Pakokku city & University News

မလှိုင်တွင် စစ်တပ်စစ်ကြောင်းတိုက်ခိုက်ခံရပြီး ၁၀ ဦး သေ၊ ၁၀ ဦး လ​က်နက်ချအညံ့ခံ DVB “စစ်ကြောင်းထိုးလာတဲ့လမ်းတလျှောက်က ရွာတွေ ကို မီးရှို့ဖျက်ဆီးခဲ့တဲ့ အမှတ် ၈ ရဲတပ်ရင်းက ဒုတိယရဲမှူးကြီး ဇော်လင်းထိန် ဦးဆောင်ပြီးတော့ အင်အား ၁၁၀ ကျော်ပါစစ်ကြောင်းဟာ မလှိုင်မြို့နယ်ထဲက အိမ်ကြီးတောရွာဘက် ဝင်လာတဲ့ အချိန်မှာ ကျနော်တို့ဘက်က ကြိုတင်ပြင်ဆင်ပြီးတော့မှ ကြားဖြတ်တိုက်ခိုက်ခဲ့တာဖြစ်ပါတယ်ဗျ” လို့ ပြောပါတယ်။ တိုက်ခိုက်မှုအတွင်း စစ်သား ၁၀ ယောက်ထက်မနည်းသေဆုံး၊ ဒဏ်ရာရသူ ၄၀ နီးပါးရှိခဲ့ပြီး ၁၀ ယောက် လ​က်နက်ချအညံ့ခံခဲ့ကြသလို လက်နက်ခဲယမ်းတွေ သိမ်းဆည်းရရှိခဲ့တယ်လို့ သူက ဆက်ပြောပါတယ်။ ပြီးတော့ စိန်ပြောင်း အပါအဝင် လက်နက်မျိုးစုံအလက် ၂၀၊ ခဲယမ်းတွေနဲ့အတူ Drone ပစ္စည်း တွေနဲ့ မော်တော်ယာဉ် ၃ စင်းလည်း သိမ်းဆည်းရရှိခဲ့တယ်လို့ ဆိုပါတယ်။ #DVB #မလှိုင် #စစ်ကြောင်း https://burmese.dvb.no/post/868244

သာလီစွပါAA အပြောမဟုတ်ဘဲ လက်တွေ့အလုပ်လုပ်နေလို့။AAနဲ့အတူ ပါဝင်တိုက်ခိုက်နေတဲ့အဖွဲ့အားလုံး လေးစားလျက်ပါ✊✊✊

ရခိုင်ထိုးစစ်အတွက် အင်အားဖြည့်နေသည့် ဧရာဝတီတိုင်းမှ စစ်စခန်းသုံးခုကို AA သိမ်းပိုက် **** Myanmar Now / ဇွန် ၂၈ စစ်တပ်၏ လက်နက်ကြီး အဓိကပစ်ကူပေးရာ ဖြစ်သော ဧရာဝတီတိုင်း၊ ရေကြည်မြို့နယ်ရှိ အမှတ် (၃၄၄) အမြောက်တပ် အနီးဝန်းကျင်မှ စစ်တပ် စခန်း သုံးခုကို ယခုလတွင်း သိမ်းပိုက်ရရှိခဲ့ကြောင်း အာရက္ခတပ်တော်(AA)က ဇွန်လ ၂၇ ရက်က ထုတ်ပြန်သည်။ ပြီးခဲ့သည့် ဇွန်လ ၁၇ ရက်နေ့တွင် ပွိုင့် (၂၈၈) ကုန်း၊ ဇွန်လ ၁၉ ရက်နေ့တွင် ပွိုင့် (၁၈၈) ကုန်းနှင့် ဇွန်လ ၂၁ ရက်တွင် ပွိင့် (၁၄၈) ကုန်းတို့ကို သိမ်းပိုက်ရရှိခဲ့ခြင်းဖြစ်သည်၊ အလောင်းအချို့နှင့် လက်နက်ခဲယမ်း များ၊ စစ်အသုံးအဆောင် ပစ္စည်းအများအပြား သိမ်းဆည်းရမိခဲ့သည်ဟု AA ဘက်က ဆိုသည်။ ရခိုင်ပြည်နယ်တောင်ဘက်အစွန် ဂွမြို့နယ်နှင့် ထိစပ်နေသော ဧရာဝတီတိုင်းဘက်မှနေ၍ ရခိုင်ဒေသကို ထိုးဖောက်နိုင်ရန် စစ်တပ်က လေကြောင်းမှ နေ့စဉ် ဗုံးကြဲနေပြီး ကုန်းလမ်း၊ ရေလမ်းတို့မှ ထိုးဖောက်ရန် ကြိမ်ဖန်များစွာ ကြိုးစားလျက်ရှိသောကြောင့် တိုက်ပွဲပြင်းထန်နေခြင်း ဖြစ်ကြောင်း AA ထံက သိရသည်။ စစ်တပ်သည် အမတ (၃၄၄ ) နှင့် ပုသိမ်မြို့အခြေစိုက် တပ်ရင်းများမှ ထုတ်နုတ်အင်အား ၄၀၀ ကျော်ဖြင့် ထိုးစစ်ဆင်လာခြင်းဖြစ်သော်လည်း တန်ပြန်တိုက်ခိုက်ခဲ့သောကြောင့် ထိုပွိုင့်ကုန်းများ သိမ်းပိုက်နိုင်ခြင်း ဖြစ်သည်ဟု AA ထုတ်ပြန်ချက်၌ ဖော်ပြထားသည်။ သံတွဲခရိုင်၊ ဂွမြို့နယ်တွင် ၂၀၂၄ ခုနှစ် သြဂုတ်လ ၁၀ ရက်၌ တိုက်ပွဲများ စတင် ဖြစ်ပွားခဲ့ပြီနောကက် ထိုစဉ်ကတည်းက AA ၏ ထိုးစစ်သည် ဧရာဝတီတိုင်းဘက်အထိ ခြိမ်းခြောက်မှုများ ရှိခဲ့သည်။ ထို့နောက် ၂၀၂၅ ခုနှစ် နှစ်ဆန်းပိုင်းက စတင်ပြီး AA ဦးဆောင်သည့် မဟာမိတ်ပူးပေါင်းတပ်ဖွဲ့ဝင်များ သည် ရခိုင်ကမ်းရိုးတန်းတလျှောက်ရှိ မကျီးဇင်၊ ဘောမိနှင့် စစ်စခန်းငယ်များကို တိုက်ခိုက်သိမ်းပိုက် နိုင်ခဲ့ပြီး ဧရာဝတီတိုင်းအတွင်း ငါးသိုင်း ချောင်း၊ ရေကြည်၊ လေးမျက်နှာ၊ အင်္ဂပူမြို့နယ်များကို အဓိက ထိုးစစ်ဆင်ဝင်ရောက်ခဲ့သည်။ လက်ရှိအချိန်တွင် စစ်တပ်က ဧရာဝတီတိုင်းစစ်မျက်နှာမှတဆင့် ရခိုင်ပြည်နယ်အတွင်း ဝင်ရောက်ရန် ကြိုးပမ်းနေရာ လေကြောင်း တိုက်ခိုက်မှုများကြောင့် ဒေသခံ သေဆုံးထိခိုက်မှုများ ရှိနေသည်။ ဇွန်လအတွင်း ဂွမြို့နယ်ကို မကြာခဏ လေကြောင်းမှ ဗုံးကြဲမှုများရှိနေပြီး ဇွန်လ ၂၆ ရက်နေ့ ကလည်း ဂွမြို့နယ်၊ ရေကျော်ရွာကို ဗုံးကြဲခဲ့စဉ် ဦးဝေရာမင်း (၄၅ နှစ် )သေဆုံးသွားကာ မောင်ထက်မြတ်သူ (၁၀ နှစ်)၊ ဦးဆန်းမင်း (၃၅ နှစ်)၊ ဦးဖိုးနီ (၇၅ နှစ်)၊မဆုမြတ်မွန် (၁၃နှစ် ) နှင့် မဆောင်းဟေမာန်ခင် (၁၈ နှစ်) တို့ ဒဏ်ရာရရှိသွားသည်။ အလားတူ ဇွန်လ ၂၃ ရက်နေ့၊ ည ၁၀ နာရီခွဲခန့်တွင် ဂွမြို့နယ်၊ ကံ့ကော်တောင်ရွာကို ဗုံးကြဲမှုကြောင့် ဒေါ်​လှကေသီ(၅၅ နှစ်)၊ မနှောင်းသဇင်ထွေး(၁၉ နှစ်)၊ ဦးချစ်ဆွေ(၅၂ နှစ်)နှင့် ဦးကျော်ဝင်း (၆၀ နှစ်)တို့ ဒဏ်ရာရရှိသွားသည်။ ဇွန်လ ၁၅ ရက်နေ့ကလည်း ဂွမြို့နယ်၊ ကျိန္တလီမြို့၊ ရမ္မာကျွန်းကျေးရွာကို ဗုံးကြဲ တိုက်ခိုက်ခဲ့မှုကြောင့် နှစ်ဦးသေဆုံးခဲ့ကာ လေးဦး ထိခိုက်ဒဏ်ရာ ရရှိခဲ့သည်။ ထို့ပြင် ဇွန်လ ၁၄ ရက်၊ ဂွမြို့နယ်၊ အမှတ် (၁၁) တိုက်နယ်၊ ကျောက်ချွန်ကျေးရွာရှိ ဘုန်းကြီးကျောင်း နှင့် စာသင်ကျောင်းတို့အား ဗုံးကြဲတိုက်ခိုက်ခဲ့မှုကြောင့် အရပ်သား တစ်ဦး ဒဏ်ရာရရှိခဲ့သည်။ လတ်တလောတွင် AA နှင့်စစ်တပ်သည် စစ်တွေနှင့်ကျောက်ဖြူမြို့နယ်တွင်လည်း တိုက်ပွဲဖြစ်ပွားနေကာ မကွေး၊ ပဲခူးနှင့် ချင်းပြည်နယ် မင်းတပ်နှင့်ကန်ပက်လက်မြို့နယ် စစ်မျက်နှာများ၌လည်း တိုက်ပွဲများ ပြင်းထန်စွာ ဖြစ်ပွားလျက်ရှိကြောင်း သိရသည်။ AA သည် ရခိုင်ပြည်နယ်ရှိ ၁၇ မြို့နယ်အနက် ၁၄ မြို့နယ်ကို သိမ်းပိုက်ထားပြီး ချင်းပြည်နယ်၊ ပလက်ဝ မြို့နယ်ကိုလည်း သိမ်းပိုက်ထားသည်။ ရခိုင်ရှိ လက်ကျန်မြို့များဖြစ်သည့် စစ်တွေ၊ကျောက်ဖြူနှင့် မာန်အောင်မြို့နယ်တို့ကိုလည်း တိုက်ခိုက်သိမ်းပိုက်ရန် AA က မျှော်လင့်ထားသည်။ စစ်တပ်က တစ်နိုင်ငံလုံး အတိုင်းအတာဖြင့် ထိုးစစ်ဆင်ရန် ကြိုးပမ်းနေရာ ရခိုင်တစ်ပြည်နယ်လုံး နီးပါး သိမ်းပိုက်ထားသော AA ကိုလည်း ထိုးစစ်ဆင်ရန် မကွေးတိုင်း၊ ပဲခူးတိုင်း၊ ဧရာဝတီတိုင်းတို့မှတစ်ဆင့် ထိုးဖောက်ရန် ကြိုးပမ်းနေသည်။ ထိုဒေသများတွင်လည်း စစ်တပ် စစ်ကြောင်းများ ရောက်ရှိနေသဖြင့် ဒေသခံ ကာကွယ်ရေးအဖွဲ့များနှင့် တိုက်ပွဲများပြင်းထန်နေသည်။ --------------------- ပုံစာ- ရေကြည်မြို့နယ်ရှိ ပွိုင့်ကုန်းသုံးကို သိမ်းပိုက်စဉ် သိမ်းဆည်းခဲ့သော လက်နက်ခဲယမ်း၊စစ်အသုံး အဆောင်များကိုတွေ့ရစဥ်။ (ဓာတ်ပုံ-AA)

အာဏာရှင်တွေနဲ့ စစ်ပွဲတွေသာမရှိရင် ဒီနိုင်ငံကသိပ်ပျော်စရာကောင်းမှာ😔

ပခုက္ကူမှ အင်အား ၄၀၀ ကျော်ဖြင့် ထွက်လာသည့် စစ်တပ်စစ်ကြောင်း ချေမှုန်းတိုက်ခိုက်ခံရပြီး စစ်သား ၅၀ ကျော် ထိခိုက်သေဆုံး (ရုပ်/သံ) ဇွန် ၂၆၊ ၂၀၂၆ မကွေးတိုင်း၊ ပခုက္ကူမြို့နယ် တပ်မ ၁၀၁ ကနေ အင်အား ၄၀၀ ကျော်နဲ့ ထွက်လာတဲ့ အကြမ်းဖက်စစ်တပ်စစ်ကြောင်းကို ချေ မှုန်းတိုက်ခိုက်ခဲ့ရာ စစ်သား ၅၀ ကျော် ထိခိုက်မှုရှိခဲ့တယ်လို့ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF)က သတင်းထုတ်ပြန်ထားပါတယ်။ ဇွန်လ ၂၄ ရက်က တပ်မ ၁၀၁ ကနေထွက်လာတဲ့ အကြမ်းဖက်စစ်တပ်စစ်ကြောင်းကို ပခုက္ကူမြို့နယ်တွင်းကနေ မြိုင်မြို့နယ်အထိ တော်လှန်‌ရေးတပ်တွေ ပူးပေါင်းပြီး လိုက်လံချေမှုန်းတိုက် ခိုက်ခဲ့တယ်လို့ သိရပါတယ်။ အကြိမ်ကြိမ်တိုက်ခိုက်ခံရတဲ့ အကြမ်းဖက်စစ်တပ်စစ်ကြောင်းဟာ မြိုင်မြို့နယ် ကိုင်းတောမကျေးရွာအရောက် အထိနာပြီး တွင်းမပျူစခန်းကို ဆုတ်ခွာထွက်ပြေးခဲ့တယ်လို့ သိရပါတယ်။ တော်လှန်ရေးပူးပေါင်းတပ်တွေရဲ့ တိုက်ခိုက်မှုကြောင့် အကြမ်းဖက်စစ်တပ်တပ်မှူးတွေအပါအဝင် ၅၀ ကျော် ထိခိုက်မှုရှိခဲ့ပြီး ခဲယမ်းအများအပြားနဲ့ စစ်ဘက် ဆိုင်ရာ အသုံးအဆောင်ပစ္စည်းတွေ၊ ယာဉ်ယန္တယားတွေကိုလည်း သိမ်းဆည်းရရှိခဲ့တယ်လို့ သိရပါတယ်။ ထိခိုက်ဒဏ်ရာရရှိသွားတဲ့ အကြမ်းဖက်စစ်သားတွေကို သယ်ဆောင်ဖို့လာတဲ့ Mi 17 ရဟတ်ယာဉ် ၁ စီးကိုလည်း ဖျက်ဆီးနိုင်ခဲ့တယ်လို့ သိရပါတယ်။ အဲဒီတိုက်ခိုက်မှုကို မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF)၊မကွေးပြည်သူ့ကာကွယ်ရေးတပ်မတော်၊ မကွေးဖက်ဒရယ်ယူနစ်စစ်ကြောင်းများ၊ ဗမာပြည်သူ့လွတ်မြောက်ရေးတပ်တော်(BPLA)၊ KG တပ်ဖွဲ့၊ ပခုက္ကူခရိုင်ပကဖ၊ ပေါက်ပကဖ၊ မြိုင်ပကဖ ၊ ပခုက္ကူ ပကဖ၊ ရေစကြို ပကဖ ၊ ပခုက္ကူခရိုင် (၂/၆/၇/၁၂ /၁၄/၁၅/၁၇/၁၈ ) တပ်ရင်းများ၊ တိုင်းပကဖစစ်ကြောင်း(၄) ၊ ကမ္မတပ်ပေါင်းစု ၊ ပြည်သူ့လုံခြုံရေးအင်အားစု (ကမ္မ) PLC တပ်ပေါင်းစု၊ အညာမြေတပ်ပေါင်းစု၊ 8 + အင်အားစုနဲ့ ဒေသတွင်းတော်လှန်ရေးတပ်ဖွဲ့တွေက ပူးပေါင်းလုပ်ဆောင်ခဲ့တယ်လို့ သိရပါတယ်။ Video-ABSDF Column - 3

အညာဟာ သမိုင်းမှာ မညာခဲ့ဘူးအမေ မဟုတ်ရင်မခံ တော်လှန်ရဲတာ ဒီအညာပါပဲ။ အာဏာသိမ်းကတည်းက အဖိအနှိပ်ခံဒီဒေသဟာ အခုထိလည်း အဖိခံနေရဆဲပါအမေ။ ဒါပေမဲ့ အညာဟာနောက်ဆုတ်မသွားဘူး စစ်အာဏာရှင်စနစ်ကို ကြံ့ကြံ့ခံတော်လှန်နေဆဲ။ ပြာပုံဖြစ်သွားတဲ့ အိမ်တွေနဲ့ပေးဆပ်ထားရတဲ့ဘဝတွေဟာ အညာသမိုင်း မရိုင်းကြောင်းသက်သေခံနေတယ်။ အညာဒုက္ခရောက်နေတာကို ရယ်စရာမှတ် နေတဲ့သူတွေ တစ်ခုတော့ပြောပါရစေ....တစ်ချိန်ကျမြို့ပြကို စစ်ပွဲတွေရောက်လာတဲ့တစ်နေ့ ဒုက္ခရောက်သူတွေအတွက် ဒီအညာဟာ တံခါးဖွင့်ထားမယ်ဆိုတာပါပဲ... ကျုပ်တို့ အညာသူအညာသားတွေရဲ့ အရိုးခံစိတ်ရင်းတွေရယ်ပါ။ #ခင်ဗျားတို့ရိုင်းလို့ကျုပ်တို့မရိုင်းပါ စစ်မုန်း

ဒီအဘွားအိုနဲ့ပက်သက်ရင် ပန်းတစ်ပွင့်လည်း သူတို့ကြောက်တယ်🙂

မြိုင်တွင် စစ်ရှောင်တစ်ဦး စစ်ကောင်စီစစ်ကြောင်းနှင့်တိုးချိန် လက်ပြန်ကြိုးတုပ် သတ်ဖြတ်ခံရ ဇွန် ၁၉၊ ၂၀၂၆ မကွေးတိုင်း၊ ပခုက္ကူခရိုင်၊ မြိုင်မြို့နယ်မှာ စစ်ကြောင်းထိုးနေတဲ့ အကြမ်းဖက်စစ်တပ်က အသက် ၆၃နှစ် အရွယ် စစ်ဘေးရှောင်အမျိုးသားတစ်ဦးကို ရက်ရက်စက်စက် လက်ပြန်ကြိုးတုပ် သတ်ဖြတ်သွားတယ်လို့ အညာ​မြေအရပ်ဖက်လူမှုအဖွဲ့အစည်း-မြိုင်ရဲ့ တာဝန်ရှိသူက မောင်းကိုပြောပါတယ်။ ပြီးခဲ့တဲ့ ဇွန်လ ၁၅ရက်နေ့ကစပြီး မြိုင်မြို့နယ်တောင်ပိုင်းကို စစ်ကြောင်းထိုးဝင်ရောက်နေခဲ့တဲ့ ပခုက္ကူတပ်မ ၁၀၁က အကြမ်းဖက်စစ်ကြောင်းဟာ နှမ်းဆီကန်ကျေးရွာမှာ အထိုင်ချတပ်စွဲရင်း အနီးအနားကျေးရွာတွေနဲ့ ယာတောတွေထဲအင်အားတွေခွဲပြီး ဝင်ရောက်ခဲ့တယ်လို့ သိရပါတယ်။ အဲဒီ စစ်ကြောင်းတွေထဲကတစ်ခုဟာ ဇွန်လ ၁၆ရက်နေ့မှာ ယာတောတွေထဲ စီးနင်းရှာဖွေရင်း စစ်ဘေးတိမ်းရှောင်နေရတဲ့ ဦးအောင်ရှင်ဆိုသူ အသက် ၆၃နှစ်အရွယ် အမျိုးသားတစ်ဦးကို ရက်ရက်စက်စက်လက်ပြန်ကြိုးတုပ် သတ်ဖြတ်သွားခဲ့တယ်လို့ အညာ​မြေအရပ်ဖက်လူမှုအဖွဲ့အစည်း-မြိုင်ရဲ့တာဝန်ရှိသူကပြောပါတယ်။ "သူတဲမှာ ပစ္စည်းကျန်လို့ ပြန်ယူချိန် စစ်တပ်နဲ့တိုးပြီးသတ်ခံရတာပါ။ လက်ပြန်ကြိုးတုပ်ပြီး ရင်ဘက်တွေကို ဓားနဲ့ မွှန်းပြီးသတ်သွားတာပါ။ လည်ပင်းဓားနဲ့လှီးတာပေါ့။ သေတဲ့အထိ ကြိုးတောင်မဖြည်ပေးခဲ့ပါဘူး" လို့ အညာ​မြေအရပ်ဖက်လူမှုအဖွဲ့အစည်း-မြိုင်ရဲ့တာဝန်ရှိသူကမောင်းကိုပြောပါတယ်။ အသက်ခံရသူ ဦး​အောင်ရှင်ဟာ ပြီးခဲ့တဲ့ ၂၀၂၂ ခုနှစ်ကတည်းက သူနေထိုင်ရာ သာစည်ကျေးရွာကနေ အကြမ်းဖက်စစ်ကြောင်းအန္တရယ်ကြောင့် ထွက်ပြေးတိမ်းရှောင်နေပြီး ယာတောအတွင်း တဲထိုးနေသူဖြစ်တယ်လို့ သိရပါတယ်။ အဲဒီအကြမ်းဖက်စစ်ကြောင်းတွေဟာ ဇွန်လ ၁၇ရက်နေ့မှာလည်း မြိုင်မြို့နယ်တောင်ပိုင်းက မြဇီးတောကျေးရွာကို ဝင်ရောက်မီးရှို့ဖျက်ဆီးခဲ့တယ်လို့သိရပါတယ်။ မီးရှို့ဖျက်ဆီးမှုကြောင့် ကျေးရွာအတွင်းက ဘုန်းကြီးကျောင်းဇရပ်တွေနဲ့ လူနေအိမ် အလုံး၂၀အပါအဝင် စားနပ်ရိက္ခာတွေ၊ နေအိမ်ပရိဘောဂတွေနဲ့ ဖောကား၊ မြေတူးစက်၊ လယ်ထွန်စက်၊ သုံးဘီးဆိုင်ကယ်၊ မော်တော်ဆိုင်ကယ်တွေကိုပါ မီးလောင်ပျက်စီးခဲ့တယ်လို့ သိရပါတယ်။ ပုံစာ - အကြမ်းဖက်စစ်ကြောင်းသတ်ဖြတ်သွားသည့် ဦးအောင်ရှင်၏အလောင်းအားတွေ့ရစဥ်

ဆောမြို့နယ်၊ ပုံတောင်နတ်ထိပ်တိုက်ပွဲ ဗိုလ်မှူး စိုင်းအောင်မောင်းအပါအဝင် စစ်သား ၈၀ ကျော် သေဆုံးပြီး စစ်သုံ့ပန်းများနှင့်အတူ လက်နက်ခဲယမ်းများလည်း သိမ်းဆည်းရရှိ ရန်ကုန်၊ မေ ၃၁ မကွေးတိုင်း၊ ဆောမြို့နယ်၊ ပုံတောင်နတ်ထိပ်တိုက်ပွဲတွင် ဗိုလ်မှူး စိုင်းအောင်မောင်းအပါအဝင် စစ်သား ၈၀ ကျော်သေဆုံးပြီး စစ်သုံ့ပန်းများနှင့်အတူ လက်နက်ခဲယမ်းများ သိမ်းဆည်းရရှိထားကြောင်း ယောတပ်တော် -YA နှင့် တော်လှန်ရေးသတင်းရင်းမြစ်ထံက ရန်ကုန်ခေတ်သစ်သတင်းဌာနထံသို့ ပြောကြားသည်။ မေလ ၁၁ ရက်နေ့တွင် ပေါက်မြို့နယ်၊ ကပစ ၂၄ မှ ထွက်လာသော အင်အား ၄၀၀ ခန့်ပါ စစ်ကြောင်း နှင့် မေလ ၂၂ ရက်နေ့တွင် ထပ်မံထွက်လာသော အင်အား ၉၀၀ ၊ စစ်ယာဉ်တန်းများပါဝင်သည့် စစ် ကြောင်းများကို ဆောမြို့နယ်၊ ပုံတောင်နတ်ထိပ်အရောက် မေလ ၁၃ ရက်နေ့မှစတင်ပြီး ယနေ့အထိတော်လှန်ရေးပူးပေါင်းတပ်ဖွဲ့များက တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ အ ကြိမ် ၁၀၀ ထက်မနည်းဖြစ်ပွားခဲ့ကြောင်း သိရသည်။ ယင်းတိုက်ပွဲများအတွင်း စစ်ကောင်စီတပ်ဘက်မှ ဗိုလ်မှူး စိုင်းအောင်မောင်းအပါအဝင် ၈၀ ကျော် သေဆုံးပြီး ၁၀၀ ကျော် ဒဏ်ရာရရှိကာ စစ်သုံ့ပန်းများနှင့်အတူ လက်နက်ခဲယမ်းများလည်း သိမ်းဆည်းရရှိထားကြောင်း၊ ထို့အပြင် တော်လှန်ရေး ပူးပေါင်းတပ်ဘက်မှလည်း အသက်စွန့်လွှတ်ပေး ဆပ်ရသော အာဇာနည်သူရဲကောင်းများနှင့် ထိခိုက်ဒဏ်ရာရရှိသူများလည်း ရှိကြောင်း သိရသည်။ “တိုက်ပွဲကတော့ ဆက်လက်ပြင်းထန်နေတုန်းပဲ၊ ဒါက ပေါက်က ကပစ ၂၄ ကနေ ကျောက်ထုကို တက်မယ့်စစ်ကြောင်းပါ။ ကျောက်ထုနဲ့ ပုံတောင်ကြားမှာ ဖြစ်တဲ့ တိုက်ပွဲပါ။ အဲဒီတိုက်ပွဲမှာက ဗိုလ်မှူးစိုင်းအောင်မောင်းသေတယ်။ သူက ဒဏ်ရာရပြီး ကျောက်ထုကနေ လေယာဉ်နဲ့ မိတ္ထီလာကို သယ်တာ။ မိတ္ထီလာဆေးရုံရောက်တော့သေတယ်။ ကျန်တဲ့စစ်ကြောင်းတွေနဲ့လည်း တိုက်ပွဲတွေဖြစ်နေတယ်” ဟု တော်လှန်ရေးသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။ တိုက်ပွဲများဖြစ်ပွားနေစဉ် ကာလတစ်လျှောက် စစ်ကောင်စီ စစ်ကြောင်းများက အပြစ်မဲ့အရပ်သား ပြည်သူများအား လူသားဒိုင်းအဖြစ် ဖမ်းဆီးခေါ်ဆောင်၍ ညှင်းပန်းနှိပ်စက်သတ်ဖြတ်ခြင်း ၊ ကျေးရွာများအတွင်းရှိ ပြည်သူပိုင် ပစ္စည်းများအား ခိုးယူခြင်း ၊ နေအိမ်များအား မီးရှို့ဖျက်ဆီးခြင်း ၊ လေ ကြောင်းဖြင့် စစ်ဘေးရှောင်နေရာများသို့ အကြိမ်ကြိမ်ဗုံးကျဲတိုက်ခိုက်ခြင်း စသည့်လူမဆန်သော လုပ်ရပ်များနှင့် အတူ ယုတ်မာရိုင်းစိုင်းစွာ စစ်ရာဇဝတ်မှုများအား ပြောင်ပြောင်တင်းတင်း ပြုလုပ်ခဲ့ ကြောင်း အသိပေးထားသည်။ ထို့ကြောင့် ယောတပ်တော် (YA) အနေဖြင့် စစ်အာဏာရှင်စနစ် အပြီးတိုင်ချုပ်ငြိမ်းရေး ၊ ယောဒေသ နှင့် မြန်မာတစ်နိုင်ငံလုံးလွတ်မြောက်ရေးအတွက် ရွပ်ရွပ်ချွံချွံဖြင့်အစွမ်းကုန် တိုက်ပွဲဝင်သွားမည် ဖြစ် ကြောင်း ထုတ်ပြန်ထား သည်။ တိုက်ပွဲများဆက်လက်၍ ပြင်းထန်လာနိုင်သည့်အတွက် တော်လှန်ပြည်သူလူထုများအနေဖြင့် ကြို တင်ပြင်ဆင်ထားကြရန်၊ မိမိတို့ဘေးကင်းလုံခြုံရေးအတွက် သက်ဆိုင်ရာတာဝန်ရှိသူများနှင့် ချိတ် ဆက်ပူးပေါင်း ဆောင်ရွက်ကြရန် ဆက်လက်၍ တိုက်တွန်းနှိုးဆော်ထားသည်။ ဓာတ်ပုံ - ၂၀၂၄ ခုနှစ်၊ နိုဝင်ဘာလက ထီလင်းမြို့နယ်တိုက်ပွဲအတွင်း ဖမ်းမိခဲ့သော စစ်သုံ့ပန်းနှင့် လက်နက်ခဲယမ်းများ

မြစ်ခြေမြို့ကို မီးရှို့ဖျက်ဆီးနေသည့် စစ်ကြောင်းကြောင့် ပခုက္ကူ-မြစ်ခြေလမ်းပိုင်းရှိ ကျေးရွာများက အရပ်သား​ ၈ သောင်းခန့် စစ်ဘေးတိမ်းရှောင်နေရ မေ ၃၁၊ ၂၀၂၆ မကွေးတိုင်း၊ ပခုက္ကူမြို့နယ်အနောက်တောင်ဘက်မှာရှိတဲ့ မြစ်ခြေမြို့ကို အကြမ်းဖက်စစ်ကြောင်းတွေ အင်အားအလုံးအရင်းသုံး ဝင်ရောက်နေမှုကြောင့် ကျေးရွာပေါင်း ၃၀ ဝန်းကျင်က အရပ်သား ၈ သောင်းလောက်အထိ ဘေးလွတ်ရာတိမ်းရှောင်နေရတယ်လို့ အညာမြေတပ်ပေါင်းစု သတင်းတာဝန်ခံ ကိုဘိုဘိုသန့်ဇင်က မောင်းကိုပြောပါတယ်။ ပြီးခဲ့တဲ့မေလ ၁၀ ရက်နေ့ကစလို့ ပခုက္ကူမြို့နယ်အတွင်းက မြစ်ခြေမြို့ကို အကြမ်းဖက်စစ်တပ်ရဲ့ ပခုက္ကူတပ်မ (၁၀၁)တပ်အပါအဝင် ညောင်ဦးမြို့နယ် အခြေစိုက် ခလရ (၄၁၅) နဲ့ အောင်သာရွာအခြေစိုက် ပျူစောထီးတွေက အင်အားအလုံးရင်းနဲ့ ဝင်ရောက်စီးနင်းခဲ့တယ်လို့ သိရပါတယ်။ စစ်ကြောင်းဟာ ပြီးခဲ့တဲ့ မေလ ၁၀ ရက်နေ့ကစလို့ ဒီကနေ့ မေလ ၃၁ရက်အထိ ရက်ပေါင်း၂၀ အတွင်းမှာ မြစ်​ခြေမြို့အတွင်းက နေအိမ်တွေကို စိတ်ကြိုက်မီးရှို့ဖျက်ဆီးခဲ့ပြီး အရပ်သား ၂၅ ဦးကိုပါ ဖမ်းဆီးသတ်ဖြတ်ခဲ့ကြောင်း အညာမြေတပ်ပေါင်းစုက ဖော်ပြထားပါတယ်။ အဲဒီစစ်ကြောင်းကပဲ ပြီးခဲ့တဲ့ မေလ ၂၆ ရက်နေ့မှာလည်း မြစ်ခြေမြို့ပေါ်က ပြည်သူပိုင်ဈေးဆိုင်ခန်းတွေကို ဖောက်ထွင်းခိုးယူခဲ့တယ်လို့သိရပြီး တစ်စျေးလုံးကို မီးရှို့ဖျက်ဆီးသွားခဲ့တယ်လို့ သိရပါတယ်။ အညာမြေတပ်ပေါင်းစုရဲ့ဖော်ပြချက်အရ မြစ်ခြေမြို့မဈေးကြီးအပါအဝင် မြို့ပေါ်ရပ်ကွက်တွေနဲ့ အနီးအနားမှာရှိတဲ့ မိုးနတ်ကုန်း၊ ဆွဲကြီး၊ ထနောင်းကုန်း၊ ရွာသာအေး၊ ကြောင်ပန်းခုံ၊ ဖိုလ်ကုန်း၊ ထနောင်းကုန်း ၊ မကျီးကုန်း၊ ထန်းတောချောက် ၊ ကူကျွန်း၊ လက်ပံပင်၊ ညောင်ပင်၊ နံဂါတ်နဲ့ အိုင်ရှည် စတဲ့ ကျေးရွာတွေက နေအိမ်ပေါင်းထောင်နဲ့ချီဟာ စစ်တပ်ရဲ့မီးရှို့မှုအတွင်း မီးလောင်ပျက်စီးသွားခဲ့ပြီ ဖြစ်တယ်လို့ သိရပါတယ်။ လက်ရှိမြေပြင်အခြေအနေတွေအရ ပခုက္ကူ-မြစ်ခြေလမ်းပိုင်းတစ်လျှောက်က စစ်ဘေးရှောင်အရေအတွက်ဟာ ၆ သောင်းဝန်းကျင်ကနေ ၈ သောင်းနီးပါးအထိ ရှိလာပြီဖြစ်ပြီး တချို့ဟာ တောတောင်တွေထဲအထိ ထွက်ပြေးတိမ်းရှောင်နေကြရတယ်လို့လည်း ဆိုပါတယ်။ "လက်ရှိအထိစစ်ကြောင်းကရှိနေဆဲပါ။ မြစ်ခြေနဲ့ပက်ပက်လည်ရွာတွေ ရှောင်နေကြရပါတယ်။ နောက်ပြီး အခုရက်ထဲ မိုးကလည်း ဆက်တိုက်ရွာနေတော့ စစ်ရှောင်​တွေ ကျန်းမာရေး ဆိုးဝါးတဲ့သက်ရောက်မှုတွေ ကြုံတွေ့လာနေပါတယ်" လို့အညာမြေတပ်ပေါင်းစု သတင်းတာဝန်ခံ ကိုဘိုဘိုသန့်ဇင်က မောင်းကိုပြောပါတယ်။ အကြမ်းဖက်စစ်တပ်အနေနဲ့ ပခုက္ကူခရိုင်အတွင်းစစ်ကြောင်းတွေထိုးနေတာနည်းတူ ပခုက္ကူ-မြစ်ခြေ လမ်းပိုင်းအပါအဝင် ပေါက်၊ မြိုင်နဲ့ ဂန့်ဂေါခရိုင်ခေါ် ယောဒေသတခုလုံးကိုပါ ဖြတ်လေးဖြတ်သဘောမျိုးနဲ့ စားသောက်ကုန်နဲ့ လူသုံးကုန်သယ်ယူခွင့်တွေ တင်းတင်းကျပ်ကျပ်ပိတ်ပင်ထားတယ်လို့ သိရပါတယ်။ ဒါ့အပြင် မြစ်ခြေမြို့ပေါ်ရောက်ရှိနေတဲ့ စစ်ကြောင်းအတွက် လိုအပ်တဲ့ စစ်တပ်နဲ့လူအင်အားတွေကိုလည်း ပခုက္ကူမြို့နယ်၊ အောင်သာရွာအခြေစိုက် စစ်အုပ်စုတွေကနေ စစ်ကားတွေနဲ့ ဆက်တိုက်ပို့ဆောင်ပေးနေကြောင်းသိရပါတယ်။ ပုံစာ မကွေးတိုင်း၊ ပခုက္ကူခရိုင်အတွင်းမှစစ်ဘေးရှောင်များ(ပုံဟောင်း)

ဘယ်သူ့အတွက် ပေးဆပ်နေကြတာကြတာလဲမင်းတို့က ။မင်းတို့မိသားစုအတွက်ဆိုလည်း တစ်ခြားနည်းလမ်းနဲ့ ဝင်ငွေရှာရပါတယ်ကွာ။

ခေတ်ပျက်ကြီးမှာ ဘုရားတကာဖူးနေတာထက် အိမ်ကဘုရားကို နေ့စဥ်ရှိခိုးနိုင်ရင် ခင်ဗျားဟာလူတော်လူကောင်းပါပဲ...။ ခေတ်ပျက်ကြီးမှာ ဘယ်တရားမှမကျင့်နဲ့ ကိုယ်ချင်းစာတရားလေးပဲကျင့်ပေးရင်ကို လုံလောက်နေပါပြီ.......။ ခေတ်ပျက်ကြီးမှာ ရဟန်းသံဃာတိုင်းကိုပူဇော်ဖို့ထက် ဘုရားဟောတရားကို လိုက်နာကျင့်သုံးတဲ့ သံဃာတော်မြတ်ကို ရှိခိုးပူဇော်ရင်ကို အလွန်ကံကောင်းလှပါတယ်....။ ခေတ်ပျက်ကြီးက တစ်ခုတော့ကောင်းသဗျ အတုအယောင်တွေကို ပိုပြီးသိသာရှင်ကြားမြင်ရတယ်။ စစ်မုန်း

စစ်တပ်က ဇာတ်ပွဲများ ထည့်သွင်းခိုင်းပြီး ပခုက္ကူ သီဟိုဠ်ရှင်ဘုရားပွဲ ကျင်းပနေချိန်၊ တစ်မြို့နယ်တွင်းက မြစ်ခြေမြို့ကိုမူ မြို့လုံးကျွတ်နီးပါး မီးရှို့ဖျက်ဆီး မေ ၃၀၊ ၂၀၂၆ မကွေးတိုင်း၊ ပခုက္ကူမြို့နယ်မှာ သီဟိုဠ်ရှင်ဘုရားပွဲကို အကြမ်းဖက်စစ်တပ်က ဇာတ်ပွဲတွေထည့်သွင်းပြီး ပွဲလမ်းသဘင်အခမ်းအနားနဲ့ ခြိမ့်ခြိမ့်သဲ ကျင်းပနေချိန်မှာပဲ၊ ပခုက္ကူနဲ့အနည်းငယ်သာကွာဝေးတဲ့ မြစ်ခြေမြို့ကိုတော့ မီးရှို့ဖျက်ဆီးမှုတွေ ဆိုးဆိုးရွားရွားလုပ်ဆောင်နေတယ်လို့ သိရပါတယ်။ လက်ရှိအခြေအနေအရ ပခုက္ကူခရိုင်အတွင်းက မြို့နယ်တွေကို အကြမ်းဖက်စစ်တပ်က ကပစ စက်ရုံတွေမှာ အင်အားစုပြီး အင်အားထောင်ချီတဲ့ စစ်ကြောင်းတွေနဲ့ ထိုးနှက်တိုက်ခိုက်နေတာဖြစ်ပြီး၊ ပခုက္ကူမြို့အနောက်တောင်ဘက်၊ ဧရာဝတီမြစ်အနောက်ဘက်မှာရှိတဲ့ မြစ်ခြေမြို့ကိုလည်း စစ်ကြောင်းထိုးဝင်ရောက်ကာ မီးရှို့ဖျက်ဆီးမှုတွေဆက်တိုက်လုပ်ဆောင်နေတာဖြစ်ပါတယ်။ မြစ်ခြေမြို့ကို အကြမ်းဖက်စစ်တပ်က ပြီးခဲ့တဲ့မေလလယ်လောက်က စတင်စစ်ကြောင်းထိုးမီးရှို့ခဲ့ရာမှာ လက်ရှိချိန်မှာ‌တော့ တစ်မြို့လုံးနီးပါးက နေအိမ်ပေါင်းထောင်ချီ မီးလောင်ပျက်စီးသွားခဲ့ပြီလို့ သိရပါတယ်။ မြို့တွင်း အရပ်သားတွေကို မီးငြှိမ်းသတ်ခွင့် မပေးကြောင်းနဲ့ စစ်ကြောင်းဝင်ရောက်လာချိန် သတ်ဖြတ်ခံရသူ ၁၀ ဦး ထက်မနည်းရှိကြောင်း ဒေသခံတွေက ပြောပါတယ်။ စစ်ကြောင်းရဲ့ မီးရှို့မှုကြောင့် မီးလောင်ကျွမ်းနေတဲ့ မြစ်ခြေမြို့ကို ဧရာဝတီမြစ်တစ်ဖက်ကမ်း ပုဂံဘက်ကပင်မြင်ရကြောင်း သိရပြီး လက်ရှိမှာ ဒေသခံ နှစ်သောင်းနီးပါး စစ်ဘေးရှောင်နေရတယ်လို့လည်း သိရပါတယ်။ တစ်ဖက်မှာလည်း အကြမ်းဖက်စစ်တပ်ဟာ သူတို့ထိန်းချုပ်ထားတဲ့ ပခုက္ကူမြို့ပေါ်မှာ ဘုရားပွဲအကြောင်းပြကာ နာမည်ရဇာတ်သဘင်တွေကို ထည့်သွင်းပေးရင်း ပြည်သူတွေအပေါ် သူတို့ရဲ့ရက်စက်မှုကို ဟန်ပြဖုန်းကွယ်ဖို့ ကြိုးစားနေပါတယ်။ တော်လှန်ရေးအင်အားစုတွေဘက်ကတော့ အကြမ်းဖက်စစ်တပ်လုပ်တဲ့ ဟန်ပြပွဲလမ်းသဘင်တွေကို ပြည်သူတွေ မသွားလာကြဖို့ တိုက်တွန်းထားကြပါတယ်။ "ဇာတ်ပွဲထည့်တော့ သူတို့(စစ်တပ်)အသိုင်းအဝိုင်းမှ မဟုတ်ဘူး။ အခြားပြည်သူတွေလည်းကြည့်ချင်ကြမှာပဲ။ အပြစ်ပြောလို့မရပါဘူး။ ဘယ်လောက်ပဲမြို့ပြမှာနေနေ သူတို့လည်း စစ်တပ်ရဲ့ဖိအားဒဏ်တွေကို ခံကြရမှာပါပဲ။ မြို့ပြမှာက ပေါ်တာဆွဲတာ၊ အနိုင်ကျင့်တာတွေ သူတို့လည်းကြုံနေကြရမှာပါပဲ။ တစ်ဖက်မှာလည်း အခုလိုယုတ်မာနေတဲ့ စစ်ကောင်စီလုပ်တဲ့ ပွဲလမ်းသဘင်တွေကို မသွားလာပဲ နေလိုက်ခြင်းအားဖြင့် တော်လှန်ရေးကို ကူညီတာမဟုတ်ရင်တောင် စစ်တပ်ကို မုန်းတီးတယ်ဆိုတာကို ပြလို့ရပါတယ်။ စစ်တပ်ကတော့ သူတို့စနစ်အောက်မှာ ကျွန်တွေလိုပဲ ပျော်ခိုင်းမှာပါပဲ" လို့ ပခုက္ကူခရိုင်အခြေစိုက်တော်လှန်ရေးတပ်ဖွဲ့ဝင်တစ်ဦးက မောင်းကိုပြောပါတယ်။ သီဟိုဠ်ရှင်စေတီရဲ့ နယုန်လ ဗုဒ္ဓပူဇနိယပွဲကို နှစ်စဥ်မေလ ၂၃ရက်နေ့ကစပြီး ဇွန်လ ၁၆ ရက်နေ့အထိ ကျင်းပလေ့ရှိပြီး၊ ပြီးခဲ့တဲ့ မေလ ၂၈ ရက်နေ့မှာ ဇာတ်သဘင်ပွဲတွေ စတင်ကပြနေပြီဖြစ်ကြောင်းနဲ့ လူပြည့်လူလျှံတဲ့အထိ အားပေးကြကြောင်း စစ်တပ်ထောက်ခံသူတွေက ပြောဆိုကြပါတယ်။ တစ်ဖက်မှာလည်း ဘုရားပွဲကို လာရောက်တဲ့ လူငယ်လူရွယ်အမျိုးသားတွေကို စစ်တပ်နဲ့ စစ်တပ်လက်ပါးစေ ပျူစောထီးနဲ့ရဲတွေက ပေါ်တာဆွဲ ဖမ်းဆီးတာမျိုးတွေ လုပ်ဆောင်နေကြောင်းနဲ့ အမျိုးသမီးငယ်တွေကို ပြန်ပေးဆွဲငွေညှစ်တာမျိုးတွေလည်း ရှိကြောင်း မြို့ခံတချို့က ဆိုပါတယ်။ လက်ရှိမြေပြင်အခြေအနေမှာတော့ ပခုက္ကူခရိုင်အတွင်းက မြစ်ခြေမြို့အပါအဝင် ဆိပ်ဖြူ၊ ပေါက်၊ မြိုင်နဲ့ ရေစကြိုမြို့နယ်တွေကို အကြမ်းဖက်စစ်တပ်က ကပစ အ‌ခြေပြုတပ်တွေကတဆင့် ရိက္ခာကားတန်း၊ လူခြေလျင်တန်းတွေနဲ့ အင်အားသုံး စစ်ကြောင်းထိုး ဝင်ရောက်နေတယ်လို့ သိရပါတယ်။

ကိုယ့်ပေါင်ကိုယ်လှန်ထောင်း သလိုပါပဲ ပခုက္ကူ။ ကိုယ်ချင်းစာတရားကို ကျွန်တော်ဘယ်လိုရှင်းပြရပါ့။ တစ်ဖက်က ပခုက္ကူ။တစ်ဖက်က ပခုက္ကူနဲ့ ဘာမှမဝေးတဲ့မြစ်ခြေ။ကိုယ့်ကို မီးစထိမှ ခင်ဗျားတို့ ပူတတ်ကြလေသလား။ အတ္တကြီးတယ်ပဲ ပြောပြောလူတွေကို ကျွန်တော်ဘယ်လိုမှနားလည်လို့မရ။အေးပေါ့ ပျော်နိုင်ကြသူတွေပျော်ကြပေါ့လေ။ ပေါ်တာဆွဲနေတာတောင်မခန့်တာဆိုတော့ အပျော်အပါးအတော်မက်တဲ့ လူတွေပါပဲလားတွေးမိပါတယ်။ ပွဲသွားတာ ဘယ်သူတွေဖြစ်ဖြစ် အမည်းစက်ထင်တာ ကိုယ်တွေမြို့ပါပဲ။ မြစ်ခြေမြို့ကပြည်သူတွေ ဘေးကင်းကြပါစေ🙏🙏🙏

“မြို့ပြစီမံကိန်းလုပ်ငန်းကော်မတီများ” သည် မြောက်ဦးအပါအဝင် ဒေသအသီးသီးမှ စီမံကိန်းလျာ ထားခြံနေရာများကို ကွင်းဆင်းတိုင်းတာခြင်း၊ ခြံနှင့်သက်ဆိုင်သူများအား ဖိတ်ခေါ်တွေ့ဆုံ ဆွေးနွေးရှင်းလင်းမှုများ ပြုလုပ်ခြင်း၊ တစ်ဦးချင်းပိုင်ဆိုင်သော ခြံဧရိယာကို တိုင်းတာအတည်ပြု၍ နယ်နိမိတ်ပိုင်းခြားသတ်မှတ်ခြင်းအပြင် အခြေအနေ၏ လိုအပ်ချက်အရ ဥပဒေလုပ်ထုံးလုပ်နည်းများနှင့်အညီ ခြံသိမ်းဆည်းရန် အမိန့်ကြော်ငြာစာ ထုတ်ပြန်ခြင်း၊ သင့်တင့်သော လျော်ကြေးငွေ ပေးဆောင်ခြင်း စသည့် အဆင့်ဆင့်သော လုပ်ငန်းစဉ်များဖြင့် တည်ဆောက်ရေးလုပ်ငန်းများအား စနစ်တကျ ဆောင် ရွက်လျက်ရှိသည်ဟု အသိပေးသည်။ ထို့ကြောင့် ပြည်သူများအနေဖြင့်လည်း မိမိတို့၏ အာရက္ခတိုင်းပြည်တည်ဆောက်ရေးလုပ်ငန်းများ အရှိန်အဟုန်မြှင့် ဆောင်ရွက်နိုင်ရန်၊ အနာဂတ်အာရက္ခမျိုးဆက်များအတွက် အဆင့်အတန်းမြင့်မားပြီး လှပခေတ်မီသော လူ့ဘောင်တစ်ခု ချန်ထားခဲ့နိုင်ရန်နှင့် မြို့ပြစီမံကိန်းများ အောင်အောင်မြင်မြင် အကောင်အထည်ပေါ်နိုင်ရန်အလို့ငှာ အမျိုးသားရေးအသိစိတ်၊ တိုင်းချစ်ပြည်ချစ်စိတ်၊ တိုင်းပြည်အပေါ်ထားရှိသော အရင်းခံစေတနာစိတ်များဖြင့် ယခင်ကထက်ပိုသော ပူးပေါင်းပါဝင်လုပ်ဆောင်မှုမျိုးဖြင့် ပါဝင်ပေးကြပါရန် AA က ဖိတ်ခေါ် တိုက်တွန်းနှိုးဆော်ထားသည်။ အာရက္ခတပ်တော်-AA က ရခိုင်ပြည်နယ် - ပေါက်တော၊ ကျောက်တော်၊ မြောက်ဦး၊ မင်းပြား၊ မြေပုံ၊ ပုဏ္ဏားကျွန်း၊ ရမ်းဗြဲ၊ တောင်ကုတ်၊ မောင်တော၊ သံတွဲနှင့် အမ်းမြို့နယ်၊ ချင်းပြည်နယ် ပလက်ဝမြို့နယ်တစ်ခုလုံးကို အပြည့်အဝ သိမ်းပိုက်ထိန်းချုပ်ထားသည်။ AA က သိမ်းပိုက်ရန် ကျန်ရှိနေသော စစ်တွေမြို့ ၊ကျောက်ဖြူမြို့ ၊မာန်အောင်မြို့ (ကျွန်းမြို့)တို့ကိုလည်း မကြာမီ သိမ်းပိုက်သွားမည်ဟု ထုတ် ပြန်ကြေညာထားပြီး လက်ရှိတွင်လည်း ယင်း ၃ မြို့တွင် တိုက်ပွဲများ အပြင်းအထန် ဖြစ်ပွားလျက်ရှိသည်။ ဓာတ်ပုံ - AFP ။

ရခိုင်တစ်ပြည်လုံးကို သိမ်းပိုက်ထိန်းချုပ်ထားနိုင်သော အခြေအနေသို့ ရောက်ရှိနေပြီး အာရက္ခအမျိုး သားတော်လှန်ရေးကြီး ရာနှုန်းပြည့်အောင်မြင်ရန် လက်တကမ်းအလို ရောက်ရှိနေပြီဟု AA က ကြေညာ ရန်ကုန်၊ မေ ၃၀ ရခိုင်တစ်ပြည်လုံးကို သိမ်းပိုက်ထိန်းချုပ်ထားနိုင်သော အခြေအနေသို့ ရောက်ရှိနေပြီး အာရက္ခအမျိုး သားတော်လှန်ရေးကြီး ရာနှုန်းပြည့်အောင်မြင်ရန် လက်တကမ်းအလို ရောက်ရှိနေပြီဖြစ်ကြောင်း AA က ယမန်နေ့ မေလ ၂၉ ရက်နေ့ ညပိုင်း တရားဝင် ထုတ်ပြန်ကြေညာသည်။ အာရက္ခပြည်သူ့တော်လှန်ရေးအစိုးရက အာရက္ခပြည်သူလူထုတစ်ရပ်လုံးနှင့်အတူ ခိုင်မာစွာလက်တွဲလျက် အာရက္ခအမျိုးသားတော်လှန်ရေးကြီးတစ်ခုကို မရုပ်မနား၊ တစိုက်မတ်မတ် ဆင်နွှဲလျက်ရှိကြောင်း၊ လက်ရှိအချိန်ကာလတွင် အာရက္ခတစ်ပြည်လုံးနီးပါးအား သိမ်းပိုက်ထိန်းချုပ်ထားနိုင်သော အနေအထားသို့ ရောက်ရှိလျက်ရှိပြီး တစ်မျိုးသားလုံး၏ မျှော်မှန်းချက်မှာ ရာနှုန်းပြည့်အောင်မြင်ရန် လက်တစ်ကမ်းအလိုသို့ ရောက်ရှိနေပြီဖြစ်ကြောင်း ရက္ခိုင်အမျိုးသားအဖွဲ့ချုပ် (ULA/AA) က ထုတ် ပြန်ကြေညာလာခြင်းဖြစ်သည်။ ထိုသို့ အောင်မြင်မှုများရရှိလာခြင်းသည် အာရက္ခစစ်သည်တော်တို့၏ အသက်၊ ဘဝ၊ ခန္ဓာ၊ သွေး၊ ချွေးပေါင်းများစွာကို နေ့တိုင်းစွန့်လွှတ်အနစ်နာခံမှု၊ စီးဆင်းတိုက်ပွဲဝင်ပြီး အောင်ပွဲများရယူနိုင်ခြင်း၏ အကျိုးရလဒ်ဖြစ်သည့်နည်းတူ ရဲရင့်ပြောင်မြောက်သော အာရက္ခပြည်သူလူထုများ၏ တာဝန်ကျေပွန်မှုကြောင့်လည်း ဖြစ်ကြောင်း၊ တစ်ပြိုင်နက်တည်းတွင် မပြီးပြတ်သေးသော တော် လှန်ရေးကြီး အလုံးစုံပြည့်ဝအောင်မြင်မှုရရှိရေးအတွက်လည်း အာရက္ခစစ်သည်တော်များသည် ရှေ့တန်းစစ်မျက်နှာမှနေ၍ ရန်သူများနှင့် အပြင်းအထန် ဆက်လက်ရင်ဆိုင်တိုက်ပွဲဝင်နေကြရပြီး ရှုံးမဲမဲနေသော ရန်သူသည် အာရက္ခပြည်သူလူထုများဆိုင်ရာ မြို့ရွာများအား လက်နက်ကြီး၊ လေ ကြောင်းများဖြင့် ပြင်းပြင်းထန်ထန် တိုက်ခိုက်မှုများကို ယခင်ကထက် ပိုမိုလုပ်ဆောင်လျက်ရှိကြောင်း သတိပေးထားသည်။ ယင်းသို့ စစ်မြေပြင်၌ ရန်သူနှင့် စစ်ရေးအရ အပြင်းထန်ဆုံး ရင်ဆိုင်တိုက်ပွဲဝင်နေရသည့်နည်းတူ ကမ္ဘာ့အဖွဲ့အစည်းများနှင့် နိုင်ငံတကာမိသားစုများ သက်ရောက်မှုရှိစေရန် အားထုတ်ကြိုးပမ်းနေကြသည့် အစုအဖွဲ့များ၊ အမျိုးသားသစ္စာဖောက်အချို့၏ တစ်ကိုယ်တော် တိုက်ခိုက်ဆောင်ရွက်ချက်များကိုလည်း ဘက်စုံထောင့်စုံမှ ရင်ဆိုင်နေရကြောင်း၊ ထိုကဲ့သို့ စစ်ရေး၊ နိုင်ငံရေး၊ သံတမန်ရေး တိုက် ခိုက်မှုများကြားထဲမှာပင် အာရက္ခပြည်သူ့တော်လှန်ရေးအစိုးရက တရားဥပဒေစိုးမိုးရေး၊ ကျန်း မာရေး၊ ပညာရေး၊ အုပ်ချုပ်ရေး၊ မြို့ပြ၊ ရပ်ရွာ၊ ကျေးလက်ဖွံ့ဖြိုးတိုးတက်ရေးစီမံကိန်း စသည့် တိုင်း ပြည်တည်ဆောက်ရေးကဏ္ဍများနှင့် ပြည်သူ့ဝန်ဆောင်မှုများကို အာရက္ခပြည်သူလူထုများနှင့်တက္က ခိုင်မြဲစွာလက်တွဲလျက် အချိန်နှင့်တပြေးညီ တစိုက်မတ်မတ် ကြိုးပမ်းအားထုတ် လုပ်ဆောင်လျက်ရှိကြောင်း AA က ပြောဆိုသည်။ မပြီးပြတ်သေးသော အမျိုးသားတော်လှန်ရေးကြီးကြားထဲကပင် လျှောက်လှမ်းရင်း ပြည်သူ့အုပ်ချုပ်ရေးလုပ်ငန်းများကို ပိုမိုစနစ်ကျစွာ ဆောင်ရွက်လျက်ရှိသော်လည်း ယခင်အာဏာရှင်အစိုးရအဆက် ဆက် လက်ထက်၌ အာရက္ခဒေသ၏ ဖွံ့ဖြိုးတိုးတက်ရေးကို လျစ်လျူရှုထားခြင်း၊ မြို့ပြစီမံကိန်းများကို စည်းစနစ်ကျစွာ၊ နည်းလမ်းမှန်ကန်စွာ ဆောင်ရွက်နိုင်မှုမရှိခဲ့ခြင်း၊ တည်ဆဲဥပဒေများကို အာဏာ ပိုင်အဆက်ဆက်များနှင့် ကိုယ်ကျိုးရှာစီးပွားရေးသမားများက လက်ဝါးကြီးအုပ် ကိုယ်ကျိုးရှာဆောင်ရွက်ခြင်းများ ရှိခဲ့သောကြောင့် အာရက္ခဒေသတစ်ခုလုံး ဖွံ့ဖြိုးတိုးတက်ရေးတွင် စိန်ခေါ်မှုမျိုးစုံကို နေ့တိုင်းကြုံတွေ့လျက်ရှိကြောင်း လက်ရှိ အခြေအနေကို AA က အသိပေးထားသည်။ နှစ်ကာလရှည်ကြာ စုပုံနေခဲ့သော အဆိုပါဆိုးမွေများကြောင့် အာရက္ခဒေသအတွင်း လူမှုဘဝနေထိုင်မှုအဆင့် အတန်းမှာ အဖက်ဖက်မှ နိမ့်ကျလျက်ရှိနေကြောင်း၊ ထို့ကြောင့် အာရက္ခပြည်သူ့တော် လှန်ရေးအစိုးရက အာရက္ခပြည်သူများ၏ လူမှုဘဝအဆင့်အတန်း မြင့်မားလာစေရန်၊ စနစ်တကျဖွံ့ဖြိုးလာစေရန်၊ တိုးပွားလာသော လူဦးရေကြောင့် ဖြစ်ပေါ်လာသည့် လူထုထပ်မှုများကို စနစ်တကျ ဖြည့် တင်းပေးနိုင်ရန်၊ မြို့ပြများ၌ လမ်းနယ်နိ မိတ်အပါအဝင် ကားလမ်းဘေးခြံနေရာများအား ဥပဒေမဲ့ ကျူးကျော်ခြင်းများကို ထိန်းသိမ်းနိုင်ရန် ရည်ရွယ်ချက်ဖြင့် လမ်း၊ တံတား၊ အိမ်ရာများအပါအဝင် မြို့ပြတည်ဆောက်ရေးလုပ်ငန်းများကို စနစ်တကျဆောင်ရွက်နိုင်ရန် “မြို့ပြစီမံကိန်းလုပ်ငန်းကော် မတီများ” ကို ဖွဲ့စည်းကာ အားသွန်ခွန်စိုက် ဆောင်ရွက်လျက်ရှိကြောင်း AA က ဆက်လက်ပြောဆိုသည်။ အထူးသဖြင့် အာရက္ခပြည်သူပြည်သားများ အသက်တမျှ တန်ဖိုးထားလာခဲ့သော အာရက္ခပြည်သမိုင်း ၏ အထင် ကရနှင့် အာရက္ခတို့၏ အသည်းနှလုံးဖြစ်သည့် “မြောက်ဦးမြေဟောင်းယဉ်ကျေးမှုအမွေအနှစ်ဇုန်” အား သန့်ရှင်းသပ်ရပ်စွာဖြင့် ရေရှည်ထိန်းသိမ်းကာကွယ်စောင့်ရှောက်နိုင်ရန်၊ ကမ္ဘာ့အဆင့်၊ အာရက္ခအမွေအနှစ်အဖြစ် တည် တံ့နိုင်ရန် ရည်ရွယ်ချက်များဖြင့် “မြောက်ဦးမြို့ မြို့တည်ဆောက်ရေးစီမံကိန်း” ကိုလည်း အကောင် အထည်ဖော် ဆောင်ရွက်လျက်ရှိကြောင်း AA က ဆို သည်။

စစ်တပ် အင်အား ၈၀ ကျော်ဖြင့် တပ်စွဲထားသော ခမရ ၄၃၃ ကျောက်လုံးကြီး ဗျူဟာကာကင်းစခန်းကို KNU နှင့် တော်လှန်ရေးတပ်များက တိုက်ခိုက်သိမ်းပိုက် ရန်ကုန်၊ မေ ၃၀ ကရင်အမျိုးသားအစည်းအရုံး (K.N.U)၊ ကော်သူးလေအုပ်ချုပ်မှုနယ်မြေ၊ မြိတ် -ထားဝယ်ခရိုင်အတွင်းရှိ စစ်ကောင်စီ၏ ခမရ (၄၃၃) တပ်ရင်းမှ အင်အား ၈၀ ကျော်ဖြင့် ဗျူဟာကာကင်းအဖြစ် ပြန် လည်ဝင်ရောက်တပ်စွဲထားသော "လယ်ဖဒို (ကျောက်လုံးကြီး)" တပ်စခန်းကို ကရင်အမျိုးသားလွတ်မြောက်ရေးတပ် မတော် (K.N.L.A) နှင့် တော်လှန်ရေးပူးပေါင်းတပ်ဖွဲ့များက တိုက်ခိုက်သိမ်း ပိုက်ရရှိခဲ့ကြောင်း KNU က ယနေ့ သတင်းထုတ်ပြန်သည်။ မေလ ၁၉ ရက်နေ့ ၊ နံနက် ၇ နာရီ အချိန်မှစတင်၍ မြိတ်-ထားဝယ်ခရိုင်၊ လယ်မူလားမြို့နယ်၊ တနင်္သာ ရီချောင်းမကြီးနဘေးရှိ ကျောက်လုံးကြီးကျေးရွာအတွင်း နှစ်ပေါင်း ၂၀ ကျော် အခြေချတပ်စွဲထားသော အဆိုပါကျောက်လုံးကြီးတပ်စခန်းကို KNLA ဦးဆောင်သော မဟာမိတ်တော်လှန်ရေးပူးပေါင်းတပ် ဖွဲ့များက အပြင်းအထန် တိုက် ခိုက်ခဲ့ကြခြင်း ဖြစ်သည်။ ယင်းနောက် ၁၀ ရက်အကြာ မေလ ၂၉ ရက်နေ့ ညနေ ၄ နာရီအချိန် အဆိုပါ "လယ်ဖဒို (ကျောက်လုံးကြီး)" စခန်းတစ်ခုလုံးကို အပြီးသတ် တိုက်ခိုက်သိမ်း ပိုက်နိုင်ခဲ့ကြောင်း၊ အဆိုပါစခန်းသည် စစ်ကောင်စီ၏ ကမ်းရိုးတန်းတိုင်းစစ် ဌာနချုပ်၊ အမှတ် ၂ ဗျူဟာလက်အောက်ခံတပ်များက နှစ်ပေါင်း ၂၀ ကျော်ကြာ အခြေပြုတပ်စွဲခဲ့သည့် စခန်းကြီးတစ်ခု ဖြစ်ကြောင်း သိရှိရသည်။ ၂၀၂၄ ခုနှစ် ဇွန်လအတွင်း ကရင်အမျိုးသားလွတ်မြောက်ရေးတပ်မတော် တပ်မဟာ ၄ နှင့် တော်လှန် ရေးမဟာ မိတ်ပူးပေါင်းတပ်များက စစ်ကောင်စီ၏ "အောင်သာဝရစခန်း" ကို တိုက်ခိုက်သိမ်းပိုက်နိုင်ခဲ့စဉ်အတွင်း ထိုကျောက်လုံးကြီးစစ်ဗျူဟာစခန်းသည် စခန်းကို စွန့်ခွာ၍ ထွက်ပြေးတိမ်းရှောင်သွားခဲ့ကြကြောင်း၊ သို့သော် လည်း နောက်ပိုင်းတွင် အဆိုပါစခန်း၌ စစ်ကောင်စီ၏ ခမရ ၄၃၃ တပ်ရင်းမှ အင်အား ၈၀ ကျော်ဖြင့် စစ်ရေးဗျူဟာကာကင်းတစ်ခုအနေ ဖြင့် ပြန်လည်ဝင်ရောက်ကာ အခြေပြုတပ်စွဲခဲ့ခြင်း ဖြစ်သည်ဟု သိရှိရသည်။