TAMIL OPTIONAL UPSC

மாப்பிள்ளை விஸ்கோஸில் வேலை செய்கிறார் என்றால் போதும் எந்த கேள்வியும் கேட்காமல் பெண் கொடுத்த காலம் 80 களில் 90 களில் பரவலாக இருந்தது... காரணம் வேறொன்றுமில்லை... சம்பளம் அள்ளி அள்ளி கொடுப்பார்கள்... போனசோ இரண்டு மாத சம்பளம். அன்று சொத்து வாங்கியவர்கள், நகை, வாகனம் வாங்கியவர்கள் ஏராளம். சம்பள நாளில் சிறுமுகையே திருவிழாக் கோலம் பூண்டிருக்கும்... அன்று ஒரு நாள் மட்டும் எல்லா அங்காடிகளும் அங்கு வந்து கடை விரிக்கும்... 60 ஆண்டுக்கும் மேற்பட்ட மூன்று தலைமுறைகளை சொல்லும் இந்த முகிலினி ( பவானி) நாவல்... செயற்கை இழை நூலைத் தயாரிக்கும் விஸ்கோஸ் எனப்படும் டெக்கான் ரேயான் தொழிற்சாலையால் பவானி ஆறு எவ்வாறு மாசடைந்தது...? (இன்றும் சிறுமுகை அருகே 'ரேயான்' எனும் நகர் உண்டு) ஸ்டெர்லைட் ஆலையின் மாசுபடுத்தலை விட பன்மடங்கு நீரையும் மக்களையும் நாசம் செய்தது விஸ்கோஸ் ஆலை.... அக்கால கட்டத்தில் அந்நீரைப் பயன்படுத்திய மக்களும், விலங்குகளும் என்னவானார்கள்...? தொடர்ச்சியான மக்கள் போராட்டம், சட்டப் போராட்டத்தால் ஆலை மூடல்... பிறகு அந்த ஆலையை கொள்ளையடித்தவர்கள்... 'பார்த்தீனியம்' சமீபத்தில் "அம்மன் மரம்" நாவல் படைத்து ஈழத் துயரங்களை தனது கவித்துவமான நடையில் நாவலாக, சிறுகதைகளாக படைத்து வரும் எழுத்தாளர் தமிழ்நதி அவர்கள் 2017 ல் 'முகிலினி' நாவல் குறித்து எழுதியுள்ளார். அதில்... "பிரமாண்டமாதொரு நிறுவனம் அல்லது தொழிற்சாலை எங்ஙனம் இயங்குகிறது, அது எதிர் கொள்ளும் சவால்கள், மேட்டுக்குடி வர்க்கத்தின் ' நாகரிகமான ' தந்திரங்களும் அவர்கள் பரஸ்பரம் தமக்கிடையே செய்து கொள்ளும் சமரசங்களும், அனைத்து எதிர்மறை விளைவுகளும் வந்து விடியும் தளமாக அடித்தட்டு மக்களின் தலைகள் இருப்பதும் என சமகாலத்தின் சாட்சியமாக இந்நாவல் அமைந்திருக்கிறது". "மனிதர்கள் தங்கள் பேராசையின் காரணமாக இயற்கை மீது தொடுக்கும் போரை, இழைக்கும் வன்கொடுமையை வேறெந்த நாவலும் இவ்வளவு காத்திரமாக சொன்னதில்லை" என்கிறார். படித்த போது தான் தெரிகிறது. 'முகிலினி' குறித்து சரியானதொரு மதிப்பீட்டை வைத்திருக்கிறார் என... நடந்தவைகளை கட்டுரையாக இல்லாமல் சுவராசியமாக சொல்லும் விதம்... என அனைத்திற்குமான கேள்வி பதிலான உரையாடலை பகிர்ந்து கொண்டார் எழுத்தாளர் முருகவேள்... நமக்கு அருகே இப்படியொரு ஆலை இருந்ததா இவ்வளவு பெரிய போராட்டம் நடந்ததா என வியந்தனர் கூட்டத்திற்கு வந்திருந்த இன்றைய தலைமுறையினர்... உயர்நீதிமன்ற நீதியரசர் ஆனந்த் வெங்கடேஷ் அவர்கள் சமீபத்தில் இந்து தமிழ்திசை நாளிதழில் ஒரு கட்டுரை எழுதியிருந்தார். அதில் இவ்வாறு குறிப்பிடுவார், " ஒரு படைப்பாளியின் மதிப்பு அவரது சொல் வளத்திலோ அல்லது மொழி ஆளுமையிலோ மட்டும் இல்லை. அந்தச் சொற்களுக்குப் பின்னால் இருக்கும் அவரது தூய்மையான ஆன்மாவில் இருக்கிறது". அந்த தூய ஆன்மா முருகவேள் அவர்களின் 'முகிலினி' நாவலில் இருக்கிறது. - 28/09/2026 -