حارسات السنة ️🦋

🎙 تلاوة من سورة الكهف بصوت م.باسل مؤنس -رحمه الله-

☆في ملحوظة مهمة بالنسبة للقَصَاص: في نوعين من القصاص، قصاص عام وقصاص خاص، القصاص العام هو إللي يكون بين جميع الخلائق قبل عبور الصراط زي ما شرحنا في حلقة المرة إللي فاتت وحلقة النهاردة كده، أما القصاص الخاص فهو للمؤمنين فقط بعد ما يعبروا الصراط وقبل ما يدخلوا الجنة، إللي هي مرحلة《القنطرة》إللي هنعرفها بعدين إن شاء الله، والغرض من القصاص إللي عند القنطرة ده هو تهذيب المؤمنين وتنقيتهم قبل دخول الجنة عشان محدش يبقى في قلبه شيء على أخوه والنفوس تصفى ويذهب الغل والحقد والبغضاء التي في قلوب الناس زي ما ربنا قال: "وَنَزَعْنَا مَا فِي صُدُورِهِمْ مِنْ غِلٍّ إِخْوَانًا عَلَى سُرُرٍ مُتَقَابِلِينَ" 《سورة الحجر آية(47)》 وخد بالك إن إللي بيوصل للقنطرة بيكون كده خلاص مش هيرجع تاني للنار👌 يعني لو في قصاص بين الشخص وبين أحد وهيؤخذ من حسناته وممكن تفنى حسناته ويدخل النار فده هيكون قبل القنطرة وقبل عبور الصراط أصلا، لكن إللي خلاص عدى على الصراط ووصل للقنطرة فهو هيدخل الجنة ولن يعود إلى النار👌 فالنوع ده لا تأخذ مظالمهم جميع حسناتهم؛ لأن لو المظالم أخذت جميع حسناتهم لكانوا ممن وَجب لهم العذاب، بمعنى إن لما أخوه ياخد من حسناته هيبقى لسه عنده حسنات تدخّله الجنة، فيدخلوا الجنة وكل واحد ينزل في درجته على حسب ما بقي عنده من حسنات، وممكن ربنا يلقي في قلوبهم العفو عن بعض، أو إن ربنا يُثيب المظلوم خيرا من المظلمة إللي وقعت عليه. فخُلاصة الكلام بقى إن في قصاص خاص بالمؤمنين فقط هيكون عند القنطرة ومحدش من إللي وصل للقنطرة بعد ما عبر الصراط هيدخل النار👌 كده احنا خلصنا مرحلة الحساب وهتيجي المرحلة السادسة وهي مرحلة:《الميزان》 لكن قبل ما ندخل في الميزان خلينا نلخص مرحلة الحساب في نقط سريعة بالترتيب: 1️⃣العرض - عرض الأعمال - زي ما شرحنا في الحلقة الرابعة والثلاثون. 2️⃣الحساب الأول وفيه جدال ومعاذير وهو داخل في العرض وهو حساب المؤمن إللي شرحناه في الحلقة السادسة والثلاثون. 3️⃣ تطاير الصحف، ويُؤْتَى أهل اليمين كتابهم باليمين، وأهل الشمال كتابهم بشمالهم، فيكون قراءة الكتاب زي ما شرحنا في الحلقة الرابعة والثلاثون. 4️⃣بعد قراءة الكتاب: يكون هناك حساب أيضاً لقطع المعذرة، وقيام الحُجة بقراءة ما في الكتب زي ما شرحنا في الحلقة الخامسة والثلاثون والسادسة والثلاثون والسابعة والثلاثون. إن شاء الله من المرة الجاية نبدأ نتعرف على المرحلة السادسة وهي مرحلة:《الميزان》 ♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊 ◇مصادر حلقة النهاردة في التعليقات 👇 ♡طبعا أي ملاحظة ياريت تقوليلي فالمؤمن مرآة أخيه❤ ¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌 #Eman_Shalapy

شوف بقى رسول الله ﷺ رد عليه وقال له إيه، قال له رسول الله ﷺ: "يُحسَبُ ما خانوكَ وعصوكَ وَكَذَّبوكَ وعقابُكَ إيَّاهم، فإن كانَ عقابُكَ إيَّاهم بقدرِ ذنوبِهِم كانَ كفافًا، لا لَكَ ولا عليكَ، وإن كانَ عقابُكَ إيَّاهم دونَ ذنوبِهِم كانَ فضلًا لَكَ، وإن كانَ عقابُكَ إيَّاهم فوقَ ذنوبِهِم اقتُصَّ لَهُم منكَ الفضلُ...."《صحيح الترمذي》 يعني ربنا بيحسب كذبهم وعصيانهم وخيانتهم لك، وبيحسب ضربك وشتيمتك لهم، فلو كان ضربك وشتمهم بقدر الغلط إللي عملوه معاك يكون كده خلاص مفيش حاجة لك ولا في حاجة عليك، ولو كان عقابك أقل من غلطهم يبقى لسه لك عندهم حسنات، أما بقى لو عقابك أكثر من غلطهم فربنا هيقتص منك حقهم يوم القيامة ويعطيه لهم👌 فالرجل أخذ جنب وقعد يبكي بشدة، فقال له رسول الله ﷺ: أما تقرأُ كتابَ اللَّهِ: "وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئًا ۖ وَإِن كَانَ مِثْقَالَ حَبَّةٍ مِّنْ خَرْدَلٍ أَتَيْنَا بِهَا ۗ وَكَفَىٰ بِنَا حَاسِبِينَ" 《 سورة الأنبياء آية(47)》 ففقال الرجل لرسول الله ﷺ: "واللَّهِ يا رسولَ اللَّهِ ما أجدُ لي ولَهُم شيئًا خيرًا من مفارقتِهِم، أشهدُكَ أنَّهم أحرارٌ كلُّهم" يعني بيقول والله يا رسول الله أنا مش شايف حاجة تكون أحسن لي وأحسن لهم غير إني أفارقهم، وأعتقهم كلهم عشان ينجي نفسه من القصاص ده يوم القيامة👌 فاوعى بقى تكون من الناس إللي بتقول إنها بتاخد حقها تالت ومتلّت😬 خد بالك انت مش عارف حقك أد إيه بالضبط، فممكن تكون مفكر إنك أخذت حقك بس لكنك في الحقيقة واخد بزيادة، والزيادة دي ربنا هيأخذها منكم حسنات يوم القيامة😶 وانت شوفت الحلقة إللي فاتت إزاي واحد كان مظلوم اتحول لظالم تؤخذ منه حسناته في الآخرة لأنه كان قعد يشتم في إللي ظلمه ليل نهار وبغير وجه حق لحد ما استوفى حقه كله في الدنيا وبقى هو المعتدي، إن الله لا يظلم مثقال ذرة، عيالك، أصحابك، أهلك، زوجتك، جيرانك، كل إنسان قابلته، تحلل من المظالم وسامح قبل ما ييجي يوم القيامة وميبقاش موجود غير الحسنات والسيئات👌 ويا سلام لو كنت من إللي بيعذبوا الناس في الدنيا، دي لوحدها كارثة تانية😞 قال رسول الله ﷺ: "إنَّ اللَّهَ يُعَذِّبُ الَّذِينَ يُعَذِّبُونَ النَّاسَ في الدُّنْيَا" 《صحيح مسلم》 ويدخل في التعذيب هنا تعذيب الزوجة، وتعذيب الأولاد، وتعذيب الخادم وتعذيب العامل، ويدخل فيه كل أنواع التعذيب👌 وانت أكيد سمعت وشفت قصص عن واحد بيعذب مراته وحتى أولاده والعياذ بالله، هو عشان شايف إنهم مش قادرين يدفعوا الظلم عن أنفسهم فبيتساهل في ظلمهم وتعذيبهم وناسي إن الله أقدر عليه من قدرته على هؤلاء الضعفاء المساكين😑 وشوف القصة دي إللي حصلت على عهد رسول الله ﷺ وبتأكد على المعنى ده👌 واحد من الصحابة كان اسمه أبو مسعود عقبة بن عمرو كان عنده عبد، وانت عارف العبيد بيكونوا مستضعفين، وتلاقي سيده بيتعصب عليه من أقل حاجة وخصوصا لو معملش إللي طلبه منه زي ما هو عايز، زينا كده بالضبط لما الواحد بيتعصب على عياله😓 فرسول الله ﷺ عدّى عليه مرة وكان عمّال يضرب العبد ده بالسّوط، الكرباج يعني، خليني أقرب لك المعنى للواقع بتاعنا: 《بالحزام أو بخرطوم البوتاجاز أو بشماعة الهدوم》 زي ما في أباء وأمهات بيعملوا مع أولادهم، شوف بقى رد فعل رسول الله ﷺ من الموقف ده كان إيه عشان تعرف الخطر الرهيب إللي احنا فيه😞 كان عمال بيضربه بالسّوط وهو غضبان وخارج عن شعوره، فرسول الله ﷺ لما شافه جاءه وقال له من وراء ظهره: اعلم أبا مسعود، اعلم أبا مسعود، اعلم أبا مسعود، ثلاث مرات رسول الله ﷺ يكلمه وهو مش واخد باله من شدة الغضب إللي كان فيه، فقرب منه رسول الله ﷺ فانتبه أبو مسعود لرسول الله ﷺ ووقع منه السّوط من هيبته لرسول اللهﷺ، فقال له رسول الله ﷺ: "اعْلَمْ، أَبَا مَسْعُودٍ، أنَّ اللَّهَ أَقْدَرُ عَلَيْكَ مِنْكَ علَى هذا الغُلَامِ..." 《صحيح مسلم》 يعني انت مستقوي على الغلام ده عشان هو ضعيف أهه ربنا بقى أقوى منك وقادر إنه يهلكك في لحظة👌 فخاف أبو مسعود وقال له: "يا رَسولَ اللهِ، هو حُرٌّ لِوَجْهِ اللهِ" فقال له رسول الله ﷺ  : "أَما لو لَمْ تَفْعَلْ لَلَفَحَتْكَ النَّارُ، أَوْ لَمَسَّتْكَ النَّارُ" 《صحيح مسلم》 يعني لو مكنتش عملت كده كنت هتتعذب بالنار، فأقسم له أبو مسعود إنه مش هيضرب أي عبد له بعد كده أبدا👌 فمتفكرش إن ظلمك أو تعذيبك لأي حد هيعدي كده وإن ده موقف وانتهى ونسيت وكملت انت في حياتك عادي، لاااا كل ده متسجل وهتتحاسب عليه يوم القيامة وهيُقتص منك ويتاخد من حسناتك أو يتحط لك على سيئاتك👌 قال الله عز وجل: "فَمَن يَعْمَلْ مِثْقَالَ ذَرَّةٍ خَيْرًا يَرَهُ۩وَمَنْ يَعْمَلْ مِثْقَالَ ذَرَّةٍ شَرًّا يَرَهُ" 《سورة الزلزلة آية(7-8)》

#قصة_نهاية_البداية_إيمان_شلبي #الدار_الآخرة_بالعامية #الحلقة_الثانية_والأربعون #المرحلة_الثالثة_اليوم_الآخر #الأحداث_في_أرض_المحشر_الجزء_الرابع_عشر #القصاص_الجزء_الثاني احنا قلنا قبل كده إن أول حاجة هيتحاسب عليها العبد يوم القيامة في الحقوق إللي بينه وبين ربنا هي الصلاة، أما أول حاجة هيتحاسب عليها العبد في الحقوق إللي بينه وبين البشر هي《الدماء》👌 قال رسول الله ﷺ: "أَوَّلُ ما يُقْضَى بيْنَ النَّاسِ بالدِّماءِ" 《صحيح البخاري》 يعني أولَ ما يُقضَى بينَ الناسِ في ظلمهم لبعضِهم البعض يومَ القيامةِ يكونُ في الدِّماء، زي القَتْل والجُرُوحِ، وده لتعظيم أمر الدماء، وأن أمرها شديد وعظيم، فالبداية تكون بالأهم فالأهم، وكل ما كان الذنب يؤدي إلى مفسدة عظيمة يكون الذنب نفسه عظيم، وهدم البنية الإنسانية سواء قتل أو جرح من أعظم المفاسد👌 وسبحان الله ربنا وضع في فطرة البشر بصفة عامة إن القتل ده حاجة غلط جدا وفعل قبيح، فحتى لو الشخص كان كافر ولم يصله شيء عن الإسلام وقتل حد؛ ربنا هيحاسبه على جريمة القتل دي لأن موجود في فطرته إن القتل أمر غير صحيح مينفعش يعمله، وفي كل القوانين في العالم معروف إن القتل ده فعل يُعاقَب صاحبه👌 تخيل بقى معايا كده المنظر، المقتول هييجي يوم القيامة وهو شايل رأسه على إيده ورقبته تسيل منها الدم بغزارة، وماسك القاتل إللي قتله بإيده التانية من رقبته وبيجره لحد ما يوصل للعرش، وهنا المقتول يقول لله عز وجل: يارب اسأله هو قتلني ليه؟!! فيسأله الله عز وجل هو قتله ليه، فيقول القاتل عشان تكون العزة لفلان، يعني زي كده مثلا إللي بيقتلوا المستضعفين عشان الرئيس الفلاني يستمر في منصبه ويكون هو الحاكم، فيأتيه الرد إن العزة لله وليست لفلان أو عِلان، ويقول الله له إنه هلك ويُؤخذ إلى النار👌 قال رسول الله ﷺ: "يأتي المقتولُ متعلِّقًا رأسُه بإحدى يديه، متلبِّبًا قاتلَه بيدِه الأخرى، تشخبُ أوداجُه دمًا، حتى يأتيَ به العرشَ، فيقول المقتولُ لربِّ العالمين: هذا قتلني فيقول اللهُ للقاتلِ: تعستَ، و يُذهبُ به إلى النارِ"《السلسلة الصحيحة》 وفي رواية تانية قال ﷺ: "يجيء المقتول آخذا قاتله وأوْدَاجُه تشخب دماً عند ذي العزة، فيقول: يا رب! سل هذا فيم قتلني، فيقول فيم قتلته؟ قال: قتلته لتكون العزة لفلان. قيل: هي لله" 《صحيح لغيره كما قال الألباني》 ويُعذب القاتل في النار مدة طويلة جدا بسبب جريمة القتل إللي عملها، قال الله عز وجل: "وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً"《سورة النساء آية(93)》 يعني إللي يقتل مؤمنا متعمد وميتوبش توبة نصوح قبل موته هيكون جزاؤه إنه هيدخل النار ويعذب فيها زمنا طويلا👌 فالخلود هنا في الآية معناه الزمن الطويل وليس الأبد مادام القاتل مات على الإسلام، يعني لو واحد مسلم قتل مؤمن وفي النهاية مات القاتل على الإسلام لكنه لم يتُب من قتله للمؤمن؛ فهو لن يُخلد في النار للأبد، بمعنى إنه هيتعذب ويقضي في النار زمن طويل جدا ولكنه هيخرج منها في يوم من الأيام بسبب بقاؤه على التوحيد حتى الموت، طبعا ده عذاب إللي قتل واحد، فما بالك باللي قتل مئات وآلاف هيتعذب في النار أد إيه👌 ومن عدل ربنا في القصاص إنه هيقتص حتى《للْمَوْءُودَةُ》من قاتلها، والْمَوْءُودَةُ هي الطفلة الصغيرة إللي دُفنت وهي حية، يعني كانوا يحفرون لها الحفرة ويلقونها فيها، ثم يضعون عليها التراب، وكذلك إجهاض الجنين بعد نفخ الروح فيه؛ داخل في معنى الوأد👌 ونفخ الروح في الجنين يكون بعد مائة وعشرين يوم منذ التلقيح، قال الله عز وجل: "وَإِذَا الْمَوْءُودَةُ سُئِلَتْ ۩ بِأيّ ذَنْبٍ قُتلَتْ" 《سورة التكوير آية(8-9)》 فالطفلة الصغيرة إللي دفنت حية أو الجنين إللي أُسقط بعد نفخ الروح هييجوا يوم القيامة ويسألهم الله عز وجل سؤال فيه تطييب لخاطرهم وإشعارهم أنهم لا ذنب لهم ليُقتَلوا بسببه وأن الذنب يقع على قاتلهم، وربنا بيسألهم هم تحديدا من باب تعنيف وتأنيب وتوبيخ إللي قتلهم👌 ويستمر القصاص بين العباد بالحسنات والسيئات، والحساب يوم القيامة بمثاقيل الذر من الخير والشر👌 خليني أقولك القصة دي عشان تفهم الوضع هيبقى عامل إزاي يوم القيامة، واحد من الصحابة جاء لرسول الله ﷺ وقعد قصاده قال له: "يا رسولَ اللَّهِ، إنَّ لي مَملوكينَ يُكَذِّبونَني ويخونونَني ويعصونَني، وأشتُمُهُم وأضربُهُم فَكَيفَ أَنا منهُم؟..."《صحيح الترمذي》 يعني هو بيشتكي لرسول الله ﷺ إنه عنده عبيد، بيكذبوا عليه وبيخونوه ومش بيسمعوا كلامه، فهو بيشتمهم وبيضربهم، فإزاي يكون الحساب بينه وبينهم يوم القيامة🤔

ليلة الجمعة صلوا على النبي صلى الله عليه وسلم و أكثروا ❤

لو مش عارف توصل له أو هتحصل مشكلة أكبر لو طلبت منه إنه يسامحك يبقى تدعي له وتتكلم عنه بخير في المكان إللي اتكلمت عنه بسوء فيه، ولو أخذت منه مال ممكن ترجع له المال بأي طريقة من غير ما ياخد باله، أو إنك تتصدق عنه بالمال ده لو مش عارف توصل له خالص، المهم ترجع الحقوق بأي طريقة👌 ¤ممكن بقى تقول طيب نفترض إن مسلم ظلم كافر إزاي يكون القصاص بينهم🤔 تعال كده شوف التقسيمة دي وانت هتفهم👌 1️⃣إذا كان الظالم مسلما والمظلوم مسلما؛ أخذ المظلوم المسلم من حسنات الظالم المسلم، فإذا فَنِيَت وانتهت حسنات الظالم؛ توضع سيئات المظلوم على الظالم بحسب مظلمته. 2️⃣إذا كان الظالم كافر والمظلوم مسلم؛ أُخذت من سيئات المسلم ثم وضعت على الكافر؛ لأن الكافر لا حسنات له أصلا زي ما وضحنا قبل كده. 3️⃣ إذا كان الظالم مسلم والمظلوم كافر فالموضوع هنا على قسمين: الأول إذا كان حربيا معتديا، والثاني إذا كان ذميا أو مستأمنا أو معاهدا. ⚔فإذا كان حربيا معتديا فلا شيء على المسلم ولا يُعد ظالما؛ لأن عِرض الكافر في الحالة دي مُباح. 📜وإذا كان المظلوم ذِمِّي من أهل الكتاب، أو مستأمن من المسلمين على نفسه وماله أو مُعَاهد، يعني واحد أخذ العهد بالأمان، فإنه يُقتص له من المسلم، قال رسول الله ﷺ: "ألَا مَن ظلمَ مُعاهدًا، أوِ انتقصَهُ، أو كلَّفَهُ فوقَ طاقتِهِ، أو أخذَ منهُ شيئًا بغَيرِ طيبِ نفسٍ، فأَنا حَجيجُهُ يومَ القيامةِ" 《صحيح أبي داود》 لكن إزاي هيُقتص من المسلم الظالم ده؟ هل مثلا سيُخفف عن المظلوم الكافر من عذاب النار؟ ولّا المسلم هيُعذب بسبب ظلمه؟ ولّا هيحصل معاهم إيه؟ الله أعلم🤷 كيفية الاقتصاص للكافر من المسلم علمها عند الله تعالى معندناش فيها حاجة في الشرع بتوضح طريقة القصاص دي، واحنا غير مطالبين بتكييف الأمور على وجه التفصيل ولا ندخل في دقائق وتفاصيل أمور الغيب مادام معندناش دليل من القرآن أو السنة، لكن القصاص هيحصل بينهم يعني هيحصل👌 فافهم كويس جدا إن《لا عَفوَ ولا شفاعةَ في حقوقِ العبادِ 》حتى ولو كانوا كفار👌 طبعا إلَّا أنْ يَشاءَ اللهُ ودي حالات خاصة، يعني ممكن ربنا يرضِّي المظلوم بمكافآت في الجنة مثلا مقابل إنه يعفو عن إللي ظلمه، لكن دي حالات خاصة لا يعلم مستحقيها إلا الله عز وجل، وإلا فالأصل إن كل واحد هياخد حقه من حسنات إللي ظلمه يوم القيامة👌 ♡بفكرك تاني: لو كنت ظلمت أحد بأي طريقة؛ فتحلل من إللي ظلمتهم قبل ما تيجي يوم القيامة وتلاقي حسناتك بتؤخذ منك غصب عنك ولا تملك لنفسك شيء، واجتهد في الدنيا إنك تعمل الأعمال الصالحة إللي أجرها عالي جدا غير محدد زي ما قلت لك من شوية عشان يبقى عندك مخزون كبير من الحسنات، بحيث لو  لا قدر الله حصل وأحد أخذ من حسناتك لا تفنى حسناتك ومتدخلش النار👌 تيجي بقى أول حاجة هيتحاسب عليها العبد في الحقوق إللي بينه وبين البشر، وهي..... هتعرف الحلقة الجاية إن شاء الله 👌 إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊 ◇مصادر حلقة النهاردة في التعليقات 👇 ♡طبعا أي ملاحظة ياريت تقوليلي فالمؤمن مرآة أخيه❤ ¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌 #Eman_Shalapy