ИБРАТЛЫ СӨЗЛЕР...

#сөз_қаймағы 📜Қарақалпақ халық нақыл-мақаллары. Үй артында төбе болса, Ертлеўли турған аттай болар. Үй ишинде көп жасаған қарт болса, Жазыўлы турған хаттай болар. Атадан алтаўдың атқан оғы жоғалмас, Атадан жалғыз туўғанның атқан оғы табылмас. Ата-ананың тилин алған баланың, Мартебеси ҳәр жерлерде  оттай жанар. Сәлемсиз кирген айып Рухсатсыз шыққан айып. Саңыраўға сәлем берсең, Атаңның басы дейди. Бир көргенде - таныс, Еки көргенде - билис, Үш көргенде аттан түсип қол алыс Қапқа түскен қатындыки. https://t.me/ibratli_sozler

Ассалаўма әлейкум ҳүрметли Ағамыз Муратбай Нызанов! Сизди 75 жыллық қуўанышлы туўылған күниңиз бенен шын жүректен қутлықлаймыз! Өмириңиздиң мәнили жыллары қарақалпақ әдебиятының раўажланыўына, миллий руўҳыйлықты, адамгершиликти көркем сөз арқалы нәсиятлаўға арналып келди. Сизиң шығармаларыңыз оқыўшыны ойландырады, руўҳландырады, ана тилимизге, туўылған жерге болған муҳаббатты беккемлейди. Жазыўшылық жолыңыз — жас қәлемкешлер ушын үлги, ал сиз қалдырған әдебий мийрас — халық ғәзийнеси. Усы мәртебели жасыңызда сизге беккем ден-саўлық, узақ жас өмир, шаңарағыңызға тынышлық, дөретиўшилигиңизге таўсылмас күш - қуўат тилеймиз. Сизден еле де талай көркем шығармалар күтип қаламыз! НЫЗАНОВ - БУЛ. (Ҳәзил шыны аралас) Бул ким өзи - мийнет еткен? Жанр болса қолы жеткен. Бул халықтын жазыушысы, Абыройы айдан өткен. Сатираны тикке қойды, Жат қылықты қоймай жойды, Орта бойлы, өткир ойлы, Ел мақтаған Нызанов бул. Поэзиядан пайын алды, Прозадан жоллар салды, Жазыушының шонтықлары, Көре алмай қызғанып тур. "Қайсар" - халыққа унады, "Қорған" - жауларды қуады, Буларды қашан жууады? - деп, Яранларың сазланып тур. Атлыға жеткермес пияда, Ел перзенти - ол зияда, Қарақалпақ деген уяда, Өскен талант - Нызанов бул. Ел мақтаған Нызановсыз! Беккем болсын қутлы жасың, Мақтауларға ылайықсыз, Аман болсын алтын басың! 2015 - жыл ✍ Сали Қудайбергенов https://t.me/ibratli_sozler

ЙОҚТЫ (YOQTI) Сөзле ҳа, бүлбил зибаным, Еки келүр заман йоқты, Кетер бир күн шийрин жаным, Бу сәзимде гүман йоқты. Жан бир гүлдүр солур олсә, Әзрайылдың хабар келсә, Жаның тәниңдиң айрылса, Андын башқа яман йоқты. Кимлер ашық болып өтти, Кимлер мақсуўдына йетти, Қара ер бәршесин йутты, Ялған дүнья қоян йоқты. Өзиң билән ҳәм қыз-жаўан, Ойнап күлип сүрер дәўран, Бәршә бул дүньяға меҳман, Тири йүрәр заман йоқты. Қыз-йигитлер өзин биләр, Ялғаншыда дәўран сүрәр, Аман кетмәс, бәри өлүр, Бү сөзимдә гүман йоқты. Мен әйләсәм бир-бир баян, Паний ермиш ошбу жаҳан. Искендер Рустәму дәстан, Ол ҳәм тири йурән йоқты, Дүньяны йығнаған Қарун, Бир өзи болып саҳып дүн, Аны ҳәм йер йутты бир күн, Зиндан дүнья қоян йоқты. Ким анадан ялғыз туғса, Меҳрибан ғамхор йоқ болса, Алған яры яман болса, Андын башқа зыян йоқты. Яман олса зүриядың, Шықмас дүньяда ҳеш адың, Болмас ҳасла көңил шадың, Бул сөзимдә гүман йоқты. Қашан болса дәўлетиңиз, Кетер иззет ҳүрметиңиз, Билгил, артар мийнетиңиз, Шындур сөзим ялан йоқты. Йигитлер, күлип шад олың, Ушбу сөзге қулақ салың, Мәстиў-хуррам болып күлиң, Ҳеш ким мундай болан йоқты. Өтти Юсип ҳәм Зүлайха, Ҳүрий, ғулманыў Мәлийкә, Аңа ашық болан Ҳәмра, Бәри тири йүрән йоқты. Ақтым дәрьядек жош урып, Сөз үстине сөз ашурып, Шүкир ҳаққа қол қаўшурып, Бу көңлимде әрман йоқты. Әзиз айтур кешә-күндиз, Асмандадур айы-йулдыз, Сәйид Әлий өзи гүл йуз, Андын нәрсе қалан йоқты. Көңлимдә ғам, дәрди әләм, Сөзләсәм шықар дәмбәдәм, Мәңа сөздиң башқа игәм, Ҳешнәмәрсә берән йоқты. @Ajiniyaz_Qosibay_uli https://t.me/ibratli_sozler

Қайырлы түн әзизлер! .......ӨКИНБЕ!........... АЛЛА БИР МҮСИЙБЕТ ИЗИНЕН ЕКИ ЖАҚСЫЛЫҚ БЕРЕДИ. САБЫР ЕТСЕҢИЗ БОЛДЫ.... Жалалатдин Румий @danaliq Сизлерге түннен тынышлық,  таңнан ырысқы берекет  несип етиўин тилеймиз. 🤲🤲🤲 Каналымызға ағза болыўды умытпаң!!! 👇👇👇👇 https://t.me/ibratli_sozler