ስሜትን በግጥም(፪፬)😘😢😄

@semetnbegtm @semetnbegtm @semetnbegtm

ጨቅጫቃው ባል! ለአርባ አመታት በሰላም ይኖሩ የነበሩት ባልና ሚስት ካለልክ መጨቃጨቅ ከጀመሩ ወደ አንድ አመት ሆኗቸዋል፡፡ አለመስማማቱ የጀመረው ባል ሚስትን፣ “ለምጠይቅሽ ጥያቄዎች መልስ አትሰጪኝም፣ እኔን የማናገር ፍላጎት ስለሌለሽ መዝጋት ጀምረሻል” በማለት መበሳጨት ጀምሮ ነው፡፡ ለብዙ አመታት በፍቅርና በመስማማት ይኖሩ የነበሩ እነዚህ ባልና ሚስቶች በድንገት እንደዚህ አይነት አለመግባባት ሲፈጠርባቸው ጉዳዩ ለወዳጆቻቸው ሁሉ ግራ አጋብቷል፡፡ ባልም እንዲሁ ምን እንደሚያደርግ እርግጠኛ አልነበረም፡፡ ምክንያቱም የሚስቱን ሁኔታ ሲያጤነው ምንም አልተለወጠችም፡፡ ያየው ለውጥ ለሚጠይቀው ጥያቄ መልስ አለመስጠቷ ላይ ብቻ ነው፡፡ በተለያየ መልኩ ካስተዋላት በኋላ ግን፣ “በቃ ጆሮዋ እየደከመ መጥቶ ነው” ብሎ ደምድሟል፡፡ እርግጠኛ መሆን ግን ፈልጓል፡፡   አንድ ቀን ባልየው የስነ-ልቦና አዋቂ ለሆነው ለአማካሪው ስለችግሩ ሊያማክረው ወደ ቢሮው ሄደ፡፡ ትውውቃቸው የረጅም ዘመን ስለነበር የሞቀ ሰላምታ ከተለዋወጡ በኋላ፡፡ ተቀምጠው ማውጋት ጀመሩ፡፡ ባልየው፣ “ስራ የሚበዛብህ ሰው እንደሆንክ አውቃለሁ፡፡ ሌሎችም ሰዎች ሊያማክሩህ ይጠብቁሃል፡፡ ወደ ሃሳቤ ልግባ፤ በአጭሩ ሚስቴ ማድመጥ አቁማለች፡፡ እየናቀችኝ ይመስለኝ ነበር፣ አሁን ግን ሳስበው ጆሮዋ መስማት ሳያቆም አይቀርም” ብሎ ከሚስቱ ጋር ስላለው ችግርና እንዴት ለሚጠይቀው ጥያቄ መልስ መስጠት እንዳቆመች፣ በሁኔታውም ስሜቱ እየተጎዳ እንደሆነ ተረከለት፡፡ ይህ የብዙ አመታት ልምድ ያለው አማካሪ ገና ታሪኩን በመስማት ላይ እያለ ችግሩ በአንድ ጊዜ ገባው፡፡ ምክሩ አጭርና ግልጽ ነበር፡፡ “ዛሬ ወደቤት ስትገባ ከ20 ሜትር ርቀት ላይ ሆነህ አንድ ጥያቄ ጠይቃት፣ ካልሰማችህ ከ15፣ ከዚያም ከ10፣ ከዚያም ከ5 ሜትር  እያልክ በምን ያህል ርቀት ላይ ስትሆን መልስ እንደምትሰጥህ አጣራ” አለው፡፡ ሰውየው ወደቤቱ ሄዶ የተባለውን አደረገ፡፡ ከ20 ሜትር ርቀት ላይ ሆኖ፣ “ዛሬ ራት ምንድን ነው?” ብሎ ጠየቀ፣ መልስ አላገኘም፡፡ ይህንኑ ጥያቄ ከ15 እና ከ10 ሜትር ርቀቶች ላይ ሆኖ ሲጠይቅ አሁንም መልስ አላገኘም፡፡ ከ5 ሜትር ርቀት ላይ ሆኖ ለአራተኛ ጊዜ፣ “ዛሬ ራት ምንድን ነው?” ብሎ ገና ከመጠየቁ መልስን በፍጥነት አገኘ፡፡ “ሶስት ጊዜ ነገርኩህ፣ አሁን ለአራተኛ ጊዜ ነው የምነግርህ፣ ለራት የተዘጋጀው መኮሮኒ ነው” ብላ መለሰችለት፡፡ ለካስ አልሰማ ያለው ጆሮ የባል እንጂ የሚስት አልነበረም፡፡ ባልየው ይህን እውነታ ከገባው በኋላ ወደ አማካሪው ለመመለስ ሙከራም አላደረገ፡፡ ችግሩ ያለው እኔው ጋር ይሆን? “እይታ” ከተሰኘው  መጽሐፍ ውስጥ የተወሰደ፡፡ Join 🔛share @amazingidea24 @amazingidea24

ካንተ ጋራ ስሆን❤ ፀሐፊ እና አቅራቢ ዔደን ታደሰ @ediwub @topazionnn

ሀገር ግን ምንድናት??? በዕሌኒ እና ዔደን ተፅፎ እንደቀረበ @topazionnn @topazionnn

የእናት ልጆች እናት ሀገር ወልዳ ልጆቿም ጠንክረው ጓዳዋን ሊሞሉ ስደትንም መርጠው በሰው ሃገር ልፋት በሰው ምድር ጥረት ቀን ይውጣ ተብሎ መልፋት በሞት ሽረት ላይሞላ ሲጎድል ሲሞላም ሲያቀልል የሃገር ቤት ጎጇችን ገና ቀና ከማለቷ የውብ አለም መልኳ ጠፋ ከውብ ፊቷ ጉልበቷስ ቢደክም ቀን ከሌት ቢለፋ እረፍት ማጣት ይዞ በእንቅልፍ ቢዳፋ እኔን የሰበረኝ ያ ባሪያሽ ያደረገኝ ከኔ ልብ ከቀረው ውበትሽን ውዴ ማነው የሰረቀው! ከ ልዑል መኮንን (@Liulmekonen)የእናታቸውን ጓዳ ለመሙላት በውጭ ሀገራት ለሚለፉ ወገኖቻችን

ፈጣሪ መኖሩን እንዴት አወቅን ?

በአንድ ወቅት አንድ ፈረንሳዊ ከሌላ የአረብ መንገድ መሪ ጋር በረሀውን ያቋርጣል በየእለቱ አረቡ  በጋለው አሸዋ ላይ ተንበርክኮ ፈጣሪውን ሳይማፀን አይውልም በመጨረሻ ግን አንዲት ምሽት ኢ- አማኙ ፈረንሳይ ለአረቡ እንዲ ይለዋል 🧔‍♂ፈጣሪ አምላክ መኖሩን እንዴት አወክ ? መንገድ መሪውም አጠያየቁ የሹፈት መሆኑ ስለገባው ፈረንሳዩውን ትክ ብሎ እየተመለከተው ሲመልስለት 👳‍♂ፈጣሪ አምላክ መኖሩን እንዴት አወክ ነው ያልከኝ ? ትናት ሌሊት እኛ ተኝተን በአጠገባችን አልፎ የሄደው ግመል እንጂ ሰው አለመሆኑን እንዴት አወኩ ? አሸዋው ላይ አሳርፎት ካለፈው  ዱካ አልነበረምን? ካለው በኋላ ከአድማሱ ወዲያ ማዶ ልትጠልቅ የመጨረሻ ጨረሮቿን እያፈነጠቀች ወደነበረችው ጀንበር በጣቱ እያመለከተው ቀጠለና ''ይህ የምትመለከተው የሰው ዱካ አይደለምን ?'' ሲል ድንቅ ምላሽ ሰጠው። ምንጭ..እራስን ማግኘት .............................................ሴናዬ✍️ ጥቂት ከታዘብኩት ላካፍላቹ ሁሉም ሰው የራሱ የሂወት መንገድ አለው። አብዛኞቻችን ግን ከመንገዳችን ውጪ ባለው መስመር ላይ ነው የምንጓዘው! ለምን እንዳይባል ሁሌም ከምክኒያታዊነት የራቅን ነን መልስ የለንም። ሰወች ሲያረጉ ያየነውን እኛም... "እንደሱ" አሊያም "ከሱ" በሚሉ ዝቃጭ ስሜቶች ተጠምደን ምክኛት ሳንጠይቅ ውጤቱን እንቀበላለን... ሌሎች ለራሳቸው እንኳን በቅጡ ሳይረዱት እና ሳያምኑበት በሚፈርዱዋቸው (በሚፈላሰፉአቸው)  በእውቀት መበልፀግ የሚመስሉ አላዋቂነትን የሚያስረዱ ሀሳቦች ለምን.? እንዴት.? እና በየት.? እንኳን ሳንል አንድ የሀሳብ መንገድ፣አንድ ክፍተት፣ እና አንድ ሙሉነቱን በተሳሳቱ ተራ ሀሳቦች እና ቃላቶች ተማርከን የማይናድ ስንንድ ፣የማይካድ ስንክድ እና የማይበጠስ ማህተም ስንበጥስ ይታያል። ይህ ደሞ የስህተቶች ሁሉ ሀያሉ ነው! እናም ውድ የሀገሬ ልጆች ሆይ መጠየቅ ፣ ማወቅ ፣መመርመር ብሎም ለመገንዘብ እና አዲስ ነገር ለመፍጠር ማሰብ በጎ ነው። ግን ይህ ሲሆን ያለንን ለማጥበቅ ባለን ላይ ለመጨመር እና ካለንበት ከፍ ለማለት ይሁን እንጂ አቅጣጫችንን እንዲያስተን እንዳይሆን እንጠንቀቅ ! ፍልስፍና በጨለማ እና በብረሀን መካከል መጓዝ ነው ግልፅ ባልሆነ መንገድ ግልፅ ያልሆነ ምርጫ ግልፅ ያልሆነ ሀሳብ            የሴቷ ልጅ

🎤ኢትዮጵያዊነት ነው                                            ✍Nahom አሼንድዬን ላከብር ትግራይ ተሻግሬ መጣሁ ወደ ደቡብ አክሱም ላይ አድሬ ቀናትን ቆጥሬ የማከብርበትን ደማቅ በዓል ፍቼ ጨምበላላ ሲሉ ዝናውን ሰምቼ ሸገር ላይ አድሬ ሲነጋ ሲዳማ ወግና ባህሉን ለዓለም ላሰማ፤ ለምን እቀራለሁ ኦሮሞስ መጓዜን ልሻገረው እንጅ ሸካክፌ ጓዜን ለማክበር ኢሬቻን። መስቀል ደረሰና ሄድኩኝ ከጉራጌ ኢትዮጵያዊነት ነው ባህልና ወጌ ገና'ን ላሊበላ ጥምቀትን በጎንደር አማራ ተጉዠ በአላቱን ሳከብር ትዝ አለኝ በድንገት ቁልቢ ገብርኤል አሁን ደግሞ ሀረር ጉዞዬን ልቀጥል እሄዳለሁ አፋር ቤንሻጉል ሶማሌ ኢትዮጵያዊነት ነው ወግና ባህሌ ሁሉንም አያለሁ ኢትዮጵያን በሙሉ መገለጫዬ ነው ወግና ባህሉ። ኢትዮጵያ የሁላችንም ናት። @topazionnn @semetnbegtm

......እማ ፩

............................ሴናዬ✍️ እማ ይቅር በይኛ እኔ በዳይ ሰው ነኛ እናቴ ልጄ በይኛ ክንዴን ደግፊልኛ እምዬ ያምላኬ እናት ፀሎቴን ባክሽ አስምሪያት ቃላቶች አጠሩኝ ላንቺ እማዬ በይ ቁጥር እንቺ 1 ናት የኔ የምላት ያንቺም ናት አውቃለው ሲሏት ልጥራሻ በመጠሪያሽ ልክ የኢትዮጲያ አንዲት እማምላክ ልማፀን ከደጅሽ ቆሜ አማልጂኝ ከልጅሽ ማሜ ካለፈው ገፅ የተወሰደ... የሴቷ ልጅ

ነበረች....

......................................ሴናዬ✍️ ነበረች ሌሊቴ በፋኖሴ እይታ ትንፋሿ ነበረ ስታወራኝ ሰምታ ስትስቅም ስታለቅስ ስታኮርፍም ነበር         ሁሉም ልክ ነበር ጨረቃ ስትጠልቅ ከመጥፋቷ በቀር ወለሉ ተረግጧል በአይኔ አይቻለው በሩም ክፍት ነበር ድምፅ ሰምቻለው አዎ አይቻታለው ትመጣለች ሁሌ ቃሏ ባይሰማም ይሰማታል ቃሌ ምትስቀው ከኔ ምታለቅሰው ለኔ ምታኮረፈው  በኔ ምትሰማው ሰለኔ አለመኖሯ እንጂ በቀን እና በአካል አለመገኘቷ በእጆቼ መሀል ትመጣለች ሁሌ ትገኛለች ከኔ ጨረቃዋ ስጠልቅ ትጠፋለች ሰኔ አትግቢ ጨረቃ ባክሽ ለኔ ብለሽ ተደፊ ጀንበር ሆይ ንጋትሽን ቀብረሽ እሷ ብቻ ትምጣ ቀን ተለት ልተኛ መምጫዋ ነው ለኔ የነብሴ መፅናናኛ   በውሀ ጠብታ በንፋስ ሽውታ በህመም ስቅታ በሰወች ሰላምታ በሙዚቃው ስዕል በዳዊት ዝማሬ   በግጥም በቅኔ ቆሜ ተገትሬ ፍቅር እስከ መቃብርን ደግሜ ደግሜ ግጥም ፅፌ ደራርሼ ቅኔ ቆሜ እንድትመጣ ሺ በልቼ ሺ ጠጥቼ እንድነካት እጄን በቁም አስተኝቼ ህልም እንዳይሆን እውን ሳልም ስጠብቃት የደጅ ደጁን ሳለመልም ጀንበር አልፋ ትመጣለች የኔ ተስፋ ተጨዋውታ እንደሁሌው ትሄዳለች ልትጠፋ ግዜው የለም አትመጣም   ሲመሽ ብቻ አትታጣም ነበረች ሌሊቴ በፋኖሴ እይታ ትንፋሿ ነበረ ስታወራኝ ሰምታ ስትስቅም ስታለቅስ ስታኮርፍም ነበር         ሁሉም ልክ ነበር ጨረቃ ስትጠልቅ ከመጥፋቷ በቀር             የሴቷ ልጅ