Piskent jome masjidi | Rasmiy kanal

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2026 - ЙИЛ 14-ИЮЛ, 1448 - ҲИЖРИЙ МУҲАРРАМ ОЙИНИНГ 29-КУНИ УЧУН НАМОЗ ВАҚТЛАРИ ТАҚВИМИ ⏱️ТОНГ - 03:22 ⏱️БОМДОД - 04:25 (ўқилиш вақти) ⏱️ҚУЁШ - 04:00 ⏱️ПЕШИН - 13:00 ⏱️АСР - 17:50 ⏱️ШОМ - 20:03 ⏱️ХУФТОН - 21:35 🔗 Улашинг: https://t.me/diyonatli

#hamd #azon #iymon #namoz #sura ЭНГ БИРИНЧИ... Алҳамдулиллаҳ – Қуръони каримдаги биринчи калима ва Одам алайҳиссалом айтган илк сўз. Ҳазрат Абу Бакр Сиддиқ розияллоҳу анҳу – саҳобалардан Исломга энг биринчи кирган ҳур эркак. Ҳазрат Али ибн Абу Толиб розияллоҳу анҳу – ёш болалардан Исломга биринчи кирган. Хадича бинт Хувайлид розияллоҳу анҳо – аёллардан Исломга биринчи кирган. Билол ибн Абу Рабоҳ розияллоҳу анҳу – қуллардан Исломга биринчи кирган. Зайд ибн Ҳориса розияллоҳу анҳу – озод қилинган қуллардан Исломга биринчи кирган. Ҳазрат Абу Бакр розияллоҳу анҳу – биринчи бўлиб Қуръонни жамлаган. Ҳазрат Али ибн Абу Толиб розияллоҳу анҳу – Пайғамбар алайҳиссаломдан кейин биринчи бўлиб намоз ўқиган. Абдуллоҳ ибн Зубайр розияллоҳу анҳу – ҳижратдан сўнг муҳожирлардан дунёга келган биринчи фарзанд. Абдуллоҳ Ибн Масъуд розияллоҳу анҳу – Қуръони каримни Маккада биринчи бўлиб ошкора тиловат қилган. Абдуллоҳ ибн Салом розияллоҳу анҳу: "Набий алайҳиссаломнинг айтган сўзларидан энг биринчи эшитганим: «Эй инсонлар! Саломни ёйинглар! Очларни тўйдиринглар! Силаи раҳм қилинглар! Инсонлар ухлаётган вақтларида, тунда туриб намоз ўқинглар! Шунда жаннатга саломат ҳолатда кирасизлар», деган сўзлар бўлди". Асъад ибн Зурора розияллоҳу анҳу – Расулуллоҳ алайҳиссалом жанозасини ўқиган ва Бақиъ қабристонига дафн этилган биринчи мусулмон. Билол розияллоҳу анҳу – биринчи бўлиб азон айтган. Муовия ибн Абу Суфён розияллоҳу анҳу – биринчи бўлиб денгиз қўшинини тузган. Қатода ибн Нўъмон розияллоҳу анҳу – Мадинага Қуръони каримдан тўлиқ бир сура ("Марям" сураси)ни ёдлаб олиб келган биринчи киши. Умму Сулайм розияллоҳу анҳо – Исломни қабул қилган биринчи ансорий аёл. Дўстларингизга ҳам улашинг: https://t.me/diyonatli

#САВОЛ_ЖАВОБЛАР ЗАКОТНИ БЕРИШДА НИЯТ ҚИЛМАГАН БЎЛСА САВОЛ: Муҳтож шахсга закотни беришда ният қилмаган бўлса, кейинроқ ният қилса ҳам бўладими? ЖАВОБ: Бисмиллаҳир Роҳманир Роҳим. Закот берувчи шахс муҳтож кимсага закот беришда ёки молидан закотга бериладиган қисмини ажратишда қалбида шу молни закот деб ният қилиши керак бўлади. Аммо ушбу ният бўлмаган ҳолда ўзи ёки вакили маълум маблағни бирор муҳтожга бериб қўйган бўлса ва пул унинг қўлида турган вақтда закотим деб ният қилиб юборса, закоти адо топади. Бу ерда қўлида турган бўлса, дейилганда камбағалнинг мулкида мавжуд турганлиги назарда тутилган. Агар муҳтож уни ишлатиб ёки бировга бериб юбориш орқали қўлидан чиқариб юборган бўлса, закотим деб ният қила олмайди. Бундай ҳолатда қайта закот беради. Валлоҳу аълам. Ўзбекистон мусулмонлари идораси Фатво маркази. Дўстларингизга ҳам улашинг: https://t.me/diyonatli

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2026 - ЙИЛ 13-ИЮЛ, 1448 - ҲИЖРИЙ МУҲАРРАМ ОЙИНИНГ 28-КУНИ УЧУН НАМОЗ ВАҚТЛАРИ ТАҚВИМИ ⏱️ТОНГ - 03:20 ⏱️БОМДОД - 04:25 (ўқилиш вақти) ⏱️ҚУЁШ - 04:59 ⏱️ПЕШИН - 13:00 ⏱️АСР - 17:50 ⏱️ШОМ - 20:03 ⏱️ХУФТОН - 21:35 🔗 Улашинг: https://t.me/diyonatli

#САВОЛ_ЖАВОБЛАР ҲОСИЛ ПУЛИДАН ЗАКОТ САВОЛ: Ҳосилни сотиб, ушрини бергандан кейинги қолган пулга бир йил ўтса, ундан ҳам закот бериладими? ЖАВОБ: Бисмиллаҳир Роҳманир Роҳим. Ҳа, ушри берилган ҳосил сотувидан тушган ва бир йил давомида нисоб миқдорида сақланган пулдан закот бериш вожиб бўлади. Сабаби, ушр ҳосилнинг закоти бўлиб, йиғиб олинган вақтда адо этилган. У сотилиб, пулга айлангач, энди бу бошқа турдаги мулк ҳисобланади. Бу пул нисобга етиб, бир йил сақлангани учун унга алоҳида закот вожиб бўлади. Бу бир мулкдан икки марта закот олиш ҳисобланмайди. Агар ўша ҳосил сотилмай, ўзи бир йил сақланганида эди, ундан қайта закот вожиб бўлмас эди, чунки бир мулкнинг ўзидан икки марта закот олинмайди. Валлоҳу аълам. Ўзбекистон мусулмонлари идораси Фатво маркази. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

👍👍👍 📺 Axborot24 | Prezidentimiz Kavkaz musulmonlari idorasi raisi, shayxulislom Ollohshukur Poshshozodani qabul qildi ✅ Ўзбекистон мусулмонлари идораси Матбуот хизмати 👤Facebook 🎥Youtube ✈️Telegram 📸 Instagram Дўстларингизга ҳам улашинг https://t.me/joinchat/AAAAAEGj0hkBXGlopIDbXA

Ислом-тинчлик ва омонлик дини Бисмиллаҳир Роҳманир Роҳийм Ислом тинчлик ва омонлик дини бўлишлик билан бир қаторда, ўзгаларни ҳам доимо тинчликка эргашишликка, уни асрамоқликка чақиради. Яратган томонидан бу динни Ислом деб номланиши ҳам фикримизнинг яққол исботидир[1]. Ислом сўзи арабча “салама” ёки “салима” сўзларидан олинган бўлиб, бу сўзлар “тинчлик”, “омонлик”, “хавфсизлик”, “саломат бўлиш” каби маъноларни англатади. Ислом сўзининг луғавий маъносидан шу аён бўладики, Ислом фақат ва фақат тинчликка даъват этади. Дин сифатида эса у ўзида тинчликни мужассамлаган ва унинг тимсолига айланган. У башариятни сабр-тоқатли, тинчликсевар, меҳр-мурувватли, тартибли, бағрикенг, қаноатли бўлишликка тарғиб этади. Агар Қуръони карим ёки Ҳадисларда зикр этилган муслим ёки мўмин сўзларининг маъно, мазмунига аҳамият берадиган бўлсак, шу аниқ бўладики Аллоҳ ва Унинг Расули соллаллоҳу алайҳи васаллам наздида, “муслим” ўзида тинчлик ва омонликни мужассамлаган бўлса, “мўмин” эса меҳр-мухаббат, тинчликсевар, бағрикенглик, оғир-босиқлик, сокинлик, каби асл инсоний фазилатларга эга шаҳс тушунилади. “The Fatwa on Terrorism and Suicide Bombings” китобидан Даврон НУРМУҲАММАД таржимаси [1] "Албатта, Аллоҳнинг ҳузуридаги дин Исломдир" (Оли Имрон сураси, 19-оят); "Ва сизга Исломни дин деб рози бўлдим" (Моида сураси, 3-оят); "У сизларни бундан олдин ва (Қуръон)да Пайғамбар сизларга гувоҳ бўлиши учун, сизлар эса, одамларга гувоҳлар бўлишингиз учун мусулмонлар деб номлади" (Ҳаж сураси, 78-оят). ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Murojaat #Islom_sivilizatsiyasi_forumi 🌙 Ўзбекистон Республикаси Президенти Шавкат Мирзиёев Жаноби Олийларига Ислом цивилизацияси I халқаро форуми иштирокчиларининг МУРОЖААТИ ➡️БАТАФСИЛ ✅ Ўзбекистон мусулмонлари идораси Матбуот хизмати ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2026 - ЙИЛ 12-ИЮЛ, 1448 - ҲИЖРИЙ МУҲАРРАМ ОЙИНИНГ 27-КУНИ УЧУН НАМОЗ ВАҚТЛАРИ ТАҚВИМИ ⏱️ТОНГ - 03:20 ⏱️БОМДОД - 04:25 (ўқилиш вақти) ⏱️ҚУЁШ - 04:59 ⏱️ПЕШИН - 13:00 ⏱️АСР - 17:55 ⏱️ШОМ - 20:04 ⏱️ХУФТОН - 21:35 🔗 Улашинг: https://t.me/diyonatli

O‘zbekiston Respublikasi Prezidentining farmoni bilan Muzaffar Murotovich Kamilov O‘zbekiston Respublikasi Prezidentining diniy-ma’rifiy masalalar bo‘yicha maslahatchisi lavozimiga tayinlandi va shu munosabat bilan O‘zbekiston Respublikasi Prezidenti Administratsiyasi Diniy-ma’rifiy masalalar bo‘yicha departamentining boshlig‘i lavozimidan ozod etildi. @fitratuz

#xabar #Islom_sivilizatsiyasi_forumi 🌙 БУЮК МУҲАДДИС МЕРОСИНИ ТАРҒИБ ЭТИШДА ЯНГИ ТАШАББУСЛАР ИЛГАРИ СУРИЛДИ   📍 Бугун, 9 июль куни Самарқанд шаҳрида I халқаро ислом цивилизацияси форуми доирасида «Имом Бухорийнинг “Ал-Жомиъ ас-Саҳиҳ” асари – уммат китоби» мавзусидаги нуфузли анжуман бўлиб ўтди. 🎙Халқаро тадбирда Президент Администрацияси Диний-маърифий масалалар бўйича департаменти бошлиғи Музаффар Комилов, Дин ишлари бўйича қўмита раиси Содиқжон Тошбоев, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, шунингдек, Макка шаҳридаги “Масжид ал-Ҳаром” масжиди Бош имоми Шайх Солиҳ бин Абдуллоҳ бин Ҳумайд, ICESCO Бош директори Салим ал-Малик, Кавказ мусулмонлари идораси раиси Шайхулислом Оллошукур Пошшозода каби бир қатор нуфузли шахслар нутқ сўзладилар.

🗣Анжуманда сўзга чиққан халқаро экспертлар ва дин арбоблари Ўзбекистон Президенти томонидан Имом Бухорий меросини асраб-авайлаш ва уни дунёга тарғиб қилиш борасида кўрсатилаётган юксак эътибор ва ғамхўрликни, Самарқандда барпо этилган муҳташам мажмуанинг маҳобатини кўриб, ўз ҳайратларини яшира олмади ва бу хайрли ислоҳотларни юқори баҳоладилар.

📃 Шунингдек, нотиқлар Имом Бухорийнинг қатъий илмий меросларини эътироф этиб, ушбу буюк асар бугунги таҳликали даврда жаҳонда тинчлик, бағрикенглик ва уммат бирлигини таъминловчи энг ишончли манба эканини алоҳида таъкидладилар.

💬 Жумладан, Муфтий ҳазратлари ўз нутқларида Қуръони каримдан кейинги энг ишончли манба бўлмиш “Саҳиҳи Бухорий” нафақат ҳадис илмидаги шоҳ асар, балки уммат бирлиги ва маданий уйғунликни таъминловчи бебаҳо хазина эканини алоҳида таъкидлаб, жумладан, бундай дедилар: «Илм-фан ва технология инсоннинг моддий фаровонлигига хизмат қилса, маънавият унинг қалби ва ахлоқини юксалтиради. Ҳақиқий тараққиёт моддий ва маънавий камолотнинг уйғунлигидадир. Бугунги таҳликали замонда ушбу дурдона асарни чуқур ўрганиш ва ҳаётга татбиқ этиш орқали жамиятда тинчликни ёйиш энг долзарб вазифадир».

⏺Маърузада буюк муҳаддис меросини замонавий услубда тарғиб этиш учун Имом Бухорий халқаро грантларини жорий қилиш, ёшлар учун махсус медиа-контентлар ва 3D мультфильмлар яратиш зарурлиги муҳим ташаббус сифатида илгари сурилди.

Самарқанддаги нуфузли анжуман қизғин илмий муҳокамалар билан давом этмоқда. ✅ Ўзбекистон мусулмонлари идораси Матбуот хизмати ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Мўминлар учун Ҳужурот сурасидан 5 одоб Бисмиллаҳир Роҳманир Роҳийм 1. Мўмин банда эшитган нарсасини сўраб-суриштирмай гапиришдан эҳтиёт бўлиши лозим. Аллоҳ таоло бундай марҳамат қилади: “Эй, мўминлар! Агар сизларга бирор фосиқ кимса хабар келтирса, сизлар (ҳақиқий аҳволни) билмаган ҳолингизда бирор қавмга азият етказиб қўйиб, (кейин) қилган ишларингизга пушаймон бўлмаслигингиз учун (у хабарни) аниқлаб (текшириб) кўрингиз!” (Ҳужурот сураси, 6-оят). Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Кишига гуноҳ учун эшитган нарсасини гапирмоқнинг ўзи кифоя қилади”, деганлар (Имом Абу Довуд, Имом Муслим ривояти). Демак, эшитган гапини одамларга гапираверган киши ёлғончилардан саналади. Мўмин банда эса ёлғончи бўлмайди. Имом Молик ривоят қилган ҳадисда Савфон ибн Сулайм розияллоҳу анҳу «Расулуллоҳ соллаллоҳу алайҳи васалламдан: “Ё Аллоҳнинг Расули! Мўмин қўрқоқ бўлади-ми?” деб сўрадилар. “Ҳа”, дедилар. “Ё Аллоҳнинг Расули! Мўмин бахил бўлади-ми?” дедилар. “Ҳа”, дедилар. “Ё Аллоҳнинг Расули! Мўмин ёлғончи бўлади-ми?” деб сўрадилар. “Йўқ”, деб жавоб бердилар».   2. Мўмин банда бирор кишини масхара қилмаслиги лозим. “Эй, мўминлар! (Сизлардан) бирор миллат (бошқа) бир миллатни масхара қилмасин! Эҳтимолки, (масхара қилинган миллат) улардан яхшироқ бўлса” (Ҳужурот сураси, 11-оят). Муоз ибн Жабал (розияллоҳу анҳу) ривоят қилинади. Расулуллоҳ (соллаллоҳу алайҳи ва саллам): “Ким бир биродарини бир айбда айбласа, токи ўзи ҳам ўша гуноҳни содир этмагунича вафот этмайди”, дедилар (Имом Термизий ривояти). Оиша розияллоҳу анҳо: “Мусибатга учраган бир киши бир гуруҳ аёллар олдидан ўтди. Аёллар уни масхара қилиб, кулишди. Ўша аёлларнинг кўпчилиги ўша мусибатга мубтало бўлишди”, дедилар (Имом Бухорий ривояти). Аллоҳ таоло бошқа бир оятда масхара қилувчиларнинг ҳолига вой бўлиши ҳақида огоҳлантиради: “(Кишилар ортидан) ғийбат қилувчи, (олдида) масхара қилувчи ҳар бир кимсанинг ҳолига вой!” (Ҳумаза сураси, 1-оят).   3. Мўминлар бир-бирларини мазах қилишлари ва лақаблар билан атамасликлари лозим. Аллоҳ таоло бундай марҳамат қилади: “Ўзларингизни (бир-бирларингизни) мазах қилмангиз ва бир-бирларингизни лақаблар билан атамангиз!” (Ҳужурот сураси, 11-оят).   4. Мўминлар гумондан четда бўлишлари лозим. Аллоҳ таоло бундай буюради: “Эй, мўминлар! Кўп гумон(лар)дан четланингиз! Чунки баъзи гумон(лар) гуноҳдир” (Ҳужурот сураси, 12-оят).   5. Мўминлар ўзгалар айбини қидиришдан ва уларни ғийбат қилишдан сақланишлари лозим. “(Ўзгалар айбини қидириб) жосуслик қилмангиз ва бирингиз бирингизни ғийбат қилмасин! Сизлардан бирор киши ўлган биродарининг гўштини ейишни хоҳлайдими?! Уни ёмон кўрасиз-ку, ахир! Аллоҳдан қўрқингиз! Албатта, Аллоҳ тавбаларни қабул қилувчи ва раҳмли зотдир” (Ҳужурот сураси, 12-оят).   Даврон НУРМУҲАММАД ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#xabar #nocomment #Islom_sivilizatsiyasi_forumi 🌙 ФОРУМ ИШТИРОКЧИЛАРИ ВА МЎЪТАБАР УЛАМОЛАР ИМОМ БУХОРИЙ МАЖМУАСИНИ ЗИЁРАТ ҚИЛДИЛАР   ✅ Ўзбекистон мусулмонлари идораси Матбуот хизмати ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#Islom_sivilizatsiyasi_forumi #Samarqand 👍👍👍 📺 Maxsus reportaj | Islom sivilizatsiyasi I xalqaro forumi

Komiljon Shermuhammedov – Imom Moturidiy xalqaro ilmiy-tadqiqot markazi direktori

✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#САВОЛ_ЖАВОБЛАР САЪЙНИНГ БИР ЁКИ ИККИТА АЙЛАНАСИНИ ТАРК ЭТИШ САВОЛ: Биз умрага келган эдик. Гуруҳимизда бир киши саъйни Сафодан эмас, Марвадан бошлабди ва Сафода тугатибди. Кейин сочини олиб эҳромдан чиқибди. Унга бирор жарима лозим бўлдими? ЖАВОБ: Бисмиллаҳир Роҳманир Роҳим. Саъйни Сафодан бошлаш вожиб саналади. Шунга кўра кимдир саъйни Марвадан бошлаб, Сафога келган бўлса, бу саъй ҳисобга ўтмайди ва ундан кейинги Сафодан Марвага боргани саъйнинг биринчи айланаси ҳисобланади. Шеригингиз саъйни Марвадан Сафога юрганини биринчиси деб ҳисоблаб, Сафода тугатган бўлса, биринчи айланаси ҳисобга ўтмагани учун, битта айланани тарк этган бўлади. Саъйнинг аксарини (тўрт ва ундан кўпини) қилгани учун умраси ва саъйи дуруст бўлади. Аммо саъйнинг камини, яъни биттасини тарк этгани учун 2 кг буғдойнинг қийматини садақа қилиши вожиб бўлади. Тарк қилганнинг ўзи Маккада бўлса ва қолиб кетган айланани бажариб қўйса, жарима соқит бўлади. Валлоҳу аълам. Ўзбекистон мусулмонлари идораси Фатво маркази. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

«Намозни тўкис адо этинглар. Албатта, намоз мўминларга вақти тайин фарз бўлгандир» (Нисо:103) 2026 - ЙИЛ 11-ИЮЛ, 1448 - ҲИЖРИЙ МУҲАРРАМ ОЙИНИНГ 26-КУНИ УЧУН НАМОЗ ВАҚТЛАРИ ТАҚВИМИ ⏱️ТОНГ - 03:19 ⏱️БОМДОД - 04:25 (ўқилиш вақти) ⏱️ҚУЁШ - 04:59 ⏱️ПЕШИН - 13:00 ⏱️АСР - 17:55 ⏱️ШОМ - 20:04 ⏱️ХУФТОН - 21:35 🔗 Улашинг: https://t.me/diyonatli

#Ҳадис Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: «Бадавлат кишининг (қарзини, омонатини ва бировларнинг ҳаққини беришда) кечиктириши зулмдир. Агар (камбағал киши) пулдор кишидан қарзини бериб юборишини талаб қилса, қабул этсин», дедилар. Имом Бухорий ва Муслим ривоятлари. 👥 Facebook 🟥 Youtube 🔵 Telegram 📷 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

Дарахт яратганнинг мўъжизаси Бисмиллаҳир Роҳманир Роҳийм Ўсимликлар бир жойдан, бир хил озуқадан озиқланса ҳам мевалари турлича бўлади. Яъни, ҳар бир ўсимлик ўғитлардан ўзига мос озуқаларни ажратиб олади. Шунинг учун бир жойда ўсган ўсимликларни кўрсангиз бирининг меваси ширин бўлса, бошқасиники нордон бўлади, бириники катта бўлса, бошқасининг меваси кичкина бўлади. Ҳатто рангларида ҳам турли-туманликни кўришимиз мумкин. Бунақа мисолларни кўплаб келтиришимиз мумкин. Бироқ шу ўринда Аллоҳ таолонинг Қуръони каримдаги қуйидаги ояти каримасини келтириш айни муддао бўлса керак: ﴿وَفِي الْأَرْضِ قِطَعٌ مُتَجَاوِرَاتٌ وَجَنَّاتٌ مِنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَى بِمَاءٍ وَاحِدٍ وَنُفَضِّلُ بَعْضَهَا عَلَى بَعْضٍ فِي الْأُكُلِ إِنَّ فِي ذَلِكَ لَآَيَاتٍ لِقَوْمٍ يَعْقِلُونَ﴾ “Ва ер юзида қўшни бўлаклар бор. Шунингдек, узумлар, боғлар, экинзорлар, шохлаган ва шохламаган хурмозорлар бўлиб, бир хил сув ила суғориладилар ва уларнинг баъзиларининг мевасини бошқасидан афзал қилурмиз. Бунда албатта ақл ишлатувчи қавмлар учун оят-белгилар бордир” (Раъд сураси, 4-оят). Биз ер юзида юриб ана шунча мўжизаларни кўрамиз-у, шунда ҳам Аллоҳнинг борлигига қани далил деб сўрайверамиз. Ана шундай кимсалар ҳақида Аллоҳ таолонинг қуйидаги ояти каримаси бор: “Уларга Роббиларининг оятларидан бири келса юз ўгирурлар” (Анъом сураси, 4-оят). Шайх Муҳаммад Мутавалли Шаъровий раҳимаҳуллоҳнинг "Аллоҳнинг борлигига ақлий далиллар" китобидан ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA

#xabar #toshkent #Islom_sivilizatsiyasi_forumi 🤝 ИККИ ТОМОНЛАМА ҲАМКОРЛИК МЕМОРАНДУМЛАРИ ИМЗОЛАНДИ   🌙 Ўзбекистондаги Ислом цивилизацияси марказида ўтаётган халқаро анжуманнинг иккинчи куни исломий меросни ўрганиш, рақамлаштириш ва халқаро тарғибот ишларини мутлақо янги босқичга олиб чиқувчи тарихий ҳужжатларни қабул қилиш билан давом этди. 🌙 Анжуман доирасида Ўзбекистондаги Ислом цивилизацияси маркази, ТУРКСОЙ ва Халқаро Туркий академия ўртасида сунъий интеллект асосида ягона электрон платформа яратиш бўйича келишувга эришилди. Шунингдек, халқаро хаттотлар танловини ўтказиш ва Имом ал-Бухорий номидаги Халқаро мукофотни таъсис этиш юзасидан муҳим тўхтамларга келинди. Ўзбекистон халқаро исломшунослик академияси ва ICESCO, Имом Мотуридий халқаро илмий-тадқиқот маркази ва Туркиянинг Ислом тадқиқотлари маркази (ISAM) ўртасида англашув меморандумлари имзоланди.

🕌 Юртимиздаги Имом Мотуридий, Имом Бухорий ва Имом Термизий халқаро марказлари хорижий илмий муассасалар билан шартномалар тузиб, ҳадисшунослик, мотуридийлик ва қўлёзмаларни каталоглаштириш йўналишида глобал ҳамкорликни йўлга қўйдилар. Диний-маърифий соҳада тажриба алмашиш ва фиқҳий тадқиқотларни мустаҳкамлаш мақсадида Ўзбекистон мусулмонлари идораси ва Иордания Ҳошимийлар Подшоҳлигининг Фатво уйи ўртасида икки томонлама ҳамкорлик меморандуми имзоланди.

🗣Иккинчи куннинг энг муҳим якуни сифатида анжуман иштирокчилари томонидан Тошкент декларацияси ҳамда Ислом цивилизацияси марказини 2027–2030 йилларда ривожлантириш бўйича “Йўл харитаси” қабул қилинди. Бу келишувлар форумнинг фақатгина фикр алмашиш майдони эмас, балки аниқ амалий натижаларга йўналтирилган нуфузли халқаро платформа эканини яна бир бор исботлади.

✅ Ўзбекистон мусулмонлари идораси Матбуот хизмати 📱ISHONCHLI VA RASMIY MANBA📲 OBUNA BO'LING ▶️ YouTube | 📷Instagram | 🔵 Facebook

Ҳақиқий кўрлик қалб кўрлиги Бисмиллаҳир Роҳманир Роҳийм Бир кўзи ожиз киши ўзининг суюкли аёли, солиҳ ўғли ва вафодор дўсти билан бахтиёр яшар эди. Аммо бир нарса унинг ҳаёти тўкис бўлишидан тўсарди. У ҳам бўлса кўзининг ожизлиги бўлиб, у қандай бахтиёр эканини ўз кўзи билан кўришни истарди. Кунларнинг бирида унинг шаҳрига жуда кучли табиб келиб қолди. У табибнинг олдига шифо излаб борди. Табиб унга бир дори бериб уни мунтазам ишлатишини ва тез орада соғайиб қайсидир лаҳзада бу дунёнинг нурини кўриши мумкинлигини айтди. Кўзи ожиз киши дорини умидсизлик билан ишлата бошлади. Кунларнинг бирида у уйининг боғида ўтирганда тўсатдан кўзи кўра бошлади. У хурсандлигидан жинни бўлаёзди. Шу аснода яқинларига бунинг хабарини бериш учун уйи томон югурди. Не кўз билан кўрсинки, суюкли аёли дўсти билан унга хиёнат қилар, бошқа хонага ўтса ўғли уйдаги баъзи нарсаларни ўғирларди. У ўзи ўтирган жойига қайтаркан: “У табиб эмас, ҳақиқий лаънати сеҳргар экан”, дея бақирарди. У жаҳл билан қўлига михни олиб кўзини яна кўр қилди. Шундай қилиб яна ўзи ўрганиб қолган саодатли ҳаётга қайтди... Шуъла: Ичингиздаги ваҳима жисмингиздаги касалликлардан кўра хавфлироқдир. ✈️Telegram 👤Facebook 🎥Youtube 📸 Instagram Дўстларингизга ҳам улашинг: https://t.me/joinchat/AAAAAEGj0hkBXGlopIDbXA