የአዲስ አበባ ዋና ኦዲተር መ/ቤት

መ/ቤቱ የስድስት ወር እቅድ አፈጻጸም ግምገማ አደረገ! አዲስ አበባ ጥር 30/05/16ዓ.ም የአዲስ አበባ ከተማ ዋና ኦዲተር መ/ቤት የስድሰት ወር የእቅድ አፈጻጸም ግምገማ ከአጠቃላይ ሰራተኞች ጋር አደረገ፡፡ የእቅድና በጀት ዳይሬክተር መ/ቤቱ በስድስት ወር ያከናወናቸውን ስራዎች ለሰራተኞች ያቀረበ ሲሆን ሪፖርቱ በእቅድ ተይዘው የተከናወኑ ተግባራትን ፤በእቅደ ተይዘው ያልተከናወኑ ተግባራትን፤የታዩ ጠንካራ ጎኖችን እና የታዩ ውስንነቶችን በዝርዝር አስቀምጧል፡፡ መ/ቤቱ በስድስት ወር ውስጥ በኦዲት ዙሪያ ሊያከናውን በእቅድ ከያዛቸው አንጻር ክንውኑ የተሻለ እንደሆነ የተገለጸ ሲሆን በኦዲት ሪፖርት አቀራረብ ላይ የሚታዩ መጓተቶች በቀጣይ መቅረፈ እንደሚገባ አስገንዝበዋል፡፡ ዋና ኦዲተር አቶ አመንቴ መቻሉ በውይይቱ ወቅት ከተለያዩ ኦዲተሮች ለተነሱ ጥያቆዎች ምላሽና ማብራሪያ ሰጥተዋል በዚህም የ2016 የስድስት ወር እቅድ አፈጻጸማችን በንጽጽር የተሻለ እንደሆነና የሁላችሁም አስተዋጾኦ የሚደነቅ በመሆኑ በቀጣይ ቀሪ ስድስት ወራት ከዚህ በተሻለ ተነሳሽነት አንድንተገብር የሁላችንም ኃላፊነት እንደሆነ በማስገንዘብ በሁሉም ዘርፍ ሰራተኛው ትኩረት አድርጎ በቀጣይ ወራት እቅዳቸውን በመፈተሸ ቀሪ ስራዎች ላይ ርብርብ እንዲደረግ አሳስበዋል፡፡ በመጨረሻም በ9ኛው የክልሎችና የከተማ አስተዳደሩ የዋና ኦዲተሮች የልምድ ልውውጥ ወቅት የተሻለ ስራ ላከናወኑ የመ/ቤቱ ሰራተኞች የምስጋና ሰርትፍኬት በመስጠትና ከመ/ቤቱ በጡረታ ለተገለሉ አንድ ኦዲተር ከመ/ቤቱ ሰራተኞች የቀረበላቸውን ስጦታ በማበርከት ውይይቱ ተጠናቋል፡፡