DOCTORS | دكاترة

مدة دراسة اقل مشي غير هنا و تبقى على حسب الدولة لي باغي تروحلها مهم دير معادلة وتخدم عادي بلا ما تعاود غير في الجزائر هذا قانون عنده 5 سنين مولاش واحد قاري تخصص في روسيا يخدم في الجزاير حتى يعاود التخصص من اول سنة اما الطبيب العام يخدم عادي

وي لي بقا من عندي بصح كيما قتلك روسيا رخيصة ما تستقاملكش بزاف كيما الكراء تع اقامة هنا اغلا وحدة 500euro في عام كامل وكاين ارخص كيما رحدة 140 في العام و بالنسبة للماكلة وقاع على حساب شعال تصرفي هنا بزاف يصرفو بالتقريب 2millions w 5000da ولا 3millions بعني مشي بزاف واذا خدمتي غير نهار تاكلي سمانة

روسيا يحترمو الاسلام و المسلمات لا خوف عليك قوليلهم نروح عند وحدة و رواحي نتهلا فيك😂

طالبة او للعمل فقط مشي تقراي تخصص ( قتلكم يقرو عامين برك باينة مش راح تتعلمي بزاف كيما تقري اربعة او خمس سنوات )

اقامة هنا مليحة بزاف✅ نن مخلطين كل واحد شاد داره مشي يتلاقو ولا كيما في دزاير ريسطو كاين مطبخ داخل وطيبي لروحك . تقدري تجي كيما تبغي برك لازم تكون ويكاند ولا عطلة لأنو ممنوع الغياب هنا يوصل للطرد ✅

صراحة انا دارنا من لي زدت وانا نقلهم نخرج من بلاد حتى لصقتلهم في عقلهم يعني علبالهم كون مخرجتش ولا ميخلونيش نهبل😂✅ بالنسبة للعوائق واه صح شوي بصح غي البدية مبعد توالفي

كل دولة وشعال يقرو ومعظمهم ستة مثلا كيما ايطاليا - هولندا -بلجيك -المانيا هادو قاع ستة وكيما امريكا 4 ( مي خصك تقرا بكالوريوس قبل الطب ) والسنة السابعة في الجزائر هي اصلا عبارة عن سطاج وصاي مشي تقرو حاجة في الجامعة لا شارج انا قالولي قل وي بصح مزال ما نعرف هدوين بديت وهنا تقرا الحاجة المهمة مشي كيف دزاير يقتلك بالمعلومات الزايدة ونت تقرا نص كور ونص موديل علجال لاشارج وي معترف بيها.

انا كي بغيت نروح كنت نسمع دي الهدرة بصح مكنتش نأمن كنت ندخل في الجامعات الروسية تع الطب ونشوفهم دايرين شراكات مع مختلف الجامعات في دول اروبا تما عرفت بلي مكاش منها هاد الهدرة✅ الجامعة مديرش شراكة حتى يكونو لزوج معترفين بالديبلوم تعهم وزدت سقسيت اطباء جزائريين تخرجو من روسيا وقالولي مكاش منها ديبلوم معترف بيه عادي . وي صح ميغطوش السكن ينقصولك شوي انا ربحت اوبن دورز

قصة طويييلة 2ans وانا نسيي ونعاود ونتعلم هاد صوالح و نفهمهم و كفاش نكتب وحدة مليحة 😂 مهم قاع هاد الصوالح غادي نفهمكم فيهم ان شاء الله ورسالة التوصية كتبتها لوحدي ومديت اساتذة في الليسي يسينيوهالي و وحدة سنياتهالي بروفيسورة ouslim ربي يجازيها❤️

نن اذا والديك يقدرو يتكفلو بيك علاه تخدم نعرف وحدين هنا ما يخدموش يقرو برك و والديهم يرسلولهم بصح اذا بغيت تخدم مشي حاجة هنا المعيشة رخيصة تخدم نهار تعيش سمانة وهادي افضل حاجة في روسيا❤️🇷🇺

اولا هادي تبقا عند كل واحد وشا يبغي انا منبغيش فرنسا ثانيا انا بغيت لغة انجليزية منبغيش فرنسية وروسيا اسهل دولة تقرا فيها بالانجليزية بلا ietls ثالثا روسيا ضد العنصرية تجاه الاسلام والحجاب تحس روحك في بلادك مكاش لي يخرب فيك عكس فرنسا ومعظم دول الغرب

نن منيش معولة نخدم في روسيا تقدر تخدم فيه في الجزائر بشرط تزيد سنة سابعة اما اذا قريت التخصص وبغيت ترجع للجزائر ( بما أنو كل التخصصات هنا عامين الجزائر مراهيش تقبل هاد الشي سما تعاود تخصص من جديد ) في رأيي اي واحد يخرج من دزاير بش يخدم برا مشي بش يرجع يلا هاك كمل قرايتك في دزاير علاه تخرج

اقامة مختلطة ( اقامتي لي راني فيها متحسيش بالاختلاط لأنو المطبخ والحمام جايين لداخل مع غرفتك مشي مع ناس قاع ) قريبة 2 دقايق a pied نوصل .

﴿وَقُلْ رَبِّي ارْحَمْهُمَا كَمَا رَبَّيَانِي صَغِيرًا ﴾..

تا يقول المثل الا كثروا عديانك اعرف راسك غادي مزيان