СЎХ ТУМАНИ ҲОКИМЛИГИ

“Neftchi” jamoasining sadoqatli muxlislari! O‘zbekiston Superligasining 26-turi doirasida 14-noyabr kuni 18:00 da sevimli jamoamiz - “Neftchi” “Bunyodkor” jamoasiga qarshi maydonga tushadi! “Neftchi” chempionlik sari tobora yaqinlashmoqda. Orzudagi g‘alabaga yetish uchun esa har bir ochko, har bir qo‘llab-quvvatlov va har bir muxlisning ovozi muhim! Oldinda bizni murosasiz kurash, yuqori temp va haqiqiy futbol zavqi kutmoqda! Keling, barchamiz birlashib, jamoamizni g‘alaba sari ruhlantiraylik! Chempionlik yo‘lida bizning kuchimiz - birlikda! Olg‘a, “Neftchi”! Olg‘a, Farg‘ona! Fergana.gov.uz|Facebook|Instagram|Youtube|X

СЎХДА ЁШЛАР ОВОЗИ ТИНГЛАНДИ: АЛИШЕР САЪДУЛЛАЕВ БИЛАН ОЧИҚ МУЛОҚОТ   Бугун Сўх тумани ҳокимлиги мажлислар залида Ўзбекистон Республикаси Ёшлар ишлари агентлиги директори Алишер Саъдуллаев иштирокида «Раҳбар ва ёшлар» учрашуви ҳамда матбуот анжумани бўлиб ўтди.   Самимий ва дўстона руҳда ўтган мулоқотда сўхлик ёшлар ўз ташаббуслари, таклифлари ва муаммоларини тўғридан-тўғри агентлик раҳбарига етказиш имкониятига эга бўлдилар.   Учрашувда ёшлар стартапларини молиялаштириш ва қўллаб-қувватлаш, инновацион платформаларни ривожлантириш, ўқув ва тил ўргатиш марказлари фаолиятини кенгайтириш, ёшлар тадбиркорлигини рағбатлантириш, спорт мажмуалари ташкил этиш ҳамда йигит-қизларнинг касбий салоҳиятини ошириш каби муҳим масалалар муҳокама қилинди.   Алишер Саъдуллаев ёшларнинг ҳар бир таклиф ва мурожаатини диққат билан тинглаб, уларнинг ташаббусларини қўллаб-қувватлашга алоҳида эътибор қаратди.   Тадбир давомида истеъдодли ва фаол ёшларга қимматбаҳо совғалар топширилди.   Айни пайтда Ёшлар ишлари агентлиги директори Сўх тумани маҳаллаларида бўлиб, ёшлар учун яратилган шарт-шароитлар, мавжуд имкониятлар ва амалга оширилаётган ишлар билан бевосита танишмоқда.   Сўх тумани ҳокимлиги Ахборот хизмати

CHIPTALAR SOTUVI DAVOM ETMOQDA! 14-noyabr kuni O‘zbekiston Superligasining qoldirilgan 26-turi doirasida «Neftchi» o‘z maydonida Toshkentning «Bunyodkor» klubini qabul qiladi. Chempionlik poygasidagi muhim uchrashuv soat 18:00 da «Istiqlol» stadionida boshlanadi. 🎟 Uchrashuv chiptalarini quyidagi manzillardan xarid qilishingiz mumkin: 🏟Stadion kassalarida — naqd va an’anaviy xarid orqali. 📱Onlayn — iTicket.uz platformasi orqali, kassaga bormasdan o‘zingizga ma’qul joyni tanlab. iTicket ilovasini yuklab oling: 🍎App Store — iTicket Uzbekistan ▶️Google Play — iTicket Uzbekistan «Istiqlol»ni to‘ldiramiz! Sevimli jamoamizni g‘alaba sari birgalikda olg‘a boshlaylik! 🟢@pfcneftchi_uz

«СЎХ МОДЕЛИ: ТИББИЁТДА ЯНГИ ИМКОНИЯТЛАР»   СЎХДА 39 МИНГ НАФАРДАН ОРТИҚ АҲОЛИ ТИББИЙ МАЪЛУМОТЛАРИ ҚАЙТА ТЕКШИРИЛДИ   «Сўх модели» доирасида туманнинг барча маҳаллаларида кенг қамровли тиббий ўрганишлар ташкил этилди.   Жараёнларга 14 та мобил тиббий бригада ва 400 нафардан ортиқ шифокор жалб қилиниб, 11 та клиник йўналиш бўйича тиббий текширувлар ўтказилди.   Тақдимот маълумотларига кўра, қайта клиник текширувлар орқали 39 025 нафардан ортиқ аҳоли қамраб олинди.   Шунингдек, 14 нафар шифокор ва 13 нафар IT-ҳамшира сунъий интеллект ва рақамли тиббий платформалардан фойдаланиш бўйича махсус тайёргарликдан ўтди.   Бу ишлар аҳоли саломатлиги ҳақидаги маълумотларни аниқлаштириш, касалликларни ўз вақтида аниқлаш ва келгусида тиббий хизматларни манзилли ташкил этиш учун муҳим асос яратди.   Сўх тумани ҳокимлиги Ахборот хизмати

СЎХНИНГ 10 ТА МАҲАЛЛАСИДА 34 МИНГ НАФАР АҲОЛИ УЧУН ҚУЛАЙ ШАРОИТЛАР ЯРАТИЛАДИ   Фарғона вилояти Сўх туманини ижтимоий-иқтисодий ривожлантириш бўйича ишлаб чиқилган «Йўл харитаси» доирасида 2027 йилда туманнинг 10 та маҳалласида кенг кўламли бунёдкорлик ва ободонлаштириш ишларини амалга ошириш режалаштирилмоқда.   «Янги Ўзбекистон қиёфасидаги маҳалла» дастури асосида Чумоқча ва Девайрон маҳаллалари ҳамда уларга ёндош 8 та маҳаллада жами 34 минг нафар аҳоли учун муносиб турмуш шароитлари яратилади.   Чумоқча маҳалласи ва унга ёндош 4 та маҳаллада: ▪️ 8 та янги тадбиркорлик субъекти ташкил этилади; ▪️ 5 та тадбиркорлик субъекти фаолияти кенгайтирилади; ▪️ 250 та янги иш ўрни яратилади; ▪️ 1150 нафар аҳолининг даромади оширилади.   Девайрон маҳалласи ва унга ёндош 4 та маҳаллада: ▪️ 7 та янги тадбиркорлик субъекти ташкил этилади; ▪️ 4 та тадбиркорлик субъекти фаолияти кенгайтирилади; ▪️ 275 та янги иш ўрни яратилади; ▪️ 1065 нафар аҳолининг даромади оширилади; ▪️ 100 та хонадон «Янги Ўзбекистон» қиёфаси асосида таъмирланиб, ички кўчалар ободонлаштирилади.   Умумий натижада 525 та янги иш ўрни яратиш, 2215 нафар аҳолининг даромадини ошириш ҳамда 15 та янги тадбиркорлик субъектини ташкил этиш кўзда тутилган.   Мазкур ишлар 2027 йилнинг май–декабрь ойларида амалга оширилиши режалаштирилган.   Асосий мақсад - маҳаллалар инфратузилмасини яхшилаш, тадбиркорликни ривожлантириш, аҳоли бандлигини таъминлаш ва Сўхнинг ҳар бир гўшасида муносиб турмуш шароитларини яратишдир.   Сўх тумани ҳокимлиги Ахборот хизмати

«СЎХ МОДЕЛИ: ТИББИЁТДА ЯНГИ ИМКОНИЯТЛАР»   «СЎХ МОДЕЛИ»: ТИББИЙ ХИЗМАТНИ ТАКОМИЛЛАШТИРИШ БЎЙИЧА ТЎРТТА УСТУВОР ВАЗИФА   Сўх туманида соғлиқни сақлаш тизимини янги босқичга олиб чиқиш мақсадида комплекс чора-тадбирлар белгиланган.   Фарғона жамоат саломатлиги тиббиёт институти тақдимотига кўра, ишлар тўртта асосий йўналишда ташкил этилган.   Булар туман тиббиёт тизимининг ҳақиқий ҳолатини ўрганиш, мавжуд тиббий маълумотларни қайта текшириш ва рақамлаштириш, сунъий интеллект ҳамда телетиббиёт асосида барқарор хизмат моделини шакллантириш, шунингдек, аниқланган муаммолар бўйича амалий таклифлар ишлаб чиқишдан иборат.   Мазкур ёндашув тиббий хизматларни тасодифий қарорлар эмас, балки аниқ таҳлил ва ишончли маълумотлар асосида ташкил этишга хизмат қилади.   Сўх тумани ҳокимлиги Ахборот хизмати

⚡️ «SÖX GES» - ТУМАН ЭНЕРГЕТИКАСИДА ЯНГИ БОСҚИЧ   Сўх туманида қуввати 15 МВт бўлган «Söx GES» гидроэлектр станцияси қурилиши белгиланган режа асосида изчил давом этмоқда.   Ноқулай об-ҳаво шароитларига қарамасдан, бунёдкорлик ишлари жадал олиб борилмоқда.   Ўзбекистон Республикаси Президентининг ПҚ–163-сон қарори асосида амалга оширилаётган мазкур лойиҳа «Ўзбекгидроэнерго» АЖнинг ўз маблағлари ҳисобидан молиялаштирилмоқда.   Қурилишда маҳаллий ишлаб чиқариш имкониятларидан кенг фойдаланиш, жумладан, «UzHydroPower» заводида тайёрланаётган замонавий гидроагрегат ва технологик ускуналарни қўллаш кўзда тутилган.   Энг муҳими, янги ГЭС ишга тушгач:   ✅ Йилига ўртача 48,5 миллион кВт·соат электр энергияси ишлаб чиқарилади   ✅ 20 мингдан ортиқ хонадонни электр энергияси билан таъминлаш учун зарур имконият яратилади   Мазкур йирик энергетика лойиҳаси Сўх туманининг энергетик салоҳиятини ошириш, электр таъминоти барқарорлигини мустаҳкамлаш ва ҳудуд иқтисодиётини ривожлантиришга хизмат қилади.   Сўх тумани ҳокимлиги Ахборот хизмати

Farg'onada Yangi Oʻzbekiston ziyolilari muloqoti Fergana.gov.uz|Facebook|Instagram|Youtube|X

«СЎХ МОДЕЛИ: ТИББИЁТДА ЯНГИ ИМКОНИЯТЛАР»   СЎХ ТИББИЁТИДА БЕШТА АСОСИЙ МУАММО АНИҚЛАНДИ   Фарғона жамоат саломатлиги тиббиёт институти мутахассислари томонидан Сўх тумани соғлиқни сақлаш тизимининг амалдаги ҳолати атрофлича ўрганилди.   Таҳлил натижасида тиббий маълумотларнинг тўлиқ эмаслиги, электрон ёзувларнинг беморлар клиник ҳолатига мос келмаслиги, тор мутахассислар етишмаслиги, телетиббиёт имкониятларидан етарлича фойдаланилмаётгани ҳамда марказлаштирилган лаборатория базасининг йўқлиги каби бешта асосий муаммо аниқланди.   Хусусан, 39 025 та тиббий ёзувнинг 13 411 тасида, яъни 34,4 фоизида номувофиқликлар қайд этилди.   Ушбу муаммоларни бартараф этиш мақсадида сунъий интеллект ва рақамли бошқарувга асосланган янги тиббий хизмат модели ишлаб чиқилди.   Эндиликда асосий вазифа - аниқланган муаммоларга замонавий ва барқарор ечим топиш.   Сўх тумани ҳокимлиги Ахборот хизмати

O‘zbekiston Respublikasi Prezidentining “Iqtisodiyotda davlat ishtirokini qisqartirish va xususiylashtirish jarayonlarini jadallashtirish bo‘yicha qo‘shimcha chora-tadbirlar to‘g‘risida”gi Farmoniga muvofiq tadbirkorlik faoliyati bilan shug‘ullanmoqchi bo‘lgan yuridik va jismoniy shaxslarga mavjud bo‘sh davlat aktivlarini onlayn-auksion savdolari orqali sotib olish taklif etiladi. ☑️ Rishton tumanida joylashgan davlat aktivlari. (1-qism) ❕Muddatli bo'lib to'lash imkoniyati mavjud! ☎️ Ma'lumot uchun: (73) 244-18-47 🌐 Batafsil: E-AUKSION.UZ Fergana.gov.uz|Facebook|Instagram|Youtube|X

Ziyolilar muloqoti: milliy yuksalish yo‘lidagi tashabbus va takliflar Farg‘ona shahrida "Yangi O‘zbekiston ziyolilari — milliy yuksalish tayanchi" shiori ostida o‘tkazilgan hududiy muloqotning ikkinchi kuni ham yuqori saviyada va samarali davom etdi. Tadbirni ochib bergan Oliy Majlis Qonunchilik palatasi Spikeri o‘rinbosari Mavluda Xo‘jayeva muhokamalarda ishtirokchilar faol bo‘lganini alohida e’tirof etib, dolzarb masalalar yuzasidan ko‘plab muhim taklif va tashabbuslar o‘rtaga tashlanganini ta’kidladi. Bosh vazir o‘rinbosari — Oila va xotin-qizlar qo‘mitasi raisi Dilnoza Kattaxonova esa Farg‘ona viloyatining turli sohalardagi natijalari, yoshlar erishayotgan yutuqlarga to‘xtalib, oila institutini mustahkamlash va xotin-qizlarni qo‘llab-quvvatlash masalalariga e’tibor qaratdi. Anjuman davomida yettita ixtisoslashgan sho‘bada o‘tkazilgan muhokamalar natijalari taqdimot qilindi. Ularda vatanparvarlik va hamjihatlikni mustahkamlash, yoshlar tarbiyasi, raqamli muhit ta’siri, oila va mahalla institutini rivojlantirish kabi yo‘nalishlarda ilgari surilgan takliflar haqida ma’lumot berildi. Fergana.gov.uz|Facebook|Instagram|Youtube|X

‼️ FVV OGOHLANTIRADI ⚠️ IS GAZI HAYOT UCHUN XAVFLI Fergana.gov.uz|Facebook|Instagram|Youtube|X

#Onlayn Farg‘onada ziyolilar bilan hududiy muloqotning ikkinchi kuni davom etmoqda Fergana.gov.uz|Facebook|Instagram|

«СЎХ МОДЕЛИ: ТИББИЁТДА ЯНГИ ИМКОНИЯТЛАР» АҲОЛИ САЛОМАТЛИГИ ВА РАҚАМЛИ ТИББИЁТ - «СЎХ МОДЕЛИ»НИНГ УСТУВОР ЙЎНАЛИШИ   Сўх туманида тиббий хизматларни такомиллаштиришга қаратилган янги тажриба модели аҳоли саломатлигини муҳофаза қилиш ва соғлиқни сақлаш тизимига рақамли технологияларни жорий этиш вазифалари билан уйғун ҳолда ишлаб чиқилган.   Лойиҳа доирасида бирламчи тиббий хизматларни аҳолига яқинлаштириш, профилактик кўриклар қамровини кенгайтириш, касалликларни эрта ташхислаш ҳамда телетиббиёт имкониятларидан самарали фойдаланиш назарда тутилмоқда.   Асосий мақсад - ҳар бир фуқаронинг ўз вақтида малакали тиббий ёрдам олишини таъминлаш ва соғлиқни сақлаш тизимини инсон манфаатларига хизмат қилувчи замонавий механизмга айлантириш.   Сўх тумани ҳокимлиги Ахборот хизмати

ОФТОБРУ МАҲАЛЛАСИДА САЙЁР ҚАБУЛ ЎТКАЗИЛДИ   Сўх тумани ободонлаштириш бошқармаси бошлиғи ОХОНЖОН Охонжонов раҳбарлигида Офтобру маҳалласида аҳоли билан сайёр қабул ўтказилди.   Қабул давомида фуқаролар билан бевосита мулоқот қилиниб, ҳудудда ободонлаштириш ишларини янада яхшилаш юзасидан фикр алмашилди.   Мазкур учрашув аҳоли билан яқин ҳамкорликни мустаҳкамлаш ва мавжуд масалаларни жойида ўрганишга қаратилди.   Сўх тумани ҳокимлиги Ахборот хизмати

«СЎХ МОДЕЛИ: ТИББИЁТДА ЯНГИ ИМКОНИЯТЛАР» СЎХ ТИББИЁТИДА ЯНГИ ДАВР: СУНЪИЙ ИНТЕЛЛЕКТ ВА ТЕЛЕТИББИЁТ ИМКОНИЯТЛАРИ   Фарғона жамоат саломатлиги тиббиёт институти ташаббуси билан Сўх туманида «Сўх модели» - сунъий интеллект, телетиббиёт ва рақамли бошқарувга асосланган тиббий хизмат кўрсатишнинг янги тажриба модели ишлаб чиқилди.   Мазкур ташаббус соғлиқни сақлаш тизимини замонавий технологиялар асосида такомиллаштириш, касалликларни эрта аниқлаш ва малакали тиббий хизматларни аҳолига яқинлаштиришга қаратилган.   Лойиҳанинг муҳим жиҳати  Сўхнинг географик хусусиятларини ҳисобга олган ҳолда беморларнинг ортиқча вақт ва маблағ сарфлашини камайтириш, уларга яшаш жойида сифатли тиббий ёрдам кўрсатиш имкониятларини кенгайтиришдир.   «Сўх модели» келгусида мамлакатимизнинг бошқа олис ҳудудлари учун ҳам муҳим тажриба бўлиб хизмат қилиши мумкин.   Сўх тумани ҳокимлиги Ахборот хизмати