YANGON REVOLUTION FORCE - YRF

"စစ်ကျွန်မခံနဲ့ ရန်ကုန်သားတွေ” ယနေ့ရန်ကုန်မြို့တွင် ‘ရန်ကုန်သူပုန်များ’ စာသားပါ ဘန်နာအား ကိုင်စွဲ၍ တော်လှန်လူငယ်များစုပေါင်းကာ စစ်အာဏာရှင်ဆန့်ကျင်ရေးပျောက်ကြားလှုပ်ရှားမှုတခုကိုပြုလုပ်ခဲ့သည်။ တနိုင်ငံလုံးအနှံ့ အဘက်ဘက်မှရှုံးနိမ့်နေသည့် စစ်ကောင်စီသည် ၎င်းတို့အာဏာသိမ်းသက်တမ်းကို ဆွဲဆန့်နိုင်ရန် နှင့် ၄င်းတို့၏ အုပ်ချုပ်ရေးယန္တရားကို အသက်ဆက်နိုင်ရန် အတွက် ပြည်သူလူထု၏ အသက်ကို ၎င်းတို့ ပိုင်ဆိုင်မှုကဲ့သို့ ကျွန်ပြုအသုံးချပြီး စစ်မှုထမ်းဥပဒေကို အတင်းအဓမ္မ အသက်သွင်းနေပြီဖြစ်သည်။ စစ်ကျွန်အဖြစ် ခေါ်သွင်းခံရမည့်သူများသည် စစ်တပ်အတွင်း လက်ရှိ ရှိနေသော ပညာမတတ် အကြမ်းဖက် အောက်တန်းစားများ၏ အနိုင်ကျင့် နှိပ်စက်ခြင်းကို ခံစားကြရမည်ဖြစ်သည်။ အကြောက်တရားကို မတရား ရိုက်သွင်းခံရရုံသာမက ပြည်သူလူထုအပေါ် ဖိနှပ်ချယ်လှယ်မှုများ ပါဝင်လုပ်ဆောင်လာနိုင်စေရန် ဝါဒဖြန့်ချီခြင်း၊ ဦးနှောက်ဖျက်ခြင်းကို ခံကြရမည်ဖြစ်သည်။ သို့ပါ၍ ပြည်သူလူထုအနေဖြင့် ဖက်ဆစ်တပ်၏စစ်ကျွန်ပြုမှုကိုလက်မခံပဲ ရရာနည်းလမ်းမျိုးစုံဖြင့် တွန်းလှန်ခြင်းဖြစ်စေ၊ လွတ်မြောက်ရေးနည်းလမ်းများကြိုးစားရှာဖွေခြင်းဖြစ်စေ ငြိမ်ခံမနေပဲ တစ်ခုခုလုပ်ကြဖို့ အထူးတိုက်တွန်းလိုက်ပါသည်။