أنـتِ مـ👑ـلگة

نهى 📞 بتتصل على الدكتورة رنا نهى : أهلا رنا كنت محتاجة أعرف خطورة العصبية علی صحتي لأني عصبية أوي وتعبت وكل فترة بحس إن عصبيتي زادت عن الأول ومش عارفة أنا راحة فين😥😥 رنا : الحمد لله حبيبتي إنك قررتِ تبدئي تهدي شوية و تعرفي إن الموضوع محتاج بجد ويستاهل التفكير والتغيير. عاوزة اطمنك حبيبتي لا تقلقي كل حاجة بالاستعانة بالله والله أسهل ما تتخيلي لأنك بتطلبي العون من ربنا وتعملي اللي عليك وبس والنتائج مبهرة بفضل ربنا علينا 🤩 نهى : الحمد لله ربنا يعينني يارب رنا : أكثري من قول لا حول ولاقوة إلا بالله، وانوي إنك ترضي ربنا في نفسك وكل اللي حواليك وأنا هكلمك عن الأخطار اللي طلبتيها لا تقلقي بس مش عوزاك تقولي أن ده خلاص هيحصلك وأنك هتمرضي و الكلام السلبي ده لا احنا بنتعلم عشان نتفادی وربنا كريم هيكرمنا بفضله بصي ياحبيبتي الغضب أو العصبية بتؤثر علی صحة القلب وتخلي ضرباته سريعه عن المعدل الطبيعي وده أضراره بتكون مثلا نوبات قلبية وتصلب شرايين 🙈 العصبية كمان بترفع هرمونات الكاتيكومالين وده بيؤدي للتوتر وزيادة الضغط☺️ نهى : استني استني أكتب وراك رنا : ههههههه ماشي في انتظارك نهى : كملي ..كملي كويس أني لسه عايشة 😳 رنا : يا بنتي مش قلت لك ربنا كريم احنا بيجي لنا حالات كده فعلاً بيحصل لهم كده من موقف عصبهم وغضبوا غضب شديد وأكيد قبل مايحصل كده كان في مقدمات وتنبيهات ربانية ربنا يفهمنا ويعلمنا . عاوزة أقولك كمان إن من أسباب الأرق والنوم المتقطع هو العصبية وده بيخلي عندك صداع دايماً كمان بيؤثر علی جهازك العصبي والأوعية الدموية والصداع يكون مزمن😐 و مشاكل جلدية كمان زي حب الشباب والصدفية 🙈 وكمان بيعرض بشرتك للشيخوخة بدري بدري😚 نهى : إن شاء الله أهدى شوية أنا كنت جاهلة بكل ده وربنا نور بصيرتي😔 رنا : يعني خلاص عرفتِ؟ عليك التنفيذ ياحبيبة قلبي😊 نهى : إن شاء الله دعواتك كل مايعدي موقف وأتمالك نفسي هبشرك إن شاء الله 😍 كمان حبيباتي إحنا مش بنضر نفسنا صحياً بس ❌ إحنا كمان بنضر نفسنا إجتماعيا وبنفقد ناس في حياتنا من أقرب وأحب الناس لنا من عصبيتنا 😥 لأن العصبي مش بيحب الشخص البارد محتاج دائماً تفاعل معه وكمان يكون موافقه لوجهات نظره🤫 لا يحب الشخص بطئ الفهم بينفعل ويظهر للشخص ده إنه غبي والتواصل معاه مش لطيف😕 وبكده بيُنفّر ناس كتير منه 🤗 ورغم أنه من أكتر الأشخاص طيبة قلب💚 وبيعرف يكون صاحب، وحبيب، وأخ، وشخص جاذب جداً في بداية العلاقات معه وتدمني وجودك معه ومميزاته كتير جداً لكن العصبية بتغطي علی كل شىء لأن تقلباته كتير جداً فبيخسر الناس بسهولة😔😔 ممكن الشخص ده يكون معاكِ كويس جداً وفجأه شيء يعصبه يقوم يقول كلام صعب يتنسي بعد كده😐 كمان تعبيرات وجهه وصوته ونفسه العالي كل حاجه فيه بتتغير وقت غضبه يخلي اللي قدامه ميصدقش حبه ليه 😱 ممكن يقوم يكسر أي حاجه أمامه يشتم يضرب يعمل أي حاجه من غير أي تفكير وده بيخلي اللي قدامه حاسس إن مفيش له قيمة عنده💔 و إن علی موقف بسيط ممكن يتخلی عنه ويسمعه حاجات عمره ما كان يتخيلها 😌 واحنا عارفين كلنا أد إيه حسن الخلق في ديننا له مكانة كبيرة والحقيقة أن العصبية بتدفن أشياء جميلة ويصبح الشخص العصبي للأسف سيء الخلق 😔 قال صلى الله عليه وسلم: «إنّ من خياركم أحاسنكم أخلاقا» رواه مسلم. وقال صلى الله عليه وسلم: «ما من شيء أثقل في ميزان العبد المؤمن يوم القيامة من حسن الخلق وإنّ الله ليبغض الفاحش البذيء» رواه الترمذي وصححه الألباني عشان كده لازم ناخد بالنا أوي من ألفاظنا وكلامنا الجارح عشان ننل فضل حسن الخلق 🌷 وكمان حبيبتي الغالية مهما بلغتِ من علم أو دين مين حولك هينتفع بدينك وعلمك لو ده مش له أثر على تعاملك وحلمك على كل من حولك؟ ✍محتاجين نترجم فهمنا وعلمنا إلى واقع نحياه فنسعد ويسعد من حولنا 💫 #كيف_تتخلصين_من_العصبية #رانيا_حمزة