News Of Myanmar

နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးအတွက် စစ်ဆင်ရေး တာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သား များအား သောင်းသောင်းဖြဖြ ဂုဏ်ပြုကြိုဆို ဧပြီ ၁၀၊ ၂၀၂၆ NOM

ပြည်ထောင်စုသမ္မတ မြန်မာနိုင်ငံတော်‌ သမ္မတ ဦးမင်းအောင်လှိုင် ထံ  ရုရှားဖက်ဒရေးရှင်းနိုင်ငံ၊ ဒူးမားလွှတ်တော် ဒုတိယဥက္ကဋ္ဌ ဦးဆောင်သည့် ကိုယ်စားလှယ်အဖွဲ့က လာရောက်ဂါရဝပြုတွေ့ဆုံ ဧပြီ ၁၀၊ ၂၀၂၆ NOM

ပြည်ထောင်စုသမ္မတ မြန်မာနိုင်ငံတော်‌ သမ္မတ ဦးမင်းအောင်လှိုင် ထံ လာအိုပြည်သူ့ဒီမိုကရက်တစ်သမ္မတနိုင်ငံနှင့် ဗီယက်နမ်နိုင်ငံတို့မှ ကိုယ်စားလှယ်အဖွဲ့တို့က လာရောက်ဂါရဝပြုတွေ့ဆုံ ဧပြီ ၁၀၊ ၂၀၂၆ NOM

အီတလီကလက်ဘနွန်နှင့်တစ်သားတည်းရှိကြောင်းပြော NOM အီတလီနိုင်ငံခြားရေးဝန်ကြီး အန်တိုနီယို တာဂျာနီက လက်ဘနွန်သမ္မတ ဂျိုးဇက်ဖ် အာအွန်နှင့် ဖုန်းဆက်ပြီး အစ္စရေး၏ “တရားမျှတမှုမရှိသော၊ လက်မခံနိုင်သော တိုက်ခိုက်မှုများ” အတွက် လက်ဘနွန်နှင့်တစ်သားတည်းစည်းလုံးညီညွတ်မှုရှိကြောင်းပြောကြားခဲ့သည်။

ပြည်ထောင်စုသမ္မတ မြန်မာနိုင်ငံတော်‌ သမ္မတ ဦးမင်းအောင်လှိုင် ထံ နီကာရာဂွာသမ္မတနိုင်ငံ၊ နိုင်ငံခြားရေးဝန်ကြီး ဦးဆောင်သည့် ကိုယ်စားလှယ်အဖွဲ့က လာရောက်ဂါရဝပြုတွေ့ဆုံ ဧပြီ ၁၀၊ ၂၀၂၆ NOM

စပိန်ဝန်ကြီးချုပ်ကလူ့အသက်များစွာကိုသတ်နေသောအစ္စရေးကိုပြင်းထန်စွာဝေဖန် NOM စပိန်ဝန်ကြီးချုပ် ပက်ဒရို ဆန်းချက်ဇ်က နေတန်ယာဟု၏အသက်များနှင့်နိုင်ငံတကာဥပဒေကို မထီမဲ့မြင်ပြုမှုနေခြင်းအတွက်သည်းမခံနိုင်ဟု လက်ဘနွန်ကိုတိုက်ခိုက်မှုများနှင့်ပတ်သက်ပြီး ပြောကြားခဲ့သည်။ “ရှင်းရှင်းလင်းလင်း ပြောဆိုရမယ့် အချိန်ရောက်ပါပြီ- လက်ဘနွန်နိုင်ငံဟာ အပစ်အခတ်ရပ်စဲရေးမှာ ပါဝင်ရမယ်။ နိုင်ငံတကာ အသိုင်းအဝိုင်းက ဒီနိုင်ငံတကာဥပဒေကို ချိုးဖောက်မှုအသစ်ကို ရှုတ်ချရမယ်။ ဥရောပသမဂ္ဂဟာ အစ္စရေးနဲ့ သဘောတူညီချက်ကို ရပ်ဆိုင်းရမယ်။ ဒီရာဇဝတ်မှုတွေအတွက် ပြစ်ဒဏ်ကင်းလွတ်ခွင့် မရှိရဘူး” ဟုဆန်းချက်ဇ်က ဆိူရှယ်မီဒီယာ X တွင်ရေးသားထားငည်။

ပြည်ထောင်စုသမ္မတ မြန်မာနိုင်ငံတော်‌သမ္မတ ဦးမင်းအောင်လှိုင် ထံ ထိုင်းနိုင်ငံ ယခင်ဒုတိယဝန်ကြီးချုပ်နှင့် နိုင်ငံခြားရေးဝန်ကြီး ဦးဆောင်သည့် ကိုယ်စားလှယ်အဖွဲ့က လာရောက်ဂါရဝပြုတွေ့ဆုံ ဧပြီ ၁၀၊ ၂၀၂၆ NOM

ပြည်ထောင်စုသမ္မတမြန်မာနိုင်ငံတော်သမ္မတ ဦးမင်းအောင်လှိုင် ထံ  ကမ္ဘောဒီးယားနိုင်ငံအစိုးရ၏ အာဆီယံဆိုင်ရာအထူးကိုယ်စားလှယ်နှင့် ဘုရင့်အတိုင်ပင်ခံကောင်စီအဖွဲ့ဝင် ဦးဆောင်သည့် ကိုယ်စားလှယ်အဖွဲ့က လာရောက်ဂါရဝပြုတွေ့ဆုံ ဧပြီ ၁၀၊ ၂၀၂၆ NOM

ပြည်ထောင်စုသမ္မတမြန်မာနိုင်ငံတော်သမ္မတ ဦးမင်းအောင်လှိုင် အိန္ဒိယနိုင်ငံ ပြည်ပရေးရာဝန်ကြီးဌာန၊ ဒုတိယဝန်ကြီး H.E.Mr.Kirti Vardhan Singh အား လက်ခံတွေ့ဆုံ ဧပြီ ၁၀၊ ၂၀၂၆ NOM

ပြည်ထောင်စုသမ္မတ မြန်မာနိုင်ငံတော်‌ သမ္မတ ဦးမင်းအောင်လှိုင် ထံ ဘယ်လာရုစ်နိုင်ငံ၊ အောက်လွှတ်တော်ဥက္ကဋ္ဌ ဦးဆောင်သည့် ကိုယ်စားလှယ်အဖွဲ့က လာရောက်ဂါရဝပြုတွေ့ဆုံ ဧပြီ ၁၀၊ ၂၀၂၆ NOM

ပြည်ထောင်စုသမ္မတမြန်မာနိုင်ငံတော်‌ သမ္မတ ဦးမင်းအောင်လှိုင် ထံ တရုတ်ပြည်သူ့သမ္မတနိုင်ငံ သမ္မတ မစ္စတာရှီကျင့်ဖျင်၏ အထူးကိုယ်စားလှယ်၊ တရုတ်ပြည်သူ့နိုင်ငံရေးအတိုင်ပင်ခံကွန်ဖရင့်၏ ဒုတိယဥက္ကဋ္ဌ ဦးဆောင်သည့် ကိုယ်စားလှယ်အဖွဲ့အား လက်ခံတွေ့ဆုံ ဧပြီ ၁၀၊ ၂၀၂၆ NOM

တောင်ကိုရီးယားကိုယ်စားလှယ်နှင့် ကာတာဘဏ် အမှုဆောင်များသည် ကာတာဘဏ်များတွင် ထိန်းချုပ်ထားသည့် ဒေါ်လာ ၇ ဘီလီယံတန်ဖိုးရှိ အီရန်ပိုင်ငွေကြေးများကို ပြန်လည်ထုတ်ပေးနိုင်ရန် နောက်ကွယ်တွင် အသည်းအသန် ကြိုးပမ်းနေကြသည်။ အဆိုပါ ရန်ပုံငွေများသည် အမေရိကန်၏ ဘဏ္ဍာရေးဆိုင်ရာ ပိတ်ဆို့အရေးယူမှုများကြောင့် ထိန်းချုပ် ခံထားရခြင်းဖြစ်ပြီး အီရန်နိုင်ငံက ထိုငွေများကို ချက်ချင်းပြန်လည်ထုတ်ပေးရန် တောင်းဆိုထားသည်။ NOM

စပိန်ကိုနေတန်ယာဟုကဒေါသတကြီးတုန့်ပြန် NOM အစ္စရေးခေါင်းဆောင်များနှင့်အစ္စရေးစစ်တပ်ကိုရက်စက်ကြမ်းကြုတ်သူများဟုစပိန်ကခေါ်ဝေါ်သည့်အပေါ်အစ္စရေးဝန်ကြီးချုပ်နေတန်ယာဟုကဆတ်ဆတ်ခါနာပြီးသံတမန်ရေးအရဤသို့သောပြောဆိုတိုက်ခိုက်မှုကိုလက်မခံနိုင်ဟုပြောလိုက်သည်။

လူနာတင်ကါးကိုအစ္စရေးကတိုက်ခိုက်သဖြင့်ကျန်းမာရေးဝန်ထမ်းများသေဆုံး NOM လက်ဘနွန်တောင်ပိုင်းတွင် ဇီယွန်ဝါဒီနယ်ချဲ့အစ္စရေးကလူနာတင်ကါးကိုပစ်မှတ်ထားတိုက်ခိုက်ခဲ့သဖြင့်ကါးပေါ်တွင်လိုက်ပါလာသောကျန်းမာရေးဝန်ထမ်းအားလုံးသေဆုံးခဲ့သည်။စစ်သွေးကြွအစ္စရေးစစ်တပ်သည်ဂါဇာ၊အီရန်နှင့်လက်ဘနွန်တွင်စာသင်ကျောင်းများ၊ဆေးရုံများ၊ကြက်ခြေနီရုံးများနှင့်ကလေးများအမျိုးသမီးများ၊ဂျာနယ်လစ်များကိုရည်ရွယ်ချက်ရှိရှိသတ်ဖြတ်လျက်ရှိသည်။

ပြည်ထောင်စုနယ်မြေ၊ နေပြည်တော်၊ စစ်ကိုင်းတိုင်းဒေသကြီးနှင့် မွန်ပြည်နယ်တို့ရှိ မြို့နယ်အချို့၌ လိုင်စင်မဲ့ မော်တော်ယာဉ်များ ဖမ်းဆီးအရေးယူ ၂၀၂၆ ခုနှစ်၊ ဧပြီ ၇ ရက်က ပြည်ထောင်စုနယ်မြေ၊နေပြည်တော်၊ စစ်ကိုင်းတိုင်းဒေသကြီးနှင့် မွန်ပြည်နယ်တို့ရှိမြို့နယ်အချို့၌ လိုင်စင်မဲ့မော်တော်ယာဉ်များ ဖမ်းဆီးအရေးယူထားကြောင်း သိရသည်။ ဖြစ်စဉ်မှာ ဧပြီ ၇ ရက် မွန်းလွဲ ၃ နာရီတွင် ပြည်ထောင်စုနယ်မြေ၊ နေပြည်တော်၊ တပ်ကုန်း မြို့နယ်၊ သာသနာ့ဗိမာန်ရှေ့၌ အမှတ် (၈) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင် များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် သာသနာ့ဗိမာန်မှ ရှောင်ဟိုးလမ်းဘက်သို့ တပ်ကုန်းမြို့နယ်၊ သပြေကုန်းကျေးရွာနေ စိုးကိုကိုဝင်း (၃၂) နှစ် မောင်းနှင်လာသည့် MDY-18/ 2M-XXXX HONDA FIT မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့် ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် စိုးကိုကိုဝင်း အား တပ်ကုန်းမြို့မရဲစခန်း(ပ)၃၃/၂၀၂၆၊ ပို့ကုန် သွင်းကုန်ဥပဒေပုဒ်မ ၈ ဖြင့် လည်းကောင်း။ အလားတူ နံနက် ၁၁ နာရီ ၃၀ မိနစ်တွင် စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ တကောင်းရပ်ကွက်ရှိ ရတနာပုံတံတားပူးပေါင်းစစ်ဆေးရေးဂိတ်၌ အမှတ် (၁၀၆) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင် များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် မန္တလေး-မုံရွာကားလမ်းအတိုင်း အရှေ့မှအနောက်သို့ ကချင်ပြည်နယ်၊ ရှင်ဗွေယန်မြို့နေ ထွန်းအောင်ကျော် (၃၇) နှစ် မောင်းနှင်လာသည့် YGN-31/6H-XXXX PROBOX မော်တော်ယာဉ်အား ရပ်တန့်စစ်ဆေးခဲ့ရာ မော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ထွန်းအောင်ကျော် အား စစ်ကိုင်း မြို့မရဲစခန်း (ပ)၁၁၈/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။ အလားတူ မွန်းလွဲ ၃ နာရီ ၁၅ မိနစ်တွင် စစ်ကိုင်းတိုင်းဒေသကြီး၊ ရွှေဘိုမြို့နယ်၊ နမော ကျေးရွာလမ်းခွဲအနီး၌ အမှတ် (၁၁၆) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် နမောကျေးရွာလမ်းအတိုင်း အရှေ့မှအနောက်သို့ ရွှေဘိုမြို့နယ်၊ အမှတ် (၁၀) ရပ်ကွက်နေ ထွန်းနိုင်ဝင်း (၄၁) နှစ် မောင်းနှင်လာသည့် MDY-14/1I-XXXX OUTLANDER မော်တော်ယာဉ်အား ရပ်တန့်စစ်ဆေးခဲ့ရာ မော်တော်ယာဉ်နှင့်ပတ်သက်သည့်အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့မော်တော်ယာဉ်ဖြစ်ကြောင်း စစ်ဆေး တွေ့ရှိရသဖြင့် ထွန်းနိုင်ဝင်း အား ရွှေဘိုမြို့မရဲစခန်း (ပ)၆၃/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။ ထို့အတူ နံနက် ၁၁ နာရီ ၄၅ မိနစ်အချိန်တွင် မွန်ပြည်နယ်၊ ဘီးလင်းမြို့နယ်၊ ဘီးလင်းမြို့မ ရဲစခန်းမှ တပ်ဖွဲ့ဝင်များသည် နယ်မြေလှည့်ကင်း ဆောင်ရွက်နေစဉ် ဘီးလင်း-နတ်ကြီးကားလမ်းအတိုင်း ကဇိုင်းကျေးရွာမှ ဘန့်ဘွေးကုန်းကျေးရွာသို့ ကရင်ပြည်နယ်၊ မြဝတီမြို့နယ်၊ အမှတ် (၄) ရပ်ကွက်နေ ဝင်းသန်းဦး (၃၂) နှစ် မောင်းနှင်လာသည့် KYN-7/7H-XXXXNISSAN X-TRAIL မော်တော်ယာဉ်အား ရပ်တန့်စစ်ဆေးခဲ့ရာ မော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်း မရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ဝင်းသန်းဦး အား ဘီးလင်း မြို့မရဲစခန်း (ပ)၁၀၄/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း အသီးသီး အမှုဖွင့် အရေးယူထားကြောင်းသတင်းရရှိသည်။

အီရန်စစ်ပွဲကြောင့်ဥရောပသမဂ္ဂသည်ရုရှားဓာတ်ငွေ့ကိုပိုမိုဝယ်ယူနေရ NOM အရှေ့အလယ်ပိုင်းပဋိပက္ခ၏အကျိုးဆက်များကြောင့် EU သည် ရုရှားဓာတ်ငွေ့ဝယ်ယူမှုကို ၁၇% တိုးမြှင့်လိုက်သည် ၂၀၂၆ ခုနှစ်၏ ပထမသုံးလအတွင်း ဥရောပသမဂ္ဂသည် Yamal LNG စီမံကိန်းမှ ယူရို ၂.၈၈ ဘီလီယံ (ရူဘယ် ၂၆၁.၇ ဘီလီယံခန့်) တန်ဖိုးရှိ ဓာတ်ငွေ့တန်ချိန် ၅ သန်းကို တင်သွင်းခဲ့ကြောင်း Financial Times သတင်းစာက ရေးသားသည်။ ထိုအနက် မတ်လတစ်လတည်းတွင် တန်ချိန် ၁.၈ သန်းကို ဝယ်ယူခဲ့ပြီး ဇန်နဝါရီလ သို့မဟုတ် ဖေဖော်ဝါရီလထက် ပိုများသည်။

နိုင်ငံတော်သမ္မတ ဦးမင်းအောင်လှိုင်နှင့် ဒုတိယသမ္မတများ ကတိသစ္စာပြုပွဲသို့ တပ်မတော်ကာကွယ်ရေး ဦးစီးချုပ် ဗိုလ်ချုပ်ကြီးရဲ၀င်းဦးနှင့် ဒုတိယတပ်မတော်ကာကွယ်ရေး ဦးစီးချုပ်ဗိုလ်ချုပ်ကြီး ကျော်စွာလင်းတို့ တက်ရောက်။ ဧပြီ ၁၀၊ ၂၀၂၆

အစ္စရေးဝန်ကြီးချုပ်နေတန်ယာဟုသည်အမေရိကန်သမ္မတလေးဦးအားအီရန်ကိုတိုက်ရန်တောင်းဆိုခဲ့ NOM အမေရိကန်နိုင်ငံခြားရေးဝန်ကြီးဟောင်းဂျွန်တယ်ရီက "နေတန်ယာဟုက ကျွန်တော်တို့ကို အီရန်ကို တိုက်ခိုက်စေချင်ခဲ့တယ်။ သူက သမ္မတ အိုဘားမားဆီ လာခဲ့တယ်။ တိုက်ခိုက်ဖို့ တောင်းဆိုဖို့ တင်ပြချက်တစ်ခု လုပ်ခဲ့တယ်။ သမ္မတ အိုဘားမားက ငြင်းဆန်ခဲ့တယ်။ သမ္မတ ဘိုင်ဒန်က ငြင်းဆန်ခဲ့တယ်။ သမ္မတ ဘုရှ်က ငြင်းဆန်ခဲ့တယ်။ ဒါကို သဘောတူတဲ့ တစ်ဦးတည်းသော သမ္မတက သမ္မတ ထရမ့်ပဲဆိုတာ ထင်ရှားပါတယ်။ကျွန်တော်တို့အလွန်အန္တရာယ်များတဲ့အခြေအနေရောက်နေပြီ" - ဟုMSရုပ်သံနှင့်အင်တာဗျူးတွင်ပြောကြားခဲ့သည်။

ဧရာဝတီတိုင်းဒေသကြီး မအူပင်မြိုရှိ မအူပင် (တောင်) ရေနံနှင့်သဘာဝဓာတ်ငွေ့မြေတွင်သဲကြောများအား သုတေသနပြုဆန်းစစ်ပြီး ဖောက်ယူရာ သဘာဝဓာတ်ငွေ့များ တိုးတက်ထွက်ရှိ ဧပြီ ၉၊ ၂၀၂၆ စွမ်းအင်ဝန်ကြီးဌာနသည် နိုင်ငံတော်၏စွမ်းအင်လုံခြုံရေး၊ နိုင်ငံတော်၏စီးပွားရေးကဏ္ဍတွင် စွမ်းအင်အသုံးပြုခြင်းအား အကျိုးရှိထိရောက်စွာ စီမံခန့်ခွဲနိုင်ရေး၊ စွမ်းအင်ဆိုင်ရာ အခြေခံအဆောက်အအုံများ ဖွံ့ဖြိုးတိုးတက်လာစေရေး ရေတို/ ရေရှည် အစီအမံများချမှတ်ပြီး ဆောင်ရွက်လျက်ရှိရာ စွမ်းအင်ဝန်ကြီးဌာန ဒုတိယဝန်ကြီး ဦးကျော်နိုင်ဝင်းသည် ဌာနဆိုင်ရာတာဝန်ရှိသူများနှင့်အတူ ယနေ့တွင် မအူပင် (တောင်) ရေနံနှင့်သဘာဝဓာတ်ငွေ့မြေသို့ သွားရောက်ကြည့်ရှု အားပေးသည်။ ဦးစွာ ဒုတိယဝန်ကြီးနှင့်အဖွဲ့သည် မအူပင် (တောင်) ရေနံနှင့်သဘာဝဓာတ်ငွေ့မြေရှိ တွင်းအမှတ် ၁၆၊ ၁၈၊ ၂၀ တို့သို့ သွားရောက်ကြည့်ရှုအားပေးရာ မြန်မာ့ရေနံနှင့်သဘာဝဓာတ်ငွေ့လုပ်ငန်း၊ ဦးဆောင်ညွှန်ကြားရေးမှူးက ရေနံတွင်းများမှ အလွှာလိုက်ဖြစ်နေသော သဘာဝဓာတ်ငွေ့ခိုအောင်းနေသည့် သဲကြောများအား သုတေသနပြုဆန်းစစ်ပြီး ဖောက်ယူခဲ့ရာ လေဆီနှင့်သဘာဝဓာတ်ငွေ့များ တိုးတက်ထွက်ရှိလာမှုအခြေအနေများ၊ ဆက်လက်ဆောင်ရွက်သွားမည့် လုပ်ငန်းအစီအမံများကို ရှင်းလင်းတင်ပြသည်။ တင်ပြမှုများအပေါ် ဒုတိယဝန်ကြီးက ပြည်တွင်းရှိ ရေနံနှင့်သဘာဝဓာတ်ငွေ့မြေများမှ ရေနံနှင့်သဘာဝဓာတ်ငွေ့များ ပိုမိုတိုးတက်ထုတ်လုပ်နိုင်ရေး ခေတ်မီနည်းပညာများအသုံးပြုပြီး လုပ်ဆောင်ကြရန်လိုပါကြောင်း၊ ကုန်းတွင်းရေနံမြေများမှ ရေနံနှင့်သဘာဝဓာတ်ငွေ့တိုးတက်ထုတ်လုပ်နိုင်ရေး ကြိုးပမ်းဆောင်ရွက်လျက်ရှိရာ ဧရာဝတီတိုင်းဒေသကြီး မအူပင် (တောင်) ရေနံနှင့်သဘာဝဓာတ်ငွေ့မြေရှိ တွင်းအမှတ် ၁၈ မှ သဲကြောများကို ဖေဖော်ဝါရီ ၂၆ ရက်တွင် ဖောက်ယူရာမှ တစ်ရက်လျှင် သဘာဝဓာတ်ငွေ့ ကုဗပေ ၁ ဒသမ ၆ သန်းနှင့် လေဆီ ၈ စည်ကိုလည်းကောင်း၊ တွင်းအမှတ် ၂၀ ကို မတ် ၁၅ ရက်တွင် ဖောက်ယူရာမှ တစ်ရက်လျှင် သဘာဝဓာတ်ငွေ့ ကုဗပေ ၁ ဒသမ ၅ သန်းနှင့် လေဆီ ၇ စည်ကိုလည်းကောင်း၊ တွင်းအမှတ် ၁၆ ကို ဧပြီ ၃ ရက်တွင် ဖောက်ယူရာမှ တစ်ရက်လျှင် သဘာဝဓာတ်ငွေ့ကုဗပေ ၁ ဒသမ ၆ သန်းနှင့် လေဆီ ၈ စည်ကိုလည်းကောင်း တိုးတက်ထုတ်လုပ်နိုင်ခဲ့သည့်အတွက် ပါဝင်ဆောင်ရွက်ပေးခဲ့ကြသည့် သက်ဆိုင်ရာဝန်ထမ်းများကို ကျေးဇူးတင်ဂုဏ်ပြုကြောင်း ပြောကြားသည်။ ဆက်လက်၍ မြန်မာနိုင်ငံအတွင်းရှိ ရေနံနှင့် သဘာဝဓာတ်ငွေ့များ ထုတ်ယူရရှိနေသည့် ကုန်းတွင်းရေနံမြေများအနက် မအူပင် (တောင်)ဒေသမှထွက်ရှိသည့် သဘာဝဓာတ်ငွေ့များသည် C3 (ပရိုပိန်း) ၊C4 (ဗျူတိန်း) ပါဝင်မှုများပြားရာ မီးဖိုချောင်သုံးရေနံဓာတ်ငွေ့ရည် (LPG) နှင့် Naphtha ဓာတ်ဆီတို့ကို ပထမအဆင့်အနေဖြင့် ထုတ်ယူနိုင်ပါကြောင်း၊ မီးဖိုချောင်သုံးရေနံဓာတ်ငွေ့ရည် (LPG) နှင့် Naphtha ဓာတ်ဆီထုတ်ယူထားပြီးသော ဓာတ်ငွေ့များကို ဒုတိယအဆင့်အနေဖြင့် ဓာတ်မြေဩဇာစက်ရုံများ၊ စက်ရုံအလုပ်ရုံများနှင့် မော်တော်ယာဉ်သုံး သဘာဝဓာတ်ငွေ့အရောင်းဆိုင်များသို့ ဆက်လက်ဖြန့်ဖြူးပေးနိုင်သည့်အတွက် လွန်စွာတန်ဖိုးရှိသော သဘာဝဓာတ်ငွေ့ဖြစ်ကြောင်းပြောကြားပြီး ဂုဏ်ပြုဆုငွေနှင့်လက်ဆောင်ပစ္စည်းများကို ပေးအပ်သည်။ လက်ရှိ တိုးတက်ထွက်ရှိလာသည့် သဘာဝဓာတ်ငွေ့များသည် မြန်မာပြည်အောက်ပိုင်းဒေသရှိ သဘာဝဓာတ်ငွေ့သုံးစွဲမှုကဏ္ဍတွင် များစွာအထောက်အကူပြုမည်ဖြစ်ပြီး ရန်ကုန်မြို့ရှိ သဘာဝဓာတ်ငွေ့သုံးမော်တော်ယာဉ်များအတွက် သဘာဝဓာတ်ငွေ့များကို ပိုမိုဖြန့်ဖြူးပေးနိုင်မည်ဖြစ်ရာ လတ်တလောဖြစ်ပေါ်နေသည့် စက်သုံးဆီအကျပ်အတည်းကို အထိုက်အလျောက်လျော့နည်းသက်သာစေမည်ဖြစ်ပြီး ကုန်းတွင်းရေနံမြေအသစ် ထပ်မံရှာဖွေမှုအနေဖြင့် ဆိုက်စမစ် တိုင်းတာမှုများဆောင်ရွက်လျက်ရှိပြီး အစမ်းတွင်းများတူးဖော်နိုင်ရေးကိုလည်း စွမ်းအင်ဝန်ကြီးဌာနအနေဖြင့် စီမံဆောင်ရွက်သွားမည်ဖြစ်ကြောင်း သိရသည်။ NOM

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ ဦးမင်းအောင်လှိုင် - ပြည်ထောင်စုလွှတ်တော် ပထမပုံမှန်အစည်းအဝေးတွင် ပြောကြားသည့်  မိန့်ခွန်း