🦋گلاره‌🦋

کە مرۆڤ نەبوو گووڵ چیە؟؟ با چەن جوان بێ و چەن بۆن خۆشیش! کە ژن نەبوو، ژیان چییە؟ با هەزار ساڵیش من بژیم، کە ماڵ مۆسیقای تیا نەبوو، ئیتر گوێ بۆ ئەبێ هەبێ؟؟ کە شێعرێ،ناخ نەبزوێنێ و لەناو زەینا چرای خۆی دانەگیرسێنێ و ناوبەناو داتنەچڵەکێنێ، تۆ پێم ناڵێی بۆ بنووسرێ؟؟ کە ئازادیش نەبوو ئیتر گووڵ یەعنی چی و ژن و مۆسیقا یەعنی چی و شێعر چییە و ژیان خۆی چی؟! مامۆستا_شێرکۆ_بێکەس @Dilnus_00

ئەمن دارێکی ویشک و ڕووتی بەرتاوم ئەمن کۆشکێکی ڕووخاوم بەجێ ماوم ئەمن کوێستانی تەمگرتووم لە پێ کەوتووم لە دەشتی بەربەرینی چارەنووسا ڕەنجەڕۆ ماوم!

تۆزێک مرۆڤم له‌گه‌ڵ دێوێک فکر و خه‌یاڵ

بەکوردی دەژیم بە کوردی دەمرم بە کوردی دەیدەم وەرامی قەبرم بە کوردی دیسان زیندوو دەبمەوە لەو دنیاش بۆ کورد تێهەڵدەچمەوە هەژارموکریانی

ندانمت که چه گویم،تو هردو چشمِ منی♥️

-سعدی

لێم مەتۆرە بۆ تۆ پشتم له دنيا كرد بووم به شاعير، خۆم ڕيسوا كرد ئەمزانی تۆ تۆفانێکی بێ ئامانی دەريايەکی بێ‌بەندەر و خرۆشانی من ئەمزانی هەزاران دڵ له تەنوورەی تۆفانی تۆدا خنكاوه من ئەمزانی تۆ ئاگری گیانی هەزاران پەپووله بۆ گەیشتن به سەرچاوکەی تیشکی ڕوخسارت سووتاوه! بەڵام هاتم خۆشەویستی تۆم کرده ڕێی هات و نەهات وەک شەپۆلێکی نائارام ڕووم کرده بەحری کارەسات. جەلال مەلەکشا

«بۆ دیداری تۆ ئەگەر ڕووبار بوومایە، دەگەڕامەوە ئەگەر كێو بوومایە، دەچەمیمەوە ئەگەر 'با' بوومایە، دەوەستام بەڵام من مرۆڤم چەندین جار بۆ دیداری تۆ گەڕامەوە چەمیمەوە وەستام»