Ӏилманан Аманат

Цхьана хенахь кху чохь цхьацца яздеш болх бара вайн дӀахьуш, юха вай тесна а дуьтуш и гӀуллакх. Дала мукъ лахь, кхидӀа а вешан ойла а (нийса ерг), хьехар дарца а, иштта кхидерг а чудуьллуш лелор ду вай хӀара хьоста, 21 шаре юхагӀур ду вай.

Цул тӀаьхьа «АллахӀера толам беза, толам хӀунда ца ло...?» - Хьанна? Хьанна ло боху ахь иза? Мила ву боху ахь хьакъ и бала? И дийца а эхь хета дезаш хьал ма ду вайн! И боьхуш доӀа дан а эхь хета дезаш хьал ма ду вайн!

Доьлхуш Къудс маьждиг долуш бусалба нахана, бусалба нах хӀун даздеш бу хьажахьа хьо!

Цу базанехь (ёлкехь) тӀеюссуш ма ю и Делан оьгӀазло! Цу шатлакхаш кхуьссучехь тӀеюссуш ма ю и Делан оьгӀазло!

Ӏумар ХаттӀаба аьлла: «Керста нехан килсаш чу ма гӀолаш церан дезде долчу дийнахь, Делан оьгӀазло царна тӀеюссу де ма ду иза».

Къудс маьждиг хьоьга хьоьжуш доьлхуш долуш, базане вахана, салютах самукъадолуш ву хьо?

Бусалба стагана самукъа хила буьйса яц хӀара, бусалба стеган дог паргӀат хуьлу буьйса яц хӀара.

Нах |еса хуьлучу хенахь, ахьа |ибадат дар гуттар а деза ду!

АллахӀан |азап - АллахӀан эскар ду! Ткъа АллахӀан эскар, массарна цхьа терра т|елета!

Дуьнен т|едуссучу |азапо - берриге цхьа терра лоца!

Миччанхьа и Ӏазап доьссича, муьлха къинах доссийна-те и аьлла хаттар хила а ца оьшуш, кхета везаш, и стенах ду, хӀунда ду, иштта буьйса ю хӀара.

АллахӀан Ӏазап досса уггаре кхераме буьйса ю хӀара.

Дийнна дуьнен тӀехь, хӀокху махкахь ала цӀе яккха мохк боцуш, дийнна шарчохь цкъа а ца хуьлучу кепара адам Далла Ӏеса хуьлуш йолу буьйса ю хӀара. Дийнна дуьнен тӀехь цкъа а ца хуьлучу кепара ирча, боьха харцо Далла тӀекхуллуш йолу буьйса ю хӀара.

АллахӀа Ӏазап доссо герга хилар - вон дерг ма де олучера, дика дерг олучера адам дӀахаьдча хуьлуш ду.

Хила тарло АллахӀа |азап ца доссор - диканиг де олуш нах хилар!

АллахӀа |азап т|едосоран бахьаншех цхьа бахьан ду - нах диканиг де, вониг маде олуш ца хилар ду!