СЎХ ТУМАНИ ҲОКИМЛИГИ

Oʻzbekiston Respublikasi Prezidenti Shavkat Mirziyoyev Rossiya Federatsiyasi Prezidenti Vladimir Putin bilan telefon orqali muloqot qildi. — Президент Республики Узбекистан Шавкат Мирзиёев провел телефонный разговор с Президентом Российской Федерации Владимиром Путиным. #Mirziyoyev #muloqot #Rossiya #hamkorlik Prezident.uz|Facebook|Instagram|YouTube|X

💻 ЁШЛАР УЧУН IT ВА СУНЪИЙ ИНТЕЛЛЕКТ - КЕЛАЖАККА ҚАДАМ   Сўх тумани 1-сонли касб-ҳунар техникумида ўқувчи-ёшларнинг замонавий билим ва кўникмаларини оширишга қаратилган IT ва сунъий интеллект йўналишида ўқув семинари ташкил этилди.   Семинарда туман ҳокимининг маслаҳатчиси Бузургмеҳр Султоналиев иштирок этиб, ёшларга ахборот технологияларини чуқур ўрганишнинг аҳамияти, рақамли соҳадаги замонавий касблар ҳамда бугунги кунда жадал ривожланаётган сунъий интеллект технологияларининг имкониятлари ҳақида атрофлича маълумот берди.   Учрашув давомида сунъий интеллектнинг таълим, иқтисодиёт, тадбиркорлик ва кундалик ҳаётда қўлланилиши, шунингдек, ёшларнинг мазкур йўналишда билим ва амалий кўникмаларини мунтазам ошириб бориши муҳим экани алоҳида таъкидланди.   Очиқ мулоқот шаклида ўтган семинарда ўқувчилар ўзларини қизиқтирган саволларга жавоб олиб, IT соҳаси ва сунъий интеллектнинг истиқболли йўналишлари бўйича фикр алмашдилар.   Бундай тадбирлар ёшларни замонавий касбларга йўналтириш, уларнинг рақамли саводхонлигини ошириш ва келажак технологияларига бўлган қизиқишини янада кучайтиришга хизмат қилади.   Сўх тумани ҳокимлиги Ахборот хизмати

Farg‘onada qurilish materiallari sanoat parki tashkil etiladi Viloyat hokimi Xayrullo Bozorov “Xenji qurilish materiallari investitsiya” MCHJ bosh direktori Song Bin boshchiligidagi Xitoy delegatsiyasini qabul qildi. Uchrashuvda viloyatda “Qurilish materiallari sanoat parki”ni tashkil etish loyihasi va qurilish sanoatini rivojlantirish istiqbollari muhokama qilindi. — В Фергане будет создан промышленный парк строительных материалов — Construction Materials Industrial Park to Be Established in Fergana Fergana.gov.uz|Facebook|Instagram|Youtube|X

🌉 ҒАЗНОВДА ЯНГИ ТРАНСПОРТ КЎПРИГИ ҚУРИЛМОҚДА   Сўх тумани Ғазнов маҳалла фуқаролар йиғинида транспорт инфратузилмасини яхшилаш бўйича амалий ишлар давом этмоқда.   Айни кунларда маҳалланинг “Ғазнавий” кўчасидаги сел йўли устида янги автомобиль кўприги қуриш ишлари олиб борилмоқда.   Лойиҳанинг умумий қиймати 3 миллиард 200 миллион сўм бўлиб, ишлар ПҚ–49-сонли қарор доирасида амалга оширилмоқда. Масъул ижрочи - “Фарғона минтақавий йўлларга буюртмачи хизмати” ДМ.   Янги кўприк маҳалла аҳолиси учун хавфсиз ва қулай ҳаракатланиш шароитини яратиш, транспорт қатновини яхшилаш ҳамда сел оқимлари даврида ҳаракат хавфсизлигини таъминлашга хизмат қилади.   Сўх тумани ҳокимлиги Ахборот хизмати

Turk investorlari ishtirokida istiqbolli loyihalar amalga oshiriladi Viloyat hokimi Xayrullo Bozorov tadbirkor A’zamjon Teshayev va uning turkiyalik hamkorlaridan iborat delegatsiyani qabul qildi. Uchrashuvda tibbiyot, raqamlashtirish, logistika, meva-sabzavotlarni qayta ishlash va zamonaviy bog‘lar tashkil etish kabi yo‘nalishlarda istiqbolli loyihalar ko‘rib chiqildi. — Перспективные проекты будут реализованы с участием турецких инвесторов — Promising Projects to Be Implemented with the Participation of Turkish Investors Fergana.gov.uz|Facebook|Instagram|Youtube|X

Prezident Shavkat Mirziyoyev transport-logistika sohasidagi yirik loyihalarning borishi yuzasidan taqdimot bilan tanishdi. — Президент Шавкат Мирзиёев ознакомился с презентацией о ходе реализации крупных проектов в транспортно-логистической сфере. #Mirziyoyev #taqdimot #transport #logistika Prezident.uz|Facebook|Instagram|YouTube|X

📍 ШАРҚОБОДДА ЯНГИ ИМКОНИЯТЛАР ЯРАТИЛМОҚДА   Бугун Сўх тумани ҳокими Сайидбаҳром Сайидмусаев Шарқобод маҳалласида бўлиб, туман ҳокимининг биринчи ўринбосари Илҳомжон Тожибоев ҳамда маҳалла еттилиги билан биргаликда тадбиркорлик ва аҳоли бандлигини таъминлаш борасидаги ишларни ўрганди.   Маҳалладаги ўқув марказида айни пайтда 45 нафар қиз тикувчилик, пишириқчилик ва бошқа замонавий касбларни ўрганмоқда.   Шунингдек, тадбиркор Акмалжон Жамолов томонидан қурилаётган замонавий тўйхона, маҳалла эҳтиёжи учун барпо этилган катта ҳажмли сув ҳавзаси, паррандачилик йўналишидаги тадбиркорлик фаолияти ҳамда янги спорт мажмуаси қурилиши кўздан кечирилди.   Туман ҳокими маҳаллада тадбиркорлик ташаббусларини қўллаб-қувватлаш, янги иш ўринлари яратиш ва аҳоли даромадини ошириш бўйича масъулларга тегишли вазифалар берди.   Сўх тумани ҳокимлиги Ахборот хизмати

СЎХ ТУМАНИДА АЁЛ 1 НАФАР ФАРЗАНДИ БИЛАН ЎЗ КЕЛИНЛИК УЙИГА КИРИТИЛДИ   Сўх туманида 1 нафар фарзанди билан яшаб келган аёлнинг ўз келинлик уйига кириши таъминланди.   Маълум қилинишича, ҳолат Мажбурий ижро бюроси давлат ижрочилари томонидан олиб борилган ижро ҳаракатлари натижасида ижобий ҳал этилган.   Ижро ҳаракатлари давомида аёл ва унинг 1 нафар фарзанди уйга киритилиб, яшаш ҳуқуқи таъминланди.   Оилавий келишмовчиликлар турли сабабларга кўра юзага келиши мумкин. Бироқ бундай вазиятларда, айниқса, вояга етмаган фарзандларнинг яшаш шароити ва ҳуқуқлари таъминланиши муҳим.   Мазкур ҳолатда эса ижро органи аралашуви орқали аёл ва фарзандининг бошпанасиз қолиб кетишининг олди олинди.   И.И. Фатожонов - МИБ Сўх туман бўлими давлат ижрочиси

🔷 ЖАМОАТ ХАВФСИЗЛИГИ - ДОИМИЙ ЭЪТИБОРДА   Сўх туманида жамоат хавфсизлигини таъминлаш, ҳуқуқбузарлик ва жиноятчиликнинг олдини олишга қаратилган профилактик ишлар изчил давом этмоқда.   Туман ИИБ ҳузуридаги Қўриқлаш хизмати ходимлари томонидан “Хавфсиз ва соғлом юрт” тадбирлари доирасида маҳаллалар, савдо шохобчалари ҳамда аҳоли гавжум ҳудудларда фуқаролар билан очиқ мулоқот ва тарғибот-тушунтириш ишлари олиб борилмоқда.   Тадбирлар давомида фуқароларга шахсий ва мол-мулк хавфсизлигини таъминлаш, хонадон ва тадбиркорлик объектларини техник қўриқлаш тизимига улаш, шунингдек, сигнализация ва видеокузатув воситаларидан самарали фойдаланиш орқали хавфсизлик чораларини кучайтириш юзасидан зарур тавсиялар берилмоқда.   Шу билан бирга, аҳолининг мурожаатлари тингланиб, жамоат хавфсизлигини янада мустаҳкамлашга доир таклиф ва мулоҳазалар ўрганилмоқда.   Бундай профилактик тадбирлар туманда тинчлик ва осойишталикни сақлаш, ҳуқуқбузарликларнинг барвақт олдини олиш ҳамда аҳоли билан ҳуқуқни муҳофаза қилувчи органлар ўртасидаги ҳамкорликни янада мустаҳкамлашга хизмат қилмоқда.   Сўх тумани ҳокимлиги Ахборот хизмати

📌 ПЕНСИЯ ТАЪМИНОТИ ТИЗИМИДАГИ ЯНГИ ЎЗГАРИШЛАР МАЗМУН-МОҲИЯТИ ТУШУНТИРИЛДИ   Сўх тумани Педагогика техникумида Ўзбекистон Республикаси Президентининг “Аҳоли фаровонлигини таъминлаш ва пенсия таъминоти тизимини ислоҳ қилиш чора-тадбирлари тўғрисида”ги Фармони лойиҳаси мазмун-моҳиятига бағишланган мулоқот бўлиб ўтди.   Тадбирда туман Бюджетдан ташқари пенсия жамғармаси раҳбари Раҳматижон Девонаев иштирок этиб, йиғилганларга Фармон лойиҳасида назарда тутилаётган асосий йўналишлар, пенсия таъминоти тизимини такомиллаштириш, аҳолининг ижтимоий ҳимоясини кучайтириш ҳамда фуқаролар учун қулай ва шаффоф механизмларни жорий этиш борасида тушунтиришлар берди.   Мулоқот давомида пенсия тайинлаш ва тўлаш жараёнларини янада соддалаштириш, замонавий ахборот технологияларидан кенг фойдаланиш, соҳада аҳолига кўрсатилаётган хизматлар сифатини ошириш билан боғлиқ масалаларга ҳам алоҳида эътибор қаратилди.   Шунингдек, иштирокчилар ўзларини қизиқтирган саволларга жавоб олиб, Фармон лойиҳасида белгиланган чора-тадбирлар бўйича батафсил маълумотга эга бўлдилар.   Сўх тумани ҳокимлиги Ахборот хизмати

🏅 СЎХДА ПАРАСПОРТНИ РИВОЖЛАНТИРИШ БЎЙИЧА СЕЛЕКЦИЯ ИШЛАРИ ЎТКАЗИЛДИ   Сўх туманида ногиронлиги бўлган фуқароларни спортга кенг жалб этиш, уларнинг жисмоний имкониятларини ривожлантириш ва спорт соҳасидаги салоҳиятини рўёбга чиқаришга қаратилган амалий ишлар изчил давом этмоқда.   Ижтимоий ҳимоя миллий агентлиги Фарғона вилояти бошқармаси, вилоят Спорт бошқармаси ҳамда Сўх тумани ҳокимлиги ҳамкорлигида туман марказий стадионида параспорт турларини оммалаштириш ва иқтидорли ҳаваскорларни саралаб олиш мақсадида селекция ишлари ташкил этилди.   Тадбир аввалида Ижтимоий ҳимоя миллий агентлиги Фарғона вилояти бошқармаси бошлиғи Саидфаррух Исломов сўзга чиқиб, Сўх туманида 284 нафар параспортчи рўйхатга олинганини таъкидлади. Шунингдек, уларнинг спорт билан мунтазам шуғулланиши, жисмоний имкониятларини янада ошириши ва турли мусобақаларда муносиб иштирок этиши учун зарур шарт-шароитлар яратилаётгани қайд этилди.   Селекция жараёнида иштирокчилар диск улоқтириш, найза улоқтириш, енгил атлетика ва мини-футбол спорт турлари бўйича ўз имкониятларини синаб кўрдилар.   Айниқса, “Жасорат” ампутантлар футбол жамоаси аъзоларининг кўргазмали ўйини иштирокчиларда катта таассурот қолдириб, матонат, ирода ва спортга бўлган интилишнинг ёрқин намунаси бўлди.   Тадбир якунида фаол иштирокчилар муносиб тақдирландилар.   Сўх тумани ҳокимлиги Ахборот хизмати

🔷 СЎХДА “ИЖТИМОИЙ ПРОФИЛАКТИКА ҲАФТАЛИГИ”: АСОСИЙ ЭЪТИБОР - ГИЁҲВАНДЛИККА ҚАРШИ КУРАШГА   Сўх туманида маҳаллаларда тинчлик ва осойишталикни мустаҳкамлаш, ҳуқуқбузарликларни барвақт олдини олиш, айниқса, гиёҳвандлик ва психотроп моддалар билан боғлиқ салбий ҳолатларнинг олдини олиш мақсадида “Ижтимоий профилактика ҳафталиги” доирасида комплекс профилактик тадбирларни ўтказиш режалаштирилди.   21–26 сентябрь кунлари туманда аҳоли, айниқса, ёшлар ўртасида гиёҳвандликнинг зарарли оқибатлари, унинг инсон саломатлиги, оила ва жамиятга етказадиган салбий таъсири ҳақида кенг тарғибот-тушунтириш ишлари олиб борилиши белгиланган.   Ҳафталик доирасида маҳаллаларда: гиёҳвандлик ва бошқа ҳуқуқбузарликларга олиб келиши мумкин бўлган сабаб ва шарт-шароитларни ўрганиш; хавф гуруҳига кирувчи фуқаролар билан манзилли ва якка тартибда профилактик ишлар олиб бориш; ёшлар ўртасида соғлом турмуш тарзини тарғиб қилиш, уларнинг бўш вақтини мазмунли ташкил этиш; ота-оналар, маҳалла фаоллари ва мутасадди ташкилотлар иштирокида тушунтириш ва огоҳлантириш тадбирларини ўтказиш режалаштирилган.   Сўхнинг ўзига хос маҳалла муҳити, қўни-қўшничилик, ўзаро ҳурмат ва ҳамжиҳатлик анъаналаридан самарали фойдаланган ҳолда, айниқса, ёшларни зарарли иллатлардан асрашга қаратилган профилактик чораларга устувор аҳамият берилади.   Асосий мақсад - гиёҳвандликка қарши муросасиз муҳитни шакллантириш, ёшларни зарарли одатлардан ҳимоя қилиш, соғлом турмуш тарзини қарор топтириш ҳамда маҳаллаларда тинч ва хавфсиз муҳитни таъминлаш.   Сўх тумани ҳокимлиги Ахборот хизмати

📌 СЎХДА ИЖТИМОИЙ ҲИМОЯГА ОИД МУРОЖААТЛАР ЎРГАНИЛДИ   Сўх туманида Ижтимоий ҳимоя миллий агентлиги бошқармаси раҳбариятининг навбатдаги сайёр қабули ўтказилди.   Қабул давомида 22 нафар фуқаронинг мурожаати тингланиб, уларда кўтарилган масалалар юзасидан тегишли тушунтириш ва амалий ёрдамлар кўрсатилди.   Мурожаатларни кўриб чиқиш натижасида: 7 та мурожаат жойида ижобий ҳал этилди; 11 нафар фуқарога ҳуқуқий тушунтиришлар берилди; қўшимча ўрганиш ва амалий чора кўришни талаб этадиган 4 та мурожаат назоратга олинди.   Бундай сайёр қабуллар аҳолининг муаммоларини жойида ўрганиш, мурожаатларга тезкор ва манзилли ечим топиш, шунингдек, ижтимоий ҳимояга муҳтож фуқароларга амалий кўмак кўрсатишда муҳим аҳамият касб этмоқда.   Сўх тумани ҳокимлиги Ахборот хизмати

Prezident Shavkat Mirziyoyev Rossiya Federatsiyasi Prezidenti Vladimir Putinga maktub yo‘llab, Rossiya Federatsiyasi Federal Majlisi Davlat Dumasiga saylovlar muvaffaqiyatli o‘tkazilgani bilan samimiy tabrikladi. Davlatimiz rahbari bo‘lib o‘tgan saylovlar Rossiya jamiyatining yuksak siyosiy madaniyati va fuqarolik hamjihatligini yana bir bor yaqqol namoyon etganini ta’kidladi. Saylovchilarning rekord darajadagi ishtiroki va ovoz berish natijalari Rossiya fuqarolari Prezident Vladimir Putin rahbarligida mamlakatni ijtimoiy-iqtisodiy rivojlantirishni davom ettirish va milliy manfaatlarni himoya qilishga qaratilgan strategik yo‘nalishga yuksak ishonch bildirayotgani hamda uni so‘zsiz qo‘llab-quvvatlayotganidan dalolat berishi qayd etildi. O‘zbekiston Prezidenti ikki mamlakat o‘rtasidagi keng qamrovli strategik sheriklik va ittifoqchilik munosabatlari misli ko‘rilmagan sur’atlarda rivojlanayotganini katta mamnuniyat bilan ta’kidladi. Ko‘p qirrali aloqalarimizda alohida o‘rin tutadigan parlamentlararo hamkorlik bundan buyon ham ikki tomonlama loyiha va dasturlarning muvaffaqiyatli amalga oshirilishiga xizmat qilishi qayd etildi. Birgalikdagi sa’y-harakatlar orqali O‘zbekiston – Rossiya hamkorligini har tomonlama rivojlantirishga kuchli sur’at bag‘ishlash, uni mamlakatlarimiz ravnaqi va xalqlarimiz farovonligi yo‘lida yangi tashabbuslar bilan boyitishga ishonch bildirildi. Yakunda Prezident Shavkat Mirziyoyev Prezident Vladimir Putinga mustahkam sog‘lik va davlatchilik faoliyatida yangi muvaffaqiyatlar, do‘st Rossiya xalqiga esa tinchlik, farovonlik va taraqqiyot tiladi. — Президент Шавкат Мирзиёев направил письмо Президенту Российской Федерации Владимиру Путину, в котором сердечно поздравил его с успешным проведением выборов в Государственную Думу Федерального Собрания Российской Федерации. Глава нашего государства отметил, что прошедшие выборы вновь наглядно продемонстрировали высокую политическую культуру и гражданскую консолидацию российского общества. Рекордная явка и результаты голосования названы свидетельством высокого доверия и безусловной поддержки гражданами России реализуемого под руководством Президента Владимира Путина стратегического курса, направленного на продолжение социально-экономического развития страны и защиту национальных интересов. Президент Узбекистана с глубоким удовлетворением отметил беспрецедентно высокую динамику отношений всеобъемлющего стратегического партнерства и союзничества между двумя странами. Подчеркнуто, что межпарламентское взаимодействие, занимающее особое место в многоплановых связях, будет и далее способствовать успешной реализации двусторонних проектов и программ. Выражена уверенность, что совместными усилиями удастся придать мощный импульс всестороннему узбекско-российскому сотрудничеству, наполнить его новыми инициативами во имя процветания стран и благополучия народов. В завершение Президент Шавкат Мирзиёев пожелал Президенту Владимиру Путину крепкого здоровья и новых успехов в государственной деятельности, а дружественному народу России – мира, благополучия и прогресса. Facebook|Instagram|X

Haftaning eng muhim voqealari sharhi: Prezident Shavkat Mirziyoyevning Koreya Respublikasiga davlat tashrifi sermahsul muzokaralar va muhim kelishuvlarga boy bo‘ldi. “Markaziy Osiyo – Koreya Respublikasi” sammitida davlatimiz rahbari muhim tashabbuslarni ilgari surdi. Qoraqalpog‘istonga tashrif davomida hududni rivojlantirish, investitsiyalarni ko‘paytirish va yangi ish o‘rinlari yaratish bo‘yicha yangi imkoniyatlar belgilandi. — Hápteniń eń áhmiyetli waqıyalarına sholıw: Prezident Shavkat Mirziyoyevtiń Koreya Respublikasına mámleketlik saparı nátiyjeli sóylesiwler hám áhmiyetli kelisimlerge bay boldı. “Oraylıq Aziya – Koreya Respublikası” sammitinde mámleketimiz basshısı áhmiyetli baslamalardı ilgeri súrdi. Qaraqalpaqstanǵa sapar dawamında aymaqtı rawajlandırıw, investiciyalardı kóbeytiw hám jańa jumıs orınların jaratıw boyınsha jańa imkaniyatlar belgilendi. — Обзор важнейших событий за неделю: Государственный визит Президента Шавката Мирзиёева в Республику Корея был насыщен содержательными переговорами и важными договоренностями. На саммите «Центральная Азия – Республика Корея» глава государства выдвинул важные инициативы. В ходе поездки в Каракалпакстан были определены новые возможности для развития региона, привлечения инвестиций и создания рабочих мест. — Weekly review of the most important events: President Shavkat Mirziyoyev state visit to the Republic of Korea was marked by substantive talks and important agreements. At the “Central Asia – Republic of Korea” summit, the Head of State put forward important initiatives. During the visit to Karakalpakstan, new opportunities for the region’s development, investment attraction and job creation were identified. Facebook|Instagram|X

#Xushxabar Farg‘onaliklar “Yashillik va tozalik kubogi” respublika tanlovi g‘olibi bo‘ldi 🏆🌿 “Eko-madaniyat” umummilliy loyihasi doirasida Toshkentdagi “Yangi O‘zbekiston” bog‘ida “Yoshlar va ekologiya” xalqaro yugurish marafoni, “Ekologiya va velosport” musobaqasi hamda “Yashillik va tozalik kubogi” respublika tanlovining taqdirlash tadbirlari tashkil etildi. Unda Maktabgacha va maktab ta’limi vaziri o‘rinbosari Farhod Boqiyev, Ekologiya va iqlim o‘zgarishi milliy qo‘mitasi raisining o‘rinbosari Iskandar Qutbiddinov ishtirok etib, barcha qatnashchilarni samimiy tabriklashdi. Yakuniy natijalarga ko‘ra, 🥇1-o‘ringa O‘zbekiston tumanidagi 49-umumta’lim maktabi jamoasi, 2-o‘ringa Samarqand shahridagi 9-maktab jamoasi va 3-o‘ringa Koson tumanidagi 33-maktab jamoasi loyiq deb topildi. Gʻolib va sovrindor jamoalar tashkilotchilar tomonidan ta’sis etilgan qimmatbaho sovg‘alar bilan taqdirlandi. 🎁 Ma’lumot o‘rnida, mazkur tanlov joriy yilning iyun-avgust oylarida maktab o‘quvchilari o‘rtasida o‘tkazilgan edi. Fergana.gov.uz|Facebook|Instagram|Youtube|X

#Chorvachilik Xitoydan 121 bosh naslli qoramol olib kelindi Viloyatimizda chorvachilik tarmog‘ini rivojlantirish, naslli qoramollar sonini ko‘paytirish va chorvachilik mahsulotlari yetishtirish hajmini oshirish borasida amaliy ishlar izchil davom etmoqda. Xususan, Quva tumanidagi «Barhayot Abdulla xoji» MChJ tomonidan Xitoy Xalq Respublikasidan 121 bosh naslli qoramol olib kelindi. Viloyat Veterinariya va chorvachilikni rivojlantirish boshqarmasi ma’lumotlariga ko‘ra, joriy yilda viloyatga xorijdan 51 ming 200 boshdan ziyod naslli qoramol hamda 62 ming 210 bosh nasldor qo‘y olib kelish rejalashtirilgan. Ayni kunga qadar reja doirasida 15 ming 300 ga yaqin naslli qoramol va 10 ming 200 ga yaqin nasldor qo‘y viloyatga olib kelindi. Naslchilik bazasini mustahkamlash, chorva hayvonlarining mahsuldorligini oshirish va zamonaviy chorvachilik xo‘jaliklarini ko‘paytirishga qaratilgan ishlar tizimli ravishda davom ettirilmoqda. Fergana.gov.uz|Facebook|Instagram|Youtube|X