چوبان اوغلونون شعر کانالی

یئنه ، خاطیره لر آراسیندایام ، هر گئجه یوخومدا ، گؤرورم سنی بیلمیرم دونیانین ، هاراسیندایام ، کیچیک‌بیر اوتاغا ، سالیبلار منی ... دووارلار  آغ آپپاغ ، پالتارلاریم آغ، حیاتسا قارانلیق، ظولمتدیر بوردا یامان اوشویورم ، سویوقدو اوتاق، بس سنین حیاتین  نئجه‌دیر اوردا؟ من سنی ، یوخومدا  گؤردویوم کیمی، سن ده می یوخوندا گؤرورسن منی ؟ ساچینی داراییب ، هؤردویوم کیمی ، هوسله داراییب ، هؤرورسن یعنی ؟ بس نه واخت بیته‌جک حسرت، اینتیظار؟ نه واخت دؤنه‌جکسن گئتدییین یئردن؟ یا قاییت ، یا دا ،گل منی ده آپار ، سنله قوووشمادان ، اؤله‌رم بیردن ... باخ اؤلمک دئمیشکن ، سن گئدن گوندن چوخلاری آرخانجا ، اؤلو دئدیلر دالاشدیم هر کس له ، کئچمه‌دیم سندن، آدیمی دییشیب ، دلی دئدیلر ✍ضییا_فدایی گئجه نیز غمسیز حورمتلی دوسلار 💫🌙💫 ════‌༻‌♥️༺═══

🎼سنن سورا عاشیق اولمام ════‌༻‌♥️༺═══

گئدیرسن گئت گئدیرسن گئت ، گلایه م یوخ ،غمین سندن قالان قالدی آداخلاندیم بو درد ایله بو درد سندن نشان قالدی واراقلاندیم بو دفتر تک  ایچیم بوش قالدی آخیرده یازیب پوزدون صداقتدن ،صداقتدن یالان قالادی گئدیرسن گئت ، دونوب باخما  گئدرگیدین بیلردیم من سن اود ووردون بو اورمانه ،بو اورماندان دومان قالدی شرابین کهنه سی خوشدور چاخیر سیندیرما سؤیله ردیم ووروب سیندیرمادان سوزدو شرابیم تک زامان قالدی دوداق تیکدیم شکایت دن بیلیردیم دادرس یوخدور گئدیرسن گئت سنین ظولمون نهانیمدا عیان قالدی منه آند ایچدین ای دلبر کی اؤلسم دونمرم سندن گئت ایندی اوز چئویر مندن کی شاهد بیر قران قالدی خزل وورموش بو گولزاره یاراشماز بولبول آوازی ساری بولبول بوغازیندا بو دردلردن فغان قالدی گئدیرسن گئت گلایه م یوخ پناهین تانریمیز اولسون گؤروشمک لر زمانیندان قولاغیمدا اذان قالدی الیم بوشدور جانیم یالقیز ییخیلسام سویله مم قالخیز گئت اما ساخلا خاطیرده کی حوا باغری قان قالدی لادن اسکندانی"حوا" ════‌༻‌♥️༺═══

سئویرم سنی اینجیتمه منی طیار بایرام‌او ❤️ ════‌༻‌♥️༺═══

آدینی قلبیمه یازمیشام. جانیمدان کئچه‌رم من سنین اوچون، سن یاخشی بیلیرسن سئوگینین گوجون. قورخورام یادداشیم پوزولا بیر گون، آدینی قلبیمه یازمیشام، گولوم! سنینله چکیلیر همیشه آدیم، یولومو، ایزیمی هئچ واخت آزمادیم. آدینی کاغیذا، داشا یازمادیم، آدینی قلبیمه یازمیشام، گولوم! عؤمرومو، گونومو ائتمه‌دیم هدر، یولونو گؤزله‌دیم هر آخشام، سحر. سنی اونوتمارام اؤلنه قدر، آدینی قلبیمه یازمیشام، گولوم! هوپموسان شعریمین هر بیر سطرینه، هر واخت بورونموشم سنین عطرینه، قلبیمی بزه‌دیم سنین خطرینه، آدینی قلبیمه یازمیشام، گولوم! «عزیز» قوربان اولسون سن تک مله‌یه، سنی قیسقانیرام من یئره، گؤیه. من اؤلنده روحوم شاد اولسون دئیه، آدینی قلبیمه یازمیشام، گولوم! ✍عزیز _ موسی ... ════‌༻‌♥️༺═══

کاش بیر اوشاق اولایدیم😍 ════‌༻‌♥️༺═══

بیر اوشاقلیقدا خوش اولدوم اودا یئر گؤی قاچاراق قوش کیمی داغلار اوچوب، یئل کیمی باغلار گئچدی صونرا بیردن قاطار آلتیندا قالیب، اوستومدن دئیة بیللم نه قدر سئل کیمی داغلار گئچدی اورة گیمدن خبر آلسان : «نئجه گئچدی عؤمرون ؟» گؤز یاشیملا یازاجاق «من گونوم آغلار گئچدی» محمد حسین بهجت-شهریار💐 ════‌༻‌♥️༺═══

گَل سَنه اوچ سیرر آچیم بیل کی، سئویرم سَنی بو اوچ سیرردن عَزیزیم ایلکی، سئویرم سَنی ایکینجیسی اودور کی داریخمیشام سَنینچون تَبَسسومو مؤعجیزه‌م گول کی، سئویرم سَنی اوچونجویه گَلینجه دَرد وارسا عَلاجیم وار سَنه ائحتییاجیم وار گَل کی ،سئویرم سَنی‌. فامیل رسول

زولفییه ائل قیزی

❤️ ════‌༻‌♥️༺═══

ائله داریخمیشام... ائله داریخمیشام ائله دولموشام اینیمده دونومدا منله داریخیر اللریم تیتره ییر آغلاییر گؤزوم آدینی دئمه یه دیلیم کاریخیر توم توتوب گؤزلریم دووار اوستونه بو باخیش آراسی شکلینی چکیر دانیشیب گولدوکجه اوز به اوز سن له ایچیمده سن سیزلیک یاراسین أکیر جانیمی ألیمه هئی آلیر وئریر یادیما دوشدوک جه یوسما سؤزلرین باخیشین من اوچون جیره لندیریر سیناییر دئیه سن منی گؤزلرین ساخلایا بیلمیرم بو دیل دوداغی ایچیمده اولان سؤز مین آیاق گلیر یاخشیسی یاواسی قاتما قاریشیق یاندیریر قات با قات قلبیمی دلیر سنی بو سئوگینین سون نفس لری یادینا بیر سالیب گل توت سوراغین سنی بو آنلارین داریخان چاغی یاندیر بو سئوگینین سؤنن چیراغین. ✍ پروین قاسمی ❤️ ════‌༻‌♥️༺═══

عشق عالمی من تک سنه شیدا اولا بیلمز رسوای جهانم دئمه رسوا اولا بیلمز سن عشقیده شاه اول گوزلیم من سنه نوکر گل قووما قاپیندان دئمه حاشا اولا بیلمز من یوسف کنعان دگولم عشقیوه لایق سن تک ولی عالمده زلیخا اولا بیلمز عشقین منی مجنون ائلییب چوللر سالدی مجنونه یقین سن کیمی لیلا اولا بیلمز گول عطرینی سندن مگر آلمیش گول رعنا هیچ گول یاناقین تک گل حمرا اولا بیلمز هر بیر گئجه سی خوشدی گوزل محفل عشقین اما گئجه لر هیچ بیری یلدا اولا بیلمز عشق عالمی چوخ عاشق و معشوق گوربدور نئیلیم سنه تک دلبر و سئودا اولا بیلمز بونلا قوتاریر شعرینی عباس که ای گول سن تک گوزلیم بیر گوزی شهلا اولا بیلمز عباس_صفرزاده ❤️ ════‌༻‌♥️༺═══

برلیانت داداش اوا گل گل قارا گوز

قاراگؤزلرین عشق کعبه سی نین حجرالاسودی دیر...... طواف ائتمه لییم اوگؤزلرینی عؤموربویو احرام باغلامیشام

حیاتدا ان‌اؤنملی شئی نه‌دیر؟ فقط بیر شئی اؤنملی دیر: «سئوینج.» هئچ واخت... هئچ واخت قویما بیری سئوینجینی سندن آلا...! کریستین بوین ❤️ ════‌༻‌♥️༺═══

اوخویور گوللر دومان👆👆👆 بیلیرم گلن دگولسن! آمما اینانمامیشام گنه داریخیـب یولا باخیرام بلکه بو گلن لردن بیری ده سن اولدون... ابراهیم اسماعیلی جیم ❤️ ════‌༻‌♥️༺═══

قویما غم بیزی چالسین سئودا گؤلو سارالسین قاییت گل قوجاغیما قوی دونیا گؤزل قالسین Qoyma qəm bizi çalsin Sevda gülü saralsin Qayet gel qucağima Qoy dünya gözəl qalsin ✍علیرضارضائی ‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌ ❤️ ════‌༻‌♥️༺═══

من کی، بو قارا گؤزلولر عشقینده اسیرم سینه م هدفِ ناوکِ مشگان اولا، خوشدور سن عصریمیزین ایندی زولیخاسیسان، ای گول! عاشیق سنه مین یوسفِ کنعان اولا، خوشدور ییغما باشینا، ناز ایله بیر شانه چک هردن کؤنلوم کیمی زولفون ده پریشان اولا، خوشدور گل سینه وی گؤستر منه هر صبح زامانی گول بولبول اوچون چاکِ گریبان اولا، خوشدور ✍علی اقا واحید ‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌❤️ ════‌༻‌♥️༺═══

صمد وورغون آذربایجان چوخ کچمیشم بو داغلاردان دورنا گوزلی بولاقلاردان ائشیتمیشم اوزاقلاردان ساکت آخان آرازلاری سینامیشام دوستی، یاری ... ائل بیلیرکی، سن منیمسن یوردوم، یووام، مسکنیمسن آنام، دوغما وطنیمسن! آیریلارمی کونول جاندان؟ آذربایجان، آذربایجان! من بیر اوشاق، سن بیر آنا، اودور کی، باغلیام سانا هانکی سمته، هانکی یانا هی اوچسام دا یووام سنسن، ائلیم، گونوم، اوبام سنسن! فقط سندن گن دوشنده، آیریلیق مندن دوشنده، ساچلاریما دن دوشنده، بوغار آیلار، ایللر منی، قیناماسین ائللر منی داغلارینین باشی قاردیر، آغ ئورپگین بولوتلار دیر، بویوک بیر کچمیشین واردیر، بیلینمه ییر یاشین سنین نه لر چکمیش باشین سنین دوشدون اوغورسوز دیللره، نحس آیلارا، نحس ایللره، نسل لردن نسل لره کچن بیر شهرتین واردیر اوغلون، قیزین بختیاردیر ... هی باخیرام بو دوزلره، آلاگوزلی گونددوزلره، قارا خاللی آغ اوزلره، کونول ایستر شعر یازا، گنجله شیرم یازا- یازا ... بیر طرفین بحر خزر، یاشیل باش سونالار گزر، خیالیم دولانار گزر، گاه موغانی، گاه ائلداری، منزل اوزاق، عمر یاری! سیرا داغلار، گن دره لر، اورک آچان منظره لر، جیران قاچار، جویور مه لر، نه چوخدور اویلاغین سنین! آرانین، یایلاغین سنین! کچ بو داغدان، بو آراندان، آستارادان، لنکراندان، آفریقادان، هندوستاندان قوناق گلیر بیزه قوشلار، ظلم الیندن قورتولموشلار ... بویرلرده لیمون ساری، اگیر، سالیر بوداقلاری داغلارینین دوم آغ قاری یارانمیشدر قارلی قیشدان، بیر سنگردیر یارانیشدان لنکرانین گلی رنگ- رنگ، یوردوموزین قیزلاری تک، دمله چایی، توک ویر گورک، آنامین دلبر گلینی! یادلارا آچما الینی! ساری سنبل بیزیم چورک، پامبوغمیز چیچک- چیچک، هر اوزومدن بیر شیره چک سحر- سحر آج قارینا قوت اولسون قوللارینا مین قازاخدا کوهلن آتا، یالمانینا یاتا- یاتا آت قان تره باتا- باتا گوگ یایلاقلار بئلینه قالخ، کپز داغدان گوگ گوله باخ! ای آزادگون، آزاد انسان، دویونجا ایچ بو بهاردان! بیزیم خاللی خالچالاردان سر چنارلار کولگه سنه آلقیش گونش ئولکه سنه! کونلوک کچیر قاراباغدان، گاه بو داغدان، گاه اوداغدان، آخشام اوستو قوی اوزاقدان هوالانسین خانین سسی، قارا باغین شکسته سی گوزل وطن، معنان درین، بشیگیسن گوزللرین! عاشق دییه ر سرین- سرین، سن گونشین قوجاغیسان، شعر، صنعت اوجاغیسان ئولمز کونول، ئولمز اثر، نظامی لر، فضولی لر! الین قلم، سینه ن دفتر، دی گلسین هرنه یین واردیر، دییلن سوز یادگاردیر بیر دون بیزیم باکی یه باخ، ساحللری چراغ- چراغ، بوروقلارین هایقیراراق نعره سالیر بوز چوللره، ایشیقلانیر هر داغ، دره نازلاندیقجا سرین کولک، ساحللره سینه گرک، بیزیم باکی- بیزیم اورک! ایشیقدادیر قوت سوزی، سحرلرین اولکر گوزی گوزل وطن! اوگون کی، سن آل بایراقلی بیر سحردن الهام آلدین، یاراندیم من گولور تورپاق، گولور انسان قوجا شرقین قاپیسی سان! دینله منی، گوزل وطن! بیرسوز گلیر اورگیمدن: خلقیمیزین عشقیله سن گوله جکسن هر بیز زمان، آذربایجان، آذربایجان! ❤️ ════‌༻‌♥️༺═══

اوخویور عاشيق بولوت دهقان👆👆 بولوتلار سئس سالیب آغلاشاندا گل (وقتی ابرها با ناله می گریند، بیا) ووردوغون  یارالار ساغلاشاندا  گل (زخمهای ازتوخورده ام چودرمان شد،بیا) بو سویوخ  محبت  داغلاشاندا گل (وقتی این عشق منجمدحرارت گرفت، بیا) گورسون کی من یوخام آختارما منی (اگر آمدی، من نبودم، دنبالم نگرد...) چکنده شکلیمی گوزومده یاش چک اونون یانیندا بیر اوره یی داش چک سنیله گزدیگیم یرله ره باش چک گورسون کی من یوخام آختارما منی... سلاملار عزیز دوسلارا صاباحیز خئیرلی و برکتلی و گونوز آیدین صبح و روزتان بخیر و نیکی ════‌༻‌♥️༺═══

گؤزلریم یول چکیر، یولسوز یوللارا یالان گله‌جه‌یه، کؤچمک ایسته‌ییر گئجه‌نیز پارلاق💫🌙💫