چوبان اوغلونون شعر کانالی

اولدوز سایاراق گوزلہ میشم هر گئجہ یاری گئج گلمہ دہ دیر یار یئنہ اولموش گئجہ یاری گؤزلر آسیلے یوخ نہ قارالتے نہ دہ بیر سس باتمیش قولاغیم گؤرنہ دؤشور مڪدہ دے داری  بیر قوش آییغام! سویلیہ رڪ گاهدان اییلدہ ر گاهدان اونودا یئل دئیہ لای-لاے هوش آپاری  یاتمیش هامے بیر آللاہ اویاقدیر داها بیر من مندن آشاغے ڪیمسہ یوخ اوندان دا یوخاری  ✍: شهریار گئجنیز کدردن اوزاق💫🌙💫 ❤️ ════‌༻‌♥️༺═══

نئجه گلمز؟! یار قلبیمه یول سالسا گتیررم،نئجه گلمز؟! عشقیم‌له سازین چالسا،گتیررم؛نئجه گلمز؟!   آختارسام اؤزوم،تاپسام اؤزوم،بیر دیله توتسام کؤنلوم گؤیولون آلسا... گتیررم؛نئجه گلمز؟! گولسوز قورو اوتلاردی سالان آیریلیغی؛یار یوللار تیکانین یولسا... گتیررم؛نئجه گلمز؟! سؤندورمه اومود شمعینی ائی غافیل!او سئوگیم دردیمله یانیب سولسا...گتیررم؛نئجه گلمز؟! سیرداشیم اؤزو بیرده کی جان قِئیدینه یالنیز دیوانه صفت قالسا گتیررم؛نئجه گلمز؟! بو رسمدی کی آی یئرینه،گون،گئجه گلمز گر جذبه عشق اولسا گتیررم؛نئجه گلمز؟! سن دردینی آچ سٶیله "دادا"سئیل سرشکی گؤزلردن اورک دولسا...گتیررم؛نئجه گلمز؟! دادا بیلوردی ❤️ ════‌༻‌♥️༺═══

ماهنی نئچون_گلمز👆👆👆 اوخویور گولیاناق_ممداووا 👆👆 ایسته میرم یار آغلاسین،       چال تاری قوی تار آغلاسین گول اویناسین، خار آغلاسین         بوغازگولسون دارآغلاسین قوی یئره غم پیاله سین،        سیل گوزونون شلاله سین  آل گونشین حواله سین،      شاخ قارا قوی قار آغلاسین یار نه دن آغلاسین گرک؟        بویون بوکولسون آی فلک  دویونجا قویمادین گولک،    سیخ ناری قوی نار آغلاسین خزان یئلی اسن زمان،           شخته امان کسن زمان  یار یاریلان کوسن زمان،     کیمسه کیمیم وار آغلاسین توزدی دوماندی فیرتانا،         اود یاغیلیب گولوستانا  دؤندراوزون شبستانا،          ساغره یالوار آغلاسین صبحه تیکیلدی گؤزلریم،       داغلاری آشدی سؤزلریم گیزلین الوودی کؤزلریم،       نی اؤلدی نیزار آغلاسین ساقی گتیر قدح لرین،    سرخوش اولاق درین درین سئوگی توتا کینین یئرین،      کین اؤزی زارزار آغلاسین دریالارا اوزان آراز،             جوم درینه قالما دیاز مرکّب اول سؤزلری یاز،       داغ دا بولاق لار آغلاسین محمود_قبه_زرین ❤️ ════‌༻‌♥️༺═══

Bəxtiyar_Vahabzadə Sən getdin, ele bil dünya boşaldı Yaz da köçüb getdi, yeri boş qaldı... Bahar ürəyimi, sənsiz qış aldı Mən yaza vurğunam, qışı neylərəm? ❤️ ════‌༻‌♥️༺═══

▫️سن منیم قلبیمده یاشایاجاقسان. سانما کی، آیریلدین ایتدی بو سئوگی- سن گئتدین سنینله گئتدی بو سئوگی! کؤک آتدی، قلبیمده بیتدی بو سئوگی، سن منیم قلبیمده یاشایاجاقسان. سنین‌چون آچیلار یئنی بیر صاباح، منیم‌له قالاجاق بو کدر، بو آه. اولسان دا اؤزگه‌نین، قیسمته بیر باخ، سن منیم قلبیمده یاشایاجاقسان! اۆزسن ده الینی الیمدن ایندی، بو ال ده، بو جان دا، روح دا سنین‌دی. سندن آیریلماق‌می؟! یوخ، بو چتیندی، سن منیم قلبیمده یاشایاجاقسان! یاندیردین قلبیمده سؤنمز بیر اوجاق، اود توتوب بو اورک، دائیم یاناجاق. اؤلدون حیاتیمدا، سئوگیلیم، آنجاق- سن منیم قلبیمده یاشایاجاقسان! نصرت_کسمنلی ❤️ ════‌༻‌♥️༺═══

▫️یاراشیر. ساچینین تئللری کؤکسونده پریشان یاراشیر، اؤیله سونبول‌لره بیر بؤیله گولوستان یاراشیر. تاج اولور آی‌لا گونش آلنینا هر آن، یاراشیر، کؤنلومون تختینه بیر سن کیمی سولطان یاراشیر. فاروق_نافیذ_چاملی‌بئل ❤️ ════‌༻‌♥️༺═══

عجب زیبا گوزون واردیر گزیر گوزلر شرار اوسته خمار ائتمه منی سئوگیم باخیم چشم خمار اوسته دولاندیر گوزلری مست ائیله سین بو گوزلری یاریم اوتوزدوم کونلومی الدن ، گئدیر الدن قمار اوسته دیییم آیسان نیگاریم سن ؟ یقین آیداندا زیباسن چیخیب سان گون تکین نئیلیم ، يقينا شام تار اوسته نه زیبا حوسنووی چکمیش سنین نقاش بی همتا یاراتمیش عشق وقتینده، چکیلمیش شاهکار اوسته عروسک خلق ائدیب خالق ، یونوب نجار تک جسمین بزکده قالمییب ناقص ، عروس زرنگار اوسته قیامت ائلییب قامت ، سنه هیچ سرو بوی چاتماز دور اوینا بیر باخیم منده ، دویونجاق گولعذار اوسته سپهر عشقه اولدوزسان ائدیرسن ناز افلاکه ملک سن می نیگاریم سن،  چیخیب عشقین مدار اوسته چکیبسن شهری آشوبه هامی چیخمیش تماشایه صف عشقین اووزون لاشمیش دونوب دلبر قطار اوسته عیان ائت عشقیوی بیلسین هامی عالم بوگون یاریم که سن عباسه دلبرسن جهاندا اعتبار اوسته گئجه گوندوز منه خوشدور یازام وصفینده اشعاری دولا بو دفتر شعریم وفالی بیر نیگار اوسته عباس_صفرزاده ❤️ ════‌༻‌♥️༺═══

❤️ ════‌༻‌♥️༺═══

ای گول، سنی کیم آیری سالیبدیر چمنیندن؟ آچ گیزلی معمانی بو غنچه دهنیندن جنت سؤزونه خلقده رغبت آزالیبدیر جنتده نه‌لر وار، اولا آرتیق وطنیندن!؟ گولزارِ وطن سئیرینه آهسته قدم قوی توپراق دا عطرلنمه لیدیر گول بدنیندن شوخ باخماغی، نازیک لیگی اؤیرندی چمنده: نرگیز باخیشیندان، گولِ تر پیرهنیندن گیزلتمه او گول چهره نی زولف ایچره، خطادیر قوی فیضه یئتک بیزده گولِ یاسمن یندن! واحد سنین عشقینله گلیر شوره همیشه طوطی کیمی آیریلما او شیرین سخن یندن واحید ❤️ ════‌༻‌♥️༺═══

گل گیزلتمه     اوزونو او قارا قاش   گؤزونو آیریلیقدان   یانیرام دئییم سؤزون دوزونو ✍بکتاش ❤️ ════‌༻‌♥️༺═══

گؤزلرین نہ یامان گؤزلدے سنین گؤزلرین ائله‌بیل دان ایشیغی‌دیر اۆزون یارانیشین شاہ اثری‌سه گؤزلرین اۆزونون یاراشیغی‌دیر بئلہ بیر گئجه‌دہ یاتماق نہ شیرین بئلہ بیر سحردہ آییلماق گؤزل بئلہ بیر دنیزہ باتماق نہ شیرین بئلہ بیر اورمانا یاییلماق گؤزل گؤزلرین نہ یامان گؤزلدے سنین دوشسل بیر ڪوره‌نین مینیاتورودور سانڪے گؤز یاشیندان یوغرولوب، آنجاق بو داها ڪؤورڪ‌دیر، داها دورودور گؤزونون اؤنوندہ آنلاملار ایتیر بیلمیرم دوردوغوم بو یئر هارادیر باخیشین هر یئرے گؤیہ چئویریر باخیشین انسانا قاناد یارادیر ♡ ❤️ ════‌༻‌♥️༺═══

اوغورلار گون آیدین آزربایجان گون آیدین گوزللیک.. گون آیدین محبتلی دوسلارا..🕊 ❤️ ════‌༻‌♥️༺═══

اولو داغ‌لار ⛰🏔⛰🏔⛰ شعر و سس استاد_کامیل_طبیب بیر گؤزل ایفا سلام .گون آیدین خوش گونوز اولسون دوسلار ❤️ ════‌༻‌♥️༺═══

سن سیز بیچاره اورک هر گئجه دیوانه دی سن سیز عالم غمینین شمعینه پروانه دی سن سیز دونیا دایانیر فیکر الیرم یوخدو صاباحیم قلبین سراسی گور نئجه ویرانه دی سن سیز یاشماق توتورام  عالم و آدم نن عزیزیم دوره‌م ده  نه واردیر منه بیگانه دی سن سیز قلبیم ده داشیر غم شرابی، قان اودورام باخ یوخ شنلیگه یئر، دردلره میخانه دی سنسیز هیجرینده یانیر قلب ائوی هاردان سونه جکدیر گؤزلر سو سپیر قلبیمه پیمانه دی سن سیز هاردان چیخارام آغ گونه هئچ یوخدو گومانیم خوش گون من اوچون لاپ بئله افسانه دی سن سیز حسنا نئجه دوزسون فلکین جورونا ای یار یانمیش اوره‌یی حسرته کاشانه دی سن سیز ✍حسنا شقاقی آذر آیلی اولدوزلـی گئجه لر 🌙✨🌙🌟💫🌙✨ ════‌༻‌♥️༺═══

Her insan bir yağmur tanesi gibidir. Kimi çamura, kimi gül yaprağına düşer. Hz. Mevlana ❤️ ════‌༻‌♥️༺═══

Harda qaldın, harda? Gözüm intizarda Qayıt, baharım, tez gəl Sevimli, gül yarım Şirin arzularım Yolunu gözlərəm, gəl ❤️ ════‌༻‌♥️༺═══

Herşey vaktini bekler.. Ne gül vaktinden önce açar, Ne güneş vaktinden önce doğar. ''Bekle senin olan sana gelecektir'' KALBİNİZLE yaptığınız herşey, size geri dönecektir.. Mevlâna🌼 ❤️ ════‌༻‌♥️༺═══

هانسی اَسیم‌لردن عطرینی آلیم؟ هانسی دؤنوش‌لرده اؤزله‌ییم سنی؟ منه بیر آدرس وئر، اوردان آسیلیم! دئنن «گله‌جه‌یم» گؤزله‌ییم سنی. ✍️ دومان_صفر_اوغلو ❤️ ════‌༻‌♥️༺═══