Amazing

የልማድ እውነታዎች - ክፍል አንድ ልማድና ዓላማ “የየእለት ተግባራችን በሕይወታችን ቀዳሚነት የሰጠነውን ነገር ጠቋሚ ነው” – Mohandas Gandhi አንድ ሰው ወደ አሰበበትና ወደ አቀደው ደረጃ ለመድረሰ ሊከተላቸው ከሚገባው መመሪያዎች አንዱ የየእለት ተግባሩን ወይም ልማዱን ከዋና ዓላማው አንጻር የመቃኘቱ ጉዳይ ነው፡፡ የምትውልባቸው ቦታዎች፣ የምትመርጣቸው ጓደኞች፣ የምትማረው ትምህርት፣ የምታነባቸው መጻህፍትና የመሳሰሉት ሁኔታዎች በጥንቃቄ ከዋና ዓላማህ ጋር ሊጣጣሙ ይገባቸዋል፡፡ በሃሳብም ሆነ በተግባር ብዙውን ጊዜህን የምታሳልፍበትን ነገር በሚገባ ብታጤነው በሕይወትህ ቅድሚያ የሰጠኸውን ነገር ይጠቁምሃል፡፡ ይህ ድግግሞሽና ልማድ ደግሞ ውሎና አድሮ ወደ ልማድ በማደግ ማንነትህን የመቅረጽ ጉልበት አለው፡፡ በሌላ አባባል፣ ሁል ጊዜ ስታደርግ ራስህን የምታገኘው ነገር የሕይወትህን ቅደም-ተከተል ከማሳየቱም ባሻገር ነገ የት እንደምትገኝና ማን እንደምትሆን ይተነብያል፡፡ ስለዚህ፣ መሆን ከምትፈልገው ማንነትና መድረስ ከምትፈልግበት ዓላማ አንጻር ልማድን ማዳበር እጅግ ወሳን ጉዳይ ነው፡፡ Join🐝🔛share🍟 @amazingidea24 @amazingidea24 @amazingidea24

የልማዳችን ጉዳይ! የተወደዳችሁ ተከታታዮቼ ከነገ ጠዋት ጀምሮ በሚኖሩኝ  ፖስቶች ልማድን አስመልክቶ ወሳኝ ነገሮችን በተከታታይ ስለማቀርብላችሁ በጉዳዩ ላይ ራሳችሁን በመለወጥ ሕይወታችሁን እንድታሳድጉ ላበረታታችሁ፡፡ ጓደኞቻችሁ join እንዲያደርጉ ጋብዙ፡፡ ነገ ማለዳ እዚሁ እንገናኝ! @amazingidea24 @amazingidea24 @amazingidea24

ከግጥም ባሻገር የኔ እይታ 4 ሰውነት ምንድነው? ብዙ ጊዜ ሰዎችን ሰውነት ምንድነው? ብዬ እጠይቅ ነበረ ግን አጥጋቢ መልስ አጊንቼ አላውቅም የሆነ ጊዜ ላይ አንድን ሰው ስጠይቀው "ያው ሰው ሆኖ መፈጠር ነዋ" አለኝ ። በቂ መልስ እስካገኝ መጠየቅ አይሰለቸኝምና " እሺ ሰው ሆኖ መፈጠርስ ምን ማለት ነው?" ብዬ ጠየኩት "ያው ሰው ሆኖ መፈጠር ማለትማ ሁለት እግር ሁለት እጅ ሁለት አይን ሁለት ጆሮ አንድ አፍና የመሳሰሉትነገሮች ያሉት ቆሞ የሚሄድ ነው "አለ የተመለሰልኝ መልስ ሳቄን ቢያመጣውም ዋጥ አርጌ "እንዴ ዶሮምኮ እግሮቿ ሁለት ናቸው በነሱ ነው የምትሄደው ውሻና አህያም ሁለት ጆሮ አንድ አፍ ሁለት አይን ነው ያላቸው " አልኩት እንግዲህ ነገርኩሽ አንድ ታዋቂ አርቲስት እንደዛ ስትል ሰምቻለው የተባልሽውን ዝም ብለሽ ተቀበይ አለኝ የአንዳንድ ሰዎች ሌሎችን በጭፍን የመከተል ልምድ ያናድደኛል ለማንኛውም ይሄን ጉዳይ በሌላ ፅሁፍ እመለስበታለሁ። ወደ ዋናው ነጥቤ ልመለስና ሰው መሆን ማለት ምን ማለት ነው ? ስላላሳመነኝ ይሄንን መልስ ከራሴ መፈለግ ጀመርኩ እራሴን ጠየኩት ምንድነው ሰውነት ? ከራሴ ያገኘውት መልስ ይሄ ነው .. ተማርን የሚሉ ሰዎች ምን ብለው አብራርተው ሊገልፁት እንደሚችሉ እንጃ እኔ ግን ሰውነት ማለት ሰው መሆን ማለት ነው ብዬ አስባለሁ ። ሰው መሆን ስል ሰውን ሰው ያደረገው ልብና አይምሮ መሆኑን አስቤ ነው። የሰው ልጅ ከሌሎች ፍጡራን ተለይቶ ለእሱ ብቻ የተሰጠው ነገር ቢኖር አይምሮው ነው ይህ አይምሮ የምንለው ነገር የሰውን ልጅ ሚዛናዊ ፣አዲስ ነገር ፣ፈጣሪ ጠያቂ ፣መርማሪ፣ ባለ መፍትሄና አምላክ ፈጥሮ የሰጠውን በምድር ያለ ነገር ሁሉ አስተዳዳሪ የሚያደርገው የእግዚሐብሄር ስጦታው ሲሆን ልብ ደሞ የስሜቶች ማከማቻ መጋዘን ነው። ሁለት አይነት ስሜቶች ሊሰሙን ይችላሉ የፍቅር ስሜትና የጥላቻ ስሜት እነዚህ ስሜቶች ስንከተላቸው የተለያየ ባህሪና ስብዕና ያላብሱናል። ለምሳሌ:- በልባችን ፍቅር ካለ አዛኝ ፣ደግ ፣ተግባቢ፣ ሰው ወዳድ፣ እኔ ብቻ ሳይሆን እኛ ብሎ የሚያስብ ፣መተጋገዝ መተባበር፣ የጋራ ኑሮ፣ የጋራ ህይወትና የጋራ ስኬትን የሚፈልግ ሰው ያረገናል ጥላቻ ከሆነ ደሞ በልባችን ያስቀመጥነው በፍቃዳችን የዲያብሎስ ዙፋን ሆነናልና ክፉት ፣ ስግብግብነት ፣ጭካኔ የሌሎች መበደል፣ መጎሳቆልና ውድቀት ሚያስደስተን ሌላውንም እራሳችንንም የምንጎዳ እንሆናለን ። ታድያ የተሻለው ስሜት ለመምረጥና ለመከተል አላስፈላጊው ጭፍን ስሜት እንዳይቆጣጠረን ለማድረግ አይምሮአችን ጥሩ ጋሻ ይመስለኛል ። ልባችን ላይ የሆነ ስሜት ከመፈጠሩ በፊት አይምሮአችን ላይ የዛ ሀሳብ ጥንስስ ይጠነሰሳል ከዛ ነው ወደ ስሜትነት ሚቀጥለው አንዳንዴ ሰዎች ስለ ሌላ ሰው መጥፎ ወይም ጥሩ ሲነግሩን በጭፍን ስንቀበላቸው የራሳችንን ትተን በእነሱ አይምሮ ስለምንጠቀም የነሱ ኮፒ እንሆናለን በትክክል በራሳችን ካሰብንና ሁኔታዎችን በሚዛናዊነት ካጤንን ግን ያ ሰው እነሱ እንዳሰቡት ላይሆን ይችላል እና የራሳችን የሆነ ስሜት ይኖረናል ለዛ ሰው ስለዚህ እራሳችንን እንመርምር ሰውነት ይሰማናል ? ሰው መሆናችንን እየተጠቀምንበት ነው ?አይምሮና ልባችንን ተጠቅመን ትክክለኛውን የሰውነት መገለጫ የሆነ ባህሪና ስብዕና ገነባን ወይስ ሰውነታችንን ተነጥቀናል ? ስንቶቻችን የሰው ህመም ያመናል ? የሌሎች መገፋት፣ መታመም ፣መውደቅ ፣ስቃይ፣ ፍትህ ማጣት ያሳስበናል ? ወይስ ዘር ፣ሀይማኖት፣ ጎሳ፣ ወንዝ ቆጥረን ነው ለሀዘኔታና ለእርዳታ ልባችን የሚከፈተው ?እስቲ እራሳችንን እንጠይቅ ሰውነት የሚባለው ነገር ውስጣችን አለ ወይስ በፍቃዳችን ለሚዲያዎችና ለሰዎች አሳልፈን ሰጥተን አርክሰው ከሚዛን እንዲያወርዱን ፈቅደናል ? ጥቂት ሰዎች ለሌሎች ለማሰብ ፣ለመውደድ ፣ለማክበርና ለመራራት ሀይማኖትና ዘራቸውን ሲያጣሩ አይቼም ሰምቼም አውቃለሁ ተናድጄባቸውም ነበር ግን መልሼ ሳስበው ያሳዝናሉ ሀይማኖቴ ብለው የሚከተሉትን እምነት አስተምሮ እንደጣሱ አላወቁም የፈጠራቸው አምላክ ከፍጥረት ሁሉ ወዶ ያከበረው ፍጡር ሰው እንደሆነ አላወቁም ዘር ፣ጎሳና ሀገር የሚባሉ ነገሮች ሰዎች ከተፈጠሩ በኋላ የፈጠሩት ነገር መሆኑን አላወቁም ስለዚህ ወገኔ ቢያንስ አለማወቃችንን እንወቅ እንመን ለማወቅ እየጣርን እራሳችንን ከእግዚሐብሄር በታች በተሻለውና ሰውነታችንን በማያሳጣን መንገድ እየገነባን እንኑር። "አለማወቄን አውቃለው ግን ለማወቅ እጥራለሁ" መልካም ቀን ተመኘሁላችሁ ቤተሰብ🙌 ✍️የተክልዬዋ @semetnbegtm @semetnbegtm @semetnbegtm Share &comment እንዳይረሳ🙏

“ምን ላድርግ?” ለምትሉ • ያላችሁበትን ስፍራ ካልወደዳችሁትና ፈጽሞ የማይጠቅማችሁ ከሆነ ስፍራ ቀይሩ! • ያላችሁ ጓደኝነት ከጥቅሙ ጉዳቱ ካመዘነና ስሜታችሁን ካልወደዳችሁት የጓደኝነት ለውጥ አድርጉ! • የገባችሁበት የፍቅር ግንኑነት ከጉጉቱ ስጋቱ ካመዘነ እርግጠኝነትን እስክታዳብሩ ድረስ ቆም በሉ!  • ያላችሁን የኑሮ ደረጃ ካልተቀበላችሁት እቅድ አውጡና ለለውጥ ስሩ! • ያላችሁን የእውቀት ደረጃ ካልተማመናችሁበት ተማሩ! ሰልጥኑ! አንብቡ! • ያላችሁን የግል ባህሪይ ስታስቡት ካሳፈራችሁ የአስተሳሰብና የተግባር ለውጥ የማምጣት ጉዞ ጀምሩ! • በመጓዝ ያላችሁበትን የሕይወት አቅጣጫ ካላመናችሁበት ቆም በሉ! አስቡ! አቅጣጫን ለውጡ! ተነሱና አንድ ነገር አድርጉ! ቁጭ ተብሎ የሚለወጥ ነገር እኮ የለም! Join🔛share @amazingidea24 @amazingidea24

አስገራሚ ሰዎች ናችሁ! You are amazing! እስካሁን ከደረሳችሁበት ደረጃ የላቀ ደረጃ ባለመድረሳችሁ ከሚሰማችሁ የቅሬታ ስሜት በበለጠ ሁኔታ እንዲያውም ያሳለፋችሁትን ሁሉ ትግል አልፋችሁ እዚህ ደረጃ መድረስ በመቻላችሁ ያላችሁ ደስታ ሚዛን ካልደፋ የወደፊታችሁ ሊያሳስባችሁ ይገባል፡፡ የወቅቱን የአለም ሁኔታ፣ በሃገራችን ያለውን የመሰናክል ብዛት፣ የሰዎችን አስመሳይነትና አስቸጋሪነት፣ የራሳችሁን የስሜት ውጣ ውረድ፣ ብዙውን ነገር ካለምንም ደጋፊ ለብቻችሁ የመጋፈጣችሁን ሁኔታ . . . አልፋችሁ አሁን ያላችሁበት ደረጃ መድረሳችሁ በራሱ አስገራሚ ሰው የመሆናችሁ ማስረጃ ነው፡፡ እናንተ ባለፋችሁበት ሁኔታ ቢያልፉና ተጋፍጣችሁ የመጣችኋቸውን ነገሮች ቢጋፈጡ ኖሮ እናንተ አሁን ያላችሁበት ደረጃ ለመድረስ ቀርቶ የህልውናቸው ጉዳይ እንኳን የሚያጠራጥር አይነት ሰዎች ብዙ ናቸው፡፡ እናንተ ግን ብዙ ታግላችሁ ሳትበገሩ፣ ወላውላችሁ ተስፋ ሳትቆርጡ፣ ወድቃችሁ ውዳቂ ሆናችሁ ሳትቀሩ . . . እዚህ ደርሳችኋል፡፡ አስገራሚ ሰዎች ናችሁና በዚሁ ግፉበት!  Join 🔛share @amazingidea24 @amazingidea24

ጨቅጫቃው ባል! ለአርባ አመታት በሰላም ይኖሩ የነበሩት ባልና ሚስት ካለልክ መጨቃጨቅ ከጀመሩ ወደ አንድ አመት ሆኗቸዋል፡፡ አለመስማማቱ የጀመረው ባል ሚስትን፣ “ለምጠይቅሽ ጥያቄዎች መልስ አትሰጪኝም፣ እኔን የማናገር ፍላጎት ስለሌለሽ መዝጋት ጀምረሻል” በማለት መበሳጨት ጀምሮ ነው፡፡ ለብዙ አመታት በፍቅርና በመስማማት ይኖሩ የነበሩ እነዚህ ባልና ሚስቶች በድንገት እንደዚህ አይነት አለመግባባት ሲፈጠርባቸው ጉዳዩ ለወዳጆቻቸው ሁሉ ግራ አጋብቷል፡፡ ባልም እንዲሁ ምን እንደሚያደርግ እርግጠኛ አልነበረም፡፡ ምክንያቱም የሚስቱን ሁኔታ ሲያጤነው ምንም አልተለወጠችም፡፡ ያየው ለውጥ ለሚጠይቀው ጥያቄ መልስ አለመስጠቷ ላይ ብቻ ነው፡፡ በተለያየ መልኩ ካስተዋላት በኋላ ግን፣ “በቃ ጆሮዋ እየደከመ መጥቶ ነው” ብሎ ደምድሟል፡፡ እርግጠኛ መሆን ግን ፈልጓል፡፡   አንድ ቀን ባልየው የስነ-ልቦና አዋቂ ለሆነው ለአማካሪው ስለችግሩ ሊያማክረው ወደ ቢሮው ሄደ፡፡ ትውውቃቸው የረጅም ዘመን ስለነበር የሞቀ ሰላምታ ከተለዋወጡ በኋላ፡፡ ተቀምጠው ማውጋት ጀመሩ፡፡ ባልየው፣ “ስራ የሚበዛብህ ሰው እንደሆንክ አውቃለሁ፡፡ ሌሎችም ሰዎች ሊያማክሩህ ይጠብቁሃል፡፡ ወደ ሃሳቤ ልግባ፤ በአጭሩ ሚስቴ ማድመጥ አቁማለች፡፡ እየናቀችኝ ይመስለኝ ነበር፣ አሁን ግን ሳስበው ጆሮዋ መስማት ሳያቆም አይቀርም” ብሎ ከሚስቱ ጋር ስላለው ችግርና እንዴት ለሚጠይቀው ጥያቄ መልስ መስጠት እንዳቆመች፣ በሁኔታውም ስሜቱ እየተጎዳ እንደሆነ ተረከለት፡፡ ይህ የብዙ አመታት ልምድ ያለው አማካሪ ገና ታሪኩን በመስማት ላይ እያለ ችግሩ በአንድ ጊዜ ገባው፡፡ ምክሩ አጭርና ግልጽ ነበር፡፡ “ዛሬ ወደቤት ስትገባ ከ20 ሜትር ርቀት ላይ ሆነህ አንድ ጥያቄ ጠይቃት፣ ካልሰማችህ ከ15፣ ከዚያም ከ10፣ ከዚያም ከ5 ሜትር  እያልክ በምን ያህል ርቀት ላይ ስትሆን መልስ እንደምትሰጥህ አጣራ” አለው፡፡ ሰውየው ወደቤቱ ሄዶ የተባለውን አደረገ፡፡ ከ20 ሜትር ርቀት ላይ ሆኖ፣ “ዛሬ ራት ምንድን ነው?” ብሎ ጠየቀ፣ መልስ አላገኘም፡፡ ይህንኑ ጥያቄ ከ15 እና ከ10 ሜትር ርቀቶች ላይ ሆኖ ሲጠይቅ አሁንም መልስ አላገኘም፡፡ ከ5 ሜትር ርቀት ላይ ሆኖ ለአራተኛ ጊዜ፣ “ዛሬ ራት ምንድን ነው?” ብሎ ገና ከመጠየቁ መልስን በፍጥነት አገኘ፡፡ “ሶስት ጊዜ ነገርኩህ፣ አሁን ለአራተኛ ጊዜ ነው የምነግርህ፣ ለራት የተዘጋጀው መኮሮኒ ነው” ብላ መለሰችለት፡፡ ለካስ አልሰማ ያለው ጆሮ የባል እንጂ የሚስት አልነበረም፡፡ ባልየው ይህን እውነታ ከገባው በኋላ ወደ አማካሪው ለመመለስ ሙከራም አላደረገ፡፡ ችግሩ ያለው እኔው ጋር ይሆን? “እይታ” ከተሰኘው  መጽሐፍ ውስጥ የተወሰደ፡፡ Join 🔛share @amazingidea24 @amazingidea24

ጥያቄ፡- 20 amete new በምሰራው ስራ ዉጤት ማምጣት እፈልጋለው ስለዚ ማርሽ እንዲት ልቀይር ተአምራዊ ለዉጥ እንዴት ልፍጠር መልስ፡- የማከማቸት ሕግ (the law of accumulation) ታዋቂው የስኬትና የመልካም ስብእና አስተማሪ ብራያን ትሬሲ ስለ አንድ የማይለወጥ ሕግ ይነግረናል፡፡ ይህንን ሕግ፣ የማከማቸት ሕግ (the law of accumulation) በማለት ይጠራዋል፡፡ ሕጉ እንደዚህ ይላል፡- “ማንኛውም የምናደርገው ነገር ሁሉ ወይ ወደ ክሬዲት ወይም ደግሞ ወደ ዴቢት በመግባት ይቆጠራል“። ከዚህ ውጪ ምንም ስሌት የለም፡፡ ከራስ በራስ ጋር ባለን ግንኙነት እሳቤም ሆነ አንዳንድ ልማዶች አንጻር ስንመለከተው የምናደርገው ነገር ሁሉ ወይ እንድናከማች ወይም እንድናባክን ያደርገናል፡፡ ዛሬ በግዢ፣ በሽያጭ፣ በመስጠት፣ በመቀበልና በመሳሰሉት ሁኔታዎች ከገንዘብ ጋር የነበራችሁ ንክኪ አስቡት ይህ ሂደት ወይ ክሬዲት ተጨምሮላችኋል ወይም ዴቢት ሆኖ ተቀናሽ አድርጋችኋል፡፡ ከሰዎች ጋር ባለንም ግንኙነት ስሌቱ ይኸው ነው፡፡ የምደርጋቸው ነገሮች፣ ከማድረግ የምንከለከላቸው ነገሮች፣ የምንናገራቸው ነገሮች . . . በሙሉ ወይ ጨምረውልናል ወይም ቀንሰውብናል፡፡ ሁኔታዎችን በዚህ መልኩ ማየት ስንጀምር ለምናደርጋቸውም ሆነ ለማናደርጋቸው ነገሮች በሙሉ ጥንቃቄ በተሞላው መልኩ እንድንንቀሳቀስ ያግዘናል፡፡ ካደረግን ወይም ካላደረግን፣ ከተናገርን ወይም ዝም ካልን በኋላ ስለወጤቱ ከማሰብና ከመጨነቅ ቀድ ሞውኑ ይህ ነገር የሚታሰብልኝ ወደ ክሬዲት ነው ወይስ ወደ ዴቢት ብለን እናሰብ፡፡ @amazingidea24 @amazingidea24

መልስ፡- ፍቅር ማለት ። ። ። 1) መሳሳብን፣ 2) መተዋወቅን፣ 3) በአካል እየተገናኙ ሰፊ ንግግር (ተግባቦት) ማድረግን፣ 4) መመጣጠንን፣ 5) መለማመድንና 6) ከብቸኝነት ሕይወት በመውጣ አጋር በማግኘት የመደሰትንና ሌሎች ተጨማሪ ሁኔታዎች ያጠቃልላል፡፡ በsocial media የሚጀመር ፍቅር ከላይ ከተጠቀሱት ስድስት ወሳኝ ነገሮች መካከል ሙሉ ለሙሉ የሚያሟላው የመጨረሻውን (ስድስተኛውን) ሃሳብ ብቻ ነው፡፡ የቀሩት አምስቱ ልክ እንደቁማር ጨዋታ ከተገጣጠመ መልካም፣ ካልተገጣጠመ ደግሞ ከተጋባን በኋላ እንደምንም ብለን እንገጣጥመዋለን በማለት የሚገባበት ጉዳይ ነው፤ ያውም ስሜታችን፣ ጊዜያችንና ገንዘባችን ሳይበላ እዚያ ከደረስን ነው፡፡ በsocial media በሚመሰረት የርቀት ፍቅር ተጀምሮና በጥንቃቄ ተይዞ ውብ ወደሆነ ጥምረት የገቡና ወደፊትም የሚገቡ ሰዎች መኖራቸው ምንም ጥርጥር የለውም፡፡ ከእነሱ ይልቅ የሚበዙት ግን ለብዙ ቀውስ ራሳቸውን አሳልፈው የሰጡት ናቸው፡፡ በርቀት የሚመሰረት ፍቅረ በአካል ከሚመሰረተው የበለጠ የሚያጓጓበትንና ካልተጠነቀቅን ሊያታልለን የመቻን ጉዳይ አስመልክቶ “ያለንበት የማሕበራዊ “ሚዲያ” መረብ ዘመን በማንኛውም ዘርፍ ውስጥ የምንፈልጋቸውን ሰዎች ለማግኘት እግራችንን ሳይሆን ጣታችንን ብቻ ማንቀሳቀስ ነው የሚጠበቅብን፡፡ ከዚህም የተነሳ በስልካችንና በመሳሰሉት መሳሪያዎቻችን ሰዎች እኛ ድረስ እንዲመጡ በመፍቀድና እኛም እነሱ ድረስ በመሄድ ገደብ-የለሽ ግንኙነት መፍጠር እንችላለን፡፡ ከዚህ የተነሳ ሰዎች ሳይተያዩና ሳይነካኩ “ፍቅር” ይይዛቸዋል፡፡ ይህ ፍቅር ግን ከአካላዊው መሳሳብ ይልቅ የሚኖረው የስሜት ትስስር ይህ ነው አይባልም፡፡ ይህንን መንገድ የሚጠቀሙ ሰዎች በአንድ ጎኑ አንድን በማሕበራዊ ሚዲያ የተዋወቁትን ሰው በዚያ ስላዩትና ስላወሩት (“ቻት” ስላደረጉት) ብቻ በከፊል ያወቁትን ሰው ባወቁት መጠን የወደዱት ሲመስላቸው፣ በሌላ ጎኑ ደግሞ ገና በአካል አግኝተውት ስለማያውቁ ይህንን ገና ያልታወቀውን ማንነቱን ለማወቅ ያላቸው ጉጉትና መናፈቅ ተደምረው ቀልባቸውን የሚስብና የሚያንጠለጥል (Suspense) ሁኔታ ውስጥ ራሳቸውን ያገኙታል፡፡”      ከማህበራዊ ሚዲያ የረጅም ርቀት ፍቅር ጠንቀቅ!!! @amazingidea24 @amazingidea24

ጥያቄ፡- እንደምን አለህ? ስለምታደርግልን እገዛ ሁሉ ከልብ እያመሰገንኩኝ፤ እኔ አንድ ጥያቄ አለኝ አሱም፦ be social media ስለሚጀመር ፍቅር ነው፡፡ በsocial media ስለሚጀመር ፍቅር ምን ትላለህ ቀጣይነትስ ይኖረዋል? መልስ፡- Zara mata 2:00 lay endaymlto Join and share @amazingidea24 @amazingidea24

መልስ፡- ለዚህ ሰው እሺ በይው ወይም አትበይው የሚልን መልስ አልሰጥሽም፡፡ ሆኖም የእድሜ መመጣጠን ጉዳይ የአካላዊ መሳሳብ ሁለተኛው ገጽታ የእድሜ ጉዳይ ነው፡፡ ከውጪ ውበት በተጨማሪ የእድሜ ጉዳይም በዚህ አካላዊ መመጣጠን በተሰኘው ክፍል ውስጥ ይመደባል፡፡ የእድሜ ልዩነት ከመሳሳብ ያለፈ ገጽታና ተጽእኖ አለው፡፡ አንዳንድ ሰዎች በእድሜ ከእነሱ ገፋ ያለ ሰው ይስባቸዋል፡፡ ይህ ስሜት በሴቷ ላይ ሲኖርና በወንዱ ላይ ሲኖር ግን የተለያዩ ስነ-ልቦናዊ መነሻዎችናየተለያዩትርጉሞችን ሊይዙ ይችላሉ፡፡ አንዳንድ ሴቶች በልጅነታቸው የአባትን ፍቅር አግኝተው ወይም በሚገባ ጠግበው ካላደጉ ያንን የአባትነት፣ የመከታና የጠባቂ “ምስል” ከፍቅረኛቸው የማግኘት ውስጠ-ጥማት ሊያንጸባርቁ ይችላሉ፡፡ ከዚህ የተነሳ በብዙ እድሜ ወደሚበልጣቸው ሰው ሊሳቡ ይችላሉ፡፡ ይህ የመሳብ ሁኔታ በአንድ ጎኑ ለጊዜው የነዳቸውን የስነ-ልቦና ፍላጎት ሲያሟላ በሌላ ጎኑ ግን በኋላ ይዞ የሚመጣው የራሱ የሆነ ችግር እንዳለ ማወቅ አስፈላጊ ነው፡፡ ከላይ ከተገለጸው ምክንያት ጋር ተዛማጅነት ባለው ሁኔታ ወንዶችም በእድሜ ከእነሱ ወደሚበልጡ ሴቶች የመሳብ ዝንባሌ ሊያንጻባርቁ ይችላሉ፡፡ ሆኖም በሴቶችም ሆነ በወንዶች ላይ የሚታየው በእድሜ የማይመጣጠናቸውን ሰው ለማግባት የመነሳሳት ሁኔታ ከሃብት፣ ከዝናና ከመሳሰሉት ግላዊና ማህበራዊ ምልከታዎች ሊነሳም የመቻሉ ጉዳይ ሊሰመርበት ይገባል፡፡  ከእድሜያቸው በላይ የሚያገቡ ሴቶች ከሚደርስባቸው ተጽእኖ አንዱና የተለመደው በተለይም ወንዱ “የኃይለኛነት” እና “የወንድ የበላይነት” አይነት ዝንባሌ ካለው ሴቶቹ በዚያ ተጽእኖ ውስጥ የመውደቅ እድል አላቸው፡፡ ቀደም ሲል የጠቀስነው በእድሜ የሚበልጣትን ወንድ በማግባት ከአባት ያጣችውን የምትመካበትና የምታከብረውን ወንድ የመተካት ዝንባሌ ከመስመር ይወጣና ወደመጎዳት ሊወስዳት ይችላል፡፡ ከእድሜያቸው በላይ የሚያገቡ ወንዶች ከሚያጋጥማቸው ቀውስ አንዱ ከእድሜ፣ ከወሊድ ጋር ተያይዞ የሚመጣ የአካል ለውጥ ሲከሰት ልዩነታቸው እንደሰፋ የማየት ዝንባሌ ሊያድርባቸው ይችላል፡፡ በዚህ ሁኔታ ውስጥ የሚያልፉ ወንዶች ሃሳባቸውን የሚቆጣጠሩና ራሳቸውን የሚገዙ ካልሆነ ተሰብስቦ ያለመቀመጥ ልምድ ውስጥ ሊገቡ ይችላሉ፡፡ አካላዊ መመጣጠንን ከግላችን የውበት መለኪያ ተነስተንም ሆነ ከሌሎች ማሕበራዊ ሁኔታዎች ተነስተን እንወስነው፣ ዋናው ልናተኩርበት የሚገባ ጉዳይ ለትዳር ከምንመርጠው ሰው ጋር የደስታ፣ የፍቅርና መልካም ቤተሰብን የመመስረት ኑሮ ውስጥ የመግባታችን ጉዳይ ነው፡፡ ከላይ የጠቀስናቸው ሃሳቦች ማንሳት ግድ የሚሆንብን እንደዚህ አይነቱ ትዳር ትክክል ነው፣ ያኛው ደግሞ ትክክል አይደለም የሚልን ድፍን ያለ ምክር ለመለገስ ሳይሆን፣ የአካላዊ መመጣጠንን እውነታ በሚገባ የማይገነዘቡና ሁኔታውን በተጠቀሰው መልኩ የማያዩት ሰዎች ስላሉ እንዲሁ በጭፍንነት ወደትዳር ከገቡ በኋላ ትዳራቸው የሚናጋባቸው ሰዎች ስላሉ ነው፡፡ የምናደርጋቸው ማንኛውም አይነት ውሳኔዎች፣ በተለይም እንደ ትዳር የመሰሉ እድሜ ልክ የሚከተሉ ውሳኔዎቻችን፣ መወሰን ያለባቸው ባለማወቅ፣ በጭፍንነትና በታመቀ ስሜት ተጽእኖ ውስጥ ሆነን ሊሆን አይገባውም፡፡ በምትኩ ምርጫችንን በሚገባ አውቀን፣ በነገሩ በስለንና አምነንበት ሊሆን ይገባዋል፡፡    @amazingidea24 @amazingidea24