Sputnik Արմենիա

Էներգահամակարգերը Թուրքիայի էներգետիկ համակարգին միացնելու քայլերն է Մեսրոպ Մեսրոպյանը էննարկել Ադրբեջանի ներկայացուցչի և CEER-ի ղեկավարի հետ Թբիլիսիում անցկացվող Էներգետիկայի կարգավորման 9-րդ համաշխարհային ֆորումի (WFER IX) շրջանակում ՀՀ հանրային ծառայությունները կարգավորող հանձնաժողովի նախագահը հանդիպել է Եվրոպական էներգետիկ կարգավորողների խորհրդի (CEER) նախագահ Պեդրո Վերդելյոյի, Վրաստանի էներգետիկայի և ջրամատակարարման կարգավորող ազգային հանձնաժողովի նախագահ Դավիթ Նարմանիայի և Ադրբեջանի էներգետիկայի կարգավորող գործակալության խորհրդի նախագահ Սամիր Ախոնդովի հետ։ @ArmeniaSputnik

Կապանում Իրանի նորանշանակ հյուպատոս Դավուդ Յայեջիին արդեն ստանձնել է պաշտոնը Յայեջին բազմամյա դիվանագիտական փորձ ունի։ Նա դիվանագիտական առաքելություններ է ունեցել Ուզբեկստանում, Ադրբեջանում, Տաջիկստանում, ՌԴ–ում և Չինաստանում։ @ArmeniaSputnik

Լավրովի և Ռուբիոյի բանակցություններն ավարտվել են Նյու Յորքում․ դրանք տևել են մոտ մեկ ժամ։ @ArmeniaSputnik

❗️Կանդազն ազատության մեջ է @ArmeniaSputnik

🇷🇺🇺🇸Նյու Յորքում մեկնարկել են Լավրովի և Ռուբիոյի բանակցությունները ՌԴ ԱԳ նախարարի և ԱՄՆ պետքարտուղարի հանդիպումը սկսվել է առանց մամուլի համար հայտարարությունների և շարունակվել փակ ձևաչափով։ @ArmeniaSputnik

Գերհյուծված 90-ամյա արմավիրցի ծերունին վճարովի կենտրոնում է 90-ամյա Համլետ Սարգսյանը, որին 59–ամյա որդու հետ հայտնաբերել էին Արմավիրի մարզի կիսակառույց շենքերից մեկի նկուղում` գերհյուծված վիճակում, այժմ Երևանի մասնավոր խնամքի կենտրոններից մեկում է։ @ArmeniaSputnik–ի հետ զրույցում ասաց Գյումրու «Հանուն ձեր ապագայի» ՀԿ համահիմնադիր Արկադի Կիրակոսյանը։ «Ուժեղ Հայաստան» կուսակցությունը նրա մնալու 2 կամ 3 ամսվա գումարը վճարել է։ Սեպտեմբերի 12–ին 59–ամյա որդին` Հակոբ Սարգսյանը, մահացել էր։ Նրա խոսքով՝ ըստ հավաստի տեղեկությունների, ընտանիքը սոցիալապես ծանր վիճակում է հայտնվել որդու խաղամոլության, հարբեցողության, կուտակած պարտքերի և ունեցվածքի կորստի հետևանքով։ Հայր ու որդի ստիպված են եղել դիմել փախուստի ու մայիսից թաքնվել այդ նկուղում։ @ArmeniaSputnik

ԱՄՆ նախագահը շնորհավորական ուղերձ է հղել ՀՀ վարչապետին` ՀՀ Անկախության 35-ամյակի առիթով ԱՄՆ նախագահը վստահություն է հայտնել, թե Փաշինյանի «նվիրումը խաղաղությանը հսկայական հնարավորություններ կստեղծի Հայաստանի, Միացյալ Նահանգների և տարածաշրջանի համար»։ 📎Հավելենք, որ Անկախության օրը ՀՀ–ում նշվել է 2 օր առաջ` սեպտեմբերի 21–ին։ @ArmeniaSputnik

Վերաքննիչ դատարանի որոշումը կվիճարկվի ընդհուպ ՄԻԵԴ-ում, գրել է Աշխեն Ալեքսանյանի պաշտպան Զորայր Հովհաննիսյանը։ Փաստաբանի մոտ մտահոգություն է առաջացրել այն հանգամանքը, որ նման ծանր մեղադրանքով գործի քննությունն իրականացվել է գրավոր ընթացակարգով՝ առանց բանավոր փաստարկներ լսելու։ @ArmeniaSputnik

Խաղաղության պայմանագրի նախագծում իրավական պաշտպանության մեխանիզմ չկա. Արա Ղազարյանը` արցախցիների գույքային իրավունքների մասին Միջազգային իրավունքի մասնագետ, փաստաբան Արա Ղազարյանը «Արցախահայերի սոցիալ–տնտեսական, իրավական խնդիրները և լուծումներ» թեմայով ընդլայնված քննարկմանը ասաց, որ ամեն օր հանդիպում են 5–6 արցախցի ընտանիքների հետ, վերցնում նրանցից ապացույցներ և ուղարկում ՄԻԵԴ։ Մարդիկ իսկապես ուզում են տեր կանգնեն իրենց իրավունքին։

«Մենք անցյալ տարի ներկայացրել ենք 657 դիմում հենց գույքային իրավունքով։ Քանի դեռ խաղաղության պայմանագիրը չի առաջարկում իրավական պաշտպանության մեխանիզմ, միջազգային տրիբունալներն իրենց դռները բաց են պահելու։ Սա շատ կարևոր է և արցախցիների գույքային իրավունքների, և ՀՀ համար` 1-2 տասնամյակ հետո` քաղաքական նկատառումներով»,– ընդգծեց փաստաբանը։

@ArmeniaSputnik

Սերտիֆիկատ ստացած 8000 արցախցիներից 4000–ն է օգտվել բնակարանային ծրագրից. Գեղամ Ստեփանյան «Դա նշանակում է, որ մարդիկ վերցնում են, բայց չեն կարողանում իրացնել այդ սերտիֆիկատները` այդ պայմաններին համապատասխան ու համարժեք չեն կարողանում գտնել բնակարան։ Պետության կողմից տրվող չնչին այն աջակցությունը, որ տրվում է բնակարանների վարձավճարների համար, որևէ կերպ չի համապատասխանում արցախցիների կարիքներին»,– ընդգծեց նա։ @ArmeniaSputnik

TRIPP նախագիծը դեռևս հում է, իսկ Ռուսաստանը շարունակում է հետաքրքրված լինել Հարավային Կովկասում տրանսպորտային ներկայությամբ․ քաղաքագետ Խոսքը նաև երկաթուղային տրանսպորտի մասին է, APRI Forum 2026-ի շրջանակում @ArmeniaSputnik-ին ասել է քաղաքագետ, միջազգային հարաբերությունների փորձագետ, Ռուսաստանի միջազգային հարաբերությունների խորհրդի անդամ Անդրեյ Կորտունովը։ «Մենք հասկանում ենք, որ այստեղ Հայաստանի համար բազմաթիվ խնդիրներ են առաջանում՝ կապված, մասնավորապես, Եվրամիության երկրների դիրքորոշման և Ռուսաստանի նկատմամբ գործող պատժամիջոցների ռեժիմի հետ։ Իհարկե, Բրյուսելը ցանկություն չունի այս հարցում համագործակցելու Մոսկվայի հետ։ Ուստի այստեղ շատ բան կախված կլինի նրանից, թե որքանով հայկական դիվանագիտությանը կհաջողվի փոխադարձ ընդունելի որևէ փոխզիջում գտնել, որպեսզի բոլոր մասնակիցների շահերը այս կամ այն կերպ հաշվի առնվեն»։ @ArmeniaSputnik

ՔՊ-ականները լքեցին արցախցիները թեմայով քննարկումը Արցախի ՄԻՊ Գեղամ Ստեփանյանի ելույթից հետո ԱԺ աշխատանքի և բարեկեցության հարցերի մշտական հանձնաժողովի փոխնախագահ, ՔՊ–ական Մարիամ Պողոսյանը հայտարարեց, որ իրենք եկել էին քննարկելու սոցիալական խնդիրները։

«Այս հանդիպումը կարծես թե դարձել է միջխորհրդարանական հանդիպում, ինչ–որ պաշտոնների անուններ են հնչում, իսկ մենք բազմիցս ասել ենք, որ ՀՀ–ում չի կարող լինել 2 խորհրդարան, 2 կառավարություն, մենք ստիպված լքում ենք այս քննարկումը»,–ասաց նա։

Գեղամ Ստեփանյանն արձագանքեց, թե հույս ունի գոնե օնլայն կհետևեն իրենց քննարկմանը։ @ArmeniaSputnik

Արցախցիների շրջանում աղքատության մակարդակը 60–70 % է, պետական քաղաքականությունը բավարար ու արդյունավետ չէ. Արտակ Բեգլարյան Արցախցիներին զրկելով ՀՀ քաղաքացիությունից և տալով սովորական փախստականի կարգավիճակ` բազմաթիվ խնդիրների առաջ ենք կանգնեցրին, ԱԺ-ում «Արցախահայերի սոցիալ-տնտեսական, իրավական խնդիրները և լուծումներ» թեմայով ընդլայնված քննարկմանն ասաց Արցախի նախկին մարդու իրավունքների պաշտպան, նախկին պետնախարար Արտակ Բեգլարյանը։

«Կարծում եմ, որ լուծումն ուղղակի պետք է լիներ այն, որ մենք մնում ենք ՀՀ քաղաքացի, համապատասխան փոփոխություն է կատարվում օրենսդրական կարգավորումների մեջ, և կոնկրետ կարգավիճակ է տրվում բռնի տեղահանված անձանց, որոնք կարող են լինել քաղաքացի, սակայն ներքին տեղահանված չեն»,–ասաց նա։

@ArmeniaSputnik

Պատվաստումային շարժական կետերն են գործում Երևանի տարբեր հասցեներում` Վերնիսաժի, Հանրապետության հրապարակի հարևանությամբ, Գայի արձանի մոտ, Գարեգին Նժդեհի հրապարակում, Մերգելյանում, Աջափնյակ վարչական շրջանում՝ «Kiser» սուպերմարկետի մոտ: Դավիթաշենում՝ «Yerevan city» սուպերմակետի մոտ, Օպերայում և «Դալմա մոլի» մոտ: Այս կետերում հնարավոր է պատվաստվել ինչպես սեզոնային գրիպի, այնպես էլ կորոնավիրուսային հիվանդության, մարդու պապիլոմավիրուսային վարակի, կարմրուկի, կարմրախտի, խոզուկի (ԿԿԽ) դեմ: Շարժական կետերը գործելու են մինչև դեկտեմբերի 4-ը։ @ArmeniaSputnik

Պետական դավաճանության մեղադրանքով քրգործն ուղարկվել է նոր քննության. Վերաքննիչ դատարանը բավարարել է դատախազի բողոքը Դատախազը հանրային քրեական հետապնդում էր հարուցել անձի նկատմամբ պետական դավաճանության հոդվածով, իսկ Առաջին ատյանի քրեական դատարանը 2026 թվականի ապրիլի 20-ին մեղադրյալի արարքը վերաորակել էր պաշտոնատար անձի կողմից իշխանական կամ ծառայողական լիազորություններն ի վնաս պետական կամ ծառայողական շահերի օգտագործելը։ @ArmeniaSputnik–ի տվյալներով` խոսքը Աշխեն Ալեքսանյանի մասին է, ով ԱԳՆ նախկին աշխատակից է։

ՀՀ ՆԳՆ ուսհաստատությունում (ոստիկանություն, փրկարար ծառայություն) կարող է սովորել նաև պարտադիր զինվորական ծառայություն չանցած, 18 տարին լրացած քաղաքացին. նախագիծ Այն հանային քննարկման է դրված Իրավական ակտերի նախագծերի հրապարակման միասնական կայքում մինչև հոկտեմբերի 3-ը։ @ArmeniaSputnik

Ձերբակալվել է մի մոսկվացի, որը մտադիր էր պայթեցնել ՌԴ բարձրաստիճան պաշտոնյայի ավտոմեքենան ՌԴ ԱԴԾ-ի տվյալներով՝ նա համացանցում ուսումնասիրել է ինքնաշեն պայթուցիկ սարք պատրաստելու եղանակները և ձեռք է բերել անհրաժեշտ բաղադրիչները։ @ArmeniaSputnik

Ներմուծման ՌԴ սահմանափակումները կզսպեն ՀՀ տնտեսական աճը. ԱԶԲ հետազոտություն ✔️Ասիական զարգացման բանկը (ԱԶԲ) հուլիսի համար Հայաստանի տնտեսության աճի իր կանխատեսումը 5,5%–ից նվազեցրել է մինչև 5%, 2027 թվականին՝ 5,7%–ից մինչև 5,5%: ✔️Այս տարվա միջին տարեկան գնաճի մակարդակը Հայաստանի համար բանկը կանխատեսել է 4,2%, հաջորդ տարվա համար՝ 3,5% մակարդակ: ✔️ՀՀ–ում ներդրումների ընդհանուր աճը 2026 թվականի առաջին կիսամյակում կտրուկ դանդաղել է մինչև 0,4%: ✔️ՀՀ–ում ծառայությունների գներն աճել են 2.6%–ով, իսկ մյուս ապրանքներինը՝ 1.6%–ով: ✔️2026 թվականի առաջին կիսամյակում ՀՀ բյուջեի եկամուտներն աճել են 14,7%–ով, քանի որ տնտեսությունը շարունակել է մեծացնել հարկերի հավաքագրումը, իսկ ընթացիկ ծախսերն աճել են 7,0%–ով՝ կենսաթոշակների, սոցիալական նպաստների և առողջապահության ծախսերի ավելացման միջոցով։ @ArmeniaSputnik

Ձերբակալվել են օրենքով գողեր «Զապն» ու «Օշականցի Գևորիկը» ՆԳՆ-ն հայտնում է, որ «օրենքով գող», Գյումրիում հաշվառված 58-ամյա տղամարդը, տեղեկանալով, որ նախկին փեսան վիճաբանել է դստեր հետ, սեպտեմբերի 21-ին դիմել է մեկ այլ «օրենքով գող» Օշականի 56-ամյա բնակչին՝ նախկին փեսային պատժելու համար։ Նույն օրը ժամը 02:40-ի սահմաններում, Օշականի 56-ամյա բնակիչը մի խումբ անձանց հետ այցելել է Երևանի Հրաչյա Ներսիսյան փողոց, որտեղ վիճաբանել են «օրենքով գողի» նախկին փեսայի ու նրա հետ գտնվող մի խումբ անձանց հետ։ Դրանից հետո «օրենքով գողի» նախկին փեսան իր նախկին աներոջից հաշվեհարդար լինելու համար, մի խումբ անձանց հետ գնացել է Երևանի հյուրանոցներից մեկը, սակայն՝ իր կամքից անկախ հանգամանքներում, հանցագործությունն ավարտին չի հասցրել։ Ըստ ԶԼՄ-ների՝ խոսքը «Զապ»-ի (Անդրանիկ Սողոյան) և «Օշականցի Գևորիկի» (Գևորգ Մելիքյան) մասին է։ @ArmeniaSputnik

Փաշինյանի արտաքին քաղաքական ակտիվության նպատակը իշխանությունը պահպանելու հնարավորություններ գտնելն է, ասուլիսի ժամանակ հայտարարեց Քրիստինե Վարդանյանը

«Մեր հաշվին, հայկական շահի հաշվին իշխանությունը պահպանելու հնարավորություններ է փնտրում։ Դրա համար էլ որևէ խոչընդոտ չունի տարբեր մայրաքաղաքներում տալ իրարից 180 աստիճան տարբերվող խոստումներ, որոնց գինը հետո մենք ենք վճարում»,– ասաց ԱԺ «Հայաստան» խմբակցության պատգամավոր։

Որպես օրինակ Վարդանյանը մատնանշեց իշխանության՝ Ռուսաստանի վերաբերյալ հրապարակային ուղերձները։ Նրա խոսքով՝ եվրոպական հարթակներում հնչում են Ռուսաստանի հետ կապված սպառնալիքների մասին հայտարարություններ, մինչդեռ Մոսկվայում շեշտադրվում են երկու երկրների բարեկամական հարաբերությունները։

«Հիմա Ռուսաստանը մեր դեմ հիբրիդային պատերա՞զմ է մղում, թե՞ մենք ամենալավ հարաբերություններն ունենք Ռուսաստանի հետ։ Ռուսաստանը սպառնալի՞ք է, թե՞ բարեկամ է, մի հատ կարո՞ղ եք կողմնորոշվել։ Չի կարող Բրյուսելում սպառնալիք լինել, Մոսկվա գնա՝ բարեկամ դառնա, այդպես չի աշխատում»,– ընդգծեց Վարդանյանը։

@ArmeniaSputnik