Бухоро. Ёзувчилар уюшмаси

* Хулоса *** Ҳаёт мазмуни ерда қулайроқ жойлашиб олишда эмас, балки кўкка тайёрланишдадир. Евгений Трубецкой Уланиш учун: https://t.me/ijod_bustoni

12 сентябрь — ўзбекнинг таниқли шоири Шавкат Раҳмон туғилган кун *** Яшамоғим зарур ҳар дақиқани ғазаб билан, севги билан тўлдириб, дунёдаги барча қора нарсани ёруғ лаҳзаларда ўлдириб. Токим бош кўтариб қарай қуёшга, токим кўзларимда ёнсин ҳақиқат, токим тош мисоли тегмасин бошга мен яшай олмаган ҳар бир дақиқа. *** Бўлса ҳамки тахир ва аччиқ, Яширмасдан бор йўқ айбимни, Ҳаёт, босдим лабингга қаттиқ Ҳароратга ташна лабимни. Очиқ кулиб, сўйлаб ёруғ сўз, Қуёш, Ерга шукрона айта, Мен ҳар кеча юмаяпман кўз, Туғиляпман ҳар саҳар қайта. Шавкат РАҲМОН Уланиш учун: https://t.me/ijod_bustoni

* Муҳаббат не... Римда мендан “Севаман” сўзини ўз тилимда айтишни сўрашди. Мен сенинг исмингни айтдим. Шундан сўнг ҳамма сенинг исмингни бир овозда такрорлади. Расул ҲАМЗАТОВ Уланиш учун: https://t.me/ijod_bustoni

* Юрт мадҳи *** Ўргилай ҳар майса, ҳар япроқ, ниҳолингдан, Ватан, Майсаю япроқни тебратган шамолингдан, Ватан. Кундузи бошимда офтобинг жонимнинг роҳати, Шомда боқсам кўзларим яйрар ҳилолингдан, Ватан. Юрсаму бағрингда, меҳринг соғинурман ҳар нафас, Қўймагин бебаҳра бир лаҳза зулолингдан, Ватан. Сен билан боғланди қай кун бу ҳаётим риштаси, Ҳеч узолмайман хаёлимни хаёлингдан, Ватан. Замзаму Кавсар суви бўлмас азизроқ мен учун Сайхуну Жайхун, Зарафшону Оролингдан, Ватан. Тўрт томонинг мен учун бир қиблайи олийнишон, Ўргилай ғарбу жануб, шарқу шимолингдан, Ватан. Хизматим оз бўлса, кўр кўп ўрнида, эй онажон, Рози бўл ноқис Сулаймондай қаролингдан, Ватан. Сулаймон ШОДИЕВ Уланиш учун: https://t.me/ijod_bustoni

* Унутмас мени боғим! Бугун – устоз шоир ва таржимон, Ўзбекистонда хизмат кўрсатган маданият ходими Самандар Воҳидов (1942–2014) таваллуд топган кун. БИҲАМДИЛЛОҲ, НАВОИЙ БОР Биҳамдиллоҳки, халқимга Яратганнинг атойи бор, Башарға илму ҳикмат ёғдирар офтобу ойи бор, Даҳо фарзандлари боис нуфуз тахтида жойи бор, Бунинг янглиғ шарофатдан бу юртнинг ўз Ҳумойи бор, Камол аҳли аро соҳиб калом шоир Навоий бор. Асрлар шоҳид ўлғайким, маоний мулки султони, Шараф тожи, дея, билди бу борлиқ ичра инсонни, Назм дунёсининг беш қитъасидир бешта достони, Бақо бағрида жой олди, агарчи ўзни дер Фоний, Ки авлод кўнглида меҳри абад жойгир Навоий бор. Бу бахтдин баҳраманд халқнинг қувончку фахри сўнмасдур, Ҳаёт сарчашмасидин сув ичиб, бўстони сўлмасдур, Ғазалхон булбули борким, бу боққа қарға қўнмасдур, Бу элнинг риштаи ишқи арздин аршга пайвастдур, Нечунким, риштаи ишққа жилобахш нур Навоий бор. Туғилган чоқ қулоғимга азон айтгач, бобом дастлаб, Изидин кирди кўнглумға Навоий ҳикмати янграб, Анинг кўзи билан кўрдим ҳаётни, байтларин тинглаб, Ўзумға беклиғимдин завқ ҳисин туйдим ани англаб, Не тонг бу юртда ҳар уйда ҳаводай ҳур Навоий бор. Навосизлиққа маҳкумлар наво топқай Навоийдан, Вафосизлиқда раҳ гумлар вафо топқай Навоийдан, Зиёсизлиқда мазлумлар зиё топқай Навоийдан, Давосизлиқда маҳзумлар даво топқай Навоийдан, Аларға ҳар сўзи имон сари дастур Навоий бор. Мунаққид, ибрат олгин, деб, мени ташвиқи Ғарб этма, Аёнга йўқ баён, дерлар, сўзинг беҳуда сарф этма, Бўлур тўрт иккию икки, замон зайлида зарб этма, Адаб дарсида толибни мударраси салаф этма, Қуёш Шарқдин чиқар, Шарқда қуёш тенгқур Навоий бор. Биру бор бандасин суйса, ани илм йўлиға бошлар, Азал Оллоҳ, кейин Устоз ҳузурида эгик бошлар, Қачон Устозға пешхезлик қилур одобли издошлар, Қилур-ку, эътироф сўз ганжида ғарблик гуҳарфошлар, Ки Шарқ шоҳсупаси узра аларға Пир Навоий бор. Анинг назм боғи гирдида адолатдин тутилғон сад, Футувват ва мурувватдин бу сад ҳар ғиштида зийнат, Бу боғ сайриға ким кирса, диёнатдин олур ибрат, Агар шер – ўрганур шафқат, агар мўр олғуси қудрат, Чу ҳар гулнинг ифорида дили изҳор Навоий бор. Мен ҳам Устоз яратган шу чаман кунжида бир хасмен, Нечун беҳуш дема, шеър шавқидин сархушу сармастмен, Шу сармастлик аро битдим анга неча мухаммас мен, Агар нуқсони беҳаддур, Самандар, навмид эрмасмен, Ки атфол, деб, гуноҳим тутғали маъзур Навоий бор. Самандар ВОҲИДОВ Уланиш учун: https://t.me/ijod_bustoni

* Иқтибос Менга ўзини барчадан устун қўядиган кибрли одамлар ёқмайди. Шундай пайтларда уларнинг қўлига бир чақа бериб, “Ўз баҳойингни аниқлаб олганингдан кейин, қайтимини олиб келарсан”, дегим келади. Лев ТОЛСТОЙ Уланиш учун: https://t.me/ijod_bustoni

* Унутмас мени боғим!   Вилоят телеканали ҳамда Ўзбекистон Ёзувчилар уюшмаси вилоят бўлими ҳамкорлигида эфирга узатиб келинаётган "Адабиёт — миллат эртаси" кўрсатувининг навбатдаги сони устоз шоир Тошпўлат Ҳамид хотирасига бағишланди. Уланиш учун босинг: https://t.me/ijod_bustoni

* Осмонга мактуб Исмингда мужассамдир ҳар зарраму ҳар қисмим... Шундан бери ўйлайман: менинг ҳам борми исмим?.. Шодмон СУЛАЙМОН Уланиш учун: https://t.me/ijod_bustoni

Yangi O‘zbekiston mushoirasi — she’riyat bayrami Zamonamizning suyukli ijodkorlari, she’riyat osmonining yorqin yulduzlari, nafaqat Xorazm, balki butun yurtimiz mehrini qozongan xushovoz xonandalar ishtirokidagi “Yangi O‘zbekiston mushoirasi”ga taklif etamiz! 16–18-sentabr kunlari ko‘hna va navqiron Xivaning Kongress Hollida she’riyatning yangi nafasi, zamonaviy ijod uyg‘unlashgan o‘ziga xos mushoira bo‘lib o‘tadi. Bu — so‘z va san’at, tarix va bugun, milliy ruh va Yangi O‘zbekiston g‘oyalari uchrashadigan ijodiy maydon. Satrlari tildan tilga ko‘chib, dillarga singgan ijodkorlar bilan uchrashasiz, she’rlashasiz, dillashasiz. Yurtimizda inson qadri, ma’naviyat va milliy merosga e’tibor tobora yuksalib borayotgan bugungi davr ruhini birgalikda his qilamiz. She’riyatga oshno, so‘z va san’atni qadrlaydigan barcha yurtdoshlarimizni Xivada — “Yangi O‘zbekiston mushoirasi”da kutib qolamiz!

* Шукуҳ   ИФТИХОР   Мен озод юрт фарзанди, эл учун жоним ҳалак, Ягонадир ниятим – беғубор бўлсин фалак. Бахтиёр кунларимнинг чеки, чегараси йўқ, Фаровон яшар халқим, келажакдан кўнглb тўқ.   Юз йиллар оша қадрин топган ҳикматдир бугун – Мустақиллик улуғ ва азиз неъматдир бугун. Шиоримиз баралла тантанавор айтамиз: "Ягона халқ бўлиб биз келажак яратамиз!"   Ота-боболаримнинг насиҳати ёдимда, Зиё нури ёритгай йўлларимни олдинда. Доим баланд тутгайман истиқлолим маёғин, Бутун дунё танисин Ўзбекистон байроғин! Ҳар бир соҳада ютуқ, ҳар бир жабҳада зафар, Ёшлар илмга чанқоқ минглаб, миллионлаб нафар. Шукронали кунларнинг завқин бермоқда ҳаёт, Доимо йўлдошимиз – беш ташаббус – беш қанот. Жуда кенг имконият, ҳар қадамда парвоз бор, Фанда, спортда ёшлар кўрсатмоқда иқтидор. Узоқ Олмонияда кимёгарлар топди шон, Ибн Сино авлодин таниди бутун жаҳон. Математик ёшлар ҳам улардан ҳеч қолишмас — Хоразмийнинг зурриёди омад қучар басма-бас. Ёшларимиз овози оламни тутди, қаранг, Ўлмас шоир сўзидан БМТ ҳам ҳангу манг. Ўттиз тўрт йиллик орзу бугун ушалди, мана, Ўзбек футболин кўрди жаҳондаги кенг саҳна. Бутун дунё таниди Ўзбекистон элини, Зафар-чун бугун халқим боғлар маҳкам белини. Диёримда тантана, жўр бўлмоқда шўх созлар, Ҳар бир гўшада янграр мардонавор овозлар. Эл дея, юртим дея урар кўксимда юрак, Мана мен – янги авлод, халқимга мангу тиргак. Юз йиллар оша қадрин топган ҳикматдир бугун – Мустақиллик улуғ ва азиз неъматдир бугун. Шиоримиз баралла тантанавор айтамиз: “Ягона халқ бўлиб биз келажак яратамиз!”   Моҳинур НАЗАРОВА, Бухоро шаҳридаги 10-мактабнинг 8-синф ўқувчиси   Уланиш учун: https://t.me/ijod_bustoni

* * * Гарчи иши мўлдир – бу дунё ҳушёр! Юракни борича очмоқлик қайда? Биргина сўзим бор, ёлғиз сўзим бор, Ўша эски сўз-да... Айтайми қайта? Чўчима. Мен ҳозир кетаман. Бу дам Нечун бошни эгдинг? Уялма ёшдан... Қайрилиб қарайман. Қандай гўзалсан! Ҳатто айрилиқ ҳам сенга ярашган. Усмон АЗИМ Уланиш учун: https://t.me/ijod_bustoni

* * * Сен денгизга борайлик дединг, — Кўзларига чўкким келяпти. Елканларин кўтарди хаёл... Сен тоғларга борайлик дединг, — Осмонларни ичгим келяпти. Қанотларин силкиди хаёл... Юр, ёшликка борайлик дединг, — Узоқларга кетгим келяпти. Кўзларингни рашк қилди хаёл... Самарқандга борайлик дединг, — Эртаклари аллалар бизни. Юлдузларга термулди хаёл... Бухорога борайлик дединг, — Миноралар никоҳлар бизни. Кафтларингда сув ичди хаёл... Хаёл Хаёл Энди сен ҳам йўқ... Азиз САИД   Уланиш учун: https://t.me/ijod_bustoni