайман. Балаларға әсиресе, көбирек итибарлы болыўмыз керек. Себеби, олардың ислеген исине бәршемиз бирдей жуўапкермиз. Өсип киятырған жас өспирим ҳәзирги уакыттағы интернеттин раўажланыўына байланыслы дерлик ҳәммеси де уялы телефонлардан пайдаланады. Интернет сайтларына кирип, керекли ҳәм керексиз мағлыўматларға көзи түседи. Олардың қайсысын қабыллап, бойына сиңириў керек, қайсысын қабыл етпестен, олардан дурыс жуўмақ шығарыў кереклигин билмейди, дерлик бул бойынша түсиникке де ийе емес. Егер де бизлер сол жағдайларға аз да болса да итибарлы болып, телефонларын тексерип барсақ, олардың жаман жолға түсип кетиўинин алдын алған боламыз. Өзимиз кунделикли турмыста гүўа болып атырғанымыздай, жас өспирим бала интернеттен «Clash of Clans» ойынын ойнап, «база>> сатып алыў ушын әкесиниң қалтасынан ақша урлаў жағдайлары да ушырасып атырғанлығы ҳеш биримизге сыр емес... Егер ата-аналар, жасы үлкенлер баласының телефонын жийи- жийи кезден өткерип барса, азда болса да итибарын аямаса, усындай унамсыз хәдисселердиң алдын алған болар едик. Нөкис қаласы 27-санлы мектептиң баслаўыш класс муғаллими ✍ Есемуратова Миригүл Каналымызға ағза болыуды умытпаң! https://t.me/ibratli_sozler

АНАЖАНЫМ-МЕҲРИЙБАНЫМ Жаның төзбей жолларыма қарайсаң, Аймалайсаң меҳирлерге орайсаң, Жүзиң еле қандай  күним ҳәм айсаң, Кеўилиң пәк ғана анам-меҳрибан. Есиктен көриўден:"жан қызым келди", Тасла төсек, қәне, бериңлер төрди, Толтырып турасаң аспану-жерди, Кеўлиң дәрья, мениң анам-меҳрибан. Не ишесең, жейсең, ишип,-же, қәне, Бәри де алдыңда турыпты, әне, Не тилейсең, балам, күсейсең және, Пейилиң даладай анам-меҳрибан. "Анаң-Каабаң" теңеўи бул ҳақыйқат, Анаға тең келмес бул дүнья ҳеш зат, Пүткил тәни толы меҳир-муҳаббат, Теңсиз инсан мениң анам-меҳрибан. Узақ жасағайсаң тилегимиз шын, Жүзиңнен көрмегеймиз қапашылық муң, Меҳириң толып атыр еле де көп тың, Жасай бер бахтымызға анам-меҳрибан. ✍ УРИМХАН ТАЖИМУРАТОВА📚📚📚 https://t.me/ibratli_sozler

Мени қозғалталмас өсек бораны Жала жан жеримнен теседи бирақ Қурал етер....тауып ески жараны Нəкас бизин суғар тилкелеп бурап Ю.М. https://t.me/ibratli_sozler

ЖАЛҒЫЗЛЫҚ Саўал берип, жуўап таппай қаламан: Мақсети не, не излейди аламан? Кими даңққа, кими пулға талабан, Олар сезбейди ҳеш : недур жалғызлық ? Көп ишинде жүрип таппадым сырлас, Мен сағынған булақ көзи ашылмас. Муҳаббат нурлары маған шашылмас, Нетейин, сырласым болды жалғызлық. Кетип баратырган соқпағым қырлы, Тәғдир гүл усынды пинҳамы, сырлы. Және бар ма екен мениңдей муңлы?! Муңымды шағайын, кел-ҳә, жалғызлық! Адам улы жақты дүньяға келип, Жақсылық, жаманлық урығын сеўип, Әрманы молайып, шадлығы кемип, Бир дем өзин жетим сезер, жалғызлық. Жолда сапар шегер үлкен, кишкене, Биреў түйин түйип, биреў шешкени. Наҳақлықтан өзге таппай ҳештеңе, Ҳақтың қулын  излеп турман, жалғызлық. Қасымда ас турып аш болдым гәде, Жылларым мысалы үзилген сәдеп... Мени жубатпақшы боласаң не деп? Алдамшы сөзлерден бездим, жалғызлық. Арал суўы - тәғдир инамы кермек, Суў жанында жасап отырсақ шөллеп, Үмит дарағымыз - жансыз бир геллек, Оның ҳәм жанын жер мудам жалғызлық. Базар ишре белли бай ҳәм кәмбағал, Бул аппақ кеўлимди еттилер дағал, Адам бир бирине тәғдирден қатал, Таппадым меҳирдиң нурын, жалғызлық. Әне, тек көзи жер анаў баланың, Қымбатшылық көпегине таланып... Бир емес, жүз ирет көрсем соранып, Дадым ҳеш кимсеге жетпес, жалғызлық. Умытамыз дүнья пәний екенин, Умытпаймыз жәбир берди неге, ким? Утыс емес, утылыстың билетин, Тәғдир саўға етти бәрҳа, жалғызлық. Бул дүнья кимлерге шеңгелзар мисли, Кимлерге баҳалы кәндур түр-түсли, Бул ақшам бәршеси ядыма түсти, Қәлбим гүлин қазан урды, жалғызлық... Пәтийма МЫРЗАБАЕВА 👉https://t.me/ibratli_sozler https://t.me/ibratli_sozler

ӘЎЛАДЛАР ҚАРАҚАЛПАҚЛАРДА ҚАЛАЙ АТАЛАДЫ? 1. Белбала; 2. Ақлық; 3. Шаўлық; 4. Қуўлық; 5. Туўлық; 6. Баўлық; 7. Жаўлық (жатлық). Еслетпе;: туўлықты айырым орынларда "тоқлық" деп те атайды.   Жийеннен дөрегенлер — жийеншер, бөледен туўылғанлар — бөлешер болады.   Қуда тәреплер — қуда-тамыр, оларға жақынлар — жийекшат (жегжат) деп жүритиледи.   Қуда тәреп пенен қанласлар (қаналас емес): яғный, қыз алыспаўға ант ишискенлер "қуда-анда" ямаса "қудамдал" делинеди.     Олар қуданың қудалары.     Жаўлық деген мәнис жетеўден кейин бир бири менен жатласып ара қатнасы узақласып кетеди екен. Соңын ала бир бирин танымай бир бири менен жаў болып жаўласқан деген мәни билдирген. Араның узақласып, жатласып баслағанына нышана... https://t.me/ibratli_sozler

ГӨЗЗАЛ СЕЗИМЛЕР Кексе жастағы адам 25 жасар улы менен поезд вагонына кирди ҳәм өз орынларын ийеледи. Жас жигит айна алдында отырды. Поезд қозғалғанда ол ҳаўа ағымын сезиў ушын айнадан қолын шығарды ҳәм бирден қуўанып бақырды: - Аға, қараң, ағашлар артқа кетип баратыр, Кексе адам күлимсиреди. Қасларында ерли-зайып отыр еди. Олар ержеткен жигиттиң өзин баладай тутыўынан ыңғайсызланды. Кутилмегенде жигит және қуўаныш пенен бақырды: - Аға, көрип турсыз ба, көл ҳәм ҳайўанлар... ал бултлар поезд пенен бирге жүрип баратыр. Ерли-зайып ыңғайсызланып, жигиттиң әжептәўир әдетин бақлады. Ал, әкеси болса буған ҳеш қандай таңланбады. Жаўын жаўа баслады ҳәм жаўын тамшылары жигиттиң қолына түсти. Ол және қуўанышқа толды ҳәм көзин жумды. - Аға, жаўын жаўып атыр, суўы маған тийип атыр! Қараң, көрип турсыз ба? Ақырында, ҳайран қалған ерли-зайып кексе адамнан сорады: - Неге улыңызды бир емлеўханаға апармайсыз? Ғарры жуўап берди: - Биз ҳәзир ғана сол жақтан киятырмыз. Бүгин улым өмиринде биринши мәрте көриў бахтына миясар болды. "Ҳикметлер гәўҳары" китабынан. https://t.me/ibratli_sozler

Кишмиштен пайдалы ишимлик таярлаймыз: ✅ Пайдасы: •Асқазан—ишек кеселликлерин емлейди; •Иммунитетти асырады; •Антибиотик алғаныңыздан кейин, әлбетте бул ишимликти ишиўиңиз керек; •Қан көбейтиўге жәрдем береди: ✅ Таярлаў усылы: Ярым стакан кишмишти алың ҳәм 1,5 литр суўда қайнатың. 3-4 саат тындырып қойың. Қәлеўиңизге қарап пал яки лимон қосып ишсеңизде болады! ✅ Аўқаттан 30 минут алдын ярым стаканнан ишиң. 10 күн даўамында 1 мезгилден ишесиз. 👆 Жақынларыңызға жиберип қойың https://t.me/ibratli_sozler