በክርስቶስ

ትልቁ የትህትና ጥግ እግር ማጠቡ ሳይሆን መስቀል ላይ መንጠልጠሉ ነው @jjjeesuuss

የእግዚአብሔርን ፍቅር እንዴት እንረዳዋለን? ሐዋርያው እግዚአብሔር ለእኛ ፍቅር እንዳለው፣ ይህም ፍቅሩ በልጁ በኢየሱስ ሞት እንደተገለጠ ጽፏል፦ “ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር ያስረዳል።” (ሮሜ 5፥8) እኛም ይህን አምነን፣ "እግዚአብሔር ይወደናል" እንላለን። ለመሆኑ፣ "እግዚአብሔር ይወደናል" ስንል ምን እያልን ነው? የእግዚአብሔርን ፍቅር እንዴት እንረዳዋለን? የተወሰኑ እይታዎችን ላስቀምጥና ጥያቄውን ለሁላችንም እተወዋለሁ! አእመረ አሸብር፣ ፍቅር የሚለውን ቃል እንዲህ ይተረጉማል፦ "አፈቀረ ወደደ፣ ተቀበለ፣ አከበረ፣ ካለው የግእዝ ግስ የተገኘ ሲሆን ማፍቀር፣ መውደድ፣ መቀበል እና ማክበር ማለት ነው።" (1) በዚህ አተረጓጎም፣ "የእግዚአብሔር መውደድ" መቀበል እና ማክበር ተብሏል። "እግዚአብሔር ይወደናል" ስንል፣ "ተቀብሎናል፣ አክብሮናል"  እያልን ነው? ኪዳነ ወልድ ክፍሌ ደግሞ "ፍቅር ማለት ውዴታ፣ የልብ አንድነት፣ ስምምነት፣ ረቂቅ መጣበቅ፣ የአሳብና የአእምሮ ሙጫ" (2) ማለት ነው ይላሉ። በዚህ አፈታት፣ እግዚአብሔር ይወደናል ማለት ከእኛ ጋር "አንድ ሆነ፤ ተስማማ" ማለት ነው? ቶማስ አኳይነስ "የእግዚአብሔር ፍቅር ማለት የእግዚአብሔር መልካም ፈቃድ ነው። እግዚአብሔር አንድን ሰው አፈቀረ ማለት፣ ለዚያ ሰው መልካም አሰበ ማለት ነው። እግዚአብሔር ዓለምን ይወዳል ስንል፣ ለዓለም መልካም ያስባል ማለታችን ነው" (3) ይላል። በዚህ መሰረት፣ "እግዚአብሔር ይወደናል" ማለት ለእኛ መልካም ያስባል ማለት ነው? እኛ፣ አንድን ሰው "ወደድን" ስንል ምን እያልን ነው? ፍቅር፣ በእኛ መዝገበ ቃላት ያለው ትርጉም ምንድን ነው? የእግዚአብሔርን ፍቅር እንዴት እንረዳዋለን? ይህን ስታብላሉት ዋሉ፤ እደሩ! ምንጮች፦ 1 (አእመረ አሸብር፤ እግዚአብሔር ፍቅር ነው፤ 1) 2 (ኪዳነ ወልድ ክፍሌ፤ መጽሐፈ ሰዋስው ወግስ፣ ወመዝገበ ቃላት፤ 731) 3  (ዓለማየሁ ሽመሎ፤ የእከይና የስቃይ ጣጣ፤  228) @jjjeesuuss

የመንፈሳዊ ብስለት ማረጋገጫው ምን ያህል ንፁህ መሆንህ ሳይሆን የሃጢያተኛነትህ ግንዛቤ ነው። ያ ግንዛቤ ለጸጋ በር ይከፍታል። ፊሊፕ ብሮክስ @jjjeesuuss

#5ቱ_የዘውድ_ዓይነቶች፡- #የጽድቅ_አክሊል ይህ እንደ ጢሞቴዎስ የኢየሱስ ክርስቶስን መገለጥ ለሚወዱት ሁሉ አክሊል ነው። ኢየሱስ ክርስቶስን ለሚጠባበቁ እና ለሚጠባበቁት አክሊል. #የማይበሰብስ_አክሊል የማይጠፋ አክሊል ሰውነታቸውን ላስገዙ ሰዎች አክሊል ነው; ሰውነታቸውን በተግሣጽ; - ራስን በመግዛት ላቆዩት. #የሕይወት_አክሊል የሕይወት አክሊል መገፈትን፣ ፈተናንና ስደትን በትዕግስት ለታገሡ ሰዎች አክሊል ነው። በኢየሱስ ክርስቶስ ምክንያት ስደትን እስከ ሞት ድረስ በጀግንነት ለሚጋፈጡ ሰዎች ነው። #የክብር_አክሊል መንጋውን ለሚጠብቅ ሁሉ የክብር አክሊል ነው; - መጋቢዎቹ፣ ሐዋርያት፣ ነቢያት፣ ወንጌላውያን፣ አስተማሪዎች፣ አገልጋዮች እና ሁሉም ታላቁን ተልእኮ የሚፈጽሙ ናቸው። #የደስታ_አክሊል ለቅዱሳን ሁሉ አክሊል ነው; እያንዳንዱ የዳነ ሰው። መዳን በእምነት በጸጋ ብቻ ነው። በመንግሥተ ሰማያት ከአንድ በላይ ዓይነት አክሊሎች የሚኖራቸው ሰዎች አሉ። የእርስዎ ዘውዶች የትኞቹ ናቸው? @jjjeesuuss

❤#ወንጌል = #Gospel❤ ============================ ✍️ወንጌል የሚለው ቃል (ከላቲን evangelium / ኢቫንጄሊየም, ከጥንት የግሪክ ቃል εὐαγγέλιον / ኧውጄሊዮን (ዮአንጄልኦን) = አስደሳች መልዕክት፣ የምስራች ፣ መልካም ዜና ከሚለው የተገኘ ቃል ነው። Greek: εὐαγγέλιον Transliteration: euangélion Pronunciation: yoo-ang-ghel'-ee-on 📌ወንጌል ማለት፦ ================= ✍️ወንጌል ለሰው ልጆች ሁሉ የሆነ አስደሳች መልዕክት ፣ መልካም ዜና መልካም የምሥራች ነው፡፡ የንስሐ፣ የመፍትሄ፣ የሰላም፣ የፍቅር፣ የተስፋ፣ የደኅንነት፣ የእርቅ፣ ከፍርድ የመዳን፣እና የዘላለም ሕይወትን የሚያውጅ መልካም የምስራች ነው። 📌ወንጌል ስለማን ነው???? ================= ✍️ልናስተውለው የሚገባን ነገር፦ 👉ወንጌል ባለጠግነትም ድሀ መሆንም አይደለም 👉ወንጌል ልሳንም ጥምቀትም አይደለም 👉ወንጌል ከሰው ልጆች ተግባር ጋር የሚገናኝ አይደለም ❤ወንጌል ነገር ሳይሆን #ማንነት ነው እርሱም ጌታችን ኢየሱስ ክርስቶስ ነው። ሮሜ 1:3-4 ጌታ ኢየሱስ ስለ ሀጥያታችን እና ስለበደላችን መሞቱን እና እኛን በእግዚአብሔር ፊት ጻድቅ ለማድረግ መነሳቱን የሚያውጅ ለሰው ልጆች ሁሉ የሆነ የእግዚአብሔር የማዳን ሀይል ነው። ሮሜ 4፡24-25 ሮሜ 1 (Romans) 3-4፤ ይህም ወንጌል በሥጋ ከዳዊት ዘር ስለ ተወለደ እንደ ቅድስና መንፈስ ግን ከሙታን መነሣት የተነሣ በኃይል የእግዚአብሔር ልጅ ሆኖ ስለ ተገለጠ ስለ ልጁ ነው፤ እርሱም ጌታችን ኢየሱስ ክርስቶስ ነው። ሮሜ 1 (Romans) 16፤ በወንጌል አላፍርምና፤ አስቀድሞ ለአይሁዳዊ ደግሞም ለግሪክ ሰው፥ ለሚያምኑ ሁሉ የእግዚአብሔር ኃይል ለማዳን ነውና። 📌የወንጌል ዋነኛው መልዕክት ====================== ✍️የእግዚአብሔርን የማይለዋወጥ ፍቅር ለሀጥያተኞች የሚያውጅ እና በክርስቶስ የቤዛነት ስራ ሰዎች ከ እግዚአብሔር ቁጣ እንዲተርፉ፤ እና የዘላለምን ሕይወት በነጻ በእምነት እንዲቀበሉ ኃጢአት የሚያስከፍለውን ክፍያ ለመክፈል ማለትም ከሁሉ የከፋውን ሞትን ለመሻር ክርስቶስ ከ ድንግል ማርያም በድንግልና ተወልዶ ሰው ሆኖ መሞቱን፣ መቀበሩን፣ ከሙታን መካከል መነሣቱን የሚናገር መልካም የምስራች ነው። ( ሐዋ13:28-40,ሐዋ13:38-41፣ ሮሜ.3:21-28፣ 1ቆሮ.15:3-4)። ✍️ሐዋርያው ጳውሎስ እንደተናገረው ወንጌል በመስቀል ላይ የተከናወነ አስደናቂ የድኅነት ስራ ነው፣ “መጽሐፍ እንደሚል ክርስቶስ ስለ ኃጢአታችን ሞተ፥ ተቀበረም፥ መጽሐፍም እንደሚል በሦስተኛው ቀን ተነሣ..” (1ቆሮ.15፡1-4)። የክርስቶስ ሞት እና ትንሳዔ የወንጌል ማዕከል ነው። 📌ወንጌል ለማን ይሰበክ?? ======================= ✍️ወንጌል ለሰው ልጆች ሁሉ የሚታወጅ መስቀል ላይ የተሰራ የእግዚአብሔር የማዳን ሀይል ነው።ሮሜ 1:16 ማቴዎስ 28 (Matthew) 19-20፤ እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤ እነሆም እኔ እስከ ዓለም ፍጻሜ ድረስ ሁልጊዜ ከእናንተ ጋር ነኝ። “ኃጢአተኞችን ሊያድን ክርስቶስ ኢየሱስ ወደ ዓለም መጣ የሚለው ቃል የታመነና ሁሉ እንዲቀበሉት የተገባ ነው…” (1ጢሞ.1፡15)። ✍️ወንጌል ሰዎች ከኃጢአታቸው ንስሃ በመግባት የበደላቸውን ስርየት እንዲቀበሉ ይናገራል፣ “..በስሙም ንስሐና የኃጢአት ስርየት ከ ኢየሩሳሌም ጀምሮ በአሕዛብ ሁሉ ይሰበካል ተብሎ እንዲሁ ተጽፎአል” (ሉቃ.24:47) ። ✍️ሀጥያተኛ የሆነው የሰው ልጅ በመስቀል ላይ በተሰራው የክርስቶስ የማዳን ሥራ በማመን ዘላለሙን በነጻ ማሳመር ይችላል። ✍️ዮሐንስ 3 (John) 14-15፤ ሙሴም በምድረ በዳ እባብን እንደ ሰቀለ እንዲሁ በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ የሰው ልጅ ይሰቀል ይገባዋል። 16፤ በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። 17፤ ዓለም በልጁ እንዲድን ነው እንጂ፥ በዓለም እንዲፈርድ እግዚአብሔር ወደ ዓለም አልላከውምና። 18፤ በእርሱ በሚያምን አይፈረድበትም፤ በማያምን ግን በአንዱ በእግዚአብሔር ልጅ ስም ስላላመነ አሁን ተፈርዶበታል። “በልጁ የሚያምን የዘላለም ህይወት አለው” (ዮሐ.3:36)። በኃጢአት ምክንያት ከሚመጣ የዘላለምም ፍርድ ያመልጣል፣ “በእርሱ የሚያምን አይፈረድበትም..”(ዮሐ.3፡18)። ዮሐ 3:16 በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና። ✍️ወንጌል አደራ እንጂ እንጀራ አይደለም!!!

“ልጁ ያለው ሕይወት አለው፤ የእግዚአብሔር ልጅ የሌለው ሕይወት የለውም።”   — 1ኛ ዮሐንስ 5፥12

♥ የዘላለም ሕይወት aiṓnios zōḗ ♥ ይህ በአዲስ ኪዳን በብዛት የተጠቀሰው ህይወት. በግሪኩ. #ZOE # Greek: ζωή Transliteration: zōḗ የመለኮት ሕይወት ማለት ነው። #የመለኮት ሕይወት በክርስቶስ ለሚያምኑት ሁሉ በፀጋው የሆነ እና የሚበዛ ነው ዮሐ 10፡10 ይህ *ZOE* የመለኮት ሕይወት ♦ #ያልተፈጠረ ♦ #መፋጠር , መጥራት የሚችል ♦ #የማይጠፋ,የማይበላሽ ♦ #ዘላለማዊ ነው 1ጴጥ 1:4, 1ጴጥ 1፡23 ✝ በዮሀንስ ወንጌል ላይ እንደዚ የሚል ቃል እናገኛለን። " ኢየሱስም። እኔ መንገድና እውነት #ሕይወትም ነኝ፤ በእኔ በቀር ወደ አብ የሚመጣ የለም።" (የዮሐንስ ወንጌል 14:6) ✅ ኢየሱስ እርሱ ራሱ ሕይወት እንደሆነ ተናግሯል።የዘላለም ሕይወት ፍለጋ ወደ ሌላ ቦታ ወይም ሰው መሔድ የለብንም።የዘላለም ሕይወት ራሱ ኢየሱስ ብቻ ነው። ✏️ የዘላለም ሕይወት የዛሬ 2000 አመት በዚች ምድር ላይ 33 አመት የኖረ ነው።ይህንን የዘላለም ሕይወት ታይቷል፥ ሲናገር ተሰምቷል፥ ተዳሷል። " ስለ ሕይወት ቃል ከመጀመሪያው #የነበረውንና #የሰማነውን በዓይኖቻችንም #ያየነውን #የተመለከትነውንም እጆቻችንም #የዳሰሱትን እናወራለን፤" (1ዮሐ 1:1) ✝♥ ይህ በመጀመሪያ ከአብ ዘንድ የነበረ የዘላለም ሕይወት የዛሬ 2000 አመት ተገልጧል። " #ሕይወትም ተገለጠ አይተንማል እንመሰክርማለን፥ #ከአብ ዘንድ #የነበረውንም ለእኛም #የተገለጠውን #የዘላለምን_ሕይወት እናወራላችኋለን፤" (1ዮሐ 1:2) ✏️እግዚአብሔር የዘላለም ሕይወትን #በነፃ #ሰጥቶናል።ይህ ሕይወት ያለው ደግሞ በልጁ በኢየሱስ ክርስቶስ ወስጥ ነው።እኛ ደግሞ ኢየሱስ ስላለን የዘላለም ሕይወት አለን ማለት ነው። እግዚአብሔርም #የዘላለምን_ሕይወት እንደ ሰጠን ይህም #ሕይወት #በልጁ እንዳለ ምስክሩ ይህ ነው። #ልጁ_ያለው_ሕይወት_አለው፤ የእግዚአብሔር ልጅ የሌለው ሕይወት የለውም።(1 ዩሐ 5 ፡11-12) ✏️ የዘላለም ሕይወት ደግሞ የሚገኘው ሕግን በመጠበቅ፥አስራት በአግባቡ በመክፈል፥ በፆም ፥ መልካም ስራ በመስራት አይደለም። የዘላለም ሕይወት ያገኘነው ኢየሱስ ክርስቶስን በማመናችን በፀጋ ብቻ እና ብቻ ነው። " #የዘላለም_ሕይወት_እንዳላችሁ ታውቁ ዘንድ #በእግዚአብሔር_ልጅ_ስም_ለምታምኑ ይህን ጽፌላችኋለሁ።" (1ዮሐ 5፡13) 💯 ስለዚህ በመፅሐፍ ቅዱስ የዘላለም ሕይወት የሆነ ነገር(something) ሳይሆን ማንነት ( Someone) ነው እርሱም ኢየሱስ ክርስቶስ ነው። " የእግዚአብሔርም ልጅ እንደ መጣ፥ እውነተኛም የሆነውን እናውቅ ዘንድ ልቡናን እንደ ሰጠን እናውቃለን፤ እውነተኛም በሆነው በእርሱ አለን፥ እርሱም ልጁ #ኢየሱስ #ክርስቶስ #ነው። #እርሱ_እውነተኛ_አምላክና_የዘላለም_ሕይወት ነው።" (1ዮሐ 5:20) ♦ስለዚህ በብዙ ሐይማኖቶች እንደሚታመነው ✏️የዘላለም ሕይወት ማለት ዝም ብሎ ያለማቋረጥ መኖር፥መኖር፥መኖር .....ማለት አይደለም። ✏️ የዘላለም ሕይወት ወደፊት የሚመጣ ወይም ወደ ፊት የምናገኘው ነገር አይደለም። ✏️ የዘላለም ሕይወት የሆነ ማንነት ነው።እርሱም ኢየሱስ ክርስቶስ ነው። ፀጋ እና ሰላም ለእናንተ ይሁን አሜን።

⚓️👑 #አውራ_ፍቅር 👑⚓️ -------------------------------------- ከመታወቅ በሚያልፈው        በመውደዱ ተወድጄ አለው ቤቱ        በአውራ ፍቅሩ ተረትቼ የእርሱስ ፍቅር                ልኬት የለሽ                ወረት አልባ ለወገሩት ለሰቀሉት ለተፉበት                 የሚያነባ። የጠሉትን ከጠላቸው የሚናጠቅ ለአላወቁት የሚዋደቅ ንፁ ደሙን እስከማፍሰስ ነፍሱን ለሞት እስከመስጠት                       እንዲያው ሚወድ ሰው ከናቀው ከተጠላው በህግ በወግ ከጎደፈው                       ዘንድ የሚዛመድ ያላወቁት እስኪያውቁት የማያምኑት እስኪያምኑት ያልዳኑበት እስኪድኑ                  ስለሁሉም የታገሰ ዮናሶችን ከተርሴስ የኤማሆሶቹን ከመንገድ ጴጥሮሶችን ከታንኳቸው                    የመለሰ። #አውራ_ፍቅር የማይናድ                 በዘመናት ሁሉ የጸና በፍቅር እጦት የጎበጠን                 እንደመላው የሚያቀና። @jjjeesuuss