OneStop Etnews

ሀብታቸውን ያላስመዘገቡ ሹመኞችን ለሚጠቁም ጉርሻ የሚያሰጥ መመሪያ ሊወጣ ነው የአዲስ አበባ ፀረ ሙስና ኮሚሽን ሃብታቸውን በትክክል ያላስመዘገቡ የመንግሥት ሹመኞችን ለሚጠቁም ጉርሻ መስጠት የሚያስችል መመሪያ እያወጣሁ ነው ብሏል። ኮሚሽኑ እንደገለፀው ከሆነ መመሪያው ለጠቋሚዎች ከሚገኘው ሀብት 25 በመቶ ድርሻ እንዲያገኙ የሚያስችላቸው ነው። ይህም በሃብት ምዝገባ ሂደት ላይ የሚፈጸም ሙስናን ለመከላከል አጋዥ እንደሚሆን ታምኖበታል።(Arada_Fm)

Addis Ababa’s Vital Registration Embraces Telebirr The Addis Ababa Civil Registration & Residency Service Agency (CRRSA) is transitioning to a cashless system accepting payments only through telebirr starting next year. Read More Source: shegahq @Ethiopianbusinessdaily

የኢትዮዽያ ሲቪል አቭዬሽን ባለስልጣን ለግሉ ዘርፍ የሀገር ቤት የአየር ትራንስፖርት አገልግሎት እንዲሰጥ በሩን ከፍቷል። የግል አየር ትራንስፖርት እንዲሰጡ የተጋበዙት ድርጅቶች እየሰጡት ካሉት የቻርተር በረራ በተጨማሪ መደበኛ የመንገደኞች እና የጭነት በረራ አገልግሎት እንዲሰጡ ነው የተፈቀደላቸው። ይህ ፍቃድ መሰጠቱ የሀገር ውስጥ ኢኮኖሚን ያሳድጋል፣ ምርትና አገልግሎትን ከ አንድ ቦታ ወደ አንድ ቦታ ለማሸጋገር ይረዳል፣ ቱሪዝምን ያሳድጋል ያለው ባለስልጣኑ ነው። የኢትዮዽያ ሲቪል አቭዬሽን ባለስልጣን ከዚህ በተጨማሪም ይህ ፍቃድ መሰጠቱ የአውሮፕላን የበረራ አገልግሎት ዋጋንም ይቀንሳል ገና ብዙ ያልተነካ ዘርፍ ነው ብሏል። ሸገር በዚህ ጉዳይ የጠየቃቸው የአቢሲንያ በረራ ድርጅት ሀላፊና መስራች ካፒቴን ሰለሞን ግዛው መፈቀዱ በጎ ቢሆንም ቀድሞ መሰራት ያለባቸው ጉዳዮች አሉ ብለዋል፡፡ ካፒቴን ሰለሞን በ ሐገር ውስጥ የአውሮፕላን ጥገና ለማድረግ አይቻልም ይህን ለማድረግ ወደ ውጭ እንበራለን ይህ ደግሞ ከፍተኛ ወጪና የሀገርም ሀብት ያባክናል ብለዋል፡፡ ባንኮች ይህ ቢዝነስ ወደ ፊት እንዲራመድ ማገዝ አይችሉም አቅምና ብቃትም የላቸውም ብለው ነግረውናል፡፡ አውሮፕላን ለመግዛትና መለዋወጫውን ለማምጣትም ከፍተኛ የውጭ ምንዛሪ ያስፈልጋል ተብሏል፡፡ ካፒቴን ሰለሞን ይህን አገልግሎት በሀገር ውስጥ እየሰጡ የውጭ ምንዛሪውን ማካካስ የሚቻልበት መንገድ የለም ማለታቸውን አስረድተዋል፡፡ የኢትዮዽያ ሲቪል አቭዬሽን ባለስልጣን ይህን ፍቃድ መጀመሩ በጎ ሆኖ ሳል ጎን ለጎን መሰራት ያለባቸው ጉዳዮች አሉ ተብሏል፡፡ በኢትዮዽያ የግል የቻርተርና አቬዬሽን ሞያ የሚሰጡ ድርጅቶች በጣት የሚቆጠሩ ናቸው፡፡(ተህቦ ንጉሴ)

አገልግሎት ሰጪ ሰራተኞችን የሚቆጣጠሩ ካሜራዎች በየወረዳዎች ሊገጠሙ ነው👏 አገልግሎት ሰጪ ሰራተኞችን የሚቆጣጠሩ ካሜራዎች ዛሬ በየክፍለ ከተሞች እንደሚሰራጩ የአዲስ አበባ ሲቪል ምዝገባ እና የነዋሪነት አገልግሎት ኤጀንሲ አስታወቀ። ይህም ያልተገባ ጥቅም ለማግኘት ደንበኞች ላይ እንግልት የሚፈፅሙ ሰራተኞችን ለመቆጣጠር የሚያስችል መሆኑን ኤጀንሲው ገልጿል። ኤጀንሲው በ11 ክፍለ ከተሞች ቁጥጥር ሲያደርግ እንደቆየና አሁን ደግሞ በ119 ወረዳዎች የካሜራ ቁጥጥር ስራ ሊጀምር መሆኑን አስታውቋል። ኤጀንሲው ለአራዳ ኤፍ ኤም እንደገለፀው የካሜራዎቹ ግዢ ተጠናቆ ዛሬ በየክፍለ ከተሞች ይሰራጫሉ። ይህም ግልፅነት እና ተጠያቂነትን ለመፍጠር እንዲሁም ክፍለ ከተሞች የየራሳቸውን ወረዳዎች መመልከት የሚችሉበት ስርዓት ለመዘርጋት እንደሚረዳ የኤጀንሲው ዋና ዳይሬክተር አቶ ዮናስ አለማየሁ ተናግረዋል። በአዲስ አበባ ከተማ የደንበኞችን እንግልት ይቀንሳሉ የተባሉና ምስልን እንዲሁም ንግግርን የሚቆጣጠሩት ካሜራዎች ገጠማ በሁለት ሳምንት ይጠናቀቃል ተብሏል። በአዲስ አበባ ከተማ አስተዳደር በክፍለ ከተማ ደረጃ ያለውን የደንበኛ መጉላላት ለመቀነስ ተቋሙ መታወቂያ ሲታተምና በክፍለ ከተማ ያለውን የፅህፈት ቤት አገልግሎቶች ሂደት በካሜራ ሲቆጣጠር መቆየቱ ይታወቃል። (አራዳ ኤፍ ኤም)

ወደ ሀገር ዉስጥ የሚገቡ የኤሌክትሪክ ተሽከርካሪዎች ደረጃ መዘጋጀቱ ተነገረ ከቅርብ ጊዜ ወዲህ በመንግስትም አስገዳጅነት ወደ ሀገር ቤት በብዛት እየገቡ ለሚገኙት የኤሌክትሪክ ተሽከርካሪዎች የደረጃ መለኪያ መስፈር መዘጋጀቱን ብስራት ራዲዮና ቴሌቪዥን ሰምቷል። በርካታ ባለሙያዎች ወደሀገር ዉስጥ የሚገቡ የኤሌክትሪክ ተሽከርካሪዎች ወኪል አልባ ናቸዉ ከሚለዉ ጀምሮ ካለ መለኪያ መስፈርት የሚገቡ መሆናቸውን ሲናገሩ ይደመጣል። የትራንስፖርት እና ሎጀስቲክስ ሚኒስቴር ከኢትዮጵያ ደረጃዎች ኢንስቲትዩት ጋር በመሆን የሚገቡ ተሽከርካሪዎች በምን ደረጃ ላይ መገኘት አለባቸዉ የሚለዉን የሚመዝን ደረጃ ማዘጋጀቱን የትራንስፖርት እና ሎጀስቲክስ ሚኒስትሩ ዶ/ር አለሙ ስሜ መናገራቸውን ብስራት ሰምቷል። በተጨማሪም የአሰራር ስርዓት ለመዘርጋት ያለመ መሆኑም ተገልጿል። በሌላ በኩል የኤሌክትሪክ ተሽከርካሪዎች የሀይል መሙያ ማዕከላት የአተገባበር መመሪያ መዘጋጀቱንም ሚኒስትሩ ተናግረዋል። የሀይል መሙያ ማዕከላትን መላዉ ኢትዮጵያን የሚሸፍን ለማድረግ የቅድመ አዋጭነት ጥናት መደረጉንም ገልጸዋል። የኤሌክትሪክ ተሽከርካሪዎች ሀይል መሙያ ለመገንባት ለሚያቅዱ ባለሃብቶችም ምቹ ሁኔታን በመፍጠር የፕሮጀክት እቅድ መዘጋጀቱንም ሚኒስትሩ ይፋ አድረወገዋል። በአሁኑ ወቅትም ለ 162 የኤሌክትሪክ መኪና አስመጪዎች ፈቃድ መሰጠቱን የትራንስፖርት እና ሎጀስቲክስ ሚኒስትር ዶ/ር አለሙ ስሜ መናገራቸውን ብስራት ራዲዮና ቴሌቪዥን ሰምቷል። ዳጉ_ጆርናል

#ማስታወሻ " የመኖሪያ ቤት ኪራይ ቁጥጥር እና አስተዳደር አዋጅ ቁጥር 1320/2016 " ምን ይዟል ? ➡️ የመኖሪያ ቤት አከራዮች #በዘፈቀድ የኪራይ ዋጋ መጨመር #አይችሉም። ➡️ አከራይ የኪራይ ዋጋ ጭማሪ ማድረግ የሚችለው ተቆጣጣሪ አካል #በዓመት_አንድ_ጊዜ ነባራዊ የኢኮኖሚውን ሁኔታ እና ሌሎች አግባብነት ያላቸውን ጉዳዮች ከግምት በማስገባት ሊወስን የሚችለውን የመኖሪያ ቤት ኪራይ ጭማሪ መሠረት በማድረግ ነው። ➡️ ማንኛውም የቤት ኪራይ ጭማሪ በተቆጣጣሪው አካል በሰኔ 1 ለሕዝብ ይፋ ተደርጎ ከሰኔ 30 ጀምሮ ለአንድ አመት የፀና ይሆናል። ➡️ የቤት ኪራይ ውል ዘመን #ሳይጠናቀቅ ተከራይን ከቤት ማስወጣት ወይም በዚህ አዋጅ ከተፈቀደው ሁኔታ ውጪ የዋጋ ጭማሪ ማድረግ አይቻልም። ይህም አስገዳጅ ድንጋጌ ነው። ➡️ አከራዮች #ከ2_ወር_የቤቱ_ኪራይ_በላይ ቅድመ ክፍያ መጠየቅ #አይችሉም። ➡️ የቤት ኪራይ ክፍያዎች በባንክ ወይም በሌላ ሕጋዊ የኤሌክትሮኒክ ዘዴ መፈፀም አለባቸው። አከራይ እና ተከራይ የቤት ኪራይ ክፍያ ሰነዶችን አደራጅተው #የመያዝ_ግዴታ አለባቸው። ➡️ ማንኛውም የቤት ኪራይ ውል በጽሁፍ የሚደረግ ሆኖ በተቆጣጣሪው አካል መረጋገጥ እና መመዝገብ አለበት። ➡️ መኖሪያ ቤት ኪራይ ውል #ከሁለት_ዓመት ሊያንስ አይችልም። NB. በአዋጁ መሠረት " ተቆጣጣሪው አካል ፣ ማለት የመኖሪያ ቤት ኪራይ ውልን እና ዋጋን እንዲቆጣጠር በክልሎች ወይም በአዲስ አበባ እና ድሬዳዋ ከተማ አስተዳደሮች የሚሰየም አካል ነው፡፡ More : https://t.me/tikvahethiopia/86580?single #Ethiopia #የመኖሪያ_ቤት_ኪራይ_ቁጥጥርና_አስተዳደር_አዋጅ @onestopetnews

ከዛሬ ግንቦት 28 /2016 ዓ.ም ጀምሮ የሁሉም የነዳጅ ምርቶች የችርቻሮ መሸጫ ዋጋ ባለበት እንደሚቀጥል ተወሰኗል። የሚኒስትሮች ምክር ቤት ታህሳስ 20 ቀን 2014 ዓ.ም ባደረገው 3ኛ መደበኛ ስብሰባ ባስተላለፈው የነዳጅ ውጤቶች የዋጋ ግንባታ የአፈጻጸም ውሳኔ መሠረት የችርቻሮ መሸጫ ዋጋ በየጊዜው እየተከለሰ ሥራ ላይ እንዲውል ሲደረግ መቆየቱ ይታወሳል፡፡ በዚህም መሰረት ከዛሬ ግንቦት 28/2016 ጀምሮ የሁሉም የነዳጅ ምርቶች የችርቻሮ መሸጫ ዋጋ በስራ ላይ በነበረበት ዋጋ እንዲቀጥል መወሰኑ ተነግሯል፡፡

የሳዑዲ ዓረቢያ ከፍተኛ የኢንቨስትመንትና የንግድ ከፍተኛ የልዑካን ቡድን ትናንት ምሽት አዲስ አበባ መግባቱን ውጭ ጉዳይ ሚንስቴር አስታውቋል። 79 አባላትን ያካተተው ልዑካን ቡድን፣ ከተለያዩ የሳዑዲ ዓረቢያ ታዋቂ ኩባንያዎች የተውጣጡ ባለሃብቶችንና የአገሪቱን ንግድ ምክር ቤት ኃላፊዎች ያቀፈ እንደኾነ ሚንስቴሩ ገልጧል። ልዑካን ቡድኑ በሦስት ቀናት ቆይታው፣ በአዲስ አበባ በሚካሄድ የንግድና ኢንቨስትመንት ፎረም ላይ ይሳተፋል፤ የተለያዩ ፕሮጀክቶችንም ይጎበኛል ተብሏል። ሚንስቴሩ፣ የልዑካን ቡድኑ ጉብኝት የንግድና የኢንቨስትመንት ዕድሎችን ለመፍጠር፣ በኹለቱ አገራት መካከል ኢኮኖሚያዊ ግንኙነቶችን ለማስፋትና የኹለትዮሽ ግንኙነቱን ለማጠናከር ያለመ እንደኾነ ገልጧል።

በአዲስ አበባ ከተማ የአከራይ እና ተከራይ ህጋዊ ውል ምዝገባ ሰኔ 1 ቀን 2016 ዓ.ም እንደሚጀመር የቤቶች ልማትና አስተዳደር ቢሮ አስታውቋል። የመኖሪያ ቤት ኪራይ ቁጥጥር እና አስተዳደር አዋጅ መጽደቁ ይታወቃል፡፡ በዚህም አስተዳደሩ አዋጁን በመመሪያ በማስደገፍ ወደ ስራ ለማስገባት ዝግጅቶቹን ማጠናቀቁ ተገልጿል። ከሰኔ 1 እስከ 30 ቀን 2016 ዓ.ም በከተማዋ ውስጥ የሚገኙ የግል ቤት አከራዮች ከተከራዮቻቸው ጋር ህጋዊ ሰነዶቻቸውን ይዘው በመቅረብ ምዝገባ ማድረግ ይችላሉ ተብሏል። ቤት አከራዮች ፦ ➡️ ህጋዊ የምዝገባ ውል ለመፈጸም ወደ ወረዳ ጽ/ቤቶች በሚሄዱበት ወቅት ቤቱ የራሳቸው ስለመሆኑ ወይንም ህጋዊ ተወካይ መሆናቸውን የሚገልጽ ሰነድ ይዘው መቅረብ ይኖርባቸዋል። ተከራዮች ፦ ➡️ ማንነታቸውን የሚገልጽ መታወቂያ ወይም ሌላ ህጋዊ ማንነታቸውን የሚያረጋግጥ ሰነድ ይዘው መቅረብ አለባቸው። በስራ ሰዓት መመዘግብ የማይችሉ አከራይና ተከራዮች ቅዳሜና እሁድ እንዲሁም በስራ ቀን ማታ ከ12 ሰዓት በኋላ ህጋዊ የውል ምዝገባውን መፈጸም ይችላሉ። Source: tikvahethiopia

አዲስ አበባን ጨምሮ ክልሎች የቤት ኪራይ መመሪያ እና ደንቦችን አዘጋጀተው ወደ ስራ መግባታቸው ተገለጸ አዲስ አበባ ከተማን ጨምሮ ክልሎች እና ከተሞች አዲሱን የቤት ኪራይ መመሪያ እና ደንቦችን አዘጋጀተው ወደ ስራ መግባታቸው የከተማና መሰረተ ልማት ሚኒስቴር ለመናኸሪያ ሬዲዮ አስታውቋል፡፡ የከተማና መሰረተ ልማት ሚኒስቴር የህዝብ ግንኙነት ሃላፊ አቶ ኢትዮጵያ በዴቻ፤ አዋጁ አከራይና ተከራዩ በፍትሃዊነት ተጠቃሚ እንዲሆኑ የሚያስችል መሆኑን ተናግረዋል፡፡ ይህን አዋጅ ለመተግበር የአፈፃፀም መመሪያ እና ደንብ ተዘጋጀቶ ወደ ስራ መግባቱን ገልፀዋል፡፡ በአዲስ አበባ በሚቀጥለው ወር ወደ ስራ እንደሚገባ የገለጹት አቶ ኢትዮጵያ በቀጣይ ሌሎቹም ይህን ይተገብራሉ ብለዋል፡፡ አዋጁ ተግባራዊ መሆን ሲጀምር በተከራይም ሆነ በአከራይ በኩል ለሚነሱ ቅሬታዎች ምላሽ የሚሰጥ ኮሜቴ የተጠቆመ ሲሆን ፤ ሚኒስቴር መስሪያ ቤቱ ከሌሎች መንግስታዊ ተቋማት ጋር በጋራ በመሆን አዋጁን ተግባራዊ ለማድረግ እየሰራ እንደሚገኝ ነው ሃላፊው የተናገሩት፡፡ አዋጁ በአከራይና ተከራይ መካከል ያለውን ብዥታ ግልፅ የሚያደርግ እና ሁለቱም ተጠቃሚ እንዲሆኑ የሚያስችል በመሆኑ ለአተገባበሩ ሁሉም የራሱን አስተዋፅኦ አንዲያደርግ ተጠይቋል፡፡ መናኸሪያ ሬዲዮ