چوبان اوغلونون شعر کانالی

سئوگیلیم، سؤیلمہ «وفاسیز» منه! من ڪے یاد ائدیرم هر زامان سنی قلبیمدن بیرجہ آن قوپارا بیلمز، نہ بوران، نہ توفان، نہ هیجران سنی یازمیشام آدینے گۆنہ، آیا من دوشموشم عشق آدلے بیر سئودایا من سنین‌ اۆچون گلمیشم بو دونیایا من، منیم اۆچون یارادیب یارادان سنی... ✍ سلیمان رستم

#آذربایجان #Azərbaycan سؤز :اینقیلاب نادیرلی Söz: İnqilab Nadirli موسیقی:#علی_بابا_ممدوف Mus:#Əlibaba_Məmmədov اوخویور: حیمایت عبدلی Oxuyur: Himayət Əbdoli @chobanoghloo

#آذربایجان #Azərbaycan سؤز :اینقیلاب نادیرلی Söz: İnqilab Nadirli موسیقی:#علی_بابا_ممدوف Mus:#Əlibaba_Məmmədov اوخویور: حیمایت عبدلی Oxuyur: Himayət Əbdoli @chobanoghloo

تبریز ساريليب بوينونا بير ڪؤرپہ ساياق، دويونجا حوسنونہ باخايديم تبريز! سن اولايدین بير داغ، من دہ بير بولاق شير-ها-شير، ڪؤڪسوندن آخايدیم تبريز! ڪسه‌يديم ظاليمين عؤمور باغينی ڪوُڪسونہ چڪه‌يديم هيجران داغينی خايين گؤزلہ سنہ باخان ياغينی- يانديريب اودلارا ياخايديم تبريز! غوصّه‌نين، ڪدَرين ڪسيب هايينی  قورتارايديم خالقين آهی- وايينی ظولم اوجاغے اولان قان سارايينی- بوتون يئر اؤزوندن ييخايديم تبريز! سن دہ توللايايدین هيجران يوڪونو  خالق بايرام ائتدے او عزيز گونو خايين اورڪ‌لرہ پولاد سونگونو- اینتقام عشقی‌يلہ چاخايديم تبريز! «جاوان حوسئن»! گئجه-گوندوز اینتظار يارالے قلبيندہ مين بير آرزو وار قوينوندا قورايديم خزان‌سيز باهار  من دہ اؤز بورجومدان چيخایديم تبريز...! حوسین_جاوان @chobanoghloo

سندن اوزاغدایام آے عؤمروم گونوم حسرت داغیم ، داغیم داغلاییر منی گوُزلرین سد چڪیر گؤزوم اؤنونه خیالین بیر تهَر ساخلاییر منے . . . منیم انتظاردان شلہ لے گولوم یانیرام ڪرم تڪ ،لہ لہ لے گولوم بو قوجا دونیایا گلہ لے گولوم هیجران آغے دئییب آغلاییر منے . . . «بوتا»نین دردینہ بولونسون چارا سینہ نہ باش قویوم ساغالسین یارا دارا بارماغین‌لا ، تئلیمے دارا بو اومود حیاتا باغلاییر منے . . . ✍ شاعره_سعادت_بوتا خانم @chobanoghloo •┈┈••✾•🌿🌺🌿•✾••┈┈•

گلمسون گول لر آچماز😘 @chobanoghloo

عالیم قاسیم‌اوا اے ساربان آهستہ گئت اعلاء بیر ایفاء @chobanoghloo

یئنی_دن_سئوگی_یه_اینان ... یئنہ ‌دہ ايبهام‌لار باشلانیب منه بوتون حایاتیمے بورویوب دومان ایچیمدہ بیر ایستڪ دیل آچیب یئنه سؤیله‌ییر: «یئنی‌دن سئوگی‌یہ اینان!» بیر یانیم جهنّم، بیر یانیم جنّت نیفرت‌لہ سئوگینین آراسیندایام بونلارین بیرینہ اینانسام... البت- پوزغون حایاتیمدان گئده‌جڪ ايبهام نیفرتہ اینانسام...، اینانا بیلسم، اؤزوم‌تڪ، دویغوم دا بوغولاجاقدیر سئوگيیہ اینانسام...، اینانا بیلسم، قلمیمدن غزل دوغولاجاقدیر ایندے بیلدیم هارا یوللاناجاغام سئوگے مورڪبینہ تازا مینمیشم نیفرتین نه‌یینہ آلداناجاغام؟! ازلدن سئوگی‌یہ دویون­لَنمیشم خیالین یویوروب هَنده‌وریمه گؤزلرین سئوگی‌یہ چاغیریر منی گؤزلیم! آند اولسون غزل­لریمه، سئویرم، سئویرم، سئویرم سنی... #اڪبر_شفیعی_یاشار @chobanoghloo

سامے یوسوف آذربایجان اوچون غرورلو و دویغولو بیر ماهنی یاخشے ڪے آذربایجانلے ام❤️❤️ @chobanoghloo

قامت یارہ باخ ڪؤنول گؤر نئجہ اعتدالے وار حتم ائدیرم اوْنون فقط آینادا بیر مثالے وار حیران اوْلور اوْنو گؤرن یارب اؤزون جواب وئر وارمے اوْنون ڪیمے دییہ حوریلرین سئوالے وار بیر اوْدا سالدے ڪے اوْنون اوْل سارے ساچلارے منی جنتین اؤز ایچیندہ دہ قلبیمین اشتعالے وار جانیمے ایستسن دہ لاپ سن فقط امر ائت اے گؤزہ ل ڪؤنلومون ایلدیریم ڪیمے سرعت امتثالے وار یاز ڪیمینم من اصلیدہ لیڪ بۇ جور زمانہ ده قیش ڪیمے ڪؤنلومون منیم حالت اعتزالے وار لطف ائلہ ییب اوْ دلبرین سوْرسا نہ دیر ایشین سنین سؤیلہ ڪے عاشقین سنین سئوگییہ اشتغالے وار ... #یوردسئور ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ @chobanoghloo