ILMSIZLIK KULFATI
Oʻng tarafdagi rasmda boshiga quyoshdan saqlaydigan koʻzoynak taqib yurgan kishi 15 yildan ortiqroq vaqt oʻz mamlakatida boʻlmagandan soʻng uni sharaflash uchun Iroqqa chaqirilgan Britaniyaning London shahridagi yurak kasalliklari boʻyicha katta maslahatchi kardiolog doktor Ziyo Kamoluddin boʻladi.
Doktor faxriy zalga kirmoqchi boʻlib turganida bir cholning yoʻlakka gazetalarni qoʻyib, gazeta sotayotgani uni toʻxtashga majbur qildi. Doktor gazeta sotuvchining yonida bir muddat turdi-da, soʻngra zalga kirdi. Doktor zalga oyoqlarini sudrab, zoʻrgʻa kirdi. U oʻtirdi, lekin uning fikri-hayoli gazeta sotuvchisida edi.
"Ijodkorlik" nishonini taqish uchun shifokorning nomi chaqirilganda, u oʻrnidan turdi. Lekin u minbarga chiqmay, zaldan chiqib ketar ekan, hamma hayrat bilan doktorga qarab qoldi!!!
Doktor oʻrnidan turib gazeta sotayotgan qariyaning oldiga bordi va uning qoʻlidan ushlagan edi, u qoʻlini tortib oldi.
Gazeta sotuvchi qariya:
- Meni qoʻyib yubor oʻgʻlim, men bu yerga boshqa gazeta yoymayman, dedi.
Doktor boʻgʻiq ovoz bilan unga shunday dedi:
Siz bundan keyin aslo gazeta yoymaysiz. Iltimos, men bilan birga yursangiz...
Gazeta sotuvchi qarshilik koʻrsatar, doktor esa uning qoʻlidan ushlar edi. Qariya, doktorning koʻzlaridan yosh oqayotganini koʻrgandan keyin qarshilik qilmay qoʻydi. Shunda qariyani zalga olib kirdi.
Gazeta sotuvchi: - Oʻgʻlim, senga nima boʻldi?
Doktor gapirmasdan u bilan minbar sari yurishda davom etdi.
U yerda toʻplanganlar hayron edi, lekin doktor yigʻlar, gazeta sotuvchisini quchoqlab, boshidan oʻpar ekan, shunday der edi:
- Siz meni tanimadingiz-a, ustoz Halil???
Gazeta sotuvchi esa:
- Yoʻq, Allohga qasamki, men seni tanimadim. Aybga buyurmaysan, bu yogʻi qarichilik, deya javob berdi.
Shunda doktor:
- Men markaziy oʻrta maktabdagi oʻquvchingiz Ziyo Kamoluddinman, men doim birinchi boʻlganman, siz esa meni ragʻbatlantirib, meni kuzatib turar edingiz. Ӯshanda 1966-yillar edi...
Undan keyin sotuvchi shogirdini bagʻriga bosdi. Shunda doktor oʻziga berilgan nishonni olib, bir vaqtlar arab tilidan oʻqituvchi boʻlgan gazeta sotuvchisining koʻksiga taqib qoʻydi. Keyin doktor katnashchilar oldida oʻz nutqini soʻzladi:
Mana shular hurmatga loyiq zotlardir. Allohga qasamki, bizning qoloqlik va jaholatga yuz tutishimiz qachon yuz berdi. Qachonki ustozlarni xorlab, huquqlarini poymol qilib, ularni oʻzlariga munosib mavqelarga qoʻymay va yuksak darajalariga mos ravishda hurmat-ehtirom koʻrsatmay, qadrlamay qoʻyganimizdan keyingina mana shunday qoloqlashib, ilmsiz va nodon kimsalarga aylandik...
Крилдда бу ерда👇👇👇
https://telegra.ph/ILMSIZLIK-KULFATI-05-15-3