سئچیلمیش شعرلر
ادمین @saharxiyavi بو آخاقدا، سئودیگیم ادبی اثرلری پایلاشیرام.
إظهار المزيدجاري تحميل البيانات...
Find out who reads your channel
This graph will show you who besides your subscribers reads your channel and learn about other sources of traffic.المشاركات | المشاهدات | الأسهم | ديناميات المشاهدات |
01 کؤسمه طبیعتین شیلتاقلیغندان
دومان بو داغلاردان گئتمیر گئتمسین
توپراق یانیمیزدا سو یانیمیزدا
الیمیز بیر یانا یئتمیر یئتمسین
جانا درد ائیلمه چنی دومانی
نه آهی یاخین قوی نه ده آمانی
من سازی گؤتوروم هابیل کامانی
بولبول اؤزو بیلر اؤتمور اؤتمسین
اگر آغیل وارسا باشین ایچینده
دیلکلر گؤل آچار داشین ایچینده
زلیمخان یاز تاپار قیشین ایچینده
تک آرزو توکه نیب عؤمور بیتمسین
#زلیمخان_یعقوب
@qanadli_duyqular
https://t.me/secilmiseirler | 26 | 1 | Loading... |
02 اوْلان اوْلوب، کئچدی دئییب،
سنی یئنه باغیشلادیم
سنی سئودیم بیرجه کره
دؤنه-دؤنه باغیشلادیم
باغیشلادیم سنی یئنه
باغیشلادیم دؤنه-دؤنه
سنی تانری وئرن گونه
سئون گونه باغیشلادیم
بیر یئرلرده کئچدیییمیز
دیللندی او جیغیر او ایز
بیر یئرده آند ایچدیییمیز
آیا-ایله باغیشلادیم
دوغما عزیز بیر کوچهیه
سنسیز اؤتن هر گئجهیه
بوینو بوکوک بیر چیچهیه
سولان گوله باغیشلادیم
بو دونیادا اونو بیل کی
سن عشقیمین سونو، ایلکی
سندن باشقا کیمیم وار کی؟
سنی، سنه باغیشلادیم
سنی، سنه باغیشلادیم...
#بابا_وزیراوغلو
@qanadli_duyqular
https://t.me/secilmiseirler | 32 | 1 | Loading... |
03 ✍ «دونیانین دادی قالماییب»
یئنه هر یئر قارانلیقدی
گونشین چیراغی سؤنوب
ندن آیدین گوندوزوموز
قارانلیق گئجهیه دؤنوب؟!
گؤیده نه اولدوز وار نه آی
یئرده قاپیلار تای با تای
کوچهلرده ایت اولاییر
نه سارایچی وار نه سارای
چایلارین دوداغی قورو
دنیزلردن توز قاوزانیر
کور شیطانین اوزون الی
یئردن گؤیلره اوزانیر
داغلارین بئلی بوکولوب
اورمانلار یئره تؤکولوب
اولو بابالاردان قالان
ایزلر، قالیقلار سؤکولوب!
یئرده هر زاد ترسه گئدیر
یوللار اؤزونو ایتیریر
بؤرک گتیرمهیه گئدنلر
بؤرک یئرینه باش گتیریر!
ایچیم بولود، ایچیم دومان
من ده یاغیشا دؤنورم
قیشدا بیر قار آدامینا
یازدا بیر قوشا دؤنورم
گؤی قانادلی قارتاللارین
سینیب، قانادی قالماییب
یئرده سیزین، گؤیده سیزین
دونیانین دادی قالماییب!
#میرحسین_دلداربناب
۱۴۰۳/۰۳/۲۴
https://t.me/secilmiseirler | 70 | 4 | Loading... |
04 محمد_رضا_لوایی
آخشام ساعت آلتی خاقانی پارکی
"بیر آزدان گلیرم، دایان!" -دئمیشدین:
او سؤزه دایاندیم اون سککیز ایل من
حال بو کی سن بیر آز یالان دئمیشدین... .
https://t.me/Adabiyyatsevanlar | 58 | 0 | Loading... |
05 https://t.me/secilmiseirler | 100 | 2 | Loading... |
06 گئدیر شهریمیزین قاطاری سنسیز
بوینوما ساریلان قوللارا حسرت
سوسور آراز آراز جان تاری سنسیز
آرخانجا باخدیغیم یوللارا حسرت
دمیر یوللارینین پاخیر سوروسو
آردینجا هویوخان ناخیر سوروسو
ایپک تارلامیزین چوخور سوروسو
تورپاق گیله سینده کوللارا حسرت
بیر ائلی ایکی یه آییران قاطار.
آدین کؤنوللرین قه هرینده وار
سینیق قلبیمیزین کؤرپوسو،نه دار!
بونیسگیل بو اؤزلم ائللره حسرت
ساحیلدیر، ساحیله حسرت له باخیر
گئدیرسن گؤزلریم اؤزلهت له باخیر
بیر تانیش اورهیی مین دردله باخیر
او دوغما باخیشدا دیللره حسرت
گئدیر شهریمیزین قاطاری یئنه
سنسیز دوراقلاری بورونوب چنه
آردینجا سوروشهن کؤرپهلرینه
توللانان چؤرهکده باللارا حسرت
داریخما«آلتای»ییم قووور یوللاری
داشار آراز یئنه عؤمور یوللاری
چاتار بیر- بیرینه دمیر یوللاری
او گونو چاغلایان سئللره حسرت
#سعید_سولطانی_آلتایhttps://t.me/secilmiseirler
https://t.me/SANSIZDUNYAM
https://t.me/secilmiseirler | 95 | 1 | Loading... |
07 یئنه بیر بیت غزل گؤزلرینه پای وئردیم
بو داریسقال هاوادا باااخ هایینا های وئردیم
آل یاشیل سؤزلرینه ماوی دنیز قاتدیقجا
اولدوزون تویلوغونا اینجی دوزوب آی وئردیم
پلمهلی کؤوشهنیمیز گول چیچک آچسین بلکه
قار بوران فصلینه آخشام چاغیلیق یای وئردیم
خونجالانمیش یاراواردیر غزلین قوینوندا
مین چیچک شعریمی گؤی گؤزلرینه تای وئردیم
بئله یالقیز بوراخیب کؤنلومو سنسیزلیکلر
داملا داملا جانایا آاااخ داشیدیم وای وئردیم
#جانای
Yenə bir beyt ğəzəl gözlərinə pay verdim
Bu darısqal havada bax hayına hay verdim
Al yaşıl sözlərinə mavi dəniz qatdıqc
Ulduzun toyluğuna inci düzüb ay verdim
Pəlməli kövşənimiz gül çiçək açsın bəlkə
Qar boran fəslinə axşam çağılıq yay verdim
Xonçalanmış yara vardır ğəzəlin qoynunda
Min çiçək şerimi göy gözlərinə tay verdim
Belə yalgız buraxıb könlümü sənsizliklər
Damla damla Canaya ax daşıdım vay verdim.
Canay
🥀🥀🥀🥀🥀
https://t.me/secilmiseirler | 87 | 2 | Loading... |
08 سن خیانتکارسان، وفاسیزسان سن،
چیخ گئت قلب ائویمدن، ایزین قالماسین!
سنی سئومهییمه اوتانیرام من،
ائله چیخ قاپیدان، گؤرن اولماسین!
گرَکسیز بیر اشیا اولدو اورهیین،
آلتیندان دئشیلمیش سوقابی کیمی.
اوغلان آدلارییلا دولدو اورهیین،
گینئسین رئکوردلار کیتابی کیمی...
#فردوسی_رسول
https://t.me/adabiiyatfenomenlari
https://t.me/secilmiseirler | 116 | 2 | Loading... |
09 گؤزلدير
گؤزلرين چاغلایان سئوگی دنیزی
گؤره نين آچیلیر بتی،بنیزی
قالخیز کیپرییینی گولسون دان اوزو
آغ،قارا اوستوندن هاله گؤزلدير
سحرين شئهينده گز آیاق یالین
مِئه اسسین چیینینه سوروشسون شالین
آیری لذذتی وار یاشیل لا آلین
زمی لر ایچینده لاله گؤزلدير
چکمزسن قهرینی وارین،یوخون سن
شیرین بیر نغمه سن اگر اوخونسان
دؤنوب قیزیل اولار داشا توخونسان
سنه سایه سالان طالع گؤزلدير
حسرت دنيزينين آداسی منم
سن عشقين اؤزوسن،صداسی منم
قارا گؤزلرينين قاداسی منه
گؤزلدن گله جک بلا گؤزلدير
يار اولا درد بيله،يار اولاندا دا
يولونا گؤز تيكسين يورولاندا دا
ائله سينه وورول وورولاندا دا
دئسينلر آی"ممد"اعلا گؤزلدير
#ممد_اسماعيل
https://t.me/SANSIZDUNYAM
https://t.me/secilmiseirler | 108 | 3 | Loading... |
10 به مادرم گفتم
من در کدام بعدِ حیات ؛ سرگردان ام؟
که در اسکله ی بنادرِ متروک
برخلافِ آبها و بادها رفتار می کنم.
خندید وگفت
چون درخودزنیِ خاک و سلطنتِ سرما!
چشم بر جهانِ سراسر ستم گشودی.
هرکس به دیدار تو آمد
با خودش شعر و گریه آورد.
چون نشانه یِ تو را از دودی گرفته بودند
که از کله ات می پرید.!
به خواهرم گفتم
چرا وقتی به دیدارت آمدم
گریستی.
لب اش لرزید وگفت
چون همیشه رفته ای.
وباز رفته ای و باز رفته ای
ورسیده ای به نقطه ی ابتدایِ سرگردانی!
مثلا!
درکودکی مادرم گفت
مگر خدامراقبِ دلِ بی قرار سیاوش نبود
پس چرا حوصله یِ سوالات اش را نداشت.؟
در شش سالگی دست اش را در دستِ معلم عبوس گذاشت و خود
عازِم جبهه ی جنوب شد.
در هفت سالگی گریان به مدرسه رفتی
رفتی و رفتی و رفتی و رسیدی
به تابوتِ عمویِ شهیدت.
به عبدالله صمدیان گفتم
با این همه جراحت
شهید نمی شوم چرا؟
آهی کشید وگفت نمی دانم
با این همه
نگاهِ زیبایش بوی ویرانی می داد
#سیاوش_اکبری
https://t.me/secilmiseirler | 95 | 1 | Loading... |
11 یوزومو قارداش!
نه شاعیر دئییلم نه ده یازیچی
شعره بَنزه دیرم سؤزومو قارداش!
وطنین حسرتی،ائلین حسرتی
آلیبدیر الیمدن دؤزومو قارداش!
زامان باشیمیزی یامان قاتیبدی
باختیمیزلا ایقبالیمیز یاتیبدی
عؤمور گئدیر کاروانینی چاتیبدی
داها باغلاییرام گؤزومو قارداش!
قورخورام سؤزلریم کیمسه یه ده یر
گئتدیکجه طالعیم ترسینه اَیر
داها سؤزلریمه وئرمیرلر ده یر
اَللییه ساتیرام یوزومو قارداش!
نه بیلیم بلکه ده اؤزومده گوناه
بلکه ده یازدیغیم سؤزومده گوناه
تانرینین یازدیغی یازیمدا گوناه
او ترسه یازیبدیر یازیمی قارداش!
هر یئتن اوستومه قیلینجین چکیر
قضانین قَهَرین قلبیمه تؤکور
فلک فیریلداغین باشیمدا اَکیر
یالانا دؤنده ریر دوزومو قاراداش!
نه طالع دیر منه یازیبدیر فلک؟!
باشیمدا اَکیبدیر مین جوره کلَک
بو شیطان دونوندا گئیینن ملَک
قارا ائیله ییبدیر اوزومو قارداش!
چکیلیب سینه مه دویونلو داغلار
قارایا گئیینر باغچالار،باغلار
گؤردوز کی یوخ اولدو بو"ممد آغلار"
اوندا ایزله یرسیز ایزیمی قارداش!
#چاپار_محمدپور_ممد_آغلار
https://t.me/SANSIZDUNYAM
https://t.me/secilmiseirler | 90 | 1 | Loading... |
12 کبریت می کشی که سیاوش کنی مرا؟
نمرود گشته ای که در آتش کنی مرا؟
کارم شده ست اسب چرانی در این حدود
خواهی که با کمان کشی آرش کنی مرا؟
#سیاوش_اکبری
https://t.me/secilmiseirler | 90 | 1 | Loading... |
13 منیم سئوگیلیم، گوناه
آرخئولوقلار¹ آشکار ائدیبلر کی،
اینسانلار بیر میلیون ایل اوّل،
سنه اطاعت ائدیردیلر.
یعنی سن هم ایلاههسن،
هم ده اعجازکار بوت...
قانونسوز سئوگیمه گؤره منی باغیشلاما!
بیلیرسن آخی،
بندهنین تانریسینی سئومهسی چوخ بسیط.
گؤزلریمی هله ده آچمیرام،
باخیشلارینی گؤز قاپاغیمین آلتیندا توتوب ساخلامیشام.
اووجوما قویدوغون قیزیل تئلینله ده،
قلبینی قلبیمه سیخیب باغلامیشام.
طالعیمیز توکدن آسیلی،
بو ظولمتده قوپوب ایکیمیز ده آغ گونه چیخاجاغیق،
یعنی، سن بیرینین قادینی اولوب گئیینهجکسن آغ گلینلیک...
آما سندن بیر ریجام وار:
گلینلیکدن منه بیر پارچا وئررسن،
چوخ یوخ، عزیزیم!
چوخ یوخ، بیرجه کفنلیک!
رنگلر بیزی بیرلشدیرسه ده،
طالع آییرار.
یا گل، من قارا گونه چیخیم، سن ده آغ گونه!
یعنی من قارا بَیلیک قیافهسینده،
سن ده آغ گلینلیکده،
قدم قویاق بیزی دویونلهین دویونه.
رنگلر بیزی آییرسا دا طالع بیرلشدیرر.
اورهییمه گیرمیشدین، ایندی ده قولوما گیر، سئنیوریتا!
یا دا نهیه گرک بو سئنتیمئنتاللیق²؟!
اونوت همین سئحیرلی گونو، اونوت!
سانکی هئچ گؤروشمهدیک،
دانیشیب خاطیرهلری، اورکدن گولوشمهدیک...
سانکی تیترک بارماقلاریم ساچلاریندا ایتمهدی،
سانکی دونموش اللرینی نفسیم ایسیتمهدی،
سانکی بونلاری سانماق چوخ آساندیر.
گئجهلر شام یئمهیینده بوشقاب، دولو قاب اولور،
ایچینده بیر اوووج خاطیره، سنین عطرین و ابدی هیجران...
یاستیغینی قوجاقلا، یات، عزیزیم!
نه سن مندن نیگاران قال،
نه من سندن نیگاران!
#آقشین_ائورن
¹- آنتیکچی، باستانشناس
²- دویغوساللیق
#گئجه_نیز_خوش
https://t.me/adabiiyatfenomenlari
https://t.me/secilmiseirler | 90 | 2 | Loading... |
14 ▫️گَل
بیر دسته چیچک آغ-قارالی باغلامیشام، گل!
عشقین اورهیین شعره چکیب داغلامیشام، گل!
زیل ساچلاریمی گؤز یاشیم ایلا سویا وئردیم،
«اولدوز سایاراق» صوبحه کیمی آغلامیشام، گل!
چوخداندی، سنین گؤزلرینی آیلی چکندن،
اؤز گؤزلریمی پنجرهیه باغلامیشام، گل!
گل، گؤر نه سایاق سئوگیمیزی غوربت آپارمیش!
بیر آغ بولودون کؤینهیینه چاغلامیشام، گل!
سینمیش اورهییم؛ نئیلهییرم قوشمانی، شعری؟!
تک بیرجه غزل سن گلهنه ساخلامیشام، گل!
#دومان_بختیاری
🎙 سالار موغانلی
@SheirOcagi
https://t.me/secilmiseirler | 95 | 1 | Loading... |
15 Media files | 1 | 0 | Loading... |
16 ⭕️قارانقوش
✍یازان: #سحر_خیاوی
🎤 سسلندیرن: #دکتر_آیدین_تبریزی
Tele radio körpü | 92 | 2 | Loading... |
17 ▫️عؤمرون چوخو گئدیب، آزی قالیبدی،
قیشی اؤتوب کئچیب یازی قالیبدی.
سینهمده یازمالی یازی قالیبدی،
بیر اوغول گزیرم، یازا دردیمی.
یوخولار گؤرورم قاتما-قاریشیق،
یوخولار الینده چاشیب قالمیشیق.
دئییرم نولاردی بیر غملی عاشؽق،
کؤچورده اوچ تئللی سازا دردیمی؟
بیر اوغلان یوخدو کی یازا دردیمی؟!
گونده بیر دون گئییر بو ظالیم فلک،
دؤزور هر آغرییا-آجییا اورک.
دئییرم آی «ائیواز!» نولار بو فلک،
گؤتوره قلمی، پوزا دردیمی.
بیر اوغلان یوخدو کی یازا دردیمی؟!
#یتیم_ائیواز
#شعر_اوجاغی
@SheirOcagi
https://t.me/secilmiseirler | 85 | 3 | Loading... |
18 🔻🔻🔻🔻🔻🔻
دان یئلی | کیتاب و ادبیات
🆔 @Dan_yeli
سحــــــر خیاوی
(سئچیلمیش شعیرلر)
➔ @secilmiseirler
سید عمادالدین نسیمی
➔ @nasimipersianpoet
ایشیق سپهلنمیش
➔ @arzuisikyol
بیلگــــــی
(تورکجه گون بیلگیلری)
➔ @Bilgiazer
بیزیم عشق حیکایهمیز
➔ @gamli_canim
ســــــؤز
(دیل، ادبیات، کولتور)
➔ @a_z_soz
میرحسین دلدار بناب
(شاعیرین یازیلاری)
➔ @eldilimiz
کریپتورک
(کریپتو حاققدا بیلگیلر)
➔ @crypturk
یونس امــــــره
➔ @yunusamre
دیالــــــوق
(سئچیلمیش قیسا یازیلار)
➔ @Dialoq
شعیر و ادبیات یایاری
➔ @az_edebiyyat_yayar
ادبیات اوجاغی
➔ @Anayurd1
فضولی مکتبی
➔ @hekim_fuzuli
تورکجه شعر و موسیقی
(فاطمه عبدی کؤنول)
➔ @sasliyazilar
اوشاقلارا ناغیل
(ناغیل، قوشما، چیزگی)
➔ @afraurmiaa
اینجی قونوشوقلار
(شعر، دیکلمه، ماهنی، ماهرخ افرا )
➔ @afraurmia
سنسيز دونيا
(سئوگی شعرلري و PDF كتابلار)
➔ @SANSIZDUNYAM
🔺🔺🔺🔺🔺🔺
☪ تـــــۆرک تبـــــادل ☪ | 46 | 0 | Loading... |
19 💢💢💢
اسکیشهر خاطیرهلری (۱)
ایندی من، گؤیده چتیری آچیلمایان پاراشوتچویم.
گؤیدن گؤی گؤزلرینه دوشورم ایندی من
گؤزلرینه تاپشیر منی، بوغماسینلار
اوزمک باجارمیرام.
سنین گؤزلرین دنیز،
منیم دردلریم دنیز.
سنین گؤزلرین پینار،
منیم اورهییم یانار.
ایندی من سنین دنیز گؤزلرینده بیر کاپیتانام
نهنگلر محاصره ائدیبلر اطرافیمی.
دلینیر، دئشیلیر دردلریمین ایچینده اولان گؤزلرین کیمی،
سو ایله دولور گمیم
منه بیر ال آت بو گمینی لیمانا چاتدیراق
ای تانرینین دلّالی، ای منیم نوح عمیم!..
من سنینله ایکی بارداق لیلا شرابی ایچمک ایستهییردیم کوبا باردا
بارلار کوچهسینه بومبا قویوب پارتلاتدی داعشلر.
پورسوق چاییندا فوتو چکدیرمک ایستهییردیم سنینله
سئل گلیب آپاردی صمد آدلی دویغولاریمی.
– ائهئی، موسی بَی!..
چلییینی امانت وئررسنمی؟
– چلیییم سینا داغیندا تانرینین گودازینا گئتدی علی بی، باغیشلا!..
سازووادا(۱) اولدوزلارین اوچوشونو سئیر ائتمک ایستهییردیم سنینله
گؤیلره دیوار چکدیلر سیاست آداملاری
اولدوزلارین ساچی گؤرونور، نامحرمدیرلر دئیه.
ایندی اسکیشهرین تراموایلاری ایچیمدن کئچیر،
ایچیندن کئچیرم تراموایلارین ایندی من.
منیم ایچیمدن کئچیرسن تراموایدا سن
سنه آلدیغیم کیتابی اوخویارکن.
من بوغولمادیم دمیز گؤزلوم،
منی تئرور ائده بیلمهدیلر کمونیست باخیشلیم،
دیوارلاری اوستومه اؤرته بیلمهدیلر افندیم،
من یئنه ده اؤلمهدیم،
یئنه ده وارام،
سنین دنیز گؤزلرینه شعر یازیرام تبریزدن.
سنین گؤزلرین دنیز،
منیم دردلریم دنیز.
سنین گؤزلرین پینار،
منیم اورهییم یانار.
(۱) اسکیشهرده دیسنئیلند موزهسیدیر.
✍ #علی_چاغلا
#ایمگهلر_کانالی
https://t.me/secilmiseirler
✔️✔️✔️
👇👇👇
https://telegram.me/imgalar
https://t.me/secilmiseirler | 110 | 0 | Loading... |
20 🍃🍂
📭 #سیزین_سسیز
🍇 #سربست_شعر
اوشاق ایدیم
بیر نار دهردیلهر منه
پاییزین گوُزلریندهن
پاییز آغلادی،
من آغلادیم
اوُپدوم قیرمیزی ناری
یاغیش یاغدی دوداغیما
اللریمه کوُلگه دوشدو
بولوت گلدی گوُروشومه
آرخایینلاشدی کهلیک
...
نار ساخلادی منی
نار اورهییمدهدیر ایندی
پاییز ائویمده...
✍شعر: مهرداد فخری
~.~.~.~.~.~.~.~.~.~ .~.~
╭┅────────┅╮
🦋 @bulaqderneyi 🦋
╰┅────────┅╯
🔺 | 80 | 1 | Loading... |
21 دالدا بیر ائو کیمی،
خلوت بیر خیاوانین قیراغیندا،
سنی گؤزلهییرم؛
گونلرین بیرینده، گؤروش مسافهنده اولومدئیه؛
ایچیمده اوتوروب یاشایاسان دئیه.
او زامانا قدر یاخشی بیلیرم:
پنجرهلریم گؤزلهمک شیدّتیندن، قابیق وئریب چارتلایاجاق...
#پابلو_نرودا
https://t.me/adabiiyatfenomenlari
https://t.me/secilmiseirler | 90 | 1 | Loading... |
22 یک تکه از کتاب
مرگ مثل گربهای هر لحظه ممکن است روی تختم بپرد من واقعا برای همسرم متاسفم، این بدن خشک و رنگ پریده را خواهد دید تکانش خواهد داد و بعد احتمالا خواهد گفت: هنک! هنک پاسخی نخواهد داد. مرگ نگرانم نمیکند. نگرانیام همسرم است که بعد از من با تلنبار هیچ تنها میماند. میخواهم به او بفهانم که تمام شبهایی که کنارش خوابیدم حتی آن جر و بحثهای بی سر و ته همه برایم باشکوه بودند. و آن دو کلمهی دشواری که هیچوقت جرئت گفتنشان را نداشتم ؛ دوستت دارم …
📕سوختن در آب غرق شدن درآتش
✍🏽چارلز بوکفسکی
https://t.me/secilmiseirler | 97 | 1 | Loading... |
23 🎥 #آرپا_چایی نغمه جدایی
⭕️ کیفیت 360p⭕️
آذربایجان و ایران مشترک فیلمی
#شعر_اوجاغی
@SheirOcagi | 77 | 3 | Loading... |
24 ⭕️ایشچی اوشاقلارا اتحاف
🔷مَلکلر یاللێسی
✍یازان: #ویدا_حشمتی
ساعاتقاباغێندا* ساققێز ساتان قیز آیاغا قالخێب، یوْلا دۆشدو. هر بیر کاشینی آددێملادیقجا، اوجا سسله سایێردی: بیر، ایکی، اۆچ ... هردن بیر آتێلیب – دۆشوب، قێسالمیش کؤینڲینین قوْللارێنی آشاغێ چکیردی. آیاغێنداکی شپیتلر، یوْرقونلوغوندان یئرده سۆرونوردو. ساققێز قوطوسونو قوْلتوغونا ویرێب، چَرقدینی بیر داها بَرکیتدی.
"ساقققققیز... ساقققققیز... ساققیز ساتێرام. ساققیز آلێن! نه اوْلار ساققیز آلێن... خالا... دایی... سن اللّه ساققیز آلێن!" دییه، کیچیک قیز خیابانلاردا دوْلانێردی. باشێنداکی، چرقدی اۆزونو سێخمیشدی، یاناقلاری چیچک باغلامێشدی، بیر آز دا اۆشوموشدو. هر طرفه قاچێب، انسانلارێن اؤنۆنۆ کسیب، ساققێزلارینی ساتماق ایستهییردی. آداملار قێزجیغازین اۆزونه بیله باخمادان، یوْللارینا دوام ائدیردیلر. دوْنموش اللرینی اۆزونه چکدی؛ بیر ده آغزێنا یاخێنلادیب، هاوقێرماغا باشلادێ. گؤزلریندن یاش گلیردی... بلکه اۆشوموشدو، بلکه ده اۆزولموشدو ... آخشام اوْلموشدو و هله ده آلا – قارانلێقدا، خیاباندا اوْلان هر نهیی، تۇتولموش و یوْرقون سسی ایله، تیترهدیردی... اوْ هله ده سسلهییردی:
- ساققیز آلێن...
گؤرهسن بو چابا و تلاش نه اۆچوندور؟ بلکه اوْنو کیچیک باجێسی گؤزلهییر! بلکه خسته بیر آناسێ وار! یا دا قۇلدور آتالێغی ...
آلا – قارانلێق گؤڲۆن اۆزو، بولودلانمێشدی. اۆزونه یاغمور دامجێلاری سَپیلیردی. اۆشوین اللری ایله، ایسلانمێش ساققیزلاری قۇرودوردو. ایسلانماسێن دییه، الینی چتر ائلهمیشدی. مصلّینین* دیوارینا قێسیلیب، گئچیب – گئدن آداملارا باخێردی... آجالمێشدی... قارنێ قۇرولدادی... بیرآز دا آغرێیردی... الینی قارنێنا چکیب، قارشێداکی شیرینیچی تۆکانینا باخێب، آدێنی هؤجّهلییردی: لووووو ک س ... شیرینیچی تۆکانێنین چیراقلاری الوان – الوان یانێر – سؤنۆر... بالاجا قیز هوسله قارشێیا سارێ آددێملاییر...
یاغێش سَرین سولاری باشینا تؤکۆر، آرتیق گۆللو چرقدی ده ایسلانێب... بیر سس گلدی. سانکی بیر آن بۆتون دنیا دایاندێ. کیچیک قیزین جانسیز بدنی، خیابانین اوْرتاسینا سَریلمیشدی. آیاققابێسی، گۆللو چرقدی بیر یانا و قوْرودوغو، قۇروتدوغو ساققێزلار دا بیر یانا آتێلمیشدی! آداملار باشی اۆسته یێغیشدیلار، مَلکلر اوچوردولار اطرافیندا. «مؤذنزاده»نین اذان سسی گلیردی! بیر مَلک اوچدو گئتدی... آداملار باخێردیلار!..
🔸آچیقلامالار؛
ساعاتقاباغێ: تبریزده عمارت شهرداری تیکینتیسینه ایشلهدیلن سؤزجۆک.
مصلّی: تبریزده جمعه نامازی قێلینان یئر.
@MuncuqAz
https://t.me/Sancaq_media/6419 | 99 | 2 | Loading... |
25 💢💢💢
🔷بوگۆن 12 ژوئن، ایشچی اوشاقلار گۆنۆدۆر.
✍#علی_زنگانلی (وولکان)
اومود گۆنشی اوغورلانمیش
بو اۆستۆ - باشی توْزلو اولدوزون مینلرجه اولدوزدان یوْخدور اولدوزو
آیاقلارینین آلتیندا آغلاییر اسفالت
داشقاسینین سسینی گؤرمهییر خیاوانلار
اللرینده آرزیلار قاباری
نه اوْیون بیلیر نه آنلادی اوشاغلیغی
باشینا آنا اللری یوخ، بلدیه مأمورونون قاپازی دَییر
آج توْیوق یوخودا داری گؤرۆرسه
بو چانتا چیگینینده اوْخول یوْلونو گئدیر
تایتوشلاری کاغیذدا ناخیش چکیر بو ایسه کؤنلۆنده
گؤرمهدیگی آتاسینی...
ناخیشلاییر خسته آناسینی
هردن ده کؤرپه باجیسینا سۆت
اۆرگیندن گلسه اؤزۆنه بیر پیتزا ناخیشلاییر
پیکاسو دا ناخیشلایانماز بو اولدوزون دردینی
اومما یونسکو باخیشینا
سنی گؤرن کیمسه یوْخ
بوراسی سوریادیر باشقا بیچیمده
بورادا "آیلان"لاری یوْخسوللوق دنیزینین قییسیندا اؤلمۆش تاپارسان
بورادا بوْمبا ایش آغیرلیغیدیر
دئه گلسین داروین
دۆشۆندۆگۆ دوْغرو ایمیش
اولدوزلار آیاق آلتیندا اؤلۆر
داها گۆنشه سلام وئرمه
سوچلودور تانری
سنی یاراتدیغینا
قارا اللریندن اوتانمادی یالانچی یئر تانریلاری
قالدیر شۆکر ائتمگه کیچیک اوْووجلارینی
قوْی گؤی تانریسی اوتانسین
سنلهیم ایشچی اوشاق!!!
#ایمگهلر_کانالی
✔️✔️✔️
👇👇👇
https://telegram.me/imgalar
https://t.me/secilmiseirler | 103 | 1 | Loading... |
26 سس وسور : دکتر فریبا ابراهیمی( آفاق)
https://t.me/Adabiyyatsevanlar | 76 | 1 | Loading... |
27 دئییر سئو منی !
#علی بالا_حاجی زاده
#سالار_موغانلی | 85 | 1 | Loading... |
28 ▫️گلنده آغرینی اؤزونله گتیر!
گلنده آغرینی اؤزونله گتیر!
سنه بیر سؤزوم وار اینجهدن اینجه.
تکلیگی تک قویوب جان ائویمه گیر!
کؤنلومه یولداش اول کؤچوم گئدینجه!
آللاه چوخ گؤرمهسین آغ گونلرینی،
گتیر قایغینی دا قارا دۆیۆنده!
بسلهرم من سنین درد گوللرینی،
قانیملا سولانان جان دیبچهیینده.
دردی ده اؤلدورن درد کؤتهییدی،
دردینه درد اولوم... چوخ دا اوزولمه!
چوخ دا کی اورهیین اود پتهییدی،
آتیب اورهیینی یانیما گلمه!
سنی دۇیا-دۇیا دئییرم بونو،
گؤزونون گؤلو ده گؤزلدی، گؤزل.
تزه گئییمینی، تزه دۏنۇنۇ،
تزه داغ-دۆیۆنله دۆیمهلهییب گل!
اؤزونو تانیماز دردینی دانان،
بیر ده اولانینا بئله یوخ دئمه!
آی منی دوست بیلیب باشا دولانان،
گیزلی یارانی دا مندن گیزلهمه!
یا دردی یاری بؤل، یا دا اۆزۆلۆش،
قوی عؤمرون خالچاسی اؤنه سریلسین!
دۇزلۇ گؤز یاشییلا بال سیزان گولوش،
بیرلیک خمیرینه قوی اَندهریلسین!
قایغی بوستانیندا هر دیلک بیتیر،
وئریب قازانجینی یانا چکیلمه!
گلنده آغرینی اؤزونله گتیر،
سندن اینجییهرم، الی بوش گلمه!
#آغا_لاچینلی
#شعر_اوجاغی
@SheirOcagi
https://t.me/secilmiseirler | 121 | 3 | Loading... |
29 Media files | 110 | 2 | Loading... |
30 📚 ۲۴ ساعت در خواب و بیداری
✍️ #صمد_بهرنگی
بیزیم_دیل
👉 https://t.me/bizimdil
☘️🍁☘️🍁 | 131 | 1 | Loading... |
31 ⭕️سن اوْلمایاندا دا...
✍️شاعر: #سوسن_نوادهرضی
📸عکسی سالان: تبریزلی اۆلکر
📚(تبریزیم کیمی کتابیندان)
سن اوْلمایاندا دا
گۆن چێخیردی هر گۆن.
سن اوْلمایاندا دا
گئجهلر گئجهلنیردی گئجهلر.
گؤڲ ائله گؤمگؤڲ ایدی
یارپاقلار یام یاشێل.
گۆللر ده، آچێردی سوْلوردو
اوْلمادێغینی اۇمورسامادان بیله
اوتانمازجاسینا.
بیرآز بوْغازێم بیچیلمیشدی فقط
آنجاق
سو گئچیردی
گئچه – گئچه یوْلونو جێرماقلاسادا.
سن اوْلمایاندا دا
ایشیمه گئدیردیم.
سن اوْلمایاندا دا
سن وارمێشسان کیمی داورانێردیم،
بیر آز قوْشوق قوْشوردوم،
بیرآز دا قوْشوقلارا قوْشولوردوم.
باشێمی قاتێردیم آیێن – اوْیونا
یا دا باشێما قاتێلیر
هاوالاندێقجا هاوالانێردیم هاوالارێمدا.
چوْخ چتین اوْلوردو، اما
اۆستهسیندن گلیردیم،
تانێرسان منی!
اوْلمایێشین
تاخێلیب دوروردو ائلهجه،
تاخێلدیغی یئرده...
اوْلدوقجا درین
اوْلدوقجا ائتکیلهییجی.
بلکه سئومَـڲه – سئویشمَـڲه
یئریکلهییر یارێنلاریمیز.
بیلیرسن نه وار؟
من یارێنلارا چاتمارام سنسیز.
من قوْرخو سوْخاقلارێندا
باغرێم کیمی چاتلارام سنسیز.
زمان قورتولوش اوْلسا دا،
دیلدن دۆشموش رؤیالاریمی دۆشونمه!
قوشقولو آنلارێمدا
منی
آل گئجهدن،
و گۆنشه هبه ائت دینمز – سؤیلهمز!
@SancaqDergisi
https://t.me/Sancaq_media/6418 | 117 | 0 | Loading... |
32 این شعر قرار است
به همه چیز برسد جز خودش.
مثلا در این شعر!
محمدبن عبدالله؛آمنه را ندارد اما
لبِ تفتیده اش به پستانِ حليمه می رسد.
یا با این شعر؛مردی می آیدو
با خنجر هزار واندی ساله اش!
خشتکِ ستمگران را پاره می کند.
ممکن است این شعر را بخوانی و
به خلیجِ خوک ها برسی!
آنجاعصای موسی را به یاد آر
که مارمی خورد
و بنیامین نتانیاهو بیرون می دهد
_ با دهان آتشناک و مخزنی باسوختِ جامد_
این شعر !
وقت ندارد از تو بنویسد
چون عصبِ عضله ی دستِ چپِ روح اش
را به قانقاریا دچار کرده ای!
ممکن است این شعر را بخوانی و
به درآمدِعسلویه ومیدانهای گازی برسی
و بویِ سرمایه ای که به سفره ی کارگران راه ندارد!
چشمانِ خسته ات را بگریاند.
ممکن است از لمسِ لبه ی تیزِ کلمات ِ شکسته ی این شعر!
به گوزن وصیاد و پنج پرانِ آمریکایی برسی
وناگهان ؛غروبِ جنگل خونین شود
یا به آن شمسِ دقیقا پرنده برسی
که پریده ورفته مولانا را در قونیه
ختنه کند!
ممکن است ازبازدیدِ ساختمانِ این شعر
به مفاسدِ پاستور برسی !
وآنگاه
سرِ خونابِ جگر گشوده شود
شعر #سیاوش_اکبری
https://t.me/secilmiseirler | 138 | 3 | Loading... |
33 ▫️ منه باش قاخینجی اولدو،
قونشوموزون منله یاشید اوغلو.
آنام هی دئیینیردی:
« آی بالا!
باخ اؤیرن،
آللاه ساخلامیشین قورد اورهیی وار».
بؤیوکدو منیم آدیم،
آما من،
هئچ وعده قورداورَکلی اولانمادیم،
من قوشاورَکلی اولدوم،
آی انا!
قوشاورکلی.
سن منه دانیشماق اؤیرتدین،
من اوخوماق ایستهدیم.
سن منه یئریمک اؤیرتدین،
من اوچماق.
آخ، آخ!
بیر یول آغاجدان اوچدوم،
ایکی قیچیم سیندی.
بیر یول دامدان،
ایکی قولوم.
آی آنا، قوربانون اولوم!
سن منی قینامازدین،
بیلسهیدین کی نهدی اوچماغین دادی.
یاریتماز بالانی باغیشلا!
آمّا،
داها اوچماغیما بیر شئی قالمادی.
#نادر_الهی
@SheirOcagi
https://t.me/secilmiseirler | 130 | 3 | Loading... |
34 ▫️دئییر «سئو منی!»
اورهییمه اود سالیبدی بیر گؤزل،
اودو دئییر، کؤزو دئییر «سئو منی!».
دیلینده «گئت!» دئییر، اورهیینده «گل!»،
قاشی دئییر، گؤزو دئییر «سئو منی!».
من سئویرم، محبّتیم مین عالم،
قیسمتیمیز گاه سئوینجدی، گاه دا غم.
قدملری دیَن یئردن اؤپورم،
آیاغینین توزو دئییر: «سئو منی!»
یئر اوزونده گؤزللیکده او بیردی،
سئوَن کؤنلوم زولفلرینه اسیردی.
یارام اوسته دوز باسسا دا، نه سیردی؟-
شیرین اولور دوزو، دئییر «سئو منی!»
اوندان باشقا بیر کیمسهده یوخ گؤزوم،
گول آدیدیر ازل سؤزوم، سون سؤزوم.
او تانرییا غول اولموشام من اؤزوم،
تانریم گلیب اؤزو دئییر «سئو منی!».
#علیبالا_حاجیزاده
#شعر_اوجاغی
@SheirOcagi
https://t.me/secilmiseirler | 121 | 1 | Loading... |
35
تنهایی، چه از نظر منطقی
چه از نظر تجربی،
ربطی به تنها بودن ندارد!
آنچه درباره تنهایی مهم است، شمار افرادی نیست که دور و بر آدم هستند،
بلکه احساسی است که فرد از رابطهاش با دیگران دارد...!
꥟ فلسفه تنهایی • #لارس_اسوندسن
📖https://t.me/secilmiseirler | 207 | 3 | Loading... |
36 #شعر🌹
#یانیس_ریستوس
آیا
بوسه و شعر را
زیسته ای؟!
پس مرگ
چیزی از تو
نخواهد گرفت...
https://t.me/secilmiseirler | 116 | 2 | Loading... |
37 بورالاردا
بو ازدیحام دا
گزیردیم
اینسانلارین باخیشینی حیس ائتمه دن.
بورالاردا هر آن یئنی بیر خبر
یئنی بیر اولای
اینسانلار گلیب گئتمه ده
دوراقلاردا
یورغون اینسانلار
سورگون اینسانلار
آزغین عسگرلر
ائوه قاییدان بیر قادین
مئترودا یورغونلوغونو یاتان بیر کیشی_
قیرمیزی چیراقلاردا خوشبختلیی چیچک لرینده گیزله دیب_ ساتان ایش اوشاقلاری...
بورالاردا
بیلمیرسن نه قده ر تنهالیق وار
بیلمیرسن نه قده ر اورک لرده بوغولان سئوگی لر وار
سئوگی نی اعتراف ائدیردی بیر اوغلان_ قیز آرکاداشینا ،سیگارئتینین سون نفسده ایچینه آلدیغیندا_
بیلمیرسن...
سن_
بیر اؤپوش سن یاخیلیرسان تنیمه!
سن _
بیر اودوکولون قوخوسوسان یاییلیرسان تنیمه!
سن_ عشق سن آخیرسان دامارلاریمدا...
سونرالار
سن_ بیر قوشسان
سنی یالنیز قفس ده سئومک اولور...
سن_بیر سس سن
سنی یالنیز بیر ماهنی دا دینله مک اولور...
سن _بیر داریخماسان
سنی یالنیز بو شعرده دانیشماق اولور
سن...
آدینی اونودورام
آدینی اونوتماق ایسته ییرم
خوشجا قالین
سیزه یاخشی گونلر آرزولاییرام
سیزه منسیز ساعاتلار
سیزه گوزل بیر سئوگی...
سن_ " آزادلیغا،چاتمایان اینقلابسان "!
من_ ائوینده بیر سورگون!
باخ_
تهران_
سئوگی نین بئشینجی فصلی دیر...
#آرش_احمدی
https://t.me/adabiiyatfenomenlari
https://t.me/secilmiseirler | 137 | 0 | Loading... |
38 من قزئتده ایش آختاریرام
تونسده انقلاب اولور
تونسده پرئزیدئنت ایشینی الدن وئریر
من قزئتده ایش آختاریرام
شاهین اوغلو اؤزونو اؤلدورور
قیرمیزی اوتوبوسلار منی آپاریر
قیرمیزی و چیرک اوتوبوسلار
منی آپاریر، بیرده نمنئچه میلیون ایشسیزی
تهران دریادیر
من بالیقلاری چوخ سئویرم
سن بالیقلار بورجوندانسان
تهراندا هوندور-هوندور بورجلار وار
قیرمیزی چیرک اوتوبوسلا دولانیریق آزادلیغین باشینا
من قزئتده ایش آختاریرام
ایش آختارمیر منی قزئتده
کیمسه تانیمیر منی
هامی تلهسیر
کیمسه یاندیرمیر سیقاریمی
آزادلیق گیجللهنیر
الهنیر باشیما
تونئسده داش یاغیر انقلاب
ایش تاپانمیرام
شاهین اوغلو اؤزونو اؤلدورور
تهران دریادیر
هامی هامیدان اوزاقدی
قیرمیزی چیرک اوتوبوسلاردا هامی هامییا یاخینلاشیر
بورون بورونا دایانمیشام بیر افغان فهلهسیله
ایش آختاریرام
قولاغیمدا سئزن آکسو
"گئری دؤن-گئری دؤن"
دؤنهمم سئزنجیم! ایش آرییوروم
بالیقلاری چوخ سئویرم
قیرمیزی روژلو آزاد بالیقلاری
سن بالیقلار بورجوندانسان
من خرچنگ بورجوندان
تهران دریادی
بوغولورام توستودن
خرچنگ باکیدا خستهلیکدیر
چینده بیر دنیز یئمهیی
من خرچنگ بورجوندانام، سن بالیقلار
سئزن آکسو قولاغیمدا:
"گیت!"
گئدییوروم ده سئزنجیم! ایش آرییوروم
اورهییم سیخیلیر دؤرد کورَک آراسیندا
-«ببخشید پیاده میشم»
جئبیم وورولور بیریسینه
بالیقلار دیکسینیر
دوداغیم اوچوقلاییر
-"تونسده انقلاب هارایا چاتاجاق؟"
-بیلمیرم آغا
من قزئتده ایش آختاریرام
بیریسی منیم جئبیمی وورور
سئزن آکسونو چیخاردیرام قولاقلاریمدان
-آلو سعید منه پول یئتیر،
همی ده بیر ایکی زندان شعری.
تهران دریادی
بوغولور هامی
فردوسی هوروت-هوروت باخیر قیرمیزی چیرک اوتوبوسلارا
قزئتلری تکجه ایشسیزلر آلیر
تهراندا یاغیش شایعهسی دوز چیخیر
ایسلانیر قزئتده تونس انقلابی
یویولور شاهین اوغلونون قانی قزئتده
سیقاریمی سؤندورور یاغیش
کیمسه یاندیرمیر سیقاریمی
هامی تلهسیر
هامی هامیدان اوزاقدی
دوستلاریم بوشانیر سئوگیلیلریندن
هامی بوشانیر سئوگیلیلریندن
هاوا دولور
هاوا بوشالیر
دونیادا یالنیزلیق چوخالیر
سئزن قولاغیما پیچیلداییر: "آغلاما گوزل!"
هامی هامییا یاخینلاشیر قیرمیزی- چیرک اوتوبوسلاردا
خرچنگلرله بالیقلار نئجه یاشاییرلار دنیزده؟!
من بالیقلاری چوخ سئویرم
قیرمیزی روژلو آزاد بالیقلاری
من اوتوبوسلاردا اوچوقلاییرام
قزئتلر منه ایش تاپمیرلار
جئبیم چوخ رومانتیکدی
جئبیم وورولور بیر اوغرویا
سعید منه پول گتیره جک- بیرده نئچه زندان شعری
سئزنین باتریسی قوتاریب موبایلیمدا...
#آیدین_آراز
https://t.me/adabiiyatfenomenlari
https://t.me/secilmiseirler | 115 | 0 | Loading... |
39 آچ سینهنی پرده پرده
حزین حزین آغلا سازیم
اورهگیمین سینان یئرده
یاراسینی باغلا سازیم
منه بیر آز آغلا سازیم
داغیلمیشام ائلدن ائله
یاشات منی گیله-گیله
بو حسرته بو نیسگیله
اورهگینی داغلا سازیم
منه بیر آز،آغلا سازیم
دوداغیمدا دار هاواسین
یارامیزدا یار هاواسین
قارا گونده قار هاواسین
کؤکله باغچا باغلا سازیم
منه بیر آز آغلا سازیم
یازیمیزدا آغری گولور
نهلر چکدیم آلله بیلیر
حسرتایله قول چکیلیر
آرامیزدا، داغلا سازیم
منه بیر آز آغلا سازیم
بیر آز یورغون، بیر آز خسته
دوشون منی سون نفسده
لال دردینی سینهم اوسته
چاغلا، چاغلا، چاغلا سازیم
منه بیر آز آغلا سازیم
"دومان بختیاری"
🌿🌿🌿🌿🥀
https://t.me/secilmiseirler | 115 | 2 | Loading... |
40 t.me/volkan22
🎶
@volkan22
Şirin yuxun olaydım
اوخویور: جاوید تبریزلی
شیرین یوخون اولایدیم
❤️❤️❤️❤️❤️❤️❤️❤️
Cavid təbrili
@volkan22
🎶🎶 | 137 | 3 | Loading... |
ادمین @saharxiyavi بو آخاقدا، سئودیگیم ادبی اثرلری پایلاشیرام.
ادمین @saharxiyavi بو آخاقدا، سئودیگیم ادبی اثرلری پایلاشیرام.
ادمین @saharxiyavi بو آخاقدا، سئودیگیم ادبی اثرلری پایلاشیرام.
بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار
ادمین @saharxiyavi بو آخاقدا، سئودیگیم ادبی اثرلری پایلاشیرام.
ادمین @saharxiyavi بو آخاقدا، سئودیگیم ادبی اثرلری پایلاشیرام.
ادمین @saharxiyavi بو آخاقدا، سئودیگیم ادبی اثرلری پایلاشیرام.
سئوگي شعرلري- PDF كتابلار
ادمین @saharxiyavi بو آخاقدا، سئودیگیم ادبی اثرلری پایلاشیرام.