News Of Myanmar

ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့်လုံခြုံရေးကောင်စီ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးဥပဒေကို တတိယအကြိမ်ပြင်ဆင်သည့်ဥပဒေ ( အမျိုးသားကာကွယ်ရေးနှင့်လုံခြုံရေးကောင်စီဥပဒေအမှတ် ၁ / ၂၀၂၆ ) ၁၃၈၇ ခုနှစ်၊ တပို့တွဲလဆန်း ၇ ရက် (၂၀၂၆ ခုနှစ်၊ ဇန်နဝါရီလ ၂၄ ရက်)

အစ္စရေးသို့ပျံသန်းနေသည့်လေကြောင်းအားလုံးရပ်ဆိုင်း NOM အီရန်နှင့်အမေရိကန်စစ်ဖြစ်တော့မည့်အခြေအနေများပြားလာသည့်အတွက်ယနေ့မှစပြီးကမ္ဘာ့လေကြောင်းလိုင်းအားလုံးသည်အစ္စရေးသို့ပျံသန်းပြေးဆွဲမှုများရပ်တန့်လိုက်သည်။အစ္စရေးလေပိုင်နက်အတွင်းလေယာဥ်တစ်စီးမှမရှိသည်ကိုလေကြောင်းထိန်းရေဒါတွင်တွေ့မြင်နေရသည်။

ဗြိတိန်ဝန်ကြီးချုပ်ကအမေရိကန်သမ္မတကိုပြင်းထန်စွာဝေဖန် NOM ဗြိတိန်ဝန်ကြီးချုပ် ကီယာ စတာမာ သည် အာဖဂန်နစ္စတန်တွင် NATO တပ်ဖွဲ့များသည် ရှေ့တန်းတိုက်ပွဲများကိုရှောင် ရှားခဲ့သည်ဟူသော သမ္မတ ထရမ့်၏ အဆိုကို ပြင်းပြင်း ထန်ထန် ပြန်လည်တုံ့ပြန်ခဲ့သည်။ ထိုသို့တုံ့ပြန်ရာတွင် သူသည် ယင်းပဋိပက္ခအတွင်း ကျဆုံးခဲ့ရသော ဗြိတိသျှ စစ်သား ၄၅၇ ဦးကို ဦးစွာ ဂုဏ်ပြု ကျေးဇူးတင်ကြောင်း ဖော်ပြခဲ့ပြီး ၎င်းတို့၏ သတ္တိနှင့် စွန့်လွှတ်အနစ်နာခံမှုကို အသိအ မှတ်ပြု ချီးကျူးခဲ့သည်။

မသန်စွမ်းအားကစားအဖွဲ့ဆုတံဆိပ်၄၈ခုရထား NOM၊ဇန်နဝါရီ၂၄၊၂၀၂၆ ၁၃)ကြိမ်မြောက် အာဆီယံမသန်စွမ်း အားကစားပြိုင်ပွဲတွင် မြန်မာအားကစားသမားများက ရေကူးနှင့် ပြေးခုန်ပစ်အပါအဝင် အားကစားနည်းများမှ ဇန်နဝါရီလ(၂၄)ရက် ယနေ့အထိ ရွှေတံဆိပ်(၁၆)ခု၊ ငွေတံဆိပ်(၁၆)ခုနှင့် ကြေးတံဆိပ်(၁၆)ခု ဆွတ်ခူးရရှိထားကြောင်းသိရသည်။

တနင်္သာရီတိုင်းဒေသကြီး၊ ရေဖြူမြို့နယ်၊ ရာဖူး (ရွာသစ်) ကျေးရွာတွင် PDF အကြမ်းဖက်အဖွဲ့က အများပြည်သူထိခိုက်စေရန်ရည်ရွယ်၍ ရမ်းသန်းပစ်ခတ်လိုက်သည့် လက်နက်ငယ်ကျည်ထိမှန်မှုကြောင့် အပြစ်မဲ့အရပ်သားပြည်သူတစ်ဦး ထိခိုက်ဒဏ်ရာရ NOM ဇန်နဝါရီ ၂၄၊ ၂၀၂၆ မွန်ပြည်နယ်၊ ရေးခရိုင်ပြည်သူ့ဆေးရုံကြီးသို့ ဇန်နဝါရီလ ၂၃ ရက်နေ့ နံနက် ၇ နာရီအချိန်၌ ကျည်ထိမှန်ဒဏ်ရာဖြင့် အမျိုးသားတစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အားစိစစ်ခဲ့ရာ ဇန်နဝါရီလ ၂၂ ရက်နေ့ ည ၆ နာရီအချိန်၌ တနင်္သာရီတိုင်းဒေသကြီး၊ ရေဖြူမြို့နယ်၊ ရာဖူး (ရွာသစ်) ကျေးရွာနေ ဦးခင်ဦး (၄၁) နှစ်သည် အဆိုပါကျေးရွာရှိ ဘုန်းကြီးကျောင်းအနီးတွင်ရှိနေစဉ် PDF အကြမ်းဖက်အဖွဲ့က အများပြည်သူထိခိုက်စေရန်ရည်ရွယ်၍ ရမ်းသန်းပစ်ခတ်လိုက်သည့် လက်နက်ငယ်ကျည်လာရောက်ထိမှန်ခဲ့မှုကြောင့် ၎င်းတွင် ကျည်ထိမှန်ဒဏ်ရာရရှိခဲ့ခြင်းဖြစ်ကြောင်းသိရသည်။ News Of Myanmar NOM

ဇန်နဝါရီလ ၂၄ ရက်နေ့၌ ငါးဇွန်မြို့နယ်၊ ဆပ်ပြာကျင်းကျေးရွာအုပ်စုတွင် လုံခြုံရေးတပ်ဖွဲ့ဝင်များ​၏ ချေမှုန်းသုတ်သင်ခြင်းခံလိုက်ရသည့် PDF အကြမ်းဖက်သမားများ News Of Myanmar NOM

ဗိုလ်ချုပ်ပြောတာ ရှင်းရှင်းလေး။ တစ်အချက် - ကျန်းမာရေးကောင်းတယ်။ နှစ်အချက် - ကျန်းမာရေးဝန်ကြီးဌာနနဲ့ စစ်ဘက်ဆိုင်ရာ ပါရဂူတွေ အနီးကပ်ကြည့်ရှုမှု ရှိတယ်။ သုံးအချက် - ဒေါ်အောင်ဆန်းစုကြည် တရားရင်ဆိုင်နေရတာက နိုင်ငံရေးအမှု မဟုတ်ဘူး။ လာဘ်ပေး လာဘ်ယူမှုတွေ ပါတဲ့ ရာဇဝတ်မှု ဖြစ်တယ်။ ဆိုတော့ ....ဒေါ်အောင်ဆန်းစုကြည် လွတ်မြောက်ရေး ဘာညာဆိုတာတွေ နားထားလိုက်တော့။ မီဒီယာတွေဖြစ်ဖြစ်၊ ပြင်ပ နိုင်ငံက ဖြစ်ဖြစ် ဒေါ်စု လွတ်မြောက်ရေး တောင်းဆိုလာလို့ အခန့်မသင့်ရင် ခင်ဗျားတို့နိုင်ငံရဲ့ တရားစီရင်ရေးစနစ်မှာ လာဘ်ပေး လာဘ်ယူလုပ်တဲ့ အမှုကို ကွင်းလုံးကျွတ် ပြန်လွှတ်ပေးတာ ရှိလားဆိုပြီး ပြန်ပြောခံရလိမ့်မယ်။ နိုင်းကျဉ်းအမှုနဲ့ ရာဇဝတ်အမှုက တူမှ မတူပဲကိုး။ မဟုတ်ဘူးလို့ ငြင်းရအောင်ကလည်း ရန်ကုန်တိုင်းဝန်ကြီးချုပ်ဟောင်းကလည်း သက်ရှိ ထင်ရှားပဲလေ။ မြန်မာနိုင်ငံမှာ ဒေါ်အောင်ဆန်းစုကြည်ရဲ့ နိုင်ငံရေး အခန်းကဏ္ဍက ပြီးသွားပြီလို့ ပြောလို့ရနိုင်လောက်ပါပြီ။ (နရီမိုး)

ဒေါ်အောင်ဆန်းစုကြည် ကျန်းမာရေးကောင်းမွန်ဟု ဗိုလ်ချုပ်ဇော်မင်းထွန်းပြောကြား "ဒေါ်အောင်ဆန်းစုကြည်ရဲ့ ကျန်းမာရေးအခြေအနေကောင်းမွန်ပါတယ်။ ကျန်းမာရေးဝန်ကြီးဌာနက ပါရဂူတွေရော တပ်မတော်(ဆေး)က ပါရဂူတွေရော ဝိုင်းဝန်းပြီး ကူညီစောင့် ရှောက်မှုပေးနေပါတယ်။ ဆေးစစ်မှုတွေလည်း အမြဲပြုလုပ်နေပါတယ်။ ဒေါ်အောင်ဆန်းစုကြည်ရဲ့ အမှုကတော့ နိုင်ငံရေးအမှုဆိုတာထက် လာဘ်ပေးလာဘ်ယူနဲ့ စွဲဆိုခံထားရတာမို ဒါတွေဟာ ရာဇဝတ်မှုနဲ့ပတ်သက်နေတာပဲဖြစ်ပါတယ်။ ဒါ့ကြောင့် တရားဥပဒေအတိုင်းဆက်ဖြစ်ပါလိမ့်မယ်"  ဗိုလ်ချုပ်ဇော်မင်းထွန်း (သတင်းထုတ်ပြန်ရေးအဖွဲခေါင်းဆောင်- အမျိုးသားကာကွယ်ရေးနှင့် လုံခြုံရေးကောင်စီ)

မှော်ဘီမြို့နယ်၊ ဆပ်သွားတောကျေးရွာအုပ်စုတွင် လင်မယားနှစ်ဦး စကားများရန်ဖြစ်ရာမှ ယောင်္ကျားက မိန်းမအား ဓါးမဖြင့်ခေါင်းဖြတ်သတ် NOM ဇန်နဝါရီ ၂၄၊ ၂၀၂၆ ရန်ကုန်တိုင်းဒေသကြီး၊ မှော်ဘီမြို့နယ်၊ ဆပ်သွားတောကျေးရွာအုပ်စု၊ ပေတရာမြောက်ပိုင်း၊ တော်ဝင်လမ်းရှိ အိမ်အမှတ်မရှိ နေအိမ်တစ်ခုတွင် ဇန်နဝါရီလ ၂၄ ရက်နေ့ နံနက် ၁၀ နာရီခွဲအချိန်၌ လင်မယားနှစ်ဦးစကားများရန်ဖြစ်ရာမှ လူသတ်မှုဖြစ်ပွားခဲ့ကြောင်းသတင်းအရ ရဲတပ်ဖွဲ့က အခင်းဖြစ်ရာသို့ သွားရောက်စစ်ဆေးခဲ့ရာ မဟေမာန်သူ (၃၄) နှစ်အား နေအိမ်ဘုရားစင်ရှေ့ကြမ်းပြင်ပေါ်တွင် မှောက်လျက်အနေအထားဖြင့် ဦးခေါင်းပြတ်ထွက်ဒဏ်ရာ၊ ဝဲဘက်လက်ချောင်းများပြတ်၊ ယာဘက်လက်ကောက်ဝတ်ပြတ်၊ ယာပုခုံးပြတ်ဒဏ်ရာများဖြင့် သေဆုံးနေသည်ကိုတွေ့ရှိခဲ့ပြီး မဟေမာန်သူအား ဓါးမဖြင့်ခုတ်သတ်ခဲ့သည့် ခင်ပွန်းဖြစ်သူ သူရဇော်ဇော် (၃၂) နှစ်၊ ကျပန်းလုပ်ကိုင်သူသည် ရန်ကုန်-ပြည်လမ်းပေါ်သို့ ထွက်ပြေးသွားကြောင်းသိရှိရသဖြင့် လိုက်လံဖမ်းဆီးခဲ့ရာ ပြစ်မှုကျူးလွန်သူအားဖမ်းဆီးရမိခဲ့ပြီး အမှုဖွင့်အရေးယူထားကြောင်းသိရသည်။ News Of Myanmar NOM

ရွာငံမြို့နယ်၊ လယ်ကိုင်းကျေးရွာနေ ရပ်ကွက်/ ကျေးရွာ စာရေးတစ်ဦး၊ ၎င်း​၏ခင်ပွန်း၊ ရပ်မိရပ်ဖတစ်ဦးနှင့် မြို့နယ်စစ်မှုထမ်းဟောင်းအဖွဲ့ဝင် တစ်ဦးတို့ကို PDF အကြမ်းဖက်အဖွဲ့က အကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွား NOM ဇန်နဝါရီ ၂၄၊ ၂၀၂၆ ရှမ်းပြည်နယ် (တောင်ပိုင်း)၊ ရွာငံမြို့နယ်၊ လယ်ကိုင်းကျေးရွာသို့ ဇန်နဝါရီလ ၂၂ ရက်နေ့ ည ၁၁ နာရီအချိန်၌ PDF အကြမ်းဖက်သမား ၁၀ ဦးခန့်ရောက်လာပြီး အဆိုပါကျေးရွာနေသူများဖြစ်ကြသည့် ရပ်ကွက်/ ကျေးရွာစာရေးဖြစ်သူ ဒေါ်စုဝေလှိုင် (၃၉) နှစ်နှင့် ၎င်း၏ခင်ပွန်းဖြစ်သူ ဦးမိုးကျော်သူ (၃၉) နှစ်၊ ရပ်မိရပ်ဖဖြစ်သူ ဦးစံရွှေမြင့် (၅၄) နှစ်၊ ရွာငံမြို့နယ်စစ်မှုထမ်းဟောင်းအဖွဲ့ဝင်ဖြစ်သူ ဦးဘခင်သန်း (၆၁) နှစ် တို့အားအကြမ်းဖက်ခြိမ်းခြောက်၍ ဖမ်းဆီးခေါ်ဆောင်သွားခဲ့ကြောင်းသိရသည်။ News Of Myanmar NOM

မင်းလှမြို့နယ်၊ ကန်တုတ်-စစ္စနို့လမ်းနှင့် ပြည်စိုးလမ်းဆုံတွင် ဆီဘောက်ဆာယာဉ်တစ်စီးကို PDF အကြမ်းဖက်အဖွဲ့က လက်နက်ငယ်များဖြင့် ပစ်ခတ်တိုက်ခိုက်ခတ်ခဲ့မှုကြောင့် ယာဉ်မောင်းနှင့် ယာဉ်အကူလူတို့ ကျည်ထိမှန်ဒဏ်ရာများရ NOM ဇန်နဝါရီ ၂၄၊ ၂၀၂၆ မကွေးတိုင်းဒေသကြီး၊ မင်းလှမြို့နယ်၊ အမှတ် (၆) ရပ်ကွက်နေ ကိုဖိုးလပြည့် (၂၃) နှစ်မောင်းနှင်ပြီး တစ်ရပ်ကွက်တည်းနေ ဦးသန့်ဇင် (၃၇) နှစ် အကူလိုက်ပါလာသည့် ၆ ဘီးဆီဘောက်ဆာယာဉ်သည် ဇန်နဝါရီလ ၂၃ ရက်နေ့ နံနက် ၅ နာရီ ၄၅ မိနစ်အချိန်၌ မင်းလှမြို့မှ ရေနံမကျေးရွာသို့ မောင်းနှင်ထွက်ခွာလာစဉ် မင်းလှမြို့နယ်၊ ကန်တုတ်-စစ္စနို့လမ်းနှင့် ပြည်စိုးလမ်းဆုံအရောက် PDF အကြမ်းဖက်အဖွဲ့ အင်အား (စိစစ်ဆဲ) က လက်နက်ငယ် များဖြင့် ပစ်ခတ်တိုက်ခိုက်ခဲ့မှုကြောင့် မော်တော်ယာဉ်တွင် ရှေ့လေကာမှန်နှင့် ယာဘက်ရှေ့ဘီးတို့ကျည်ထိမှန်ပျက်စီးခဲ့ပြီး ၎င်းတို့နှစ်ဦးတွင် ကျည်ထိမှန်ဒဏ်ရာများရရှိခဲ့၍ ဆေးကုသနိုင်ရေး ရေနံမတိုက်နယ်ဆေးရုံသို့ ပို့ဆောင်ထားရှိကြောင်းသိရသည်။ News Of Myanmar NOM

ဇန်နဝါရီလ၂၄ရက်နိုင်ငံတကာသတင်းတိုများ NOM ၁။အမေရိကန်၊ရုရှားနှင့်ယူကရိန်းတို့၏ငြိမ်းချမ်းရေးဆွေးနွေးပွဲကို ယူအေအီးနိုင်ငံအဘူဒါဘီမြို့တွင်ယနေ့စတင်ကျင်းပကြောင်းယူအေအီးနိုင်ငံခြားရေးဝန်ကြီး ကကြေညာသည်။ ၂။ဥရောပသမဂ္ဂသည်အီလွန်မတ်ခ်၏ X ဆိုရှယ်မီဒီယာနေရာတွင် W ဆိုရှယ်မီဒီယာဖြင့်အစားထိုးရန်လုပ်ဆောင်နေသည်။(ဓာတ်ပုံ) ၃။ဇန်နဝါရီလ၈ရက်နှင့်၉ရက်နေ့များတွင်အီရန်နိုင်ငံမြို့တော်တီဟီရန်၌ဆန္ဒပြသူများကိုပစ်ခတ်နှိမ်နှင်းသည့်ဗီဒီယိုသည်ဆိုရှယ်မီဒီယာပေါ်တွင်ထွက် ပေါိလာသည်။ ၄။အီရန်အစိုးရသည်ပြည်ပအထောက်အပံ့ဖြင့်ဆန္ဒပြပွဲများစီစဉ်သူတစ်ဦးဖြစ်သည့်အားကစားနည်းပြအလီရက်ဘာကိုယမန်နေ့ကကွပ်မျက်လိုက်သည်။(ဓာတ်ပုံ) ၅။FBI B၏အလိုအရှိဆုံးတရားခံစာရင်းတွင်ပါသည့်အိုလံပစ်ရေခဲပြင်စကိတ်စီးကနေဒါလက်ရွေးစင်ရိုင်ယန်ဂျိမ်းစ်ဝက်ဒင်းကိုယနေ့ဖမ်းမိသည်။သူသည်မူးယစ်ဂိုဏ်းများဖြင့်ပတ်သက်ပြီးလူသတ်မှု၊မူးယစ်မှုတို့ဖြင့်ဆုငွေထုတ်ခံထားရသူဖြစ်သည်။(ဓာတ််ပုံ)

ရွှေပြည်သာတံတားပေါ်တွင် အလုပ်​ကပြန်လာသူ အမျိုးသား တစ်ဦး ကားတိုက်ခံရပြီးသေဆုံး NOM၊ဇန်နဝါရီ၂၄၊၂၀၂၆ ရန်ကုန်တိုင်း အင်းစိန်မြို့နယ် ရွှေပြည်သာတံတားပေါ်တွင် ယမန်နေ့ (ဇန်နဝါရီ၂၃ရက်)ည၈နာရီခွဲခန့်က စက်ဘီးဖြင့်အလုပ်​ကပြန်လာသူ အမျိုးသားတစ်ဦးကို ရှေကားမှ တိုက်မိပြီးနောက်ကားမှထက်ကြိတ်မိရာ နေရာတွင်သေဆုံးခဲ့ကြောင်း ကနောင်လူမှုကူညီရေးအသင်းမှ တာဝန်ရှိသူတစ်ဦးကပြောသည်။ ဖြစ်စဉ်မှာ အသက်၃၀နှင့်၃၅ ကြားခန့်ရှိအမျိုးသားတစ်ဦးသည်အင်းစိန် ဘက်မှာလှိုင်သာယာဘက်သို့အလုပ်ကပြန်လာစဉ်ရွှေပြည်သာတံတားလှိုင်သာယာဘက် အဆင်တွင် နောက်မှပါလာသည့်ကားကတိုက်မိပြီးလွင့်ကျခဲ့ရာ နောက်မှပါလာ သည့်ကားကထက်ကြိတ်လိုက်သည့်အတွက်နေရာတွင်သေဆုံးသွား ကြောင်းသိရသည်။ "လက်ရှိတော့ကုန်ကားတစ်စီးနဲ့တွဲကားတစ်စီး တို့ကိုဖမ်းထားတော့တွေရတယ် ဒါပေမဲ့ဘယ်ကားကတိုက်ပြီးဘယ်ကားကကြိတ်တယ်ဆိုတာတော့ကျွန်တော်တိူ့လည်းအတိကျတော့မသိလိုက်ပါဘူး ကျန်တော် တို့ကသေဆုံးသူရဲ့ခန္ဓာကိုယ် အပိုင်းစများကို ကောက်ပြီး DB ကို လှိုင်သာယာဆေးရုံသို့ ကနောင်အသင်း ပို့ဆောင်ပေးခဲ့ပါတယ်" ဟုကနောင်လူမှုကူညီရေးအသင်းမှ တာဝန်ရှိသူတစ်ဦးကပြောသည်။

SSPP/SSA ဘာလဲ ၊ ဘယ်လဲ ဆိုတဲ့ မေးခွန်းတွေ မေးဖို့ လိုလာပြီ ထင်ပါတယ်။ NCA လည်း မထိုးဘူး။ ဒီကာလမှာ ဖမ်းမိသမျှ မူးယစ်ဆေးဝါးတိုင်းဟာ ဒီကပဲ အဓိက ထွက်တယ် ဆိုတဲ့ သဘော ‌သက်ရောက်နေတာ တွေ့ရတယ်။ ခိုင်သုခ ဘယ်လို ငြင်းငြင်း SSPP နဲ့ AA ကြားမှာ အချိတ်အဆက် ရှိပုံပဲ။ တစ်ခုရှိတာက မူးယစ်ဆေးဝါးချက်ဖို့ လိုအပ်တဲ့ ဓာတု ပစ္စည်းက တရုတ်က တင်သွင်းမှပဲ ရမယ်။ ဒါဆို တရုတ်ဘက်ကလည်း ထိန်းဖို့ မလိုဘူးလားပေါ့။ ပေါ့ပေါ့လေး တွေးလို့တော့ မရတော့ပါဘူး။ အနည်းဆုံးတော့ ဒေသခံ လူငယ်တွေ မူးယစ်ကျေးကျွန် ဖြစ်ပါတယ်။ ဒါက အနိမ့်ဆုံး အဆင့်ကို ပြောတာပါ။ နိုင်ငံတကာမှာ မူးယစ်ထုတ်တဲ့ နိုင်ငံ အဖြစ် နာမည်ကြီးတာတွေက နောက်မှပါ။ အခိုင်အမာ စခန်းတစ်ခုပါ သိမ်းဆည်း ရမိထားပြီဆိုတော့ တော်ရုံ ပတ်သက်မှု မဟုတ်တော့ ဘူး ထင်ပါတယ်။ မူးယစ်ဆေးဝါး လက်သည် တရားခံ SSPP/SSA ကို ဘယ်လို လုပ်မှာလဲ ၊ ဒါက အဓိက ပြဿနာ ဖြစ်လာပြီ ထင်ပါတယ်။ (နရီမိုး)

မူးယစ်ဆေးဝါးများနှင့် မူးယစ်ဆေးဝါးချက်လုပ်ရာတွင် အသုံးပြုသည့်ပစ္စည်းများ ပမာဏအများဆုံးသိမ်းဆည်းရမိမှုနှင့်ပတ်သက်၍ ပြည်ထောင်စုသမ္မတမြန်မာနိုင်ငံ‌တော်အစိုးရ၏ ဒုတိယအကြိမ်သတင်းစာရှင်းလင်းပွဲကျင်းပ နေပြည်တော်၊ ဇန်နဝါရီ - ၂၄

၁။ အရင် တပ်မတော် အုပ်ချုပ်တဲ့ ကာလမှာ လက်နက်ကိုင် အဖွဲ့တွေနဲ့ တပ်မတော်ကြား နားလည်မှုတွေ နဲ့ အပစ်အခတ် ရပ်ခဲ့ကြတာ ရှိတယ်။ ဥပမာ ငါတို့က ‌တပ်မတော် ဖြစ်လို့ နိုင်ငံရေးကိစ္စ မဆွေးနွေးဘူး။ အစိုးရ ပေါ်လာရင် အဲ့ခါကြမှ လိုချင်တာတွေ ဆွေးနွေးကြ။ ဒီကာလမှာတော့ အပစ်ရပ်ထားကြမယ်၊ ဒီကာလမှာတော့ ကိုယ့်ဒေသဖွံ့ဖြိုး‌ ရေးပဲ လလုပ်ကြ၊ ပြည်သူကို ဝန်ထုပ်ဝန်ပို မဖြစ်စေနဲ့၊ မူးယစ်ဆေးဝါး/ဘိန်းတွေ မစိုက်ကြနဲ့ စသဖြင့်ပေါ့လေ ညှိနှိုင်း သဘောတူခဲ့ကြတာ ရှိတယ်။ ၂။ ၂၀၀၈ ခြေဥ ပေါ်လာတဲ့အခါမှာ ပြဌာန်းချက်အရ လက်နက်ကိုင်တပ်ဖွဲ့က တပ်မတော် တခုတည်း ရှိရမယ် ဆိုတဲ့ အချက် ဖြစ်လာတဲ့အခါ ဒီပြဿနာကို ဖြေရှင်းဖို့ တချို့သော လက်နက်ကိုင်တွေကို BGF ဆိုတဲ့ အသွင်ပြောင်း ပုံစံ ဖွဲ့စည်းဖို့ ညှိနှိုင်းခဲ့ကြတယ်။ တကယ်တော့ BGF ဟာ တပ်မတော်ရဲ့ လက်ရုံး တပ်ဖွဲ့ဆိုပေမယ့် ဖွဲ့စည်းပုံမှာ ရေး/ထောက် နဲ့ စစ်သည်တချို့ တွဲဖက်ပေးတာကလွဲရင် ကျန်တဲ့အင်းအား၊ လစာ၊ စရိတ်တွေကအစ နိုင်ငံတော်က ‌တန်းပြည့် စစ်မှုထမ်း တပ်မတော်သား နည်းတူ ထောက်ပံ့ပေးခဲ့ရတာပါပဲ။ ဒါပေမယ့် တပ်မတော်နဲ့ တသားတည်း ဖြစ်ရတဲ့အခါ အတူယှဉ်တွဲ ပါလာတဲ့ ဥပဒေတွေကလည်း တသားတည်း လိုက်နာကြရတော့တာပေါ့။ အရင် လက်နက်ကိုင်ပြီး ဆက်ကြေးကောက်၊ စည်းမရှိ နေခဲ့ကြတဲ့ လက်နက်ကိုင်တွေက ဒီမှာ ပြဿနာလေးတွေ စတက်လာခဲ့ကြတော့တယ်။ ဒီတော့ ဒီလို ကန့်သတ်ထားတဲ့ BGF ပုံစံတော့ မနေဘူးဆိုပြီး အစိုးရကို ဆန့်ကျင်တဲ့သူတွေကလည်း ဆက်ပြီး ဆန့်ကျင်ပေါ့လေ။ ၃။ ခု KNA အဖြစ် ဘက်ပြောင်းသွားပြန်တဲ့ စောချစ်သူ ဦးဆောင်တဲ့ အဖွဲ့ကလည်း BGF အဖြစ်နဲ့ ဆယ်စုနှစ် တခုစာ နေလာခဲ့ပြီးကာကြမှ ခုမှ BGF ကနေ ခွဲထွက်ပါပြီ ဆိုပြီ လုပ်လာခဲ့တာ။ ဒီတော့ အစိုးရနဲ့ သဟဇာတ မဖြစ်ဘူး။ လက်နက်ကိုင် ပဋိပက္ခလည်း လက်ရှိမှာ မဖြစ်ဘူး ဆိုပေမယ့် အနည်းဆုံး တပ်ရင်း ၁၀ ရင်းလောက်ရှိမယ့် ဖွဲ့စည်းပုံ အင်အားပါ တပ်ဖွဲ့ဝင်တွေကို စောချစ်သူက ဘာနဲ့ ရေရှည် တင်ကျွေးထားမှာလဲဆိုတဲ့ မေးခွန်းကို ရှိလာခဲ့ပြီ။ ၄။ အရမ်းတွေးစရာ‌ေတာ့ လိုမယ်မထင်ပါဘူး။ တရားမဝင်ဆိုတဲ့ ခေါင်းစဉ်အောက်က လုပ်ငန်းစုတွေကိုပဲ ပြန်သွားနိုင်တာ‌ ပေါ့။ မဟုတ်လည်း ထိန်းချုပ်နယ်မြေ တခုအောက်က ပြည်သူတွေရဲ့ ဆက်ကြေးနဲ့ပေါ့လေ။ သေချာတာကတော့ စပါးစိုက်၊ ဒူးရင်းသီးခြံ စိုက်ပြီးတော့ ရှာကျွေးမယ် မထင်ပါဘူး။ ၅။ လက်နက်ကိုင် တပ်တစ်ခုဟာ နိုင်ငံရေး လိုလားချက်အရလည်း မဟုတ်ဘူး။ နိုင်ငံရေး လိုလားချက်လို့ ခေါင်းစဉ်တပ်ထားချိန်မှာတောင် ကိုးကန့် ၊ ပလောင်နဲ့ KIA တို့လို မူလရှိရင်းစွဲနေရာကနေ ကျူးကျော်ပြီး ထပ်တိုး နိုင်ငံရေး လောဘတွေအရ စစ်ပွဲတွေ ဖော်ဆောင်လာလို့ ခုချိန်ထိတောင် အပြီးသတ်အအခြေအနေမရောက်သေးတဲ့ အချိန်မှာ ရှိရင်း အစိုးရဖွဲ့စည်းပုံကနေ ခွဲထွက်ပြီး သီးခြား လက်နက်ကိုင်တပ်ဖွဲ့ နဲ့ လှုပ်ရှား နေထိုင်မယ် ဆိုတာကြီးက ဘယ်လို နားလည်လက်ခံပေးရမလဲတောင် မသိတော့ဘူး။ ၆။ ဖက်ဒရယ် နိုင်ငံရေး သီအိုရီအရတော့ နိုင်ငံရေး လိုလားချက် ရရင် ကိုယ်ပိုင်ပြဌာန်းခွင့်အတွက်လက်နက်ကိုင်ပြီး တောင်းဆိုနေရပါတယ်ဆိုတဲ့ တိုင်းရင်းသား အမည်ခံ လက်နက်ကိုင်အဖွဲ့တွေဟာ သေချာပေါက် အစိုးရဆီ လက်နက်အပ်ပေးရတာပါပဲ။ ဥပမာ ၂၀၀၅ မှာ လက်နက်အပ်ပေးခဲ့လို့ ၂၀၀၈ ခြေဥမှာ ပလောင်က ကိုယ်ပိုင်အုပ်ချုပ်ခွင့်ရဒေသ ဆိုပြီး ပါလာခဲ့တာပဲ မဟုတ်ဘူးလားပေါ့။ ခုက ကိုယ်ပိုင်အုပ်ချုပ်ခွင့်ရလည်း ယူမယ်။ လက်နက်လည်း မစွန့်ဘူး။ တပ်မတော် အင်အားနည်းနေပြီလို့ ယူဆရင် မဟာမိတ်ဖွဲ့ပြီး ဆွမ်းကြီးကလည်း လောင်းချင်ကြသေးတာ ဆိုတော့။ တစ်ခါ ခု.... စောချစ်သူလိုမျိုး ဝက်မစား၊ အမဲ မစားတွေ ရှိနေသေးရင် ..... ဒီနိုင်ငံမှာ လက်နက်ကိုင် ပဋိပက္ခ က နောက် မျိုးဆက် (၁၀) ဆက် လာလည်း ဒီပုံစံအတိုင်း ဆက်သွားကြမယ် ဆိုရင်ဖြင့် ငြိမ်းချမ်းရေး ရနိုင်မယ်လို့ ယူဆလို့ ရနိုင်ပါဦးမလားဆိုတဲ့ စိန်ခေါ်ချက်ကတော့ ဆက်‌ရှိနေသေးတယ်ဆိုတာ ငြင်းချက်ထုတ်နိုင်မယ် မထင်ဘူး။ (နရီမိုး)

အမေရိကန်နဲ့ အနောက်နိုင်ငံတွေက ကျောထောက်နောက်ခံပေးထားပြီး အာဆတ်နောက်ပိုင်း ဆီးရီးယားကိုအုပ်ချုပ်နေတဲ့ HTS အစိုးရတပ်ဖွဲ့တွေထဲက အစွန်းရောက်အုပ်စုတွေက ကာ့ဒ်လူမျိုးတွေအပေါ် စစ်ရာဇဝတ်မှု ကျူးလွန်နေတာကို ဒီအထောက်အထားတွေက ပြသနေပါတယ်။ ကာ့ဒ်တိုက်ခိုက်ရေးသမားတွေကိုသာမက အရှေ့မြောက်ပိုင်းက အရပ်သားတွေအပေါ် ရက်စက်ကြမ်းကြုတ်တဲ့ စစ်ရာဇဝတ်မှုတွေကို ကျူးလွန်နေတာတွေ ပြသထားတဲ့ ဗီဒီယိုတွေနဲ့ စာရွက်စာတမ်းအများအပြား ထွက်ပေါ်လာခဲ့ရာမှာ လယ်ကွင်းအတွင်း ကွပ်မျက်တာ၊ ခန္ဓာကိုယ်တွေက ကိုယ်လက်အင်္ဂါတွေကို ဖြတ်တောက်တာ၊ လေးစားမှုကင်းမဲ့စွာနဲ့ လုပ်ဆောင်တာ၊ လူမျိုးရေးအရ ပစ်မှတ်ထားသတ်ဖြတ်တာတွေ ပါဝင်နေခဲ့ပါတယ်။ ဆီးရီးယားလူ့အခွင့်အရေးစောင့်ကြည့်ရေးအဖွဲ့ကလည်း HTS အစိုးရတပ်ဖွဲ့တွေဟာ လက်နက်ချခဲ့တဲ့ တိုက်ခိုက်ရေးသမားအများစုပါဝင်တဲ့ ကာ့ဒ်လူမျိုး ထိန်းသိမ်းခံထားရသူတွေကို ကွပ်မျက်မှုတွေနဲ့ ပြင်းထန်တဲ့ အလွဲသုံးစားပြုနေတာတွေကို အထောက်အထားတွေ ရရှိထားတယ်လို့ ပြောဆိုခဲ့ပါတယ်။ ဆီးရီးယားမှာ လူမျိုးရေးခွဲခြားမှုနဲ့ လူမျိုးရေးဆိုင်ရာ ချိုးဖောက်မှုတွေလည်း တိုးပွားလာနေတယ်လို့ ဆိုပါတယ်။ NOM

မူးယစ်ဆေးဝါးနှင့် မူးယစ်ဆေးဝါးချက်လုပ်ရာတွင် အသုံးပြုသည့်ပစ္စည်းများ ပမာဏအများဆုံးသိမ်းဆည်းရမိမှုနှင့် ပတ်သက်၍ ပြည်ထောင်စုသမ္မတမြန်မာနိုင်ငံတော်အစိုးရ၏ ဒုတိယအကြိမ်သတင်းစာရှင်းလင်းပွဲကျင်းပ။ ရန်ကုန် ၊ ဇန်နဝါရီလ -၂၄ ရက်။

သောင်းကျန်းသူတွေ သယံဇာတ တူးဖော်ခဲ့တဲ့ မိုးကုတ် ဂေါက်ကွင်း(ရုပ်သံ) #AungMoeKyaw