sʜɪsʜᴀɴ

Ӏумара Пайхамаре (саллаллахӀу ӀалайхӀи ва саллам) дуьххьара дина дехар дара: «ХӀай АллахӀан Элча, гучудаккхийтахьа вайга вайн дин». Къайлаха хӀумма а дацара Ӏумаран, я и кхоьруш а ма дацара цхьа а хӀума. Амма Пайхамара (саллаллахӀу ӀалайхӀи ва саллам) пурба ца делира цунна. ТӀаккха дӀа а вахана, жимма Ӏийна юхавеара Ӏумар - «хӀай АллахӀан Элча, гучу маца доккху вай дин?», - аьлла. Пайхамарера (саллаллахӀу ӀалайхӀи ва саллам) пурба хилира цунна. «Абу ЖахӀл мичахь ву?», - хаьттира Ӏумара нахе. Маккара эла вара иза а, Пайхамарна (саллаллахӀу ӀалайхӀи ва саллам) дукха зенаш дина а вара. И шен хӀусамехь вуй а хиъна, цуьнан неӀаре хӀоьттира Ӏумар ибн ХаттӀаб. Цунна неӀ схьа а йиллина, Абу ЖахӀла элира: «Марша вогӀийла хьо, хӀай Ӏумар. ХӀун бахьана ду хьо варан?». «Айса Мухьаммадца иман диллиний хьуна хаийта веъна со», - жоп делира цунна Ӏумара. «Харцлоь хьо», - ца тийшира Абу ЖахӀл цунах. «ХӀан-хӀа, бакълуьш ву со», - къар ца лора Ӏумар а. Кхин и къобал ца деш, шен неӀ дӀакъевлира Абу ЖахӀла. Юха а неӀ туьйхира цуьнан Ӏумара, схьа а йиллина, - «лаа лелий хьо?», - хаьттира цуьнга. «Хьуна хаийта веъна со, АллахӀан Элчанца иман диллина ас», - юха а шениг дуьйцура Ӏумара. «Харцлоь хьо», - бохуш, теша ца тешара Абу ЖахӀл. «Бакълуьш ву со, хӀай АллахӀан мостагӀ», - аьлла, дӀавахара цигара Ӏумар.

Тахана вайга мел кхочу бала - цкъа хьалха Пайхамаре а (саллаллахӀу ӀалайхӀи ва саллам), цуьнан асхьабашка а кхаьчча. Ткъа АллахӀа Шена дукхавезарг зоь. Делахь а, хала ду вайна, вайца Ӏумар цахиларна.

#Аяташ

ДИЙЦА ВОЛАВЕЛЛА ШУНА❗️

ДАРС ДОЛАДЕЛЛА ❗️

Тахана дарс кхин дӀа